محتاج لي دربٍ مساره مستقيـم
هالدرب لا بـانت نهايته .. انحنى ،
اشتقت اسولف للسماء لامرّ غيم
عن بهجة الخاطر ولحظات الهنى
كم للسهر في محجر عيوني يهيم
كم لـ الليالي تطعن شـروق المنى
بالصبح اغني .. للحنين الله كريم
و بالليل اغني للوصال .. الله لنا :)
-
عبدالعزيز اول ما انفتح الخط ابتسم وقال : السلام عليكم مابغينا
غيداء بهدوء : عليكم السلام
عبدالعزيز : اخبارك وعلومك؟
غيداء: تمام
عبدالعزيز : ياجعله دوم
غييداء: ايوه شتبي ؟
عبدالعزيز: ابيك اطلعي لي انتضرك برا
غيداء: وراه؟
عبدالعزيز بابتسامه : تعالي معاي شيء راح يفرحك وانتي تحبينه
غيداء باستغراب : وشهو ؟
عبدالعزيز بنرجسيه وجراءه : وجهي
غيداء بقرف من نرجسيته وكلمته : يعععععع !
عبدالعزيز كتم الضحكه وقال بتغيير للموضوع : وراك الايام ذي متغيره صايره تتحاشيني ؟
غيداء بتغيير الموضوع : الحين متصل علئ ومقومني من العشاء عشان تحاسبني ؟
عبدالعزيز: ماتعشيتوا للحين ؟
غيداء : الحين الكل يتعشاء وانت اتصلت بوقت غلط
عبدالعزيز بطرف ابتسامه : لا توقيتي صح تعالي اصرقك نتعشئ مع بعض
غيداء حطت يدها علئ مبسمها بشبه ضحكه وبصدمه من كلامه الجريئ وقالت : دز أمها بس !!!! ، وطفت بوجهه الجوال ..
غيداء بصدمه ضحكت وقالت : يمه يحسبني وجه غزل انا وخشتي قال ايش قال اصرقك نتعشئ !! عما بعينه الجريئ ذا ههههههه !!!!
-
عند عبدالعزيز ضحك وقعد يضبط شماغه عند المراه قال بتنهيده : اوهخخ ليته بس صدق اسرقك بس شسوي فيك ربي بلاني فيك عنيده واحلئ بلوه ولله ، دخل يده بجيبه بيدخل الجوال فيه إلا ويحس بشيء طلعه وكانت علبه المشروب الي جاي يعطيها غيداء ضحك بخفه وتقدم ونزلها عند السيب الي يفصل بينهم وبين الحريم وطلع ...
عند غيداء استوقفها قبل دخول باب الحريم رساله من عبدالعزيز قال : يالعنيده تعشي وبعد العشاء مري الممر الي عند قسم الرجال شوفي وش تركت لك ، كان ودي اعطيك إياها انا بس مادري شفيك الايام هذي متغيره وصايره تتحاشيني حتا كشخه العيد الي متحمس لهة بخلتي علئ وماوريتيني الزبده انتبهي لنفسك واستودعتك الله .
غيداء قاعده تطالع الشاشه بصدمه وماهي مستوعبه أن الي يكلمها عبدالعزيز نفسه ! رفعت عينها للباب وقالت وش جايب ذا وليش بعد العشاء اروح اشوف ؟ ماتحملت وراحت للقسم لا إراديا وهي تفكر بكلام عبدالعزيز وتحس ماهي مستوعبه للحين ماهي متقبله شخصيه عبدالعزيز الثانيه الحنونه والحب الجريئ الي يخوفها بدال ماتفرح فيه ، وصلت وقعدت تطالع يمين يسار ماحلصت شيء رجعت من سمعت أصوات الرجال قالت بحيره وش جاب ذا !! طالعه بالرساله وقالت : غبيه قالك بعد العشاء تعالي شوفي يقلع ام فضولي جيت هنا علئ غير فاي... سكتتت من صدمت شيء تحت طالعه بصدمه وحطت يدها علئ اذانها وعضت شفايفها تطالع بالمشروب وكان قزاز يطق بالبلاط تنتضره ينكسر لاكن من حسن حضها أنها صدمته علئ الخفيف ، نزلت وأخذت المشروب بحيره من تركه علي الطريق فجاه تذكرت كلام عبدالعزيز طالعه بالمشروب واستوعبت أنه نفس المشروب الي تحبه وتموت فيه وأن هذا الشيء الي عبدالعزيز جابه لها ..
