تعبت ارقب لـ طيفك ياخلي مع الافاق
ياليتك تحس بقيمتك عند من يغليك
احنك واداري خاطرك في وصل وفراق
وحبي لك اعظم بس ماودي اوريك
ماهو مثل حب الغير في زحمة الاسواق
مثل حب ابوك اللي على العفه مربيك
تراني افكر فيك يومياً ومشتاق
لاياخذك مني واحدن مايفكر فيك'؟
-
عند اثاري كانت تاركه كل السناكات والأكلات علئ جنب ومنسدحه علئ الكنبه كانت تنتضر متا تصحئ غيداء لاكن سج بها الوقت والتفكير ونامت قامت بفجعه من تذكرت انها بالمستشفئ ومع غيداء طالعت حصلت غيداء قدامها نايمه ومو حاسه بشي تعوذت من الشيطان قامت وناضرت حصلت الساعه 12 ص قامت وتعوذت من الشيطان وراحت الاكلات الي جابت وحصلت القهوه بارده راحت ولبست نقابها وعبايتها لجل تنزل تحت للكفيريا الموجود بالمستشفئ كانت مصدعه علي الاخر ، وصلت وطلبت لها قهوه ساخنه وقعدت علئ الطوايل الموجوده بالكفايريا كانت حاطه يدينها علئ الطاوله ومنزله رأسها والقهوه قدامها وقاعده تفكر بغيداء كان الجوال بجنبها يجنها اشعارات لاكن كانت متجاهلتهن سمعت لها صوت مألوف لها
الممرض من بعيد : دكتور سييياااف
سياف كان واقف عند الكافتيريا ولأبس لبس الدوام كان عنده تطبيق بالمستشفئ
سياف لف له وقال : سم ي دكتور علي ؟
جا الدكتور علي عنده وكانت معاه اوراق لمريض وقعدوا يتناقشون فيها قدام اثاري الي تطالع فيه وهي مصدومه ، بعد ما خلصوا نقاش سياف حس أنو فيه عيون تطالع فيه لف بيسرق النضر عبال ما طلبه يجهز وشاف اثاري قاعده علئ طوايل الكفتيرا طالع فيها بصدمه يحاول يستوعب هذي اثاري بنت عمه ولا وحده تشبها !!!! ، اثاري طالعه فيه واول ما طالع فيها نزلت عيونها بسرعه لجوالها بارتباك تحاول تشغل نفسها ؤ سياف قعد يطالع فيها لثواني بستغراب وصدمه : هذي بنت عمي اثاري ! وش جابها هينا ! ليش جت هنا ! كيف موجوده لحالها بالمستشفئ وبذا الوقت المتاخر أستغرب وقعد يفكر بمليون تفكير لف من اول ماناداه الباريستا أن قهوته جهزت لف وأخذ القهوه وحاسبها بعدها لف لاثاري وقعد يطالع فيها بستغراب طالع جوالها وماكان موجود عندها أحد وقاعده بالطاوله لحالها ، قامت اثاري من قدامه من حست انه أحرقها بنضراته وتندمت الف مره ليش تنزل هينا ، سياف اول ماقامت اثاري من قدامه تاكد انها هي وضحت عيونها وكانت نفس عيون البنت الشي شافها ونفس زولها راحت اثاري متجهه للاصنصير هينا سياف عجز يمسك نفسه راح وراها علي طول بيسالها وراها جايه هينا وبذا الوقت المتاخر
اثاري كانت تضغك بجوالها وهي حدها ندمانه ليش تنزل وقفت ووققف كل خليه بجسمها من ناداها سياف مع ورا باسمها
سياف بصوت شبه عالي : اثاااري
وقفت برعب كيف عرف اسمها وويش الي يبي منها لفت وطالعه له وكان واقف قدامها ولأبس لبس الدكتور والقهوه بايده وشعره مرجعه لورا وكانت ملامحه حادددده حيل ارتجفت كل خليه بجسمها برعب من شكله قدامها كيف أنه هيببه هييبه هيبيه وملامحه جدآ جمييله وقوييه وحاده انربط لسانها وهي تطالع فيه بصدمه ! ، سياف ابتسم من تاكد انها هي نفسها اثاري مو وحده غيرها قال لها بابتسامه هادئه : السلام عليكم المعذره علئ الازعاج بس عادي اسالك سؤال
اثاري نزلت عليها السكينه من شافت ابتسامته الهادئه وقالت : اهلين وعليكم السلام تفضل ؟
سياف ابتسم ابتسامه عريضه ماتوقع أنها تعطيه وجه وقال : عسئ ماشر ليش انتي هينا لوحدك ؟ فيك شيء احد فيه شيء ؟
اثاري وهي تشتت نضراتها عنه قالت : مايجيك الشر لا بس غيداء ارتفعت معاها الحراره وكتبوا لها ترقيد وانا رافقت معاها .
سياف : اها من متا وانتوا هنا وين العيال ماجوا؟
اثاري : من المغرب العيال طلعوا يغيرون جو من تقفل وقت الزيارات وانا بقيت عندها
سياف : اها تقوم بالسلامه أن شاء الله وماتشوف شر
اثاري : أن شاء الله ، مبروك التعين .
