ياديرةٍ ضمّت كل الأحباب

Part 16

اروى بهدوء ؛ شوفي ترا مافيها شي على اني مصدومه ان تركي سوا كذا بس ماتدرين يمكن حبك يبنت مافييها شي
شموخ ؛ الا فيها
اروى ضحكت ؛ يزيينكم والله احس لايقين على بعض وش فيها اذا تزو... قاطعتها شموخ بقهر ؛ فيها اني مخطوبه يا اروى
اروى شهقت بصدمه ؛ مخطوبه انتي!
شموخ تضايقت ؛ اي مخطوبه خلاص تكفين
اروى ؛ طيب اسفه والله بس مايستاهل تزعلين كذا ، من متى مخطوبه وليه ماعلمتيني زعلت عليك خلاص
شموخ تأففت ؛ من وانا صغيره مخطوبه
اروى غمزت ؛ اخص من وانتي صغيره قمر
ضحكت شموخ بضيق وقالت اروى ؛ طيب ليه ماقلتو لنا سولفي لي من متى
شموخ ؛ عندنا اسوأ عاده بالدنيا ، من وانا صغيره كان عمي يقول لأبوي الله يرحمه اني لولده وجدي بعد يبغاني لحفيده احنا اهل ابوي كذا كلهم كانو يبون البنات لعيال عمامهم ومن وهي صغيره لحد ماتكبر يتزوجها وجدي مامشّى هالقانون الا علينا وامي وحريم اعمامي مايحبون هالشي ولا راضين فيه وانا لولد عمي وانا مابيه
اروى بأستغراب ؛ وليه ماترفضين ؟ وولد عمك فيه سبب يخليك تكرهينه ؟
شموخ ؛ ودي ارفض وانا عارفه هو مايبيني وامه تكرهني وانا اكرهم كلههم واصصلاً جدتي اخذت جدي وهي مو بنت عمه ولا تعرفه وابوي اخذ امي وهي ماتقرب له واعمامي بعد ولا واحد اخذ بنت عمه
بس جدي طق براسه الا يبي احفاده لبعضهم " وكملت بغصه " وهاذي وصيته الله يرحمه ويسامحه بس
اروى حضنتها ؛ ششموخ حبيبتي والله تقدرين ترفضين مافيه شي بالغصب .. طيب ماكلمتي خالتي ورفضتي ، ماقد كلمتي ابوك الله يرحمه ؟
شموخ والعبره خنقتها ؛ اروى خلاص بعدين اكمل بروح اصلي العشاء بيأذن وانا ماصليت المغرب حتى
اروى ؛ طيب طيب امسحي دموعك وبعدين تكملين لي طيب ؟
شموخ هزت راسها وهي تمسح دموعها ونزلو من السياره ورجعو لداخل وهم يشوفون ام راشد وام عزام والبنات جالسين والعيال يجهزون العشاء بخيمة الرجال وجلست اروى تفكر بكلام شموخ وهي تحمد ربها انها ماكلمت تركي عنها ودرت قبل تفتح معه الموضوع وما علقته فيها وهي مو له .... وجلست تفكر شلون عزام اخذ شريفه وهو المفروض ياخذ من بنات عمه واسأله كثثثثير ببالها
راحت شموخ تصلي واروى عند الحريم بخيمتهم
..........••..........
بيت ابو هادي
اللي كانو فيه جارات ام هادي ، وابو هادي وهادي وحمد برا
ام عبدالله ؛ يازينك يامريم والله بنشتاق لزوارتك وجمعاتك
ام هادي ابتسمت ؛ تزوروني بالرياض ان شاءالله وتشوفون اهلي وبيتي
ام مروان ؛ يييوه ويننا ووين الرياض بعيده اخاف مانقدر نجيك ولا مانشوفك واجد
ام هادي ؛ تطمنوا ان شاء الله ازوركم هنا واكلمكم دايم ما انساكم والله
ام يوسف ؛ والله انك عزيزه وغاليه ولا حنا بننساك ونشوفك على خير
الكل ؛ اميين يارب
طلعت شهد من المطبخ وهي مبتسمه لجمعتهم اللي بتفقدها وقالت ام هادي ؛ ها امي وش صار ع العشاء
شهد ؛ جاهز يمه
ام ماجد ابتسمت من شافت شهد جلست عندها ؛ ريناد كانت بتجي وقالت تجيك بكره لازم تشوفك قبل تروحين
شهد بأبتسامه ؛ اكييد لازم اسلم عليها قبل نروح بشتاق لها والله
ام ماجد ؛ تشتاق لك العافيه ياحبيبتي وهي اكثر والله " ريناد بنت ام ماجد جارتهم وصديقة شهد وتعتبرها اختها من كثر ماتحبها "
وكملو سوالفهم لبين ماتجي صلاة العشاء
•
برا عند ابو هادي وهادي وحمد اللي قررو يمشون بالشارع تحت العماره وهم يتفرجون على كل مكان بيشتاقون له ولأصحابه ويمشون ويتفرجون ع الأسواق وكل اصاحبها وزباينها يسلمون عليهم ويودعونهم وسط توصياتهم مايقطعونهم ويزورونهم كل فتره وهنا ابو هادي وعياله صدق جاهم شعور انهم بيفقدون كل شي بالمدينه وماودهم يتركونها
