خلوني امشي وواصل في غلاها المسير راضي لو اني ادوس الشوك بدروبها احبها حب والله
العلي القدير انه فلا فيه منهو في لغلا صوبها
تملكتني بضحكة وجهه المستدير واكلت
عقلي بزود الغنج في اسلوبها تقول بابا وانا ابوها و اخوها الكبير وغلا صديقأ لها واعز محبوبها
لو انها بس تاشر بالبنان الصغير تامر وانا الي البي كل مطلوبها
-
كانو البنات يتابعون المنضر بخوف علئ غيداء كيف أن كل العيال حاولو يوقفونه لاكن لاحياه لمن تنادي .
كان عبدالعزيز خايف علئ غيداء أكثر من سامي مكان يدري وش جاه لاكن صف خيله بجنب غيداء من الجهه الثاني وكان يسمع سامي لما يقول لغيداء نطي وغيداء كانت خايفه ، كان يناضر البوابه بخوف لايطلع الخيل وما يقدرون يوقفونه وقف بجنبها علي طول ومد أيده باتجاه وايد ماسك فيها الخيل ترك أيده الي ماسك فيها الخيل وثبت نفسه باستخدام رجوله ومسك غيداء بدون كلام وشالها بيركبها معه غيداء انبهلت من الي شالها فجاه كانت تحسبها خلاص طاحت وبتموت لاكن انصدمت من شافت أنه شخص لاكن ماعرفت مين بالضبط جت بتطيح لاكن تمسكت فيه بسرعه عبدالعزيز ثبتها بيد والايد الثانيه مسك فيها الخيل وخفف السرعه علي طول عشان غييدااء ماتطيح منه ، غيداء كانت متمسكه فيه بقوه لاهي الي ركبت الخيل ولاهو الي مسكها زين كانت تنتضر باي لحضه تطيح .
عبدالعزيز كان ماسكها مع ايد وأيده الثانيه يحاول يخفف سرعه الحصان ، عبدالعزيز انصدم وحس بشعور غريب لما غيداء تمسكت فيه ودفنت وجهها بكتفه والواضح من شهقاتها أنها تبكي ، عبدالعزيز نساء كل شي حوله وحس أن غيداء شوي وتطيح ومسك الحصان بسرعه ووقفه واول ما وقفه طاحت غيداء علي الارض وكانت منهاره بكاء ، جاء عندها سامي بسرعه وكان ميت خوف عليها جاء سياف وبقيه العيال والبنات وكانو كل شخص بخيل
سامي نزل بسرعه من الخيل وراح لغيداء بسرعه
كانت غيداء ترتجف وتبكي بصمت من صدمه الموقف
كان عبدالعزيز فوق الخيل ويناضر غيداء بصدمه مكان يعرف وشو الشعور الي جاه فجاه عجز يستوعبه كان يناضر سامي وهو يتكلم علئ غيداء وشاف غيداء كيف ارتمت بحضن سامي تبكي كان مو مستوعب ولا شي يحس أنه كل الي صار حلم
سياف والعيال جو عنده ، وعبدالعزيز رفع رأسه للعيال
سياف ببتسامه : كففوو ي بطلنا عوايدك ولله
جاسر وهو يصفق بايدينه : بطل ماشاء الله
كان مشاري وخالد يصفرون ويصفقون لعبدالعزيز ويضحكون .
عبدالعزيز رفع رأسه لهم وأعطاهم ابتسامه ونزل راسه يشوف غيداء متمسكه بحضن سامي وتبكي
سامي وهو يمسح عليها ويهديها : اششش خلاص ماصار شي قومي .
الناس تجمعوا عليهم والي يصور والي يطالع فيهم مايدري شسالفه .
عبدالعزيز صد عنهم وراح للعيال
جو البنات عند غيداء ونزلو من الخيول ووقفو بعيد عشان سامي عندها ويهديها .
سامي وقف غيداء وغيداء كانت ترتجف مكانت مستوعبه الي صار ، اخذها معاه وراحو متجهين للبوابه بيطلعون ، والبنات كانو ورا غيداء كانو خايفين علئ غيداء ومايبون يتركونها خصيصا هي بذي الحاله .
-
عند العيال
سياف : يعيال وش سالفته الخيل هذا كيف يعطونه الناس وهو ماهو بناصح يصلح نشتكي عليهم الكلاب
عبدالعزيز رفع نضره لسياف وكان يبي يسأله كيف شاف غيداء وكيف عرفت أساساً أن الخيل ماهو مضبوط لاكن نزل رأسه واكتفاء بالصمت.
