ما الله خلقني للمخاليق تبّاع
ولا أشرب الشربه وغيري سكبها
أما خذينا مطلب الروح بذراع
ولا تعف ارواحنا عن طلبها
-
عند ابو خالد وام خالد كانوا يتمشون ويسولفون وحصلوا تحت الحجره خمس ميه نزلت ام خالد بسرعه بتاخذها الا ويسبقها ابو خالد بسرعه
ام خالد بقهر ضربت كتفه وقالت : عبدالرحمن انا لقيتها اول !!!
ابو خالد بضحكه : مافي الاولويه للي يياخذها اول
ام خالد : عبدالرحمن !!!!
ابو خالد ضحك ومد لها الخمس ميه وقال : نمزح معاك ماعاش من زعلك
ام خالد استحت حييل وضحكت .
ابو خالد أخذ الفلوس منها شوي وقال بصوت عالي وهو ماد أيده الي فيها الفلوس : حصلنا 500
طالع الكل فيه
ابو نياف بصوت عالي : علئ البركه عقبالنا
جاسر حصل 1000 علئ الشجره وقال بصوت عالي : وانا كمان حصلت الففف .
ام خالد : ماشاء الله
غيداء طالعه باثاري وقالت : بقا الف وخمس ميه بس خلينا ندور عليها قبل أحد ياخذها
رسن وهي مع ابوها صوتت للبنات وقالت : بنااتتت حصلتوا شيءء ؟؟؟
اثاري : لاااا
غيداء : لاااا انتي حصلتي ؟؟
رسن بياس : لااا
غيداء مشت الا وتوطاء لها علئ شيء لما طالعه فيه حصلته فلوس صرخت بفرحه واخذتهن حصلتهن الف صرخت بفرحه وقالت وهي ماده ايدها : حصصصلت اللففف
اثاري : يحضصك ماشاء الله !!
الكل طالع فيها
ابو نياف صوت لها : ماشاء الله
ابو سامي بضحك صوت لغيداء : علئ البركه بنتي غيداء تعالي عندي
غيداء طالعه بعمها بفرحه وقالت : الله يبارك فيك لفت لابوها وقالت : مين الي قبل شوي طردني ؟
ابو سامي ضحك وقال : يخسئ من يطرد بنتي غيداء
غيداء طالعه باثاري وقالت بضحكه : يعني هو وأمي يخسون ههههههههههه
اثاري بصدمه صكتها مع راسها وقالت بضحكه : الله يقرفتس ذول امك و ابوك !!!!
غيداء تتحسس رأسها قالت : احح يووجع !
اثاري : أجل انطمي مره ثانيه
غيداء بضحكه وهي ماسكه رأسها : وش دخلني ههههههههههه
رسن وغرور جو عند غيداء بسرعه وقالت غرور : الله وين لقيتيها !!!
غيداء : بالاندلس الارضيه تحت الحجريه
رسن : اقسمي لي منها ي غيداء
غيداء بعدت عنهم وقالت : مين انتوا ما اعرفكم
اثاري : اح جحدتنا !
غيداء بضحكه وهي تقلد ذاك الرياكشن قالت : مين فيصل شقاعده تقولين ! ههههههههههههههه
غرور : بقا خمس ميه ميه تصير من حضه
رسن : يارب من حضي مع اني عارفه حضي مثل وجهي شين
اثاري : زين الي معترفه ههههههههههه
رسن : ايولله اني معترفه اني أنا وحضي مثل وجي خايسين ههههههههههه
غيداء : ههههههههههه تبعا انا حضي مثل وجهي جميل واكبر دليل اني حصلت آلاف
اثاري بتشمق : ياااي
غيداء ضحكت وقالت : ياي مرتين موب مره.
غرور : بليز بكج ثقه ياغيداء
غيداء ضحكت وقالت : إذا عندك عطيني ههههههههههه
-
بعد ساعه الكل كان جالس بالجلسه ويسولفون الفائزين ..
ام خالد ألاولئ 500
جاسر الثاني 1000
غيداء الثالثه 1000
سياف 500
-
غيداء : يمه العيد بقاله 8 ايام وطلبيتي لسا ماوصلت
اثاري : سويتي استعجال بالطلب ؟؟
غيداء بقهر : ايوه المفروض انها اليوم ولا بكرا تجي
رسن : الحين عيد وزحمه طلبات احتمال ماتجيك الا بعد العيد
غيداء : يمممه بعدين راح اموت !!
انهار : طيب ياغبيه روحي تسوقي الحين مدام معاك وقت
غيداء : اوف كرهت السوق وطاري اوف اتعب وانا ادور فيه
رسن : اقسم بالله هذي انا !!!
