حجزت لك رحلة ذهاب بلا اياب
وقفلت قلبن ما قصر عنك خيره
تعبت ادور للامل والامل خاب
ما عاد يجمعنا القدر يالعشير
روح فمان الله مع خاطرن طاب
طاب وتأثر ما عرف وش مصيره
حل الفراق وخلفنا سكة غياب
واللي حصل مابيننا كان خيره
مع السلامه واقفل بعدك الباب
ماعدت اللي في عيوني كبير.!
_
فتح الفيد عبدالعزيز ..
طبعًا اثاري العذر والسموحه لاني اخذت جوالك بس حلفت اني اني انور جوالك مدامه جديد ولابه اي مقطع لي ههههههههه ، سكتت من حست أن الاغنيه بدت وبدت تغني معه .
قالت ابي منك امان وقلت كلي اماان .
انتي فمان الله وفي وجهي وفي شنبي
عشناء سواء ثم راحت كن ماشيء
كان شابت عيوني وراسي شاب ونا صبي .
سحر البيان اشهد انها صدق سحر البيييان
ماهو بسحر البراقع واللثم والعبي
صح أن الاغنيه قديمه واني ذبحتكم فيها لاكن تبقئ الأولي علئ قلبي ، سوو يللا باي ، وطفت المقطع
عبدالعزيز عاد الفيديو عشرطعش مره من الصدمه وقال : هذي غيداء ؟؟ وليه صصورت بجوالي ؟؟ بس الواضح من كلامها أنه تحسبه جوال اثاري
طفا الجوال من قال لهم سامي : وصلنا عشر دقائق وندخل مكان التخييم ، قامو البنات ولبسو نقاباتهم وفتحوا الحاجز الي بينهم
عبدالعزيز : ما شاء متا فتحتوه ؟
رسن : ههههههههههههه خصوصيه ياخي
وقفو كل السيارات وابو نياف من عند نافذه السياره سال عبدالعزيز وقال : وين ي عبدالعزيز المخيم ؟
عبدالعزيز فتح النافذه كلها وقال : ولله ي يبه علي حسب الموقع يبعد عنا خمس دقائق مع اليمين .
ابو نياف : يلا مشينا وحركو لين م وصلو المخيم ونزلو وكانت النار جاهزه والدلال والاباريق موهبه و الجو يمطر علئ الخفيف وكان الجو خيااال
نزلو الشيبان والامهات والبنات والعيال
كانو البنات متجمعات وكل بنت بمضلتها
غيداء راحت لسامي وقالت : سويمي مضلتي بشنطتي بين الاغراض ابي مضلتك .
سامي : تلقينها عند مكان السواق افتحي الباب تلقينها وترا مو لي هذي لعبدالعزيز .
غيداء : اوكي وراحت وأخذتها وجت بتروح
عبدالعزيز جاي بياخذها قال : هووووب وشفيتس ماخذه مضلتي ؟
غيداء ضحكت وقالت : ياخي بعدين تعال خذها الحين بصور الجو .
عبدالعزيز : مضلتي طيب يشيخه المطر الحين يزيد إذا خلصتي عطيني أياها .
غيداء راحت وتركته كانت مروقه بالجو الي يجنن قعدو بالجلسه يسولفون والجلسة مجهزه قبل يجون وكان هذا طلب من عبدالعزيز
ابو نياف : ولله زين ي عبدالعزيز الي طلبتهم يجهزون الجلسه قبل نجي نسيت اقولك تسويها
عبدالعزيز بابتسامه قال : ترا طلبت طباخين لمده يوم واحد الحين يجون ياخذون الذبيحه ويصلخونها ويسوون لنا غدا وعشاء ، عشانه اول يوم قلت بنرتاح فيه .
ابو سامي : ولله زين م سويت ي عبدالعزيز
ابو خالد : ايولله يعطيك العافيه .
عبدالعزيز بابتسامه قال : الله يعافيكم .
ابو جاسر قام بابتسامه : عبدالعزيز حاجز دبابات ؟
عبدالعزيز بابتسامه قال : ااي ي عمي عشر عشان الكل يستمتع فيهن .
ابو جاسر : العذر والسموحه ي اخواني بروح العب بالدبابات ارجع ايام زمان
ابو خالد قام : ابد ولله م اخليك تروح لحالك أنا معك
ضحك ابو سامي وقام وقال : وانا معكم .
