عَاهدتني بالصدق ثُم جفوتّني
وسرقتنِي من واقعِي ورمَيتنِي
وضممتني لصَدرك ثُم قتلتِني
جعلتني ليّل كم .. اسهَرتني؟
ياساعياً لدربيٍ كيف تركتني؟
ورميت اعذارا لعلّك تختفي
وركضت خلف عواذِلي وهجرتني
وسألتني بالله ثُم ... كسرتني
-
سياف طالع فيها وقال : يوه شيء واجد انتي ماتعرفينه وغافله عنه ، اليله بقول لك كل شيء الحين بلحق أخذ كوفي قبل محاضرتك
رسن طالعه فيه بصدمه وقالت : احلف !!! وش مخبي عني !!
سياف : اليله بقولك كل شيء
-
عند عبدالعزيز كان توه جاي من استلامه طاح علي الفراش بتعب كان له يومين مواصل باستلامه طالع بالساعه بتعب وكانت 11 ص الا ربع طالع بالتاريخ الي علي الجدار وكان جدول كامل لأيام الخمس شهور الي بياخذونهم وكانوا طاخمين الي ايام قليله وباقي قدامهم ايام كثيره غمض بضيق من تذكر أنه برمضان مراح يكون متواجد مع أهله وهذا بيكون اول رمضان بيقضيه بعيد عن أهله ، ابتسم من لمح طيف غيداء لما كانت واقفه مع سامي بخياله ابتسم وقال وهو يطالع بالرقم الموجود بايده وكان يوميا يعيد علئ خط الرقم عشان ما ينمسح من عنده وكان حافضه صم منكثر مايشوفه قال بابتسامه : علموه اني لو ابعد وتلهيني الظروف ، ماحدٍ غيره من الناس في بالي طرا .
-
عند غيداء كانت تحضر محاضرتها ومندمجه مع شرح الدكتوره خلصت المحاضره وطلعوا البنات بعد ماطلعت الدكتوره وكانت وقت بريك طلعت غيداء وراحت متجه للكفتيريا المتواجد بالجامعه ، كانت لابسه بلوزه بالون البينك وجينز ماسك مع فوق وتحت وسيع ولابسه حذيان بوت بالون الابيض وجاكيت بالون الابيض وكان بايديها لابتوب حقها اخذت قهوه وراحت متجهه للمكتبه بتقعد فيها لأن عليها بريك لمده ساعتين طالعه بالساعه وحصلتها 11:00 دخلت علي اثاري وارسلت لها : اثاري انا بالمكتبه متا ماخلصتي محاضرتك تعالي .
-
عند اثاري كانت اثاري في نص محاضرتها كانت مندمجه مع الدكتوره وتسمع شرحها وتدون المهم بالملاحضه عندها لأن بيكون هذا الاسبوع الجاي فتره اختياراتها ، كانت لابسه بنطلون ابيض وسيع وطويل شوي وبلوزه بُني وشال بالون السكري ،
-
عند غرور كانت واقفه قدام قاطعتها وماسكه للابتوب حقها وتراجع اساله الاختبار علئ السريع قبل تدخل كانت لابسه بلوزه بيضاء وبنطلون بالون الاسود كان ماسك عليها ومع الاخير وسيع وفيه فتحات مع قدام وحذيان بووت بالون البني فيه كعب خفيف وبالطوا بني جت الدكتوره ودخلت غرور قبل تدخل طفت الايباد وجلست علئ الكرسي وبدت تقرا اذكارها
-
عند رسن كانت في نص محاضرتها وتسمع شرح الدكتور بكل حماس وشغف بعد ماشافت كيف كان شكل المحكمه وكيف كان لبسهم ولبس خالد وصديقه كانت متحمسه حيل متا تتخرج وتصير محاميه وتلبس لبس المحاميين وتروح للمحكمه والخخ...
