عدل أسلوبك وتلقاني على خبرك
ماني بمجبور في وصلك وهجرانك
أن جيت يا مرحبا وان عفتني عفتك
وماعاد بي حيل لضيقه على شانك
-
عند غرور كانت متجمده بمكانها من سمعت الكلام الي دار بينهم سحبت روحها للغرفتها بكل هدوء كيف البنت رافعه علئ رسن قضيه والكل ساكت كذا !!!!! كانت بترجع وتسأل خالد بس كان خالد إذا كان عنده قضيه مكان احد يدخل عليه كانوا محترمينه بس اذا راحت له الحين اكيد راح يطلعها برا الغرفه لان واضح من شكله أنه مشغول ومتضايق اخذت جوالها بتتصل علئ رسن لاكن نزلت الجوال مدام رسن ماتكلمت اكيد رسن ماعندها خبر كانت واثقه برسن وباقي البنات مكانوا يحبون عن بعض شيء بس مدام رسن كانت ساكته قررت انها تسكت وتشوف متا رسن تتكلم وتقول لهم عن القضيه ..
عند خالد مسك جواله واتصل علي سياف بسرعه بعد ثواني جاه الرد من سياف : هلا ي خالد ؟
خالد : سياف تعالي بأقرب وقت انتضرك انا متواجد بالبيت
سياف عقد حواجبه وقال : عسئ ماشر وشفيه ؟
خالد : تعال بسرعه ما اقدر اكلمك بالجوال
سياف : اوكي مسافه الطريق وانا عندك
خالد : بنتضارك ، وقفل نزل خالد وأخذ اللابتوب حقه ونزل تحت للمجلس بعد دقائق وصل سياف وفتحت له الخادمه ودخل سياف بسرعه عند خالد ..
دخل سياف عند خالد وقال : عسئ ماشر وشفيه ؟؟
خالد قام وقال : تعال اجلس نتكلم بموضوع رسن
سياف دب الخوف بعروقه من شاف ملامح وجه خالد وقال : وشفيه وشفيها رسن ؟؟؟؟؟؟
خالد لف اللابتوب لجهته وقال : صديقي وسام ماسك قضيه لمياء الي رافعه القضيه تعال شوف الادله الي بترفعهن علينا يوم المحكمه .
سياف نزل نضراته للابتوب وقعد يقرأ وفتح عيونه بصدمه
خالد : هذي هي طلعت الكاميرات لما رسن تهجمهت عليها وتقارير المستشفئ كانت الاصابات بليغه ، كلنا ندري أنها هي قبل تروح للمستشفئ وتأخذ تقارير كملت ضرب علئ نفسها عشان يكونون الاضرار علئ رسن بليغه أو تزوير بس مين يقنع القاضي أن هذا كله تزوير فيه تزوير بالاوراق !
سياف طالع فيه بصدمه وقال : ايش بيكون العواقب علئ رسن إذا سلمت هذي التقارير للمحكمه ؟؟.
خالد : اقل شي سجن لمده سنه ونص تئديبيًا لأنها حسب التقارير والكاميرات تثبت أن رسن قامت علي البنت بدون اي سابق إنذار وهذا غلط هذا من غير الغرامه وحكم القاضي عليها
سياف سودت الدنيا قدامه وتقفلت كل الابواب بوجهه حط أيده علئ وجهه ويمسحهه ويتعوذ من الشيطان كيف غلطه صغيره من رسن وصلتهم لهذي المرحله
خالد كان يناضر سياف بضيق علي حاله وغير عن هذا كله كان متضايق مايبي يصير شيء لرسن كان هو خايف عليها وسائل همها أكثر من اخوانها
سياف وهو منزل رأسه طالع بضيق علي خالد وقال : والحين وش الحل ياخوي ؟
خالد : شوف انا بسوي الي اقدر عليه مافيه غير حل واحد بجربه إذا ماضبط عاد نزل رأسه بمعنئ إذا ما ضبط عاد شكوانا لله
سياف أخذ نفس وقال : لاحول ولاقوه الا بالله يارب يسرها ياكريم ، الحين المحكمه بعد بكرا صح يوم الخميس ؟
خالد : ايوه الساعه 8 صباحًا .
سياف قام وقال : يالله انا تاخرت عن دوامي نتناقش إذا طلعت أن شاء الله .
