ياديرةٍ ضمّت كل الأحباب

Part 8

..........••..........
الرياض
في شوارع الديره
ابتسم مساعد من شاف ابو هادي اشر له وقرب وهو يسلم عليه ؛ ارحبب يا حاتم يالله حيه
ابو هادي ابتسم وهو يحضنه ؛ البقى يامساعد الله يحييك
مساعد بضحكه ؛ والله وانا اقول اليوم الديره جوها حلو طلعت متزينه بجيتك
ابو هادي رفع حواجبه بضحكه ؛ وانا احسب ان دوم جوها كذا بس دامها بجيتي صدقت
ضحك مساعد ؛ جوها بيصير كذا دامك فيها
ابتسم ابو هادي ؛ تسلم يامساعد ، ها نروح نشوف العماره والمحل ؟
مساعد ؛ لا تستعجل كلمت راعي العماره وراعين المحلات وكلهم بيجون العصر وتشوفهم
ابو هادي بضحك ؛ والله ودي اشوفهم الحين لكن مايخالف ننتظر للعصر ومنها اريّح من الطريق ماسك خط 8 ساعات يارجال
ضحك مساعد ؛ اجل تعال معي للبيت تريّح وتت..
قاطعه ابو هادي ؛ لا والله برو... رفع كفه مساعد بمقاطعه وقال بهدوء ؛ والله ماتردني ان تمشي معي الحين ، الغداء ينتظرك وبتريح عندي ... ماني غريب ولا انا غلطان؟
ضحك ابو هادي ؛ لاوالله منت بغريب ومنت بس خويي الا بحسبة اخوي لاكن ماودي اكلف عليك
ابتسم مساعد ؛ اجل ماتردني ياحاتم دامك تعتبرني اخوك ولا فيها كلافه افا عليك بس
ابو هادي ابتسم بأمتنان ؛ ابد والله ماتنرد يامساعد ولا تقصر
ابتسم مساعد و مشى بسيارته لبيته ووراه ابو هادي
ومن وقفو نزلوا من سيارتهم وقرب ابو هادي لمساعد وهو يأشر له على بيت ؛ هذولي ليه متجمعين على البيت هالحزه
مساعد ضحك ؛ هذا بيت ابو راشد وهذا نسيبه سعد جا ماشاءالله كل اجازه تشوف بيته زحمه كن عندهم عرس الله لايضرهم
ابو هادي ابتسم ؛ وهذولي عياله ماشاءالله
مساعد هز راسه ؛ عياله وبناته واحفاده ماشاءالله عليهم
ابتسم ابو هادي وقال مساعد ؛ تشوف العماره اللي مقابل شارع بيتهم ؟
ابو هادي وهو يناظرها ؛ ايه وش فيها ؟
مساعد ضحك ؛ هذي عمارتك ان شاءالله
ابو هادي رفع حواجبه بصدمه والتفت لمساعد وهو يأشر عليها ؛ هذي اللي تقول
مساعد ؛ الله الله هذي هي العصر يجي صاحبها و نروح وتشوفها من داخل مافيه بالديره الا عمارتين هذي والثانيه بعيده شوي قلت اشوف لك هذي عشان تصير جاري
ابو هادي ضحك ؛ والله انها الساعه المباركه يوم نتجاور " نصير جيران " ، زينه والله والعماره الثانيه وين مكانها
مساعد اشر له ؛ شفت المزارع اللي هناك
ابو هادي هز راسه وكمل مساعد ؛ قبلها بشوي اخر الديره يمين بس ضيقه ولا هي للبيع وترا فيه عماره ثالثه بس انها فاضيه ويبيلها شغل مدري صاحبها بيسويها ولا يخليها
ابو راشد ؛ وين مكانها
مساعد ؛ اول لادخلت الديره ماشفت عماره ورا السوق ؟
ابو هادي ؛ وين ؟
مساعد اشر له ؛ خيمة السوق هذيك وراها فيه عماره اول لاتدخل الديره يسار
ابو هادي ضحك ؛ افا هذاك سوق ! شعبي يعني ؟
مساعد ؛ لا لا هذا سوق الديره وفيه المحلات كلها وحتى المحلات اللي تبيها داخله
ابو هادي سكت بصدمه وضحك مساعد ؛ يبن الحلال من بعيد تشوف السوق صغير وحالته حاله بس من داخل مغطى وغير شكل حي حي يارجال فيه الناس كلها
ضحك ابو هادي بأستغراب ؛ والله مدري الله يستر
مساعد ضحك وخبط على كتفه بخفه ودخلو للبيت
..........••..........
