عشت ياصوتٍ يعود الليل ذكراه وحنينه
قالو العالم نساك وقلت والله ما نساني
والله ان قلبه جريح والله ان نفسه حزينه
والله انه مثل ما اعاني من الفرقا يعاني
لو نسى وجه الفجر صبحً يصبر ساهرينه
مانسيتك ي اول احبك نطق فيها لساني
-
عند غيداء كانت فاتحه الكمره وتنتضر دخول عبدالعزيز وكان باين بالكمره شليويحه الي معطيتها ضهرها وقاعده تشرب مويه ..
عند عبدالعزيز كان الباب حق المطبخ المطل علئ الخارج شوي مفتوح ، كانت فاتحته له أم نياف عشانه اقرب لهم ، عبدالعزيز مكان يدري أنه فاتح وراح دخل مع الباب الثاني وراح متجه للمطبخ الا ويوقف بصدمه وهو يناضر بنت معطيته ضهرها ووافقه عند باب المطبخ ، صد عبدالعزيز علئ طول وتنحنح ، لفت غيداء بصدمه من الصوت لورا وحصلت عبدالعزيز واقف وراها وصاد عنها ارتعش جسمها وقف الدم بعروقها وبدون وعي علئ طول حطت رجلها وراحت لأقرب غرفه قدامها وقبلها يطق طق لأن المجلس الي فيه الحريم كان شوي بعيد ، عبدالعزيز لف من سمع صوت الكعب اختفئ من عنده واستغرب وش جاب البنت هنا وليش أمه مانبهته أن فيه بنات بجهه المطبخ ، دخل المطبخ الا وتجيه ثاني صدمه لهذا اليوم كانت بنت بكامل زينتها واقفه تناضر مع باب المطبخ وريحه العطر فواحه بارجاء المطبخ !
عند غيداء دخلت الغرفة وهي فيها بكيه ليه يشوفها ، استوعبت أنها تركت عبدالعزيز وشليويحه بالمطبخ لحالهم فتحت الباب بسرعه وراحت باقصئ سرعتها وفتحت الكمره تبي ترجع وتصورهم من جديد وقفت بعيد تنتضر احد يطلع ..
عند شليوحيه لفت من سمعت صوت خلفها طالعه وحصلت عبدالعزيز واقف قدامها
عبدالعزيز أنصدم للمره الثالثه ولف علئ طول من لمح أنها بنت واقفه قدامه وقال : المعذره ماكنت عارف ان فيه احد بالمطبخ
شليويحه طالعه فيه والإبتسامة شاقه بوجهها وقلبها يدق دق وهي هالقرب منه وكاشفه له بعد قالت ببتسامه وبنعومه : عبدالعزيز ؟
عبدالعزيز أنصدم من سمع اسمها علي لسانها العذب ، كان معطيها ضهره عشان تطلع من المطبخ بس الواضح انها مو بالغلط وجودها هنا
غيداء استغربت أن مافي احد طلع ، راحت علئ شوي شوي للباب بتشوف ويش الي قاعدين عليه ومنها تصورهم ، طالعه وحصلت عبدالعزيز معطيها ضهره وهي خلفه ، لفت بسرعه لان عبدالعزيز كان لاف لجهه الباب الي عند غيداء ، اكتفت غيداء أنها بس تخلي الكميره حقت الجوال تبان عشان توثقهم
شليويحه : عبدالعزيز انا احبك ليش تقدمت لذيك الغيداء وأنت ماتعرف خفاياها ؟؟ ترا ذي انسانه راعيه عيال وماتركت احد ماكلمته وانا معي الادله كلها إذا مو مصدق
عبدالعزيز كان بيروح يطلع من المطبخ من عرف نيتها لاكن من سمع اسم غيداء وقف لاشعوريا وعقد حواجبه من سمعها تقول عنها كذا
كانت غيداء ماده الجوال تصوروتشوفهم مع الجوال ابتسمت بنصر من سمعت شليويحه تسبها لاكن شهقت لاشعوريا من سمعتها قالت (تكلم عيال)
شليوحه سكتت بنص كلامها وعبدالعزيز رفع نضره وطالع بتجاه الباب من سمع الصوت
غيداء حطت أيدها علئ فمها بسرعه تمنع شهقتها وبسرعه بدون تفكير حطت رجلها وراحت جري
عبدالعزيز فتح عيونه بصدمه من سمع صوت الكعب يروح وعرف أن فيه احد شافهم وفهم غلط ، لف لشليويحه بعصبيه لاكنه غاض البصر عنها
عبدالعزيز بعصبيه الكون كلها قال : انتي مين ووش قاعده تخبصين !!!!
شليويحه بثقه تكتفت وقالت : كلامي كله مو تخبيص ياعبدالعزيز !!
عبدالعزيز قال بعصبيه : وش قله الكرامه ذي الي طالعه لي بكل قله ادب بدون عبايه والوضع عادي عندك بعدين ايش ذاا الكلام الغبي الي قاعده تقولينه !!!! غيداء وحده انضف منك ومحتشمه ومتستره ماهي مثلك طالعه قدام واحد اول مره يشوفها ولا بكل قوه عين تعترفين بعد !!!!!!!!