سياف ضحك وقال : الحين تطبيق...سكت من نادته سستر بدلع : دكتور سياف
سياف طالع فيها وقال : هلا ؟ ، كانت البنت محجبه وبيضاء ولابسه عدسات وكانت مررره تجننن
السستر جات لقدام اثاري ووقفت بينها وبين سياف وقالت : تعال معاي المختبر بنحلل بعض الأمراض
اثاري طالعه فيها وفوقاحتها كيف وقفت بينها وبينه وكانت قريبه منه حيل وغير عن كيذا كيف وقفت قدامها بكل قله احترام كانه شاطفتها ، بعدت اثاري عن خلفها وصارت يمين سياف بس عشان تناضر لوجه البنت الدلوعه وحصلتها مزززه
سياف : كلمي محمد انا الحين خلصت تطبيقي الرسمي وبطلع
السستر بدلع : اووف تكفئ طالبتك محمد الحين قاعد يطبق مع الانسه امال وريان مع الانسه هدئ
اثاري فتحت عيونها بصدمه من الدلع الي قاعده تدلعه سواء بحركاته أو كلامها وكانت واضح من كلامها انها كذابه بس تبي سياف يجي معها طالعه بسياف تبي تشوف هو يوافق ويروح معاها مثل الكلب ولا يصير رجال ويقعد بمكانه
سياف بتوهقه : اااء صراحه مادري انا مشغول حالياً بسوي كم شغله هنا بعدين اطلع برا
السستر بطفش ودلع : لاتخاف مراح أخذ من وقتك كلها 10 دقايق بس
سياف بتوهقه وهو مايبيها قال : اااو...سكت من قاطعته اثاري وقالت : ماتسمعين الرجال مشغول خلص مايقدر يروح معك !!
سياف طالع فيها بصدمه ماتوقع أنها تتكلم
السستر بدلع : معليش ماحد طلبك تتكلمين
اثاري فار دمها وقالت : ايش قله الادب ذي انتي ماتخافين من ربك ماعندك أهل يربونك ؟
السستر طالعه فيها بعصبيه وقالت وهي تقرب منها : ايش ايش ايش ؟؟ عيدي كلااامكك !!!!!!!
سياف أنصدم وعرف أنها راح تصير مشكله وتطيح علي راسه اخر شي وقال وهو يوقف بينهن : لو سمحتن مانبي مشاكل
السستر لفت لسياف وبدلع قالت بدموع التماسيح عشان تكسب مودته : انت قاعد تسمعها ايش تقول ذي !! قاعده تهين شرفي
اثاري طالعه بدموعها وقالت وهي تصفق يدينها : عشتوا انتي ودموع التماسيح اقول ضفي وجهك واستحي علي عمرك شويه إذا ماخفتي من ربك خافي علئ مي وجهك علئ الاقل
سياف حط أيده علئ راسه يشتت نضراته بتوهق بالمصيبه الي طاحت علئ راسه من ثالث يوم له هنا قال : لو سمحتي ي لين بعدي شوي مانبي مشاكل
السستر طالعه فيه بصدمه أنه مايعرف ينطق ااسمها صح كان لها ثلاث ايام قاعده تلاحقه وتمشي معه اخر شي مكان يعرف ينطق اسمها فار دمها من القهر وقالت : اقسم بالله اني ماراح اخليك ي الحقيره
اثاري بتشمق : اننننن اعلي مابخيلك اركب به ، وراحت تاركتهم متجهه المصعد
السستر طالعه بسياف وقالت وهي تمثل الحزن : ليش تمسكني عنها !! انت شايف كيف كانت تهيني ودافعت عنها وانت ماتعرفها وتركتني وراك !!
سياف : المعذره ي لين
السستر بحده : ليان ! مو لين
سياف كان عارف نيتها من اول وكان يتجاهلها بس الحين يبي يحط لها حدود بنفس الوقت اثاري تطلع منها سليمه وماتصير اي مشكله قال بكذب : شوفي ياليان كلشي له حدود ومابي مشاكل من اول اسبوع تطبيق لي هنا اولا ثانيا هذي بنت عمي وخطيبتي اتمنا مايصير اي مشاكل من بعد اللحضه هذي ، ثالثاً انا وقت تطبيقي خلص روحي دوري اي دكتور غيري تطبقين معاه .
ليان نزلت عليها الصاعقه من عرفت أنه خاطب ماتوقعته متزوج عشان كذا كانت بتجيب رأسه واتقهر باقي الممرضات الي كانوا مكرشين عليه لاكن ماتجرؤا وقربوا منه من شكله الهيبه وملامحه الحاده قالت صدمه : انت خاطب ؟؟؟
سياف بكذبه : اي نعم اتمنا من الحين تحطين بينا حاجز الاحترام والرسمية عشان مانعصي ربنا .
-
عند اثاري ركبت فوق وهي حدها مقهوره علي دلع البنت كيف أنها تتدلع وتبكي قدامه دموع التماسيح دخلت الغرفه وحصلت غيداء توها صاحيه وقاعده تنادي علئ اثاري .
