حي الرفيق الي رفقته ترفع الراس
من عادته دايم على الطيب سباق
مشهود له بطيب من بين الأجناس
انا أشهد انه على كل البشر فاق
-
عبدالعزيز ضحك وقال : مو مشكله قريب بتصيرين محرم لي يالله امشي بدون كلام كثير بوصلك لبيتكم
غيداء ارتاحت من قال بيتكم وقالت بضحكه عشان تستفزه : خايف علئ ؟
عبدالعزيز ابتسم عشان يقهرها وقال : نوعا ما
غيداء تقرفت وقالت : يشيخ سر أمها بس ، جيت لحالي برجع لحالي ماني بحاجه احد يحرسني
عبدالعزيز ضحك وقال : تعرفين كم الساعه ذالحين ؟
غيداء طنشته وراحت ركبت خيلها كانت بتتجاهله لاكن وقفت بصدمه من قال : الساعه 1 باليل ، سكتت وطالعه بجوالها وكانت الساعه 1 و3دقايق غمضت عيونها بصدمه مكانت تدري ان الوقت مر كذا بسرعه مشت من عنده رايحه لاصطبل الخيول بتنزل الجادل وتروح راجعه للبيت ، ركب عبدالعزيز الحصان وهو يضحك علئ رياكشن وجهها من عرفت أن الساعه وحده مشئ وراها ونزل خيله وطالع فيها وشافها من قفلت الباب وراحت متجهه للبيت وهي تناضر جوالها وتكتب فيه
عقد حواجبه وجاه فضول ايش تناضر ، لاكن سكت وكما طريقه وراها وفتح علئ التوتر حقه كان له ايام ما فتحه حصل تفاعلات كثيره علئ مكاتيبه ابتسم وقعد يقرأ ردود الناس عليه
غيداء نزلت جوالها وطالعه فيه لورا وحصلته يمشي وراها لاكن بالجهه الثانيه ويناضر جواله والضحكه شاقه وجهه عقدت حواجبها وناضرت قدامها وتقول لنفسها : ذا وش قاعد يضحك عليه ؟؟ تجاهلت لانه ما يهمها قربت لبيتهم وفتحت الباب حق الحديقه الي برا ودخلت وقفلته كملت الا وتوقف من تسمع صوت تقفله الباب معناته دخل هو بيتهم وقفل الباب (كان بيت اهل غيداء وأهل عبدالعزيز بجنب بعض ما بينهم الا جدار ) كملت غيداء ودخلت البيت بهدوء وركبت فوق لغرفتها نزلت عبايتها وجاكيتها وحذيانها وقعدت علئ سريرها ، قعدت تفكر بكلام عبدالعزيز كيف أنه قاعد يستفزها بأنه نفذ كلامه ، مسكت جوالها وحست أن فيه كلام جوا قلبها بتقوله دخلت التوتر وقعدت تناضر الشاشه لثواني ثم كتبت
عز الله اني ماهقيت انه عن وعده يميل
مير ابرقي ياخيبه كبار الهقاوي وارعدي ..
طفت جوالها من حست انها خلاص ماعاد تقدر تتحمل اكثر من كذا وحطت راسها علئ المخده وعلئ طول نامت
-
عند عبدالعزيز دخل غرفته وطاح علئ السرير ميت تعب كان اطول يوم بحياته هو هاذا اليوم ضحك من تذكر أنه قابل غيداء عند الخيول وهو مكان متوقع أنه راح يقابلها هناك نهائيا
ابتسم ودخل علئ التوتر وحب أنه يكتب فيه بيتين بباله وكتب ..
احلى لقى لا صار من دون ميعاد
صدفه كذا مثل السماء يوم ترعد ..
طفاء جواله بتعبب ححاد ونزله جنبه وتغطئ بالبطانيه عن البرد وناام اول ما غمض عيونه ..
.. وانتهت اليلتنا علئ خيير ..
في صباح اليوم الثاني كانو الشيبان والعيال جايين من صلاه الفجر واتفقوا ابو نياف وإخوانه أنهم يطلعون للبر الي يبعد عنهم ٤٠ دقيقه مشئ علئ السياره قبل ابو سلمان يرجع لشرقيه يبون كشته خفيفه ويذبحون هناك غنمه منها يفطرون منها حميسه ويسوون غداء عليها ويشوون
ايد الكل الفكره وجاء ابو نياف لابو سلمان قال
ابو نياف : اسمع يا راكان (يقصد ابو سلمان )
ابو سلمان : سم ي عبدالله ؟
ابو نياف بابتسامه : ولله انا واخواني اليوم والأهل قررنا نطلع للبر كشته خفيفه ونرجع قبل غروب الشمس والبلاد مليانه مطر والجو غيم وزين فـ أباك انت والأهل تطلعون معنا عشان البنات يستانسون مع بعض والحريم بعد وومنها بعد بعزم ابو يزن واهله .