شليويحه انخرشت من نبره صوته وقالت بعصبيه : يعني بتسويوو فيها طاهرين وانتوا تتقابلون من ورا اهاليكم وتجلسون تسولفون حتئ قبل تخطبها !! شوفوا مين يتكلم عن الكرامه وهو ناسي حركاته معاها بس مستحيل راح اخلي الزواج يتم وانا بنت ابوي .
عبدالعزيز فار منها وقال بعصبيه وهو ياخذ جواله : الكلام مع وحده مثلك ماينفع اكلم امي اخليها تجي وتنهي المهزله ذي !
شليويحه فتحت عيونها بصدمه وقالت : تذكر أن زواجكم مراح يتم وراح افضح فيكم عند خلق الله واكبر ، وراحت من عنده بعصبيه اول ماشافته رفع الجوال بيكلم ...
-
عند غيداء رجعت لنفس الغرفه الي قبل شوي دخلتها وقفلت علي نفسها بالمفتاح وجلست علي الارض ماسكه قلبها تتنفس بقوه وقلبها يدق دق بشكل غير طبيعي ، قعدت تهدي عن نفسها طالعه بايديها وكانت ايدها ترتجف لاشعوريا ، كانت خايفه لو عبدالعزيز شافها وقتها كانت راح تموت ، قعدت تاخذ شهيق وزفير عشان تهدي من نفسها وتطلع المعازيم قبل أحد يكشفها ...
-
عند عبدالعزيز نزل جواله لانه كان يمثل عليها أخذ نفس ومسح وجهه وتعوذ من الشيطان وعدل غترته لانه تأخر حيل عن العيال بسبه ذيك البنت الي ماكان يعرف حتئ اسمها ، أخذ الدلتين ولف بيطلع الا ويدخل عليه سياف وقال : ياولد وينك تاخرت علئ الرياجيل !!! سنه
عبدالعزيز مشئ من عنده وقال : جاني اتصال مهم والحين خلصت نسيتكم ، خذ القمقوم حق القهوه شوفه بالفرن
سياف طالع بالفرن وراح أخذه وقال : يلا سريع الرياجيل ينتضرون ونياف احرقني بنضراته جو بعدك عشرين ألف رجال .
طلعوا سياف وعبدالعزيز وراحوا لرجال
جاسر طالع فيهم وقال : سنه رايح تجيب الدلال !!!
خالد جاء وقال : يرجال بسرعه وين الدله المليانه سريع !!
عبدالعزيز تقدم له وقال : هذي هي ، عطني الي معك بعبيها
خالد أخذ الدله الي مع عبدالعزيز ولف رايح لرجال
أخذ عبدالعزيز الدله واعطاها سياف عشان يعبيها
نياف جاء وقال : عبدالعزيز صب شاي للجه ذيك بسرعه ! انت وجاسر
-
عند شليويحه راحت الحمامات بسرعه ووقفت عند المرايه تناضر نفسها وعيونها المليانه دموع اخذت نفس وقالت : اهدي ماصار شيء وعبدالعزيز لو مهما كان مراح يكون لغيداء ، اخذت الفاين تمسح الدموع بهدوء تذكرت لما أخذ جواله بيتصل وقفت بسرعه ورتبت حالها وراحت متجهه للمجلس الي فيه الحريم كلهم دخلت بارتباك وجلست بمكانها قعدت تناضر ام نياف الي تسولف مع المعازيم ولفت لأنهار الي جالسه هي وهيفاء ويسولفون ورسن الي منسجمه مع البنات تسولف وتضحك تنفست براحه ولفت لصديقتها الي من جلست وهي تسألها
ام كشه : بنت فينك طولتي ، وشفيك تناضرين كذا ، هيي بننت
شليويحه طالعه فيها وقالت : نعم شتبيين !!!
ام كشه طالعه فيها بستغراب وقالت : وش سويتي وينك ؟؟
شليويحه فتحت عيونها بصدمه وقالت : ايش شسويت !!!!؟؟
ام كشه ضحكت وقالت : يحمارا قاعده اسالك ! هههههههه
شلويحه تنفست براحه وقالت : هههه ماسويت شيء المهم تبين نرجع البيت طفشت ؟
ام كشه بعتراض : ليش الجو يهببل !!
شلويحه : مقدر احس طفشت بس عشانك بنقعد نص ساعه بعدها مقدر اتحمل بروح .
ام كشه : زين ، سكتوا من دخلت غيداء قدامهم تمشي بكل ثقه سافهه وجودهم رايحه للبنات ، شلويحه كانت تناضر لها بصدمه وتفكر ليكون هي نفسها الي سمعت صوتها قبل شوي !! قعدت تدعي ربها ماتكون غيداء تحسبها وحده من الخدم لأنها تعرف حركات غيداء كلشي تصوره تصوير ، جلست غيداء عند البنات وحطت رجل علي رجل وسرقت نضره لشليوحه الي احرقتها بنضراتها ، سكتت ونزلت نضراتها تتفرج بجوالها
رسن : غيداء وينك !!