غرور : ايه ولما ترجعين ضهرك مكسر من كثر التفرفر
اثاري : ونفسيتك زفت اخ
غيداء طالعه فيهن وقالت : الحمدلله في احد مثلي ! ابي اذا رحت مول اروح اتمشاء واروح كوفي أروق مو أروح لحاجه معينه واقعد ساعه ادور عليها يع تعب نفسي وجسدي
انهار : ههههههههههه انا عكسكم احب السوق
طالعه غييداء بغرور لما مدت لها الفلوس الي غيداء حصلت عليهم
غيداء بصدمه : بسم الله متا اخذتيهم ؟؟
غرور بضحكه : تو الناس سحبتها منك قبل شوي وشكلك مافقدتيهن
غيداء بصدمه : لاولله مافقدتهن !
رسن بضحكه : لو اخذتيهن ي غرور مادرت لك ههههه
غيداء طالعه فيها بنضرات وقالت : بعدين راح اركي عليها بصلاه الوتر بالدعاء ولاتنسين حنا بالعشر الاواخر من رمضان يعني الدعاء فيه مستجاب .
اثاري : علئ طاري العشر الاواخر بنات شرايكم نصلي التراويح بالجامع
غرور : عجزان الديره فيه
اثاري : يازينها ! احس هذي أجواء التراويح أننا نروح نصلي بعد ما نخلص نسلم عليهم
رسن : اييي عاد امي وعماتي دائم يصلون فيه التراويح
انهار : ابي اروح بس احس لاااا
اثاري : اي صادقه احس مايصلح وجودنا هناك
غرور : امي تقول مافيه ولا وحده من الحريم تجيب بناتها كلهم عجزان
رسن : الي يسنعكم أننا رايحين نسولف وندور علئ السوالف ترا حنا رايحين نصلي ونعبد ربنا !!
غيداء : شرايكم انا اصلي فيكم التراويخ
رسن : اسكتي انتي بالذات لا اشوفك تصلين فينا
غيداء رفعت يدها بمعني اسكتي وقالت : انطمي محد جابرك تجين تصلين معنا مغير تضحكين وتضحكين البنات ! .
غرور : الله واكبر منهي الي حاطه جوالها قدامها بنص صلاتها سحبت الجوال بسرعه قبل نأخذه ؟؟
انهار تدخلت لأنها تعرف أنه راح ينعاد نفس الموال دائما وقالت وهي تسكتهم : هفففف هفففف بدينا
اثاري : لاو انتهينا هه ههه هههاي
غرور ضحكت وقالت : ههههههههههه اعجبتني
رسن قامت من شافت الحريم قاعدين يتجهزوا عشان يروحوا للجامع وقالت : بنات تبون تمشون معاهم للجامع عشان نصلي ؟
البنات كلهم قالو ايوا الا انهار ،
انهار : مابي احس فشيله
اثاري : يابنت بيفوتك أجواء الصلاه
غرور : الله تذكرت لما كنا صغار وكانوا ياخذونا معاهم وفنص الصلاه يطردونا نرجع ههههههه
غيداء : اووف يعمار
رسن : ايولله ليت الزمن يعود يوما
انهار : اي ولله صدق اشتقت بذات مع لما كانت رنيدي مواجوده ..
-
بعيد عن نجد العذيه وتحديدا بالشرقيه كان التوقيت الصلاه يختلف عن نجد العذيه كان توهم جايين من صلاه التراويح وجالسين بجليه الحوش الخارجيه ويسولفون ويضحكون ومتجمعين حوالين التلفزيون
عذوب : رامز متا تجي ؟؟
شهد : الحين اربع دقائق وتبدا
دخل سلمان وكان توه راجع من دوامه وحصل أبوه وأمه وأخواته جالسين بالجلسه الارضيه وامشروبات والبطاطس والتلفزيون والواضح انهم بنتضرون حلقات رامز
ضحك سلمان وقال : اوه شكلي جيت بدري !
ابو سلمان : لحق لسئ ما بدا
سلمان تقدم وكان معاه كيس وقال: جبت لكم كنافه ادري ماتحلئ الجلسه الا فيها
عذوب : كفو لبئ عينك
شهد : الله !!
سلمان ضحك وقال : كفوك الطيب
ام سلمان : تعال ياوليدي سويت الحلا الي تحبه
سلمان بفرحه : الله وش هاليوم الي كله اخبار حلوه !!
ام سلمان بستغراب : الله يجعله خير وشهي الاخبار الحلوه الي ماندري عنها ؟
سلمان بابتسامه : ابشركم اني ترقيت من مقدم لعقيد
ابو سلمان بفرحه عدل جلسته وقال : ماشاء الله تبارك الرحمن علي البركه
ام سلمان : ماشاء الله تبارك الله فالك المراتب العليياء ياوليدي
سلمان بابتسامه : الله يبارك فيكم وان شاء الله اكون عند حسن ظنكم يارب ويحفضكم لي
عذوب : علئ البركه ياسلوومي
سلمان بابتسامه : الله يبارك فيك
شهد : مبروك ياسوسو
سلمان ضحك ومسك حذيانه وقال : ولله بذي النعال إذا سمعتك تقولين كذا مرا ثانيه
شهد طاحت علئ عذوب بدراما وقالت وحزن : جرحني ماقال الله يبارك فيك هذا وانا مدلعته
سلمان ضحك وقال : يبارك فيك ياشوشه
شهد طالعه فيه بصدمه وقالت : بابا !! شوف ولدك ايش يقولي !!!