-
عند غيداء كانت جالسه بالمكتبه فتحت القروب وقرت رساله رسن لما قالت لهم بنات ترا طلعت من المحكمه و لمياء سحبت القضيه وهجت معاد شفتها
غيداء ابتسمت بفرحه من قرأت كلامها وردت عليها بكل حب وحماس نزلت جوالها وأخذت نفس بفرحه كان جواتها فراشات سكتت وطالعت بالجوال من رن المنبه باسم العلاج سكتت وطالعه فيه اللحضات من تذكرت العلاج فتحت شنطتها وطلعت حبه علاج وقاروره المويه قرت بعض الأذكار قبل تاكلها بعد ما انتهت أكلت العلاج وشربت المويه رجعت ضهرها علي الكرسي عشان تريح شوي وغمضت عيونها من تذكرت اخر موقف صار بينها وبين عبدالعزيز كانت مصدومه كيف حبها وهو كان يعذبها يومياً بتصرفاته كانت شاكه فيه أنه يستدرجها لمصيبه وانتقام جديد بس يقطع تفكيرها لما تتذكر أن عبدالعزيز حلف لها وأقسم بالله أنه ما يكذب ضحكت بسخريه وعدلت جلستها وقالت : ماهي بغيداء الي تمشيها علئ مزاجك بس علئ شأنك اعترفت لها بحبك وحلفت ولله لو تكون اخر انسان علئ وجه مستحيل اكمل حياتي معك واسامحك كله بسبته طحت بالمستشفئ ايام واسابيع وأخذ مواعيد وعلاجات ماوصلنئ لذي المرحله غيره ويبيني اسامحه ؟ هههه يخسئ الكلب ، سكتت وطالعه بجوالها وكان المتصل اثاري اخذته
وردت : هلا اثاري ؟
اثاري : غيداء انتي بالمكتبه الحين ولا طلعتي عنها ؟
غيداء : لا قبل نص ساعه كذا دخلتها
اثاري : زين بجيب لنا كوفي واجيك انتضريني .
غيداء : انا معي قهوه لاتجيبين لي .
اثاري : حلو ، اجل باي . قفلت وراحت للكفتيريا اخذت لها كوفي علئ السريع وراحت متجهة للمكتبه الي فيها غييداء
-
علي العصر كانوا البنات توهم جايين من الجامعه وكانوا الأمهات متجمعين في بيت ابو خالد كانوا محددين يوم الجمعه بكرا بيكون عقد قران ريناد & رائد بتكون ملكه عائليه مابيحضر فيها غير عائله ال عبدالعزيز وعائله رائد ، اجتمعوا غيداء وأثاري ورسن وكانت غرور اخر وحده فيهم تجي ، دخلت غرور وحصلت الكل مجتمع وقاعدين يرقصون والحلويات والقهوه وابو خالد موجود وماسك ايد ريناد الي ميته حيا وابو نياف وقاعدين يرقصون العرضه النجديه وابو سامي وابو جاسر كانوا معهم والبنات انهار وأثاري وغيداء ورسن ماسكين ايدين بعض ويرقصون قدامهم وكان والأمهات كانوا لابسين عباياتهم بحكم انهم يتغطون عن الرجال وجالسين علئ جنب ويصفقون ويصورون ، جت غرور طايره ونزلت عبايتها وشنطتها وايبادها وراحت طايره لهم عشان تلحق علئ الرقص جت ومسكت ايد رسن وبدت ترقص معاهم وقالت : الحمدلله الي لحقت بغيت اموت لما اشوف ستورياتكم ورقصكم من قبل شوي
غيداء ضحكت ولفت لغرور وقالت : فاتك وجه ريناد الاحمر من قبل شوي وأبوي وعماني يمسكونها ويرقصون معاها
غرور ضحكت وقالت : امانه !! يخساره فاتني ماصورتوها ؟؟
رسن : الا ولله انا صورتها حلفت احفض القطه هذي بذات منبين كل التصويرات هههههه
غرور : ههههههههههه كفففووو وربي كففوو
اثاري بابتسامه : يلا عقبال مانرقص علي عرس انهاري
انهار طالعه فيها واعطتها نضرات ، رسن ضحكت من شافت نضراتها وقالت : يارب ياكريم تجعل مايخلص عرس ريناد غير وانتي متزوجه يارررببب
انهار بصدمه : يمه استغفري عاد دعوتك بالذات مستجابه انتي !!!
رسن قعدت تضحك ضحك هستيري والبنات انفجروا ضحك معاها الا انهار الي تتصدد وماسكه الضحكه
انتهت الشيله والعمام جلسوا من التعب رقصوا كثير اليوم ، قعدوا البنات يضيفونهم من الحلا والقهوه جت غييداء عند ابو نياف وكان جنبه ابو سامي ضحك ابو نياف وقال : عقبال ماتضيفينا في بيتك يابنتي ، ابو سامي ضحك وقال : أن شاءالله بخير يارب ، غيداء تلاشت الابتسامه منها من سمعت كلامهم ، ابو سامي ضحك وقال : اخجلنا البنت ياعبدالله هههههههه ، ابو نياف ضحك وقال لابو سامي : يا مشعل انا افكر شرايك نخلي الزواج بعد عيد الفطر ؟ بعد ما يجي عبدالعزيز من مهمته
كانت غيداء تضيف عمانها الباقين تجمد الدم بعروقها من سمعت كلام عمها وطالعه فيه بصدمه !!!