خالد ناضر فيه كيف ملامح الضيقه باينه علي وجهه وقال : اوكيه . طلع سياف من عند خالد وراح للبيت يبدل ملابسه ويروح لدوامه ( بالاسبوع الي فات باشر اول اسبوع دوام له بالمستشفئ )
-
عند عبدالعزيز كان هو وتركي بالمطبخ يزهبون القهوه كانوا توهم جايين من الدوام ومروقين
عبدالعزيز وهو ماسك القمقوم حق القهوه الي قاعد يطبخ علئ النار لف لتركي وقال : تركي اشتقت لأهلك ؟
تركي نزل رأسه وقال : ايوه اكيد راح اشتاق لهم
عبدالعزيز حس أن فيه شيء من اول ما جاو كان تركي صحيح أنه يسولف معهم ويضحك لاكن كان أغلب الوقت كان ساج بتفكيره كان عبدالعزيز له ايام ملاحض علئ تركي انه طول وقته ساج بتفكيره استغل الوضع مدام مافيه احد بالمبنئ غيره هو و تركي و فهد قاعد يتحمم جوا قال عبدالعزيز : تركي عادي اسالك
تركي طالع بعبدالعزيز وقال : سم اسال ؟
عبدالعزيز وهو يصب القهوه بالدله وتركي يجهز الصينيه والتشوكلت قال : من ايام من وصلنا هينا وانا أحسك مانت علي بعضك طول الوقت شاج بتفكيرك ومانت يم العالم انا حاس إن فيك شيء اذا عادي قولي اعتبرني اخوك وفضفص اذا تبي انا حاس إن وراك قصه
تركي طالع بعبدالعزيز كان عبدالعزيز هو الولد الوحيد الي منبين كل الفريق الي ارتاح له بزياده وطول الوقت يسولف معاه وعرف شخصيته وحبها كان تركي مثل عبدالعزيز جاي هنا لحاله ما معاه أحد من أصحابه الي من مدينته لاكن حس أن عبدالعزيز طول الشهر الي فات هو اكثر انسان انسجم معاه الفتره الي راحت قال بضحكه : لهدرجه باين فيني ؟
عبدالعزيز أخذ الدله وتوجه للمجلس وقال : عز الله أن احساسي صح
تركي من وراه جا وجلس ومعاه الصينيه فيها التشوكلت والفناجيل قال : عبدالعزيز ابي اسالك عمرك جربت الحب ؟
عبدالعزيز ضحك وقال : اووهوه يعني الحبيب عاشق ؟
تركي ابتسم بانكسار وقال : سابقاً قدها الحين تزوجت وخلفت
عبدالعزيز تلاشت ابتسامته وطالع فيه
تركي ابتسم بانكسار وقال وهو يلعب بكيس التشوكلت وقال : كبارتها بيدي وغيري خذاها .
عبدالعزيز حزن كانت اربع جملات لاكن بمعنئ عمييق قال : إذا عادي قولي سالفتك إذا كان مافي اي مضايقه .
تركي ضحك وقال : لا عادي ، سوالفتي ياطويل العمر اني حبيت بنت جيراننا كانت امي وامها صديقات بشكل ماتتصوره كنت اكبر منها ب 7 سنين امي كانت ماتقدر تنجب من بعدي واعتبرت بنت جيراننا اختي الي ماجتبتها امي كنت من الصغر اعتني فيها وكنت يومياً معاها وما افارقها لين كبرت البنت وغطوها عني كنت مو متقبل فكره أنها تتغطئ عني حتئ هي كانت متعلقه فيني حيل كنت اتقابل معاها بالسر بدون ما اهالينا يدرون لين ماتعلقت فيها حيل وحبيتها مرت الايام والليالي والسنين وكانت كل يوم عن يوم حبها بقلبي يزيد ماينقص وكنت اوعدها بالزواج اول اكون حياتي وابني لي بيت وكانت هي موافقتني الرأي كان الكل شاكين أننا نحب بعض لاكن مكان عندهم دليل ، لين يوم من الايام اصحئ علئ صراخ ابوي بالبيت وكان يرفع صوته علي امي وكانت هذي اول مره اشوف ابوي يرفع صوته علي امي وكانت أمي تبكي جيت انا وبعدت ابوي عن امي وأبوي طلع من البيت وهو معصب ، حاولت اعرف ايش سبب المشكله لاكن كانت امي منهاره ماكانت ترد علي بعد أيام اكتشفت أن ابوي وأبوها صارت بينهم مشكله ما احد يعرف ايش هي وابوي ذاك اليوم جاء عند امي وكان حالف عليها انها ماتعتب بيت جارتنا وتقطع العلاقه فيها نهائي امي سألته ليش ويش السالفه وقتها ابوي انفجر علئ امي وامي كانت منصدمه من ابوي وقعدت تبكي أنه حرمها من صديقها بدون اي غلطه منها مرت الايام والليالي وكنت اشوف امي كانت طول الوقت ياتعزم جارتنا يا جارتنا تجينا لاكن الحين امي صارت طول الوقت بغرفتها وتبكي كانت مقهوره ماتعرف ايش السبب الي جعل ابوي