ابو سلمان استحئ لانه عارف ان الطلعه هذي كلها عشانه وقال : ياعبدالله مالها داعي الكلافه
ابو نياف قاطعه وقال : اشش مابي ولا عذر انت بحسبه اخونا وما بيننا هالرسميات وهذي طلعه خفيفه وما تكمل اللا معك انت وسلمان والأهل
ابو سلمان ابتسم وقال : ماتقصرون عوايدكم أن شاء الله حنا معكم
ابو نياف ابتسم وقال : يالله بعد ساعه بالضبط مع شروق الشمس نحرك
الكل بحماس : تم
كانوا العيال يناضرون بحماس وفرحه أنهم بيطلعون للبر
نياف : بلاش فرحه لاتنسون الذبيحه والطبخ علينا
سامي تلاشت فرحته وقال : انطم يا قاتل اللحضات السعيده
جاسر : والله انا مالي شغل بنسدح وسلمان يشتغل عني
سلمان ناضر فيه وقال : ولله عاد لعبتي الطبخ
عبدالعزيز : ااايييييههه تكفئ انت اطبخ الغداء طبخك لذيذ
سلمان بضحكه : ابشر
نياف بفرحه : ياحلوونا ، أجل كلنا بنتساعد علئ الغداء
الكل بحماس لطلعه : تتم
-
دخل أبو نياف علئ أم نياف وحصلها مرتبه العزبه كلها جاهزه كان متفق هي وياه باليل لطلعه هذي ابتسم وقال : السلام عليكم
ام نياف كانت معطيته ضهرها لفت له وبايدها المنشفه تنشف يدينها قالت بابتسامه : عليكم السلام ، ها بشر ايش قالو بنطلع ولا ؟؟
ابو نياف : الكل وافق وبعد ساعه الكل يكون جاهز بناخذ فطور جاهز معانا ونأخذ من المزرعه ذبيحه ونذبحها هناك
ام نياف بفرحه : بشرك بالخير ، العزبه جهزتها انا وميري عزبه القهوه والطعام ، بس باقي الفرشات والتيزار تحصلهم تحت بالمستودع
ابو نياف ابتسم ومسك يدينها وقال : الله لا يحرمني منك ويحفضك لنا
ام نياف ضحك وهي تناضر له يوم يبوس يدها وقالت : ويحفضك لي ولعيالك
دخل عبدالعزيز ورسن مداهمه للمطبخ كانو يتسابقون ووراهم سياف يركض يبي يصفقهم الا ويمسكون بريك
عبدالعزيز وقف بسرعه وقعد يطالع وقالت : اوووب اوووب اووبب اوووببب
رسن وهي تحط يدينها علئ راسها وتطالع لابوها وامها قالت : لاحول ولا قوه الا بالله
سياف دخل ووقف من شاف أبوه وأمه قدامه وطالع فيهم بصدمه وتكتف وقال : ما شاء الله
ام نياف استحت وسحبت يدينها بسرعه
ابو نياف ضحك وقعد يطالع فيهم
عبدالعزيز ضحك وقال : بالغلط بالغلط كملوا وحنا نطلع
رسن : بالصبحح !!! والا بالمطبخ لاحول ولا قوه الا بالله
انهار دخلت واستغرت كلام رسن الاخير وقالت : شسالفه ؟؟
سياف : لاحول ولا قوة الا بالله يقولون ما اجتمع اثنين الا ثالثهم شيطان
ابو نياف ضحك من كلام سياف ومسك ام نياف مع الكتف وضمها وقال : زوجتي حالالي انتم حتا بامكم ناشبين لي
ام نياف ضحكت بفشله تحاول تقرص ابو نياف عشان يبعك
انهار ضحكت
سياف : لا محشوم يابو نياف يرهي لك بس مو قدامنا
عبدالعزيز ضحك وقال : شكلهم ارتاحوا لنا
فطس الكل من الضحك من كلام عبدالعزيز
ابو نياف : عبدالعزيز !!! روح انت واخوك سياف الحين لشبك الغنم واختاروا لنا خاروف زين وودوه المسلخ الحين
عبدالعزيز تافاف من سمع طاري الغنم هو وسياف لاكن فز بفرحه من سمع طاري المسلخ يعني ماهم هم الي يذبحون الذبيحه
عبدالعزيز : ابشر
سياف بفرحه : ابشر
طلعوا ام نياف وابو نياف من المطبخ
رسن بقهر : ليه فيه عزيمه عندنا !!! افف يكفي عزيمه انس متكسره منها
عبدالعزيز ضحك وقال : أن شاء الله طيبتي خاطرك بالرقص أمس كله ما شفتك
