صرت أخاف اني اجيه ولايبي مني كلام
أخاف احكي بشوقي ويفهم اني موت أبيه
مدري هو فاقدني ولا عادي من دوني ينام
مدري هو مشتاق قربي ولا ماوده اجيه
كل يوم يمر فيني من العنا الفين عام
دنيتي تصعب علي وضاق صدري باللي فيه
اه لو نسنس علي من طرف ثغره كلام
اه لو اسمع علومه بس واتطمن عليه ..
-
رسن بحماسس : يسسس
شهد لفت للبنات وهي تصرخ بدون صوت من الفرحه
عذوب كانت الابتسامه شاقتها ماتوقعت ابد أن أمها بتوافق أنهم يطلعون باليل
طلعوا البنات من البيت متجهين للمزرعه
وكانوا البنات طول الطريق يغنون ويرقصون بروقان والي تصور والي تسولف وكان الجو مرا نارر
دخلوا البنات المزرعه وحصلوا مكان العزبه شغال وكانت سياراتهم موقفين عندها
رسن : بنات منزمان عن المقالب شرايكم نسوي مقلب بالعيال ؟
غيداء بحماس : ااااي ااااييييييي
غرور بحماس: يالله يحمسس
اثاري بحماس: اااي ييلااا امانه نبي مقلب قوي
شهد : خيير الحين بنمر الخيول بعدها سوو الي تبون
عذوب : احس خايفه بنات لو سلمان يقفطنا
مجد ضحكت وقالت : الحمدلله يزن مو معاهم
غيداء : ماعليك يلا نمر الخيول دقائق بعدين نروح العيال
راحوا البنات للخيول والكل راح وأخذ له خيل
غيداء ضحكت وقالت : شهد تعالي شوفي الجادل
شهد جات عندها وقالت : امانه ابي اركبها هي بالذات نفسي فيها
غيداء ضحكت وقالت : يالله اركبيها بس ياويلك يصير فيها شي
شهد ركبت وقالت بابتسامه : معليك حريصه أكثر منك
طالعه غيداء بالبنات وشافت أن كلهم راكبين خيل الا الخيل الجديد الاسود كان كل ماقرب منه أحد يتحرك بشراسه يمنع اي احد يقرب منه وكان هذا خيل عبدالعزيز ناضرت للبنات وحصلتهم يضحكون ويصورون قررت تروح له وتتعرف عليه بس
قربت غيداء منه واول ما قريت قام الخيل يتحرك بشراسه غيداء سحبت يدها بخوف منه ومن حركاته
تشجعت غيداء وقربت منه لأن عندها خبره بالخيول تبي تروضه عشان تقدر تمسكه الا ويبداء الخيل يرفس القفص الي قدامه ويحرك بكل قوته عشان يبعدها عنه .
غيداء بعدت عنه برعب من حركاته وقالت : بسم الله طلعت مثل صاحبك مجنون ما اكون غيداء إذا ما هجتدكم كلكم ، لفت غيداء للبنات وقالت بصوت عالي : بنات بسرعه انزلوا نبي نتمشاء
شهد : غيداء اسسكتي لا انزل اصفقك لاتخربين جوي
غيداء ضحكت وقالت : يلا عشر دقائق معك بسرعه العبي واشبعي
غرور : شهد تعالي ناخذ صوره بنزلها انستاء
تجمعوا البنات كلهم بخيولهم عشان يخشون عرض وتصورهم غرور
غيداء قعدت متكتفه وتناضر للبنات بعدين لفت للخيل وقعدت تناضر فيه كان خيل اسود كبير والواضح من شكله أنه شرس وصعب ترويضه
قربت من عنده وهي باقي متكتفه وقعدت تناضر فيه
الخيل من حس أنه قربت بدأ يتحرك ويتنفس بسرعه
غيداء : بسم الله لاتنفخ مو مقربه منك ي شبيه صاحبك الزفت
ارتكت علئ سور الاصطبل وفتحت جوالها تعاين علي اخر تغريده غردتها وتشوف تفاعلات الناس علي اخر تغريد
ضاق خاطرها من قرته ورجعت لها الكتمه والضيقه علي طول طفت جوالها وأخذت لها نفس عميييق راحت تمشي وقالت : بنات انا بسبقكم بروح للعزبه ومنها اتمشاء
رسن : اصبري الحين نجي
غيداء : لا خلي شهد تصور علي راحتها انا بس اتمشا ويمكن ما اوصل العزبه شكلي بكورب وارجع لكم
