" မင်း အတွက် ...."
ညဘက်ကြီး အဆောင်ရဲ့ ကော်ရစ်တာမှာ ထွက်ရပ်နေသည့် မက်သရူး ရှေ့ အအေးခံဘူး လေး တစ်ဘူး ထိုးပေးလာတာကြောင့် မက်သရူး ဘူးလေးကို ယူကာ ' ကျေးဇူး' ဟု ပြောရင်း ထယ်ရယ့်ကို ပြုံးပြလိုက်သည်..။
" ခေါင်းဆောင် ဘင်းနဲ့ မင်း ဘာဖြစ်နေမှန်းမသိပေမဲ့.. သူလည်း စိတ်ဖိစီးနေသလိုပါပဲ.. ပထမအကြိမ် မဟုတ်လား ဘာတွေဖြစ်လာမှန်းမသိတော့ စိတ်ပူပန်တာ ဖြစ်သင့်ပါတယ်.. "
အအေးခံဘူး အဖုံးကိုဖွင့်နေသည့် မက်သရူး လက်က ပတ်တီးစဖြူဖြူကို မြင်တာကြောင့် ထယ်ရယ့် နှစ်သိမ့်စကားဆိုလာသည်ဟု မက်သရူး ထင်မြင်မိသည်..။
" အရည်မပျော်သေးဘူးမဟုတ်လား..."
အနံ့ရတာနဲ့ mint choco ရေခဲမုန့်မှန်း မက်သရူး သိလိုက်တာကြောင့် ပြုံးလိုက်မိသည်..။ ထယ်ရယ် ကလည်း သူ ပြုံးလိုက်တာမြင်တာကြောင့် စကားလမ်းကြောင်းလွှဲကာ မေးလာတော့ မက်သရူး ခေါင်းညိတ်ပြ လိုက်သည်..။
" မင်းကို ပြောပြစရာရှိတယ်.. ခရမ်းဆွဲအဆောင် ရဲ့ အဆောင်ခေါင်းဆောင် အခန်းက ပထမ ထပ်မှာရှိတယ်.. အဲ့ဒီအခန်းတံခါးက ခရမ်းရောင်..၊ ပင်လယ်ပြာ က ဒုတိယ အထပ် မင်း ကြည့် ခေါင်းဆောင် ဘင်း အခန်းတံခါး က အပြာရောင်.."
မက်သရူး က ပြောလက်စကိုရပ်ကာ ရေခဲမုန့် တစ်ခွန်းခပ်စားလိုက်သလို ထယ်ရယ် က နောက်လှည့်ကာ အခန်းတံခါး အပြာရောင်ကို အတည်ပြုသလို ခဏကြည့်လိုက်ပြီးသည်နှင့် မက်သရူး ဘက်ကို ပြန်ကြည့်လိုက်သည်..။ မက်သရူး နောက်ထပ် ပြောမယ့် စကားကို ဆက်နားထောင်ဖို့ ဆန္ဒရှိနေသလိုပင်..။
" လိမ္မော်ရောင်မုန်တိုင်း အဆောင် ခေါင်းဆောင် အခန်းက တတိယ ထပ်မှာ ရှိတယ်.. တံခါး လိမ္မော်ရောင်..။ အဲ့ဒီအတိုင်းပဲ မြစ်ဝါဖြစ် ခေါင်းဆောင် ဝွန်း အခန်းက လေးလွှာမှာ တံခါး အဝါရောင်.. နောက်ဆုံး မြက်ခင်းစိမ်း ငါးလွှာ.. အခန်းတံခါး အစိမ်း... အဲ့ဒီအခန်းတွေရဲ့တံခါး ဘောင်ပတ်လည် မှာ အလှထွင်းထားသလိုထင်ရတဲ့ Morse code တွေရှိတယ်.. "
" နေပါဦး.. မက်သရူး ရဲ့ အရင်က မင်း ခရမ်းဆွဲ မှာပဲ တိုက်ပိတ်နေရတာ များတာကို.. ဘယ်လိုလုပ် တခြား အဆောင်တွေထဲက ခေါင်းဆောင်တွေရဲ့ အဆောင်တံခါးက Morse code ရှိမှန်းသိတာလဲ..ပြီးတော့ ဘာလို့ ငါ့ကို အဲ့ဒါတွေ လာပြောပြနေတာလဲ..."
KAMU SEDANG MEMBACA
End Point
Fiksi PenggemarLet's exchange Lives for Death ! How....??? ....Interesting......?? Waiting for you In Death Land ..! ( Sep 13 , 2023 to Oct 29, 2023 ) { This fanfiction is only my creation thoughts . I don't want to harm nobody} ဤ Fanfiction သည် စာရေးသူ၏ စိတ်ကူးအ...