غيداء بتعب : ااااثثثارري ؟؟
اثاري جت عنها وقالت : هلا جيت
غيداء طالعه فيها وقالت : فينك لي ساعه اناديك !
اثاري : نزلت تحت اجيب قهوه واجي ليش فيك شي حاسه بشيء ؟
غيداء طالعه فيها وقالت : جوعانه جيبي الاكل
اثاري قامت وجابت الوجبات وقالت : اتوقع أنهن شوي باردات ، فتحتهن وحصلتهن حارات قالت : من حضك طلعوا ساخنين
غيداء بتعب : جيبي ماعليه اهم شيء اكل لان احس جسمي مره ثقيل .
اثاري جت عندها وقالت : وش اكلتي اليوم ؟
غيداء وهي تقوم وتعديل جلستها : ما اكلت شي نهائي
اثاري بصدمه : كيففففف !!!!!!
غيداء ضحكت بخفه وقالت : ولله امي صحتني علئ طول ياخي لو تشوفين الي صار لي اههخ هههههه
اثاري وهي ترمي نقابها وعبايتها قالت وهي تجلس عندها : ليش وش صار ؟
غيداء : صحتني علئ طول ولما عرفت اني مريضه انا مادري كيف عرفت عندها قوه خارقه ماشاء الله سحبت الغطاء مني وحطت أيدها هي تشدني للحمام بدون اي تفااهم وتصب عليه المويه
اثاري : هههههههههه احساس الام سبحان الله ، ايوه كملي وش صار ؟
غيداء : حرمتني من الدفايه حلفت دين أني ما اقرب لها وتلبست وانا ميته برد بعد ماصليت دخل علينا سامي وحجاب لي هديه ميلادي باقه ورد كبيره وجواتها ايفن اخر اصدار بس امي قاتله اللحضات السعيده حلفت بالله اني راح اروح للمستشفئ ولا راح تحرمني منكم .
اثاري : الحمدلله والشكر الي حلفت عليك اتوقع لو مارحتي كانك الحين بقبرك
غيداء سكتت وقالت بضحكه : اشي لو تدرين اليوم اول ماوصلت المستشفئ بحين مانزلت من السياره فجاه القئ سواد اتوقع انه أغمي علي لاني حصلت نفسي جوا الغرفه والمغذي بايدي وسامي نايم قدامي.
اثاري نزلت راسها من تذكرت كلام السستر لها وقالت : المهم ماعلينا شكل فيك نقص دم
غيداء : مادري عاد ، قعدوا يسولفون لساعات طويله وياكلون حلا وأثاري تحاول تغير جو غيداء 180 د ماتبي تذكرها بعبدالعزيز عشان حالتها النفسيه ما تدمر ، وانتهت ليلتنا علئ خير ..
مساء ثاني يوم علئ بطلتنا بالمستشفى ، كانت بالصباح زاروها ابو سامي وام سامي وكان معاها فطور وزهورات وعلي العصر جت عندها غرور ورسن ضد عندها بعد ماوصلهن العلم ..
كانت أم سامي جالسه مع غيداء وحوالينها البنات يسولفون ويضحكون يغيرون من نفسيه غيداء كانوا رسن وغرور جابوا معاهم حلا وقهوه طالبينهم قعدوا يسولفون
غرور وهي ميته ضحك : مستحيل ولله مو انا !!
اثاري وهي تضحك قالت : اقسم بالله انتي
كانت غيداء متربعه علي السرير وتسمع سوالفهم انفجرت تضحك ضحك هستيري
ام سامي طالعه بغيداء وقالت : غيداء قصري صوتك !!
رسن قامت وحطت ايدها علئ فم غيداء تحاول تسكتها وقالت : تكفين تكفين اسكتي مو ناقصين فضايح
غرور : بسم الله ضحكتها عباره عن شهقات
اثاري وهي تطالع بغيداء وقالت : ضحكتها الاصليه ماشاء الله عليها شهقات حمار
غيداء وهي تبعد رسن عنها وتمسح دموعها قالت : الله ياخذ عدوك ياغرور
غرور طالعه فيها وقالت : ييمه انتي تصدقين اثاري !!!!!!!!
اثاري : أقسم بالله صادقه رسن ماتتذكرين يوم قلتها لك ؟؟؟
أم سامي نزلت جوالها وقالت : وش قاعدين تضحكون عليه سوالفكم ماهي مفهومه
البنات طالعوا لبعض وانفجروا ضحك مره وحده ، ام سامي قعدت تطالع فيهن بضحكه وقالت : مافي شي يضحك ليش تضحكون ؟
اثاري وهي تهمس لغرور وهي ميته ضحك قالت : مسكينه خالتي مادرت أننا نسولف بالغاز
غيداء كانت تسمعها وهي تضحك وقالت : الغاز ولا دبه ههههههههااااي ، وصفقت يدينها
رسن قعدت تضحك علي ذبتها : هههههههههههه
غرور : ههههههههههه حلوه حلوه اعجبتني
اثاري : هههههههه ياخي ولله أن حنا سخيفين
غيداء طالعه أمها الي حاطه أيدها علئ راسها وقاعده تضغك بجوالها قالت بصوت همس : أمي ساكته ومتحمله ههههههههههههه
غرور : وربي هههههههههههههههههههه
أم سامي طالعه بغيداء وقالت : اشهد ان مافيك بلا مادري علي ايش قعدوك هنا
غيداء : شفتي قلت لك مافيني شي بس انتم معندين ألا وإني اقعد هنا
اثاري طالعه بغيداء وقالت : ياغبيه تحاليلك لسا ماطلعت
غيداء : مافيني شي الحمدلله اوف انكتمت من المستشفئ ابي اطلع
إم سامي : بكرا أن شاء الله يكتبون لنا خروج ونطلع .