ابو سلمان : ولله انتي عوبا وهو اعند منك مالي شغل فيكم
أم سلمان ضحكت وقالت : الحين تقوم الحرب يا ياسر
شهد طالعه بابوها ونزلت راسها تكمل تاكل من الحلا بهدوء
سلمان ضحك من عرف انها زعلت وجاء عندها وقال : شهد ؟
شهد لفت عنه متجاهلته ، عذوب ناضرت لشهد لما لفت صدت عن سلمان ولمحت الدمعه بعيونها وقالت : يبه زعلتها
سلمان لف وجه شهد له وقال بضحكه : أما تبكين !!
شهد بعدت أيده عنه بسرعه ومسحت دمعتها وقالت : بعد عني تخسي ابكي
ابو سلمان ضحك وقال بحنيه : كفوا هذي بنتي ، تعالي عندي ياقلبي انتي
شهد جت عن ابوها وأبوها حطها بحضنه وقعد يبوسها
عذوب تكتفت وقالت : عشتوا وانا وين رحت ؟
سلمان ضحك وقال : تعالي انتي عندي حتنئ ناقص حنان
ضحكت عذوب وقالت : ياخي ههههههههه
ام سلمان جت وكان معاها صحن حلا وقالت : ماشاء الله احضان جماعيه وانا وين رحت ؟؟؟
ابو سلمان ضحك : ههههههههههههههههههههههه
عذوب : يمه اخذت مكانك شهد ههههههه
-
عند البنات ..
كانوا متجهين للجامع وقدامهم امهاتهم وبالخلف ، انهار و رسن وغيداء وغرور وأثاري
غيداء بحماس : ياربي متحمسه !!
انهار : بنات احس مالنا داعي
رسن : انطمي مأهوب وقت حياك ذالحين
انهار : يحماره مو قصه حياء احس عيب وجودنا
غرور : يربي يا انهار مصعبتها ترا حنا جايين نصلي التراويح وننرجع مانبي نسولف ولا ندور احد
اثاري : اي واصلا كل وحده بعبايتها يعني مراح يعرفون مين انتي
لما قربوا من المسجد كان فيه مجموعه حريم بعد متجهين للمسجد غيداء فتحت عيونها بصدمه وقالت : بنات ذي شليويحه ؟؟
اثاري قعدت تطالع : وينها ؟؟؟
رسن طالعه بصدمه وقالت : اي ولله شليويحه !
غرور : موب لحالها السكرتيره حقتها معاها ههههههه (تقصد ام كشه)
غيداء : لحضه صح يقولون مافيه بنات يجون بالجامع !!
اثاري : شكلهم يزلقون علينا
انهار بضحكه : ياربي يأن عليكم اسماء أستغفر الله هههههه اول شيء شليوحيه وسكتنا وبعدين أم كشه وسكتنا والحين السكرتيره حقتها !!
غيداء ضحكت وقالت : انتبهي لانحطك براسي ونسميك اسماء
انهار كشت وقالت : بسم الله حتئ وحنا برمضان ماتمسكون بريكات علئ الاقل سكتوا من لفوا عليهم الأمهات
ام نياف : بنات كلكم بدون استثناء انتبهوا يطلع منكم صوت ضحك واستهبال ترا انتوا ببيتكم عشان تأخذون راحتكم ولا انتوا وغدان عشان نطردكم
ام خالد : بالضبط ضلوا هادين ولا نسمع ولا صوت وكل وحده بعيده عن الثانيه مانبي ضحك ولا استهبال
غيداء كانت تطالع بأمها مستغربه ماتكلمت ، ام غيداء طالعه بغيداء وارسلت لها رساله طالعه غيداء بالجوال وكانت من أمها فتحتها وكان مكتوب فيها : ياويلك ياغيداء اسمع صوت ضحكتك ولا سوالفك اقعدي هاديه ولا راح ازعل منك ، مابي اهاوشك وام نياف موجوده ، كانت اثاري بجنب غيداء وتقرا معاها ضحكت وقالت بهمس لغيداء : ماتكون خالتي إذا ماوصتك لاتضحكين
غيداء طفت الجوال وقالت : اسكتي اشوا ماسفلت فيني قدامهم عشان عمتي شيخه موجوده
اثاري ضحكت وقالت بهمس لغيداء : تصدقين أمي مسكتني علي جنب قبل شوي واعطتني محاضره طويله ماتبي افشلها عند الحريم
كملوا طريقهم للجامع
رسن بزعل : حشئ شايفينا وغدان عشان يعطوننا نصائح
انهار : ياقلبي حافضين حركاتكم إذا اجتمعتوا
غرور : هذا قبل ووحنا وغدان بالثانويه صح أننا قرود بس الحين عقلنا
غيداء ضحكت وقالت : خيبة عقل اقص ايدي إذا ماطردونا بنص الصلاه
انهار لما تسمع صوت تقويم الصلاه قالت : يربي يازين الصوت له شعووور يجنننن
غيداء : اييههه يخساره ياريناد الي مو معانا
رسن : انا اساع رايحه اصلي الي اشوفها تقعد بجنبي ياويلها بذات انتي ياغرور !!