بيت ابو راشد
قبل دقايق
وقفت سيارة ابو عبدالله " سعد زوج عبير "
ومعاه عبير وعيالها ، جو للديره من تبوك وطلع تركي من صوت البوري اللي علق عليه سعد وهو يضحك معلن جيتهم وتركي عاقد حواجبه ويناظر بصدمه
قرب للسياره وهو يدقق اكثر ويحاول يشوف زين عن الشمس وفتح سعد الشباك وهو ميت ضحك على وجهه ؛ تتركييي
تركي ضحك ؛ ههلااا والله ارحبوا ارحبوا حي الله من جانا
طلع نايف وراه ومعه راشد وناصر وابو راشد وعزام
نايف ؛ ابك هذا سعد ولا انا غلطان
ابو راشد ؛ الا والله هو ، يامرحبا حيّ الله ابو عبدالله
حيّ الله السميّ واهله
ركض ناصر لداخل يعلمهم وهو فرحان ان صديقة عبدالله جا وابتسم عزام ويرجع لورا عن الباب من عرف ان اهله معه وقربو ابو راشد وعياله يسلمون على عبير وعيالها وسعد اللي قال ؛ الله يحييكم والله اشتقنا لكم وللديره " وقال وهو يناظر السماء" واشتقنا لشتاها وجوها
عبير وهي تحضن ابوها وتبوس راسه ؛ هلا يبوي والله اشتقت لك
ابو راشد ابتسم وهو يحضنها ؛ والله وحنا كلنا مشتاقين لكم
بعد من شاف تركي ونايف وراشد بيسلمون عليها
تركي حضنها ؛ يامممرحباا ياعبير نورت يا ام عبدالله والله انها نورت
عبير ابتسمت ؛ ياحبيبي والله
راشد ؛ وخر وخر عطنا مجال ، هلا والله بخيتي
عبير ضحكت وهي تسلم عليه ؛ هلا ابو ناصر
نايف بعده ؛ وانت وخر بعد دوري
عبير ضحكت ؛ ههلا نيووف اشتقنا
نايف ضحك ؛ والله انا اللي اشتقت لنيوف اللي محد يناديني بهالأسم الا انتي
تركي وهو يسلم على عيال عبير عبدالله وترف وخالد اللي شايله سعد
تركي ؛ هلا هلا عبود صديقك ناصر تذكره ؟
راشد ضحك والتفت وعقد حواجبه من مالقاه ؛ وين راح
نايف ضحك ؛ هج يعلمهم
الكل ؛ هههههههههههه
عبدالله ؛ وينه بروح اشوفه وبلعب معه
ابو راشد ؛ ايه يلا يلا ادخلو حياكم وقفنا بهالوقت برا
تركي وهو يشيل ترف ؛ يلا يلا يا عبير ادخلي حياك
دخل ابو راشد وراشد ونايف وسعد اللي سلم على عزام من شافه بالدوانيه ؛ اررحب ابو العنود مبروك ماجاك
عزام وهو ابتسم بضحك ؛ هلا ابو عبدالله ، يبارك فيك
سعد ؛ اخباركم واخبار الديره واهلها
ابو راشد ؛ بخييير واخبارها طيبه ...