ابو سامي : ولله مادري ياخوي ملكه ايوا عشان الرجال ياخذ قرض الزواج بس زواج لا توها البنت صغيره وماخلصت دراستها .
ابو نياف : أجل شورك وهدايه الله ، الحين بزوج سياف بالعيد هذا لأن الرجال خلص دراسته وتوصف رسمي الحمدلله .
ابو سامي : ماشاءالله في بالكم أحد الحين ؟
ابو نياف : لاولله بكلم امه تدور له بنت الحلال
عند غيداء سحبت روحها وطلعت فوق تبعد عن الزحمه والانزعاج قعدت تتنفس بصدمه كيف الحين بيربطون اسمها في اسمه وهي ماسوت شيء ولا ألغت الخطوبه الحين بيتطور الوضع وبتصير باسمه !!! بكت بقهر ماكانت تعرف ايش تساوي سكتت من لمع شي بقلبها واوجعها كثير شهقت بالم ونزلت روحها للأرض تضم نفسها عشان يخف الالم بدت تقرا علئ نفسها الاذكار برعب من الالم الي اجتاحها فجاه مسكت جوالها بصعوبه واتصلت علئ اثاري وهي تتنفس بصعوبه ، ردت اثاري عليها بستغراب وهي تتلفت تدورها بالمكان
اثاري : الوه ؟
غيداء بصعوبه وصوت متقطع قالت ببكاء : اث.ثاري جيبي المسكن الي بشنطتي تكفين يسرع.عهه
اثاري برعب من صوتها قالت : غيداء وين انتي !!!
غيداء ببكاء : فوق تكفين بسرعه بموت !!
طفت اثاري الجوال وراحت لشنطه غيداء بسرعه وأخذت علاجها وأخذت علبه المويه وراحت بسرعه ركض لدور الثاني اول ماركبت الدور الثاني حصلت غيداء طايحه علئ الارض وضامه نفسها فتحت عيونها بصدمه وتقدمت لها بسرعه جلست علئ الارض وبدت تنادي غيداء برعب : غيداء وش فيك !!!!!!! غيداء !!!!!! فيك شيء اروح لعمي اقوله يوديك المستشفي !!!!
غيداء قامت ووجها مليان دموع ما مسحته اخذت العلاج من اثاري واكلته بدون صوت ، اثاري اول ما شفتها كذا فتحت لها علبه المويه واعططتها غيداء ، اخذت غيداء عليه المويه وشربتها وايدها ترجف
اثاري بخوف علي غيداء قالت : غيداء وشفيك فيك شيء !!!!!!!
غيداء طالعه باثاري وعيونها يكتون دموع لا إراديا منها قالت : لامافيني شيء
اثاري بعدم تصديق : كيف مافيك شيء وانا شايفتك جثه علي الارض !!!!
غيداء وهي تمسح عيونها : اقولك مافيني شيء !!
اثاري طالعه فيها وقالت بشك : اسالك بالله عبدالعزيز له دخل ؟
غيداء رفعت عيونها برعب من اسمه وقالت : وش جاب طاريه الخسيس !!
اثاري شكت بنبره صوتها وقالت : انا سالتك بالله ياغيداء عبدالعزيز له شغل الحين بدموعك ؟
غيداء نزلت عيونها وقالت : بروح تاخرت عليهم
اثاري مسكتها وقالت : اقعدي !! أنا حاسه انك مخبيه لك شيء كبير ياغيداء وشوا الله اعلم انا حاسه ان عبدالعزيز قايلك شيء قبل يروح ، قولي لي انتي قابلتيه ذيك الحضه بعد مارحت من عندك ؟ سالتك بالله جاوبيني بصدق مابي لف ودوران انا اكثر انسانه عارفتك ياغيداء وعارفه ان تصرفاتك ذي كلها طالعه من حركات عبدالعزيز فيك صح ولا ؟
غييداء نزلت راسها وقالت : اثاري لاتوجعين راسي الي فيني كافيني !
اثاري : لا جاوبيني الحين ! لاتتهربين من اسالتي يعني انتي قابلتي عبدالعزيز قولي لي وش قالك ذيك اللحضه ؟
غيداء طالعه باثاري وقالت : اثاري تكفين ماهوا وقتك اوعدك اقول لك كل شيء بس تكفين الحين الي فيني كافيني !! خلي هذا اليوم يعدي علي خير تكفين
اثاري سكتت وقامت قالت : اوكيه ، تعالي معني ننزل تحت ، قامت غيداء ونزلوا تحت هي وأثاري كملوا اليوم علئ خير وكان يوم جداً سعيد لعائله ال عبدالعزيز ، مروا الاسبوعين بدون اي احداث مهمه كانت غيداء طول الاسبوعين ذول كانت تصرف اثاري وماقالت لها شيء ، عند عرساننا تملكوا ريناد ورائد وكانوا طول الاسبوعين كانت دراسه ورقص بحماس لزواج ريناد ..
