احلى لقى لا صار من دون ميعاد ..
صدفه كذا مثل السماء يوم ترعد !
رشة مطر : ودك بهـا دوم تنعاد ..
احيّت جفاف الأرض من دون موعد
-
ابو سامي ابتسم وقال : ولله ونعم النسب ياخوي وعبدالعزيز ولله اني اعتبره ولدي وغلاته من غلاه سامي ويشهد علي الله أنه كبر بعيني زياده بعد م ساعد بنتي مرتين وانا موافق لاكن اسال البنت وارد لك ..
ابو نياف ابتسم وقال : زين الله يكتب الي فيه الخير
عند البنات كانو يطالعون بغيداء بصدمه وفرح
رسن بصدمه وحماس : الله بنتتتت بتصييرين حررمه اخوووي !!!!
غيداء كانت ساكته ومنصدمه وتطالع فرحه ابوها وسامي وامها
غرور : فدييت المستحيين ي ناااسسوو
اثاري كانت تطالع بغيداء كانت تعرف انها تكره عبدالعزيز كره البين لذالك ضلت ساكته وتناضرها
هيفاء : مبرروك مقدماً ي غيداء .
انهار بحمااس : الله بتصير حرمه اخوي الحيين غيداء يونس
ريناد : بنات شسالفتكم متحمسين للحين م تم الأمر
كانت غيداء ماسسكه بكيتها وتناضر عبدالعزيز الي كان يعطيها بسمه الانتصار
-
نرجع لزمن ورا س 5 الفجر بعد م الكل صحئ راح عبدالعزيز لابوه بعد م صلو وخلصو
عبدالعزيز بابتسامه : صباح الخيير يبه
ابو نياف ابتسم وقال : صباح الخيير ي وليدي
عبدالعزيز : ابي اكلمك بموضوع
ابو نياف : تفضل ..؟
عبدالعزيز ضحك وحك رأسه قال : ولله مدري وش اقولك ي يبه بس ابي اتزوج .
ابو نياف ابتسم وقال : ابشر بخلي امك تدور لك بنت الحلال ، بس وراك مستعجل اخوك سياف لسئ م تزوج
عبدالعزيز ضحك وقال : ولله سياف بيصك الثلاثين وهو لسئ م تزوج ، م يحتاج تدور انا ببالي وحده
ابو نيّاف : ماشاء الله مختار ومخلص ومنهي الي ببالك ؟ أن شاءالله تكون من قرايبنا .
عبدالعزيز ضحك وقال : لالا ابشرك أنها بنت اخوك بنت عمي مشعل .
ابو نياف فرح وقال : ولله ونعم النسب كنت برفض بس مدامها بنت اخوي خلاص نخطبها إذا جينا من البر
عبدالعزيز أنصدم متوقع أنها بذي السهوله وقال : لا ي يبه انا كلمتك الحين عشان تخطيها اليوم ، وبكذبه قال : لاني سمعت واحد من اخوياي بيتقدم لها .
ابو نياف عقد حواجيبه بس ارتاح لما قال عبدالعزيز أن في احد بيتقدم لها
قال أبو نياف : ولله عاد من زمان كنت مخطط ازوجك اياها بس سياف الله يهديه فوقك ورافض أنه يتزوج حالياً عشان دراسته .
نياف دخل بينهم فجاه وركا نفسه علي عبدالعزيز وقال : شسالفه سمعت طاري زواج
ابو نياف ابتسم وقال : اخوك عبدالعزيز بيتزوج
نيّاف فكر بعبدالعزيز وقال : والله ومين تعيسه الحض الي بتقبل فيه .
عبدالعزيز ضحك وقال : احترم نفسك بالعكس أنا سعيده حض
ابو نياف ضحك وقال : بس ي عيال ، بيتزوج بنت اخوي مشعل غيداء .
نياف : أها ماشاء الله ، الله يكتب الي فيه الخير
جا سياف أستغرب وجودهم وقال : شسالفه متجمعين بدوني .