كملو سلامهم لجيرانهم واصحابهم وللناس اللي يعرفونهم و من اذن العشاء وبدت المحلات تقفل التفت ابو هادي لهادي وحمد ؛ ابو سلطان يدق
هادي بضحك ؛ جا بوقته امي عندها ضيوف ولا نقدر نروح البيت
حمد همس بضحك ؛ ومن قال بيعزمك خلنا نروح مطعم بس
ابو هادي اشر لهم يسكتون ورد على ابو سلطان ؛ يياهلااا ي ابو سلطان
ابو سلطان ابتسم ؛ يامرحبا باللي يمشي بالسوق ولا مر علي
ابو هادي ضحك ؛ والله مريت محلك لقيت فهد " ولد ابو سلطان " والعمال وانت مو فيه قال بالأستراحه
ابو سلطان ضحك ؛ اييه قال لي فهد انك جيت ، ارسلته بيسكر المحل وبيمرك تجونا للأستراحه
ابو هادي ؛ يييوه يا الأستراحه مبطي عنها من فيها ؟
ابو سلطان ؛ انا وابو فواز ومسفر وعيالنا تعال انت وهادي وحمد ننتظركم
ابو هادي ؛ يلا يلا جايكم ، وش تبون عشاء ؟
ابو سلطان ضحك ؛ ابد لاتجيب شي مضبط لنا مسفر كبسه وننتظرك عليها
ابو هادي ابتسم ؛ ااوووه يلا جاي
وقفل وناظر العيال ؛ بنروح الأستراحه فيها ابو سلطان وابو فواز ومسفر والعيال
حمد ضحك ؛ للحين موجوده الأستراحه
هادي ضحك ؛ ناسيها
ابو هادي ؛ اييه يلا بشوف محل ابو سلطان ان كان فهد فيه اخذناه معنا
مشى ابو هادي وهادي وحمد لسيارة ابو هادي عشان يروحون مع بعض ومن وقفو عند محل ابو سلطان فتح الشباك ابو هادي وهو يشوف فهد يركب سيارته ؛ ها يافهد تركب معنا ولا تلحقنا
فهد ؛ هلا يا عم جاي وراكم انا
ابتسم ابو هادي وحركو للأستراحه وولد ابو سلطان وراهم
..........••..........
مزرعة ابو راشد
كانو متسدحين حول النار خيمة الحريم وخيمة الرجال من داهمتهم برودة الجو وريحة مطر مع ريحة الشوي وهوا نظيف وجو حلو من كم يوم وجمعه حلوه ماينقصهم شي
خيمة الرجال كانو حول النار ويجهزون العشاء اللي قرب يخلص
خيمة الحريم كانو حول النار بقهوتهم وسوالفهم وشموخ منسدحه على المساند بالطرف تحس ان تعبها زاد لدرجة بتبكي من الصداع
اروى قامت لها بهدوء وجلست عندها وهي تهمس ؛ شموخ ليش جالسه لحالك تعالي عند النار عن البرد
ماردت شموخ واروى اسندت ظهرها وتنهدت ؛ ششموخ
التفتت شموخ ومدت يدها تتمسك بأروى وهي تجلس اروى وهي تمسك يدين شموخ الحاره ؛ بسم الله شموخ يدينك حااااره تعبانه ؟
شموخ هزت راسها ب " ايه "
اروى ؛ وجالسه هنا ليه ؟؟ تتعالي عند النار تدفين
شموخ وهي تقوم ؛ ييلا تعالي
قامت معها اروى وهم يروحون للبنات عند النار
ام راشد وهي تشوف شموخ مستنده على اروى ؛ شموخ ياحبيبتي علامك ؟
شموخ تنحنحت ؛ مصدعه شوي
ام عزام وسعت لها عندها ؛ تعالي تعالي هنا
قربت شموخ وجلست ولمست ام راشد خدها ؛ ياعممري وانا امك والله ان حرارتك مثل هالحطب
ام عزام وهي تلمس جبينها ؛ شفتي رحتي بالبرد و زادت حرارتك انسدحي وتدفي لاتبردين اكثر وانسدحت شموخ تنام على رجول امها وهي تنتفض من الحراره
هاجر بهمس لأروى اللي قاعده عندها ؛ شموخ فيها شي غير الحراره ؟
اروى كانت بتتكلم وهي ماتخبي شي عن هاجر بس خافت ان شموخ ماتبي تقول وسكتت ؛ ها لا بس تعبت من لعبنا اليوم
هاجر ؛ يربيي والله لو دريت ماخليتك تدفينها
اروى ؛ حتى انا والله مادريت انها بتتعب من لعبنا
تنهدت هاجر وهي تلتفت لأمها ؛ يمه متى نروح
ام راشد ضحكت بأستغراب ؛ تبين نروح ؟؟
هاجر ؛ لا بس شموخ تعبت من البرد
ام عزام ابتسمت ؛ ياحبيبتي شايله همها
شريفه ؛ اذا ماخفت حرارتها لازم نوديها المستشفى
ام عزام ؛ لا اذا رجعنا تاخذ مسكن ان شاء الله تخف
الكل ؛ ان شاءالله