-
عند صاله الاكل الكل كان جالس يسولف ويضحك وياكل من الأصناف الي مقدامات
ام سامي طالعه بالبنات الي يأكلون ويسولفون وغيداء من قامت ما كلت شيء قالت : اثاري حبيبتي
اثاري لفت لها من نادتها وقالت : لبيه ياخاله سمي ؟ام سامي : ياحبيبتي ولا عليك امر روحي وقولي لغيود تأجل اتصال وتجي تتعشاء ماكلت شيء من قامت
اثاري بابتسامه نزلت الشوكه الي بايدها قالت : ابشري عيوني لك
قاطعتهم غيداء الي دخلت وقالت : اقعدي يا اثاري هذاني جيت
اثاري جلست وقالت : اوكي
ام نياف ببتسامه قالت : خوذي الصحن ذا ياغيود عبيته لك من كل الأصناف الي تحبينهم
غيداء بخجل : ماله داعي ياعمه ليش تعبتي حالك
ام نياف : لاتعب ولا شيء ياروحي خوذي امك تقول ماكليتي شيء من صحيتي
غيداء خذت الصحن منها بخجل كبير : شكرا . صايره الفتره الاخيره تستحي كثير من دلع ام نياف الزائد لها
ام خالد بضحكه عفويه : أوه ياشيخه يابخت غيداء دام انتي عمتها
ام نياف بضحكه: غيود بنتي الغاليه قبل تصير حرمه ولدي والحين صار غلاها من علئ ولدي عبدالعزيز وأكثر
رسن بتدخل طالعه لامها وقالت : احح انا موجوده
انهار بضحكه : ياذي الغيوره حتا من غيداء صرتي تغارين غريبه
الكل : هههههههههههههههههههههههههههههه ، الكل قعد يسولف طبيعي ويتشاركون السوالف
غيداء ضحكت وقالت بهمس لرسن : حبيبتي من حقي الكلام ذا ليش غرتي؟؟
غرور: اثاري ليش ماغرتي حتا انتي خطيبه ولدها
اثاري بخجل لفت لها قبل أحد بسمعها وقالت : غرور طمي فمك واسكتي
غرور كتمت ضحكتها وقالت : سمي ههههههههه
رسن بهمس : غيداء لاتخليني اتزوج سامي وأخذ اهتمام عمتي جواهر كله
غيداء وهي تاكل من الصحن بروقان : اعوذ بالله لهدرجه غرتي مني ؟
رسن وهي تكمل اكلها قالت بضحكه : انا ما اطيق وجهك كله وعلي هذا اخذتي اهتمام امي كله طول اليوم
غيداء بطرف ابتسامه : اعوذ بالله ليكون انا بعينك زوجه الاخ التستس !
رسن : والعياذ بالله !! لا انتي مو تستس انتي الي بعدها
غيداء ضحكت وقرصت رسن قالت : سردبي بس ههههههههههه
رسن بعدت عنها وقالت بضحكه: اح يحماره
-
صباح ثاني ايام العيد السعيد .. س 5 ونص الفجر طالعين الرجال من صلاه الفجر وكانت كل الشنط محزومه جوا السيارات والسيارات جميعها مجهزه لسفر ركب الكل بعد ماصلوا الفجر طلعوا وركبوا السيارات يفطرون بأحد المطاعم بعدها يحركون لشرقيه وكان ترتيبهم جميع الشيبان بسياره ابو جاسر الكزز وكان السواق فيهم ابو جاسر ومعاه ابو نياف وأبو سامي وابو خالد عددهم اربع ، بالسياره الثانيه مع جاسر امه وبالخلف اثاري ، والسياره الثالثه خالد معاه أمه وغرور والسياره الرابعه سامي وأمه وبالخلف اثاري ، وعبدالعزيز معاه أمه وانهار ورسن ، وسياف ومشاري بسياره لحال ، كان هذا اتفاقهم لجل لما يوصلون الشرقيه كل واحد ياخذ راحته بسيارته من العيال ، وصلوا احد المطاعم الي متفقين عليه وافطروا وعلي الساعه 6 الا نص حركوا مشوارهم لشرقيه بكل حماس لعقد قران انهار وزواجها من سلمان ..
-
بعد كم ساعه من السفر بالسياره وقرببوا كثير من الشرقيه داهمتهم السحاب الممطر عكس أجواء نجد العذبه كانت شمس حراقه
- بسياره الشيبان -
ابتسم ابو نياف وقال : الشرقيه استقبلتنا بمطرها
ابو جاسر بابتسامه: ماشاء الله تبارك الله البلاد رويانه مطر "غرقانه مطر"
ابو نياف : اي ولله أمس مع صلاه العيد جاهم مطر غزير ماشاء الله تبارك الله
ابو سامي : ماشاء الله تبارك الله الله يزيدهم ويرزقنا
الكل : امين الله يسمع منك
-
بالسياره ومشغلين اغاني رايقه مع الأجواء الحلوه
رسن: انهار شوفي السحاب يجننن !!
انهار وهي تطالع مع الشباك : اي يجننن
ام نياف: بنات اقروا دعاء البرق
عبدالعزيز لف لامه بابتسامه : يمه ادعيلي
أم نياف بحنيه : ولله يوليدي بكل ساعه ودقيقه ادعيلكم
عبدالعزيز بابتسامه: الله يحفظك لنا ياربي ويطول بعمرك ي حلوه اللبن
رسن لفت لانهار وقالت : انهار تخيلي تخيلي بيوم زواجك يجي مطر قوي قوي قوي
انهار بتوتر وخوف من هالشيء اصلا قالت : يمه فال الله ولا فالك
رسن لما شافت انهار متوتره كملت بعناد وقالت : ويطفي الكهرب والمعازيم مايجون
انهار عرفت أن رسن تبي توترها قالت بعصبيه : رسن أقسم بالله يارسن أن ماسكتي لاهفك بذا الكوب
رسن : هههههههههههههههههههههه ماقلت شيء طيب !
