واللي جـمع بين المـطر والغـمامـه
ماحب غـيرك لـو يجـي الـف ذواق
يامــن بنى فـالقلب دار الســلامـــه
في كـل لحظـه قـلب مغليك يشتاق
-
يوم جديد علئ ابطالنا كان صباح ايام الشتاء البهيه كان الجو بالدائره غيوم وأمطار غزيزه
س 4 الفجر كان ابو نياف يصحي عبدالعزيز علئ الصلاه الفجر قام عبدالعزيز وراح ابو نياف يصحي انهار ورسن عشان يصلون قامو البنات وعبدالعزيز طلع من الحمام وراح مع ابوه للمسجد
-
ابو سامي كان طالع من بيته هو وسامي رايحين للمسجد وصادف اخوه ابو جاسر وجاسر
ابو سامي بابتسامه قال : صباح الخير يا خوي
ابو جاسر : ياصباح النور والنوير ، ما شاء الله أجواء اليوم مره حلوه امطار مستمره
ابو سامي : ايوالله الحمدلله علئ اليوم الحلو
ابو نياف جاء وقال بابتسامته : السلام عليكم يالله صبحهم بالرضاء والنعيم .
ابو سامي بابتسامه : وعليكم السلام
ابو جاسر والعيال بصوت واحد وعليكم السلام
ابو نياف باستغراب : وينه عبدالرحمن وخالد م تشوفهم ؟
جا ابو سامي بيتكلم لاكن شافهم طالعين من بيتهم وقال : هه هذا هم جايين
جاء ابو خالد وخالد ، ابو خالد : السلام عليكم ، وش عندكم متجمعين وموقفين هينا ؟
عبدالعزيز بضحكه : ولله ي عمي كلنا طلعنا من بيوتنا بنفس اللحضه وعماني وأبوي جاز لهم يسولفون هينا ،
جاسر وهو يضم فروته : ي جماااعه الخيير البرد ذبحني امشو نصلي
ابو نياف ضحك علئ شكله وقال : يلا امشو تأخرنا علئ الصلاه .
راحو متجهين للمسجد وبعد م صلو وخلصو طلعو
ابو نياف : الجو م حييل حلو ، شرايكم ناخذ الأهل ونفطر بالعزبه
ابو سامي : تمم عاد توي بقولها ي اخوي
ابو جاسر : زين ، بتخلون كل واحد يجيب فطوره ولا نطبخ بالعزبه ؟
ابو نياف : ولله ابي ناخذ اغراض الفطور وهناك نطبخه ،
ابو خالد : تم معاكم
ابو نياف : زين عزبه الفطور علي
ابو جاسر : أجل عزبه الشاي والقهوه أنا بجيبها
ابو سامي : أجل انا وسامي بنسبقكم ونشب النار ونضبط الجلسه .
ابو خالد : وانا وش اجيب ؟
ابو نياف : مافي شيء ياخوي تجيبه تقاسمنا المهام
ابو خالد : م يصير ي اخوي ، انا راح اجيب اغراضكم الناقصه من البقاله .
ابو نياف : مافي شيء ناقص بس ارسل خالد يجيب من المخبز خبز جديد .
ابو خالد : ابششر ، وتفرقو
_
ابو نياف دخل البيت هو وعبدالعزيز
وقال بصوت عالي : ي شيخه
ام نياف جت وقالت : سم ي عبدالله ؟
ابو نياف : سم الله عدوك ، جهزي عزبه الفطور بنفطر بالعزبه انا واخواني وأهاليهم
ام نياف بابتسامه : ي لببيببه عاد الأجواء مره حلوه
عبدالعزيز دخل دخل عند اخواته بالمطبخ وقال : صباح وجهي الي يفتح النفس
انهار : ههههههههههه شكلك مروق اليوم
عبدالعزيز: الحمدلله احد يشوف الأجواء هذي وم يروق؟ ، وجاء عند رسن وقال : عندي لكم خبر يحمسكم .