نياف ابتسم وقال : اخس يالشايب الوغد ذا قرر يتزوج قبلك
سياف فتح عيونه بصدمه وقال : أسألك بالله !!!
ابو نياف : اي بكلم امه بعد شوي ويخطب له بنت اخوي مشعل .
سياف قوس حواجبه ويمثل الزعل وقال : وانا ليه م زوجتني ي يبه .
ابو نياف رفع حجاجه وقال : هو انا عقبت فيك جهد كل ما اقولك تزوج تعذر لي بالدراسه
سياف ضحك وقال : لا خلاص ابشرك الحين خلصت دراسه بس خلني اتوضف لي بمستشفئ محترم بعدين اجيك اقولك زوجني .
عبدالعزيز : يوووك ي طول المشوار ، بس عجل علي عشان تتزوج قبلي
نياف : سياف تكفي انت تزوج ما اتخيل عبدالعزيز يتزوج اخاف من بنت الناس لاتجي ثاني يوم وتقول خلوه يطلقني
سياف انفجر ضحك وقال : يبه زوجني غيداء صادق نياف اخاف تجي غييداء ثاني يوم وتقول طلقني طلقني
عبدالعزيز فتح عيونه بصدمه وطالع بابوه يبيه يهاوشهم علئ كلامهم لقئ ابوهم يضحك
ابو نياف بابتسامه ويناضر علي عياله وقال : ولله حتنا م اتخيل عبدالعزيز اصغر عيالي عريس ، باسرع الزمن يمشي واشوفكم كبار وجايين عندي تبوني ازوجكم .
أم نياف جت من ورا وقالت بابتسامه : مين الي بيتزوج؟
سياف جاء عند أمه وقال : أنا يمه ابيك تزوجيني غيداء بنت عمي مشعل
أم نياف فرحت تبي ترد لاكن انصدمت لما عبدالعزيز ضرب سياف وسياف يضحك
أم نيّاف : وراك علئ اخوك تسوي فيه كذا ؟
عبدالعزيز ضحك وقال : يمه انا بتزوج ماهو نياف
أم نياف عقدت حواجبها وناضرت لابو نيّاف وابو نياف اشر لها بمعنا اي قالت : ومين بتتزوج في احد ببالك ؟
عبدالعزيز ضحك وقال : اي بنت عمي مشعل
أم نياف فرحت وقالت : ماشاء الله تبارك الله عاد توي قائله لابوك اني بزوجك اياها مدام سياف مايبي يتزوج الحين
سياف بعناد : خلاص ي يمه انا موافق اتزوج زوجني اياها .
عبدالعزيز سحب عقاله وقال : اذلف ، انت حتا بالزواج ناشب لي وتعاند
سياف ضحك وقال : شفت حتا شقتي بخليها بجنب شقتك واخلي زوجتي وزوجتك خويات وبنشب لكم
أم نياف ضحكت وقالت : ومتا تبي تخطب يابو نياف ؟
ابو نيّاف : بعد شوي إذا كان الجو مناسب خطبت أن شاء الله .
أم نياف : الله يكتب الي فيه الخير يارب .
-
رسن ضحكت وقالت : سبحان الله عاد انتي كنتي تكرهينه طلع راح يصير زوجك المستقبلي .
غيداء ناضرت لرسن والعبره كاتمتها سكتت يعني عبدالعزيز طلع صادق وسواء الي برأسه بيتزوجها .
اثاري لاحضت وجه غيداء وقالت : بنات تمشون احس مالنا داعي هينا
غرور : ااي انا تفشلت أكثر من غيداء يلا امشو
رسن : ولله انا مابي اروح ابي اتسمع وش بيقولون بعد
غرور ضحكت وقالت : خلاص اجل بقعد اتسمع اثاري انتي روحي انتي وغيداء
اثاري : اوكي امشي ي غيداء ، طلعت غيداء وأثاري من الجلسه بهدوء وكان عبدالعزيز مبتسم بفرحه لما شاف تعابير وجهها تغيرت .
