(Uni) တစ်ဆုံးဖွင့်ဟထားသော ခန်းစီးပြတင်းပေါက်မှ တိုးဝင်လာသည့် ခပ်နုနုနေခြည်ထွေးတို့ဟာ စားပွဲတစ်ခုပေါ်တွင်တင်ထားသည့် ရှားစောင်းပန်းပင်လေးကို အားဖြည့်ဓါတ်ဆာဖြည့်တင်းပေးနေလျှက်ရှိသည်။ မိုးရနံ့အနည်းငယ်ပါသည့် အေးစွတ်စွတ်လေပြေတို့က ခန်းစီးလိုက်ကာကိုဖြတ်တိုးရင်း ကြမ်းပြင်၌ ရှုပ်ပွနေသောစာရွက်အပိုင်းအစတချို့ကို လှုပ်ခတ်နေစေသည်။
သို့သော် ထိုအခန်းပိုင်ရှင်က ရှင်းလင်းမည့်ပုံမပေါ်ပဲ ရေးဆွဲနေတဲ့စာရွက်တစ်ရွက်ကိုပါ ထပ်ဖြဲ၍ ကျဲချလိုက်ပြန်သည်။
" ဒီလိုမဟုတ်သေးဘူး "
စာရွက်တွေအားလုံးမှာလည်း မျက်နှာဖုံးနှင့် ယောကျာ်းတစ်ယောက်ပုံသာ ဖြစ်ပြီး သူမြင်ခဲ့သောလူသတ်သမားကို ပြန်လည်ပုံဖော်ဖို့ မာဂရတ်ကြိုးစားနေခြင်းသာဖြစ်၏။
အစက ထိုသူကို ပြန်မြင်ယောင်တိုင်း လန့်မိပေမယ့် အဖေ့အတွက် လက်တုံ့ပြန်ဖို့ အဲ့ဒီလူကို ပြန်ရှာတွေ့ချင်မိတာကြောင့် ပုံတူဆွဲနေခြင်းပင်။
တင်တောင် ~
ထိုစဉ် ဘဲလ်မြည်လာသည်မို့ ရုတ်တရက် သူ့အခန်းဝန်းကျင်ကို သတိထားကြည့်လိုက်မိ၏။
" အယ် ရှုပ်နေတာပဲ "
သို့နှင့် ကပြာကယာထရင်း ကြမ်းပြင်က စာရွက်တွေကို ကောက်သိမ်းပါတော့ …
တင်တောင် ~
နောက်တစ်ကြိမ်ထပ်မြည်လာသည်မို့ _
" လာပြီ လာပြီ "
မာဂရက် သေချာမရှင်းနိုင်လိုက်ပဲ တံခါးကို အပြေးဖွင့်ပေးလိုက်လေသည်။
" အစ်ကိုဟာလေပဲ "
" အင်း မပြောမဆိုလာလိုက်လို့ မာဂရက် အဆင်ပြေပါ့မလားမသိဘူး "
အသားနုရောင်ကုတ်အင်္ကိျီရှည်နှင့် လိုက်ဖက်စွာ ကြည့်ကောင်းနေတဲ့ဟာလေက သူ့အကျင့်အတိုင်း အားနာခြင်းကို ရှေ့တန်းတင်လာတော့ မာဂရက် ဘာကိုမှမတွေးမိပဲ အခန်းထဲကို ချက်ချင်းခေါ်လိုက်မိသည်။
" ဘာမဖြစ်ပါဘူး အစ်ကိုရဲ့။ အထဲကို လာလေ။ နည်းနည်းတော့ ရှုပ်ပွနေတယ် "
ပြောပြောဆိုဆိုနှင့် အရှေ့ကနေ စာရွက်များကို ပြာပြာသလဲ လက်ဖြင့်လုံးချေကောက်သိမ်းနေရာ တကယ်ပဲ ဘာတွေဆွဲထားလို့ သူ့ကို မမြင်စေချင်သလဲဆိုတဲ့မေးခွန်းက ဟာလေ့ခေါင်းထဲရောက်သွားခဲ့ရ၏။
YOU ARE READING
Hard Murder 2
Gizem / Gerilim(Uni)စိတ္တဇလူသတ်သမားတစ်ဦးနှင့်ချစ်ကြိုက်မိခြင်း ဤFictionသည် Psycho 18+အမျိုးအစားဖြစ်၍ စိတ်ပိုင်းဆိုင်ရာ အားနည်းသူများနှင့် နှလုံးအခံရှိသူများ ဖတ်ရန် မသင့်လျော်ပါ။ စာရေးသူ ကိုယ်ပိုင်ဖန်တီးထားသော မူပိုင်ဝတ္ထုတစ်ပုဒ်ဖြစ်ပြီး မည်သူတစ်ဦးတစ်ယောက်ကိုမျှ ထ...