جاسر : سياف كيف عرفت أن الخيل ماهو ناصح ؟
سياف ضحك وقال : امسك جوالك اتصل عليك سامي وكنت بعيد عني وانا ارد عليه ماكنت اعرف وش بيصير قال الحق غيداء ركبت لها خيل ماهو مضبوط ولما رفعت رأسي شفتها داخله الساحه .
عبدالعزيز كان رافع حاجبه ويناضر سياف نزل رأسه وطالع علئ غيداء وسامي الي متوجهين بيطلعون من الساحه حقت الخيول .
جاسر : عاد يا عبدالعزيز لاتسكت لهم الكلاب وجودهم بداهيه خير يعطون الخيول وهم ماهم متأكدين منه الحين جاء ينهي حياه البنت
عبدالعزيز بهدوء : ماعليك انا بتصرف معهم
مشاري بضحكه : تكفئ بمشي معك حتنئ ابي اهاوش ههههههههههه
خالد : أن خطيت خطوه معاه كسرت رجولك ماغير تدور مشاكل
مشاري ضحك وقال : ياخي يحمس والحين الحق معانا يعني عادي اهاوشهم براحتي
سياف ضحك وقال : اقسم بالله انك صادق يا خالد لما قلت عنه أنه مشكلجي ههههههههههه
خالد طالع بمشاري ثم لسياف وقال : توك م شفت شيء .
مشاري : انا برجع مع عبدالعزيز انتم اسبقونا
خالد : اقسم بالله يامشاري لو ما مشيت قدامي الحين لانزل عليك واوريك ..
جاسر ضحك وقال : هههههههههههههههه يلا عاد امش قدامنا انت اول واحد يا شوشو
مشاري : ارفع علومك ي ولد !
جاسر وسياف قعدو يضحكون سكتو من شافو عبد العزيز مشئ من عندهم ، راحو معاه وقعدو يسولفون طول الطريق الا عبدالعزيز ماكان يمهم كان مسرح بعالم ثاني ، استوعب علئ نفسه لما العيال مشو من قدامه بسرعه والواضح انهم يتسابقون ، وقف خيله وقعد يناضر علئ العيال وقال بابتسامه : عز الله أنها صادقه لما قالت إنها بتجيب راسك بنت مشعل ، اختفت ابتسامته من تذكر الحقد والكره لها وتخطيطاته للانتقام لها وقال : اصحئ علئ نفسك ي عبدالعزيز انت ما اخذتها الا لهدف واحد وهو انك تكسر غرورها الي إهانت رجولتك وحطتها بالتراب وهو اصلا ماحد قبلها تجراء وقد أهان ولا قرب من رجولتي ، حرك الخيل بسرعه وراح عشان ينزل خيله ، وقال للموضفين أن فيه خيول باقيه بالساحة وراحو العمال بياخذونهم ، طالع لقئ سامي ركب غيداء وباقي البنات معاه بالسياره والعيال متجمعين ويتهاوشون مين الي بيركب الدباب لحاله كانو ثلاث دبابات .
عبدالعزيز ضحك وجاء عندهم وقال : ارفعو علومكم الحين تتهاوشون عشان دبابات !!!
مشاري : لاو نلعب غميضه شرايك انت ؟
عبدالعزيز طالع بخالد وقال : هذا بالذات خلوه يروح اول واحد وانا الحين ناوي اخليه يلعن خيرهم بدالي
مشاري نزل من الدباب وقال : تكفئ خلني معك
عبدالعزيز ضحك وقال : خل الطقطقه تنفعك
مشاري ضحك وقال : خلاص معاد باطقطق وباس راسه.
ضحك خالد وقال : عبدالعزيز ترا ما انصحك تخليه عندك
ضحك عبد العزيز وقال : ومن قال يخليه عندي شوف ي مشاري روح روح وجيب سيارتي إذا جيت بسرعه ومعاك سيارتي ولحقت علئ الهوشه الي بتصير الحين ، ولا ماتبي ؟
مشاري : مع أن كلامك مش عاجبني اني اروح واجيب سيارتك، بس يلا اهم شي الحق علئ الهوشه
سياف ضحك وقال : هذا ماعنده بيها اهم شي لو يلحق عند اخر قطره من الهوشه ههههههه
جاسر : يعيال راسي مصدع ابي ارجع بسرعه تمشون ؟
حرك خالد وقال : مشاري أمش معاي
مشاري ركب ورا سياف بسرعه وقال : تخسي لو اركب معاك بوصل ثاني يوم دارسك ودارس خباثتك
سياف قعد يضحك وقال : ابشر بعزك الحين مانوقف غير عند سياره عبدالعزيز واخليك تلحق علي الهوشه قبل تبدأ حتا
مشاري ضحك وقال : لبئ عينه ولد عمووو
ضحك عبدالعزيز وقال : سبحان الله تقابلو البنزين والنار
خالد : اقسم بالله ههههههههههه
جاسر حرك وقال : ياكثر هرجكم يرجال ، وراح
ضحكو العيال وراحو وراه
عبدالعزيز ضحك وقال : والله ما اخليكم ي كلاب وراح توجه لهم .