-
خالد بروقان : قرررربنا ولااك لشرقيه
ام خالد : شكلها بتمطر
غرور : يالبيه ي الأجواء تكفون ابي قهوه اصورها مع الأجواء ذي
خالد بنرجسيه : مايحتاج قهوه صوريني انا محامي ومزيون
غرور بقرف : يع يمه ليش تجيبين ولد نرجسي هيج
ام خالد بتعزيز له : ليش وهو صادق محامي ومزيون وشفيه اخوك
غرور : وكبدي مافيه شيء اطال الله عمرك ياماما
خالد : اقول ريناد شصار عليها متا بيحركون ؟
-
السيارتين الاخيره كانوا جاسر وسامي موقفين علي جنب يشيكون علئ السياره وغيداء واثاري يعطون بعض من القهاوي والحلا حقاتهم ويسولفون
غيداء: اثاري تعالي معنا طار عني النوم
اثاري : تعالي انتي
غيداء : لا سياراتكم مش مضلله تضليل زين عن الشمس
جاسر عند الكبوت: مافيه شيء الزيت كامل شيكت عليه قبل نطلع من الرياض
سامي بحيره : طيب ليش شغلت اللمبه ؟
مشاري وسياف كانوا اخر شيء تأخروا لانهم وقفوا ياخذون كوفي من الطريق وقف مشاري عند العيال
مشاري فتح الشباك ووقف عند العيال : تحتاجون مساعده يهووه
سامي وجاسر : لا سلامتك
كان سياف يطالع بغيداء الي واقفه عند باب ام جاسر يحسبها اثاري ويصرق النضرات لها ، كانت غيداء تعطي ام جاسر من الحلا حقهم واثاري تعطي ام سامي من القهوه حقتهم غيداء بعد ما انتهت قفلت الباب وتوجهت لامها ،
كانت اثاري واقفه وميته من الحياء عند ام سامي
ام سامي : يسلم يدينتس خلاص خلصت يابنتي
اثاري بتوزيمه من نضرات سياف لغيداء وكانت عارفه أنه يحسبها هي قالت : اءءء خاله اصبري انتضر غيداء
غييداء جت عندهم قالت : اثاري خالتي تبيج
اثاري بتوزيمه ماتبي تروح لسيارتهم تستحي إذا شافها سياف : شتبي ؟
غيداء عقدت نضرتها من نبرتها وقالت : كيف شتبي امج يابنت
سامي بتصويت : يلا اركبوا اركبوا تأخرنا .
مشاري حرك سيارته وقال : غض النضر يابوي
سياف مادرا أن مشاري منتبه لحركاته رجع الكرسي لورا ومد رجوله لقدام وقال : عينك علي الطريق بس
مشاري طول لصوت المسجل وكملوا طريقههم..
عند سامي وجاسر حركوا مسرعين باقصئ ماعندهم عشان يلحقون علئ الشيبان قبل يأكلون هواش منهم.
بعد 30 دخلوا الشرقيه وكانت الأجواء فيها رذاذ وضبابيه كانت الساعه 10:48 وصلوا بيت نياف وكان نياف علئ استعداد تام لاستقبالهم
وصلوا ودخلوا السيارات في كراج السيارات الموجود داخل بيتهم ونزلوا الكل وقعدوا يعايدون نياف وولده والحريم دخلوا من عند قسم الحريم وكانت علئ الباب لاستقبالهم هيفاء والخدم خلفها
هيفاء ببتسامه وفرحه : يالله حيهم أسفرت وانورت الشرقيه يقدومكم
تقدمت أم نياف وباقي الأمهات لمعايدتها
رسن وهي تسرق النضر لانحاء البيت قالت : تكفون بيتنا اشقت لهههه !!!!
غرور دفتها وقالت : عايدي زوجت اخوك ولاك اتركي بيتكم علئ جنب ، تقدموا البنات وعايدوا هيفاء وباقي الخدم خذوا عباياتهم وعلقوهم علئ جنب
-
بالمجلس عند الرجال ..
عبدالعزيز: ليه ياعبود تعال سلم علي عمك !
عبود : تخسي نو !