•
بالصاله دخل ناصر يركض وهو مستانس وقال وهو يلقط نفس ؛ عمممه عبير وصديقي عبدالله جو جو
ام راشد ؛ صدق ؟
منيره ؛ وينهم
اروى فزت ؛ احللف
ناصر بضحكه ؛ والله صدق ، برا يسلمون على جدي
ابتسمت ام عزام و شموخ ضحكت ؛ الله واخيراً بنشوفهم
ركضت هاجر لغرفة شريفه تعلمها وهم مبسوطين بجية عبير
التفت ناصر للباب وطلع يركض ؛ هذذذي هي دخلتت
وركض لعبدالله يسلم عليه ويحضنه وهو فرحان بجيته
ركضت للباب اروى وام راشد وراها ؛ عبيير
عبير ضحكت وهي تحضنها ؛ هلاا بالعنقوود
ام راشد بضحكه ؛ ياهلا والله تو ما نور البيت
عبير ابتسمت وهي تبوس راسها و تحتضنها ؛ منور بأهله ياييمه
ام راشد شالت من حضنها خالد وهي تبوسه واروى سحبت ترف من تركي وهي تحضنها واستوعبت وشهقت ؛ تركي وش تسوي هنا اهل عزام لايطلعون
تركي فز بصدمه ؛ يوه يووه والله نسيت
وركض يروح للدوانيه وضحكوا ام راشد وعبير
وطلعت منيره وهي تسلم على عبير ؛ ياهلا عبوره
عبير بأبتسامه ؛ هلا ياقلبي اخبارك
منيره ابتسمت ؛ بخير الحمدلله
ام عزام قربت تسلم ؛ هلا ام عبدالله يالله حيها
عبير ابتسمت ؛ هلا فيك خالتي كيفك ، هلاا والله شموخ
شموخ وهي تسلم عليها بأبتسامه ؛ هلا فيك
ام راشد ؛ ادخلو ادخلو حيّ الله عبير
ابتسمت عبير ودخلت وهي تشوف شريفه طالعه للصاله ومعها بنتها وهاجر وراها
عبير صفقت بضحك ؛ يازينهم يازينهم الأم وبنتها يازينهم
شريفه ضحكت ؛ هلااا هلاا والله
عبير وهي تسلم على هاجر اللي ركضت لها ؛ عبيير اشتقت لك والله
عبير وهي تبوسها ؛ وانا اكثر والله .. ياازيننها عنوده
وقربت لشريفه تحضنها ؛ شروفف يازين اللي صارت ام
شريفه ضحكت تسلم عليها وشالت عبير العنود من حضن شريفه وهي تبوسها ؛ ياربيي يازين الصعنونننه ما شاءالله " والتفتت على بنتها ترف اللي بحضن اروى وهاجر تبوسها " تعالي تعالي ترف هذي بنت خاله شروف شوفيها
قربت ترف تناظر العنود وباستها وهي تضحك
هاجر قربت لأمها وهمست ؛ يمه نايف يرسل يقول حطو الغداء
ام راشد ضحكت ؛ ييووه نسيناه يلا يلا تعالي انتي واروى معي
سحبت هاجر اروى ولحقت امها للمطبخ وعبير جلست تسولف مع شريفه ومنيره وام عزام وشموخ
لوقت الغدا اللي تجمعو عليه كلهم وفرحانين بلمتهم
..........••..........
بيت ابو هادي
الساعه 4:30 العصر
ام هادي كانت تتفرج على التلفزيون وتشرب شاي وحمد منسدح عندها ويفصفص هو وشهد
هادي حط جواله ؛ يا هوه ماطفشتوا
حمد ؛ الا قم ارقص
شهد ؛ يعني بالله ذا سوأل تشوفنا بذا الهدوء واحنا مانهجد الا اذا طفشنا
هادي ؛ والنفسيه براس خشومكم
ام هادي ؛ اعزم ام يوسف ؟ " جارتهم "
شهد وحمد وهادي مع بعض ؛ لااااا
ام هادي ضحكت ؛ بسم الله ليه ؟
شهد ؛ مو وقتها اليوم نبي نطلع
هادي ؛ وبعدين يايمه الله يسامحك بتعزمينها وانا وحمد وين نروح نجلس نسولف معها يعني ؟
حمد ضحك ؛ لا والله خلونا نطلع بس وين نروح
شهد ؛ دوروا مكان حلو فيه العاب وفعاليات
حمد ؛ انزلي للحديقه بالشارع تحت يالبزر
شهد ؛ ليه نلعب العاب كبار
هادي ؛ لا مافيه عطونا مكان ثاني
ام هادي ؛ السوق ؟ ومنها ابي كم غرض
حمد ؛ تم ونروح مطعم اذا خلصنا فرفره
شهد ؛ مطعم العصر ؟
هادي ؛ عادي لوقت مانخلص فرفره يكون الوقت المغرب نتعشى بدري مافيها شي المعده ماتعرف الوقت
ضحكت ام هادي ؛ يلا يلا اجل قومو
حمد ؛ يلا وانا بنزل اشغل " شد على كلامه " سسيارتي الجديده
شهد ضحكت ؛ اووه صح بشوفها
هادي ؛ يلا وانا اللي اسوق
حمد ؛ تبطي والله لو تطيييير شفت لو تطير ؟ ماسقتها ، تذكر يوم قلت لي عشان بتزوج قبلك لو تطير ؟
هادي ضحك ؛ اييي اذكر يوم شغلت امي الخلاط وسحبت عليك وعلى عرسك
ام هادي وشهد ؛ ههههههههههههههه
حمد حذف عليه وسادة الكنب ؛ اسكت بس لا اقوم عليك