غيداء طالعه فيها وقالت بكذبه : كنت بالحمام ليش ؟
غرور : نبي نتمشاء برا
غيداء : اوكيه ومنها بوزع عيديات الورعان
اثاري ضحكت وقالت : اساع انا بصير ورعه من الحين
وسن ضحكت معاها وقالت : ولله انا الورعه موب بانتي
رسن قامت وقالت : يلا يلا ،
اثاري : بنات توزيعاتي مايكفون المعازيم شكلي ماراح اطلعهن
غيداء : ايهه عاد ابي اقولتس لاتوزعينهن خليهم لشاليله
غرور : الحين علئ طاريهم جيبي علئ عددنا الجوال بالخارج حرى
اثاري : زين ، وراحت للمجلس الي كانت حاطه فيهم الاغراض هي وغيداء وأخذوا التوزيعات ، وغرور ورسن ووسن كانوا يجمعون باقي الوراعين عند مضله المسبح عشان يوزعونهم عليهم ...
-
عند الرجال كانت الساعه 10 وصلوا سيارات المطعم وبدوا يوزعون صياني الاكل وبعد ما انتهوا ابو نياف قومهم علئ العشاء وحيا فيهم والكل قام ، هينا العيال فرحوا حيل ، لما الكل طلع بالخارج كل العيال جلسوا علئ الارض يأخذونها استراحه محارب
نياف جاء عندهم بسرعه وقال : عبدالعزيز انت وسياف روحوا جيبوا علب المويه تحصلونها ببراد المويه بالمطبخ .
عبدالعزيز وهو منسدح علئ رجل جاسر قال : ياشيخ روح انت جيبها
مشاري : اخخ اول مره اتمنا العيد يخلص بسرعه
دخل ابو نياف وحصلهم متسدحين كلهم قال بعصبيه : قمممم انتت وياااه
العيال اول ما سمعوا صوته قاموا بسرعه عبدالعزيز وسياف وخالد ومشاري وجاسر
ابو نياف : وينكم لي ساعه ادور عليكم اخر شي ألقاكم متسدحين !! عند اخر شيء تبون تخربونها
نياف جاء عند أبوه وقال : سم يبه شتبي ؟؟
ابو نياف : قوموا وزعوا المويه وجيبوا الفواكه لاشوف واحد منسدح
سياف : ابشر يبه ، يلا يعيال تعالوا معي المطبخ
راح ابو نياف ، وقف نياف فوقهم وقال بضحكه : يلا كلكم قدامي علئ المطبخ ولا انادي ابوي
جاسر : اقول انطم انت
عبدالعزيز : الحين السؤال ليه ما استاجروا مقهوجي وريحونا
خالد بضحكه طق كتفه وقال : الجواب تلقاه بالمطبخ
طلعوا العيال بسرعه للمطبخ من سمعوا صوت ابو نياف يصوت لهم ، دخلوا المطبخ وكان علئ طاوله المطبخ علب المويه وكان علئ الارض اربع صياني كبار من الفواكه وزعوا المهام عليهم وطلعوهم برا كانوا العيال يطالعون لكميه المعازيم الهائله كان هذا شيء جداً طبيعي ماهوا غريب علئ ال عبدالعزيز كان الكل يشهد بكرهمهم وحسن تعاملهم مع الناس وهذي ماهي اكبر عزومه قد سووها قبل سنتين كانت عزومه عند ابو جاسر لصديقه كان مسوي حاشي كبير علئ سلامته (إذا تتذكرون وقت ماجاسر شاف غرور للمره الاولئ 😝) ...
-
عند البنات كانوا وقتها موزعين العيديات علئ الوراعين وجالسين يشربون غازيات عند المسبح ويسولفون طالعوا بغيداء الي راكبه فوق الطاوله وتعاين علئ الرجال من فوق الجدار
غيداء بصدمه : بنات الرجال أكثر من الحريم !!!!! اوح ياكثرهم
قامت رسن وغرور بسرعه عشان يلحقون بالمكان الفاضي الي جنب غيداء ؤ كانت رسن اسرع من غرور وبتوصل قبلها الا وتشدها غرور عشان ماتوصل قبلها ، اثاري اول ماشافتهم يتهاوشون قامت بسرعه تجري راحت متجهه لغيداء عشان توصل قبلهم الا وتمسكها رسن وغرور قامت ميته ضحك وركبت قبلهم ، غرور بسرعه من ركبت ضربت رجلها مع ذالك كملت اهم شي توصل للقمه قبلهم
كانت وسن تضحك وتطالع لهن ماتغيروا رغم أنهم كبار علي هذي الحركات
غرور طالعه وتفاجئت بعددهم كانوا كثار حييل
رسن جابت كرسي ثاني بتشوف معاهم ، ركبت بالكرسي وركبت جنبها اثاري وقعدوا يعاينون بالمعازيم بس بقت وسن تطالع فيهم وتضحك
اثاري طالعه للباب وكان داخل رجال كبير بالخمسين ومعاه ولده العشريني وقالت : احح جاء وقت الناس قالطين علئ الاكل يووه وقته غللط
غيداء طالعه وقالت : وين ؟
اثاري : ذاك الي داخل مع الباب
طالعوا البنات كلهم
غيداء بانبهار : الولد مزيون واضح ولد مدن
رسن بصدمه : ذا الي شفته بالمحكمة !! محامي ذيك الكلبه لمياء
اثاري : اسالك بالله !!! وش جابه هنا !!!