رسن : الحمدلله بس اسمع ياويلك يجي العيد وانت ما تزوجت
عبدالعزيز : ليه ههههههههههه ؟
رسن : شدخلك
انهار : ودها تسهر هي وغيداء ويسحبون عليك
عبدالعزيز : امماا !! اصلا من قال اني بسكن هنا بطلع واسكن لي ببيت لحالي
رسن : لايششييخخخ !!!! أجل خلص لاتتزوجها انا اتزوج سامي ماحنا بكرامتك
سياف ناضر فيها وقال : اخسسسس
رسن ناضرت فيه وقالت : انطم انت لو بك خير كان تزوجت غرور ولا اثاري اخير من قعدتك هينا
سياف ضحك وقال : خلص بالله تبين اتزوج زوجيني
رسن : انت اختار لو بكيفي الزواج زوجتك غيداء
سياف ضحك وقال : غييداء خلص راحت مني تبين اتزوج ااثاري لأنها بنت خالتها ؟
انهار ضحكت وقالت : ما يحتاج قدها زوجتكم زمان
سياف ناضر فيها بصدمه وقال : ما شاء الله
رسن وهي تلفلف شعرها وقالت : ياخي ولله تناسبون لبعض وتتشابهون
عبدالعزيز ضحك وقال : وانا من زوجتيني ؟
رسن : انت انتطم انت راح اطلقك منها واتزوج سامي واسكن عندها ببيت عمي مشعل
عبدالعزيز ضحك وقال : اتح..سكت من سمع تصويت أبوه لهم
ابو نياف بصوت طويل من الصاله قال : وش موقفكم انت وياه الوقت راح يالله روحوا
عبدالعزيز وسياف راحوا بسرعه وطلعوا قبل ابوهم يلعن خيرهم
انهار مسكت رسن وقالت : رسن ترا ما يصلح كلامك الي قبل شوي
رسن : وشو كلامي
انهار : انك تتزوجين سامي
رسن دفتها وقالت : ير واضح أنه استهبال لونهم حسو شوي اني صادقه غير يموتوني
انهار : اي عشان كذا انا ساكته لانهم عارفين انك تمزحين
رسن طلعت وتركت انهار وقالت لابوها : يبه وشهي له الذبيحه من بيجينا ؟؟
ابو نياف ابتسم وقال : ماحد بيجي حنا بنطلع للبر ونرجع علئ المغرب مع عمانك وأهلهم وأهل ابو سلمان
رسن بفرحه : ولله صددق !!!! ي الله
ابو نياف : روحي تجهزي بعد ساعه نحرك ما شقتي العزبه جاهزه بالمطبخ ولا انتي مو شاطره غير بالسان الطويل
رسن وهي متجهه لدرج لفت له وقالت وهي وهي ترجع خطواتها لورا : يبه الله يهديك انت وامي
ابو نياف كتم ضحكته وقال وهو يمثل العصبيه : رسسننن !!!!
رسن ضحكت وراحت فوق وهي ميته ضحك
كانت انهار طالعه من المطبخ وسمعتهم ولحققت رسن ومسكتها بصدمه
انهار : رسن وش سويتي !!! ماتستحين تقولين لابوي كذا !!!
رسن وهي تفلت يدين انهار بضحك وقالت : انا مالي شغل هم ما يستحون ما شفتيهم يوم دخلنا عليهم وش يسوون
انهار باستغراب : ليه وش يسوون
رسن وقفت وقالت : تخيلي دخلنا عليهم انا وسياف وعبدالعزيز وخربنا الموقف الرمنسي الي بينهم
انهار بحماس ضربتها وقالت : تكلمي وش يسوون
رسن مسكت يدها بالم وقالت : احح خلص خلص الحين اقولك ، الي صار دخلنا عليهم وأبوي ماسك يدين امي ويبوسهن وامي منزله راسها ووجها احمر وتطالع فيه وعيونها قلوب ينيضن كذا , كانت تاشر لها بايديها المخمس وتقفل أصابعها وتفتحهن بمعني ينبض
أنهار طالعه فيها وقالت : تخسييين امي مستحيه ههههههههه
رسن ضحكت وقالت : اقسم بالله لو شفتي وجهها احمر وعيونها قلوب
سكتوا من شافو امهم راكبه الدرج كانو هم علئ اول الدرج ويسولفون
رسن شافت أمها وكانت تعطيها ناضرات وتنزل راسها
رسن من شافت أمها تعطيها ناضرات عرفت انها مستحيه انفجرت رسن من الضحك
ام نياف : لاحول ولا قوة الا بالله رسسنن !!!!!
