Hard Murder 2

တိုး၀င်လာသောပုံရိပ်ငယ်/တိုး၀င္လာေသာပုံရိပ္ငယ္

(Uni) # ဘယ်တော့မှ လက်တုံ့မပြန်ကြပါနဲ့
ဘုရားသခင်ရဲ့ အမျက်အတိုင်းပဲ ထားလိုက်ပါ
ခံနိုင်စွမ်းထက် လွန်သွားတဲ့အရာကို ကြိုးစားပြီး လုပ်ဆောင်ဖို့ မလိုအပ်ဘူး
ပိတ်ဖုံးကားချထားတဲ့အမှောင်ထုဖြစ်နေရင်တောင် အလင်းတစ်စက်မှာ ပျောက်ဆုံးနိုင်ပါတယ် #

လက်တစ်ကိုင်စာရှိသော ရိုမန်စ်ကျမ်းစာအုပ်လေးတစ်အုပ်မှ ဘုရားသခင်၏မိန့်ခွန်းတော်များကို ခပ်တိုးတိုးရေရွတ်ရင်း နှုတ်ဆက်မိုးသားများ တဖွဲဖွဲကျနေသောကောင်းကင်ပြင်ကြီးအား ပြတင်းပေါက်ကနေ ခရစ်တန်လှမ်းမျှော်ကြည့်ရှုမိခဲ့သည်။ ဒီရက်ပိုင်းအတွင်း သူဒေါသတွေ အလွန်အကျွံပေါက်ကွဲခဲ့တာမို့ ဝတ်ပြုဆုတောင်းရင်း ယခုကဲ့သို့ ချုပ်တည်းခြင်းက ခရစ်တန့်အတွက် အဆင်ပြေနိုင်ပါ့မလား...။

°°° ဘာလဲ HMဆိုတာ °°°

°°° HMဆိုတာ လူတွေရဲ့စိတ်ကို ရူးသွပ်ဖောက်ပြန်စေတဲ့ဆေးတစ်မျိုးပါ။ ခင်ဗျားမိန်းမကလည်း ဒီဆေးကြောင့် သေဆုံးခဲ့တာဖြစ်သလို မာ့ခ်ရဲ့အမှုနောက်ကွယ်က အကြောင်းတရားလည်းဖြစ်ခဲ့တယ်။ လူတော်တော်များများကိုလည်း ထိခိုက်စေခဲ့တဲ့အတွက် ကျွန်တော်တို့စုံစမ်းနေခဲ့တာကြာပါပြီ ခရစ်တန်။ °°°

°°° မာ့ခ်ရဲ့ အိမ်တွင်းအကြမ်းဖက်မှုဖြစ်စဉ်က ဘာနဲ့ပဲ ဆိုင်ဆိုင် မာ့ခ်ကိုအိမ်တွင်း‌ရေးအနိုင်ကျင့်ခဲ့တဲ့သူက ဒိမ်မီယယ်မဟုတ်လား။ ထောင်ထဲကိုတွန်းချပစ်ခဲ့သူကလည်း သူပဲလေ။ ဒီတော့ ငါ့ကို ဘာမှကွေ့ပတ်ပြောမနေပဲ သူနဲ့ပဲ ပေးတွေ့ပါ။ သူ့ကို လူသတ်မှု၊ မတရားအနိုင်ကျင့်မှုနဲ့ ရဲတိုင်မယ် ထောင်ချမယ် °°°

°°° အရမ်းအဝေးကြီးကို မသွားပါနဲ့ လမ်းလွဲသွားမယ် ခရစ်တန်။ ဒိမ်မီယယ်က ခင်ဗျားမိန်းမကို သတ်ခဲ့တဲ့တရားခံလည်း မဟုတ်ဘူး။ ဘာပဲဖြစ်ဖြစ် ကျွန်တော်ပြောတာတွေကိုပြန်စဉ်းစားပေးပါ။ ကျွန်တော် အခုလိုစုံစမ်းနေတာတွေက အပြစ်ပေးဆပ်ချင်လို့လုပ်နေတာတွေပါ။ အဲ့ဒီအတွက်လည်း ခင်ဗျားကို သက်သေပြစရာတွေရှိတာမို့ အချိန်မရွေး ကျွန်တော့်ကိုလာတွေ့နိုင်ပါတယ် °°°