رسن: وشهو ؟
عبدالعزيز بابتسامه : بنطلع للعزبه ونفطر هناك جهزو عزبه الفطور لأنها علينا
انهار بفرحه : صدق ولله !!!!!!
رسن نطت بفرحه : الله يونسس
عبدالعزيز كتم ضحكته وقعد ناضر للبنات وقال : امزح ههههههههههه
انهار ضربت كتفه : ي حقير ولله اني كنت حاسه انك كذااب
رسن طالعه فيه وقالت : عبدالعزيز الحين انت تمزح ولا تلكصادق ؟
عبدالعزيز رفع كتوفه : علئ كيفك
رسن : عبدالعزيز ولله لاتهاوش معاك
عبدالعزيز ناضر فيها لما لفت ونزلت الكوب علئ الديكور وعرف نيتها ، رفع ثوبه يجهز نفسه إذا صار اي شيء لفت له رسن بتهجم عليه وهو طالع ميت ضحك برا وهي وراه تركض وتهدد ..
عبدالعزيز وقف بتعب وجلس وقال امزح عليك ولله كلنا بنروح للعزبه
رسن وقفت عنده وتحاول تلقط أنفاسها ضربت رأسه بخفه وقالت : ي حقير ليه تكذب علي
عبدالعزيز : هههههههههه مدري
أم نياف : رسن تعالي ادخلي جواء لاتبردين وتمرضين علي
رسن دخلت جواء وبدت تجهز الاغراض مع امها وأبوها وبعدها طلعت فوق تبدل ملابسها وتجهز نفسها الطلعه
عند بيت ابو سامي
سامي : يبه بروح انا وغيداء بسيارتي ونضبط الجلسه والنار وانت وامي تعالو علئ رجلينكم تمشو بالاجواء الحلوه
ابو سامي ابتسم وقال : طيب يوليدي الله يحفضكم
طلعو سامي وغيداء والخادمه وتوجهوا للعزبه
بدو سامي و غيداء يفرشون والخادمه تساعدهم
سامي أخذ الجوار هو الخادمه وطلعوه بررا بحكم أن الجلسه بتكون بالخارج وبدا سامي يشب النار جت غيداء تساعده قال سامي : هو بلاك تعرفين تشبين النار ؟
غيداء ضحكت بخفه وقالت : اتعلم ، مو مشكله أطبق الي تعلمته
سامي : حبيبتي مو متوذي من حياتي انا
غيداء ضحكت وطخت يده : شقصصصدك !!
جت سياره وكان فيها عبدالعزيز و انهار ورسن
نزل عبدالعزيز وفتح صندوق السياره الي ورا وطلع العزبه وانهار ورسن اخذو باقي الاغراض
جاء عبدالعزيز ونزل العزبه وقال للخادمه تدخلها جواء بالمطبخ وفعلاً نفذت الخادمه كلامه ودخلتها
عبدالعزيز : سامي وين عمي وعمتي ؟
سامي : ولله قلت لهم يتمشون الاجواء الحلوه وحنئ نسبقهم ونسوي الجلسه
عبدالعزيز ضحك وقال : ههههههه ابوي قال اسبقونا وجهزو كل شيء
سامي : أجل خلني اتصل علئ جاسر وخالد واخلي عمامي وعماتي يتمشون وحنئ نسبقهم وتجهز كل شيء
عبدالعزيز : انا بتصل علئ خالد وانت علئ جاسر
سامي : تمام ، واتصلو وبعد نص ساعه جو خالد وريناد وانهار وجاسر وغرور
وبدأو الكل يجهزون
غيداء : سامي شوف انتو عليكم القهوه والشاي وحنئ الفطور وريناد تسوي الكرك حقها
سامي : زين بس بشرط !
غيداء : وشو ؟
سامي : تسوين لنا شاي لما نفطر ونخلص لاني احب شاهيك .