عذوب : اوكي
راحت غيداء الي تمشي جسد بلا احساس غارقه بتفكيرها تبي تنتقم من عبدالعزيز بس ماتبي تضره مضره قويه تخاف أنها توصل لامه وأبوه ويتضايقون بسبة غيداء اخذت نفس بعجز تحاول تمسك عيونها لا ينهمرون الدموع الي فيها ، قالت والغصه فيها : ليش ياربي قاعد تمتحن صبري فيه ليه عبدالعزيز يقهرني ويسوي كل الي فراسه بدون اي احساس واي ضمير وانا لاجيت بضره اخاف من مضرتي له أضر أهله وقفت من حست انها وصلت العزبه وأصوات ضحكهم وسواليفهم قربت بهدوء وتخبت وقعدت تعاين فيهم كانوا العيال قاعدين ويلعبون السوني والي يلعب بجواله والي يلعب بالكوره كان عبدالعزيز رافع ثوبه ورابط غترته علي راسه بشكل عصابه وقاعد يعرض بالكوره ويلعب كان ماهر بلعبه الكوره وسامي متربع وقاعد يناضر له ويضحك ويتحداه يسوي حركات ، كان عبدالعزيز الابتسامه شاقه وجهه ويلعب مادرا أن فيه عيون أهلكها الدموع بسبته قاعده تعاين فيه غييداء غمضت عيونها وبدت تبكي بدون صوت كانت مقهوره كيف هوا قاعد يضحك ويلعب عكسها هي بسبته كانت تبكي ليل ونهار استوعبت على نفسها ومسحت دموعها وهي لسا ما طلعت الي بقلبها بس تخاف البنات يجونها وهي قاعده تبكي مسحت دموعها ورفعت عيونها تعاين ما حصلت احد جاي اخذت جوالها تبي تشغل روحها وما ترجع تراقبه عشان ما تكسر نفسها الف مره ومره
حصلت نفسها بالتوتر ضغطت وبدت تكتب بدون اي احساس اهم شي تطلع الي بقلبها
' عز الله اني عايف الناس ودي اصد وصدتي خير صده '
' ساكته من قلة الحيله ماهو برضاي '
رفعت نضراتها من حست بقدوم البنات طلعت من التوتر بعد ما نشرتهم
رسن : ايوه وش فكرتوا نسوي مقلب
شهد وأثاري قعدوا يسرقون النضر مع المكان الي غييداء تناضر منه قبل دقائق جت عندهم عذوب وقالت اثاري : بنات مدام الاضاءه هينا طافيه شرايكم نمقلبهم أننا جنون
غرور بحماس : ياللههه
رسن ضحكت وقالت: ونضوي عليهم شغلوا فلاشاتكم
شغلوا البنات فلاشاتهم وغيداء تطالع فيهم وهي مسرحه
رسن طالعه بغيداء وقالت : شغلي فلاشك وراك هاديه
غيداء كانت غارقه في بحر هواجيسها
مجد ضحكت وجت مسكت غيداء مع كتوفها وبدت تهزها وقالت : ششغغللييي فلاااششكك ويين وصلتي بتفكيرك
غيداء صحت علئ نفسها وبعدت مجد عنها وقالت: بسم الله شتبيين
مجد طالعه برسن وقالت وهي تأشر علي غيداء : هذي وراها مصيبه الي هاديه كذا
غيداء ضحكت وقالت بربكه : للا بس رجع لي الصداع
عذوب وهي تاخذ جوال غيداء وتشغل الفلاش قالت : لالا أن شاء الله ما يرجع الحين خلينا نسوي المقلب
غيداء طالعه فيهم وقالت : وشو مقلبه ؟
رسن : وينك من قبل شوي خططنا أننا نسوي فيهم أننا جنون وبنهج عنهم
غيداء ضحكت بتمثيل وقالت : الله يلا يحمسس
راحوا البنات مع الجهه الي المبات طافين فيها (كانوا المبات مطفينهم العُمال ناسين لا يشغلونهم ) وقفوا وكان المكان بعيد عن العيال والمكان دامس الضلام فيه ناضروا وحصلوا مشاري يلعب برا العزبه بالكوره والعيال جالسين حوالين النار
بدوا البنات ياشرون كلهم بجوالاتهم وكانوا 7 فلاشات يتحركون من بعيد ناضر مشاري لهم وكنوا بعيدات أنصدم وبلع ريقه ونزل راسه يكمل لعب بالكوره يحسبهم جنون ويختفون
مجد : لييههه ينزل راسهه !!!!
