(Uni) ကျိ ... အူးအူး ~ အူး ~~
တိမ်ကင်းစင်တဲ့မနက်ခင်းလေးတစ်ခု ပွင့်လင်းလာသောအချိန်တွင် အဆောက်အဦးများ၏အုတ်ကြွပ်မိုးများပေါ်၌ စားကျက်တည်ထားသောခိုငှက်လေးများ၏ မြည်တွန်သံက ပတ်၀န်းကျင်တစ်ခွင် ပျံ့နှံ့လို့လာခဲ့သည်။
သာယာစဖွယ်၊ လွမ်းမောစဖွယ် ခိုညည်းသံလေးများက နားထဲသို့ တစ်ဆတစ်ဆတိုး၀င်လာခဲ့တော့ နှစ်ခြိုက်စွာအိပ်မောကျနေသည့်ဟာလေမှာ အနည်းငယ်လူးလွန့်ပြီး နိုးလာရ၏။
ဟင်း~ ကျွတ်ကျွတ်
လှုပ်ရှားလိုက်မိသည့်အခါ တစ်ညလုံးအကြမ်းခံထားရသည့်ဒဏ်ကြောင့် ခါးတစ်လျှောက်ကိုက်ခဲတောင့်တင်းနေတဲ့အတွက် ဟာလေ တိတ်တိတ်လေးညည်းညူမိလျှက်။
°°° ဟင်း~ သူ မနိုးသေးတာပဲ °°°
သို့သော် ဒီမနက်ခင်းလေးကတော့ မျက်လုံးနှစ်လုံးဖွင့်ဖွင့်ချင်း သူ့ဘေးမှာ သူ့ပုခုံးပေါ်လက်တင်ပြီး အိပ်မောကျနေတဲ့အက်ဆစ်ကို မြင်ရ၍ ခါတိုင်းထက်ပိုပြီး ရင်ထဲကြည်နူးအေးမြသွားခဲ့တာ အမှန်ပင်။ ထိုလူသားလေးလည်း သူ့အပေါ် စိတ်ရှိသလို ဆိုးသွမ်းထားပြီး ပင်ပန်းကာအိပ်ပျော်နေမှန်းသိလေတော့ ဟာလေ ပြုံးစိစိဖြင့် သူ့နှာယောင်လေးအပေါ်သို့ လက်ညှိုးနှင့် အသာသွားထိကိုင်ကာ ကျီစယ်နေလိုက်၏။
" မကောင်းလိုက်တဲ့ လူဆိုးလေး "
အဲ့ဒီနောက် သူမကြားအောင် တိုးတီးရေရွတ်ရင်း
နှာတံလေးဆီကနေ နှုတ်ခမ်းလေးဆီ ရွေ့အဆင်း...
အ !
အက်ဆစ်ရဲ့မျက်၀န်းတွေက ဇတ်ခနဲပွင့်လာပြီး သူ့နှုတ်ခမ်းကို အနှောင့်ယှက်လာပေးတဲ့ထိုလက်ချောင်းထိပ်လေးကို မထိတရိကိုက်ခဲပစ်လာခဲ့သည်။
" အ အက်ဆစ် မင်းနိုးနေပြန်ပြီ "
" ကျုပ်ကို လူဆိုးလေးလို့ကျိန်ဆဲနေမှတော့ ကျုပ်နိုးပြီပေါ့။ နိုးနေခဲ့မယ်ဆိုတာလည်း ကြိုသိတယ်မဟုတ်ဘူးလား "
" အဲ့ဒါတော့ သိပေမယ့် ကိုက်လိမ့်မယ်လို့ မထင်ထားဘူးလေ "
" ဟဟား "
YOU ARE READING
Hard Murder 2
Mysterie / Thriller(Uni)စိတ္တဇလူသတ်သမားတစ်ဦးနှင့်ချစ်ကြိုက်မိခြင်း ဤFictionသည် Psycho 18+အမျိုးအစားဖြစ်၍ စိတ်ပိုင်းဆိုင်ရာ အားနည်းသူများနှင့် နှလုံးအခံရှိသူများ ဖတ်ရန် မသင့်လျော်ပါ။ စာရေးသူ ကိုယ်ပိုင်ဖန်တီးထားသော မူပိုင်ဝတ္ထုတစ်ပုဒ်ဖြစ်ပြီး မည်သူတစ်ဦးတစ်ယောက်ကိုမျှ ထ...