غرور : انا بصير مع اثاري
اثاري : يويلك مابي ضحك امانه نبي نخشع بالصلاه ونصلي بدون ضحك ولا استهبال
غييداء : أيو لله بنات مانبي ضحك
انهار رفعت أيدها بشكر وقالت : الحمدلله وحده من امنياتي تحققت انكم تعقلون الحمدلله
رسن : نبي نجمع حسنات
اثاري طقتها وقالت بضحك : يربي يارسن ههههه احس حرام كلمتك هذي
أنهار : خلص اسكتوا بنات وصلنا !!
دخلوا الحريم وكان خلفهم البنات ومثل ما اتفقوا كانت كل وحده بجهه عشان مايقعدون ويضحكون
جلست رسن بوسط حرمتين كبار بالسن وكانت انهار بجنبها لأكن بينهم حرمه وأثاري بجنب أمها وغيداء بجنب بنات وغرور بجنب غيداء لاكن الفاصل بينها وبين غيداء البنتين ذول ، بدت الصلاه وصلوا العشاء وبعد ما انتهوا صلوا التراويح وكانت 11 ركعه لاكن متفرقات واخر شيء الصلاه الي يدعوا فيها وهم واقفين بعد ما انتهوا سلموا وبدوا الحريم يقوموا ويسلمون علئ بعض وياخذون علوم بعض الا غيداء كانت جالسه وتدعي وكانت بالصدفه جالسه بجنبها شليويحه بعد ما انتهت غيداء من الادعيه لفت علئ صوت يناديها وحصلت بجنبها شليويحه
شليوحيه : اووه الوغده جت تصلي هنا ؟؟
غيداء طالعه فيها بنضرات عاديه عكس الي جوالها كانت ماتحبها ولا تدانيها قالت : ليه المسجد لكم وانا مادريت ؟
شليويحه : ههههههههههه يمكن ماندري ، المهم شخبار عبدالعزيز متا بيرجع من المهمه ؟
غيداء طالعه فيها بنضرات تشمق من طاريه وقالت : مدري
شليويحه ضحكت بسخريه وقالت : هههههههه مسويه ماتدرين عنه ؟ انا متاكده انك تعرفين متا يجي بالضبط بس انتي تنكرين
غيداء طالعها فيها بنضرات سخريها وقامت من عندها متجاهلتها ، شليويحه بسرعه مسكت يدها ونزلتها وقالت : يكون بعلمك عبدالعزيز لي انا وبس
غييداء ناضرت فيها بعصبيه من حركتها وبسرعه مسكت يد شليويحه ولوتها
شليويحه صرخت بالم لاكن ماكان احد منتبه لها لان اصوات حريم الديره لما يسولفون ويسلمون علئ بعض ، غيداء لوت ايد شيويحه وقربت منها وقالت بهمس لها : عبدالعزيز لاتجيبين طاريه عندي علئ لسانك لانك راح تندمين لاتقولين غيداء ماقالت ! ،
ام كشه تدخلت وقالت : هيي بننت !! اتركيها
طالعه غيداء فيها بنضرات عصبيه وفكت أيدها وراحت متجاهلتها ،
شليويحه مسكت أيدها بالم من حركه وقالت بقهر : اقسم بالله اني راح اندمها حركتها هذي مراح اعديها
-
عند غيداء قامت وطلعت وشافت البنات يدورون عليها
انهار طالعه بغيداء الي جايه عندهم وقالت: وينك ياغيداء ؟؟
غيداء طالعه بانهار وكانت معصبه وقالت : بالاندلس يعني وين بكون ؟؟؟
انهار استغربت نبره غيداء عليها وقالت : وشفيك معصبه ؟ بس بقولك أننا كلنا سلمنا علئ حريم الديره الا انتي
غيداء طالعه فيها من استوعبت أنها صرخت عليها وقالت : اوه معليش يا انهار بس صادفت شليويحه وتكلمنا شوي
أنهار طالعه فيها بصدمه وقالت : ليش وش قالت
غييداء : ولا شي سخافاات ، وراحت من عندها تلبس حذيانها
كانوا غرور ورسن واثاري جالسين يلبسون حذيانهم جت غيداء بكل هدوء وقعدت علئ الكرسي تلبس حذيانها
غرور : غيداء وينك فاتك لما سلمنا علئ حريم الديره
رسن : الله يازين الأجواء ابي كل يوم اجي هنا يخساره الايام الي فاتوا ماجينا
اثاري : اقسم بالله يازين الجو لو دريت أنن فيه بنات هنا كان جيت من اول هنا
غيداء كانت تلبس حذيانها بكل هدوء متجاهله سوالف البنات
رسن طالعه بغيداء الي تلبس حذيانها بهدوء علئ غير العاده وقالت : ااوووهه غيداء وين وصلتي ؟
ته خلصت لبس حذيانها وقامت وقالت : اسمع سواليفكم ماني ساجه بتفكيري
اثاري : غريبه متشاركين وين كنتي قبل شوي ؟
غيداء : كنت جالسه بمكاني سكتت من اتصل جوالها وكان رقم المندوب ، طالعه فيه وابتسمت بنص ضيقتها وقالت : واخيرا اتصل المندوب !!!