راحو غيداء وأثاري
اثاري : غييداء شبلاك وجهك تغير ؟
غيداء الي ماسكه بكيتها ولما تكلمت اثاري انفجرت بكاء وقالت : اثاري ماببيه انا أكرهه ماابيه
اثاري فتحت عيونها بصدمه وقالت : غيداء بسم الله عليك عادي عمي قال إنه بيسالك ويرد لهم ما قال إنه موافق علي الخطبه !!
غيداء وهي تشهق بكلامها انفجرت و قالت : الا ابوي موافق ماشفتي فرحته كيف واصلا عبدالعزيز عنده مثل سامي يحبه حيل ويعتبره ولده الثاني وسامي كان شوي ويموت من الفرحه أنه صديقه بيتزوج أخته وامي بعد ماكانت أقل من ابوي كانت فرحانه يعني ماباقي غيري الحين وش عذري عنده وش اقول لهم عذر عشان يلغون الخطبه !!
اثاري : غيداء ترا عبدالعزيز رجال زين ماهو بذا السوء لهدرجه ترا كلها كره ويروح إذا عرفتيه زين
غيداء انفجرت وقالت : مااحد يعرفه كثثرري انتي ماتعرفين وش يسوي فيني ولا غير تعرفين طبعه الخايس
اثاري باستغراب : ليه وش سوا فيك
غيداء مسحت دموعها وقالت لها كل شيء كل المواقف الي صارت مع عبدالعزيز وكيف أنه يهددها وأنه راح يتزوجها ويكسر غرورها وأنه قفل عليها باب الغرفه وسجل رقمه بجوالها ويهددها وانها تهاوشت هي وياه وسحبت من صرافته 35 الف وشرت فيهن الهدايا لعماتها وقالت إنه شافها مع سياف أمس يوم طبخت له اندومي وأنه شك فيها وانه أمس جاها بالسياره لما كانت تصور ودخل وقفل باب السياره واني اخذت جوال نفس جوالك وصورت فيه كنت احسب أنه جوال اثاري طلع جواله ، تخيلي أمس لما طلعت منكم بنام اتصل علئ وقالي اجي عنده ولما ركبت معاه السياره طبعا بتهديد منه تهاوشت معاه وحرك السياره وابعدو بعيد عن المخيم وقالت لها كل شيء وأنه قال لها أنه بيجيها يخطبها صدق رسمي قالت كل شي بقلبها وقالت كل المواقف الي صارو معاها هي وعبدالعزيز.
اثاري فتحت عيونها بصدمه من كلام غيداء وقالت : غيداء انتي متاكده أنه عبدالعزيز ولد عمي !!! بعدين وين انا مادريت عن الي صار كله !! وليه ماتتكلمين !
غيداء وهي خلاص تعبت من كثر البكاء قالت : شفتي مع اني اخت خويه ويتباها أنه انقذني وكذا يعاملني ولما سألته ليه يسوي فيني كذا يقول إنه انا الي بديت العبه اتحمل فعايلي !!!! ياخي هو مايشوف فعايله !! هذا يبي يتزوجني عشان يكسر غروري ماهو حبًا لي .
اثاري قعدت تحاول تستوعب الي صار وقالت : غيداء انا لسئ ماني مستوعبه أنه عبدالعزيز !
غيداء قعدت تبكي قالت : ياخي انا شسويت الي ربي بلاني فيه ، وكيف اكسر كلمه ابوي الي قالها قدام عماني انه موافق
اثاري وهي لسا ماهي مستوعبه شيء : ماعليك انتي حاولي بقدر الإمكان انك ترفضينه واذا ماقدرتي انا بسوي شي يشوه سمعته الحقير ولله ماتوقعته كذا كنت دائما اشوفه يضحك ويبتسم والكل يحبه طلع كذا أسلوبه الصدقي !!