يحرمها منها كل ما فتحت السالفه مع ابوي ابوي عصب وقام وطلع من البيت ، انا هينا قررت اصلح العلاقه بينهم واول شيء طرا في بالي بنت جارتنا كان وقتها لي ايام طويله ماشفتها قررت ابني لي بيت احلامنا وبعد مايجهز وقتها التوتر الي بين ابوي وأبوها خاف بعدين اصلح بينهم ولو كلف هذا جهد كبير مني ماكان يهمني اهم شيء بنت جيرانا ما تروح من بين يديني ، اشتغلت علئ حالي وبديت ابني بيتي انا وياها كنت عشان اخلص البيت بسرعه كنت اروح مهمات بالشهور عشان اخلص بيتنا الكبير المتكون من دورين وكبير وحديقه برا كبيره كنت اهتم بادق التفاصيل وكل زاويه في البيت اتخيلها حهز البيت وكان كلشي جاهز فيه لين يوم من الايام كنت جاي من مهمه كانت مدتها 3 شهور وكنت خلاص ناوي بذاك السهر اصلح بينهم جيت البيت وكان بيت جارتنا بجنب بيتنا علئ طول لما جيت حصلت سيارات كثيره وأنوار معلقات علي بيتهم والورعان يلعبون بالشارع وكان واضح أنه عرس ، وقتها تجمد الدم بعروقي لأن اكبر بنت عند جارتنا هي لميس ومكان عندها بنات كبار غيرها عندها بنت بالابتدائي تدرس توها صغيره ، تقدمت لاشعوريا للاطفال وسألتهم ايش مناسبه الحفل الموجود في بيت جارتنا وقتها جاوبوني الاطفال أنه زواجها ، انا هينا انجنيت وبغيت ادخل عليهم واخرب الزواج بس قلت بسال امي اول شي بتأكد كان عندي امل ان الاطفال وقتها غلطانين بالاسم دخلت عند امي وحصلتها قاعده بالصاله وضامه المخده وتبكي بحرقه كانت ذي اول مره اشوف أمي تبكي بذي الحرقه بحياتي تقدمت لها بكل هدوء وقتها امي رفعت راسها وشافتني قدامها مسحت دموعها بسرعه وقامت وتقدمت لي وضمتني كانت ترحب فيني انا اول كلمه وقتها طلعت مني هي : يمه منو زواجه الي عند جيراننا ؟ وقتها امي انفجرت تبكي بحضني وتتمسك فيني انا هينا عرفت وتاكدت أنها زواج البنت الي لاطالما حلمت انها تكون حالالي ومن نصيبي ، كنت وقتها مصدوم وبعدت امي عني وقتها امي تمسكت فيني وحلفتني اني ما اروح واخرب عليهم الزواج كانت امي حاسه فيني وكانت عارفه اني احبها واموت فيها وكانت عارفه ليش انا بنيت البيت..سكت من كتمته العبره ونزل راسه
عبدالعزيز كان مندمج معاه وكان جداً حزين ومقهور علئ سالفته طالع فيه لما سكت وقال : ايوه تكفئ قولي انك خربت الزواج وما تم
تركي رفع رأسه وقال بابتسامه انكسار : تزوجت البنت وراحت بطريقها وأنا رحت بطرقي والحمدلله علئ كل حال ، قبل شهرين بالضبط كنت راجع البيت وحصلت اطفال كثار بالشارع حقنا ويلعبون شفت طفل صغير واول ما طالع فيني شفت طيفها قدامي جاني ولدها يبتسم بين الأطفال ومن بسمته انا ذكرت انا بسمته امه ركضت له ودمعي علئ الخد همال منكثر شوقي قمت بالحيل أضمه ! ساعه حضنته والطفل في يدي مال شميييت ريحتها علي أطراف كمهّ واليوم بنت الناس في بيت رجال حبً لي علئ غير الشرف لي ما اذمه .
عبدالعزيز مسكه مع كتفه وقال : ماعليك أن شاء الله ربي بيعوضك بوحده احسن منها لاتنسئ الله عز وجل لما قال ﴿وعسئ أن تكرهوا شيئاً وهو خيرًا لكم وعسئ ان تحبوا شيئ وهوا شر لكم ولله يعلم وانتم لاتعلمون﴾
تركي طالعه فيه بانكسار : بس انا ياعبدالعزيز ابيها بخيرها وشرها !! ، نزل رأسه وقال : الحمدلله علئ كل حال وهذي قصتي انا أنا آسف اني عكرت مزاجك ب...سكت من قال عبدالعزيز
عبدالعزيز بمقاطعة : لالا بالعكس أنا الي اسف اني ذكرتك بماضيك
سكتوا من دخل عليهم فهد
فهد بابتسامه : ياسلام ياريحه القهوه
تركي بابتسامه : تعال لحق علئ قهوه عزيز
عبدالعزيز التفت له من قال له عزيز طرأ في باله غيداء لما تناديه عزيز ابتسم وقعد يفكر فيها وش صار لها وكيف حالها الحين كان الحين لهم شهر بالمهمه هذي باقي لهم 4 شهور ويرجعون كل واحد لأهله ..