-
عند غيداء وسامي.
نزلت غيداء من السياره وكانت تبكي بصمت للحين تتذكر الي صار وكيف أنها حاولت توقفه وعجزت
سامي دخلها الخيمه علئ طول عشان ماحد يشوفها من أمه ولا عماته مايبي يقول لهم الي صار عشان ما تخرب طلعه التخييم .
سامي جلس غيداء وقال بضحكه عشان يلطف الجو : خلاص وصلنا ماله داعي البكئ الكثير
غيداء نزلت نقابها ومنديلها وأخذت نفس تبي تهدي من حالها بس لما تذكرت الوضع تغورقن عيونها من الدموع .
قام سامي وقال : يلا انا بروح ، وأشر للبنات أنهم يهدونها ، وطلع .
جو البنات عندها
اثاري : غيداء صار فيك شي ؟؟
غيداء وهي تمسح دموعها قالت : لا .
رسن : طيب ليه تبكين مثل الطفل خلاص شوفيك مافيك شي.
غيداء : شفت الموت بعيوني وانتي تقولين لاتبكين مثل الطفل !!!
غرور كانت كاتمه ضحكتها وطاحت علئ الارض تضحك ضحك هستيري
البنات طالعوها بصدمه
اثاري ضحكت من ضحكتها وقالت : هذي شسالفتها ههههههههههه
غرور قعدت تضحك وتحاول تقول لهن لاكن عجزت توصف وزاد الضحك عندها
رسن ضحكت وقالت : تكفون هذي عندها سالفه قويه الي تضحك كذذا ههههههههه
غيداء كانت تطالعها بابتسامه من ضحكهم وقالت : خلوها جتها حالتها
رسن وأثاري فرحو لما شافو ضحكت غيداء
غرور وهي تمسح دموعها منكثر الضحك قالت : تذكرت شكل غيداء لما تمسكت بعبدالعزيز وضمته وكيف عبدالعزيز ماسكها عشان ما تطيح هههههههههههه
غيداء فتحت عيونها بصدمه وقالت : كيف !!!!
رسن ضحكت وقالت : ااااي لاحضتتتي !!!!!! ههههههههههههههههههه
غيداء طالعه باثاري ولقتها تضحك معاهم قالت بصدمه : احد يفههمني كيف كذا ومتا تمسكت بعبدالعزيز واصلا عبدالعزيز منوين طلع لي !!!!!
رسن: لايشيخه أجل من الي انقذك ؟ هههههه
غيداء تطالع فيهن بصدمه وقالت : صح سياف !!!
غرور : لايحبيبتي الفارس المغوار الي دائماً ينقذك من مصايبك ههههههههههه
اثاري : امببييه لحضه إدراك أن غيداء بس تعفسها وعبدالعزيز ينقذها هههههههههههه
رسن : اقسم بالله انكم مكتوبين لبعض ههههههههه
غيداء تطالع فيهن وتحاول تستوعب الوضع وتتذكر
غرور : هيي ي اوخيتي وين وصلتي بالتفكير هههههههه اتوقع سمت عيالهم من الحين
رسن قعدت ترفس علئ الارض من كثر الضحك
وغرور وراها ميته ضحك
غيداء طالعه باثاري بصدمه وأثاري تطالع البنات بضحكه علئ اشكالهم رفعت ناضرها لغيداء واختفت الابتسامه من شافت وجه غيداء
غيداء : اثاري هذي تساهيل ولا ايش انا مو متذكره مين الي ساعدني !!! كنت عبالي سياف لانه كان يحاول ينزلني من الخيل !
اثاري : لا عبد العزيز شافك وهو الي شالك من الحصان كنتي بتودعين لولا الله ثم هو
غيداء امتلو عيونها وقالت : مستحيل !! الله ياخذه ليته تركني اموت ولا ساعدني
اثاري فتحت عيونها بصدمه من كلامها وطالعة البنات وكانو يضحكون ويذبون علئ غيداء ماحد سمعها .
اثاري بخوف أن غيداء تكب عفش عبدالعزيز قالت : غيداء هههههههههه خلاص امسحي دموعك قبل خالتي تجي وتشوفك كذا وتخاف عليك .