غيداء ضحكت : اسوي لك الف شاهي انا كم عندي سامي
سامي ضحك وقال : يلا خلونا نعجل عشان ابوي وعماني م يقبرونا
عبدالعزيز ضحك وقال : انت وراك م شبيت النار زين ؟
سامي : ماهو بانا الي شبيتها غيداء شبتها ، ليه فيها شيء ؟
عبدالعزيز : شكلك م شفتها
سامي جاء : لا ماشفتها ، طالع فيها وانصدم لما شافها طافيه كليًا بس طرف منها بسيط شغال
سامي : غيييييداءءء تعالي شوي
غيداء جت : هلا
سامي وهو يكتم ضحكته : ورا النار شكلها كذا !
غيداء : يمه وراها طافيه ذي !!! توي شغلتها ورحت
عبدالعزيز : أنتي حاطه عليها كاز وشغلتيها ورحتي ؟
غيداء ردت لاشعوريا : اي بس كيف طفت ذي !!! سكتت لما استوعبت أنها ردت علئ عبدالعزيز
سامي راح يبي يجيب الدافور حق النار
عبدالعزيز : كويس شكرا شكلك خربتيها حنا م نشغلها كذا في دارفور مخصص لنار نحطه فيه وبعد دقائق يشتغل
غيداء قالت باستفزاز : العفو هذا واجبي ي ولد عبدالله .
عبدالعزيز بابتسامه : تعالي أعلمك كيف تشبين النار مابي بعدين لما اتزوجك م تعرفين حتا تشبين النار
غيداء : يلا ي الفارس المغوار علمني
عبدالعزيز أنصدم من ردها توقع أنها تتهاوش معه عشان قال لها زوجتي لاكن بين انه م انتبه لها
غيداء ابتسمت بانتصار لما شافت ملامح وجهه تغيرت لاكن فجاه رجعت زي اول
جاء سامي وجاب الدافور وقال عبدالعزيز: سامي عطني انا بشغلها .
سامي : زين أجل انا بروح اساعد جاسر ومشاري علئ القهوه والشاي ، وراح
عبدالعزيز ابتسم بخبث وقال : تعالي شوفي كيف تتشغل النار
جت غيداء جنبه لاكن بعيد شوي وقالت : يلا اشرح لي ، كانت غيداء تبين له أن الوضع طبيعي وأنها م تعصب لما يقول لها زوجتي المستقبليه لأنها بكذا تخليه يستمتع لما يشوفها تنقهر وتعصب قدامه .
عبدالعزيز لسئ كان مصدوم من حركات غيداء وكان حاس أن وراها شي وقال : تعرفين تشتغلين الدافور ؟ ولا بتحرقين المكان علينا
غيداء جت وسحبت الدافور منه وقالت : لا انا أحرقك ي عبدالعزيز بن عبدالله
عبدالعزيز ابتسم وقال : تبطين عضم
غيداء شغلت الدافور وحطته علئ النار والتفتت من سمعت تصفق عبدالعزيز..
عبدالعزيز صفق بايدينه وببتسامه قال : اووه طلعتي تعرفين تشغلينها أجل ليه حطيتي عليها كاز ؟
غيداء ثبتت الدافور وقامت تنفض ايدينها وقالت : ههههههههههه توقعتها تشغل علئ طول لاكن النار خداعه مثل بعض ناس
عبدالعزيز قام ووقف وقال : صح عليك
غيداء تركته وراحت بتدخل جواء لاكن وقفت من حست بقطرات المطر ورفعت يدينها تدعي تحت المطر : عسى رشاش المطر يسقي قبور ناسٍ لهم في مسايير الصدر ديره
عبدالعزيز مر من عندها و سمعها وعرف أنها تقصد جدتهم دعالها بقلبه تحت بالمطر وكمل دخل عند العيال
وبعد دقائق وصلو الآباء والأمهات وحصلو كل شيء جاهز وبدو يفطرون ويسولفون كانو كلهم جالسين بجلسة كبيره مقسومه لنصفين نصف جالسين فيها الرجال والعيال والثاني الحريم والبنات
قال أبو نيّاف : مدامكم متجمعين والأجواء حلوه شرايكم نستاجر لنا مخيم ونقعد فيه اسبوع ؟ ومنها اكلم نياف واهله يطلعون معانا
رسن بحماس : ايييوه ي يبه ولله فكرتك حلوه
غيداء : انا مع رسن اتفق معاها .