طالعه غرور وقالت : هذا وسام خوي خالد اخوي
ابو نياف وابو جاسر جاو عنده ورحبوا فيه كانوا العيال جوا لسئ ماطلعوا موجودين بالمطبخ وقت وصولهم
غيداء وهي تطالع فيهم : يووه شكلهم متفشلين ، طالعوا بخالد وسياف وعبدالعزيز الي جاو بتجاهم مسرعين والإبتسامة شاقه وجيهم وخلفهم جاسر الي يمشي بتجاهم بكل رزانه وهدوء
خالد بابتسامه : يامرحبا مليون اشهد انكم نورتوا القلب قبل الدار
ابو وسام بابتسامه : هلا هلا بخالد ، قربوا لبعض وقعدوا يعايدون بعض بعد ما انتهئ خالد راح لوسام وكانوا بقيه العيال يعايدون ابو وسام ، خالد بابتسامه : بالله حيه
وسام بضحكه قرب له وسلم عليه : الله يحييك عيدك مبارك وكل عام وانتوا بخير
خالد والإبتسامة شاقه وجهه : وانت بخير ياحبيبي ينعاد علينا وعليكم بكل خير وصحه وسلامه يارب
سياف تقدم لوسام وقال بابتسامه : يالله حيه
وسام سلم عليه قال : الله يحييك كل عام وانتوا بخير
سياف : وانت بخير وصحه وسلامه يارب
عبدالعزيز بابتسامه تقدم له وقال : يامرحبا ولله ولف ترحيبه
وسام عرضت ابتسامته وسلم عليه وقال : بوجودك ياحبيبي ، كل عام وانت بخير يا المنتدب
عبدالعزيز أبتسم وقال : وانت بخير وصحه وسلامه
جاسر تقدم له وقال : يالله حيه
لف له وسام وقال بابتسامه : الله يحييك كل عام وانتم بخير
جاسر بابتسامه : وانت بخير ينعاد علينا وعليكم بالخير والسلامه
وسام بابتسامه : امين يارب
مشاري تقدم : كل عام وانت بخير يا وسام
وسام ابتسم وسلم عليه وقال : هلا بمشاري وانت بخير ينعاد عليكم بالصحه والسلامه
مشاري : علينا وعليكم أن شاء الله
جاو ابو خالد وابو سامي ورحبوا فيهم بنفسً وسيعه وسلموا عليهم
ابو نياف : فوتوا فوتوا
ابو وسام : لاولله يعطيكم العافيه جينا نسلم ونروح
ابو خالد : انطح فالك يارجال !
ابو وسام : لاولله خيركم سابق ، ولله حنا معزومين ذالحين وولدي وسام قال بنسلم عليكم علئ طريقنا
خالد : فنجال قهوه ياعم !
ابو وسام بابتسامه : ياملا العافيه يا ولدي ولله مستعجلين
وسام : ياملا العافيه ولله متواعدين لنا بموعد ثاني ولا حنا نفرح بالمجلاس معاكم
ابو نياف : الله معاكم بس تراكم معزومين بكرا ، بالثلاث ماتردني
ابو وسام بسرعه : له له !! يارجال عين خير قول أن شاءالله !!!
وسام : لاولله...
