عَاهدتني بالصدق ثُم جفوتّني
وسرقتنِي من واقعِي ورمَيتنِي
وضممتني لصَدرك ثُم قتلتِني
جعلتني ليّل كم .. اسهَرتني؟
ياساعياً لدربيٍ كيف تركتني؟
ورميت اعذارا لعلّك تختفي
وركضت خلف عواذِلي وهجرتني
وسألتني بالله ثُم ... كسرتني
-
غيداء : يمه ياربي تستر
رسن : غريبه الي سكت عبدالعزيز هذا وراه شيء
غرور : بنات نبي نعترف احسن
اثاري : صح كلام غرور نبي نعترف قبل تكبر السالفه
غيداء برفض : لااااااا !!!!
رسن : وليش لا !!!
غيداء ماتبي عبدالعزيز يعرف انها هي الي ساقت سيارته قالت : مابي احد يعرف اني انا الي سقت فيكم
اثاري : يرببنا ليش
غرور بضحكه : شكلها تستحي من عبدالعزيز
غيداء ناضرتها وقالت : شرايك تسكتين ولا هبدتس ( يعني ضربتك )
غرور سوت حركه أنها خلص سكرت فمها وقالت : خلاص سكتت
رسن بخت من الضحك وقالت : متا يارب يتحول الكره لحب
غيداء فتحت عيونها بقهر وقالت : اقسم بالله يارسن أن قمت عليك اني غير اعضك نفس اخر مره واقوا بعد
رسن بعدت عنها وقالت : امزح لاتقربين اقسم بالله لو عضيتيني ياويلك اخر مره قعدت اسبوع كامل ومغير يتغير لونها من اخضر لبنفسجي لازرق وألمها الله لايوريك
اثاري : يمه انا الي ابطت وهي ما راحت وقعدت ايام أصيح من ألمها
غيداء : احسن تستاهلن محد قالكم غثوني
غرور وهي تطالع بيدها قالت : تدرين امي شافت العضه وسالتني وقلت لها انها منك
غيداء شهقت وقالت : اححلفي !! وش قالت ؟؟
غرور : تقول لاحد يعض الثاني مره ثانيه ترا ازعل عليكم قلت اصلا مافيها غير غييداء تعض فينا
غيداء: الحين صرت بس انا اعض !!!!
اثاري طالعه فيها بصدمه وقالت : بلا فيه غيرك يعض !!
رسن بشهقه : من يعض غيرك يلا طلعي ؟؟؟
غرور : يمه بلا فيه احد يعض غيرك طلعيه يلا
غيداء كانت تطلع فيهم بصدمه لاكن من سمعت هجوم البنات عليها ضحكت ونزلت راسها
رسن وهي ترفع راس غيداء بقهر وقالت : لاتنزلين راسك فكري بي
غيداء رفعت نضراتها لها وكانت ماسكه الضحكه اول ما حطت عينها بعين رسن بخت من الضحك وطاحت بحضن رسن ميته ضحك
رسن بسرعه طالعة بالرجال ثم طالعت فيها وحطت يدها على فم غيداء من فوق النقاب وقالت : يراسي انا ليه اتكلم خلاص اسكتي
اثاري حطت يدها علئ فمها وطالعه بالرجال وحصلت ماحد يطالع فيهم نزلت نضراتها لغيداء الي طايحه من الضحك بحضن رسن قالت وهي ماسكه الضحكه : اصص صوتك ي غيداء قصريه
رسن بتوهقه : مقلب امزح امزح اسكتي لاتفضحينا
غرور طالعه فيها بصدمه وقالت : سكتيها ذي قبل تفضحنا
غيداء كانت ميته ضحك وصوت ضحكها طويل
كانو الشيبان يسولفون وكانو بعيدين شوي بس العيال كانو قراب لهم وسمعوا صوت وكملوا سوالفهم طبيعي
اثاري وهي ميته ضحك قالت : هشش سكتيها فضحتنا صوتها طويل العيال سمعوا !!!