-
عند غيداء كانت قاعده علئ سريرها مستعده لنوم فتحت سحابي الطاوله الي جنبها وكان موجود علاجات كثيره طلعت منها علاجاتها الي بالفتره اليليه اخذت حبه من كل نوع واكلتهن فتحت المويه وشربتها غمضت بحموضه من طعم الحبوب ورجعت شربت علبه كامله مويا عشان تبعد الطعم عنها غمضت عيونها بتعب كانت تفكر هذا من اول شهر تعبت من العلاج كيف بتكمل فتره العلاج وهو وراها 5 شهور متبقيه رجعت العلاجات بسرعه وطفت الابجوره وراحت حطت راسها بالمخده تحاول تلهي نفسها لاتفتح لنفسها باب لتفكير وهي بغنئ عنه .
....... وانتهت ليلتنا علئ خير .......
صباح يوم جديد علينا في نجد العذيه تحديداً في بيت ابو سامي كانت غيداء صاحيه من الصباح ومجهزه فطورها افطرت وعلي الساعه 7 كان وقت دوامها الجامعه راحت مع السواق وكانت اثاري معاها ، عند بيت ابو نياف كانت رسن جاهزه وناسيه أن وراها محكمه بكرا راحت لجامعتها بكل روقانها ، عند بيت ابو خالد كانت غرور جاهزه بتروح وكانت قاعده جالسه بغرفتها وتأخذ بروفات قبل تطبقه عند الدكتوره بعد ساعه ..~ بعد مرور وقت ~ الساعه 4 عصرًا كانوا الشيبان متجمعين بالعزبه والعيال معاهم ، كان خالد ماسك جواله يراسل وسام يطلبه رقم لمياء كان وسام معارض بالبدايه لاكن استسلم من إصرار خالد عليه وأعطاه الرقم ، قام خالد وهو وراه اخر حل قدامه قام من عند جلسه الرجال وطلع برا بعيد عنهم واتصل عليها .. وبعد دقائق ردت
خالد : السلام عليكم
لمياء بتسغراب : وعليكم السلام مين معي
خالد جاء بيتكلم الا ويهون يخاف يتسرع وتنقلب ضده حتئ الحل الي الحين بينفذه نسبه نجاحه ضعيفه جداً قال : معليش اغلطت وطفا الجوال ، أخذ نفس وطالع بالسماء بضيق ورجع اتصل علي وسام بعد ثواني قصيره رد وسام عليه
وسام : الوه
خالد بضيق : وسام
وسام : لبيه ؟
خالد : صح انت الي ماسك قضيه لمياء
وسام : ايوه انا بس .
خالد أخذ نفس بضيق وقال : تكفئ ياوسام حاول أن القضيه ماتنقلب علئ رسن تكفا انا طالبك انك تكرفش القضيه أو انت تنسحب ماتجي اهم شي مايصير شيء لرسن
وسام فتح عيونه بصدمه من كلام خالد وقال : خالد انت مستوعب الكلام هذا ؟؟ إذا ما اديت شغلي صح راح اتحاسب عليه يوم القيامه
خالد : طيب اسحب نفسك قول عندك ضرف اهم شي ماتحضر عند المحكمه بكرا
وسام من سمع نبره صوته كيف كان خايف عليها هون وقال : ابشر بس راح يتأجل يوم المحاكمه ليوم ثاني ويمكن يجيبوا محامي اشطر مني ويكسب القضيه
خالد : ماعليه اهم شيء يتأجل ليوم ثاني وقتها راح نلقئ لنا حلول
وسام : طيب اوكيه ،
طفئ خالد المكالمه بضيقه وراح جلس من الشيبان وكان بس هو سامي الموجودين باقي العيال كلهم مداومين ، مر الوقت بسرعه وكانت الساعه 8 مساء كان سياف جالس في مكتبه وماد ايدينه قدامه شابكهن ويفكر في قضيه رسن ، أخذ نفس بضيق تمنا ولو للحضه أن عبدالعزيز كان موجود معه راح يشيل نص الحمل الي علي ضهره رفع رأسه من طق باب مكتبه ودخل دكتور وليد كان معاه قهوه وجاء جلس عنده ( تعرف علي وليد ايام تطبيقه بالمستشفئ ومن بعدها صاروا دائما مع بعضهم ) جا وليد ونزل الكوفي علي طاوله سياف وجلس علئ الكرسي وبدا يشرب قهوه قال : سياف وشفيك الايام هذي متغير
سياف اخد القهوه وبدا يشرب منها قال بكذب : ضغوطات الشغل الايام متراكمه علي
وليد : اها الله يعين اذا تبي مساعده انا موجود وفاضي .
