Present and Our future
"ရားးးးးးးး .. ဘယ်ကိုပြေးတာလဲ...အခုရပ်စမ်း......... ကျစ်* "
ပြည်သူ့ဝန်ထမ်း ဖြစ်နေတော့လည်း ကောက်သစ်စားပွဲတော်နေ့လည်း လူဆိုးဖမ်းနေရသည်....။ စုံထောက် ဂင် သိပ်တော့ စိတ်ကြည်မနေတာ့ .. ဒီလူဆိုးကောင်ကို မြန်မြန်ဖမ်းပြီး ရုံးဆင်းချင်လှပြီ ချစ်သူ နဲ့ချိန်းထားတဲ့အချိန် နောက်ကျလို့မဖြစ်...။ ချစ်သူရဲ့ ရှားရှားပါးပါး ဂျူတီ နားရက်လေးမဟုတ်လား...။
သိပ်မကြာခင်ကမှ လဲထားသည့် ဆိုင်ကယ်ပေါ် ခွ တက်ပြီး ထွက်ပြေးသွားသည့် လူဆိုးနောက် စုံထောက် ဂင်တို့ လိုက်ရတော့သည်..။ ကံကောင်းစွာပင် လူဆိုး က လှေကားထစ်တွေရှိသည့် ကုန်းပေါ်တက်ပြေးသွားတော့ စုံထောက်ဂင် ရဲ့ဆိုင်ကယ် က ဆက်မတက်နိုင်တော့...။ စတန့်သမားတွေကတော့ ဆိုင်ကယ်နဲ့ ထိုလှေကားထစ်ကို ရအောင် တက်မောင်းကြပေမဲ့..စုံထောက် ဂင် ကတော့ စတန့်သမားလေး မဟုတ်သည့်အတွက် ဆိုင်ကယ်ပေါ်က ဆင်းက ဆိုင်ကယ် စီး helmet ကို ချွတ်လိုက်ပြီး ထို helmet ဖြင့် လှေကားထစ်ပေါ် တက်ပြေးနေသည့် လူဆိုးကာ ပေါက်ထည့်လိုက်တော့သည်..။
လူဆိုး ခင်ဗျာ အား ခနဲ တစ်ချက်အော်ပြီး လှေကားထစ်တွေပေါ်ပင် မှောက်ထိုးလဲကျသွားတာကြောင့် အကျနာသွားကာ တော်တော်နဲ့ ပြန်မထနိုင်တော့...ထိုမှ လှေကားထစ်တွေအတိုင်း စတိုင်ကျကျ တက်သည့် စုံထောက်ဂင် ဟာ ထိုလူဆိုး တစ်ဖက်ကို လက်ထိပ်ခတ်ပြီး ကျန်လက်ထိပ်ကို လှေကားထစ်တွေအလယ်က လက်ရန်းတန်းမှာ ခတ်လိုက်သည်..။
အချိန်ကိုက်စွာပင်.. ဘောင်းဘီ အိတ်ကပ်ထဲ ထည့်ထားသည့်ဖုန်းက အသံမြည်လာတာကြောင့် ထုတ် ကိုင်လိုက်တော့ အချစ်ကလေး ဆီကပင်..။
^ ဆောရီး ဂယူ ရေ... ထွက်လာခါနီးမှ ကလေး တစ်ယောက် အရေးပေါ်နဲ့ဝင်လာလို့ ခွဲစိတ်ခန်းဝင်ရမှာမို့လို မလာဖြစ်တော့ဘူး..... ခွဲစိတ်ခန်းက ပြန်ထွက်လာမှ ဖုန်းဆက်တော့မယ်နော်.. ချစ်တယ်နော်...^
ဂယူ ဘာမှ ပြန်မပြောလိုက်ရသေးခင်မှာပဲ သူပြောချင်တာ အကုန်ပြောပြီး ဖုန်းချ သွားသည့် ရည်းစားဆရာဝန်ကြောင့် ဂယူ လေပူတွေသာ မှုတ်ထုတ်လိုက်မိသည်..။
KAMU SEDANG MEMBACA
End Point
Fiksi PenggemarLet's exchange Lives for Death ! How....??? ....Interesting......?? Waiting for you In Death Land ..! ( Sep 13 , 2023 to Oct 29, 2023 ) { This fanfiction is only my creation thoughts . I don't want to harm nobody} ဤ Fanfiction သည် စာရေးသူ၏ စိတ်ကူးအ...