رسن كانت حاطه يدها علئ فم غيداء من فوق النقاب وشافت أن غيداء ما فادت معاها الحركه هي تضمها عشان تخبيها تحجب الصوت عن الرجال لايسمعون ( كانت رسن قاعده علئ الارض متربعه وغيداء طاحت علئ رجلها من كثر الضحك وكانت هذي عاده عند البنات ورسن نزلت نفسها لمستوا غيداء وضمتها مع ورا عشان تكتم الصوت ضحكها - يارب فهمتوا شرحي يعني ماضمتها وهي واقفه لا !! وهم جالسين ، )
غرور اخذت الشال عنها وحطته فوق رسن وغيداء وقالت : سكتيها فضحتنا صوتها طويل غير يسمعون الرجال
انهار وهيفاء وريناد كانو بجنب البنات وكانو يضحكون على اشكال البنات لما يحاولوا يسكتون غيداء
هيفاء : ذي وراها تضحك كذا هههههههههههه
رسن : غييداء تكفين اسكتي فضحتينا خلاص يرحم لي والدينتس
اثاري وغرور قعدوا قدام غيداء عشان محد يشوف شكل غيداء
غيداء كانت ميته ضحك وتحاول تكتم ضحكتها لاكن عجزت
اثاري وهي ماسكه الشال هي وغرور قالت : يمه فضحتنا تكفين اسكتي
رسن وهي ماسكه غيداء قالت بخوف ممزوج بضحك : تكفين ولله اكذب اسكتي مهو وقت ضحكك !!
ابو نياف ابتسم وقال : شسالفه وش تضحكون عليه
ابو جاسر : وراكم متجمعين كذا
البنات سكتوا وبعدوا علئ طول اثاري رجعت لمكانها وغرور كذالك ، رسن توزمت بغيداء ودزتها ، غيداء سكتت وقامت من حست أن رسن تركتها قامت وبعدت الشال عنها ناضرت للبنات بستغراب من هدوء المكان ، غيداء طاحت عينها علئ عين ابوها وقمطت العافيه
ابو سامي ببتسامه : ايش تضحكون عليه ضحكونا معكم هههه ؟
غيداء ارتاحت من شافت ناضرت لرسن وهي كاتمه ضحكتها
رسن طالعه فيها بصدمه وقالت بكل هدوء : لا. تكفين لاتضحك..سكتت من غيداء بخت من الضحك غرور علئ طول حطت الشال علي راس غيداء وسحبتها بتجاها عشان تسكتها
البنات انفجروا يضحكون علئ حركه غرور الي بدون اي تفاهم شدتها علئ طول غيداء قعدت تضحك ورسن كانت فوق راسها تحاول تسكتها قبل أحد يسمع الصوت كانت غرور وأثاري قدام غيداء علئ عشان يحجبون النضر عن الرجال
ابو جاسر بضحكه يناضر للبنات : مين ذي الي تضحك
ابو نياف وهو يسمع صوت الضحك الهستيري بس مايعرف مين بالضبط : شوي عليها لاتموت وراكم متجمعين كذا
كانوا الأمهات يناضرون ويضحكون علئ اشكالهم
البنات من سمعوا صوت ابو جاسر وابو نياف بعدو علئ طول والكلل رجع لمكانه
رسن توهقت ودزت غييداء قالت : بعدي عني مالي شغل غيداء سكتت بفجعه من حركت رسن وقامت علئ طول وقعدت تناضر وكان الكل يناضر بتجاهم
ابو سامي بابتسامه : مين الي تضحك قبل شوي
البنات قعدوا يطالعون بفشله واكتفوا بالصمت
سياف وهو يشرب الشاي : ولله ماندري هو صوت حمار ولا خنزيز
غيداء انقهرت علئ كلامه وقالت بصوت واطي عشان الشيبان ما يسمعون وبحكم ان العيال قريبين لهم شوي قالت : لاتدور اشباهك عندنا
سياف شرق بالشاي وقعد يقح
مشاري بتشجيع وضحك : اعععععع ادعااسسسس امسك جبهتك لاتطيييرر هههههههه
خالد : في منتصف الجببهههه هههههههههه
عبدالعزيز وسامي كانو يناضرون بضحك