اثاري : وانا ،
وغرور : وانا اتفق
كانن ريناد وانهار يطالعون بحماس لاكن فيهن حياء مايبن يشاركن .
سامي : ولله فكره حلوه وخصوصاً أنها الحين فتره امطار ووناسه أجواء تصلح التخييم .
عبدالعزيز بابتسامه : زيين إذا ثبتو علئ قراركم كلموني عشان احجز انا
ابو نياف التفت لابو سامي : ها ي مشعل وش قلت ؟
ابو سامي : فكره حلوه وعلئ م قال سامي أنها امطار وأجواء تصلح لتخييم .
ابو نياف : ها ي خالد و عبدالرحمن وش قلتو
ابو خالد عبدالرحمن : فكره حلوه معاكم
خالد ابو جاسر ابتسم وقال : معاكم انا بكل شيء
ابو نيّاف قال : زين أجل بعد يومين بنشد ، وانت ي عبدالعزيز احجز مخيم كامل علئ قدنا ويكون حلو .
عبدالعزيز بابتسامه : ابشر ي يبه .
-
عند البنات
اثاري : اللههه ي بناااتت بنطلع مخييم
غيداء : اااايييي يحممسسسس
غرور : عااد ي بنات بنجهز لنا فعليات كثييره
رسن : اي اكيييييييد الفعاليات اجهزهن قبل اجهز الشنطه حقتي ههههههه
غيداء : بنات شرايكم العصر نروح السوق ونتقضئ لتخييم ؟
رسن : يييلا قدام ، بطلب عبدالعزيز يودينا
غيداء : لااا بخلي سامي المره ذي
رسن : كيفك بس وش الفرق هههههه ؟
غيداء : مدري بس انا ابي سامي يودينا
سامي مسك جواله وراسل غيداء : ..
غيداء رفعت جوالها من جاها اشعار شافت أنه سامي وقالت : هلا ؟
سامي رد : ابي تسوين الشاهي 😂 لاتنسين
غيداء : 😂😂😂😂 يلا الحين اقوم أسويه ، تبيه بنعناع ولا بدون ؟
سامي : لبئ عينك ي وغدتي ، اااي بنعناع أبيه
غيداء : ههههههههههه ابشر ، وطفت جوالها وقالت بنات تمشون معي المطبخ اسوي شاي ؟
اثاري : ولله اني مييته تعب وبطني مليانه اكل عاجزه أقوم
غرور : مثلك اههخخ نفسيتي انفتحت للاكل وكثرت اكل بطني بتنفجر
غيداء ناضرت لرسن وقالت : انتي املي الاخير مع اني غاسله يدي منك .
رسن : ولله اني عاجزه أقوم ههههه
غيداء : حقيرراات ، وراحت جواء
دخلت المطبخ وفوحت الفواحه وفتحت جوالها تشغل لها اغنيه ولقت جوال اثاري جنبها محطوط علئ الفرن وأخذته تصور فيد
كانت تسوي الشاي والكميره بجنبها قاعد يصور وموجه ضهرها للباب .
طبعًا اثاري العذر والسموحه لاني اخذت جوالك بس حلفت اني اني انور جوالك مدامه جديد ولابه اي مقطع لي ههههههههه ، سكتت من حست أن الاغنيه بدت وبدت تغني معه .
قالت ابي منك امان وقلت كلي اماان .
انتي فمان الله وفي وجهي وفي شنبي
عشناء سواء ثم راحت كن ماشيء
كان شابت عيوني وراسي شاب ونا صبي .