نياف وهو ماسك الدلع ويقهوي : كفو ولدي هههه روح لجدوا بس
ابو نياف بابتسامه: تعال ياحبيب جدو رغم اني تعبان من السفر
ابو خالد بابتسامه : ماشاءالله اليوم الولد مشخص غتره وكبكات
نياف بضحكه : ايوه مطقم انا وياه لاستقبالكم
سياف : عبود ماخذ شخصيه جورج ومطلق بنفس الوقت اليوم
سامي : كنت بقولها ههههههههههه
ابو جاسر : منهم ذول ؟
نياف : ذبه ياعم قاعدين يذبون علئ بناخك
عبدالعزيز: اوووه شف شف يبي المشاكل من اول يوم
سياف: جورج ولد اجنبي ومطلق سعودي قلت كذا عشان عبدالله يتكلم بالنجليزي والعربي بنفس الوقت
ابو سامي : اها يعني يعلق علئ عبود ما يذب
سياف : ايوه
نياف : مالي شغل بس كلها واحد يذب ولا يعلق نفس الشيء
خالد : نياف يدور اي عذر عشان يكرش العيال برا ههههههههههه
نياف ضحك وقال : ولله اني بستقعد لكم اسقعاد اي احد يضايق ولدي طردته من بيتي
ابو نياف بشبه ضحكه : يعني نحترم ولدك
نياف ضحك وقال : لا محشوم يبه البيت بيتك قبل يصير بيتي الكلام ذا يخص بس العيال ذول
ابو خالد : كويس يعني مايشملني انا بعد
ابو سامي : انا يشملني الكلام ذا توني شاب عشريني بعمر الزهور
سامي : العب ييبه صرت كبري هههههههههههههههه !
ابو سامي : انت اسكت خلك مع عيال عمك انا توي صغير ماتزوجت ههههههههههه
الكل:ههههههههههههههههههههههههههههههههههههههههه
-
عند الحريم ..
بعد ماتقهوو الحريم وسولفوا قامت هيفاء تأخذ فيهم جوله بالبيت لان بعد مانقلوا أهل زوجها رجعت غيرت كثير بالبيت من أثاث وتصميم
انهار : اووه البيت طالع مررره حلو
ام جاسر : ماشاء الله عساه وجه خير عليكم يارب
الكل : امين الله يسمع منك
رسن : غرفتي ايش صار فيها
هيفاء بمزحه : صارت مستودع
رسن بصدمه : هاه !!
هيفاء : امزح عليك غرفتك الوحيده الي ماغيرت فيها شيء تصميمها جديد ومره اعجبني
رسن توجت فوق لدور الثاني وقالت : سوري بروح اشوفها تعالوا بنات ، طلعوا البنات خلفها ، وكملت هيفاء تدل كل شخص علئ غرفته لانها مجهزه لهم غرف الضيوف ..
مر الوقت فيهم وبعد ماتغدوا راح الكل لغرفته وطاحوا وهبنا بداءت غيبوبه العيد والسفر بنفس الوقت...
-
باليل علئ الساعه 7 ونصف بعد المغرب ..
عند الحريم كانوا جالسين بالجلسه الخارجيه وكان الجو صافي وشوي هبوب والدي جي شغاله علئ اغاني العيد وأجواء العيد والطاقم الخدم واقفين يقدمون ويوخرون من الحلويات والمشروبات
الامهات جالسات يسولفون ويضحكون ، والبنات توهم طالعين بعد ماراح الوقت كله علئ تزيين أنفسهم ويصورون سنابات وينزلونهم ستوري بكل مكان وكانت الأجواء حيل تجنن وحماسيه وليله قمرا
" عند قسم الرجال "
الكل جالس دير مادار علئ الجلسه ويتناقشون الشيبان كل عاده مواضيع خاصه والعيال يسولفون ويضحكون علي عبدالعزيز الي يحاول يشبك عبود ويصير صديقه لاكن عبود كان رافض رفض تام يقرب من صوبهم لان نياف منعه ، كل ماجاهم عضوه ورجع عبود لنياف يصيح المره هذي نياف مسك عبود وقاله لا يقرب من صوبهم .
مشاري : بالبيه بس ياذي الأجواء الي تفتح النفس
سامي : اقول سلمان كلمكم اليوم ؟
عبدالعزيز: يس
سامي : صدق وش يقول
عبدالعزيز: شو دخلك ولاك اسرارنا مع رجل خيتوا
سياف : سمعت أبو سلمان كلم ابوي اليوم
سامي ضحك علي كلام عبدالعزيز وقال : ولاك أجل مالك زوجه عندنا
عبدالعزيز ضحك نسئ غيداء أنها أخته وقال : ولاك تؤبورني شوفيك ابن عمي قاعد امزح معاك
خالد : ولاك انطموا شوي
لف لسياف وقال : وش قالوا بالمكالمه ماتدري ؟
سياف : ولك شو دخلك ابن عمي
جاسر عدل جلسته وقال : ولك انطق ولا مالك بنت عندنا ابن عمي
سامي ضحك وقال: كفوو ولد الخاله
مشاري : اعوذ بالله قررت خلاص مابتزوج من العائله دام هذا حكيكم
سياف ضحك وقال لجاسر : ولك شوفيك ابن عمي الكلام مو مخصص لك
نياف جاء عندهم ومعاه الدله قال : ولك ارفعوا علومكم وسنعوا نطقكم لا اهفكم بذي الدله الحين
الكل : سم ابشر ..