ابو نياف قام وقال : م بها مجلاس ابي العب معكم مابي اجلس وتقولون لي شايب
ضحكت أم نياف ، الكل ضحك
جاسر : ايوه زوجوهم يعقلون اتلاها تزوجو وخلفونا وللحين م عقلو
عبدالعزيز ببتسامه : امشو الحين بنخلي الشيبان وعماتي يلعبون
إم سامي : اكلت مقالب كثيره كله بسبته هو واخته
سامي قوس شفايفه بتمثيل: افا ي يمه معمري مقلبتك !
ام نياف : انا مابي اركب انتو العبو وانا مابي
عبدالعزيز : ولله أن غير تركبين ي يمه ، خليني ادلعك قبل يجي نيافوه
إم نياف : شمعنا
سامي قوم أم سامي معه والكل قام
عبدالعزيز بابتسامه قال : قوومي قوومي بعدين نتفاهم
ركبو الدبابات الرجال ، ابو نياف ، أبو خالد ، ابو سامي ، ابو جاسر
والأمهات كل وحده معاها ولدها يعلمها علئ الدباب
إم نياف معاها عبدالعزيز وانهار ورسن بعلمونها . السواقه ، أم جاسر كان يعلمها جاسر وجنبه اثاري .
إم خالد كان عندها خالد ومشاري وكانو يتهاوشون مين يعلم أمه اول وجنبهم ريناد وغرور يضحكون .
ان سامي كان عندها غيداء وسلمي ويعلمونها .
غيداء ضحكت وقالت : يمه خليني اسوق فيتس .
سامي دزها وقال : اذلفي انتي لاتجيبين أم العيد .
غيداء : يماااااااه فكري بولدك
سامي رفع نضره يشوف ام خالد مشت بالدباب وقال : ما شاء الله ييمه شوفي عمتي تعلمت بسرعه
إم نياف بعد م علمها عبدالعزيز بكل شي بدت تمشي لاكن شوي شوي حركو الكل وبدو يتمشون
اثاري نغزت غيداء وقالت : غيداء شوووفي فيه دبابين م عندهم أحد خلينا نركبهم قبل ياخذونهم
غيداء ابتسمت بفرحه من شافتهم وقالت : امممشييي يييييلااااااا ، راحو متجهات له وكان واقف عندهم العامل .
غيداء : صديق شغل الدبابات
العامل : انتا في كلام عبدالعزيز ؟؟؟
اثاري : ااااي اي قال لنا ناخذهم .
العامل صدقهم وشغل لهم الدبابات وركبوهم البنات غيداء كانت تعرف لدباب زييين لفت لاثاري وقالت : اثاري تعرفين لدباب زين ؟؟
اثاري : افا عليتس لعبتي سواقتهم .
غيداء : ككففو يلا خلينا نتسابق واذا احد من العيال نادانا هجي عنه .
اثاري : خلينا نمر رسن وغرور شرايتس .
غيداء ضحكت وقالت : يلا بسرعه بس بدون م العيال يقفطوننا .
اثاري حركت وقالت : يلا
حركت غيداء وأثاري باتجاه البنات
اثاري بصوت عالي : غررروورر تمشين ؟
لفو رسن وغرور علئ صوتهن وضحكن من شافنهن راكبات الدبابات ومتوجهات
رسن راحت لهم باتجاهم وقالت : خييير خذووني !
غيداء ضحكت وقالت : بسرعه اركبي يرانا الحين جيناكم عشان ناخذكم
غرور ركبت مع اثاري وقالت : ههههههههههه بنات كيف اخذتوهم
اثاري : اصصص اسكتي كذبنا علئ العامل ههههههههه
رسن ركبت وقالت : غيداء بعدي ابغا اسسوق انا
غيداء : انقلعي انا حجزته الاولى
ركبت رسن ورا غيداء وقالت : عاد بعد شوي راح اسوقه وغصبن عنك تسمعين
غيداء ضحكت وقالت : يييلا ، هذا اذا م العيال اخذوهم منا
غيداء بصوت عالي : يابوو سامي تساابقنا ؟؟
لفو الكل باتجاه صوتها ويناضرون للبنات وكانو رسن وغيداء وأثاري وغرور
عبدالعزيز حط أيدينه علئ راسه وقال : انتو وش ركبكم به ؟؟
رسن ضحكت وقالت : بالغلط ركبنا هههههه
سامي شاف غيداء هي السواقه وجاء باتجاهاوقال : بعدي ابي اسوق انا
غيداء ضحكت وحركت وقالت بصوت عالي : اثاري اسرعي ، ولله ي سامي م تأخذه دور لك دباب غيره
عبدالعزيز وهو لسا حاط ايدينه علئ راسه قال : انزلو عن الدباب هذول اسرع دبابين وخطيرات عشان كذا عزلتهم علئ جنب
جاسر بصوت عالي : اثااااري انززلي وجيبيه لي
اثاري بصوت عالي : ههههه ولله م تأخذه خذو حق غيداء .