سحر البيان اشهد انها صدق سحر البيييان
ماهو بسحر البراقع واللثم والعبي
صح أن الاغنيه قديمه واني ذبحتكم فيها لاكن تبقئ الأولي علئ قلبي ، سوو يللا باي ، وطفت المقطع ونزلت الجوال اخذت الشاهي والاكواب وجوالها وراحت حطته عند الرجال وراحت قعدت عند البنات .
كانو البنات يسولفون وأثاري كانت قاعده علئ جوالها
غيداء عقدت حواجبها وقالت : اثاري متا جبتي جوالك من المطبخ ؟
اثاري : كيف اصلا م نزلته بالمطبخ كان طول الوقت معي
غيداء فتحت عيونها بصدمه وقالت : انتي متاكده ماهو جوالك الي بالمطبخ ؟؟
اثاري : لا ماهو جوالي ليه تسالين وش صاير ؟
غيداء : لابس شفت جوال نفس جوالك بالمطبخ وحسبته لك
اثاري : اهااا اي حتنئ شفته وجيت بأخذه حسبته لي
غيداء قعدت شوي عشان م تشكك اثاري وقامت ودخلت جوا دورت الجوال م لقته هينا غيداء انجنت
غيداء حطت يدها علئ راسها وقالت : يمه منهو بجواله انا صورت !!! يارب م قلت شي يفضح بالفيد ياررربي انك ودائعه .
عبدالعزيز كان مار من عند المطبخ وسمع صوتها لف لها وشاافها حاطه يدينها فوق راسها وتدعي
عبدالعزيز أستغرب من حركتها وقعد يخزها يحاول يفهم منها السالفه لاكن بدون م يسألها لفت له غيداء وفتحت عيونها بصدمه وقالت بنفسها : يمه ليكون انا صورت بجوال الزفت ذا !!!!
عبدالعزيز عقد حواجبه من غيداء فتحت عيونها له وقال : بسم الله وشفيك ؟
غيداء بربكه قالت عشان تتأكد الجوال الي معه هو نفس الجوال الي تصورت فيه : جوالي ضاع عادي تتصل فيه ؟
عبدالعزيز أنصدم من طلبها وقال : اوكيه ، طلع جواله واتصل علئ رقمها غيداء كانت تحاول تلقط شكل الجوال لاكن بدون م يحس تنفست براحه من شافت أن جواله غير عن الجوال الي صورت فيه
راحت غيداء طلعت برا بدون م تقوله كلمه
عبدالعزيز قال : هذي شبلاها شعندها خايفه علئ جوالها لهدرجه واضح أن فيه شيء
طلع عبدالعزيز برا ولقاها قاعده علئ جوالها وتضغط فيه ، طنش وراح ركب سيارته وراح .
غيداء ارتبكت وكانت شايله هم من تصورت بجواله
قامت رسن وقالت : غيداء انا الحين بروح وانام إذا وافق سامي يودينا تعالي صحيني واذا رفض عادي اكلم عبدالعزيز ولا غرور تكلم خالد ولا اثاري تكلم جاسر
غيداء : تمام ي روحي أن شاء الله سامي يوافق
تفرقو الكل ، والكل راح لبيته وأخذوا لهم غفوه قبل اذان الضهر .
س 5 العصر طلعت غيداء من غرفتها وكانت لابسه عبايتها ونقليها ومعاها مضله بسبب المطر وكانت لابسه فوق عبايتها شال ابيض وراحت لسامي وطقت عليه باب الغرفه ودخلت .
غيداء : سويمي .
سامي وهو مشغول ب الابتوب : عيونه ؟
غيداء : ابي توديني السوق انا والبنات تكفئ
سامي ابتسم وقال : ابشري ي عيون سامي بس عطيني ساعه لين م اخلص الشغل الي علئ الابتوب
غيداء ابتسمت وقالت : زيين ، انا بروح لرسن اقعد عندها شوي إذا خلصت اتصل علي انزل تحت
سامي : زين .