واليوم كان اليوم المنتضر من شهرين ، اليوم زواج
ريناد & ورائد ، كانت الساعه 4 ونص العصر كانت ريناد حاجزه ميكب ارتست تجي بالقصر وكانوا كل ال عبدالعزيز متواجدين بالقصر ويتجهزون بكل حب وحماس كانوا البنات كلهم جالسين عند ريناد وطالبين لهم ميكب ارتست ثانيه عشان الارتست حقت ريناد تاخذ راحتها بتضبيط ريناد
كانت ريناد جالسه علي الكرسي والارتست قاعده تمكيجها وانهار كانت قدامها وتسولف معاها ، بالجانب الثاني كانت الارتست الثانيه تسوي اثاري وغرور كانت جالسه لأنها توها مخلصه ميكب وقاعده تلبس العقد قدام المرايا ، رسن كانت جالسه تنتضر دورها و متربعه علي الارض وتاكل شورما وحمضيات وغيداء قدامها كانت جالسه نفس جلستها وتاكل معاها والايد الثانيه كانت قاعده تمنكرها صاحبه المناكير والبدكير كتمت تحط لها الون العنابي وغيداء تاكل بايدها الثانيه وتسولف مع رسن
-
بالفندق ...
كانت أم سلمان وعذوب وشهد جايين الرياض عشان زواج ريناد وحالياً متواجدين بالفندق قاعدين يتحهزون لزواج ريناد وطالبين ميكب ارتست عشان تضيطهم لزواج ريناد
كانت الارتست تسوي شهد بعد ما انتهت من عذوب ، عذوب كانت خالصه تماما الميكب والشعر كانت فاكته منسدل علئ ضرها بدون اي حركه منها وكان شعرها بالون الاسود وطويل كانت لابسه بجامتها ومتربعه علي السرير تحط لنفسها مناكير ، دخلت عليهم أم سلمان وكانت لابسه فستان أسود لامع ماسك علئ الجسم وبايدها شنطه كرستال بالون الفضي وفاكه شعرها الأسود الكثيف الناعم ولابسه تاج فضي وحاطه ميكب ناعم قالت : شرايكم يابنات ؟
عذوب رفعت راسها وقالت : وااههه شنوذا يا ام سلمان شنوا هذا الزين ما شاء الله .
ام سلمان بابتسامه : صدق انا زينه ؟
عذوب : ناقصك بس تلبسين الذهب عشان مايخطبونك بالزواج ويزعل يسوري .
ام سلمان ضحكت وقالت : ياسر ساحب علينا الحين ورايح عند الحلاق
شهد بضحكه قالت : أجل طلقيه المفروض قاعد عندنا ويتامل جمال زوجته الحلوه
ام سلمان عصبت من اول كلمه لاكن ضحكت بحياء من سمعت بقيه الكلام .
عذوب قعدت تضحك وقالت وهي ميته ضحك وتاشر لامها قالت : شهد شفتيها كانت بتهاوشك بس ضاعوا علومها من سمعتك تمدحينها ههههههههههه
شهد بضحكه قالت: ايههههه شفتهاااا ههههههههه
ام سلمان : بس خلص يابنات !
