ياديرةٍ ضمّت كل الأحباب

Part 21

اروى فزت ؛ وجع بسم الله علامك
هاجر اشرت ؛ جويد
اروى ؛ يحليله ، وش ناخذ ايسكريم ولا بطاطس ؟
هاجر ؛ مدري يمكن عنده جديد تعالوا
وراحو لعربة جويد اللي يبيع فيها ايسكريم وحلويات
اروى ؛ سلام جويد
جويد ؛ هلا وعليكم سلام
هاجر ؛ فيه غير البطاطس والايسكريم
جويد ؛ ايوا فيه هذا شعر بنات
اروى ؛ بس
جويد هز راسه وقالت شموخ ؛ طيب عطني شعر بنات
جويد ؛ ازقر ولا وردي
اروى انهارت تضحك هي والبنات على نطقه للأزرق
شموخ بضحك ؛ وردي وردي
ضحك جويد وهو مايدري شسالفه وطلع لها واحد ؛ ٣ ريال
اروى ؛ وعطني بطاطس
هاجر ؛ وانا بعد
جويد ؛ كتشب ولا ساده
اروى وهاجر ؛ كتشب
جويد طلع لكم بطاط وهو يمده لهم ؛ واحد ٥ ريال
اروى طلعت ١٣ وسبقتها شموخ وطلعت ١٣ ؛ عندي
اروى ضحكت ؛ كريمه اجل المحل الجاي عندي
ومشوا وشموخ بالنص وهم يعرفونها على المحلات ويسولفون لها عنها وبعد مادخلوا اكثر من محل ووصلو لأخر السوق التفتت هاجر ؛ اروى نطلع للبسطات ؟
اروى بقروشه وهي تتلفت ؛ ارفعي صوتك
هاجر قربت ؛ نروح البسطه ؟
اروى ؛ ايه ايه تعالوا من هنا
وراحو لباب بجهة البساطين وقالت هاجر وهي تأشر ؛ سسعديييه
اروى ضحكت ؛ اي والله سعديه تعالوا نشوف وش عندها
وقفوا عند بسطتها وقالت اروى ؛ صباح الخير سعوده شلونك
سعديه ؛ يييوه اروى هلا هلا صبحتس الله بالنور وينتس غاطه
اروى بضحك ؛ والله انشغلت ، ها وش جديدك
سعديه ؛ ابد كل زين ... هاجر وشلونتس
هاجر ابتسمت ؛ بخير الحمدلله
سعديه ؛ من هاللي معكم ماقد شفتها
اروى ؛ هذي شموخ اخت عزام زوج شريفه
سعديه ؛ ايييه ماشاءالله .... وامتس وين
اروى ؛ معنا بس قدام
شموخ ؛ كم البراقع
اروى ضحكت ؛ حركات بتلبسينه
شموخ ضحكت ؛ نجرب
سعديه ؛ هذا على ٢٠ وفيه طرحات تعجبتس شوفيها ... وكملوا يشوفون اغراضها ويتفرجون على اغراض البسطات الثانيه .......