رسن بضحكه : شكله انخرش
سكتوا من رجع وطالع فيهم مشاري وقعد يناضر فيهم بصدمه وقف لعب وراح متجه للعيال
اثاري وهي تضرب كتف غرور : يالله وش ذا اخوك الدرج ما سوا لنا فعاليه
غرور ضحكت وطفت الفلاش وشغلت جوالها وقالت : اسسكتي شكله رايح يناديهم
غيداء طفت الفلاش حقها وعلي طول شغلت الكمره يستعدون لطلوع العيال
غيداء: بنات نصكم يطفي كشافاته ولا ابتعدوا عن بعضكم
بعدوا البنات عن بعض وهن يلوحن بأيديهم يمين يسار
طلع مشاري ووراه عبدالعزيز وجاسر قعدوا يناضرون للبنات وانصدموا أن كلام مشاري طلع صدق
سامي كان يناضرهم ولما شافهم متجمدين ويناضرون قام علي طول ولحقه سلمان وقفوا وقعدوا يناضرون للاضواء الي جايه من المكان المضلم
عذوب انرعبت لما شافت سلمان طلع وقالت : بنات خلص امشوا الحين يفقوننا
غيداء هجت علئ طول وقالت بصراخ هادي : بناتتت اركضضواا
راحوا البنات مع غييداء يركضون وهم خايفين ويضحكون لفوا البنات بيشوفون العيال وش صار عليهم وانصدموا لما حصلوهم يركضون وراهم
شهد برعب : يممعععع العيال وراااناا
غرور برعب : الله ياخذه من مقلب ييمه الله يستر
غيداء وهي تمسك جوالها وتطفي التصوير قالت : بنات طفوا فلاش..سكتت من حست شي طاح منها وقفت وقالت : فييي شييي طاح مني !!!
مجد برعب وهي شوي وتبكي : غييداء أمشششي مو وقتك الحين يمسكونك
غيداء كملت تجري ورا البنات وقالت بصوت شوي باكي : بنات حاسه ان فيه شي طاح مني بس ماني عارفه ايشششش هوااا
راحوا البنات من ورا اصطبل الخيول متجهين للقصور عشان ماحدً يقفطهم كانوا يركضون بكل قوتهم والعيال كانوا وراهم بمسافه بعيده دخلوا البنات علئ طول لبيت ابو خالد وقفلوا الباب وراهم علي طول وراحوا يركضون بسرعه لغرفه غرور عشان لو احد من العيال شافهم وجا وراهم
-
عند العيال وقفوا من حسوا أنهم يركضون بلا اتجاه مبين كان بس الاضواء ضوو وبعدها اختفوا ما كأن أحد هنا
جاسر لف وقال : وينه مشاري مافيه احد
طالع وحصل بس سامي وسلمان عبدالعزيز معاه ضحك وقال : وينه مشاري
طالع سامي وضحك وقال : انشهد أنه دجاجه شكله خاف ههههههههه
سلمان ضحك وقال : ولله ما الومه ههههههههههه
سامي : يرجال ماهوا وقت الضحك الي قبل شوي هم حراميه !!
عبدالعزيز : حراميه وياشرون لنا ماتدخل العقل
جاسر : لا هذول جنون محترمين شكلهم
سلمان : شكل مزرعتكم مسكونه معليش بس مافيه تفسير ثاني
عبدالعزيز ضحك وقال : ايه انسكنت من شافت سلمان دخلها ههههه
سلمان ضحك وقال : الله يقطع ابليسك ههههههه يعني مزرعتكم ما رحبت فيني ههههه
سامي ضحك وقال : شكلها هههههههه
سلمان وهو يمثل الحزن : أجل زعلت بكرا أن شاءالله بعد الضهر بشد لشرقيه
عبدالعزيز غمز له وقال : وليه مو الحين
جاسر ناضر فيه وقال : وراك ي رجال ؟؟
سلمان ضحك وقال : انا زعلان من مزرعتكم
سامي غ
ضحك وقال بغمزه : الزعلان يروح بليلته مو بنتضر بعد صلاه الضهر .
جاسر يناضر فيهم بستغراب من حركاتهم وقال: احد يفهمني وانت ي سلمان صدق بترجع الشرقيه
سلمان : ايولله الدوام طالبيني وملزمين حضوري ولا انا النيه ارجع بعد بكرا
جاسر : يا رجال حاول فيهم تقعد ولو بكرا بس
عبدالعزيز : ما يقدر طالبينه بمهمه ضروريه
سلمان : ولله يا جاسر انهم اتصلوا علي قبل شوي قالوا حضر الان قلت لهم اني برا الشرقيه ما اقدر
جاسر : خيره عاد ولله فرحنا فيك وتونسنا بقدومك
سلمان : ياحبيبي ولله انا الي فرحت فيكم واني اخيرا قابلت بني عم عبدالعزيز وتشرفت بمعرفتكم
سامي وهو يرجع شعره لورا قال : الله يشرف مقدارك ادري تقصديني بس مستحي تعترف
جاسر ضحك ومشا وراه قال : شف وين وصلت الثقه
ضحك سلمان وقال : ابد اقصد الكل ولا انت مستبعد
سامي ضحك وقال : شفتوا اعتراف غير مباشر الله يسعدك اخجلتني
عبدالعزيز ضحك وقال : يرجال انططمم
وقف سلمان بنص طريقه وكان جنبه عبدالعزيز وقدامه يمشون جاسر وسامي نزل وحصل اكسسواراه علئ الارض اخذها وضحك وقال وهو يمسحها عن الرمل الي فيها : اوه اكسسواره بنات
طالع عبدالعزيز فيها وعرفها علئ طول هذي الاكسسواره الي اختارتها رسن لها ولصديقاتها والاكسسواراه الي دائم لابستها رسن قال عبدالعزيز بضحكه : ههههههه شكلها حقت اختي لاني دايم اشوفها عليها ما ترميها
سلمان فز قلبه من قال اختي وتذكر انهار قعد يناضر للاكسسواره أخذ عبدالعزيز الاكسسواره منه وقال : تصدق انها من اختياري تتذكر لما تقابلنا بالمول انا وانت اخر مره بالشرقيه
سلمان : ايوه ؟
عبدالعزيز : ايه وقتها رسن قالت لي انها بتشريها لها ولبقراتها بالله شرايك فيها بالله هي حلوه ؟ يكفي انها اختياري
سلمان ضحك وقال : ولله حلوه بس مدامها من اختيارك امم مقبوله
عبدالعزيز طالع فيه وقال : انت متا بتذلف لشرقيه
سلمان : ما بذلف بقعد بقلبك هاليله بخليك تتأمل وجهي الجميل
عبدالعزيز طالع فيه بتشمق وقال : انا ما ادري كيف نجد بتقبل فيك ههههههه
سلمان طالع قدام وتضايق من طاريها وقال : ومن قال اني بتقدم لها .