غيداء مسحت دموعها بسرعه وقالت عطيني جوالك ي اثاري .
اثاري أستغربت من حركه غيداء وقالت : ليه شتبين فيه ؟
غيداء : عطيني إياه ، اخذته من اثاري واتصلت علي سامي ، سامي علي طول رد يعرف انها غيداء لأنها أكثر من مره اتصلت عليه من جوال اثاري وقال : هلا
غيداء تنتحنحت وقالت : سامي .
سامي : لبيه ي عيون سامي ، ها هديتي ؟
غيداء ضحكت عشان تطمنه وقالت : اسمع بقولك .
سامي ابتسم من ضحكتها وقال : لاتقولين تعالي لي برا ابتطمن عليك .
غيداء بهدوء : اوكي ، وطفت المكالمه .
رسن : علئ وين ي البي ؟
اثاري : غييداء وين بتروحين ؟
غيداء وهي تلبس نقابها : ابروح شوي لسامي واجي .
غرور : ليش ؟
غيداء : ابقوله مابي احد يدري عن الي صار اخاف يكنسلون المخيم وتخرب الطلعه بسبتي ، وانا مافيني شي .
قامت رسن وقالت : اي احسن ماسويتي لاتخوفين عمتي وعمي عليك ، انا بروح للبنات تمشون معي ؟
غرور : اااي ريناد لقيت لها مكالمات وانا ساحبه عليها !! الله يستر
اثاري : يويلك روحي وش تنتضرين !!
رسن : ليه ماتبين تمشين ؟
اثاري لما شافت غيداء طلعت قالت : لا مابي اخلي غييداء وهي كذا وجهها احمر من كثر البكاء
رسن : ااايييهه مكيجيها لاتفضحنا عند عمتي هههههه
غرور ضربتها وقالت وهي تضحك : الله ياخذ عدوك ههههههههههه
اثاري ضحكت وقالت : اقول اذلفو اذلفو ههههههههههه
غرور وهي تمثل الحزن : تشوفين يعنني حنا بنات خالات راح يقلبون علينا
اثاري ضحكت وقالت : انا وأخوي علي ولد عمي وانا وولد عمي علئ الغريب ، هذي انا وغيداء عليكم ههههههههههه
رسن : غيداء هذي بتكون حورمت خيو المستقبليع الي تعتزين فيها ، راح يجي اليوم الي اصير أنا عليك
غرور ضحكت وقالت : بعديت انا ازوج اثاري خدخود ونكون فريق ههههههههههه.
اثاري ضحكت وقالت : روحي روحي الله يهديك وليه مو انا ازوجتس جويسر .
راحو البنات وبقت اثاري واقفه تنتضر غيداء
-
عند غيداء طلعت وراحت لسامي لقته ينتضرها برا
ابتسمت وجت عنده
سامي ابتسم وقال : يهلا بوغدتي .
ابتسمت غيداء وقالت : البقئ .
سامي : ها طمنيني عنك صار فيك شي ، كنت خايف عليك حيل .
غيداء ضحكت وقالت : اخت سويمي مايصير فيني شي .
ضحك سامي وقال : ذيبه ماشاء الله
سكتت غيداء وقالت : سامي مابي احد يدري عن الي صار.
سامي عقد حواجبه وقال : اصلا مابي احد يدري بس انتي ليه ماتبين ؟
غيداء : مابي تخرب طلعه التخييم بسبتي ولا وامي وأبوي يخافون علئ وانا مافيني شي .
أبتسم سامي وقال : اصلا انا مابقول اعرف ان امي راح تموت من خوفها عليك عشان كذا قلت للعيال لأحد يدري عن الي صار .
ابتسمت غيداء بعدها تذكرت السناكات وقالت : السناكات الي شريت !!!
سامي حط يده علئ راسه وقال : يراسي هذا كل همك !
ضحكت غيداء وقالت : ياخي كنت ناويه اعزم البنات عليهن ههههههههههه
سامي ابتسم وقال : لاتخافين حطيتهم بسياره بس نسيت انزلهم من خوفي عليك .
ابتسمت غيداء وقالت : ياخي ياحلوي فيك .
سامي ناضر لورا وضحك وقال : خويتك تنتضرك وانتي عندي
غيداء لفت باستغراب وقالت : مين خويتي ، وابتسمت من شافتها اثاري لحالها والبنات راحو وتركوها .
قالت : هههههه يلا بروح البنات راحو وهي لسئ تنتضرني .
سامي : زين خوذي جوالك من الخيمه عشان اذا اتصلت تردين .
غيداء : اوكيه وراحت ، ياخي بس لو تدري جوالي منهو معه غير تنهي الخطبه بنفس اللحضه .