ام سامي جت عندهم وقالت : يلا يابنات مشينا البيت .
غيداء ردت عليه وهي متوجهه للبيت علئ رجولهم وقالت : الو ؟
المندوب : الوو سلام عليكم
غيداء : اهلين وعليكم السلام
المندوب : معانا شحنه باسم غيداء مشعل انت صاحب الشحنه ؟
غيداء : اي أنا
المندوب : اوكي زودنا برقم الشحنه والموقع للاستلام
غيداء : اوكي ، الا متا موعد استلامها ؟
المندوب : بكرا علئ العصر ولا قبل المغرب تكون عندك
غيداء بحماس : اوكي شكراً
المندوب : العفوا ، وقفل ، غيداء لفت للبنات وقالت بحماس : الحمدلله وصلت بالوقت المناسب عاد كنت ناويه اروح مع سامي عشان اتسوق .
رسن : الحمدلله مابغينا .
اثاري : ايولله ولله كنت شايله همك .
انهار : باقي الفستان صح .
غيداء : ايوا شرايكم نروح بعد شوي مع سامي نتسوق ومنها نغير جو ؟ .
انهار : تم انا معك .
اثاري وغرور : معك .
رسن : رجلي علئ رجولكم .
غيداء ضحكت وقالت : يلا زين ..
ثاني يوم بعيد عن نجد العذيه وضواحيها عند عبدالعزيز كانت س 5 العصر كانوا توهم جايين من الدوام كلهم وكل عاده الجده ارسلت لهم الفطور مع بنتها طق الباب عليهم ، كان عبدالعزيز ومنصور بالمطبخ يطبخون وتركي بالمجلس معاه السفره وعلب المويه والتمره يرتبهم وفهد ونايف كان دورهم يتحممون كانوا بالحمام ياخذون لهم دش علئ السريع بعد ماساعدوا العيال بالطبخ ، طق الباب ثلاث مرات
منصور : يالبييييه شكل الجده مرسله لنا اكل
عبدالعزيز بابتسامه : ايوه ، تركي افتح الباب
تركي من المجلس : جاي جاي ، راح تركي الباب وفتحه وحصل حافضه وصحن مرميات علي الارض وبعيد شوي كانت بنت الجده واقفه
الجازي : هذا الاكل امي حسبت حسابكم معنا بالفطور وتسلم عليكم وتقول عوافي
تركي طالع بالاكل وقال : الله يسلمها من كل شر وقولي لها عيالك يسلمون عليك ويشكرونك عوايدها الله يسعدها ويطول بعمرها ويعطيكم العافيه تعبناكم معانا
الجازي ابتسمت كيف أنه محترم وماطالع لها وقالت : الله يعافيكم ، وراحت .
تركي أخذ الحافضه والصحن كان فيه لقيمات وسنبوسه قفل الباب بايده وراح حط الصحن حق القيمات والسنبوسه علئ السفره وفتح الحافضه جاء منصور وجارالله وعبدالعزيز من وراه وكان معاهم العصائر والقهوه والشاي
تركي بفرحه : اوووه حلا !!
عبدالعزيز : اسالك بالله !
منصور نزل الشاي والقهوه وقال : كيف حلا بحافضه
جارالله : حلا الكاسات حطته بذي الحافضه عشان مايتكسرون الكاسات شكله
فهد جاء عندهم وقال : سمعت طاري حلا !
تركي بضحك : ايوه تعال وناد نايف معاك
نايف مع ورا قال : جاي جاي بس بستشور شعري بنشفه
طق الباب عليهم مره ثانيه ..
منصور طالع فيهم وقال : مين الي جاء ؟
فهد : يمكن البنت جايه توصل اكل بعد
تركي : لا قبل شوي جت وماقالت أنها بترجع مره ثانيه
منصور قام واتجه للباب وقال : مين ؟
الرئيس : افتح الباب يامنصور
منصور فتح عيونه بصدمه وراح للعيال يركض قال : الرئيس جاء خبوا الحلا والقيمات بسرعه !!
قامو العيال بسرعه يخبون الاكل لانه كان ممنوع عيلهم يستلمون اي اكل من برا ولا يتعرفون علئ اي احد برا ( لو عرف الرئيس أن الجده ترسل لهم اكل كان علئ طول فصلهم ولا عاقبهم لان هذا مخالف للقانون)
جارالله طالع بالعيال بسرعه وقال : فيه احد مسوي شيء منكم !!!!