غيداء ضحكت وقالت : ابوووك ي الغداره ولله م ياخذون حقي
رسن : شمعنا تأخذون دباباتنا خذو الي مع أبوي وعماني
عبدالعزيز : ي عيال هذول م ينفع معهم غير اخذته بالغصب الحقوني عشان كل واحد ياخذ دباب أخته
راح عبدالعزيز وأخذ الدباب الي كانت راكبه به ام نياف نزلت وراح عبدالعزيز وجاسر
رسن لما شافت عبدالعزيز جاي قالت : غيييييداءءء اسسررعي عبدالعزيز جاااي
غيداء لفت لورا وجاي باتجاههم غيداء أسرعت وهي ميته ضحك وتقول : ولله م ياخذه مني
جاسر : اثاري وقفي ي بنتتت
غرور : م علييك منه كملي امانه ههههههه
غيداء أسرعت وكانت اسرع من عبدالعزيز بمراحل وابعدن عن المخيم ، رسن : غيداء م كأننا ابعدنا عن المخيم
غيداء ضحكت وقالت : مدام اثاري ورانا والعيال يلحقونا ما بنغدي عنهم
رسن لفت وقالت : جاسر وقف اثاااري !!!! وعبدالعزيز ورانا !! ههههه
غيداء ضحكت وقالت : الله يقرفه اخوتس ذا النشبه
رسن : غيداء وقفي خلينا نشوف وش يبي م يقدر ياخذه منا لانه راكب علئ دبابه
غيداء خففت السرعه ورجعت باتجاهه
عبدالعزيز وقف قدامها وقال: انزلو وخذو الدباب هذا
غيداء : ليه وش يفرق ؟ ، رسن نزلت لأن وجهه عبدالعزيز حييل معصب وكانت خايفه منه
عبدالعزيز : انزلي بدون اساله وخذي الدباب هذا !
غيداء ضحكت وقالت عشان تقهره : تخسي ماني نازله
رسن فتحت عيونها بصدمه من جرأءت غيداء وكيف أنها تعانده وم نشدت
عبدالعزيز رجع شعره لورا وقال : بدون عناد ي ينت عمي
غيداء : صح انا بنت مشعل ؟ المهم ماعلي نزله ماني نازله رسن اركبي معي ابي اروح .
عبدالعزيز اشر الها بمعنا لاتركبين وقال : انزلي بدون كلام كثير الدباب الي معك خطير وسرعته جنونيه انزلي لايصير فيك شي ويحطونها فوق راسي
غيداء : تطمن الدباب هذا اعرفه أكثر منك ، واصلا من حركته كانت سرعته عاليه بس عادي انا متعوده اركب الي كذا ، رسن تركبين ولا خليتك ؟
رسن سكتت لأنها خايفه من عصبيه عبدالعزيز
جاء سامي علئ دبابه من بعيد وشافته غيداء وقالت كيفك ارجعي مع اخوك المتخلف ذا وراحت بتجاه سامي وتركتهم
رسن فتحت عيونها بصدمه وطالعه بعبدالعزيز الي كان هادي عكس الي توقعته منه ، عبدالعزيز متعود علئ حركاتها وسكت لانه بيردها لها أضعاف اضعافها
غيداء وقفت عند سامي وقالت : سامي تسابقني ؟
سامي : عبدالعزيز يقول إن الدباب هذا سرعته جنونيه ماهو زين الكم
غيداء : يشيخ خلني من شليويح ذا تعرفني قد سقت هذا وقت الي العن منه ومصار لي شيء
سامي كان يعرف أن غيدء تعرف لدباب هذا زين بس خاف عليها عشان عبدالعزيز قال إنه مو زين : يلا يويلك تسرعين لآخر شي تسمعين
غيداء ضحكت وقالت : ابد بس أمش قبل يجي خويك وياخذه مني
سامي ضحك وقال : تطمني مراح ياخذه انا راح امنعه .