راحت غيداء وطلعت برا وكانت متجه لبيت لرسن
وكانت الأجواء مره حلوه وكانت تمطر علئ الخفيف ارسلت بقروب البنات أنهن بيتجمعن ببيت رسن وبعدها علئ طول يروحون السوق .
ردت اثاري وقالت : طيب
ردت بعدها غرور : زين بتجهز واجي
استغربت غيداء أن رسن م استلمت وتوقعت أنها نائمه وصلت البيت وفتحت لها الخادمه لما دخلت شافت عمها وعمتها قاعدين بالصاله ويتحدثون جت وسلمت عليهم
ابو نياف ابتسم وقال : ولله الحين وحنئ نسولف بشاهيك الي سويته اليوم كان مره حلو واعجبني وأعجب عمتك .
غيداء ضحكت وقالت : جعله عافيه ي رب تبون اسوي لكم الحين اخليكم تروقيون بذالاجواء ؟
ابو نياف : ماله داعي ي بنتي نتعبك انتي روحي لرسن صحيها .
غيداء ابتسمت وقالت : ابد ي عمي بروح اصحيها وانزل واسوي لكم شاهي .
ام نياف : ماله داعي ي بنتي تتعبين حالك .
غيداء ابتسمت : لاتعب ولا شي ي عمه .
ام نيّاف: زين ي بنتي يعطيك الف عافيه .
غيداء : ماله داعي الشكر ي عمه ولله اني اعتبرك مثل امي وأبوي انتي وعمي عبدالله.
أبو نيّاف ابتسم علئ كلامها وقال : الله يحفضك ي بنتي .
غيداء ابتسمت: امين ويطول بأعماركم ، وراحت
اتجهت للمطبخ ولقت الخادمه ميري فيه .
غيداء : ميري
الخادمه ميري : نعم مدام ؟
غيداء : عمي وعمتي يبون اسوي شاهي فوحي المفاح وجهزي أغراضه ابي أسويه .
ميري : تمام مدام .
غيداء جت بتروح هي تلف لها وقالت : اءء فيه نعناع ؟
ميري : يسسس.
غيداء ابتسمت وقالت : زين جهزيه لي ألحين اصحي رسن وانزل .
ميري : اوكي .
راحت غيداء وطلعت متجه لرسن وكانت تركض من عند الدرج ( اتوقع الاغلبيه العضمئ منا إذا جينا بنركب أو بمنزل من الدرج نفعل السرعه هذي 😂 )
وصلت غرفه رسن ودخلت ولقتها نائمه جت غيداء بتصحيها .
غيداء وهي تشيل البطانيه عنها : رسن رسن قومي
رسن لفت علي الجهه الثانيه : همممم شتبين
غيداء : قووومي تأخر الوقت الحين حنا المغرب .
رسن فزت من نومها وقالت : المغرب !!!!! فاتتني صلاه العصر والمغرب ياربي ، قامت متجه للحمام وغيداء ميته ضحك علئ شكلها ، بعد دقائق طلعت رسن وفرشت سجاداها ولبست شرشف الصلاه .
غيداء : ترا لسئ م إذن المغرب مير لاتصلينها .
رسن فكرت بيها وهي مهي فاهمه وقالت : صح تقولين حنا المغرب ؟
غيداء ضحكت وقالت : اااي بس مو المغرب المغرب شفتي الفترهه الي بين المغرب والعصر .
رسن : ي كلللبه ونا احسب الصلوات فاتوني
غيداء ضحكت وقالت : صح فاتتك صلاه العصر بس صليها لاتصيحين علينا ، ونا ابي انزل تحت للمطبخ إذا خلصتي تعالي ، راحت غيداء ، وكملت رسن صلاتها .
نزلت غيداء واتجهت للمطبخ ولقت ميري مجهزه كل شيء .