العيال كلهم قالوا : لا.
(كان هذي المره الثانيه يجي فيها الرئيس كان بالعاده لو يبي منهم شيء يرسل لهم ولا يستدعيهم)
منصور بسرعه جاء وفتح الباب وقال : يالله حيه فوت
الرئيس دخل للمجلس عليهم وقال بنبرته الضخمه وهيبته : السلام عليكم يارجال
العيال وقفوا له بسرعه خوف منه ومن هيبته وردوا السلام
الضابط طالع بالسفره الي موجود عليها الاكل وقال بختبار لهم : احد جاكم اليوم كله ؟؟
منصور قال : لا اصلا حنا قبل ساعه جينا من الفريق
الرئيس طالع فيهم بنضرات شديده وقال : نهائياً ما احد جاكم !!!
عبدالعزيز تدخل وقال : لا ما احد جاء ليش سامع شيء ؟
الرئيس طالع بعبدالعزيز وقال : متأكدين ؟؟؟
عبدالعزيز بكل ثقه وهيبه : اي نعم .
الرئيس جلس علي السفره وقال : إذن ولا لسئ ؟
منصور : لا باقي دقيقه
دخل تركي و عبدالعزيز للمطبخ عشان يجيبوا له علبتين مويه
عبدالعزيز : هذا وشفيه جاء اكيد فيه شيء كايٌد تتوقع صادف البنت ؟
تركي : من اسالته اكيد لان اول ماطلعت هو رن الجرس .
أخذ عبدالعزيز علبتين مويه و تركي فتح صفيره القدر وطلعوا من المطبخ لسفره جلسوا وكان وقت الاذان افطروا بكل هدوء علئ غير العاده
الرئيس رفع نضره بعد ما افطر وخلص قال : ايوه وش وقع الدوام معكم ؟
العيال طالعوا فيه من سؤاله الغريب وقال منصور..
منصور :زين
الرئيس ارتكئ علئ المركي وطالع فيهم وقال : كم لكم جايين هنا ؟
جارالله : حول الأربع شهور
الرئيس طالع فيهم: ماشاء الله ، غريبه طول الأربع شهور هذي ما احد قال بيرجع لأهله ؟ ويعيد مع اهله
عبدالعزيز حس بتلميحاته وابتسم وقال : يقول يابو محمد من طول الغيبات جاب الغنايم عسئ ورا جيتك خبر حلوا
الرئيس ضحك وقال : عز الله اني جبت لكم الغنايم
الرجال طالعوا فيه ببشبه ابتسامه وفرحه يدعون الي بقلبهم صح
منصور بابتسامه : اسلم ؟
الرئيس : ولله انتم رجال والنعم فيكم وطول المهمه ماحد جاء منكم يبي اتصال ولا يبي يرجع لأهله وغير عن كذا طول الأربع شهور والثمان ايام هذي كان شغلكم ممتاز ولا جاء منكم الغلط ، انا حاب ابشركم أنها انتهت المهمه والي يبي يرجع لأهله يرجع وان شفتوا مني غلط ولا زعلتكم طول الأربع شهور ابي منكم السماحه وانا ابوكم غصبنا عني لازم اكون شديد معكم عشان يكون الشغل كله صح ، العيال قاموا بفرحه وصراخ وبدوا يحضنون بعض من الفرحه أنهم بيلحقون يعيدون مع اهاليهم
الرئيس قام وضحك علئ حماسهم كانوا متناسين وجوده ويضمون بعض من الحماس
عبدالعزيز جاء عنده بفرحه وطق التحيه
الرئيس ببتسامه : استريح
استراح عبدالعزيز وجاء بأسه مع رأسه لانه يعتبره بمقام أبوه وقال : ماشفنا منك الا كل خير وكلنا عارفين انك شديد معانا بسبه الدوام يابو محمد
الرئيس ابتسم ومسك عبدالعزيز مع كتفه وقال : الله يحفظكم عبدالعزيز ابي اسالك من اول مره شفتك فيها ذكرتني بصديق لي قديم يشبهك ، انت عندك معارف بالشرقيه ؟
عبدالعزيز طالع فيه وقال : ايوه كثير انا من نجد العذيه لاكن عشت نص عمري بالشرقيه بسبه دوام ابوي
الرئيس طالع فيه بابتسامه وقال : انت ابوك عبدالله رئيس السجن بالشرقيه ؟
عبدالعزيز ابتسم وقال : الله الله وصلت
الرئيس جا علئ طول وضمه وقال : ياهلاا ولله بولد الغالي.
عبدالعزيز أنصدم وضحك من عرف أنه يعرف ابوه وكانوا باقي العيال يطالعون فيه بابتسامه
الرئيس : ولله حسبته تشابه اسماء بس كل ما اشوفك اتذكره بس قلت لا انت تشتغل بنجد وابوك بالشرقيه قلت يمكن تشابه اسماء
عبدالعزيز ضحك وقال : لاولله هذا ابوي
الرئيس : ايوه وش اخباره وعلومه لي سنين عنه .
