ياديرةٍ ضمّت كل الأحباب

Part 7

..........••..........
من بكره الفجر
في بيت ابو هادي
رجع من المسجد ودخل وشاف ام هادي مخليه القهوه في الصاله وفي المطبخ تجهز الفطور
دخل للغرفه واخذ شنطته وطلعها للصاله على طلعة ام هادي من المطبخ ؛ صباح الخير
ابو هادي ابتسم ؛ يا صباح النور يعطيك العافيه
ام هادي بأبتسامه ؛ الله يعافيك يارب ، يلا تعال افطر وصحصح وتنزل الشنطه بعد شوي
ابو هادي جلس وهو يسمي ؛ محد قايم من العيال
ام هادي ؛ لا والله يادوب صلوا ورجعوا ينامون
كمّل ابو هادي فطوره وخلص وقام يغسل
ورجع ؛ يلا استودعتكم الله انا ماشي الحين ويومين وراجع
ام هادي وهي تمسح كتفه ؛ توصل بالسلامه يارب بلغنا اول ماتوصل الرياض
ابو هادي باس جبينها ؛ ابشري ، انتبهي على نفسك والعيال وصحيهم كل يوم يصلون الفجر لاتطلع الشمس وهم ماصلوها
ام هادي هزت راسها بأبتسامه واخذ شنطته ابو هادي وطلع متوجه للرياض
..........••..........
بيت ابو راشد
بالحوش صحو على صوت الآذان بحكم ان المسجد قريب بيتهم والصوت في الحوش يوضح
وقام ابو راشد والتفت للعيال ؛ يا عيال قومو يلا
عزام ؛ يلا قايمين قايمين
ابو راشد ؛ تركي قم انت ونايف اعجلوا
نايف فز ؛ ابشر ابشر
والتفت نايف على تركي اللي رجع ينام وقال بهمس ؛ تركي قم لا اتوطاك مانمت زين بسببك
تركي فتح نص عينه ؛ ليه ان شاءالله وش سويت
نايف وهو يقرص رجله اللي قريبه منه ؛ ابد والله ماسويت شي بس حاط رجلك فوق اللحاف بالليل بسحبه ورجلك اثقل منك
تركي رجع يتغطى ؛ احسن
نايف قام وسحب فراش تركي ؛ قم بس لا نتأخر
ابو راشد ؛ يلا وصحو راشد يجي معنا
قامو يتوضون وطلعو متوجهين للمسجد ابو راشد وراشد وتركي ونايف وعزام
•
داخل
قامت ام راشد وطلعت بعد ماصلت وابتسمت وهي تشوف ام عزام بالصاله تصلي وتوجهت لغرفة البنات تشوفهم فتحت الباب وقالت بهمس ؛ احد صاحي ؟
ماجاها رد منهم وطلعت من عرفت انهم نايمين
رجعت للصاله وشافت ام عزام اللي خلصت صلاتها وقالت وهي تطوي السجاده ؛ صبحك الله بالخير
ام راشد بأبتسامه ؛ صباح النور
ام عزام ؛ البنات نايمين ؟
ام راشد ؛ اي والله كلهم مافي الا انا وانتي ويمكن منيره قايمه
ابتسمت ام عزام وهزت راسها
ام راشد للمطبخ وهي تمشي للمطبخ ؛ بروح اجهز الفطور لين يجون العيال
ام عزام؛ يلا خذيني معك
ابتسمت ام راشد وراحت هي وام عزام يجهزون الفطور
•
ولأول مره في شوارع الديره
بداية طلوع الفجر ومنظر السماء اللي تلون باللون الأزرق مع اصوات العصافير والجو اللي بدا يميل للبروده كانو جايين ابو راشد والعيال مشي من المسجد لأنه قريب من بيتهم
راشد ؛ اووهه يازين هالصباح وجوه
ابو راشد وهو يتأمل الديره ؛ اي والله مافيه مثله
نايف ؛ هذا ابو عادل فاتح بدري اليوم
" صاحب محل فوال بالديره "
ابو راشد ؛ تعالوا تعالوا خلونا ناخذ منه والله احسن فول عنده بتحبه ياعزام
عزام ابتسم ؛ والله الديره كلها تنحب
تركي ؛ الله الله ، ياحبي لها بس
توجه ابو راشد للمحل ورفع يده ؛ صبحه بالرضا ابو عادل
ابو عادل توجه يسلم عليهم ؛ يا مرحبا صبحكم الله بالسرور ، اووه ابو فهد موجود " يقصد عزام ينادونه ابو فهد على اسم ابوه واغلب اهل الديره يعرفونه "
عزام ضحك ؛ هلا والله أبو عادل ، صرت ابو العنود الحين
ابو عادل فهم عليه وضحك ؛ ماشاءالله مبروك مبروك تتربى بعزك ويخليها لك
عزام ؛ الله يبارك فيك ، يخلي لك عيالك يارب
ابو راشد ابتسم ؛ اليوم فاتح بدري قلنا ماينقص هالصباح الا فطور من عندك
ابو عادل ؛ اببشر شويات ويجيك احسن فطور وش تبي بس وانا اجهزه وارسل لك ولدي محمد يوصله لعندك
ابو راشد ؛ تسلم الله يخليه لك يارب
وطلب فطورهم وحاسبه وراح هو والعيال للبيت
..........••..........