غيداء بدت تطبخ الشاي وقالت لميري : في بسكوت شاي ولا مالح ولا اي بسكويت عشان احطه مع الشاي ؟
الخادمه : فيه ، وراحت وطلعت من الديكور بسكويت وكان بطبق صغير والواضح من شكله أنه غالي
جت الخادمه وأعطته غيداء ، اخذت غيداء حبه منه وجربته واعجبها طعمه كان طبق كبير فيه اشكال من البسكويت ذا ، جت الخادمه وأعطت غيداء صحن عشان تحط فيه من البسكويت ذا ،
غيداء بعد م خلصت من الشاي وحطت لها بكوب رسن عشان تأخذه معاها إذا طلعو .
اخذت الصحن و فعلا بدت غيداء تحط منه .
غمضت بتوتر من سمعت صوته قاعد يكلم بجواله والواضح أن الصوت كل ماله يقرب ، حاولت تحط بسرعه وتخلص لاكن وقفت بصدمه من سمعت صوته وراها .
عبدالعزيز ارسل الخادمه ترتب غرفته فوق
غيداء عرفت أنه يصرفها عشان م يخلي احد يشوف الي قاعد يصير بينهم ، حاولت تخلص بسرعه وتحط البسكويت ، لاكن وقفت بصدمه من سمعت كلامه
عبدالعزيز : اووهوووه ي غيداء بنت مشعل طلعتي منتي هينه قاعده تطبخين وكان البيت بيتك والوضع عادي واضح أن لك نيه صح .
غيداء ناضرت فيه مكان لها خلق تتكلم معه وسفهته لأن رسن باي لحضه تدخل عليهم .
عبدالعزيز أستغرب من سكوتها وقال : علئ فكره البسكويت ذا بسكويتي ومحد بالعائيله يتجرأ يأخذ منه ولا انتي ارتحتي عشانه حق زوجك المستقبلي وبديتي تحطين لك ؟
غيداء انقهرت من كلامه بس م بغت أنها تشككه أنها انقهرت وقالت : صح عليك وتجاهلته
واتجهت اخذت الصينيه الي فيها الشاي ولفت بتاخذ الكوب الا وتنصدم أنه قاعد يشرب منه شافها وتجاهلها وطلع برا المطبخ ، غيداء انقهرت علئ حركته وقالت : جعله سم يارب افف هذا شبلاه الله مسلطه علي الله ياخذه ، طلعت والصينيه بايدها وصادقت نزول رسن من الدرج وكانت لابسها عبايتها ونقابها تنفست براحه لأن عبدالعزيز طلع قبل تجي
رسن ضحكت وقالت : شعندتس مسويته ؟
غيداء وهي ماسكه الصينيه ومتجه لصاله للمكان الي جالسين فيه عمها وعمتها قالت : اول م جيت عمي وعمتي مدحو الشاهي الي سويته لهم اليوم الفجر وقلت لهم اصحيك وانزل اسويه لهم .
رسن : اهاااا .
غيداء حطت الشاي علئ الطاوله وارتبكت لما شافت عبدالعزيز موجود بدت تصب لهم الشاي وتقدم لهم البسكويت .
ابو نياف : علئ وين ي رسن ؟
رسن : بنروح مع سامي لسوق نتجهز للمخيم .
عبدالعزيز : غريبه م قلتي لي اوديكم .
رسن التفتت لغيداء وغيداء غمزت لها بسرعه يعني أنك لاتفضحيني .
رسن : ااءء مدري ، كلمنا سامي وخلاص
عبدالعزيز ابتسم ابتسامه كبييره وقال : القسم من قبل شوي يتصلون علئ سامي وم يرد واتصلو علئ وبشروني قالو تعال وجيب سامي معاك .
ابو نياف : خير ان شاء الله ؟
عبدالعزيز بابتسامه : مع اني م اقدر أصرح لاكن بعلمكم ، سامي ترقئ من مقدم الى عقيد ومن قبل شوي يتصلون علئ سامي لاكن جواله طافي
ابو نياف : ماشاء الله تبارك الله فالكم المراتب أعلى أن شاءالله الله
أم نياف : ما شاء الله الله يحفضكم وفالكم التوفيق والعقبالك ي عزوزي .