عبدالعزيز بابتسامه : ولله طيب وقبل كم شهر استقال من شغله ونقل لنجد وانا كذالك نقلت شغلي لنجد
الرئيس بصدمه : عبدالله استقال !!
عبدالعزيز ضحك وقال : اي ولله كلنا مصدومين منه
-
بنجد العذيه كانوا توهم جايين من صلاه المغرب وجالسين يسولفون ويزعوا الحلا كانو في بيت ابو سامي وكلهم جالسين جلسه وحده
غيداء جلست عندهم وقالت : اووخ ضهري يوجعني وبطني كمان
اثاري : ليه وشفيك ؟
غيداء : ذيك اتوقع تبغئ تجي
رسن : يوووه الله يعينك كلي حبوب عشان يخف الوجع
غيداء : مايصير اكلهم الحين واخلطهم مع ادويتي
غرور : طنانانا ماتمشين معنا لصلاه التراويح
غيداء : انطمي لاتجين علئ الجرح لحضه بعدين شدراك هي لسا ماجتني انا اقول اتوقع تبغئ تجيني
غرور بعناد : يارب تجيك قببل اذان العشاء عشان تنطقين هنا لحالك
غيداء : اصلا مابغئ اروح ابغئ اقعد واريح ضهري من العصر وهو قائم علئ
أنهار : غيداء عاد اشربي اعشاب ومشروبات ساخنه ابعدي عن العصاير البارده
غيداء : اشي لو تدرين يا انهار سبحان الله ما اشتهي اكل الثلح ولا المويه البارده الا اذا جت مع هذا اموت من وجع بطني وضهري
اثاري : هذي انا ما اشتهي اكل الثلج الا اذا جتني
رسن : لاولله اني أحرم روحي منهم واشرب الساخن
غرور : شكلي انا الوحيده الي ما احس بالم إذا جتني
اثاري : ولله حتنئ
رسن : ههههههههههه حتنئ الم خفيف بالبدايه بعدين عادي
انهار : اي هذي هي
غيداء عدلت جلستها وطالعه فيهم وقالت : ايش ايش ايش ؟؟ ماتحسين بالم !!!
رسن أشرت بمعني ايوه وقالت : اي
غيداء : ما شاء الله ولله اني اموت إذا جتني واقعد أصيح مع هذا اكل ثلج ويزيد الالم معي
انهار : ياغبيه !!! المفروض تمنعين نفسك المشروبات البارده انا وانا ما احس بالم امنع نفسي
ابو سامي : ياخواني وش رايكم بالعيد نستاجر لنا شاليه ؟
ابو نياف بابتسامه : ولله فكرت حلوه
ابو جاسر : تم
ابو خالد : كم تستاجرون يوم
ابو سامي : انا فكرت أننا اول يوم عيد نعيد هنا مع أهل الديره واليوم الثاني نستاجره يومين العيد الباقيه
ابو نياف : ولله احسنت التفكير يامشعل يوم العيد أهل الديره بيجون ويعايدوننا وبسوي فطور واعزم كل اهل الديره
ابو سامي بابتسامه : ولله عوايدك ياعبدلله
ابو جاسر : عبدالله كم بتسوي ذببحه ؟
ابو نياف : اربع ذبايح ولا خمس للحين ماقررت
سامي همس في اذن سياف الي جنبه وقال : مشكله ال عبدالعزيز كرمهم سابقهم وماياكلها غير حنا
سياف ضحك وقال : عوافي حنا مكروفين مكروفين بس اتركنا ساكتين
خالد : ههههههههههه أحسد عبدالعزيز الي مايلحق علي التقهوي
مشاري : اووووله بيكون اول عيد بدون عزوز !!
سامي هز رأسه بنعم وقال : للأسف
مشاري ضحك وقال : لا تبكي ياسوسو انا عندك
سامي طالع فيه وقال : ولد !! ارفع علومك
مشاري طالع لفوق وقال : وين ارفعهن ما اشوف شيء عشان عشان ارفعهم به
سياف كان يشرب مويه بخ من الضحك علئ كلام
سامي طالع فيه بشبه ضحكه وقال : سخيفه بس اعجبتني
مشاري ضحك وقال : اضحك واترك الثقل عنك هههههههههه
-
بعيد عن نجد ، عند شقه الشباب
طلع من عندهم ابو محمد بعد ماقعد معاهم وسولف معاهم وأخذ علومهم وراح ، مخلص الحكي الي دار بينهم أن اليوم هذا اخر دوام لهم و أن الي يبي يروح يروح واتفقوا العيال يروحوا للمركز وياخذون جوالاتهم وبطايقهم ويحجزون من بعدها طيارات عشان كل واحد يرجع لأهله الكل ايد الفكره وطلعوا من الشقه وركبوا سيارتهم واتجهوا للمركز ..