هادي ؛ قم ، بس للسياره تأخرنا بسبتك
شهد ركضت تلبس وراحت ام هادي لغرفتها وحمد نزل للسياره وهادي دخل يلبس وطلع وهو يشوف حمد مشغل المسجل وفاتح الباب ويرقص بالشارع
ركض له بصدمه وهو يسكر الباب ؛ فضحتنا فضحتنا والله لو يدري ابوي يسطرك
حمد وقف ؛ وش فيك خربت علي مستانس وش تبي
هادي دفه وهو يفتح الباب ؛ اركب بس
حمد مسكه قبل يركب ؛ خير خير مكاني انا قدام
هادي ؛ انا اخوك الكبير استح اركب ورا وانا بسوق
حمد دفه وركب ؛ والله ماتركب مكاني وسيارتي
هادي قرصه ؛ ايييه بدينا بدينا حركات المبزره
حمد وهو يدلك كتفه مكان قرصة هادي ؛ وخخر بس
وشاف ام هادي جايه ووراها شهد ؛ وش فيكم تتهاوشون فشلتونا
هادي ؛ والله يمه ولدك فشلنا يرقص بنص الشارع
حمد ؛ اركب اركب بس
ركب هادي هو وشهد ورا وام هادي قدام عند حمد وحركوا
شهد ؛ ماشاءالله سياره جديده وحركات ياحمد
ام هادي ضحكت ومد حمد يده بيشغل اغنيه ودخل هادي من ورا من بين الكراسي وهو يضرب يد حمد بخفه ؛ وخر وخر تبي تشغل لنا نفس اللي قبل شوي تقل بعرس
حمد ؛ وش فيها والله تحمس
هادي ؛ لا مانبي نتحمس لاتشغل شي
حمد ضحك ؛ تبي تصيح اجل ؟، وشرايك انزلك من سيارتي هنا بنص الشارع
هادي خبط كتفه وقال بتهديد ؛ ذليتنا ترا والله لا انزلك انا لو هي سيارتك واسوقها واحرك واخليك
حمد هجد لأن صدق يسويها هادي ؛ لا نمزح يخوي ، وين تبينا نروح بس
ام هادي وشهد ؛ ههههههههههههه
..........••..........
في الديره
بالسوق عند ابو هادي ومساعد اللي وصلوا عند المحلات بعد ما وصل صاحبها وشافوها قال ابو هادي وهو يجلس ؛ والله ما شاءالله المحلات كبيره ومكانها حلو
مساعد ؛ اي والله ، وش قررت تبيهم كلهم ولا ؟
ابو هادي ؛ لا لا المحل طلع كبير ماشاءالله باخذ واحد بس ، وش قلت يا أبو فارس " صاحب المحلات "
ابو فارس ابتسم ؛ ابد اللي تبي وحاضر
ابو هادي ؛ اجل شريت منك هالمحل على بركة الله
ابو فارس ؛ ابشر الله يبارك لك فيه
ابتسم ابو هادي واتفقو على السعر وطلع هو ومساعد متوجهين للعماره
ومن وقفوا شافوه يستناهم ع الباب وقال مساعد ؛ السلام عليكم
العامل " حارس العماره " ؛ وعليكم سلام
مساعد ؛ انت صاحب العماره ؟
العامل هز راسه بالنفي وقال ؛ لا ارسلني ابو جمال " صاحبها" والمفتاح معي ، انت مساعد ؟
مساعد ؛ ايه انا مساعد " وأشر على ابو هادي " وهذا ابو هادي اللي يبي يشتريها
هز راسه العامل ودخلو مساعد وابو هادي معه يوريهم العماره وكل قسم
وبعد ماخلصو وقرر ابو هادي ياخذها اخذ رقم صاحبها عشان يتواصل معه ويشتريها وطلعوا
مساعد ؛ ها جازت لك
ابو هادي ابتسم ؛ والله جازت لي وزود
ضحك مساعد ؛ الحمدلله ، يلا اركب ماودك تشوف ديرتك ؟
ابو هادي بضحكه ؛ الا والله بشوفها
مساعد ؛ يلا اركب وباخذلك فيها فره
ضحك ابو هادي وجا بيركب بسيارة مساعد اللي جو فيها مع بعض والتفت مساعد لأبو راشد وعياله وسعد وعزام اللي طالعين من بيتهم وقال مساعد وهو يرفع صوته ويأشر بيده ؛ الله حيه ابو راشد واللي معه
ابو راشد التفت له ؛ ارحب مساعد
وقرب يسلم عليه هو وعياله
ابو راشد وهو يسلم على ابو هادي ؛ ارحب
ابو هادي ؛ هلا ابو راشد البقى
ابو راشد عقد حواجبه بضحكه ؛ شكلك تعرفني وانا والله اول مره اشوفك
ابو هادي ضحك ؛ لا والله ماعرفتك الا من مساعد
انا ابو هادي جاركم ان شاء الله
ابو راشد التفت للعماره اللي ورا ابو هادي وقال ؛ ما شاءالله بتأجرون هنا
مساعد بضحكه ؛ لا بيصير جاركم صاحب العماره
ابو راشد ابتسم ؛ ماشاء الله الله يبارك لك فيها
ابو هادي ابتسم وهو يسلم على سعد وعزام ومساعد يعرفه عليهم ؛ هذا سعد... وهذا عزام ..، نسايب ابو راشد
وهذا ولده راشد ابو ناصر وهذا ولده ناصر ، وهذولي تركي ونايف عياله ....