سياف : لا يعطيك العافيه يكفي وقفتك معي الاسبوع الي راح مراح أنساه طول عمري
وليد بابتسامه : شدعوه ماسويت شيء .
-
عند غرور كانت حاطه الكتب قدامها بتحفص اختيارها ، كانت تخفض اختبارها بس قلبها مشغول برسن عجزت لاتتريح ومسكت جوالها واتصلت عليها.
غرور : رسن ؟
رسن : لبيه ي غرور ؟
غرور عقدت حواجبها كانت نبره صوت رسن طبيعيه ما كان عليها قضيه بكرا قالت : رسن اسالك بالله ايش صار علئ موضوع البنت الي بالمخيم ؟
رسن حست انها عارفه بالموضوع وقالت : خالد خبرك ؟
غرور انفجرت عليها بغضب وقالت : ياحيوانه طلعي مخبيه عنا هذا الموضوع !!! ولا موعد المحكمه بكرا
رسن سكتت وقالت : اخواني حرصوا علي أن الخبر مايطلع مافي احد داري حتا ابوي وامي ماخبرناهم
غرور بخوف : رسن الحين وش بيصير لك بيسجنونك ؟؟
رسن ضحكت وقالت : ههههههههههههههه حد لا يقولون أخذ تعهد أني مراح اقرب من البنت مره ثانيه واكبر العقوبات مبلغ مالي عشان كذا ماقلنا لأحد وبقينا الأمر سر
غرور بستغراب من برودها كيف هي أمس سمعت خالد يقول سجن لمده سنه ونص ورسن الحين تضحك وتتكلم بكل برود قالت غرور : يعني مراح تنسجنين ؟
رسن : ههههههه لا ياغبيه
غرور : مين قالك انها بس غرامه ماليه ؟
رسن : سياف و خالد سمعتهم يتكلمون
غرور : خالد قاله !!!
رسن : لا الجني أجل ؟
غرور تنفست براحه وقالت : اووه الله يبشرك بالخير حسبتك راح تأخذين عواقب كبيره
رسن : لاا
غرور : يلا مع السلامه بقفل
رسن : باي ، وقفلت
غرور طالعه بالساعه وحصلتها بدري 10 الا ربع قررت تاخذ بريك خفيف من المذاكره رمت نفسها علي السرير وراحت راجعه لصور طلعتهم بالمخيم بدت تتفرج عليهم كانت من جو من هناك مافتحت المقاطع نهائي راحت وبدت تتفرج علئ مقاطعهن لما صرقوا السياره وساقوا فيها ضحكت لما فتحت المقاطع وكان صراخهم وضحكهم بالمقطع طلعت وبدت تتفرج علئ طبخاتهم وعلي صورهم بالدبابات وسباقاتهم وجلستهم اخر الليل مع العيال وصورهن لما لبسوا البجامات بالكرفانه وتحمموا مرت الدقائق بسرعه ماحست فيهم وهي تشوف مقاطعهم الطويله وتضحك ، فتحت مقطع لما راحوا بالدبابات للمجمع الكبير الموجود بالمخيم الموجود فيه خيول وبقاله ودبابات كانت تصور مقطع لما دخلوا المجمع والبنات قدامها قعدت تطالع بابتسامه لاكن تلاشت ابتسامتها لما سوت زوم علئ بنت معاها كيس وتاخذ منه وترش للخيول ، عدلت جلستها غرور وعادت المقطع حست أن البنت هذي فيها شي لان حركاتها طول المقطع ترش مسحوق باودر بالون البني وكانت تتلفت طول المقطع شهقت بصدمه من عرفت انها البنت الي صفقتها رسن !!! رجعت تعيد المقطع وتسوي زوم علئ صوره البنت وتاكدت من شافت أنها نفس البنت الي اتهمت رسن أنها حطت سم للخيول طالعه بالفيد بصدمه كيف أنها كانت طول الفيديو باينه البنت وكانت غرور مسويه زوم عليها وتتكلم تحسب أنها تعطيهم اكل طلعت هي الي حطت السم !! طالعت عن الاستديو وراحت لقروب البنات وبدت تراسل رسائل كثيره كانت تنادي البنات فيهن استغربت أن البنات ماردوا كانوا بالعاده اول ماتنرسل رساله يردون بسرعه طالعه بالساعه الا وتشهق بصدمه كانت الساعه 12 ونص في منتصف الليل كانوا البنات بذا الوقت نايمين طالعه باختبارها وقفلت عليه كانت حافضته بس لما فتحته كانت تراجع ، قامت من سريرها ومعاها جوالها ونزلت تحت وكان البيت كله نايم وكان المبات أغلبهم مطفيين نزلت وطبخت لها اندومي علي السريع عشان ترجع وتنام حصلت الاندومي الكوب وراحت حطت شويه مويه بالفواحه وشغلتها بعد دقيقتين فاح المويه وصبت المويه بكوب الاندومي وحطت البزارات وراحت راجعه لغرفتها مرت من عند غرفه ريناد وفتحتها وحصلتها نائمه كشت عليها وكملت رايحه لغرفتها شافت ضوء غرفه خالد شغال واستانست راحت لعنده ودخلت بدون تطق الباب حصلته جالس وحاط ايدينه علئ راسه بتعب والابتوب قدامه شغال رفع رأسه خالد وشاف غرور جايه بصوبه علئ طول راح وقفل اللابتوب عشان غرور ماتشوف المعروض فيه ، غرور لاحضت حركه خالد وقالت : لاتخاف انا عارفه انك ماسك قضيه رسن .
