Hard Murder 2

ငါတို့အသက်ရှင်ကြရအောင်/ငါတို႔အသက္ရွင္ၾကရေအာင္

(Uni) °°° ကဲ.. ဒီနေ့ သားကို စကားလုံးတချို့ရဲ့အသွားအလာကို သင်ပေးမယ် °°°

°°° စကားလုံးတချို့ရဲ့အသွားအလာက ဘာကိုပြောတာလဲ မာမီ °°°

°°° စကားလုံးတချို့ရဲ့အသွားအလာဆိုတာက အဲ့ဒီစကားလုံးကိုပဲ အဓိပ္ပါယ်နှစ်မျိုးရှိနေတာမျိုးပေါ့။ ဥပမာ အဲ့ဒီစကားက အင်္ဂလိပ်ဘာသာအရ အဓိပ္ပါယ်တစ်မျိုးရှိနေသလို မာမီတို့ရဲ့ဇာရိုဘာသာအရ အဓိပ္ပါယ်တစ်မျိုးရှိနေတယ် °°°

°°° ဝါး အဲ့ဒီလိုလည်း ရှိသေးတာလား မာမီ။ သား စိတ်၀င်စားတယ်။ °°°

°°° သူတို့က များသောအားဖြင့် စာတိုတွေအနေနဲ့လာတတ်တယ်။ ပထမဆုံး တစ်ကြောင်းဖတ်ပြမယ်နော်။ အဲ့ဒီတစ်ကြောင်းက နေ၀င်ဆည်းဆာရဲ့နိဂုံးတစ်ဖက်က အဆုံးမရှိတဲ့ပင်လယ်ထဲ မင်းနဲ့အတူ ရွက်လွှင့်ချင်တယ်တဲ့ °°°

°°° အချစ်စာသားထင်တယ်နော် မာမီ °°°

°°° ဟင်းဟင်း ဒါပေါ့။ အဲ့ဒီစကားကို ဇာရိုဘာသာပြန်လိုက်မယ်ဆိုရင် နေ၀င်ဆည်းဆာဆိုတာက ချစ်တဲ့သူနဲ့ဝေးရတော့မှာမို့ အလင်းရောင်တိမ်ကောသွားတဲ့အခိုက်အတန့်လေးတစ်ခု၊ နိဂုံးတစ်ဖက်က အဲ့ဒီအဆုံးသတ်မှာ၊ အဆုံးမရှိတဲ့ပင်လယ်ထဲဆိုတာ တစ်ဖန်ပြန်ဆုံတွေ့ချင်သေးတယ်၊ မင်းနဲ့အတူရွက်လွှင့်ဖို့ကတော့ အဲ့ဒီဆုံတွေ့မှုလေးအတွက် ငါတို့ အသက်ရှင်လျှက်ရှိနေကြရမယ်တဲ့ °°°

°°° ဒါဆို ဇာရိုဘာသာကောက်လိုက်ရင် ချစ်ရတဲ့မင်းနဲ့ဝေးရပြီးနောက် အဆုံးသတ်တစ်ခုမှာ တစ်ဖန်ပြန်ဆုံတွေ့ရဖို့ ငါတို့အသက်ရှင်လျှက်ရှိနေကြမယ်ပေါ့ အဲ့ဒီလိုလား မာမီ °°°

နည်းနည်းလောက်သင်ပေးလိုက်တာနဲ့ ပါးနပ်စွာတတ်မြောက်လွန်းတဲ့အက်ဆစ်ကြောင့် ပန်ထရက်သွန်ရဲ့အနီရောင်နှုတ်ခမ်းပွင့်ဟာ လခြမ်းသဏ္ဌာန်ကွေးတက်သွားပြီး အလှပဆုံးပြုံးနေခဲ့ဖူးပါသည်။ ဒါတင်မကသေးပဲ သူစိတ်တိုင်းကျတဲ့အခါတိုင်း အက်ဆစ်ရဲ့ဦးခေါင်းလေးကို အကြင်နာဆုံး အယုယဆုံး ပွတ်သပ်ပေးတတ်၍ ထိုနွေးထွေးမှုကို လိုလားတဲ့အက်ဆစ်ဟာ အမြဲတမ်းတော်နေဖို့သာ လိုပါ၏။