ابو هادي وهو مبتسم ؛ ماشاءالله ماشاءالله يالله حيهم
الكل ؛ الله يحييك ، الله يبقيك ، تسلم
مساعد ابتسم ؛ يلا نستأذنكم بنعرّف ابو هادي على ديرته
ابو راشد رفع يده ؛ اذنك معك بس ها ، لازم تزورونا ونتعرف عليكم اكثر
ابو هادي ضحك ؛ ابشر
ورجع ابو راشد وعياله بيركبون السياره وتركي نسى شغله ورجع ياخذها وراحو للمزرعه مع سعد وعزام
ومساعد وابو هادي حركو يمشون بشوارع الديره
..........••..........
قبل دقايق في بيت ابو راشد
كانو متجمعين بالمجلس ام راشد والبنات وبعض حريم الديره اللي زايرينهم يباركون لشريفه
واروى وهاجر وشموخ مستلمين الشغل
هاجر وهي تدخل المطبخ اللي فيه اروى وشموخ وحطت الصينيه ع المغسله ؛ احب الجمعات بس لاتسلموني الشغل
شموخ ضحكت ؛ والله تجنن الجمعات وقروشتها
هاجر وهي تغسلها ؛ انا الغلطانه يوم تسنعت ، ليتني رفلا كان الحين جالسه
اروى شهقت ؛ يعني قصدك امي وام عزام ومنيره وخواتي رفلات ؟
هاجر رشت عليها مويا ؛ تدورين المشاكل يأم لسانين انتي ماقصدي كذا بس احياناً الرفاله تنقذ
شموخ ؛ ههههههههههههههه
اروى ؛ مافهمت بس للحين حاسه انك تقصدين امي والبنات
هاجر طلعت من المطبخ بعد ماخلصت وهي تتهزأ بأروى وراحت للمجلس وهي تصب قهوه ومبتسمه للمتهم والسوالف الحلوه
اما عند شموخ واروى بالمطبخ استندت شموخ على رف الدولاب واروى تجهز شاي وقال شموخ ؛ اروى تكفين شاحني ابغاه ومالقيته وين تتوقعين
اروى ؛ للحين مالقيتيه ؟؟
شموخ هزت راسها ب لا وقالت اروى بتفكير ؛ يمكن احد اخذه
شموخ ؛ ووين القاه ؟
اروى طفت النار بعد ماجهز الشاي وهي تأشر لشموخ ؛ الحقيني
ولحقتها شموخ وطلعت اروى للدوانيه وشهقت شموخ ؛ وييين وين دقيقه طرحتي داخل
اروى وهي تمشيها معها ؛ يابنت مافيه احد هه الباب اللي ع الشارع مسكر وكلهم راحو للمزرعه مب لازم طرحه
شموخ مشت معها ودخلو للدوانيه وقالت اروى وهي تشوف الشاحن معلق ؛ والله اني داريه مافيه غيرهم السراقين
ضحكت شموخ وهي تاخذه ؛ واخيراً ، يلا يلا نرجع بتذبحني امي لو شافتني بدون غطى
ضحكت اروى وطلعت وهي تصدم باللي قدامها ورجعت لورا وهي تصدم بشموخ اللي شهقت ووقفت ورا الباب
اروى بخوف وبسرعه ؛ تتركييي .....