عذوب وهي ميته ضحك : ابشري ياعيون البنات ههه
-
عند الحريم كانوا الأمهات جاهزين ولابسين وخالصين كانوا واقفين علئ القاعه ويشيكون ايش الناقص وايش الكامل لاكن الحمدلله كل شيء كان جاهر وصل الحلا وبدوا يوزعونه علئ الاستقبال الي عند الباب ، كانت أم رائد كمان موجوده واخوات رائد الثنتين رندا عمرها 26 متزوجه ، واسياف 22 ومعاهم بنات خالاتهم وخالاتهم وكانوا كمان حاجزين ميكب ارتست وبقسم أهل العريس كانوا موجودين ، كانت أم رائد واختها مشغولين يشوفون التجهيزات والقهوه و الحلويات الي طالبين
-
عند البنات خلصت اثاري وجاء دور رسن بالميكب ، راحت رسن وقامت اثاري للي تسوي الشعر عشان تضبط لها شعرها قامت غيداء بعد ماخلصت مناكير واكل وكانت لابسه بجامعه مثل البنات ، كان الدي جي توه يشغل قامت غيداء بحماس وقالت : اهخخ بنات برقصص راحت للباب بسرعه وفتحته بدت تعاين منه
انهار : غييداء اهجدي لايشوفونك أهل العريس
غيداء طالعه قدامها وكان الممر فاضي لفت النهار وقالت : مافيه احد بروح اشوف الكوشه والقاعه علئ السريع واجي (كانت اقسام أهل العريس وأهل العروس بالدور الثاني والقاعه بالدور الاول)
راحت غيداء تركض ووقفت الي السور وتخبت ورا الستاير وبدت تناضر للقصر والتجهيزات واذهلت من جمال المنضر كان التجهيزات من افخم شي والقصر من افخم وارقا القصور في نجد العذيه لفت للبنات وكانت تاركه الباب مفتوح يعني يمدي للبنات يشوفونها لما طالعه للبنات أشرت لهم بمعنئ تعالوا كلشي يجنن ، شغلت اغنيه حماسيه لفت غيداء بانزعاج من الصوت وبدا تعاين القصر الي تحت وعرفت انها الاغنيه الي تحبها حيل لفت للبنات بفرحه وشافتهم حاطين أيديهم فوق روسهم وياشرو لها انها تجي لاتفضحهم ، ضحكت غيداء علي أشكالهم وبدت ترقص قدامها وتستهببل وتهز ، رسن بتعزيز وصراخ : عاااششتتتت عاااششتتتت
ريناد ضحكت وقالت : يارب أم رائد تشوفك
غرور كانت واقفه وتناضر لها شبكت معاها وقامت ترقص منبين البنات وتضحك ، غييداء انفجرت ضحك وقالت : عااشت اخت خدخود عاشت هههه
اثاري : بنات اهجدوا هههههه
انهار وهي كاتمه الضحكه : غييداء ادخلي لاتفضحينا !! ، غيداء فهمت كلامها وقالت وهي تأشر : هذي مخصصه لانهار بالذات بدت تهز مع الطبل حق الاغنيه .
البنات كانوا يعززون لها ويصورونها بضحك وحماس انتهت الاغنيه وضحكت غيداء بحماس ، لفت بصدمه من سمعت صوت انوثي بجنبها تصفق لها بحماس
اسياف : واااههه حبيييييتتتت تجننيينني !!
غييداء طالعه فيها بصدمه شافت بنت جدا جميله وجاهزه لزواج وكانت بقمه الاناقه ضحكت غيداء من الفشله
كانوا البنات يشوفون رده فعل غيداء والواضح أن فيه احد جاها بس مكانوا يعرفون مين الي جاها لأن الباين قدامهم بس غيداء.
جت عندها اسياف وقالت : الله تجنيين اعجبني حييل رقصك
البنات قاموا بسرعه باتجاه الباب بيشوفون مين الي يكلم غيداء
غيداء ضحكت بفشله وقالت : ههههههههه انتي مين ؟
اسياف تقدمت ومدت أيدها قالت : اهلين معاك اسياف اخت رائد ، انتي مين وش تقربين لعروستنا ريناد؟
غيداء ابتسمت ومدت أيدها ترد السلام وقالت : ياهلين فيك معاك غيداء بنت عم ريناد .
اسياف بابتسامه : ما شاء الله تبارك الله عليك مرره حلوووه
غيداء ضحكت بخجل وقالت : ياحياتي ماوصلت لحلاتك
اسياف بابتسامه : ياعمري ، عادي اسالك انتي متزوجه ؟
غيداء تلاشت ابتسامتها من تذكرته وقالت وهي تتصنع الابتسامه : ليش تسالين ؟
اسياف : يابخته وربي لو انتي متزوجه ماشاء الله عليك مرره مرره جمييله لو انا رجال تزوجتك بصراحه ههههههه
غيداء وهي تتصنع الابتسامه : ياحياتي لاولله موب متزوجه
اسياف طالعه فيها بصدمه وقالت : كل هذا الزين وموب متزوجه !!!!
غيداء ضحكت علئ تعابير وجهها وقالت : كنت ارفض عشان دراستي بس الحين مخطوبه لـ ولد عمي .
اسياف تنفست براحه وقالت : اوه قولي كذا صدمتني قلت الي بيشوف جمالك مستحيل يخليك لانك تبارك الله تجنيين جميله حييل حتا وانتي مو حاطه ميكب جمالك ربااااني تبارك الله
غيداء استحت من كثر مدح البنت وقالت : لإعاد كذا تخليني اشوف نفسي ويينن
اسياف ضحكت وقالت : يحق لك ولله التباهي والغرور
غيداء ضحكت وقالت : ياعيوني انتي عسسل وربي ، عادي اسالك ؟
اسياف ضحكت وقالت : اسالي يابعدي ؟
غيداء ضحكت وقالت : انتي اخت رائد الثانيه ؟
اسياف : الله الله
غيداء : ليش ماشفتكم بالخطبه والملكه صراحه عسل مثلك المفروض متعرفه عليها من زمان ههههههههههه
اسياف ضحكت وقالت : يحياتي ولله انتي العسل ، ايوه انا ماحضرت كنت في بعثه بالخارج ادرس وجيت بالسعوديه عشان الزواج وارجع بعد الزواج بكم يوم
غيداء : صدق ماشاء الله تبارك الله !!