رسن طاحت علئ الارض من قوه الضحك
ام نياف طالعه بأنهار الي كاتمه ضحكتها ماتبي تفشل أمها وقالت أم نياف : انهار تجهزوا بسرعه بس بيجيبون الذبيحه ونطلع
انهار : ابشري بس وين بنفطر ؟
ام نياف : راح سلمان يجيب فطور حلف أنه هو الي يفطرنا
انهار : اها حلو ،
ام نياف طالعه برسن الي تمسح دموعها منكثر الضحك واعطتها نضره ونزلت تحت لقسم الضيوف الي فيه ام سلمان وبناتها
انهار : الله يقرفتس فشلتي امي
رسن : اهخخ مممتتت فديت المستحيين
-
عند بيت ابو سامي ، دخل ابو سامي ووراه سامي البيت وحصل ام سامي نازله من الدرج جايه من غيداء
ابو سامي : السلام عليكم
ام سامي بابتسامه : عليكم السلام
سامي تقدم وباس راس امه وقال : صباح الخير ي حلوه اللبن
ام سامي ضحكت وقالت : صباح النور والنوير
ابو سامي : جواهر ترا بنطلع للبر حنا واخواني وابو يزن وابو سلمان
ام سامي : صدق ماشاء الله متا يتطلعون ؟
ابو سامي : بعد ساعه تجهزوا بنطلع عوائل
ام سامي بابتسامه وفرحه : ولله !!
ابو سامي : ايولله
ام سامي : والعزبه منهي بعليه ؟
ابو سامي : ابو نياف متففق مع ام نياف والعزبه كلها جاهزه بس ابيك تمرينها تشوفين في شي ناقص تساعدينها عليه
ام سامي بابتسامه : ابشر ، بس أبيكم تصحون غيداء عيت تقوم اشلع عنها البطانيه تتغطئ
سامي وهو رايح قال : ماعليك ي يمه انا اقومها
ام سامي : ززين ، وراح سامي
ابو سامي : وشفيها غريبه ما قامت ؟
ام سامي : مرهقه قبل الخطبه بيوم كانت مواصله ما نامت زين
ابو سامي : اها الله يعين .
ام سامي : يالله انا بتجهز وبروح لام نياف
ابو سامي : زين وانا بروح اشوف الناقص
-
عند سامي فتح باب غرفه غيداء بسرعه وشغل المبات
سامي : قومي صلاه صلاه صلاه ، شلع عنها الغطاء وقال بنكشت بنكشت قومي
غيداء وهي تسحب الغطاء منه : بعد عني بنام بررد
سامي : ماافي نووم قومي بنطلع للبر قومي
غيداء بعجز : مابي اطلع بنام الله يخليك سامي روح عني
سامي سكت من نبره صوتها المتغيره وقال : غيداء طالعي فيني ؟؟
غيداء دفته وقالت : بعد عني بنام برد
سامي سحب الغطاء بسرعه عنها وطالع فيها وحط أيده علئ جبهتها وكانت ساخنه ووجنها حممراا
سامي بفجعه : غيداء ساخنه انتي مريضه !!
غيداء : لا ماني مريضه بس اتركني انام
سامي قام من عندها وشغل السخانه ورجع لها قال : مافي نوم قومي توضي وصلي بوديك للمشفئ
سامي وهو يشد غيداء ويطلعها بعيد عن السرير متجه فيها للحمام غيداء : ياربي سامي اترككني
سامي وهو يوقفها عند الحمام قال : ادخلي وتوضيح وانا انتضرك برا
غيداء بتافاف : اااففف يااربيي ، ودخلت الحمام
ام سامي دخلت عند غرفه غيداء وحصلت سامي عند الباب حق الحمام متكتف وينتضر غيداء
قالت : وين غيداء هي صحت ؟
سامي طالع بأمه وقال : اي جوا الحمام
ام سامي حست أن فيه شي وقالت : وانت ليه واقف هنا غيداء فيها شيء ؟؟
سامي : لا بس اتوقع حرارتها مرتفعه
ام سامي شهقت وقالت : هي بالحيل ؟؟
سامي بسرعه : لااا لا ماعليك انتي روحي ليه لابسه عبايتك
ام سامي : ما اقدر اروح مدام غيداء كذا
سامي : وين بتروحين تو الوقت
ام سامي : بروح لام نياف اساعدها علئ العزبه ابوك قالي
طلعت غيداء من الحمام وحصلت سامي وامها قدامها وقالت : وين بتروحين ي يمه ؟
ام سامي بسرعه قربت من غيداء وحطت أيدها علئ جبينها
غيداء طالعه بسامي وقالت بهمس : ياسرعك تقول لها
سامي اشر لها ب مالي شغل
ام سامي بعدت عنها وقالت : يوه مرره حاره تعالي معي اعطيك علاج
غيداء : يمه ماله داعي عندي مسكن اكل منه
ام سامي : قلت لك لبسك أمس موب عاجبني دريت أنه بيخشك برد
سامي : يمه الله يهديك اتركيها لي انتي روحي لعمتي شيخه
ام سامي سكتت لأنها تعرف أن سامي يخاف علئ غيداء أكثر منها ولو جلست ما تستفيد لان سامي بيقوم بكل شي