عبدالعزيز بابتسامه: الله يبارك لكم ويسمع منكم والله يحفضكم علئ خير ويطول اعماركم
غيداء ابتسمت بفرحه وقالت : قبل اطلع كان مشغول ب الابتوب ومطفي جواله .
رسن : والحين وش تسوي تخبره الحين ولا لما تأخذه للمركز .
عبدالعزيز بابتسامه : لا انا مالي دخل هم يخبرونه بالمركز ، انا الي علي اني اجيبه لهم .
رسن : طيب ألحين وش السواه حنا جاهزات من بيودينا لسوق انا والبنات ؟
ابو نياف : انا اوديكم ي بنيتي
عبدالعزيز: لالا ماله داعي ي يبه ، حنا بناخذهم معنا وم بنطول بالقسم كلها نص ساعه ونطلع ، هم طلبو سامي عشان يبشرونه أنه ترقئ .
سكتو من سمعو اتصال من سامي بجوال غيداء ردت غيداء : هلا سامي .
سامي : انزلي انا تحت .
غيداء ابتسمت وقالت : تمام وطفت جوالها ، رسن يقول إنه تحت .
عبدالعزيز ابتسم وقال : بروح له ابشره ، وراح ،
غيداء : يوه البنات لسئ م جو ، رسن اتصلي بغرور ونا اتصل باثاري ، بسرعه خليهم يجون
راحت رسن تتصل علئ غرور : الو غرور .
غرور : هلا ؟
رسن : تعالي حنا جاهزين بنركب السياره وسامي برا ينتضر ،
غرور : يلا يلا جايه مسافه الطريق ونا عندك .
رسن : تمام ، وقفلت
-
غيداء : اثاري وينك ؟
اثاري : جايه جايه ، الحين بطلع من البيت .
غيداء : زين استعجلي سامي برا ينتضرنا .
اثاري : زيين يلا بقفل ، وقفلت .
نزلو غيداء ورسن وشافو عبدالعزيز وسامي يسولفون
سامي : اسالك بالله !! شيبون ذولي ونا اقول فتحت جوالي لقيت الف مكالمه منهم ، طنشت مابي ارد اخاف يرسلوني بمهمه لأن مو من عادتهم يتصلون بوقت غير دوامي .
عبدالعزيز : لاتخاف سألتهم قلت هي مهمه قالو لا م نقدر نتكلم غير إذا جانا سامي .
سامي : الله يبلشهم ي شيخ ، م اقول غير الله يستر .
جت غرور وبعدها اثاري وركبو السياره وراحو باتجاه المركز .
كان عبدالعزيز مشغل اغاني وطربان ويرقص وسامي ضايقه عليه م يدري وش يبون منه اكيد م نادوه غير وفيه مصيبه .
سامي طفاء المسجل وقال : ي شيخ طفه انا مرتبك من ايش يبون مني وانت طربان علئ الاخر .
عبدالعزيز ضحك وقال : ي شيخ شغله انت بالاخير م سويت شيء اكيد يبون يقولون لك شي مهم عشان كذا اتصلو عليك
سامي قعد بتفكير وقال : تتوقع اني ترقيت ؟
عبدالعزيز بابتسامه وهو يحاول يبعد تفكير الترقر عن سامي عشان يتفاجئ : ترقي ايش ياخي احس لا
سامي ضرب يده بالدركسون وقال : أجل ايش يبون مني اكيد الزفت هادي مسوي شيء وملصقها عليه !..
________________________
اعذروني اذا فيه اخطاء املائيه
________________________
.
.
.
.
متحمسين للبارتات الجايه ؟ كيف بتكون ردت فعل سامي أنه ترقئ ، وكيف بتكون أجواء وفعليات طلعه التخييم .. خلوكم قريبين لان بتصيير احداث كثيره تحممسسس بالمخيم 🤫❤️🔥 .
لاإله إلا أنت سبحانك إني كنت من الظالمين .