-
كانوا البنات يعاينون غيداء وهي تسولف مع البنت
انهار ضحكت وقالت : غيداء مستحيه ههههههههههه
غرور وهي جالسه وتناضر من فتحه الباب وقالت : شكلها تمدحها انا اعرف غيداء إذا استحت هههه
رسن وهي جالسه علي الكرسي قالت وهي تبعد الارتست : لحضه شوي يشوفها علئ السريع واجي .
ريناد ضحكت وقالت : لي ساعه عيني لرسن مستغربه الي ماقامت هههههههه حسبتك عقلتي
رسن وهي تطالع البنت قالت بصدمه : افف البنت تصرع !!! جمييله حيييل
انهار : ايي تجننن
اثاري : بنات ابي اطلع عشان تمدحني مثل غيداء
رسن مسكتها وقالت : اقعدي انا بروح .
انهار و غرور شهقوا بصدمه ومسكوها علئ طول
انهار بصدمه: شايفه شكلك ؟ مهرج المكياج ماخلصتيه كله
رسن بثقه وضحكه : عادي اصلا انا مجمله وجميله من الله ما احتاج مكياج المكياج هو يحتاجني .
غرور شدتها وقالت : امانه شوفي شكلك بالمراه بعدين تكلمي انا متاكده انك ماشفتيني شكلك .
طالعه رسن بالمرايه وحصلتهاا موزعه الفونديشن علئ وجهها ورافعه حواجبها بالصابونه قالت بشهقه وهي تطالع وجهها بصدمه : ولله اني جميله رغم اني اخرش
انهار ضحكت وقالت : ههههه اقعدي اقعدي الله يهديك
رسن راحت للكرسي تكمل ميكب قالت : عشان انهار خايفه علئ ولا انا كنت بروح
ضحكوا البنات والميكب ارتست قالت بضحكه : انتي جميله وملامحك حاده ابي احط لك ميكب هادي يبرز ملامحك الحاده
رسن : اييوه سوي الي تبين اهم شي لاتكثرين الميكب ابيه خفيف
الارتست : ابشري ياعيوني
دخلت عليهن غيداء هي تلفح الشعر لورا قالت بضحكه : ههههههه بنات يغرتكم البنت قطعتني من المدح
اثاري : بشري هي خطبتك ؟
غيداء طالعه فيها وقالت وهي تحلف : ولله أنها سألتني تقول متزوجه ههههههه قالت لو انا رجال تزوجتك ياااععععيييي يابنات احس استحييت البنت عسسسل
انهار ضحكت وقالت : قولي لها انا خطيبه العقيد عبدالعزيز
رسن : ياااي طيب طيب هين ياغيداء اقول لعزوز اول ما يجي من الانتداب يجيب لك ذهب هذا طوله عشان لما يشوفونك يعرفون انك مخطوبه وما يقربون من صوبك
غرور : ههههههههههه بسم الله هذي غيره رسن عشانه اخوها اشي غيره عبدالعزيز
ريناد ضحكت وقالت : بيحرق الدنيا
اثاري : انتي انطمي وكملي مراسيل للحب ديالك رائد
ريناد ضحكت وقالت : انكتمي انتي .