" في بيت ابو سلمان "
كان البيت فاضي واهل سلمان كلهم متجمعين مع قرايبهم لان اليوم ثاني إيام العيد ، دخل سلمان البيت وكان جايب معاه كذا غرض امه موصيته ينزلهم بالبيت الا ويجيه اتصال من المركز ، استغرب سلمان لان ماعليه دوام اليوم وبكرا بيوقع يأخذ اجازه لشهر العسل حقه رفع السماعه ورد
سلمان : لبيه سلطان ؟
سلطان: كيف حالك سلمان ؟
سلمان : طيب نحمد الله
سلطان : دوم يارب ، شوف انا اتصلت اتاكد انت الي طالب اجازه أو فهد صالح الي طالبها ؟
سلمان كشر من سمع اسمه قال : لا انا الي طالبها واتفقت مع المدير وخلصت كل الإجراءات بكرا اجي أوقع عندكم
سلطان : تمام بس تعال بكرا بدري لان حتا فهد رافع له طلب اجازه
سلمان : ابشر يخوي
سلطان : تبشر بالسعد تبي شيء قبل اقفل ؟
سلمان : سلامتك ياحبيبي
وانتهت المكالمه .
رمئ الجوال علي الكنبه بعصبيه سلمان وقال وهو يخلل أصابعه بشعره: لاحول ياذا السلق الي مابيتعدل طول عمره !
-
ثاني يوم " ثالث ايام العيد " س 4 ونص عصرًا
فالصاله جالسين الكل من الحريم والرجال والعيال ، باستثناء البنات كانوا جالسين بالصاله العلويه ..
جالس ابو نياف وحوالينه اخوانه وعياله وعيال اخوانه والأمهات جالسين علئ جنب ويسولفون ويخططون لملكه أنهار الي بكرا
ابو نياف : انا ماعزمت ناس واجد لان العرس بيكون بعد الملكه بأربع ايام
ابو جاسر : ولله زين ماسويت اهم شيء العروس تعزم صديقاتها والي يعز عليها الحضور بيكون وقت الزواج
سياف لف لعبدالعزيز وقال بهمس : عبدالعزيز انهار كلمتني تقول بتمر السوق بتاخذ كم غرض ناسيه وبعدها بتنزلها علئ الصالون توديها انت لأني الصراحه مشغول وانا برجعها
عبدالعزيز: تم منعيوني تامر امر
سياف : ولك كفو عليك يارجال
عبدالعزيز: ولك كفوك الطيب
سامي نزل جواله ماسمع غير اخر كلامهم قال : ياشين الكلمه ذي الي لكم كم ماسكينها يقصد "ولك"
سياف وعبدالعزيز بصوت واحد : ولك شوفيك ابن عمي
جاسر : الله ياخذك ياخالد
خالد كان يضحك مع نياف ويسولف لف بصدمه من سمع اسمه وقال : للجنه بس وش مسوي انا ؟
سياف : ولك منقهرين مايحبون كلمه ولك ياخالد !
خالد : افا ولك لشو رافعه ضغطكوا كلها كلمه
جاسر : ولك سد حلقك لا اقبرك ذالحين
خالد : ولك ابشر
-
عند البنات كانوا جالسين بالدور العلوي ويلعبون جاكاروا باستثناء انهار الي جالسه فوق االكنبه وتراسل صديقاتها ..
غيداء بعصبيه : أقسم بالله يارسن لاهفك بذي الكاسه خير منوين جبتي القانون ذا !!
رسن بروقان : ولا كلمه هذا قانون اللعبه
غيداء نزلت الاوراق من ايدها بعصبيه وقالت : خير اقسم بالله ماترجعينها لورا ، رجعيها للامان بسرعه !
رسن حطت يدها علئ الحجر حقها وقالت : ولله ما احركه ذا قانون اللعبه
اثاري : اي قانون اللعبه انك تدورين عليها كلها ، مدري ولله ما اعرف اذا كلامي صح
غيداء : حماره كل مازانت الجلسه حطت قانون من عندها !
غرور وهي تسوي قهوه v60 قالت : اقول قصروا أصواتكم عماني وأبوي كلهم تحت
غيداء نزلت ورقه وسوت نفس حركه رسن رجعت حجرها اربع من مكان الامان وقالت : دام هذا قانونك حتا انا بسوي زيك
رسن بروقان ولا همها : كيفك سوي الي يريحك ياعمري انتي
غيداء كان الضغط مفلل عندها من برود رسن خذت الحذاء الي جنبها ورمته عليها قالت : انكتمي لا اسمع صوتك ياحيوانه
انهار : هي بنات أصواتكم
غرور مشت حجرها وطيرت حجر رسن الي تهاوشت هي وغيداء عيله قالت : اوووبس عم المجال كلووه
اثاري : اح !! هذي وهي بفريقك طيرتيها هههههههههههههههههههههههه
رسن شهقت بصدمه وضربت غرور : يحماررا ليششش !!!!
