في دروب المحبه التقينا صدفه

بارت 3

-بنجدالعذيه-
صباح الخير من عند بطلتنا
,س6الفجر ابو سامي جاء يصحي غيداء لصلاه الفجر وصحا سامي وراحوا لصلاه الفجر مع الجماعه غيداء قامت تصلي وامها راحت تزهب القهوه والفطور

-

ابو خالد قام يصحي خالد علشان يروحون لصلاه

ابو خالد بعصبيه : ي خالد قم اصحا تأخرنا ع الجماعه قم ي ولدي وصح اخوك مشاري والحقوني
خالد قام وصحا مشاري وراح يتوضاء
انهار : غرور قومي الحين ابوي يجون من صلاه الفجر قومي
غرور : يلا يلا خمت بس خمس دقائق
انهار بكذبه : قووومي ابوي جا انا شدخلني بهج قبل اكل تهزيئه ، وهجت
غرور قامت خافت أن ابوها يجي وهي نائمه وراحت تركض للحمام - اكرم القارئ - تبي تتوضا وتصلي وتساعد أمها و انهار بلفطور
-
بعد الصلاه جا ابو سامي وابو خالد وابو جاسر من الصلاه متوجهين للقصور
والعيال وراهم يسولفون ويضحكون
خالد : ي عيال اليوم مغيمه شكل بيجينا مطر
جاسر : ايوالله عاد احب أجواء الديره إذا كان بشتاء وفيه مطر ي سلااام
مشاري : احب أجواء الشتاء و الديره والمزرعة الصباح ذي تكون اجمل ايام حياتي
سامي : اتفق معاك ي مشاري ي زينها من ايام
جاسر : ي عيال اسكتو شوفو عمي وش يقول لابوي وعمي

ابو سامي قال لابو خالد وابو جاسر : أبيكم تفطرون عندي مدام الجو مغيم بنفرش بلحوش واشب النار واطلع امي تتونس معنا
ابو جاسر : ي ملا العافيه لاولله ام جاسر سوت الفطور النا وتحترينا

جاسر بصوت واطي وتحلطمه قال : ابوي قاتل الحضات السعيده دومًا
العيال فطسو ضحك من تحلطمه وكلام جاسر

ابو خالد : ايولله خلها بوقت ثاني ي مشعل

خالد بضحكه ويقلد تحلطمه جاسر : ابوي م طلع من شجره قاتل لحضات سعيده مثل عمي ابو جاسر
قعدو العيال يضحكون

ابو سامي : ولا كلمه تجيبون فطوركم معكم وتجيبون حريمكم والبنات بنقعد بجلسه وحده ونسولف لاتجيبون اي عذر ترا م اقبل وراح ازعل عليكم اذا غاب أحد

سامي : فديت ابوي صانع الحضات السعيده طرقن عن الي يرضئ والي م يرضئ
مشاري : ههههههههههههههه احب شخصية عمي يأمر وينها

ابو خالد وابو جاسر : ابشر ي اخوي بنجي ونجيب فطورنا معنا قلهم لايكثرون الفطور حنا بنجيب معنا
ابو سامي بابتسامه : ابشر وحياكم الله
تفرقو وكل واحد وصل لبيته عشان يعلمون اهلهم أنهم معزومين عند ابو مشعل
وابو مشعل وسامي راح وعلم شيخه ام سامي وفرحت هي وغيداء وقامت ام سامي تجهز الفطور وغيداء تسوي الشاي وابو سامي وسامي طلعو يفرشون برا ويشبون النار
يضبطون الجلسه ع السريع لأن بعد نص ساعه بيتجمعون عند مشعل
خلصوا الكل وبدأوا يتجمعون
كانو متوجهين لبيت ابو سامي مشعل
جاء ابو جاسر ومعاه دله و ابريق قهوه وشاي وجاسر ورا ماسك الفطور
وجاء ابو خالد معاه ابريق حليب -شفتو ابريق المعدن الأصفر حق الكرك يارب فهمتو ع توصيفي- كبير كانت بنته ريناد مسويه كرك وحاسبه حساب الكل
وام جاسر وام خالد ورا الرجال ويسولفون
وأثاري وغرور كانن فاتحات الكام ويصورن فلوق سريع وكانن يضحكن ويسولفن