اثاري طالعه بام سامي وقالت : خاله ترا مايسمحون الا بمرافق واحد
أم سامي : ادري انا بقعد عندها وانتي ارجعي لأهلك
اثاري : لاولله ياخاله انا الي بقعد عندها أنتي ارجعي واقعدي عند عمي يكفي انك من الصباح جالسه هنا
أم سامي : لاولله يابنتي محد يقعد عندها غيري .
غيداء : يمه اثاري ماورها الشغله خليها تقعد عندي ومنها تونسني وانتي ارجعي لابوي وسامي انا شوفيني مافيني شيء بس اسم اني مرقده .
ام سامي : لالا انا يجلس عندك وبطلع معك.
اثاري : لاياخاله حلفت انك راح ترجعين البيت انا ماعندي الشغله وامي قالت اقعدي عندها لاتتعبين خالتك
أم سامي : متاكده امك قالته ؟
اثاري : ايوالله العظيم
أم سامي : أجل برجع البيت بتصل علي السواق يجي من تبي تمشي معي ؟
غرور : انا ي عمه ، يخساره نفسي اجلس هنا
رسن : اي والله احس وناسه
إم سامي : تمشين معنا يارسن وقت الزياره الحين يقفل
رسن : ايوه ي عمه
إم سامي اتصلت علئ السواق وقال إنه عشر دقائق ويكون جاي
عند البنات كانوا يلبسون عباياتهم ويسولفون
غرور : الله يا بنات مو باقي شي واتخرج واتوضف هنا علئ خير
أم سامي : الله يوفقك يابنتي وان شاء الله نشوفك باعلي المراتب باذن الله
غرور : ياروحي ياعمه
رسن بفخر : وانا بعد مو باقي الا القليل وينادوني المحاميه رسن عبدالله احححح
غرور : اتخيل ينادوني دكتوره غرور خالد ياااععع الله تحمسست متا اتخرج
غيداء : ياويل الي يشغلكم عنده اشهد انه راح فيها
غرور : يمامي علئ الغيورين هههههه
اثاري : الله انا وغيداء راح ندخل نفس الشركه وبعدين نسوي لنا شركه خاصه فينا
غيداء : ايولله متحمسه حيل وأخذ الماجستير
رسن : أن شاء الله ماعلي الله عسير راح تتخرجين وتدرسين الماجستير والبكالريوس وتطلعين من الاوائل انتي وأثاري
أم سامي كانت تسمع كلامهم وكانت مبسوطه عليهم صح أنهم شله ضحك ومصايب لاكنهم بانين مستقبلهم من الصفر ، دق الجوال وكان السواق تحت قالت لهم أم سامي ونزلوا كل البنات وام سامي تحت وفضت الغرفه .
طاحت غيداء علي السرير وقالت : ابوك يا الطفش
اثاري : توهم ماطلعوا من المستشفئ عشان تطفشين !
غيداء وهي تناضر لسيروم المشبوك بايدها وقالت : اخخ يا الابر موتوني فيهم وهم ماغير يبطون شوفي ايدي كلها كدمات منهم
اثاري وهي تضغط بجوالها قالت : نفسي اسوي مغامره بالمستشفئ قبل اطلع
غيداء : ولله ودي بس اخاف اني اضيع
اثاري نزلت جوالها وقالت : ماعليك انا ادل الطريق حفضته أمس لما رحت أخذ قهوه من تحت
غيداء : يلا بس خليهم يقفلون وقت الزيارات اخاف اطلع ويشوفني سامي ويحش رجولي
اثاري : هههههههههههههههه اتخيل شكلنا وحنا نتمشاء يداهمونا جاسر وسامي .
غيداء ضحكت وقالت : لا يدورونا بالغرفه مايحصلونا ويوم يدورونا ويحصلونا يمسكونا بالجرم المشهود هههههههه أننا طالعات .
-
~ في مكان بعيد بعيد عن نجد العذيه ~ مكان اول مره اخذكم معي .. عند مبنئ قديم من الأحياء القديمه في قريه صغيره جدا وقديمه كانوا متواجدين فريق معسكر مكونين من 5 أشخاص وسادسهم عبدالعزيز كانوا فريق معسكر كل واحد جاي له من مدينه والي جاي له من قريه
____________________________________
تعالو اعرفكم علئ الشخصيات الجديده ..