ابو نياف بمقاطعة : لاولله انك ماترد عزيمتي وانك تجي انت والأهل أن شاء الله بكرا طالعين استراحه
عبدالعزيز ضحك وقال بهمس للعيال : ابوي حشره
سياف ضحك وقال : اسكت
ابو وسام بانحراج : يارجال لاتحرجوني معاكم
ابو خالد : ابد مافي حرجه ولا شيء انت صديقنا وعزيز وولدك خوي ولدنا وعزيزا علينا
ابو وسام بابتسامه : ماتهون ياحبيبي ولله انتوا الغالين علئ قلبي ولله
-
عند للبنات يراقبونهم
غيداء : وش قاعدين يقولون ؟
رسن بنرجسيه : يتهاوشون علي
غيداء : انطمي انتي ، لا عاد صدق ايش يقولون جاني فضول
اثاري : شكلهم يتحالفون
غرور طالعه بسامي ونياف الي متجهين لهم وقالت : بخخخ سامي اطول من نياف توي الاحض
طالعوا البنات فيهم وكانوا يسلمون علي الرجال
غيداء بابتسامه : وااه فديته سويمي يابخت الي تتزوجه بختاه
رسن : تم انا بتزوجه مع أنه مو مواصفات فارس احلامي
غيداء طالعه فيها وقالت : شفتي لو تزوجته انتي بالذات راح أصيح
اثاري : حددي حزينه ولا فرحانه
غيداء طالعه فيها بنضرات وقالت : ابد اقطع نفسي من الفرحه
رسن طالعه فيها فوق تحت وقالت : ليش وش الشي الي موب حلو فيني لدرجه انك تصيحين ؟؟
غيداء : قاهرتني وانتي بنت عمي اشي لاصرتي حرمه اخوي
رسن بعناد صفت أيدينها وقالت : بنت عمك واخت زوجك ومرت اخوك وعمه عيالك موتي قهر مقفله عليك من كل الجهات
غرور ضحكت وقالت : احححح هجوم قوي صراحه
اثاري ضحكت وقالت باتفاق مع غرور : ايههه ايههه ههههههههههه
غيداء طالعه فيها وقالت : فال الله ولا فالك
رسن انفجرت من الضحك وقالت : لييهه شفيتس ههههههههههههههههه
لفت غيداء تطالع عبدالعزيز وابتسمت بخبث ، هالمره ماهي نفسها غيداء الي بيروح وقتها علئ البكئ والندم الحين بتحط حد لكل شيء قاعد يصير
توادعوا ابو وسام ووسام وراحوا ، دخلوا الشيبان والعيال كذالك والكل راح يكمل شغله ، عند البنات نزلوا اول ماشافوهم تفرقوا وطلعوا بوسن الي طول الوقت قاعده علئ جوالها وتضخك
رسن : وش تضحكين عليه ياوسن ؟
وسن طالعه فيها وطفت الجوال وقالت : بنات خالاتي يسولفون بالقروب ، ويقولون وحده من بنات خالاتي طلعت قدام عيال عمها عاد يضحكون عليها يقولون متا الزواج
اثاري : يوووه ياقشرها
غيداء ضحكت وقالت وهي تنغزها بصمت : تحسستي ؟
اثاري طالعه فيها بنضرات اسكتي وقالت : يحماره اسكتي ولا قمت عليك
رسن : شوفي زوجوهم والمهر علئ
وسن : هههههههههههههه عاد مايدانون بعض من الصغر
غرور ضحكت وقالت : الحب الحقيقي مايجي الا بعد كره كبيير
رسن ضحكت وغمزت لغيداء وقالت : بالضبط
غيداء طالعه فيها وقالت : وش رايك ازوجتس سامي الي من تسمعين طاريه تتافاافين ؟
رسن ضحكت وعرفت انها تختبرها وقالت عكس كلامها : تم موافقه
غيداء طالعه فيها وقالت : زين بعدين لاتسحبين كلامك
رسن : انا ما اسحب كلامي بس قوليله شرطي الوحيد اني اتزوجه بعمر 40 بعد ما اتوضف واشبع من فلوسي واحقق احلامي
غرور : الله عليك يا انجيلينا جولي الي بيقعد ينتضرك طول عمرك
رسن بثقه لفحت شعرها لورا وقالت : حبيبتشي انا ازين واحلئ ولا شي يقارن بيني وبين انجيلينا
غيداء : صصح كلامك
غرور : يوه احس اني بديت انعس الساعه كم
وسن طالعه بجوالها وقالت : حدعش
غرور : اوح !!! ياسرع الوقت
اثاري : تو الوقت العيد مايخلص الا 12 ، قاطع عليهم دخلول ريناد مع العباب ، صرخوا البنات بفرحه من شافوها وراحوا لها بحماس عشان يعايدونها ، الا وسن كانت تطالع فيهم وتضحك اتجهت لهم بكل هدوء ورزانه ...
عند شليويحه قامت هي وام كشه ولبسوا عباياتهم وطلعوا برا بيرجعون للبيت ، صادفوا بطريقهم البنات مجتمعات وريناد معاهم تسولف كملت ولا كانها تشوفها ...
-
عند عبدالعزيز راح للمجلس الرجال الي جوا وانسدح فيه لأنه حده ميت تعب بياخذ قسطاً من الراحه شوي بعدين يرجع لهم ، فتح جواله واول ماطرا عليه توتر غيداء دخله علئ طول عشان يشوف هي مغرده ولا باقي لسئ حصل تغريده وحده من خمس ساعات :
كل عام وأنتم في عِناق لا ينقطع مع الفرح ، أتمنى لكم عيداً سعيداً مُكملاً بالسّرور والبهجة 🤍🤍 '
ابتسم عبدالعزيز واعطاها لايك ، وكتب في منشوراته :
كل عام وأنتم في عِناق لا ينقطع مع الفرح ، أتمنى لكم عيداً سعيداً مُكملاً بالسّرور والبهجة 🤍🤍 '
عرضت ابتسامته أكثر ، كان متقصد ينقل نفس عبارتها بحسابه طلع وترك الجوال جنبه وحط غترته علئ وجهه وغمض عيونه بتعب شديد ...