جت عند اثاري وسامي راح لمخيم الرجال .
اثاري : تعالي تعالي ، وراتس قلتي لسامي أنه مايقول لأحد عن الي صار ؟ احس وراك شي ماهو عذر انك خايفه أنها تنلغي الطلعه .
غيداء : مابغئ أحد يعرف أنه ساعدني يكفي مديحهم له يوم ساعدني بالمرات الي راحو قطعوه من المدح ، والحين إذا عرفو امي وأبوي راح يكبر زياده بعينهم شليويح الكلب .
اثاري : ولله مصيبه الحين كيف نلغئ الخطبه ؟
غيداء سكتت وقالت : مادري شكلي بوافق إذا سألني ابوي
اثاري فتحت عيونها بصدمه وقالت : ليييههه !!!!!!
غيداء : ي غبيه معايه حلين الاول أننا نلبس شليويح مصيبه والثانيه إذا ماضبطت الاولئ اوافق عليه لان الكل موافق ويحب عبدالعزيز وإذا رفضت بدون سبب مقمع راح يشكون فيني ان وراي بلا ، سامي قال استخيري ووافقي واذا ماتغير وجهة نضرك فيه وعد مني اني انا افسخ الخطبه ولا اطلقك منه .
اثاري : كويس يعني في جانب زين من انك توافقين عليه ، شوفي شليويح هذا راح نسوي شي نخليه هو من نفسه يرفض الزواج من نفسه .
غيداء : يعني ايش مثلا نسوي ؟
اثاري : مثلي عليه أن عندك حبيب
غيداء فتحت عيونها بصدمه وقالت : وبكذا اجيب الشر لنفسي عبد العزيز بيتزوجني عشان يخرب علئ حياتي وبكذا تخلينه يستأنس أكثر ويخرب سمعتي عند اهلي .
اثاري بتفكير : شليويحه !!!!!
غيداء : وشفيها ؟
اثاري : شرايك نجيبها ونخليها تحب عبدالعزيز ونوهمها أن عبدالعزيز يحبها
غيداء : صح كذبنا عليها أن عبدالعزيز يحبني ؟ هذي حقيره راح تقلب الطاوله علينا
اثاري : طيب وش نسوي فيه مثلا ؟؟ مافي حلول
غيداء : خليها لين نجي نجد العذيه بعدين نخطط يبغاله قعده هشليويح..سكتت من سمعت صوت ابوها يناديها ورفعت نضرها وشافته بعيد عنها شوي
غيداء بارتباك : اثاري الحين يسالني انا موافقه ولالا
اثاري : روحي له وقولي بستخير بسرعه عشان م يشك في شي .
راحت غيداء عند ابوها وقالت بابتسامه: سم ي يبه
ابو سامي بابتسامه : سم الله عدوك وباس راسها
غيداء بارتباك ناضرت لابوها وشافت أن الابتسامه شاقه وجهه وقال : فين امك ؟
غيداء : جوا بالخيمه
جت أم سامي ببتسامه وقالت : سم يابو سامي ليش متصل علي ؟
ابو سامي وهو ضام غيداء مع الكتف وقال : ولله ابي اشاور وغدتي الي كبرت وبتصير عروس
غيداء اختفت الابتسامه تدريجيا من شافت نضرات أمها وأبوها لها بفرحه
ابو سامي : غيداء ولد عمك عبد العزيز متقدم لك تقبلين فيه ؟
سامي جاء من وراهم وسمع كلامهم والإبتسامة شاقه وجهه وأشر لها انها توافق
غيداء سكتت ونزلت راسها بقهر والدمعه بعينها ماتبي تكسر فرحه ابوها وامها وفرحه سامي
ابو سامي بابتسامه : ها ي بنتي انتي موافقه ؟
غيداء رفعت نضراتها لهم وماسكه نفسها وقالت : الي انت تشوفه ي ابوي
ابو سامي بفرحه وقال : ولله عبدالعزيز رجال زين وانا اعتبره ولدي الثاني وغير عن كذا صديق اخوك المقرب ومتوضف بوضيفه ورتبه عاليه زينه وغير عن هذا كله هذا ولد اخوي الكبير ، انا عن نفسي ي بنتي انا وامك واخوك موافقين ، وانا مابي اجبرك علئ شي لاكن انتي بنتي الوحيده وعبدالعزيز رجال والنعم فيه ساعدك مرتين من الموت وانتي بنت عمه اشي لاصرتي زوجته اكيد راح يحطك بعيونه . سكت ينتضر اجابتها
غيداء بقله حيله وهي مستحيل تكسر كلمه ابوها ولا تزعلهم رفعت نضرها لسامي الي ينط لها من بعيد وياشر بمعنئ وافقي حطت عينها بعين ابوها وامها وشافت فرحتهم نزلت رأسها للأرض وقالت : شورك وهدايه الله ي يبه
ام سامي بفرحه : انتي موافقه ي بنيتي !!