1-عبدالعزيز بطلنا
2-منصور يبلغ من العمر 30 سنه رئيس الفريق
3- جارالله يبلغ من العمر 30 سنه
4-تركي يبلغ من العمر 29
5-فهد يبلغ من العمر 28
6- نايف يبلغ من العمر 27
___________________________________
كانت الشقه فاضيه كليا كنوا جنودنا بالخارج يحاربون لجل يحمون بلاد المسلمين
كان عبدالعزيز لابس البدله وكان هو وباقي أصحابه جالسين بمكانهم المخصص ويحاولون يصوبون العدو كانت العصابه من الجهه الثانيه مسلحهه ومستمره بإطلاق النار بشكل مستمر
كان عبدالعزيز يوقف ويطلع الرصاص ويرجع يقعد في مكانه كان العرق يصب منه صب ويتنفس بسرعه البرق وكانوا باقي الفريق يحاولون يشتتون العدو عشان يصوبون عليه لاكن كان العدو اقواء بكثير
عبدالعزيز قام واطلق الرصاص بشكل مستمر وجلس بسرعه ضحك وقال بابتسامه : شكلها بتكون أكثر مهمه صعبه مدام البدايه كذا قويه
جارالله من بعيد وهو يطلق النار جلس وقال : ماعليك بننتصر عليهم باذن الله
تركي : باذن الله
منصور بصراخ : يارجال تركييز تركييز العدو قاعد يقرب منا ضاعفوا كميه الرصاص !!!!!!!
فهد : الرصاص الي عني بيتفذ !!!!.
نايف طش له شريط الرصاص وقال : فههد امسك
أخذ فهد الشريط وبدا يدخله بسلاحه ويرجع يقاتل
منصور بابتسامه : الطلقات النارية خفوا شكل الرصاص خف عندهم
جارالله بصراخ : هذا كميين يرجال انتبهوا !!!! لأحد يطلع بيتصاوب علينا !!
-
عند ريناد وانهار كانوا رايحين المول يجهزون الدبش لزواج ريناد وكانت ريناد قاعده تعيش اجمل لحظات حياتها قاعده تجهز لزواجها مع صديقت الطفوله بنت عمها واخت لقلبها كانت ريناد حيل متوتره وانهار الحماس ضارب مليون عندها وتجهز معاها وتنسق معاها بكل حب وفرحه لها
-
عند غيداء ورسن كانت س 10 باليل
غيداء نزلت جوالها بطفش وقالت : تمشين
اثاري : فين
غيداء : مو انتي تبين نسوي مغامره ؟
اثاري : لا خلص احس اني مو مرتاحه
غيداء قامت وقالت : انا بروح انزل للكفتيريا تحت طفشت من الغرفه .
اثاري قامت معها وقالت : يلا امشي ، تدرين من قبل شوي تمطر برا
غيداء : ايوه اشوفهم بستوريات البنات اللهم زد وبارك .
اثاري : أجل خلينا ناخذ قهوه ونطلع برا
غيداء : لالا ابي اطلب من كوفي احس هونت مابي من الكفتيريا
اثاري : كيفك اطلبي لي معك
اخذت غيداء جوالها ودخلت المنيوا الكيوفي وطلبت لها قهوه ولاثاري قهوه وحلا بعد دقائق طفت جوالها وقالت : يلا امشي تحت عبال مايوصل الطلب
اثاري : اوكي ، قامت غيداء وأخذت كيس السيروم المعلق وطلعوا برا الغرفه وقعدوا يسولفوا لما نزلوا لدور الاول راحوا متجهين للباب عشان يطلعون برا
وقفت غيداء بصدمه وقالت : هذا مو سياف ولد عمي عبدالله !!
طالعه اثاري اتجاه الي تأشر له غيداء وحصلت سياف متجه ودخل وحده من الغرف وقالت : ايوه قابلته أمس بالصدفه
غيداء طالعه فيها وقالت : اسالك بالله !! يعني هو متوضف هنا ؟
اثاري : لؤء يقول إنه جاي يطبق هنا
غيداء طالعه فيها وقالت : اهاه يعني سوالفتي معاه
اثاري : ايوه هو جاء لعندي وناداني كيف عرفني انا ما ادري المهم ماقلت لك وش صار امس اهخخ انقعت مرارتي
غيداء طالعه فيها وقالت : وش صار ؟
اثاري : تخيلي في وحده مصروعه الله يقرفها جايه عند سياف وتطلبه يجي يطبق معاها البسله أنها تدلع وياي عليها البنت مزه لنا أنا خقيت عليها اشي سياف
غيداء طالعه فيها وقالت : لاتقولين انك تهاوشتي معاها !!
اثاري : تبغين اخليها سفلت فيها قدامه هذا الي ناقص تحاول تغريه وتشده لها البلشه اشوف علئ وجه سياف الي متوزم فيها
غيداء طالعه بغيداء وقالت بضحكه : وانتي ليه هاوشتيها ههههههههههه
اثاري طالعه بغيداء من فهمت قصدها وقالت : ياسخفك ي غيداء عشان كذا انا ما اقولك
غيداء طالعه فيها وقالت : ولله احس قلبك يحبه
اثاري طالعه فيها وقالت : ولله ما احبه ياسخفك !!!