دخلوا العيال وخلصوا بعض الإجراءات القانونيه وأخذوا جوالاتهم وصار كل واحد يحجز له طياره بأقرب وقت له بعد ما انتهوا وكل واحد حجز طيارته استاجروا سياره وسلموا سياره الشرطه وراحوا لأقرب سوق عندهم بيشتروا هديه للانسانه الي مانستهم طول الفتره الي راحت وكانت تحسب حسابهم بكل مره تسوي لها اكل ترسل لهم وكانت تطمن علئ اخبارهم يوميا ومعتبرتهم عيالها كانوا أقل شيء يجازونها فيه هديه بسيطه
عبدالعزيز راح واشترا اكسسوار ذهب وخاتم لانه يعرف الي بعمرها تحب تلبس ذي الاشياء وشرا لبنتها عقد ذهب ناعم مكان يدري ايش يشتري لها
منصور أخذ لها مدارق وكذا لبس وحنئ يدين وشعر
جارالله مكان يدري ايش يشتري لهم وقرر مدام أن الجده ماعندها الا جوال واحد وكشاف قرر أنه يشتري لها ولبنتها جوال اخر موديل
فهد راح لسوق الخضره والفواكه وعبا السياره من كل نوع يشوفه قدامه
تركي طالع وماحصل اي شيء يشتريه كل العيال أخذوا كل شيء يخطر علئ البال طالع قدامه بالاسواق وحصل سوق للميكب راح له لأن الحين فتره عيد وأكيد البنت راح تتضبط بالعيد دخل وماكان يعرف اي شيء وقال للموضفه أنها تعبي له السله لكل مايخص الميكب
نايف راح لأقرب سوبر ماركت قدامه وأخذ حلويات للعيد ومكسرات وتشوكلت .. بعد ساعه ونص الكل اجتمع بالسياره وكان حوض السياره مليان من كل الخيرات اتفقوا أنهم يحطوا مبلغ علي جنب إذا كانت محتاجه شيء ولا ناقصها شيء هذا المبلغ موجود جمعوا الفلوس وحطوها بأحد المدارق عارفين إذا اعطوها الجده مستحيل توافق فيهن ، واتجهوا لبيت الجده ..
وصلوا ودخلوا بالحوش حق البيت وطقوا الباب
فتحت لهم البنت وهي لابسه شالها قالت من ورا الباب : مين
منصور : السلام عليكم يا اهل البيت ، نبي نسلم علئ الجده شوي ونطلع
الجده كانت جالسه بالصاله فزت بفرحه من سمعت صوتهم قامت لبست حطت المنديل علي وجهها وقالت : فوتوا فوتوا يعيالي ، الجازي تركت الباب مفتوح ودخلت جوا الغرفه كل عاده
دخلوا العيال للبيت وسلموا على الجده ، الجده بفرحه قامت وقالت : بالله حيهم تو ما نور الدار
عبدالعزيز كان يحبها حيل كانت مثل أنه عنده قال بابتسامه : بوجودتس ساجده
جارالله : وش نوحتس ياجده عساتس بخير ؟
الجده : بخير ابشرك انت وش حالك وش حال اخوانك؟
جارالله : بخير نحمد الله
فهد : طيبين ابشرك
الجده : ياوليدي يانايف قهوه اخوانك
منصور تدخل وقال : لاولله خيرك سابق ياجده حنئ ولله متقهويين بس جايينك عشان نودعك وجايين عشان نسلم عليك ونعايدك قبل العيد لان حنا خلاص انتهت فتره شغلنا هنا
تركي : الله يسعدكم ويطول بعمرك ياجده وقفتي معانا واعتبرتينا مثل عيالك وشاركتينا بعيشك ولله لو نشتغل ببدينا ورجولنا مراح نوفيك حقك
الجده بحزن : الله يسلمكم من كل شر ويردكم لاهلكم سالمين غانمين ، ولله انا ماسويت شيء اختكم قايمه بكل شيء وهي الي تطبخ وتحسب حسابكم
جارالله : الله يسلم يديكم جميع واشكريها بالنيابه عنا
نايف : ولله ماقصرتي فينا ياجده اعتبرتينا مثل عيالك وكل ما اشتقنا لاهلنا عطيتينئ جوالك مانقول غير الله يجزاك بالخير بالدينا والاخره
الجده : ماسويت شيء وانتوا مثل عيالي يكفي انكم جيتوا هنا عشان تحرمونا وتحمون الوطن
منصور بابتسامه : جبنا لك هديه بسيطه ياجده ونتمنا انك ماترفضينها...
.
.
.
.
________________________
اعذروني اذا فيه اخطاء املائيه
________________________
شرايكم بالبارت ؟ قرررربت رجعت عبدالعزيز لنجد العذيه وبتصير احداث كثيره خلوكم قريبين ، واعذروني علئ التسريعات الكثيره بالروايه