غيداء بصوت واطي قالت كاتمتها العبره : مدام الكل موافق خلاص انا موافقه .
ابو سامي ضحك وضم بنته بفرحه وقال : ماشاء الله تبارك الله الله يتمم لك علئ خير ي بنيتي وان شاء الله تشوفين السعاده بحياتك معه .
أم سامي ضمتها والدموع بعيونها : مبروك يا روح امك مبروك .
غيداء ماقدرت تمسك نفسها وانفجرت بكاء بحضن أمها وأبوها وسامي جاء عندها بفرحه : مبروووك ي وغدتي مبرروك .
سامي شدها وضمها وقال : الله يتمم لك علئ خير ي عيون سامي خلص وشهو له الدموع .
غيداء كانت تبكي بقهر علئ حضها
سامي بعدها عنه ومسح دموعها وكان الابتسامه شاقه وجهه قال : وشو له تبكين ؟
غيداء سكتت وطالعه بابوها وقالت : يبه عندي شرط
ابو سامي بابتسامه : اشرطي الي تبين ي روح ابوك
غيداء نزلت راسها وقالت : مابي اتزوج الحين ، توي صغيره وبنات عماني الي اكبر مني لسئ ما تزوجو
ابو سامي : ومن قال اني بزوجك الحين انتي لسئ بعيوني بزر ، انا وافقت لاني بأمن لك مستقبلك مع رجال زين والنعم فيه .
سامي ضحك وقال : وين صغيره كم يوم وبتطبين الـ24سنه غيداء فتحت عيونها بصدمه وقالت : حنا باي شهر الحين !!
سامي ضحك وقال : صح النوم حنا ببدايه شهر سته .
غيداء : يمه ياسرع الايام توي داخله الـ 23 !!!
سامي ضحك وقال : شفتي انك تكبرين بسرعه ي الوغده ههه
غيداء ضحكت وقالت : عاد مسامحك إذا ماجبت لي هديه
سامي يصرفها : روحي روحي امي راحت وانا بروح لابوي
غيداء : حقير تصرفني
سامي ضحك وقال : مع السلامه وراح
غيداء راحت ورا أمها ودخلت وشافت الكل يزغرت ويصفقون
رسن بصوت عالي : ارحبي ثم ارحبي ثم ارحبي ي حررمه اخووي الحلووه
غيداء طالعه بام نياف الي جت بتبارك لها بفرحه : الف مبروك ي بنتي غيداء والله يتمم لكم علي خير
غيداء وهي تتصنع الابتسامه : الله يبارك فيك
بدو الكل يبارك لـ غيداء وكان الكل فرحان ومستانس غير غيداء الي كاتمتها العبره وأثاري الي تطالع فيها من بعد وكلها استفهام منصدمه قبل شوي راحت منها وهي ماتبي والحين جايه وأنها موافقه
جلست غيداء جنب اثاري وكان جنبها البنات وقعدت تناضر فرحتهم ومن ضمنهم رسن الي قامت وترقص والحريم يصفقون لها ولحقتها غرور وقامت ام سامي وام نيّاف والكل كان فرحان والي يصفق والي يغني
اثاري ناضرت لغيداء وقالت : وش غير رايك !!!
غيداء ناضرت لاثاري وقالت : ما قدرت ي اثاري ، ابوي كان شوي ويموت من الفرحه ومستانس أن عبدالعزيز خطبني ويمدحه عندي ولو شفتي امي كمان شوي وتموت من الفرحه ماقدرت كانو الكل فرحانين وينتضرون مني الموافقه نزلت راسها ومسحت الدموع الي طاحو منها بدون ما تحس
اثاري سكتت وهي تشوف القهر والغبنه علئ صوت غيداء وهي تعرف غيداء اهم شي عندها بالحياه أمها وأبوها ماتحب تكسر لهم كلامهم .
-
عند الرجال نزل عبدالعزيز ومشاري من السياره ودخلو خيمه الرجال ، عقد حواجبه عبدالعزيز من شاف سامي جاء بتجاهه وكان يقول : يههلا بعريسنا ي هللا بالنسسيب .
عبدالعزيز وقف بصدمه ويطالع بسامي ماتوقع الأمر بيتم بذي السرعه
عبدالعزيز ضحك وقال : وش تقول ؟
سامي ضحك وقال : ابشرك أن حنا موافقين ، وتمت الخطبه يالنسيب الف مبروك والله يتمم لكم علئ خير .