غيداء كانت تسمع كلامهم وتمثل الابتسامه عشان ماحد يشك عكس اثاري الي كانت طول الوقت عينها لها وكانت فاهمه حركاتها ... ~علئ الساعه 7 المغرب~ الحضور بدوا بتجمعون وكانوا البنات واقفين مع امهاتهم ويسلمون علئ الحضور وكان القصر قممه بالفخامة وكانت أم سلمان موجوده وخالات ريناد كانوا البنات واقفين مع بعض ويسولفون غيداء اثاري مجد شهد عذوب رسن غرور وكانت معاهم اسياف قاعده تسولف وتضحك وتتعرف عليهم (كانت شخصيه اسياف اجتماعيه وحبوبه وفيها جمال فائق وقبول من الله)
-
انهار : كانت لابسه فستان بالون السكري وكعب بالون الاسود وكانت سانده شعرها علئ ضهرها بدون اي حركه لانه كان طويل جدا واسود غامق وكثيف وكان جداً يجننن وحاطه ميكب خفيف وكانت ملامحها شوي حاده وكانت جمميلله تموووت ماشاء الله عليها
غرور : كانت لابسه فستان اسود مكنفش ومع فوق فيه ابيض وكان الفستان فيه فتحات مع تحت لما تمشي يبين الكعب وكان لون الكعب ابيض وعقد خفيف ناعم
غيداء: لابسه فستان كل عاده خمري ماسك علئ جسمها ومفصلها تفصيل وكان جسمها منحوت نحت وملابسه كعب ناعم ولامع وعقد الماس ناعم وساعه
رسن : كانت لابسه فستان وردي مائل علئ الغامق وكانت مرره تجنن فاكهه شعرها وسسويته ويفي
مجد : كانت لابسه فستان ازرق ماسك علئ الجسم وفيه زينه مع فوق لمعه وكانت مره هوووت وفاكه شعرها الأسود الطويل
عذوب : لابسه فستان بنفسجي ماسك علئ جسمها وكعب اسود وكانت تتتجننننن وحاطه ميكب خفيف
اسياف : كانت لابسه فستان ابيض ماسك مع الجسم عاري من فوق الصدر وكان منعند الصدر فيه زينه كرستال بالفستان نفسه وكل فيه ذيل يبدأ من عند الردون بشكل حلو بالون البنفسجي المايل علي الازرق وملابسه عقد الماس ناعم واكسسواره ناعمه وفاكه شعرها الأسود الكثيف الواصل لين فوق ضهرها ومفيرته مع الأطراف
شهد : لابسه فستان احمر يجي اكمام طويله وفيه ذيل ورد مع الخلف وكان شكل الفستان ممره فخخم وحاطه ميكب خفيف وكعب شفاف وملابسه عقد ناعم
اسياف : ولله صدق يعني اخوك خطيب غيداء
رسن ضحكت وقالت : ايولله
اسياف وهي تقرط بوسه لغيداء وقالت : وااه يبخته إذا تزوجتي اعزميني لاتنسين هههههه
غيداء كانت واقفه بينهم تبي تضحك وتستانس لاكن محور الحديث عبدالعزيز الي بس اسمه يجيب لها الضيقه
غرور : وووهه الحبيب رايح انتداب من شهرين ماندري متا يرجع
اسياف : ليه هو وش يشتغل عبدالعزيز ؟
عذوب بضحكه : عميد
اسياف لفت لغيداء وقالت : واااهه ياحلوك انتي خطيبه العميد !!
غيداء طالعه فيها وهي تتصنع الضحكه قالت : ايوه
رسن وهي جايه تلعب بخدود غيداء قالت : وااهه فديت الخجولين ياانااسووا .
غيداء وهي تتالم من التقويم تحاول تبعدها عنها وقالت : رسن تكفين احح يووجع
اسياف بضحكه : اتركي البنت وجعتيها هههههه
رسن : ياي وجعتها أجل ؟ شكلك ما جربتي العض حقها ولا ما تدافعين عنها
غيداء وهي تمسك خدودها قالت : كذابه وش يعني عض انا مش فاهمه
اثاري بصدمه: انكر مهما كانت الادله قويه
غرور وهي تطلع يدها مدتها لغيداء وقالت : شكلك ناسيه انك كرزتي فيني امس
غييداء وهي تلفح شعرها لورا قالت : حرام لاتضلموني !!
اسياف ضحكت وقالت : خلص لاتضلمونها لا الحين تصيح علينا
غيداء وهي تقرط بوسه لسياف قالت : حبيبتي انتي مع صفي ولا صفهم ؟
غرور : مع صفي طبعاً
اسياف : لاهذي ولاهذي مع بوب مارلي ههههههه
غيداء ضحكت وقالت : حببيييتت جووي بالرياكشنات ههههههههههه
رسن قامت وقالت : امشوا بمتر الساحه بالرقص
اسياف : اييوه بحلل الزواج مارقصت بالخطبه والملكه بطيب خاطري بالزواج
عذوب : الله جيش حنا انتضروا بعد الاغنيه هذي بنشغل لنا اغنيه حلوه ونرقص عليها
مجد : عندي انا اضبطكم
غرور : اووووه شغلي الشيله ذيك الي بس تشغلينها نسيت اسمها .
مجد ضحكت وقالت : قصدك اغنيه **** ؟
غرور ' ايوووووه هذي
شهد : عاجزه اقوم ارقصوا انتوا
عذوب : طول عمرك عاجزه ماتغيرتي .