غيداء ضحكت وقالت : كفو يلا بعد 1,2,3 انطلاق
حرك سامي وغيداء وكانو يتسابقون
عبدالعزيز لما كان متوجه لسامي وغيداء كان يشوف كيف سامي يضحك مع غيداء وعادي عنده أن أخته تسوقه مكان خاايف عليها ، لاكن أنصدم من حركو غيداء وسامي وكانو واضح انهم يتسابقون
-
عند اثاري نزلت من الدباب هي وغرور وتبادلت الدبابات هي وجاسر ، وبدو يدورون ويلعبون فيه
جت عندهم غيداء وكانت تضحك لأنها سبقت سامي
سامي : ماشاء الله عليك سريعه
غيداء ضحكت وقالت : محد بيهزم غيداء وعدة سامي
سامي ضحك وقال : ههههههههههه ولله اجمل وغده
غيداء ضحكت وقالت: لبئ عيينك،عاد لاتطوش زياده
سامي ضحك وقال : اقول اقول انزلي وخذي دبابي ابي اركب دبابك مدامه سريع .
غيداء ضحكت ونزلت منه وأخذت مفتاحه وقالت بشرط ؟
سامي نزل من الدباب وقال : رجعي المفتاح ليه طفيتيه
غيداء : لاني بخليك تنفذ شرطي
سامي : يحول وشو شرطتس ؟
غيداء ضحكت وقالت : إذا مسكتني اعطيك المفتاح
سامي : ي غبيه انا اسرع منك طيب امسكك علئ طول .
غيداء ضحكت وقالت : نشوف إذا مسكتني اعطيتك إياه
سامي ركض لها علئ طول بدون م يتكلم
غيداء صرخت بضحكه وقالت بصوت عالي وهي تركض : ي غششااش وقف م بدينا
سامي وهو يركض وراها : الا عاد انا بديت ، ومسكها علئ طول .
غيداء ضحكت وقالت : مع انك غشاش بس هاك إلمفتاح ابي اروح للبنات
عبدالعزيز كان واقف عند دباب سامي وينتضره ورسن نزلت من شافت غيداء جت باتجاهها
سامي ركب الدباب وشغله وجا عند عبدالعزيز
عبدالعزيز : ماشاء الله صرت اخاف علئ اختك من الدباب أكثر منك
سامي : هههههههههه لاتخاف غيداء تسوق الدباب احسن مني ومنك
عبدالعزيز عقد حواجبه وقال : كيف ووش خلاك واثق كذا
سامي : غيداء من وهي صغيره عننيده وكانت تسوق الدباب من عمر صغير ومحترفه به عشان كذا كنت متطمن عليها لأنها ماشاء الله سواقه
عبدالعزيز سكت وكان يطالع فيها وهو توه يلاحض أن اغلب حركاتها عناد مو كلها غرور تجاهلها وقال : شرايك نتسابق ؟
سامي : قدددااام يشيخ
-
رسن مسكت غيداء وقالت : غيداء صدمتيني !!!
غيداء لفت لها وعقدت حواجبها وقالت : وش صدمتك به ؟
رسن : كيف تقولين لعبدالعزيز متخلف وهو م سوا لك شي ولا بعد قدامه !!!
غيداء : ولله معاد صرت اطيق لا وجهه ولا وجوده اقسم بالله كرهته اخوك ذا
رسن : طيب كرهتيه هلكره هذا ليه وش سوا لك !!
غيداء سكتت ماتبي تقول عن العناد والهواش الي بينها وبينه ماتبي تسبب مشاكل بينها وبين رسل عشان كذا فضلت السكوت .
رسن : جاااوبي ي بنت !!!! اخوي مسوي لتس شي من وراي ؟
غيداء رفعت راسها وقالت بسرعه : ابددددًا يعني وش بيسوي مثلاً وانا غيداء الي م تسكت عن حقها ههههههههههه
رسن ارتاحت من ضحكتها وقالت : صراحه عبدالعزيز صدمني لما سكت عشانك قلتي له متخلف لانه م يحب أحد يغلط عليه والي يغلط عليه يلعن شكله
غيداء ضحكت وقالت : هذاني غلطت عليه اتحدا يقول لي شي ولله م اسكت عنه لاكسر خشمه ، المهم معلينا من الشليويح ذا اركبي خلينا نروح ونأخذ لك دباب عشان تفارقيني
رسن ضحكت وقالت : افاا ليه ماتبينيي !!!
غيداء : ودي افحط علئ الدباب مابي احد معايه
اثاري : هيييلووو بنات
رسن التفتت لها وقالت : وين غرور ؟؟
اثاري : راحت تاخذ لها دباب والحين تجي
غيداء : امشي ي رسن وخوذي لتس دباب وفكيني من شرك ، راحت غيداء والبنات متوجهه لدبابات وقابلو هناك غرور نزلت رسن وأخذت لها دباب وجت عندهم
غرور : بنات بنتسابق لين الشجره ذيتس
رسن : سجره اسمها
غرور ضحكت وقالت : خلاص سجره ههههههههه