خالد طالعه فيها وهي تاكل اندومي وكان الوضع عادي عندها قال : مين قالك ؟؟
غرور : ولله كنت ماره من عند غرفتك وسمعتك وانت تكلم مدري مين
خالد طالع فيها وقال : متئ !!!! وش سمعتي ؟؟
غرور نزلت الاندومي وقالت بصدمه من تذكرت المقطع الي بجوالها قالت : اييههه ماعلمتك !!!!! تخيل الخسيسه الي اتهمت رسن أنها حطت السم للخيول طلعت هي حاطته وقاعده تتهم رسن !!!!
خالد طالع فيها وقال : وش عرفك أنها هي ؟
غرور اخذت جوالها وقالت : فتحت المقاطع قبل شوي بالصدفه طلعت مصوراهتها
خالد قام وجا ورا عند غرور وكان يدعي بقلبه أن كلام غرور يطلع صدق .
غرور فتحت المقطع ولفته لخالد ، كان خالد يتابع المقطع فتح عيونه بصدمه من شاف انها نفس البنت الي رفعت القضيه علي رسن !!! أخذ الجوال من غرور وقعد يعيد الفيدو الف مره عشان يتاكد أنها نفس البنت مو مشكله عليها ابتسم بفرحه من شافها قاعده ترس السم وكانت تتلفت يمين يسار ، كانت غرور مسويه زوم عليها كانت تحسبها تعطيها اكل مكانت عارفه انها تحط لها سم .
خالد بابتسامه عريضه : الحمدلله يارب !!! ، غرور ارسلي المقطع لي الحين بسرعه !
غرور عقدت حواجبها من فرحه خالد وقعدت تطالع فيه بصدمه وهو ماسك جواله واتصل علي سياف بسرعه قعد يدور بالغرفه من الحماس
سياف رد علئ طول علئ خالد وقال : هلا خالد ؟
خالد : سياف وينك ؟؟؟؟
سياف : الحين دخلت البيت ليش ؟
خالد بابتسامه قال : ابشرك مراح يصير شيء لرسن عرفنا مين حط السم للخيول توقع مين ؟؟
سياف بابتسامه : اسالك بالله ليه وش الي صاير ؟؟؟
خالد : مين تتوقع الي حط السم ولا بعد مسكناه بالجرم المشهود مقطع فيديو لما يحطه
سياف : مين مادري انا حاس أنها ذي لمياء
خالد ببتسامه : ايوه لمياء هي الي حطت السم وقاعده تتبلا اختك
سياف قام بفرحه وقال : ايوه والحين ايش بيصير واضح ورا فرحتك هذي خطه
خالد قعد يقوله ويتكلم بكل حماس ، غرور كانت تسمع سوالفهم وهي مو فاهمه شيء حرفياً ماتدري ليش كل هذا الحماس طالعه بالساعه وحصلتها باتتم وحده وهي لسا ما نامت قامت من عنده بسرعه وراحت لغرفتها بتنام لأن وراها اختبار محاضرات بكرا نزلت جوالها وطاحت علي السرير وانامت.
" وانتهت ليلتنا علئ خير "
صباح اليوم الثاني كان الكل صاحي عشان صلاه الفجر صلوا وبداء كل واحد يتجهز لدوامه وكذالك رسن كانت تتجهز لأن عليها محاضره من الساعه 9 ونص كانت بعد المحكمه بتروح وتداوم
عند خالد بعد صلاه الفجر اتصل علي وسام وقاله أنه يجي ويحضر المحكمه ، أستغرب وسام كان أمس خالد يطلبه أنها علئ الاقل تتاجل الحين يتصل عليه وقاله أنه يجي أستغرب وقال : وش الي غير رايك
خالد بابتسامه : بعد شوي راح تعرف ابيك تقول لـ لمياء تجي قبل موعد المحكمه بتكلم معاها شوي .
وسام بستغراب : اوكي الحين ارسلها .