غيداء : غرور المصوره وصلت ؟
رسن : من عام جدي وصلت انتي وينك من قبل شوي
غيداء : صدق مادريت
غرور : جوا تاخذ لها كم صوره قبل لايدخل رأيد
-
عند الرجال
كان الزواج من افخم مايقال عنه كان التنظيم جدا فخم والمقهوجين وكان كل الحضور اغلبهم من الشيوخ القبيله ومن برا بسبه سمعه ابو رأيد المعروفه وعيال عبدالعزيز ، كانوا الرجال متجمعين ويرقصون العرضه النجديه وكانت هذي من سلوم أهل نجد بكل زواج ولا فرحه يرقصون فيها العرضه النجديه ..
نحمد الله جت على ما تمنّـا
من ولي العرش جزل الوهايب
خبّر اللي طامـع فـي وطنّـا
دونها نثني ليا جـا الطلايـب
يا هبيل الراي وين انت وانّـا
تحسب ان الحرب نهب القرايب
واجد اللي قبلكـم قـد تمنـى
حربنا لاراح عايـف وتايـب
انهض الجنحان قم لا تونّـا
بننكِلّهـم دروس وعجـايـب
لامشا البيرق فـزيزومه إنّـا
حن هل العادات وأهل الحرايب
ديرة الاسلام حاميـن أهلنـا
قاهرينٍ دونها كـل شـارب
تحت بيرق سيدي سمعا وطاعة
تحت بيرق سيدي سمعا وطاعة
وتحت بيرق سيدي سمعا وطاعة
وتحت بيرق سيدي سمعا وطاعة
ويا دار لنا حقك علينا
ويا دار لنا حقتس علينا
والسلايل في يدينا
والسلايل في يدينا
كانوا عيال ابو عبدالعزيز كلهم صف بجنب بعضهم وكانوا كل المعازيم قاعدين ويرقصون يشاركون عيله ابو رأيد وال عبدالعزيز ..
كانوا خالد وسياف وجاسر وسام وسلمان ومشاري ونياف وباقي عيال الديره من أصدقاء ولا قرايب كانوا واقفين ويرقصون بكل فرحه وابتسامه
-
عند البنات كانوا مستحيلن الساحه والمغنيه غنت لهم الاغنيه الي قالت لها مجد عنها ، وكان الجو حماس حيل كان الكل منبهر من جمالهن وانانقتهم وكان من بين الحضور شليويحه وام كشه
غيداء بضحكه وهي عند البنات قالت : بنات احس استحيت ابي انزل احس استحيت
رسن وهي تقرصها : اقعدي خلينا لين تخلص الاغنيه
غرور : ولله حماس مابغئ انزل برقص بعدها
اثاري : حتئ انا هههه
عذوب : وانا بعد
اسياف بضحكه : وااه فديت المستحيين
غيداء ضحكت وقالت : خلص مقدر بنزل احس مسستحيه حيييل والانضار علينا
اسياف أعطتها بوسه وقالت : اقري علئ نفسك الاذكار يبعدي
غيداء وهي تغطي وجها بايدينها قالت : ضاعت علومي خلص بنزل ، ضحكت ولفت نازله من الكوشه بكل أناقتها وزينتها وكانت تمشي وهي واثقه من نفسها وطرف الابتسامه علئ وجهها كانت مستحيه لما كانت تمشي كانت كل الأنضار عليها ناضرت بجوالها من شافت أنه رقم يتصل عليها استغربت لاكن ما أعطت الموضوع اهتمام وفصلت عبال ما تركب فوق وتبعد عن الازعاج عشان ترد ، وهي راكبه الدرج اتصل الرقم عليها مره ثانيه ردت وكان صوت الاغاني خلفها مره عالي ..
غييداء وهي ماسكه إذن والاذن الثانيه حاطه فيها الجوال وراكبه الدرج قالت : الووو ؟
عبدالعزيز بتنحنح : الو السلام عليكم
غيداء مكانت تسمعه من الازعاج قالت بصوت عالي : الوو ما اسممع !!
عبدالعزيز بعد الجوال عن أذنه بسبه الازعاج وصوت الرقص وقال : الو تسمعيني الحين ؟
غيداء بصوت عالي : لحضه لحضه الحين ابعد عن الازعاج .
سكت عبدالعزيز للحضات ، غيداء راحت لأقرب غرفه ودخلت فيها وقفلت الباب عشان صوت الاغاني يخف طالعه غيداء بالرقم وكان لسئ علئ الخط ردت وقالت : الو من معي ؟
عبدالعزيز : الو السلام عليكم
غيداء : وعلي.. سكتت بصدمه من عرفت صوته...
.
.
.
.
.
________________________
اعذروني اذا فيه اخطاء املائيه
________________________
ايش رايكم 😘😘🌹 ؟ كانت النيه اخلي جاسر يشوف غرور باليوم ذا بس تغيرت الأحداث وجاسر شاف غرور بالمخيم وبجيب لكم حدث يصدمكم يخص غرور بعد كم بارت