ام سامي بيتسامه : طيب دير بالك علئ اختك واذا ما خفت اتصل علي ولا ودها المستشفئ
سامي : لاتخافين عليها انتي روحي بس
-
عند بيت ابو جاسر
كانت أم جاسر بغرفتها تتجهز هي وابو جاسر لطلعه
وأثاري كانت لابسه وجلست عند المرايه تبي تحط شويت ميكب
دخل عليها جاسر وكان لابس ثوب اسود شتوي ومعاه جاكيت وفروه قال : اثاري
اثاري التفتت له وضحكت من شافت الفروه بايد والجاكيت بايده الثانيه لانه دائما يجي ياخذ رأيها بتنسيق الملابس حقاته
جاسر وهو يطالع فيهم قال : الاحسن البس جاكيت ولا فروه مع الثوب ؟
اثاري وهي تطالع فيهن قالت : ولله كلهم حلوين
جاسر ضحك وقال : ادري أنهم كلهم حلوين ياخي انا محتار بينهن ابي ألبس الفروه بالصباح لأنها برد مووت وابي البس الجاكيت بالضهر لأنها تخف البروده وتكتمني الفروع انا محتار بينهم
غرور وفرشه الباليت معها قالت وهي تاشر : طب خذهم كلهم واتركهم بالسياره وبدل بينهم
جاسر : هذا الي قلت بس خفت اني انسا الجاكيت لاني دائما اجيب العيد وانساها
اثاري ضحكت وقالت : ماعليك خطها علئ سريري وانا اخذها
جاسر وهو ينزل الجاكيت بالسرير قال بفرحه وابتسامه : كفووو هذي الاخت البطله
اثاري ضحكت وقالت : غريبه مو مداوم اليوم
جاسر : اي لان اليوم ما علي
اثاري : من حضك عاد صارت بوقت الطلعه ههه
جاسر : ااي ههههههههههه لو طلعتوا وانا مداوم غير اموت
اثاري : هههههههههههههه
-
عند بيت ابو خالد
كانت غرور لابسه وحاطه ميكب اخذت المنكير حقها وبدت تحط منه وهي طالعه من غرفتها وقفت من سمعت صوت اخوانها جوا غرفه مشاري قفلت المناكير وراحت بتشوف وضحكت من شافت اشكالهم يتهاوشون علئ السراويل والفنيله البيض حقات الثوب
خالد بقهر وهو ماسر فنيلته قال : مشاري لاتجلطني السروال هذا حقي
مشاري وهو ماسد السروال ويبعد عن خالد ويقوس طوله عليه قال : انطم هذا سروالي ماهو سروالك بعدين الفنيله الي عليك هذي حقتي لف اشوفها
خالد : انطم انت ماني لاف لف انت اشوف المقاس الي معاك كم
مشاري جا بيعطيه الا ويشهق خالد قال : يا حيوان الي عليك سروالي الي ضايع من جدته !!!!
مشاري بستغباء : اههه هو لك وانا اقول مستغرب جديد
خالد أخذ السروال الي بايد مشاري بقهر وقال وهو يأشر بايدينه للباب بقهر : نزل السروال الحين
مشاري فتح عيونه بصدمه وقال : ماني منزله تبي تفصخني انتتت خلص خذ السروال ذا وانا بروح بالسروال هذا
خالد : يححمار وانا فاقده من جدته بس لبسته مره ومن بعدها اختفاء حسبته ضاع طلع معك ، عاد الحين تحول لي فلوسه ولا تشري لي جديد
مشاري طالع فيه وقال : حششئ هذا المحامي الي معاه فلوس الدنيا كلها
خالد طالع فيه وقال بعصبيه : وشو فلوس الدنيا كلها ترا انا منتف مثلك
مشاري شهق وقال : تخسي توك فاتح البنك قدامي والرصيد الي فيه يعيشني عشرين سنه قدام
خالد رفع حاجبه وقال : لا يشيخ وش شوفك للبنك حقي ؟؟
غرور بخت من الضحك كانت كاتمه ضحكتها طول الوقت وقاعده تصورهم وهم مادرو لوجودها حتا
غرور : اخواني المحامي و مكافح المخدرات يتهاوشون علئ سرويل وحسرااااه
مشاري ضحك وقال : اننطمي انتي
خالد : المحامي الي واقف قدامك ثروته راحت كلها علئ الملابس وتختفي طلع الحمار هذا ياخذهم
مشاري ضحك وقال : عاد تصدق منزمان عن شراء السروال والفنيله كل يوم احصل سراويل جدد بدولاب حقي الله يسعد الخادمه تحسبهم لي ههههههههه
مشاري وقف يطالع بصدمه وقال : احلف متا اخر مره شريت سروال وفنيله
مشاري : هههههههه ولله ما اشتري غير من عيد لعيد انا ههههههههههه
خالد طالع بغرور وهو رافع حاجبه قال : تسمعينه ؟؟ ، تجاهلها وراح يفتح درج الملابس وحصل سراويل وفنايل كثيره مصفطات أخذ اول سروال قدامه وفكر فيه فتح عيونه بصدمه من شاف ستكر البراند الي عليه لف لمشاري وقال: هذا لك !!!
