دارت ايامي وخانتني سنيني
والهواء يطغى على حاليه مره
قالت انسى اللي بينك وبيني
السماء به جارح صياد غرّه
لو يجيك الشوق حاول ماتجيني
لاتحن ، ولا تغار ، ولا تشّره
قلت والله لو شعوري في يديني
لأمسح الماضي بخيره قبل شره
قالت اسمع وسكتت قلت اسمعيني
الكرامه ماتقارن ! بالمسره
مير حطي عينك النجلا بعيني
واسمعي من قلب راع السر سره
مشكله قلبي وماينبش حنيني
اني القى لك بقفر البال جره
امنعي طيفك يتوب ولا يجيني
عقبها ماعاد امر البيت مره
-
كان عبدالعزيز منزل رأسه يضغط بجواله حس أن فيه شيء قدامه تحرك رفع رأسه يحسبها امه جت لانه اتصل عليها من شوي الا ويعقد نضراته من شاف انها بنت شعرها طويل لابسه عنابي ابتسم توقع أنها انهار ورايحه تعطيه إياه مع الباب الثاني راح باتجاها وقال : انهار ، انهار
غيداء نزلت عشان تاخذ كعبها الا وتسمع صوت خشن خلفها اخذت كعبها ولفت بتشوف مين طاحت عينها بعين عبدالعزيز الا وتتجمد بمكانها بصدمه
عند عبدالعزيز كمل يمشي بتجاها من شافها ماردت عيله طالع فيها لما نزلت وأخذت شيء من الأرض لاكن اول ماشفت وقف بمكانه بصدمه من تاكد انها ماهي انهار طالع فيها بنضرات دهشه وصدمه من الشخص الي واقف قدامه مايدري ملاك ولا بشر طالع في عيونها للحضات من نضراتها عرف انها غيداء الي قدامه كان مصدوم من جمالها كانت قممه قممه بالجمال والانوثه وملامحها الجذابه الهادئه ماكانت حاطه شيء بس حاطه مسكره وعيونها الوساع الشوي ناعسه وحواجبها المرسومه كانت لابسه فستان عنابي وشعرها الطويل لما نزلت تاخذ الكعب بأن شوي من ضهرها المكشوف قدامه ، كانت اجمل اجمل بكثير مما تصور حتا أنها اجمل انسانه شافها قدامه كانو ايدينها عارين وهي اصلا بينا حرفيا سرح فيها لثانيه وكانت هالثانيه كفيله أنها (تضيع علومه)
غيداء اول ماشافت أنه عبدالعزيز قدامها فتحت عيونها بصدمه لأنها طالعه قدامه وهي كاشفه وملابسها ماهي ساترتها كون أنه مايحل لها شهقت بصدمه وحطت ايدينها علي وجهها وأعطته ضهرها
هينا عبدالعزيز استوعب علئ نفسه أنه داخل بقسم الحريم وقدامه غيداء الي ماتحل له لو شافه احد اكيد يفهم غلط علئ طول بدون تفاهم سحب نفسه وطلع من قسم الحريم بسرعه ودخل بأقرب مجلس قدامه ، كان قلبه يطق بسرعه ماهو مصدق الي شاف قبل شوي ! الي قدامه قبل شوي هي غييداء ماغيرها خطيبته وحبيبه روحه !! ماكان متوقع انها كل هذا الجمال والشيء الغريب أن اخواته ولاعمرهم قالوا له انها جميله جمال صاعق ، ماهو مصدق أن كل هذا الجمال بيكون له وهو مو داري كان أكثر شيء انعجب فيه شعرها الطويل كان يحب الشعر الطويل بشكل كبير ماتوقع أن غيداء شعرها كمان طويل عرضت ابتسامته من طرأ في باله ابيات شعر عن وصفها دخل التوتر بابتسامه لانه بيغرد فيها تغريده بعد ما شافها لاول مره وبدا يكتب وهو ينعاد شكلها في باله ..
من يقول الزين ما يكمل حلاه ؟
كلشي في حبيبي اكتمل
الله الي كمله والله الي أعطاه
مابقئ للزين في خلي معه
العيون احلئ من عيون المها
شافها قلبي وصفق واحتفل
نضرته من فتنته شعلة حياه
والجفون من الحيا فيها كسل G ..