غيداء : انا قلت قلبك يحبه مو انتي بعدين راح تفهمين قصدي .
اثاري طنشت غيداء وقالت : اصلا لو هو اخر شخص بالعالم مستحيل اتزوجه
غيداء : ههههههههههه ليييييهه ؟؟
اثاري : تخيلي بعدين يعرف اني نفس البنت الي صدمته يييووعع يلفشيله
غيداء : يربي دراما اصلا وش الي دراه انك نفس الشخص الي صدمه صح هجيتي علئ طول
اثاري : ايوه هجيت علي طول بس اكيد شافني... سكتت من شافت نفس البنت المحجبه الي امس داخله المستشفئ مع صديقاتها اثاري وهي تنعز غيداء : غيداء غيداء شوفيها هذي نفس البنت الي امس
غيداء طالعه فيها وكانت لابسه لبس التمريض ومتحجبه ولابسه كلمه كانت عيونها وحواجبها جدآ جميله وجذابه وبياض بشرتها وصوت ضحكتها هي وصديقاتها قالت : البنت تصرع اكيد فيها عرق اجنبي ..
اثاري : ايوه اقولتس انا خفيت عليها اشي سياف
غيداء : الله يقرفها يمه يا صوتهم وضحكهم وسوالفهم واصل لعندنا
ليان شافت اثاري الي تطالع فيها وعرفتها علي طول عرفت انها نفس البنت الي يقصدها سياف أنها خطيبه لفت لصديقاتها وتكلمت معاهم شوي وكانوا يطالعون فيها ثم يرجعون ويتكلمون
اثاري وغيداء كانوا يطالعون فيهن بستغراب قالت غيداء : اثاري شكلهم عرفوك
اثاري : اي الحين تجي نكمل هوشتنا الي امس
غيداء كانت عاجزه عن الهوشات وقالت وهي تشدها : امشي معاي مو ناقصه هوشات ، راحت معاها اثاري لبرا بالمطر وقعدوا يسولفون وهم يشوفون المطر دق المرسول علي غيداء وقال إنه متواجد برا قالت غيداء : انا واقفه قريب من باب المستشفئ نزلهن وانا اخذهن
المرسول : اوكي
كانت غيداء وأثاري يناضرون الباب الباب ينتضرون وصول المرسول ، ليان من وراهن : انتي يابنت ؟
غيداء وأثاري لفوا لها بستغراب وحصلوا ليان وصديقاتها معاها
ليان وهي تأشر لاثاري من فوق لتحت : انتي ايش اسمك
اثاري طالعه فيها وقالت : وشدخلتس ؟
غيداء كتمت ضحكتها علي قصف اثاري للبنت
البنت ضحكت وقالت : ولله الصراحه مادري ايش شايف فيك سياف لاجملل ولا اسلوب مدري علئ ايش خاطبك
اثاري طالعه فيها بستغراب وقالت : عفوا وش قاعده تهبدين وش دخل سياف الحين ؟
صديقت ليان امال : يعمري غارت الاخت ههههه
صديقتها هدئ : ههههههههههههههههاي استغفرالله
اثاري طالعه بغيداء وقالت : فهمتي شيء ؟
غييداء طالعت بالمرسول لما نزل الاغراض وقالت لاثاري : الطلب وصل بستلمه ، وراحت
اثاري طالعه بغيداء لما راحت ولفت للبنات تطالعهن وقالت : انتوا عن ايش تتكلمون اغار من ايش ؟
ليان : هههههههههههه ذي تستغبي علينا أو تنكر أنها خطيبه سياف
اثاري فتحت عيونها بصدمه وهي توها تستوعب كلام البنات لها قالت بشك : مين قالك أننا مخطوبين ؟
ليان استانست لما شافت اثاري عصبت وقالت بكل انوثه عشان تقهرها : سياف أمس قاله قالي انك خطيبته وبيعزمني علئ زواجكم أن شاء الله
اثاري طالعه فيها وحست أنها كذابه وتحفر الشر وقالت عشان تقلب الطاوله عليها : ومين قالك اني يتشرف فيك اصلا ؟ مكانك عند الزباله مو عندي هنا انتي وصحباتك ، وراحت وتركتها .
ليان فتحت عيونها بصدمه ولفت لصديقتها بصدمه وحصلتهم يناضرون لها بصدمه حتئ هم
-
عند اثاري جت عند غيداء واخذت اكياس الطلب منها وراحت راجعين للاصنصير
غيداء طالعه لاثاري وقالت : وش كانوا يقولون ذول ؟
اثاري : ولا وحده جايه تفتن وتقول إن سياف يقول اني خطيبته وبيعزمها علئ عرسنا أن شاء الله
غيداء طالعه فيها بصدمه وقالت : سياف يقول كذا !!!