خالد ابتسم ابتسامه الانتصار حالف أنه مراح يتركها تنفلت من يدينه هذي المره .
عند اثاري قامت وصلت وبدت تتجهز لجامعتها وكذالك عند غيداء وغرور علي الساعه 7 ونص كان الكل جاهز راحوا اثاري وغيداء للجامعه مع سواقهم الخاص وغرور كذالك راحت لجاممعتها مع سواقها الخاص ، كانت غيداء مخبره اثاري من زمان بسالفه رسن وكانت عارفه عن موعدها بالمحكمه .
سياف نزل من الدرج وقال : يلا يارسن
رسن اخذت شنطتها وقالت : جايه جايه
أم نياف استغربت وقالت : ليش ماتروحين مع السواق كذا تشغلين اخوك يابنتي
سياف طالع رسن وقال : السواق مشغول اليوم وانا قلت بوصلها مدامني فاضي .
ام نياف مكانت مرتاحه وقالت : زين توكلوا علئ الله احس من صحيت قلبي قارصني
سياف ابتسم وقال : لاتتفائلين يايمه أن شاء الله مراح يصير الا كل خير
رسن : يمه القدر موكل بالمنطق مازين كلامك هذا انك تتفائلين
ام نياف : انا ماتفائلت وان شاء الله يعدي هذا اليوم علئ خير... ~ تسريع للوقت ~ كانت الساعه 7 بتتم 8 وكان وقت المحكمه 8:30 بالضبط نزلوا سياف ورسن وحصل قدامه كان موجود خالد ابتسم وراح له (كانوا بالشارع لسئ مادخلوا المبنئ)
سياف : ياصباح الخير
خالد بابتسامه : صباح النور
سياف : ها جاهز ؟
خالد : جاهز من زمان بس بنت اللذينا ماجت للحين
سياف طالع بساعته وقال : الساعه 8 كيف ماجت للحين !!
خالد طالع وشاف السياره لما وصلت وقال : هذا وسام وصل ، نزل وسام من سيارته وكان معاه شنطه سودا صغيره للاوراق واللابتوب بايده وصل عند العيال وسلم عليهم ، بعد ماسلم عليهم سأله خالد قال : وينها لمياء هي جت ؟
وسام : ايوه قبل خمس دقائق جاني اشعار منها تقول انها وصلت أتوقعها داخل موجوده .
كانت رسن علئ جنب قاعده تضغط بجوالها عبال مايخلصون سواليف وكان الجو بررد لابسه جاكيت بالون البني مائل علئ الفاتح وكانت بأكمام طويله وطول الجاكيت قصير .
خالد : أنا بدخل عن اذنكم ، دخل خالد بسرعه وتوجه لأقسام قاعات المحاكم ، راح لرقم القاعه المحدد علئ الرساله حصل بنت كانت جالسه قدام القاعه وحاطه رجل علي رجل وتضغط على جوالها وكان واقف بجنبها حارسها الشخصي أو السواق حقها تقدم خالد لها وتنحنح قال : السلام عليكم
لمياء رفعت راسها وشافت شاب واضح أنه بالعشرينات كان جدآ جميل سرحت فيه لمده ثانيه وكانت الثانيه هذي (تضيّع علومها) ، تنحنح خالد من شافها تطالع فيه بنضرات غريبه ، لمياء صحت علئ نفسها وطالعه يمين يسار مكان الموجود غيرها وقفت وقالت : وعليكم السلام ؟
خالد طالع فيها ابتسم ابتسامه خبث وقال : أنتِ لمياء ؟
لمياء طالعه فيه بستغراب وقالت : اي نعم وشفيه ؟
خالد عرضت ابتسامته وقال : معاكي المحامي خالد بن عبدالله ال عبدالعزيز
لمياء كانت تطالع فيه بنضرات : طيب ؟
خالد : ايوه وانا الي ماسك قضيه رسن عبدالله ال عبدالعزيز
لمياء طالعه وكانوا الاسامي متشابهه وقالت بصدمه : يعني انت تكون ابن عمها ؟
خالد بابتسامه : الله الله
لمياء : طيب مافهمت شتبي جاي ؟ تنازل ماني متنازله...سكتت من رفع خالد يده بمعني اسكتي ، طلع جواله من جيبه وفتحه علي المقطع ووجهه لـ لمياء ، لمياء عقدت حواجبها بصدمه من حركته وقعدت تطالع بالجوال لثواني ، فتحت عيونها بصدمه من شافت نقطعها لما كانت ترش السم باكل الخيول وطالعه فيه بصدمه كبيره !!!!!! خالد نزل الجوال وحطه بجيبه وطالع فيها وقال : سيده لمياء انتي متهمه بقضيه حط سم باكل الخيول وكان بسبتك ذاك اليوم بتودع فيه بنت عمي وغير عن هذا كله انتي جيتي وانهمتي رسن أنها هي الي حطت الاكل للخيول لاكن بالحقيقه انتي الي حطيته وقلتي أنها رسن عشان تبعدين الاشباه عنك ! ، ضحك بسخريه وقال : مدامك مراح تسحبين الشكؤئ كيفك بس بقولك من الحين بتطلع منها رسن سليمه وراح ارفع عليك انا بنفسي قضيه واجرجرك بالمحاكم بدال ما انتي الي تجرجرينا ، وسلامتك رايح اسلم الفيد لشرطي... سكتت من نطقت لمياء بخوف : لالاااا !! لاتكفئ خلص انا بتنازل عن القضيه بس الا انك تطلع الفيدوا تكفئ !!!