عبدالعزيز : يرجال ترا انت مصعب الأمر تزوج وعيش حياتك وراك صامل علئ قرار انك بتبقي عزابي
سلمان أخذ نفس وقال : عبدالعزيز مابي أخذ البنت واضلمها معاي انا اذا تقدمت ابتقدم وانا راضي أتم الرضا بالقرار الي اتخذته مابي اندم بعدين
عبدالعزيز طالع وقال : ومتا بيجي هالوقت ؟ وقتها انا متزوج ومخلف
سلمان ضحك وقال : ولله يا عبدالعزيز تبي الصدق انا احس اني بديت اتقبل فكره الزواج بس احس مابي نجد احس ما ارتحت لها
عبدالعزيز : انت استخرت ؟
سلمان : لا
عبدالعزيز : أجل انطم واستخير وعين من الله خير لعل وعسى ترتاح وتتزوج وتفك نفسك من فكره الزواج
سلمان وهم خلص واصلين العزبه قال : ايولله انك صادق ، دخلوا وحصلوا جاسر ماسك مشاري طقطقه وضحك والعيال يضحكون ومشاري معاهم يضحك
-
عند البنات دخلوا الغرفه بسرعه وهم يتنفسون بسرعه وبصعوبه
عذوب : ياويلينا الله يستر
مجد : يمه اسكتي انتي
رسن انفجرت ضحك والبنات وراها علي طول انفجروا ضحك
عذوب وهي تطالع فيهم بصدمه قالت : يمه تضحكون !!
شهد وهي تمسح دموعها قالت : يمه غيداء قهرتني هههههههه
غيداء وهي تضحك قالت : لييه وش سويت هههههههههههه
شهد وهي يلات تتكلم من الضحك قالت : لما وقفتي وتضوين تدورين علي الي طاح منك
مجد انفجرت ضحك وقالت : اييه غبببه يمه الضغط ارتفع معاي ذيك اللحضه
غيداء : ياخي ولله يا بنات لما وحده فيكم شدتني في شي طاح مني
اثاري : لايكون البطاريه ولا الشاحن الي معك
غيداء وهي تناضر قالت : لا هذا هو الشاحن والبطاريه اشحن جوالي فيهم ما طاحوا
رسن وهي تمسح دموعها من الضحك : يمه حلقي نشف ابغا مويه ههههه
غرور وهي تضحك اخذت علبع المويه وطشتها لرسن قالت : امسكي
عذوب : يمه جاني هبوط لما شفت سلمان يجري ورانا
شهد طالعه بعذوب بصدمه وقالت : سلمان كان معهم !!!!!!
عذوب طالعه فيها بنضرات وقالت : لا قرين سلمان ماتشوفيني مرتعبه
مجد : غيداء تفقدي وش الي طاح منك !!
غيداء : ولله يا مجد اني ما ادري
مجد : أجل شكلك تتوهمين
غيداء طالعه فيها للحضات وسكتت لأن يمكن كلام مجد يطلع صدق قعدت تطالع بيدها الي خاف اثر الكدمات فيها من الابره وكانت حاطه لزقه جروح اليوم الصباح عشان توقف النزيف طالعه فيها لثواني حبت تشلعها لان خلص وقتها بس تركتها لأنها تبي تغسلها وتمسحها فا هي ماهي رايقه لها ، مرت ساعات طويله وفذي الساعات نزلوا البنات عند الحريم عشان يسولفون ويتعشوا ، والعيال كانوا مسوين مشاوي جو الرجال من الزواج وقعدوا مع العيال وتونسوا .. وانتهت اليله الجميله علئ خير '
ثاني يوم بعد الغدا كانوا متجمعين ببيت ابو سامي لان ابو سامي ثلث علئ سلمان أنه ما يرجع الشرقيه الا ويتغداء عنده وافق سلمان بعد ما حلف عليه ابو سامي وكان جداً خجلان من العائله الي استضافوهم كم يوم وكلف عليهم وغير عن هذا كله أبوه أمس رجع الشرقيه لاكن بوجود صديقه عبدالعزيز وسامي وبني عمهم كانوا محسسينه أنه واحد من العائله ومن اول ما جاء طق الميانه معاهم وارتاح لهم حيل عكس الي كان يتخيله ..