غيداء قامت تضحك تتنط من الفرحه: احسسسن ياخي خذي بوسات مني ياغرورر
غرور قامت هجت عن رسن لا تصفقها ولفت لغيداء يقرف : يعع شايفتني عزيزه عشان تبوسيني
غيداء شمقت عيونها لها وقالت : حيوانه شدخل ذا بذا
انهار اتصل جوالها وكان المتصل عبدالعزيز ضحكت وقالت : الطيبون عند ذكرهم هذاهو يتصل
ردت وقالت : لبيه عبدالعزيز
رسن قامت وقالت : عبدالعزيزززز
انهار ضحكت وحطته سبيكر قال عبدالعزيز : ها ياعبدالعزيز اكيد فيه شيء دامك تناديني كذا
رسن ضحكت وأخذت الجوال من أنهار وقعدت تدور حولهم قالت : عبدالعزيز في بعض ناس مرتفع ضغطهم تخيل الله لايبلانا
غيداء بققت عيونها علئ رسن من عرفت انها تقصدها والبنات يطالعون بغيداء بضحكه
عبدالعزيز وهو مو فاهم مين تقصد : افا وراه ؟
انهار : عطيني الجوال مسويه طالعه منها
رسن بعدت عنها وقالت بدلع : لالا صدق ورفعت ضغطي حتا انا
اثاري بضحكه : رسن امسكي بريكات
غرور طقت اثاري بضحك وقالت : البريكات مو راضيه تشتغل عندها
عبدالعزيز شك بالموضوع وقال : من تقصدين انتي ؟
رسن : ماغيرها زوجتك الله ينصرني عليها
عبدالعزيز ابتسم من عرف انها بالموضوع قال : ليه وش فيه وش صاير
غيداء من بعيد اشرت لها وقالت بهمس : طيب يارسن
رسن ضحكت وقالت : وش دخلك
عبدالعزيز: رسن انطقي
رسن : ولله شف قاعدين نلعب جاكاروا علئ القوانين الاصليه بس من قهرها عشاني بفوز قبلها تقول انتي كل مازانت الجلسه حطيتي قوانين من عندك
عبدالعزيز: طيب يمكن هي صادقه
رسن شهقت بصدمه والكل قعد يضحك
انهار بصوت عالي : عزوز ترا كلنا الي بالجلسه نسمعك
عبدالعزيز ضحك وقال : انهاروه من تشوفين الحق معاه مع رسن ولا زوجتي
رسن : اقول كل تبن انت وزوجتك من بدايتها صفيت معاها
غييداء: حيوانه
رسن : الحيوانه انتي انطمي من الحين أحسك بتفعلين شخصيت زوجه الاخ التستس
غيداء طالعه فيها من فوق وتحت ولفحت شعرها لورا عشان تقهرها
انهار بتعزيز : يحق الها الغرور زوجه اخوي
عبدالعزيز: ههههههههههه
رسن تطالع غيداء وهي ماسكه الضحكه قالت: اعوذ بالله الحين اطلقك من اخوي دام هذي حركاتك
عبدالعزيز: علي كيفك انا الي متزوج ولا انتي
رسن : هين ولله راح اتزوج سامي واقهركم الثنين
غيداء بدلع : سوري ما ازوجك اخوي لو تنطبق السماء الي الارض
اثاري: كفوو ههههههههههه
غرور : ماعليك يارسن تزوجي اخواني
عبدالعزيز وهو ذايب من صوت دلها ومنصدمم ماتوقع منها هذا الدلع قال : يارسن
رسن : نعم
عبدالعزيز: عطيني انهار
خذت الجوال انهار وقالت : لبيه عزوز
عبدالعزيز: ها جاهزه تبين اوديك المول ؟
انهار : صح سياف بيوديني ؟
عبدالعزيز: لا سياف انشغل قال انا برجعهم ، ها جاهزه
انهار : ثواني بلس عبايتي وانزل
عبدالعزيز توقع البنات بيمشون معاها ومن ضمنهم غيداء لاكن خاب ضنه قال: لحالك؟
انهار : ايوه
بنات تبون تمشون ؟
رسن : لا احنا بنروح الكوفي بعد شوي
عبدالعزيز: ماشاءالله ومنهو معاه بتروحون ؟
رسن : مع السواق
عبدالعزيز: ماشاء الله لحالكم ؟
رسن استغربت وقالت : ايوه ؟
عبدالعزيز: جربوا بس تخطون الباب خطوه بس لا احش رجولكم وهذا الكلام يخص الكل
رسن بصدمه : سلامات ؟؟؟
البنات كشو من طريقه أوامره وطالعوا برسن بعلامات استفهام
عبدالعزيز: انا قلت الي عندي ونشوف عاد ، انهار انزلي انتضرك . وانتهت المكالمه
غرور بصدمه : سلامات يبوي هذا مين خاس نفسه
رسن بصدمه : لا مستحيل شكله يمزح اول مره يقول كذا
انهار : يمكن معصب وطلعوا انتوا بوجهه ولا عبدالعزيز مو كذا ، يلا بروح قبل اتاخر عليه
اثاري لفت لغيداء وقالت : وشفيك ساكنه ؟
غيداء بصدمه : هذا من صجه كذا تعامله ؟
رسن جلست علئ الكنبه وقالت: يمكن كلام أنهار صح ولا عبدالعزيز مو كذا اصلا
غرور وهي تشرب قهوه : يعني خلاص الحين تكنسلت الطلعه ؟
غيداء طالعه فيها بتشمق وقالت : لا يخسي مين هو عشان يمنعنا انا طالعه طالعه ولا علئ منه
غرور : حتا انا معك
اثاري : وهه عششقي انتوا حتئ انا معكم
رسن بهدوء : انا ماراح اطلع اكيد فيه شيء الي عبدالعزيز منعنا
غيداء: سلامات يبوي مين هو عشان يمنعنا ولله هذا الي ناقص
-
تحت بالسياره ركبت انهار وكانت تطالع عبدالعزيز تتفحصه هو معصب أو لا بس الواضح أنه لا طبيعي
عبدالعزيز: اي مول تبغين ياعروسه ؟
انهار : المول ال*** بستلم منه الفستان بعدها بتنزلني علئ المشغل
عبدالعزيز: صديقاتك بيجون بالمشغل ؟
انهار : ايوه كلنا متفقين نتقابل هناك
عبدالعزيز: تمام انتبهي علئ نفسك
انهار : من عيوني ،
عبدالعزيز بسالك ؟
عبدالعزيز: اسالي جعل ما يسأل غيرج
انهار : ليش منعت رسن وصديقاتها عن الطلعه غريبه منك
عبدالعزيز: خايف عليهم كلهم بنات وما معاهم محرم
انهار : طيب السواق معاهم !