اثاري طالعه بغيداء وقالت : لايكون صدقتيها ؟
غيداء : ايوه وش قلتي لها عاد ؟
أثاري : قلبت الطاوله عليها وقلت مستحيل اتشرف بوحده مثلك وسكتت شكلها صدقت أننا مخطوبين ههههههههههه شفتي الي يقول كذب الكذبه وصدقها
غيداء : طيب يمكن لبنت صادقه أن سياف قال كذا
اثاري طالعه بغيداء وقالت غيداء بضيقه : انتهي يا اثاري لاتغلطين مثل غلطتي ترا سياف اخو عبدالعزيز أكيد أنهم نفس الطينيه
اثاري : غيداء البنت واضح انها كذابه لأنها قالت لي امس مستحيل اتركك اكيد هذي راعية شر وبتفتن بيني وبين سياف .
غيداء اخذت نفس بضيفه وقالت : انا بس انصحك ي اثاري لاتغلطين مثل غلطتي ، ماتدرين يمكن كلام البنت عن سياف صدق .
اثاري غيرت الموضوع من شافت الحزن علئ غيداء وقالت : المهم ماعلينا منهم شرايك نتابع فلم
غيداء : طيب بس اول شي بصلي الوتر واقرا شوي من سوره البقره بعدين اجي ونتحلا ونسهر مع بعض .
اثاري : طيب .
-
عند عبدالعزيز دخل الشقه هو والعيال وكان حده ميت تعب راح علئ طول وفرش سجادته وبدأ يصلي الوتر قبل ينام لانه اتفق مع نفسه أنه مراح يترك الوتر وبيصليها يوميا ، بعد ما انتهي من صلاه الشفع الوتر دخل عرفته وكان فيها فيصل وتركي مشاركينه بالغرفه طاح علي السرير ونام نومه عميقه ..
......وانتهت اليله علئ خير .....
صباح الخير علي نجد العذيه وتحديدا في مستشفى ***** كانت الساعه 10 الصباح يوم طلوع تحليلات غيداء وخروجها من المستشفئ كان سامي موجود بيطلع التحاليل وياخذ غيداء كانت غييداء مجهزه شنطتها وكتبوا لها خروج بس ينتضروا الدكتور المباشر علئ حالتها ووصل
الدكتور : السلام عليكم
سامي : وعليكم السلام
غيداء طالعه بالدكتور وقالت : وعليكم السلام
الدكتور : الحمدلله علئ سلامتك واخر الاوجاع أن شاء الله
غيداء : الله يسلمك
الدكتور وهو يطالع بالاوراق قال : النتائج كلها سلميه الحمدلله والشكر بس ي غيداء فيك نسبه كبيره انك تصابين بمرض عضله القلب بسبه حزنك وتلخبط الهرمونات لاكن مع العلاجات أن شاء الله بنصيطر عليه من بدري وبنضعفه قبل يصيبك واذا انتضمني بالعلاجات أن شاء الله مايصيبك الا كل خير
سامي كان يسمع الدكتور وهو لسئ مو مستوعب كلامه
غيداء كانت تسمع كلامه الي مثل الصاعقه نزل عليها لفت من سمعت شهقه اثاري ورجعت طالعه بالدكتور
سامي بتلعثم : كيف يادكتور ؟ غيداء مصابه بذا المرض !!!
الدكتور : لا أن شاء الله لاتخافوا المرض مع الاشعه كان ببدايته وان شاء الله مع العلاجات نقدر نصيطر عليه ونضعف العضله للين ما يختفئ ذا المرض كليا
سامي طالع بغيداء الي قالت بارتجاف : يعني انا مريضه بالقلب يادكتور ؟؟؟
الدكتور ضحك عشان يخفف عليها التوتر وقال : انتي مافيك شي بس نسبه خفيفه بعضله القلب بسبب حزنك وكثره بكائك لاكن حنا اكتشفناه من بكير وراح نصرف ليك ادويه تنتضمين فيها خمس خمس شهور او اقل وراح يتلاشئ هذا المرض ويختفئ كليًا أن شاء الله وعليك بالدعيه لنفسك .
سامي تنفس براحه وقال : يعطيك العافيه يادكتور تعبناك معنا
الدكتور ابتسم : ولو العفوا . وراح ، كانت غيداء متجمده بمكانها من هول الصدمه طالعه بسامي الي مسكها وقال : يلا مشينا للبيت .
غيداء طالعه بسامي وقالت : سامي انا مريضه قلب ؟ يعني انا راح اموت ؟؟
سامي طالع فيها بصدمه وقال : لا أن شاء الله !!! انتي ما انتي مريضه ولا هم يحزنون انتي فقط فيك نسبه مرض بعضله القلب ومن حسن حضك أنهم اكتشفوا بدري وبيعالجونه قبل يثبت فيك !
اثاري : غيداء لاتخافين مع العلاجات راح يتلاشئ وحنا معاك لاتخافين
سامي أخذ شنطت غيداء ومسك غيداء مع كتفها وقال : يلا مشينا للبيت
غيداء كانت مصدومه وماهي مصدقه ولا كلمه قالها لها الدكتور طلعت من المستشفي هي وسامي وأثاري وكان الجوء هدوء كان كل واحد ساج بأفكاره بعد دقائق طويله بالسياره مليانه بالهدوء وصلوا الاقصور ونزلوا اثاري عند بيتها وكملوا ودخلوا السياره للكراج ونزلت غيداء وسامي من السياره ،
سامي : غيداء ياروحي لاتخافين مراح يصير لك شي انتي بس اصعدي فوق وريحي شوي وخذي لك غفوه عبال ما يجهز الغداء اهم شي لاتشغلين بالك ياروح اخوك .