كانوا متجمعين الرجال بالمجلس الداخلي والحريم جالسين ويسولفون بقسمهم الخاص ،
عند الحريم ..
كانوا الحريم والبنات جالسين بالمجلس بجلسة وحده وكانت جلسه ارضيه
أم نياف : زورينا ي أم سلمان ولله أننا فرحنا بجيتك
أم سلمان : يابعد عمري ي شيخه انا الي اتونست بالجلسه معاكم وان شاء الله اني راح ازوركم كل ما جا سلمان هنا ، ليش ما تزوروني بالشرقيه وتقعدون كم يوم عندنا
أم جاسر ابتسمت وقالت : صعبه ي أم سلمان حنا عائله كبيره انتوا الي تعالوا عندنا خفيفين لطيفين
أم سلمان: اان شاء الله اني عن قريب إذا سمحت لي الفرصه عزمتكم كلكم وأمانه معاكم اذا عزمت لا احد يردني ترا بزعل عليكم
أم جاسر : ابشري
أم نياف : يازينها ونسكن كلنا ببيتي الي بالشرقيه ونتعازم هههه
رسن دفت البنات وقالت بصوت واطي : بنات اسمعوا هرج الحريم
لفن البنات وحصلن الحريم يسولفون ويضحكون مافهموا شي من كلامهم
اثاري : وش يهرجون فيه مافهمت
رسن صفقت يدينها وقالت : خالتي ام سلمان تقول بعزمكم بالشرقيه وتعالوا كلم قالت امي بضحكه يازينها ونسكن ببيتنا الي بالشرقيه ونتعازم
غيداء طالعه بحماس وقالت : اللههه
غرور حطت أيدها علئ قلبها وقالت : يمه احلامي الورديه بدت تتحقق
اثاري : ااييهههه ههههههههههه
عذوب : يالله احس تحمست واذا جيتوا عندنا بالشرقيه نطلع كافيهات ومولات والبوليفاردات
غيداء ضحكت وقالت : العذر والسموحه منكم من جيتوا عندنا ماطلعناكم غير للبر والمزرعه
عذوب طالعه فيها وقالت : يششيخه المزرعه حقتكم احسن منن كل الي ذكرت ماشاء الله تبارك الله لو انها انا بسكن فيها طول عمري مراح افارقها
شهد : الله واوريك الخيل ادهم يا غيداء
غيداء : عاد خيلك بالذات نفسي اركبه أحسه كيوت ماهو مثل للجادل خيوت
اثاري : الله اكبر اول مره تسب الجادل
رسن وهي تطالع بغيداء قالت : ايه لو بس قلنا طلعنا عيب واحد بالجادل تنقز علينا وتعضنا
غيداء ضحكت وطشت شعرها لورا قالت : اكس كيوزمي كلش ولا للجادل خط احمر الي يتعداه يقوم عليه وبعلم بايدينه اخليه اذا شاف العضات يقول ياليتني ما تكلمت
عذوب : بسم الله متوحشه قاطع كلامهم لما اتصل سلمان علي امه يعلن وقت مغادرتهم من نجد العذيه
قامت أم سلمان بعد ما طفت الجوال وقالت : يالله استاذنكم واشكركم علئ حسن الضيافه الي تفتح النفس مثلكم بدوا الحريم يودعون أنفسهم وعند البنات
كانت عذوب ضامه رسن حضن الوداع وودعت كل البنات والدمعه بعيونها وشهد كذالك مكانوا يبون يرجعون
شهد : لو سمحتوا ماشبعت مابي اروح لشرقيه
غيداء وهي تضحك قالت : تبين اصك سلمان اخليه يفقد الوعي وتقعدون عندنا
عذوب بضحكه : صكيه وانا بعد يساعدك
أم سلمان من بعيد قالت بضحكه: بسم الله علي ولدي لاتقربن من صوبه
البنات لفوا لها مكانوا يحسبونها تسمع وانفجروا ضحك
أم نياف ضحكت وقالت : ولله يسوونها اهم شي عندهم وناسه بعض
أم سامي : هههههههه اي والله
أم جاسر وخالد : هههههههههههه
غيداء لفت وجهها بفشله وقالت : الله يقرف شكل العدوا سمعتني وااععهه يفشلله
اثاري ضحكت وقالت : تستاهلين
عذوب ضحكت وقالت: عادي امي لاتتفشلين
طالعه فيها غيداء بصدمه وقالت : البلا كله امك اصلا ما تفشلت غير منها هههههههههههههههههه
عذوب انفجرت ضحك هي والبنات كانت بتخفف عليها الا أنها ماسوت شي
طلعوا ام سلمان وبناتها بعد ما ودعوا الكل وسلمان كذالك ركب السياره بعد ما ودع عيال وأحفاد عبدالعزيز كلهم وابو نياف مسكه ووصاه أنه ما يسرع لأنه يخاف عليه ويعتبر سلمان ولده منكثر حبه له حركوا سلمان وأمه وإخواته مسكوا خط لشرقيه
دخل أبو سامي جوا وكان حيل تعبان ما اخذ قيلوله الضهر وكذالك ابو نياف وابو جاسر وابو خالد الكل راح لبيته عشان ياخذون نومه يريحون فيها قبل اذان العصر .