عبدالعزيز ابتسم وقال : الله يبارك فيك ، وراح يسلم علئ ابوه وعمانه بانتصار بس يبي يشوف وجه غيداء الحين اكيد بتكون منهاره ..
تسريع للوقت س 10 باليل كانو الكل متجمعين ويسولفون وكانو جالسين برا كان الجو صافي بس قمر وشوي غيوم وكانو الكل متجمعين وكان الجو بررد والكل لابس فروته ورسن أعطت سياف فروته وكان الجو رايق علئ الاخر كانو متعشين وجالسين يسولفون وياخذون يعطون مع بعض
قام ابو نياف وقال : ولله انا اعتذر غلبني النوم بروح انام قام ابو جاسر وابو خالد وابو سامي وقالو : تمسون علئ خير جا وقت النوم والكل يروح علئ فراشه .
قامو الحريم تدريجيا وراحو للخيام
هيفاء كان بيدها عبود لفت للبنات وقالت : بنات بتنامون ولا تجلسون هينا ؟
انهار : الجو يجنن مافيني نوم انا ابقعد
ريناد : ااي حتنئ مافيني نوم
غرور : بنات تبون تروحون ؟
هيفاء : ودنا بالجلسه وانتو ؟
رسن : انا اي مدري عن اثاري وغيداء
غيداء: اي ابغئ اجلس
اثاري : حتنئ اصلا الجو حلو ليش نروح ؟
هيفاء : مدري اسال .
نياف بصوت شبه عالي : عبودي هو نام ولا لسئ ؟
هيفاء ناضرت لعبود الي بحضنها وقالت : اي نام
نياف : ليش ما دخلتيه جوا أجل ؟
رسن بسرعه : بنضبط الجلسه ونقعد هينا ، مابتنامون انتو ؟
سياف فتح عيونه بضحك وقال : اووف يعيال يحتروننا نروح عشان يضبطون سهرتهم !!
سامي سدح نفسه علئ كوع عبدالعزيز وقال : انا ماني رايح بقعك هنا .
عبدالعزيز ضحك وقال : الخوي مايخلي خويه انا مع سامي هههههههه
مشاري ضحك : انا ماني معكم انا خوي البنات اليوم
نياف : اخسس يلغدار هههههههه خلاص انا مع مشاري خويكم
غرور : مانعترف فيكم
رسن باتفاق : صح صادقه
جاسر : ولله صدق بتسهرون هينا ؟
اثاري : اي ، إذا تبون تجلسون اجلسو بس بشرط نتقاسم المهام
نياف : اي مهام ؟
اثاري : انتو ترجعون وتزهبون القهوه وتعيدون ترتيب الجلسه والنار وحنا علينا الكرك والشاي وباقي السناكات
غيداء : والفعاليات بعد .
نياف : حنا ي العيال تم
انهار : زين وحنا ي البنات تم
عبدالعزيز : الضاهر ان اليله هذي بتكون ليله شتويه مميزه .
قام مشاري وقال : ولله وانت منسدح متصير مميزه يلا الكل ياخذله شغله عشان بنص ساعه يكون كل شي جاهز .
قامت ريناد وانهار وهيفاء ورسن وغرور واثاري وغيداء وراحو لخيمه الطبخ ، والعيال بدو يرتبون الجلسه ويزيدو النار حطب
والبنات وزعو الشغل أنهار تسوي الكرك وغيداء الشاهي وريناد تجهز الاكواب والصينيه ورسن وغرور يرتبون المرشملو و البسكويت والنوتيلا وأثاري تجهز الشبسات
هيفاء جت عندهم بعد ما نومت عبود ولقت البنات يسولفون ويضحكون
هيفاء بحماس : الله الجووو يجنننن يبناات !!
رسن : الحمدالله والشكر الله يدوم جمعاتنا علئ خير
ريناد : اميين
غيداء خلصت الشاي وحطته بالصينيه وقالت : بنات من خلصت منكم تمشي معي ؟
هيفاء : انا ماعندي شغله وين بتروحين ؟
غيداء : اليوم اخذت سناكات من البقاله وسامي نساهم بالسياره ابي اجيبهم تمشين ؟
هيفاء : اوكي ومنها اجيب جوالي هسيته عند عبودي لما نومته ، طلعو غيداء وهيفاء واتجهوا لسياره وقفت غيداء وقالت : تسميعين الصوت ؟
هيفاء وقفت وقالت : صوت عبود يبكي ؟؟!
غيداء : مدري امشي نشوفه شكله ولدك ..