عبدالعزيز: السواق ينزلهم ويروح
انهار بهدوء : يعني انت الحين منعتهم عن الطلعه عشان السبب التافه ذا ؟
عبدالعزيز: من قال اني منعتهم ؟ بكلم احد من العيال يوديهم إذا انا مشغول ولا انا اوديهم
انهار: اها حلو دامها كذا ، عاد رسن زعلت لما منتعها والبنات كمان
عبدالعزيز بصدمه : أما !
-
علي المغرب الشيبان طلعوا يحضرون عزومه عند أحد أقارب وصديق ابو نياف ، والحريم يجهزون لاستقبال ام سلمان بتجي لحالها تعايدهم وتسلم عليهم وام هيفاء كمان وكانت هيفاء واقفه لتحضيرات والتجهيزات لاستقبالهم وكان كلشيء من احلئ مايكون ، والكل كاشخ ولابسين لانتضارهم ..
بالدور العلوي عند البنات بعد ماصلوا المغرب كانوا جاهزين بيطلعون وجت غيداء وهي لابسه عبايتها الكاب وبايدها شيلتها ونقابها وكانت عبايتها مفتوحه وباين لبسها كانت لابسه بنطلون ابيض رسمي ماسك مع الخصر وسيع من تحت زبلوزه قصيره بالون الزيتي بدون اكمام وكان عاري صدرها واكتافها وباين شوي من بطنها دخلت عند البنات وقالت : يلا بنات كلمتوا السواق يجي !
غرور واثاري جالسين عند رسن الي تضبط شكلها عشان تنزل تحت قالت غرور : مش راضيه تجي معانا
اثاري: اف كله من عبدالعزيز الله ياخذه !
غيداء نزلت شيلتها ونقليها علئ السرير بقهر وقالت: سلامات ذي صادقه بتسمع كلامه ؟ اصلا قالت لابوها وعمي وافق
رسن وهي مسويه نفسها ماهمها وبنفس الوقت ماتبي تكسر كلمه اخوها قالت: ماعليه اصلا انا مابي الطلعه الحمدلله الي جت من عبدالعزيز
غييداء طالعه فيها وكانت عارفه انها كذابه قالت بكل هدوء : طيب وطلعت برا الغرفه .
نزلت تحت وهي تتوعد فيه دخلت علي قائمه الاتصالات واتصلت عليه..
-
عند عبدالعزيز كان نازل من سيارته وداخل البيت شاف اتصال منها واستغرب رد عليها بابتسامه : ارحبي يادهر قلبي وريحانه
غيداء: عزيزه
عبدالعزيز بروقان : لبيه ياقلب وعروق عزيزه سمي لي متصله علي؟
غيداء بحده : عبدالعزيز !!!
عبدالعزيز ضحك من سمعها معصبه وهو اصلا عارف ليش معصبه من كلام أنهار قال : فديت المعصبين ياناس
غيداء تنرفزت من كلامه وروقانه وهو اصلا مانعهم عن الطلعه وهو برا البيت طالع يتمشيء قالت بعصبيه : ابعرف حاجه وحده مين انت عشان تمنعنئ من الطلعه مين حاس نفسك !!! علئ أساس بنسمع لك وبنجلس ؟؟؟
عبدالعزيز: ماعندنا بنات يطلعون بدون محارم
غيداء طلعت لبرا بقسم الحريم وقالت : الا ونطلع غصبن عنك وماحنا طالبين شورك
عبدالعزيز بحده : غيداء !! انتبهي لالفاضك لو سمحتي
غيداء: ليتك تنتبه علئ أوامرك ذي الي تمنعنا من الطلعه وانت برا مغير تفرفر بشوارع الشرقيه ، اصلا تدري أننا بنطلع وماهمنا كلامك بس رسن جلست علئ شأنك ولا هي أكثر وحده متحمسه لطلعه .