رجعوا العيال للمجلس وتسدحوا بتعب وبدوا يسولفون الا مشاري الي تغدا معاهم وطلع بسرعه لدوامه
سامي : عبدالعزيز تخاويني للمركز ؟
عبدالعزيز ناضر فيه وقال : وراك ؟
سامي : لا بس الزفت هادي طالبني اتوقع انه بيرسلني بمهمه
عبدالعزيز عدل جلسته بقهر وقال : ياذا الهادي الي ما بلعته ياخي ليه حطوه للواء وهو مايستاهل مرتبه الجندي حتا !!!
سامي : يارجال توك ما شفت شي اصلا مافيه احد بالعه توه مرسل عمر لمهمه يقعد فيها 8 شهور
عبدالعزيز طالع فيه بصدمه وقال : عمر الي توه تزوج !!!!! ولا انا غلطان
سامي اشر له بمعني نعم
عبدالعزيز انقهر وقال : حسبي الله عليه هذا يصلح نشتكي عليه
سامي : لاتحاول هذا له واسطات قويه كثير اشتكاء عليه لاكن ماتوصل كل ما يرفعون ينزلها بكل سهوله لان عنده يتعامل مع واسطات جدآ قويه
جاسر : أحسه مزيون هادي هذا
خالد ضحك وقال : ايولله أحسه مزيون لاكنه خبيث وعمره 32
سامي وعبدالعزيز كانوا يكرهون كره البين قال عبدالعزيز : لو مهما كان جميل الاخلاق هي الي تقيس الشخص
سامي طالع فيه وقال : كيف عرفت عمره ههههههههههه
خالد طالع فيه وقال : صدق عمره 32 !!!
سامي : وانا شدراني عنه بقريح عليه هو وعمره
خالد : كش عليك حسبت توقعي صح
عبدالعزيز طالع وقال : الحين تتوقعونه متزوج ولا اعزب
سامي : أحسه مطلق
نياف كان قاعد علئ جواله طفاه وقام وقال : بلشوا بالرجال هذا وهم ما يدنونه
عبدالعزيز ضحك وقال : ياخي انكتم أنت متا بتذلف لشرقيه
نياف وهو مركي أيدينه علئ الباب ويلبس كندرته قال : اليله إذا حنا حيين ليه لك حاجه ؟ تبيني اقعد ترا بقعد
عبدالعزيز : ابد حلفت ماودي اضغط عليك روح الله يحفضك
نياف : يارجال طيب تبيني اخلي ورعي عبود عندك اعرفك تبيه
عبدالعزيز : لالا اخاف خواله يشتاقون له
نياف : يارجال عادي عمانه اولئ من خواله
عبدالعزيز وهو يحرك رأسه ويشر له بالنفي قال : لاااا لالا ما يحتاج اخاف تشتاقون له
نياف ابتسم وقال : يارجال كيفك عاد ، وراح
جاسر ضحك وقال : ابوك ي التصريفه
عبدالعزيز طالع فيه وضحك
قام خالد من جاه اتصال وقال : يالله الله يخلف عليهم
سامي ابتسم وقال : عافيه
قام عبدالعزيز وقال : تبي تروح للمركز ؟
سامي ضحك وقال : امزح عليك
عبدالعزيز رفسه برجله وقال : يالملعون وانا صدقتك
جاسر قام بيروح الا ويوقف قال : حدك علي ابن خالتوااا
عبدالعزيز طالع فيه وقال بستهزاء : ابن خالتوااا !!
سامي قام وقال : ولك تؤبورني ي ابن خالتوا جاسر طلعت تخاف عليي
جاسر وهو متجه للباب قال : ياعومري ايزا ما خفت عليك مين بيخاف عليك !!