في بيت ابو راشد
دخلت منيره ومعها عيالها وحطتهم بالصاله بعد ماشغلت لهم التلفزيون على الكرتون وتوجهت للمطبخ من سمعت اصواتهم وقال بأبتسامه ؛ ياصباح الخييير
التفتوا على دخولها ام عزام وام راشد ؛ هلا صباح النور
منيره ضحكت ؛ الله ياريحة القرص واصله لبرا
ضحكت ام راشد ؛ قرص ام عزام سلّم يمينها
ابتسمت ام عزام ؛ تسلمين
منيره ؛ اجل خلوني اسوي حليب كرك ويكمل الفطور
ام راشد ابتسمت ؛ يلا مافيه احسن من الكرك حقك
كملوا الفطور ومنيره تساعدهم و دق باب المطبخ اللي من جهة الرجال و اللي كان نايف وراه ؛ يمه ، فيه احد ؟
ام راشد ؛ ها يمه اصبر جايه
ام عزام ؛ خليه خليه يدخل بطلع للصاله انا
منيره ؛ وانا بعد بشوف عيالي وجايه
هزت ام راشد راسها وطلعت ام عزام ووراها منيره اللي قفلت الباب اللي ع الصاله وراها
وفتحت ام راشد الباب لنايف ؛ هلا نايف
نايف ؛ صباح الخير يمه
ام راشد ابتسمت ؛ صباحك نور وانا امك ، كلكم قايمين؟
نايف وهو يدخل للمطبخ ؛ اي تو جينا من المسجد ومرينا ابو عادل وصينا على فطور بيجيبه الحين بس سوو لنا شاهي وقهوه
ام راشد ضحكت ؛ ييووه وانا وام عزام من بعد الصلاه وحنا نعجن بهالقرص واخرتها جبتو من برا
نايف ابتسم ؛ لاوالله دام فيه قرص عن مية فول
ام راشد ؛ مايخالف تاكلون من القرص بعد ، والقهوه هذي جاهزه وسوت ام ناصر حليب كرك تبون شاهي؟
نايف ؛ ااوووه لا اجل يكفي حليب الكرك ينفع للجو
جا وراه تركي اللي تنحنح وهو ينادي
ام راشد ؛ ادخل يمه مافيه احد
تركي ؛ صباح الخير وش اخبارك يمه
ام راشد بأبتسامه ؛ صباح النور ، بخير وانا امك
تركي مد لها الأكياس ؛ هذا فطور من فوال ابو عادل وهذا التميس حاار ويبيله شاهي
نايف تكتف ؛ الكرك احسن ولا ؟
تركي ؛ والله اذا فيه مانقول لا
ام راشد بضحكه ؛ فيه فيه سوينا قرص وحليب كرك وهذي القهوه وكل شي جاهز
تركي رفع حواجبه ؛ ااووووهه ياسلام وانا اقول غريبه ريحة الهيل والزعفران كلها من القهوه طلع فيه قرص وكرك
نايف ؛ ايه ايه يلا تأخرنا
ام راشد ؛ خلاص خذو القهوه الحين و اطلعو شوي ونجهز الفطور
تركي سحب نايف وطلعو بالقهوه للدوانيه
سكرت ام راشد الباب وفتحت الباب الثاني وطلعت للصاله وهي تشوف البنات قامو كلهم ؛ ماشاءالله زين قمتو من نفسكم
اروى وهي تعدل شعرها بطفش ؛ لا جانا نويصر وقومنا
ضحكت منيره وام راشد وام عزام
هاجر ؛ سويتي الفطور يمه ؟
ام راشد ضحكت ؛ اي انا وام عزام ومنيره قايمين من الفجر وجهزنا
اروى اتجهت للمطبخ وهي تأشر لهاجر ؛ تعالي نحطه