غيداء : تصدقين اني أمس نسيت جوالي بسيارته واخذه معاه وحطه صامت
اثاري : ي غبيه وانتي وراك نسيته معاه !!! وين عقلك !!!!
غيداء : قد جابه لي ألبارح بس انا طردته طلع جايب جوالي وقال كيفك انتي تعالي خوذيه ، ضحكت بقهر وقالت : الي يجلط أنه طلع مسمي نفسه بجوالي ' كاسر غروري ' الكلب الله بكسر رأسه بس
اثاري : الله ياخذه وانتي ليه ماقلتي لي من اول الي قاعد يصير معاك يمكن اساعدك
غيداء ناضرت فيها : تساعديني بايش مثلا ؟ انا اخذ حقي بنفسي لاكن هو دائما يكسرني بتهديداته وانا أخضع له
اثاري لفت من سمعت صوت ورا وقالت : اشش البنات جو مسحي دموعك لايشكون بشيء
غيداء مسحت دموعها وجو غرور و رسن
رسن جت وجلست عندها قالت : حيي عينها زوجت اخوي المستقبليه
غيداء غمضت عيونها بقهر لما تتذكر كلام عبد العزيز لها لما يقول لها زوجتي المستقبليه الحين بعد أخته وصديقتها المقريه تقوله لها وهي ساكته .
غرور بخت من الضحك وجلست وقالت : بنات تتذكرون لما نكذب علئ شليويحه أن عبدالعزيز يحب غيداء وبيتزوجها هههههههه نفسي اشوف وجهها لما تعرف أن عبدالعزيز صدق خطب غيداء
رسن : ههههههههههه يخوفي تفضحنا عند اهالينا ويكنسلون الخطبه يحسبون غيداء وعبدالعزيز يحبون بعض صدق ويقابلون بعض ههههههههه
اثاري : ههههههههههههههه ياخي سبحان الله الي جعل صدق كلامنا
غيداء ضحكت وقالت : وهو ليته صدق تنلغي الخطبه لان مالي نفس فيه وتوني صغيره علي الزواج
رسن ضحكت وقالت : تصدقين أن الحب الحقيقي يجي بعد الكره ، وقولو رسن م قالت عينكم راح يجي الوقت الي تسحب علينا وتروح له
غرور : يرهي نكوبه هي قد سوتها معانا تقول ابي اروح لسويمي حبيب قلبي ههههههههههه
غيداء ضحكت وقالت : ووع لا تطمنو مستحيل اوافق عليه بخليه يروح لشليويحه .
رسن ضحكت وقالت : تصدقون نفسي اتزوج عن كره واصفقه ويصفقني واخر شي بعدين احبه هههههه
غرور : يراتس ماشاء الله عليك غسلت يدي منك من قلتي بتزوج بعمر الـ 45 ههههههههههه
رسن ضحكت وقالت : شبلاكم ابغا اعيش شبابي كامل اصلا قررت اتزوج بـ47حتا لاني احس الـ 45 قليه ههههههههههههههه
اثاري : شفتو هذي اقص ايدي إذا م تزوجت اول وحده فينا هههههههههههههههه
رسن ضحكت وقالت : يوه يراني اعرف حضي مهو لازم تقولين ههههههههههههههه
رسن لفت علي غيداء وقالت : غيداء بسرعه تزوجي عشان نسحب علي عبدالعزيز وتجين تسهرين وتنامين عندي
غيداء ضحكت وقالت : وش رايك ازوجتس سامي وتجيين تنامين انتي عندي
رسن : لا وتخطيطاتي اني اتزوج بعمر 45
غرور : خيبه تخطيطات ههههههههههه
غيداء قامت وقالت : تمشون احس انكتمت
قامت غرور ورسن وأثاري معاها وتوجهوا للمخيم ..