مشاري ضحك وقال : مدري اشوف
خالد حط الوقو قدام عيونه وقال : البراند هذا انا شاريه من كم شهر من جده وضاع قبل البسه طلعت انت تأخذهم !!!!!!!!!!
مشاري ضحك وقال : انا وش دخلني ماهو انا الي اصرقهم الخادمه تحطهم بدرجي وانا القاهم والبسهم
خالد خطف السروال الي بايد مشاري وقال بعصبيه : وتقول إن السروال هذا لك أجل !!!
مشاري : اي هو لي بس عادي خوذه صدقه جاريه
خالد ضحك وقال : الحين اوريك الصدقه الجاريه وشو ، راح وأخذ كل السراويل الفنايل الي مصفطات بالدرج وقال : خلني اشوفك تقرب منهم اقسم بالله لافرشك بالأرض واصفقك والحماره ذيك انا اتفاهم معاها طلع برا الغرفه وبدا يصوت للخدام
غرور وهي جالسه بسرير مشاري وتحط مناكير قالت : يويل الخادمه بس
مشاري وهو يضحك قال : تستاهل محد قالها تحط ملابس خالد بغرفتي
غرور : اقول اسكت انت وروح تسوق واشتر لك سراويل وفنايل
مشاري بضحكه : ما يحتاج خالد عندي اصرق منه
غرور طالعه فيه بصدمه وقالت : ييمه ما يتووب !!
-
عند بيت ابو نياف
جت أم سامي وحصلت كل شيء جاهز وحلفت عليها أم نياف انها تقعد تتقهوا عندها شويه قبل الطلعه وجلست أم سامي بحكم انها جاهزه وكل اغراضها حطتهم بالسياره قبل تجي
نزلت رسن وحصلت ام سامي وام سلمان جالسين ويتحدثون انصدمت وقالت : مافيه كشته ؟؟
ام نياف : بلا فيه
رسن : طب ليه متجمعين هنا !
ام نياف : ننتضر العيال لين ما يجون تفرقوا
رسن : اهااا أجل بروح لعذوب وشهد ، وراحت
طقت الباب ودخلت حصلت البنات جاهزين بيطلعون ويلبسون نقاباتهم
رسن ببسامه : هاااي قد مورنيق
شهد لفت وقالت : يااهلا صباح النور
عذوب بابتسامه : صباح النور
رسن بفرحه : يونس بنطططللعع البررر مع بعضض
عذوب بحماس : اااييييههههه
شهد : اي بس بابا بيرجع الشرقيه اليوم
رسن تلاشت ابتسامتها وقالت : امماا وراه ؟
عذوب : تعرفين الشركه وأمورها
رسن : اهاااا , الله يعين متا بيحرك ؟
شهد : اتوقع من توقعاتي المتوقعه بيروح العصر ولا هوا النيه بيروح قبل الضهر بس عشان بنطلع للبر اكيد بياخرها شويه
-
عند سامي وغيداء..
كان سامي جالس عند غيداء الي لاصقه بالسخانه (دفايه الكهرب حقت الشتاء)
سامي بعد غيداء وقال : انتي حاره اصلا ليه تلصقين فيها
غيداء : لييييههه تطفيها بررردد
سامي : ولا كلمه قومي البسي بنروح للمخيم الكل سبقنا
غيداء بخمول وكسل: مابي بررد
سامي قومها: قومي معك عشر دقائق إذا ما لبستي شديتك وانتي بشكلك هذا ووديتك لهم بسرعه
غيداء بتافاف وهي شوي وتبكي : اااففف ييااخي اممم
سامي ضحك وقال : ولا كلمه وترا عمي عازم خلق الله كلهم لاتقولين لي بعدين ليش ماقلت لي
غيداء تجاهلته بقهر وراحت لبست علئ السريع وراحت لتسريحه وأخذت شنطه صغيره للميكب وحطت مسكره وايلاينر وياليت وروج ومنكير عنابي وحطتهم بالشنطه لأن مالها نفس تتمكيج وراححت لدولاب وأخذت شنطه وحطت جواها شنطه الميكب الصغيره وحطت كريمها وعطورها الي تحبه وأخذت عبايتها ونقابها ولبستها وأخذت جاكيت ابيض وشال وليست حذيانها البوت وقالت : يلا خلصني امش لاتموت علئ
سامي ضحك وقال : يالله مشينا ، وطلع برا الغرفه وغيداء بجنبه
ركبوا السياره وغيداء شافت السيارات باقي موجوده ركبت جنب سامي وقالت بستغراب : سامي السيارات موجوده ماتقول راحوا زمان
سامي بكذبه : بلا من زمان رايحين تبين تفطرين ولا ؟
غيداء هزت راسها بالنفي وقالت : لا مالي نفس
سامي ضحك وقال : حلو حتئ انا
غيداء سكتت وبدت تتمشا بجوالها
سامي كان يكذب علئ غيداء الكل مجتمع ببيت ابو نياف بيفطرون ويطلعون مع بعض ولا هوا كان ساكت وما قال لغيداء عشانه بيوديها للمستشفي
غيداء استغربت من الطريق وقالت : وين بيطلعون ذول ليه جاي مع الطريق هذا ؟
سامي : بيطلعون للاندلس
غيداء بشك : سامي !!!