عند الرجال ، بدوا المعازيم ينسحبون تدريجي وفي منهم الي يجي ويعايد ويروح وهذي الحاله لين اذان الضهر وقتها مافي الا قليل من المعازيم ، توضوا الكل وراحوا متجهين للمسجد ، وعند الحريم كانوا يتحدثون بالصاله قاموا عشان يصلون ، وبعد ما انتهوا من الصلاه اتفقوا البنات أنهم يتفرقون وكل بنت تنام ببيتها عشان مايروح الوقت وهم يسولفون ويروح تقا النوم عليهم يبون ينامون بدري ويصحون المغرب ويكملون عيد عند ابو سامي ، وهذا الي صار الكل تفرق ، ورجعوا الرجال من المسجد ميتين تعب وكل واحد راح لأهله وخذوها غيبوبه العيد الجميله ...
علئ العصر كانت الساعه اربع ونص مو باقي عن الاذان الا كم ، جت أم سامي تصحي غيداء
ام سامي : غيداء قومي العيد فات وانتي لسئ نايمه !! قومي يمه
غيداء اخذت الغطاء وتغطت فيه وقالت : يمه ماشبعت نوم !!
ام سامي : قومي تأخر الوقت والعيد فات ، والحين الناس يجون وانتي نايمه !!
غيداء فزت من سمعت طاري العيد كانت ناسيه أن اليوم عيد قامت بسرعه وطالعه بجوالها وكانت الساعه اربع ونص يعني فاتوها صلاه العصر قامت بسرعه وأخذت الروب حقها ودخلت الحمام عشان تاخذ لها شور وتصحصح منه ، طلعت أم سامي ونزلت تحت وكانت جلسه الحريم جاهزه والقهوه والشاي والتقديمات من اولهن لين آخرهم مجهزين ابتسمت وراحت متجه برا وشافت ابو سامي ماسك القمقوم ويجهز قهوه الرجال هو بنفسه
ابو سامي أبتسم وقال : صحيتي العيال ؟
ام سامي : ايوه بيصلون ويتجهزون وينزلون
ابو سامي : زين ، تعالي اقهويك من قهوتي الجديده
ام سامي ابتسمت وراحت وجلست جنبه وبدوا يتقهوون ويتحلون من حلا العيد ..
-
في بيت ابو خالد كانوا العيله كلها توهم صاحين
وغرور كانت بغرفتها تصلي العصر وتتثاوب ماشبعت نوم طالعه بالوقت وكان شوي بدري قامت وراحت تدور بالبيت وحصلت أمها وأبوها جالسين بغرقتهم ابوها جالس علئ جواله ويسولف مع امها وامها تحط ميكب ابتسمت وكملت طريقها لغرف اخوانها حصلت خالد يصلي وكملت الغرفه الثانيه وحصلت مشاري منسدح علئ سريره دخلت وقالت : مشاري
مشاري بتعب كانوا مصحينه غصب عنه قال : هعااا
غرور قعدت عنده وقالت : بطلب اكل تبي ؟
مشاري : ايوه اطلبي لي أي شيء ميت جوع
غرور : زين ، تتوقع امي وابوي تغدوا ؟
مشاري : لا ماسوت اكل امي
غرور : أجل بطلب لنا كلنا
-
في بيت ابو نياف ، كانت أم نياف مسويه اكل عشانهم ماتغدوا وكانوا متجمعين علئ سفره وحده وياكلون
رسن وهي تاكل قالت : فيه احد يجي اليله ؟
سياف : ايه
رسن : صدق !! مين ؟
سياف : انا وانتي
رسن : احلف ؟
عبود : لثن ، لثن
رسن : ها عيون لثن
عبود ابتسم وأشر علئ جوالها وقال : اديني ياه دوال
رسن قلبت عيونها وقالت : يدري الله انقلع مصلحجي مثل عمانك
نياف : اقول عطي الشيخ عبود الجوال
رسن : يخسي ، ولدك مو ولدي اعطيه الجوال
ام نياف طلعت جوالها وقالت : تعال ياعبودي
نياف : لا يايمه هو يبي جوال رسن
رسن : تذكر وش سويت بي اليوم لما أعطيتك عيديه
عبود بمقاطعه : ماثويت ثي !!!!
رسن طالعه فيه وقالت : لاتكذب !!!
الكل ضحك علئ مجاكرت رسن وعبود مستحيل يقعدون بمكان مايتهاوشون
عبود لف وجلس بحضن ام نياف وقال : حلث مابي دوالث
انهار : له له
عبدالعزيز : عبود علمني بس انا وش سويت برسن يوم أعطتك حلاوه ؟
عبود طالع فيه وقال : ماثويت ثي يكذب
هيفاء ضحكت وعرفت أن ولدها خايف قالت : ليش وش سوا فيك يارسن
رسن نزلت القمه وتربعت وقالت وهي تأشر بايدها : شفتي الفصمه هذا القصير يوم نزلت روحي لمستواه اعطيه عيديه وابي أبوسه مادريت الا وشعري كلها بايده الفصمه
عبود ابتسم بربكه وقال : لااااااا حطاء حطاء انا ابي اثوف ثغرها الطويل حلو مثل ماما مابي اضربه
نياف استوعب بنص ابتسامته وتامله له وقال بسرعه : ولددددد !!!!!!!