كانوا البنات يسولفون ويضحكون فجاه غيداء لمحت سياره عبدالعزيز جايه بتجاهم ، طنشت ولا كأنها شايفته ، وقفت بعيد عنهم شوي ونزل منها سامي وهو مبتسم وقال : يالوغده تعالي .
غيداء رفعت ناضرها له وشافته سامي وما معاه احد راحت له بعد ما ودعت البنات..
سامي بابتسامه ياهلا بعروستنا المستقبليه
غيداء لما سمعته قال عروستنا المستقبليه تذكرت تهديد عبدالعزيز وراحت له والدموع بعيونها وضمته وقالت : سااامي
سامي عقد حواجبه وقال : افاا من زعل وغدتي ؟
غيداء وهي تبكي بصوت واطي قالت : سامي تكفاء طلعني من هنا احس اني مخنوقه .
سامي ضحك وقال : مخنوقه من ايش ياروح سامي ؟
غيداء وهي تمسح دموعها : مدري بس تكفئ طلعني من هينا احس كتمه
ابتسم سامي وأخذها وركبها السياره وقفل الباب وراح وركب السياره وحركها ...
كان كل المنضر هذا كله صار قدام عبدالعزيز كان متكتف ويراقبها من بعيد ابتسم وقال : بدري علئ البكاء ي الوغيده ، سامحني ي سامي بس اختك هي الي بدتها انا الي بنهيها ..
البنات كانو يناضرون حنيه سامي علي غيداء
رسن : الله ليت اخواني الطعوس يصيرون حنونين معي مثل سامي
غرور : ولله صدق محضوضه غيداء ماشاءالله باخوها سامي .
اثاري ابتسمت وقالت : سامي يعتبر غيداء مو أخته وبس يعتبرها دنيته كلها ويعتبرها بنته منكثر ما يدللها ويسعدها ماشاء الله تبارك الله الله لا يغير عليهم .
-
عند غيداء وسامي
سامي ضحك وقال : وشفيها وغدتي زعلانه ، ترا القمر لازعل ينطفي نوره .
غيداء : سامي انا أكرهه ليه يتقدم لي !!! خلصو بنات الناس كلهم وجاء عندي انا بذات !!
ضحك سامي وقال : بس هذا الشي الي مزعلي بنيتي ؟ غيداء ترا عبدالعزيز رجال زين يعني ماهو نفس تفكيرك وانا اكثر انسان فرحت لما خطبك لاني بسلم روحي وحياتي كلها لروحي الثانيه عبدالعزيز انسان اثق فيه أكثر من روحي .
غيداء ببكاء وقهر : هذا الشي الي قاهرني انكم كلكم تبونه وفرحانين فيه وكل واحد أكثر من الثاني يحب عبدالعزيز بس انا ي سامي مابيه بس مابي اكسر كلمه ابوي قدام عماني وماببغئ احطم فرحت امي
سامي قاطعها بنص كلامها وقال : وانا مافكرتي فيني ؟؟
غيداء سكتت ونزلت راسها : الا فكرت فيك وشفتك قد ايش فرحان ، بس انا ما ابيه تكفئ كرفش الخطبه أنت ولا سو اي حاجه تلغيها اهم شي م انخطب له خله يدور علئ بنت ثانيه غيري .
ضحك سامي وقال : خلاص تعرفين ي غيداء انك انتي اهم شخص بحياتي وطول حياتي اخاف عليك لايصير فيك شي صح ؟ ولما خطبك عبدالعزيز يشهد علي الله اني فرحت لك لاني بسلمك لشخص انا واثق فيه أكثر من روحي وأنه راح يصونك ويسعدك طول حياتك ، غيداء ترا عبدالعزيز انتي ماتعرفينه زين لو عاشرتيه راح تتغير وجهه نظرك فيه وتعرفين انا ليه اعتبره روحي الثانيه لانه شخص صادق وشخص اثق فيه وعبدالعزيز يعتبر تربيه ايديني لاني عشت عمري معه واعرف كل شي عنه وهو كمان يعرف كل شي عني ، شوفي ي غيداء وافقي وخلي الخطبه تتم وملكي عليه وإذا حسيتي انك مو مرتاحه انا جاهز اني اطلقك منه أنا بنفسي ولو وقفو الكل ضدك انا معك بس انتي استخيري ولما تحسين انك مرتاحه وافقي .