سامي ضحك وقال : انطمي بوديك المستشفئ عشان الحق علئ الفطور الي عند عمي
غيداء بقهر وتحلطمه : لاحول ولا قوة الا بالله انت وش بلاك انا مافيني شي !!!
سامي : صادقه مافيك شي وانا لو فقصت البيضه عليك بتصير فحمه من حرورتك
غيداء تافافت من شافته داخل علئ شارع المستشفئ وقالت : اقسم بالله انك حقير ياويلك يبطوني ابره اشنقك
سامي ضحك وقال : ي وغده ي خوافه
غيداء بقهر وهواش : انطمم ما الوغد غيرك
سامي ضحك وقال : ابشري صح عليك
سامي نزل وفتح الباب لغيداء وقال : تفضلي
نزلت غيداء وهي شوي وتقوم علي شوشه سامي وتنتفها
دخلوا المستشفئ سامي وغيداء وتوجهوا لرسبشن...
-
عند بيت ابو نياف كان الكل مجتمع بالمجلس حقه وقاعدين يفطرون ويسولفون من الفطور الي جابه سلمان والشاي والقهوه كانو مزهبات والدفايات الغاز والكهرب شغالات عشان يدفون المكان
عند الحريم
كان الكل مجتمع ويفطرون بالمجلس ويسولفوا
هيفاء : عمه جواهر وين غيداء ما جت ؟
رسن : تقول انها مريضه
هيفاء : طب ليه ما جت
ام سامي : سامي عندها الحين باي لحضه يجو
هيفاء : اها زين مدامها بتجي
ام سامي : اي اكيد بتجي بس تخف الحراره سامي مستحيل يتركها الا اذا خفت
مجد : يوهه هو خاشها برد أمس !!
اثاري كانت ساكته وتراقب بصمت تذكرت لما غيداء طلعت برا وهي تمطر وجلست تبكي شكلها عشان كذا مرضت ، شالت نفسها من بين الموجودين وطلعت تتمشاء بالبيت وتتصل علي غيداء بعد دقائق ردت غيداء : بهلا
اثاري : الو غيداء؟
غييداء بتعب : اهلين اثاري ؟
اثاري : كيفك سمعت من خالتي انك مريضه
غيداء : اي صحيت اليوم وحصلت حرارتي مرتفعه ولا انا مافيني شي دراما يسوون وسامي وداني المستشفي
اثاري : انتي حاطته سبكر ؟
غيداء : لا ليه
اثاري انفجرت وبدت تهاوش غيداء : شفتي قلت لك امس ادخلي جوا وانتي قاعده تبكبكين برا عشان ذاك الزفت الله ياخذه شفتي شوفيك اخر شي مرضتي ولا درا عنك جعله بالساحق الله ياخذه بس ويشغله بنفسه شوفيك طايحه بالمستشفي وهو قاعد ومستانس انا مستحيل اتركه ولا اخلي تتم
غيداء : اثاررري خلصصص انا اتصرف معه
اثاري بقهر : وشو اثاري خلص أمس كله الله اعلم في حالك قاعده تصيحين ونمتي وانتي تبكين وراح كل الوقت وتم كل شي وانتي تقولين خلص انا اتصرف معه الي متا قولي !!
كان سياف راكب الدرج متجه لغرفته وحصل نفس البنت الي هي اثاري بنت عمه قاعده تتمشاء بالسيب الي قدام غرف النوم حقاتهم وكانت في قمه الجمال لاكنها ماسكه الجوال وكانت معصبه وتهاوش
وقف وقعد يطالع لها بستغراب ليش تهاوش
غييداء : اثاري الله يخليك يكفي سامي جارني للمستشفئ.. سكتت من قاطعتها اثاري
اثاري : احسن تستاهلين ولله برد قلبي فيك وجعلهم يبطونك عشان تقولين اثاري معها حق
غيداء بسرعه : سبعك استغفري !!!