عبدالعزيز بعصبيه من طريقه كلامها له قال : اولاً انا ماني خارج البيت افرفرر هذاني داخل حوش البيت ثانياً انا مامنعت احد هذاني كلمت مشاري يوديكم بس مشاري مو فاضي لكم ورجعت عشان انا اوديكم ثالثا انتبهي علئ بعض كلامك تراك تكلمين رجال مو وغد قدامك
غيداء ضحكت بسخريه وقالت : وين ماشوف احد قدامي بالحوش ثاني شيء وين راح كلامك لما قلت اذا يتطلعون حشيت رجولكم مو بكلامك ذا تفرض شورك علينا وتحرمنا من الطلعه
عبدالعزيز : ثالثاً ؟
غيداء عقدت نضراهتها وقالت : ثالثاً ؟
عبدالعزيز: مو قلتي ثانياً اكيد في ثالثاً ؟
غيداء بسخريه : كانك تضيع السالفه من كلامك ذا ؟
عبدالعزيز: لا وين ، انا اقولك ثالثاً
ثالثاً لفي للخلف
غيداء لفت لورا وقالت : سلامات الف... شهقت بصدمه من سحبها معاه من نص الحوش للحوش الخلفي
غيداء برعب من حركته ضربته بسرعه وقالت بخوف : الله ياخذك اتركني ياوقح !!!!
عبدالعزيز لفها له وثبتها بايدينه قريبه له قال بابتسامه: مابغينا لقياك
غيداء ضربته مع صدره تبعده عنها وقالت بصراخ : بعدد عنني يا حقيير !!!
عبدالعزيز بابتسامه ولا همه الدفاع عن نفسها بالعكس كل ما حاولت تبعد عنه يقربها له اكثر قال بصوته الضخم والهيبه : اشش الحين امك وامي يجون علئ صوتك العالي ويشوفونك كيف انتي بحضني
غيداء سكتت وقالت : بعد عني !!! احسن خلهم يجون ويشوفون حركاتك الوسخه ذي
عبدالعزيز بابتسامه قرب من أذنها وقال : بس انا زوجك لو يشوفون ايش ما شافوا ماحد له القدره بالتدخل فينا لاني انا زوجك وانتي زوجتي
غيداء تسارعت نبضات قلبها من حست علي مبسمه علئ عنقها حاولت تبعده عنها ماقدرت قالت بصوتها المرجوف : عبدالعزيز تكفئ بعد عني
عبدالعزيز ركز نضراته بنضراتها قال : تدرين اني احبك ؟
غيداء صدت عنه وماردت تحاول تفك نفسها منه لاكن عبدالعزيز كان مثبتها ولا لها القدره من الهروب منه ، عبدالعزيز كان ينتضر منها الاجابه لاكنها صاده عنده وشعرها القصير متمرد علئ وجهها من كثر محاولاتها بالبعد عنه ، مد يده يبعد الشعر عن وجهها وطالع فيها قال : ها جاوبيني ؟
غيداء بصد : ماعندي شيء اجاوبك عليه
عبدالعزيز: انتي ليه بكل مره تصديني فيها ترا انا زوجك ماعادني ولد عمك ولا خطيبك
غيداء: عبدالعزيز ماقصدي كذا ! بس انا للحين ماتخطيت الي صار لي
عبدالعزيز أخذ نفس بضيق وقال : طيب قلت لك انا اسف وندمان
طالعه غيداء فيه وقالت بتنهيده : عبدالعزيز بس الي انت قاعد تسويه ابد مايسعدني بل يخوفني منك !
عبدالعزيز عقد نضراته وقال : وش الي يخوفك ابشري بعدله دامه يزعجك
غيداء بعد صمت طويل قالت : حنيتك " حبك الجريئ " لطافتك " هداياك ذي كلها ماهي من طبع عبدالعزيز الي اعرفه ، عبدالعزيز الي اعرفه ابد كان عكس ذا كله !
عبدالعزيز بهدوء : بس ذاك ماكان عبدالعزيز
غيداء بابتسامه انكسار : ادري ، عبدالعزيز ذاك ما اضهرته الا لي لجل تكسرني وتكسر غروري وشموخي
عبدالعزيز بابتسامه: بس ماقدرت كنتي اصعب مما تخيلت
غيداء طالعه فيه وقالت بابتسامه انكسار : صح ماقدرت ولا بتقدر ! بس انت كسرت شيء جوّاتي ماحد قدر يكسره ....
________________________
اعذروني اذا فيه اخطاء املائيه
________________________
.
.
.
.
وحشششتووني بنوتشششاتشي ووه يابنات مااقدر اوصف لكم شقد وحشتوني 😔🤍🤍🤍 اسف لكم علئ السحبه احس مالي عين اقول الكلام ذا بعد ماتركتكم شهر كامل والكل يكتب لي علي الخاص متا بتنزلين بس بنات مافضيت ابد تعرفون جدول الاجازه مع ذالك نوم متلخبط والخخ ..
الزبده رايكم يهمني بنات ، وقربنا علئ نهايه روايتنا احس بطئت الأحداث بسوي 2× للأحداث عشان نختم روايتنا الحلوه علئ خير 🌷. .