راحو ولحقتهم ام راشد وهم يحطون الفطور ويجهزون فطورهم وفطور الرجال
اروى وهي توزع بالصحون ؛ ياحلو فلافلك يا ابو عادل من زمان عنها
هاجر ؛ يمه يازين ريحة القرص انتي مسويته ولا منيره ؟
ام راشد ضحكت ؛ لا ام عزام ماشاءالله ليّن
اروى ؛ يللا والله جوعانه .. هذا فطور الرجال جهز من ياخذه
ام راشد فتحت الباب اللي برا ؛ مدري قلت لتركي يرجع هو ولا نايف ياخذون.. تعال تعال الفطور جهز
دخل نايف اللي كان جاي ؛ السلام عليكم
هاجر واروى ؛ وعليكم السلام
نايف ؛ يلا وين الفطور
هاجر مدت له الصينيه ؛ هذا هو
اخذه وطلع وسكرت وراه هاجر الباب وقالت ام راشد ؛ يلا وحده تجيب الفطور وتلحقنا الصاله
شالته اروى وطلعو للصاله وأم راشد راحت لغرفه شريفه ولقتها نايمه هي وبنتها وطلعت من الغرفه متوجهه للصاله وشافت شموخ اللي طالعه للصاله وابتسمت وقربت من شافتها ؛ صباح الخير خالتي العنود
ام راشد مشت معها ومسحت على شعرها بأبتسامه ؛ صباح النور وش هالزين ياشموخ
ابتسمت شموخ وطلعت معها للصاله
وجلسو يفطرون برواقه ونفس الشيء بالدوانيه
..........••..........
في بيت ابو هادي
الساعه ١ الظهر
في الصاله كانوا جالسين يتغدون والتفتت ام هادي من جوالها اللي دق وردت بأبتسامه من شافت الرقم ؛ هلا والله بشّر وصلت الرياض
قربت شهد وهي تتسمع وحمد يأشر لها تسويه سبيكر
لفت شهد الجوال وحطته سبيكر وهم يسمعون صوت ابو هادي اللي قال ؛ هلا فيك ، هذا انا تو وقفت بالديره
شهد ؛ يببببه صورها لنا
هادي ؛ وصور لنا المحلات اللي تقول
ححمد بصوت عالي ؛ والعمااره يبه لاتنسى
ضحكت ام هادي وقالت ؛ صور لهم كل شي خلهم يشوفون ديرتهم
ضحك ابو هادي ؛ ابشرو عاد والله ان جوها حلو وغيم وشكلها بتمطر
شهد ؛ الله عاد المدينه شمس
حمد ؛ وحنا اليوم حر وغبار ودرجة الحراره ٤٠
ضحك ابو هادي واشر لمساعد خويّه من شافه من بعيد وقال ؛ يلا بقفل واكلمكم بعدين ان شاءالله
قفل وقالت شهد ؛ ما شاءالله الديره اللي بنسكن فيها شكلها كلها مطر
هادي ؛ لا بس دخلنا الشتاء عاد المدينه الشتاء مايعرفها لو مانشوف التواريخ كان قلنا ان الصيف مايتركها
شهد رفعت حاجب ؛ لاتغلط لو سمحت
هادي ضحك ؛ افا ماغلطت احبها اكثر منك بس هذا الصدق
حمد ؛ ياليتني رحت مع ابوي والله تحمست اشوفها
ام هادي استغربت ؛ وش ماتعرف الرياض وجوها ؟
حمد ؛ الا اعرفها اكيد بس هالديره يقول ماقد رحنا لها
ام هادي ؛ اييه هالديره ماجيناها من قبل شكلها حلوه والله
كملو غداهم و متحمسين ينتظرون ابو هادي يرسل لهم

تفاعلوا بكره وبعده بنزل ❤.