غيداء بكل هدوء : اوكي ، وراحت صاعده الدرج لغرفتها دخلت غرفتها نزلت عبايتها علي الطاوله وراحت طايحه علي السرير هاربه عن الدنيا ومافيها..
~ بعد مرور 3 اسابيع ~
مرت الايام بصعوبه وكانت غيداء لازم تقوي حالها وتقتنع فا الي الله كاتبه لها وتتحمل فتره العلاج عائله ال عبدالعزيز كلهم عرفوا بمرض غيداء والكل صار يدعي لها الي يقول عين والي يقول شكله حسد ، ام سامي وابو سامي لما عرفوا حزنوا كثير كثير علئ بنتهم وكانوا منهارين أكثر منها لاكن كانوا يمثلون القوه والثبات قدامها مدامها فتره ويختفئ المرض كان لازم يساندونها باصعب ايام حياتها ،بذي الفتره سياف تخرج رسمي وأخذ شهادة وابو نياف سوا له أكبر عزومه فرحه لتخرجه وعزم كل اهل نجد العذيه وام نياف سوت له حفل علئ تخرج ولدها وعزمت كل نسوان القريه وكانت مبسوطه بس كان ناقصهم وجود عبدالعزيز .
عند جهه ثانيه عند عروستنا ريناد كان متبقئ اسبوعين علئ موعد زواجها وكان الكل فرحان لها ومتحمس حيل لها بجانب ثاني كانت محكمه رسن قبل زواج ريناد ، كان متبقي للمحكمه يومين وماكان احد داري كانوا مخلين الوضع سري لانه احتمال كبير خالد الي يكسبها مكانوا عارفين ايش ينتضرهم ، بجانب ثاني وبعيد عن نجد العذيه عند بطلنا عبدالعزيز كان جالس بالمبنئ وعند صديقه تركي الي كون صداقه معاه بسبه أنهم بنفس الغرفه وتقريباً شخصياتهم متقاربه كان تركي هو أقرب شخص لعبدالعزيز بفتره المهمه صاروا يطلعون يداومون مع بعض ويرجعون وكانت حياتهم مستقره وماشيه علئ اكمل وجه
-
عند خالد كان جالس بغرفته وجاه اتصال من وسام ورد : هلا وسام ؟
غرور كانت ماره منعد غررفه خالد الا وتسمع اسم وسام وقفت لاشعوريا وبدت تتسمع
وسام : كيف الحال ي خالد وش نوحك ؟
خالد : ولله ابشرك طيب .
وسام : خالد ابي اسالك ؟
خالد بستغراب من نبره صوته وقال : سم ؟
وسام : صديقي ماهر كانت عنده قضيه وصار عنده ضرف ووكلني اصير بداله لما فتحت الاوراق حصلت اسم رسن عبدالله ال عبدالعزيز اول ماخطر ببالي عيال عمك الي صدمتهم عبدالعزيز عبدالله وسياف عبدالله هي اختهم ؟ او هو تشابه بالاسماء ؟
خالد مسح وجهه وقال : يعني انت الي ماسك القضيه ؟
وسام تنفس براحه من عرف أن خالد عارف وقال : ايوه انا
غرور كانت عند الباب وتسمع سوالفهم بصدمه يعني البنت رفعت القضيه على رسن !!!!!
خالد : البنات صار بينهم خلاف وتطاقوا ولمياء حالفه الا والا رسن تاخذ لها عقوبه قويه .
وسام : شوف ياخالد انا مادري عن صحه الكلام الي وصلني بالملف لأكن لمياء الي رافعه القضيه علئ رسن معاها ادله قويه جدا يمكن تودي بنت عمك للهلاك هو انت الي ماسك القضيه ولا محامي ثاني ؟؟؟
خالد بضيق من كلامه قال : انا ماسكها ارسل الملف ابي اشوفه
وسام : الحين أرسله وبتعرف انت من نفسك العواقب الي بتصير ، معاكم بس يومين علئ موعد المحكمه إذا عندكم ادله ولا اي شيء تجاه لمياء قدموه .
خالد : طيب شكرا لوقفتك معي كنت احسبها جلسه عاديه طلع العكس ياخوي
وسام ابتسم وقال : ماسويت شيء .
طفا وسام المكالمه ، قام خالد وراح اخذ اللابتوب حقه وشبكه وشغله بعد ثواني جاته رساله على ايميل وسام فتحه وانصدم صدمه كبيره !!! بالكلام الموجود والادله الي ضد رسن...
.
.
.
.
.
________________________
اعذروني اذا فيه اخطاء املائيه
________________________
عطوني رايكم بالبارت ؟ عطوني افكار أضيفها للبارت الجاي ، نزلت لكم البارت عشان تفاعلكم أمس بالتعليقات وبالخاص حمستوني معاكم 😂💕