عبدالعزيز نزل وأخذ علبه المويه وطشها علئ جاسر قال : يشيخ ارفع علومك انت والدلخ ذا
جاسر ضحك وهرب قبل يصكه بالمويه الثانيه ورجع وقال : عزوزوو ابن عمي لاتجزع خوذ البوسه ذي وطش له بوسه بالهواء
عبدالعزيز طالع فيه وطش علبه المويه بسرعه عشان تصقعه الا ويهج جاسر وهو يضحك ، طالع عبدالعزيز بسامي وقال : ايوه وأنت وين بتروح ؟
سامي : بلعب بالسوني تجي تلعب معي ؟
عبدالعزيز : تم ليش لا
سامي : تعال معي لغرفتي ، طلع عبدالعزيز وسامي من المجلس رايحين لغرفه سامي ركبوا الدرج ودخلوا غرفه سامي ، شغل سامي السوني واعطا يد عبدالعزيز وقال سامي : تبي مشروب ساخن ولا بيسي ؟
عبدالعزيز : مابي شي
سامي : احسن وطلع برا الغرفه وبداء عبدالعزيز يضغط بالسوني وبعد دقائق رجع سامي وما معه شي
عبدالعزيز أستغرب وقال : وين رحت ؟
سامي : مدري احوس بالبيت ادور اي سناك وماحصلت الي يعجبني
عبدالعزيز ضحك وقال : مريض هههههه
بدوا يلعبون ومر اليوم كامل بدون اي احداث مهمه
ثاني يوم علئ العصر كانت غيداء تتصل علي البنات بتعزمهم وكل وحده تتعذر لها بشغله تافافت غيداء وكان الطفش لاعب فيها لعب ناضرت لساعه وتافافت أن الوقت يمر بالبطيئ قامت ركبت فوق لغرفه سامي وحصلته ماهو موجود معناه أنه مداوم قفلت باب غرفته بطفش وراحت لامها وحصلتها تقرا قرأن وأبوها ماهو بالبيت كان بالمحل تنفست بطفش وضيق مكان عندها شيء تسويه راحت تتمشا بالبيت وتذكرت أنها ما راحت للجادل اليوم كله قررت انها تلبس وتروح لها وفعلا لبست نقابها وعبايتها وأخذت شال خفيف معاها بالون الوردي وطلعت رجعت تتصل بالبنات وحده وحده عشان يطلعون معاها بالمزرعه
اتصلت علئ غرور وتعذرت أنها تجهز للمدرسه واتصلت علئ اثاري وتعذرت أنها مشغوله بترتيبات غرفتها ضغطت علي رقم رسن الامل الاخير
رسن فتحت المكالمه علئ السبكر ونزلت جوالها: هلا غييداء ؟
غيداء : رسن فاضيه ؟
رسن وقدامها الايباد وتختار لها قانون قالت : لاوالله مشغوله
غيداء بقهر : وش مشغوله فيه كلكم مشغولات
رسن وهي تمثل عدم الفهم قالت : كيف من المشغول ؟
غيداء : ماحد وطفت جوالها بقهر
ضحكت رسن لأنها مافقه هي والبنات يسوون كذا فيها كملت تتفرج بالايباد
غييداء انقهرت وراحت للخيول
-
كان عبدالعزيز توه جاي من دوامه اخذ له شاور سريع وسوا لنفسه قهوه v60 قعد يتقهوا راح لشباك مثل عادته الي مطل علئ المزرعه الكبيره وقعد يعاين فيها وهو مسرح طاحت عينه علئ شخص رايح بتجاه الخيول وعلي طول ميز مين الشخص هذا قعد يناضر فيها لين ما وصلت لين الخيول وقفت قدام الجادل وقعدت لدقيقتين ثم لفت بتجاه خيله فتح عيونه باعجوبه وقعد يناضر فيها
-
عند غيداء راحت للجادل وقفت قدامها وبدت تمسح عليها وهي مبتسمه لفت بانزعاج من خيل عبدالعزيز الحركي قعدت تعاين فيه لثواني ثم راحت له بكل هدوء ووققفت بعيد عنه وقعدت تعاين فيه كانت كل ماقربت منه يفور ويتحرك ويتنفس بسرعه
عبدالعزيز ضحك وحس أن وقوفها هذا خوف لف بسرعه وأخذ جاكيته والكوب القهوه معاه وراح متجه للمزرعه بسرعه
غيداء كانت متكتفه وتناضر فيه وحالفه انها راح تهجده
قربت منه وكان كل ماقربت الخيل تزداد سرعه حركته
بعدت عنه من حست أن الخيل شوي ويفقد صيطرته وقعدت تعاين فيه لثواني لفت برعب من الصوت الي صدر وراها
عبدالعزيز بابتسامه : تبين تمسكينه ؟
طالعه فيه غييداء وكانت بترقص بس حست أن نبره صوته وابتسامته ماهي مثل كل مره قعدت تعاين فيه بصدمه لثواني
عبدالعزيز عقد حواجبه وقال : وراك تعاينين فيني كذا ؟
غيداء استوعبت علئ نفسها وتجاهلته ومرت من جنبه وهي متجاهلته
عبدالعزيز ضحك لانه كان متوقع ردت الفعل هذي منها