خالد ابتسم بانتصار من شاف دموعها وقال : ليش انهرتي عادي بسوي فيك مثل الي تبين تسوين برسن
لمياء طالعه فيه وقالت : انا ماني مثل رسن !!! انا غير ورسن غير !!!!!
خالد ضحك بسخريه وقال : طيب ليش حطيتي السم وش استفدتي لما حطيتيه !
لمياء نزلت راسها وقالت : ما اقدر اقول .
خالد : حلو أجل بروح وموعدنا الجلسه الجايه . لمياء قاطعت ووقفت قدامه قالت : خلص بسحب القضيه وبتنازل عن كل شيء
خالد ابتسم بانتصار وقال : طيب ليه حطيتي السم للخيول ؟ وش هدفك من هذي الحركه ؟
لمياء نزلت راسها وقالت : ذاك الاصطبل اصطبلنا وانا قررت اني انتقم من ابوي عبر اغلئ شيء يحبه هو الخيول .
لف خالد من سمع صوت سياف ومعاه وسام وكانت خلفهم رسن ، طالعه لمياء بخالد بعيون مليانه دموع اخذت شنطتها من الكرسي وراحت طالعه لبرا بسرعه وكان الحارس حقها خلفها طلع وركب السياره بعد ماركبت هي وحرك علي طول ، اخذت لمياء جوالها وهي ممنهاره بكاء ودخلت علي خاص وسام وكتبت : انا خلاص بتنازل عن القضيه والأدلة الي معك احرق فيهن لان كلها تزوير ' رمت جوالها وقعدت تبكي بقهر
-
عند سياف شافها لما مرت من عنده مسرعه وقال : لحضه هذي فين بتروح !!!!!!
خالد : ماعليك خلصنا مافيها محكمه لأنها تنازلت
وسام اخذ جواله وقال : لحضه ماقالت لي.. ناضر بجواله وحصل رساله من لمياء دخل عليها وانصدم طالع بخالد بصدمه وقال : كيف كذا !!!!
خالد ابتسم وقال : تعال معاي نخلص الإجراءات بعدين اقولك ، نزلوا تحت وقابلوا سياف ورسن خلفه
سياف طالع فيهم ووقف وقال : وين اختفيتوا ي رجال ؟
خالد ببتسامه : مبروك لمياء سحبت القضيه واختفت .
سياف بابتسامه : اسالك بالله !!!!!
خالد : ايوه ، تعال معي نخلص بعض الأوراق عشان نرجع البيت
رسن كانت تسمعهم ومصدومه ليه سحبت القضيه قعدت تطالع بخالد الي واضح كان فرحان أكثر من سياف اخوها
وسام طالع بسياف وقال : مبروك ي سياف
سياف طالع فيه بفرحه وابتسامه وقال : الله يبارك فيك مستحيل انساء وقفتك معانا الصراحه ي وسام
وسام ابتسم وقال : ماسويت شيء ، اشكر خالد هو السبب الأساسي
سياف تقدم لخالد وضمه بكل فرحه ووناسه ، كانوا خالد وسياف يضحكون ضحك هستيري وسام كان يطالع فيهم بابتسامه عريضه ، ورسن كانت تشوف فرحتهم بستغراب وحست أن فيه شيء ماتدري عنه
~ بعد مرور ساعه بعد ماخصلوا الإجراءات القانونيه وكلموا لمياء وتاكدوا أن لمياء سحبت القضيه وطلعت اعذار من تحت الارض عشان رسن ماتاخذ اي عقوبه ~ ركب سياف السياره وكانت الساعه 10
سياف طالع برسن وقال : وين تبين اوديك ؟
رسن : الجامعه بعد 15 د تبدأ محاضرتي
سياف بروقان : أجل بنمر ناخذ كوفي علئ السريع نروق عليه
رسن طالعه فيه وقالت : سياف أحسك مخبي شيء عني صح..
.
.
.
.
________________________
اعذروني اذا فيه اخطاء املائيه
________________________
عطوني رايكم بالبارت ؟