اثاري : ماني مستغفره قولي متا جايين ؟
غيداء : شدخلتس استغفري
اثاري : احسن ، المهم انكانك ذكيه اكنسليهاا من الحين
غيداء بصدمه : وش اكنسل انتي مجنونه !!
اثاري بقهر : غييداء ي غبيه ترا انتي موديه نفسك للهلاك تعرفين ايش يعني هلاك ونهايتك معروفه مير شغلي عقلك واتركي المبزره الي قاعده تحصل وانسحبي
غيداء نزلت راسها وقالت : مقدر
اثاري مسكت شعرها ووجهته لورا وقالت بقهر : كيف ما تقدرين كيفف !!!
غيداء : خلص اثاري طفي سامي جا
اثاري بقهر : تدرين ايش الزينه اني اقول لسامي ونتتهي ذي المهزله
غيداء بصدمه : ياويلك ي كلبه لاتخليني اندم اني قلت لك !!
اثاري : مع السلامه
غيداء : اثااارررري !!!
اثاري : اقول مع السلامه ، وطفت الجوال
سياف كان يراقبها بصمت كانت لابسه بنطلون جينز وسيع وبوت ابيض وبلوزه بيضا بأكمام طويله وفاكه شعرها الستريت ومع الاخير مفير ، كان سياف بيرجع من شافها خلصت المكالمه لاكن سمع صوت نياف جاي بجهته وتذكر أن نياف أرسله بعد يجيب مفاتيحه ركب بسرعه وكانت اثاري جايه بتجاه الدرج
فتحت عيونها اثاري بصدمه من شافت سياف جاي من الدرج استوعبت علئ حالها انها مو لابسه اي شي لفت لاول غرفه قدامها الي هي غرفه رسن دخلتها بسرعه وقفلت الباب وكان قلبها يدق بسرعه
سياف ابتسم وجاء بيدخل غرفته الا ويستوقفه صوت نياف
نياف : ماشاء الله وينك لي ساعه انتضرك
سياف : بالمريخ مدامك جيت خذ مفتاحك انت
نياف وقف وقال : يحمار بسرعه جيبه معاك ثلاث عدات
سياف ضحك وقال : لايشيخ شايفني وغد قدامك
نياف ثبت منديله وقال : الحين اوريك اذا انت وغد ولالا
سياف ضحك وفتح الباب وعلق معاه وتجاهل بابه وهرب منه
سياف وقف وقال وهو اصلا قدام غرفته دخل غرفته وطلع المفتاح وطلع وحصل سياف يحاول بمفتاح غرفته
نياف : يقدددمي انت لسا ما صلحته ؟
سياف وهو يطق الباب برجله عشان يفتحه لف وقال ببتسامه : لا انتضر اخوي الكبير لين يصلحه لي
نياف وهو يتعداه : اصلحه لك بشرط تقلع الاشياء الي تحوم الكبد الي بغرفتك ( يقصد حقات المستشفئ الي يدرس منهن )
سياف ضحك وقال : ابشر عشان السنه الجديده قربت قررت أهديك إياهم واحطهم بغرفتك
نياف نزل من الدرج وضحك عليه
طالع سياف باب غرفه رسن وابتسم لاشعوريا لف ودخل غرفته وأخذ المفتاح وطلع وهو يفكر بالموقف الي قبل شوي حتا وهي معصبه طالعه مرا حلوه حس أنه حبها من اول لقاء لها هي وياه وكان الله كاتبهم لبعض عشان كذا كثيره الصدف بينهم استوعب علئ نفسه وتعوذ من الشيطان
اثاري وقفت تسمع كلام نياف و سياف وحطت يدها على وجهها بفشله وش الصدف ذي الي ما تصير غير مع سياف وقفت لدقائق تتسمع الصوت لين اختفاء تماما طلعت من الغرفه وراحت متجهه ركض كانت تحسبه بغرفته نزلت متجهه للحريم ودخلت عندهم وحصلت الكل لابس يلبسون عبايتهم أنهار طلعت وصادفت اثاري بالطريق قالت : وينك من قبل شوي
اثاري : اكلم غيداء
انهار : صدق وينها ما جت
اثاري وهي لسا مقهوره من غيداء : شدها سامي غصبا عنها للمستشفئ
انهار : صدق الله يشفيها وجت بتروح قالت اثاري : علي فين ي أنهار
انهار بتسهبال : ختيٕب غيداء أرسلني اجيب مفتاحه
.
.
.
.
________________________
اعذروني اذا فيه اخطاء املائيه
________________________
وااه اعذروني على التاخيير كتبت البارت بس نسيت انشرها 😭😭😂 .
اللهم ارزقني رزقاً حلالاٍ يغنيني عن جميع خلقك💙 '