راحو غيداء وهيفاء الخيمه وحصلو فعلا عبود يبكي
غيداء : ي الله ماهو وقتك تصحئ
هيفاء : عادي روحي جيبي أغراضك وتعالي تلقيني منومته.
غيداء ماتبي تروح بس تذكرت أن عبدالعزيز شافته عند الرجال جالس قالت : اووكي ، وطلعت متجهه لسياره عبدالعزيز بهدوء عشان مايشوفها ويلحقها
عبدالعزيز كان يكلم بعيد عن لجه العيال وشافها لما كانت متجهة لسيارته عقد حواجبه باستغراب شتبي بسيارته لحقها علئ الخفيف وشافها فتحت سيارته
فتحت غيداء السياره وبدت تدور الاغراض ورا ماحصلتهم قفلت الباب وراحت قدام وفتحته وحصلت الاغراض موجوده أخذتهم وقفلت الباب بتروح الا وتشهق بصدمه من شافته وراها ينتضرها تخلص .
عبدالعزيز : شقاعده تسوين بسيارتي ؟ نزل انضاره للكيس الي معاها وقال : اها ذولي لك ؟؟
غيداء تجاهلته وجت بتروح صد الطريق عنها وقال بضحكه : وين وين وين ؟
غيداء : شليويح بعد عن طريقي !
عبدالعزيز هز رأسه بالنفي وقال : نو نو نو ي خطيبتي العزيزه ، وأعطاها ابتسامه النصر .
غيداء ناضرت فيه وقالت : لا الي ايش ي خطيبي الحقير ؟
عبدالعزيز ضحك وقال : الحين صدق انتي وافقتي علئ هههه ؟
غيداء : اي ليش لهدرجه مو مصدق أن غيداء بنت مشعل بتكون خطيبتك لهدرجه شايف نفسك م تستاهلني ههههههههههه ؟
عبدالعزيز حاول يضبط أعصابه وقال عكس الي جواته : لا بس ماتوقعتك خفيفه وميته علي ووافقتي علئ طول ههههههه .
غيداء : شكلك نسيت أن عبدالعزيز خطبني من الفجور الله اعلم مين الخفيف بيننا
عبدالعزيز ضحك وقال عشان يستفزها : انتي متاكده انك مو مجبوره علئ ههههههه .
غيداء ببرود عكس الي جواتها : لا ومين الي يجبرني مثلا ههههه ؟
عبدالعزيز رفع كتوفه وقال : ماندري ولله ، المهم متا تبين الملكه ؟
غيداء ضحكت وقالت : ليش لهدرجه انت متحمس تشوفني ي ولد عبدالله هههههه اقسم بالله ماتوقعتك خفيف لهدرجه
عبدالعزيز ضحك وقال : احح كيف كشفتيني لهدرجه واضح انا ؟
غيداء ضحكت وقالت : جدًا ، بس يكون بعلمك لانضره شرعيه ولا جلسه بالملكه تشوفني فيهم ، هذا اذا ماخليتك بنفسك تتركني هههههههه .
عبدالعزيز تكتف ورفع حجاجه وطرف ابتسامه وقال عشان يستفزها : ليش اتركك يعني لك سوابق قبل ؟
غيداء رفعت ايديها بمعني مدري وقالت : يمكن ! ماندري
عبدالعزيز : مثل ايش يعني ؟ تكلمين احد ولا تتقابلين مع أحد ؟
غيداء بتمثيل فتحت عيونها بصدمه وقالت : مفتش جوالي انت !!!!!
عبدالعزيز عقد حواجبه بس استوعب أنها تحاول تستفزه وقال : ليش وش شايفتني مثلا عشان افتح جوالك ؟
غيداء بتمثيل للبرائه رفعت كتوفها وقالت : مدري لان لك سوابق قبل ي شليويح ،
عبدالعزيز مافهم قصدها وقال : سوابق ايش تحسبيني غيداء لي سوابق ؟
غيداء بسرعه : لا والعياذ بالله انت حتا ماوصلت ضفر من غيداء ، تبي اذكرك ي شكاك بسوابقك ؟ اصلا هههههههه مدري كيف تقدمت لي لهدرجه جايبه راسك انا رغم انك شكيت فيني وفـ اخوك
عبدالعزيز انقهر من كلامها وقال ببرود الأرض ابتسم وقال : انشهد انك جايبه راسي..
________________________
اعذروني اذا فيه اخطاء املائيه
________________________
.
.
.
.
عطوني رايكم بالبارت ؟ لاتنسون تحطون نجمه ي حلوات عشان اتفاعل معاكوو 😎💪🏻 .
لاحول ولاقوه الا بالله العلي العظيم ..