شموخ تنهدت ؛ خلاص تعبت
اروى ؛ اما عاد
هاجر ؛ اصبري مافرينا السوق صح
شموخ ضحكت بصدمه ؛ يويلي وش نفر اكثر من كذا
اروى ؛ اجل تعالو باقي هذي وش تبيع
وقربوا وهم يشوفون الحافظات والترامس
اروى ؛ سلام ياخاله
الخاله ؛ وعليكم السلام
هاجر ؛ وش عندك
الخاله ابتسمت ؛ عندي هالفطاير ومصابيب وورق عنب وعصيرات بهالترمس
شموخ وهي تشوف الترمس اللي داخله مويه بارده وعلب العصيرات فيه وابتسمت من بساطة بيعهم ؛ عطيني فيمتو غازي
الخاله ؛ ابشري يبنتي وش غيره
هاجر ؛ فطاير
الخاله ؛ فيه بالصحن الصغير ب ٥ ريال والكبير ١٠
اروى ؛ حطي ٢ كبير .. خلونا ناخذ لأمي والباقين
هاجر ؛ وحطي صحنين ورق عنب كبير
الخاله حطت لهم وهاجر تشوف الترمس ؛ اروى وش تبين عصير
اروى ؛ مدري اي شي
هاجر اخذت نفس شموخ ٢ فيمتو
وحطت لهم الخاله اغراضهم بالكيس وهي تمده لها ؛ حسابتس يبنيتي ٤٦
هاجر حاسبتها واروى تلتفت لصوت جوالها ؛ امسكوا امسكوا الاكياس شكلها امي
اخذو هاجر وشموخ الاكياس وردت اروى ؛ هلا يمه
ام راشد ؛ اروى البسطه وين ؟
اروى ضحكت ؛ تعديتي كشك جويد ؟
ام راشد ؛ لا قدامنا
اروى ؛ اجل بعده في طريق اقرب من انك تمشين لأخر السوق ، اذا عديتي من عنده امشي قدام شوي لين تلقين ممر على اليمين ادخلي بابه
ام راشد ضحكت ؛ ماشاءالله عليك ، وينكم انتوا
اروى ؛ واقفين بأخر البسطه
ام راشد ؛ اجل خلكم فيها بندخل واذا خلصنا نطلع مع بعض
اروى ؛ ابشري
وقفلت ام راشد والتفتت اروى لهاجر وشموخ ؛ امي بتدخل هنا اذا خلصت نطلع مع بعض
شموخ ؛ اجل تعالوا نجلس
هاجر ؛ يلا
وراحو يجلسون عند كراسي لحد ماتخلص ام راشد والبنات
اروى وهي تتهوى ؛ اوف هنا شمس مافيه الا كم مظله ودي اطلع للسوق كله مغطى
هاجر وهي تشرب عصير ؛ مو تقولين بننتظر امي
اروى ؛ الا بس حر
هاجر ؛ لا مو قويه الشمس بس عشان لك ساعه تفترين تعبتي
اروى ؛ اي صح كم لنا ساعه
هاجر وهي تشوف الوقت ؛ جينا بداية ٩ صح ؟
شموخ ؛ ايه
هاجر ضحكت ؛ والحين تو جت ١١
اروى ؛ اوففف ساعتين نمشي وانا اقول ليه ميته حر
شموخ ؛ الحين نرتاح ونبرد
اروى ؛ اجل عطوني عصير ببرد
ضحكت شموخ وهي تعطيها عصيرها وطلعت هاجر صحن من الفطاير وورق العنب نقنقه لحد مايجون
..........••..........
نرجع لسيارة ابو هادي في الطريق
دق على مساعد ووصله صوته ؛ هلا
ابو هادي ؛ يلا ساعه بالكثير وجايين طلعنا من المجمعه
مساعد ابتسم ؛ اجل انا انتظركم عند العماره
ابو هادي بأبتسامه ؛ يلا نشوفك هناك
وقفل والتفت لأم هادي اللي قالت وهي مبتسمه ؛ الله يسعده مبين متحمس كل ساعه يدق
ابو هادي ضحك ؛ اييه حتى يوم رحت الأسبوع اللي راح يدق يسأل وين وصلت واستقبلني عند الديره
شهد ؛ هو ساكن فيها ؟
ابو هادي ؛ ايه جارنا
شهد ضحكت ؛ اوووه عشان كذذا مستانس
•
سيارة هادي اللي من شاف لوحة الرياض اللي باقي لها كم كيلو ويوصلون لها ابتسم ؛ ياحييها يارياض البيان " وتنهد بحب " على ان ماودي الا اسكن بنفس ديرتك لاكن اقرب من المدينه والعوض ولا القطيعه
وشغل اغنيته اللي يحب يسمعها دايم وماتذكره الا فيها والحين بما انه في طريق الرياض شاف ان هذا وقتها المناسب عشان يسمعها من جديد وكانت كلماتها ؛