غيداء راحت للجادل وطلعتها ركبت بالخيل وراحت متجاهله وجود عبدالعزيز
عبدالعزيز طلع الخيل حقه ومسح عليه لثواني وهو يناضر علي غييداء لف عنها وركب الخيل من عرف وين رايحه
عند غيداء راحت تتمشي متجاهلته عند بستان الزهور قعدت تتمشى ونزلت من الخيل وقعدت وقطفت لها زهره ارتكت علئ جنب الجادل الي جالسه جنبها فتحت جوالها علئ التوتر وقعدت تفكر بتغريدات الناس وأبيات الشعر الي منزلينهم الناس
كان عبدالعزيز يتمشاء حوالين المزرعه ويشيك علي بعض الأمور يحاول يلهي نفسه لايجي ويتكي معاها
غيداء طفت جوالها بأنزعاج كانت تبي تغير جو وحصلت عبدالعزيز قدامها وتعكر جوها حيل كانت تتمنا أنها ما تشوفه طول حياتها لأنها تكرهه كره حيل
لفت تعاين بأرض الزهور الكثيره المزروعه قدامها وطاحت عينها علئ مكان عبدالعزيز قبل كم يوم لما قعد ينتضرها عند بستان الزهور قعدت تتذكر لما انفجرت بالبكاء وهو واقف قدامها بدون اي ذره احساس بالعكس كان تهديده الجديد أنه يملك عليها
غمضت عيونها بقهر علئ حضها وأخذت نفس وسمحت للدموع المره هذي ينزلون بدون ما تمنعهن ضمت رجولها وبدت تبكي وتسمح لصوت شهقاتها الجادل بدت تمسح راسها علئ غيداء كا مواسااه لها غيداء من حست علئ حركات الجادل انفجرت تبكي بكل قهر وحزن وكانت هذي اول مره غيداء تبكي وتطلع الي جوات قلبها من شهور
-
عند عبدالعزيز كان يتمشاء بطفش حوالين المزرعه جاه فضول يشوف وينها غيداء الحين ، راح بتجاه بستان الزهور و الأشجار وصل وكان يشوف غيداء من بعيد قاعده وضامه رجوالها والخيل واقف فوقها ويمسح عليها عقد حواجبه وحس أنها تبكي تقدم لها علئ طول بيشوف هل إحساسه صدق او لا
الخيل وقف قعد يناضر بعبدالعزيز الي جاي بتجاها وغيداء ماهي حاسه فيه قاعده تبكي بحرقه
عب قرب منها واول ما قرب منها سمع صوت شهقاتها فتح عيونه بصدمه وتقدم يبي يتأكد اول ما تقدم بداء عبدالعزيز يفقد السيطره على الخيل كان يتحرك بقوه وقف عبدالعزيز ورجعه للخلف
غيداء قاطع بكاها صوت خبطات الارض والخيل الي خلفها لفت بصدمه وحصلت عبدالعزيز يحاول يوازن الخيل فتحت عيونها بصدمه من وقاحته ولفت بسرعه تمسح دموعها قبل ينتبه لها
وقف عبدالعزيز الخيل بسرعه ونزل منه ، لف علي غييداء الي جت بصوبه وقالت : نعممم شتبي جاي عنددي !!
عبدالعزيز طالع فيها كانت عيونها حمرا منكثر البكاء لاكنها تتصنع القوه والثبات
عبدالعزيز طالع فيها وقال : تبكين ؟
غيداء طالعه فيه وقالت : ايش ؟؟
عبدالعزيز : اسالك لاتردين علئ سوالي بسؤال
غيداء طالعه فيه وهي تحاول تمسك نفسها لاتنفجر عند الشخص الغلط وقالت بثيات : وليه تسال ؟
عبدالعزيز طالع فيها ونزل راسه وقال : إذا علي شاني تبكين انا اسف
غيداء فتحت عيونها بصدمه وقالت : ايش عيد ؟؟
عبدالعزيز طالع فيها واكتفاء بالصمت
غيداء ضحكت وبدت تشتت انضارها عنه وقالت : لاتعتذر لي ، انكانك تبي المسامحه مني
كف خيرك وشرك عني .
عبدالعزيز طالع فيها لثواني من لمح الدمع بعيونها وقال : بس ماهوا بـ انا الي ينسحب بالبدايه
غيداء طالعة فيه بقهر تحسب أنه من اعتذاره بيطيح الحطب وبيجي الفرج قالت بقهر : الي متئ !! اقسم قسم بالله معاد ادانيك واكره جميع من الناس من جاب طاريك وأكره شبيهك وأكره الي يناديك وأكره سميك وأكره اخر مسمك عفت الدنيا ومافيها ياعبدالعزيز !..
.
.
.
.
________________________
اعذروني اذا فيه اخطاء املائيه
________________________
شرايكم بالبارت ؟ تتوقعون عبدالعزيز يهجد ويعترف ويطيح الحطب الي بينهم ولا بيكابر ويصمل علئ عناده ؟
استغفر الله العظيم و اتوب اليه..