انفجروا ضحك كل الموجودين وانهار ورسن يطالعون بهيفاء الميته فشيله
عبدالعزيز ضحك وقال : احد اسباب السلبيات الي منهم مابي اخلف ولا اتزوج
نياف : انكتم
سياف ضحك وقال عشان يصرف الموضوع : يبه متا تبي تروح لعمي مشعل ؟
ابو نياف : بعد نص ساعه
عبدالعزيز ابتسم وقال : بمشي معك
سياف : اثقل
انهار : وشفيك الابتسامه شاقه وجهك
عبدالعزيز طالع فيهم ولاحض نضراتهم وقال : يهوه وش فيها ترا رايح لعمي مو لأحد غريب !
رسن : سياف راقبه
ام نياف : رسن وش الكلام!
رسن : ماقلت شيء يمه !
ابو نياف قام وقال : كثر الله خيركم
الكل : عافيه
عبدالعزيز طالع فيها وقال : ليش يراقبني ؟ شايفه شيء
انهار : الا عبدالعزيز متا تبي تملك ؟
عبدالعزيز : ولله مادري بس شكلي قريب إذا الله كتب
سياف ابتسم وقال : ماشاء الله تبارك الله ، الله يكتب لك الي فيه الخير يارب
عبدالعزيز ضحك : امين يارب والعقبالك
سياف ضحك وقال : امين يارب
-
في بيت ابو جاسر ، كانوا ابو جاسر وام جاسر وجاسر جالسين يتحدثون الا اثاري الي كانت فوق بغرفتها تتحمم عشان تطلع وتتجهز وبعدها تطلع تطبخ لها اكل ، عند جاسر الي كان تحت بالمطبخ حصل اندومي من اندوميات اثاري وقال للخادمه تطبخ له وراح جلس عند أبوه وأمه عبال مايجهز ..
علئ الساعه 6 المغرب كان الكل متواجد في بيت ابو سامي وكان فيه بعض من أهل الديره الي عازمهم ابو سامي والي جايين يعايدون ، كانوا فارشين برا وكانوا جالسين ويتحدثون والقايمين بالقهوه سامي وعبدالعزيز كل عاده
عبدالعزيز طالع بسامي من طرأ في باله ذاك الموضوع اشر لسامي وجاء عنده سامي وقال : لبيه يعزوز ؟
عبدالعزيز : سامي في موضوع بقوله لك اخر العزيمه اليله ذكرني لا انساه
سامي بستغراب : وشهو الموضوع
عبدالعزيز : اليله اليله اقولك
سامي : الله يستر بس
عبدالعزيز ضحك وقال : لاتخاف موضوع بيبسطك ههههههههههه
-
عند الحريم كانوا فارشين كذالك برا وكان الجوو ممررهّ حلو ويجنن والسماء صافيه والبنات جالسين ويسولفون بعيد عن الأمهات بعد ما قدموا كل شيء لضيوف بقا دورهم وكانوا حاطين صينيه التقديم قدامهم والدله ويتقهوو ويسولفون ..
كانت انهار لابسه فستان اسود ناعم وفاكه شعرها الطويل علي ضهرها وحاطه شوي ميكب وكانت تجنن
رسن كانت لابسه فستان ازرق فاتح خفيف علئ البس وحاطه شوي ميكب عشان تعطي نعومه لملامحها الحاده وكانت تبارك الله عليها
غرور كانت لابسه فستان سكري يجوا اكمامه نص وفاكه شعرها الناعم بدون اي حركه واكتفت ببلاشر وتنت ومسكرا وكانت تتتمووووتتت
غيداء كانت لابسه فستان احمر عاري الأكمام ومسويه شعرها ويفي الطويل واكتفت بمسكرا وقلوس وبلاشر وكانت ققممه بالجمال (ملاحضه كانت غيداء دايم تحب يكون شعرها وسطي مو طويل ولا قصير بس عشان الاشهر الاخيره ماقصته عشان كذا طول بسرعه وكان واصل لين تقريبا ضهرها )
اثاري لابسه فستان بني علئ برتقالي وفاكه شعرها الأسود الكثيف ومع الأطراف ويفي وحاطه شوي ميكب وكانت مو تموت وبس لا الي بعدها تبارك الرحمن عليها ...
غرور : بنات بكرا وش ناخذ لشاليه ؟
رسن : كيف وش ناخذ كل شيء جهزناه صح ؟
غرور : اييه بس حاسه عند اخر شيء يطلع شي ناقص
غيداء : انا شنطتي جاهزه الي فيها اغراضي والفعاليات
غرور : اي حتئ انا منزمان جاهزه جهزتها من الحماس
اثاري : يووه انا كل شي مجهزته بس ناقص احطهم بشنطتي
رسن عدلت جلستها وقالت : بنات ! ماقلت لكم ؟؟؟!!
غرور : جابت لنا علمً كايد
غييداء : كايد ولا تايد ههههاي
اثاري : انطمي انتي
رسن ضحكت وقالت : ههههه حلوه حلوه اعجبتني
غيداء ضحكت وطشت لها بوسه بالهوا
غرور : وكبدي بالتسليك
غيداء : انطمي انتي ياقيوره
غرور : بالحيل
عند العيال كانوا جالسين ويسولفون ، أخذ سامي جواله ودخل علئ خاص غيداء وكتب :
غيداء ، غيود
طالعت غيداء بجوالها من شافت الاشعارات وأخذته وردت : هلا ؟ في مصلحه بالموضوع بس وشهي ماندري
سامي : ههههههههههه فاضيه ابي من ايديك شاي
غيداء ضحكت وقالت : ولله كنت حاسه هههه
سامي : هاتبين تسوين ؟
غيداء : اوكي بس مو الحين ، الحين مشغوله مع البنات
سامي : خلص ياحبيبي استمتعي معاهم
غيداء : ههههه لاتوصي
-
نزل سامي جواله وقعد يطالع سواليف العيال ومر الوقت بسرعه بدون ما يحسون وكان الاجوا حيل تجنن وانتهت اليه علئ خير والبنات ذيك اليله ناموا عند غيداء ، لان هذا شيء أساسي لازم بكل عيد لازم تصير غيبوبه العيد عند وحده من البنات....
مساء ثاني ايام العيد بكل حماس !!!!
علئ الساعه 1 ونص الضهر كان الكل ماسكين خط لشاليه الي يبعد عن القصور ساعه بالسياره ، وكان ترتيبهم كل عاده كل وحده مع اخوها والشيبان كل واحد بسيارته مع زوجته بعد ما وصلوا الشاليه كانوا كلهم وصلوا الشاليه بنفس التوقيت لأنهم حركوا مع بعض ، الكل ذكر الله علئ جمال الشاليه كان مو فخم وبس لا الي بعدها كان يجننن يجننن يجننن ، نزلوا وكان الشاليه مرررهّ كبيير قسمين قسم لرجال وقسم الحريم ، كان قسم الرجال فيه مسبح وقسم لشوي وقسم لكره القدم ومجالس كبار ملكيه فخمه والنافورات بكل مكان وكان شكله مرره حلو والجلسات الخارجيه سوء الارضيه أو العاليه ، اتجهوا لقسم الحريم ودخلوا وحصلوا قسم المسبح الكبار وقسم لمسبح الاطفال وفيه اللعاب الي جوا المسبح ، وعلي جنب فيه قسم خاص للاطفال مراجيح وزحليقه ونطيطه وآله الدوران ، علئ جنب حصلوا جلسات خارجيه رايقه
البنات وهم يطالعون الشاليه ومتحمسسين حيل له والرجال واقفين يناضرون الشاليه ويسولفون قاطع عليهم لما مر من عندهم وصرخ مشاري هارب من سياف الي يجري وراه بكل سرعه ومشاري ميت ضحك
عبدالعزيز بضحك : حييييك ههههههههههه
مشاري وهو ميت ضحك جاء عند ابو نياف وقال : انا في وجهك ياعم من ولدك
ابو نياف : ابشر بالسعد ، بس وش انت مسوي
سياف جا بسرعه وكان معاه غترته لافها بيضربه فيها وقال : يبه تكفا بعد عنه
ابو سامي طالع فيهم وقال: وش السالفة يعيال ؟؟
مشاري وهو كاتم ضحكته : ياعم حبيت امزح معه شوي وشدها
سياف طالع فيه وقال : تلسبني بذا المنديل وتقول مزح !!!!!!
ابو نياف طالع بمشاري وقال : ولله معادكم بوراعين تلعبون ذي اللعاب
مشاري ضحك قال : ابشر علئ خشمي بس انا طالبك سياف لايقرب
عبدالعزيز : إذا فكك سياف انا ما افكك
ابو خالد ضحك وقال : العب طبقتوا مثل انا وأخوي علي ولد عمي
عبدالعزيز ضحك وغمز لعمه
مشاري : ترا انا مسيكين والإخوا الصغير لهم مع هذا يبون يمردغوني
غرور عند البنات حطت أيدها علئ راسها وقالت : يراسي مسيكين أجل
غيداء ضحكت وقالت : ياخي يازينه زيناه مشاري هههههههه
رسن : مسيكين الولد ههههههههه
اثاري : ولله أنه ملعون الوالدين هالمسيكين ذا
غرور : ورب الكعبه ! هههههههه
جاسر : المسيكين مايرثع بالناس كذه
خالد ضحك وقال : من كلمه مسيكين اعرف أنه ملعون جدف هههههه
مشاري بشهقه : شفتوا الضلم لاحول ولا قوه الا بالله
ابو نياف ضحك وقال : ولله مابك طب ، روح وانا عمك والي يقرب من الثاني ياويله...
.
.
.
.
سبحان الله وبحمده ، سبحان الله العظيم
________________________
اعذروني اذا فيه اخطاء املائيه
________________________
رايكم بالبارت ؟