غيداء : طيب انا مابيه انا أكرهه كيف بتزوجني إياه وانا أكرهه وابغضه حيل !!!
سامي : طيب قولي لي سبب واحد مقنع ولله لالغي الخطوبه من الحين قولي لي وش الشي الي كرهك فيه ؟
غيداء نزلت راسها وسكتت وقالت : مدري كذا انا ابغضه من الله عجزت ابلعه .
ضحك سامي وقال : توقعت هههههه ترا كلها مشاعر كره انتي لسئ ماتعرفين عبدالعزيز زين ي غييداء انتي ما عاشرتيه ولا ماتقولين الكلام ذا .
غيداء سكتت شوي ثم قالت : الحين لو افترضنا ووافقت وبعد مده ابي انفصل منه حتئ لو اني مملكه ولا مخطوبه بتوقف معي ؟
سامي فرح لأنها بدت تقتنع وقال : ابد تلقيني ايدك اليمين اصلا من الحين اقولك مستحيل راح تنفصلين منه لأن عبدالعزيز شخص طيب وحنون وأعرفه أكثر من أي شي بالدنيا وغير كذا مزيون وغمز لغيداء .
غيداء كشت واعطت نضره القرف لسامي
سامي قعد يضحك علي رده فعل غييداء
غيداء قعدت تفكر وتتذكر شكله وقالت لنفسها ولله صدق مزيون وملامحه حاده لاكن أخلاقه زفت الحقير .
سامي قال : ايش ماسمعتك ؟
غيداء ارتبكت وقالت : ايش ماقلت شي !!
غيداء : الحين ابغا اسالك ابوي ارسلك لي ؟
سامي ضحك وقال : نو امي هههههههه ، طلعتي تسبيه عند امي كمان وانا أحسبك بس عندي تقطعينه من السب ههههههههههههه يحياتي ي امي كانت فرحانه بس عارفتك انك راح ترفضين
غيداء : وهذا الي ابي اسوي ابي ارفضه .
سامي طالع فيها بصدمه وقال : وانا لي ساعه قاعده اقنعك واغير وجهة نضك فيه اخر شي م اقتنعتي !!
غيداء ناضرت فيه وقالت : سامي شرايك تتزوجه بدالي ؟
ضحك سامي وقال : ارفعي علومتس .
غيداء ضحكت وقالت : أجل اسكت واضح انك متحمس أكثر من امي وأبوي ههههههه
سامي ضحك وقال : اييولله لاني راح اسلمك لشخص احبه وواثق فيه واعتبره مثل اخوي ، غيداء خذي راحتك وفكري زين واستخيري بعدين تعالي لي بعد م تفكرين زين وتستخيرين وسالفه انك تكرهينه هذي طنشيها لأنها مشاعر عاديه انتي ماتعرفين عبدالعزيز زين عشان كذا انتي ماتبينه .
غيداء بدت تقتنع من كلامه وقالت : اوكي .
سامي ابتسم بفرحه واخيرا أقنعها وقال : بس يويلك تطولين بالتفكير تسمعين هههههههه
غيداء ضحكت وقالت : طيب بس انت لاتموت ههههههههههه ، سكتت من استوعبت أنها بتتزوج عبدالعزيز الرجل الي بس يعاندها ويهددها وبيكسر غرورها تنفست بضيق لاكنها طنشت وقعدت تسولف هي وسامي وتغير مودها 180 درجه .
رجعو للمخيم وحصلو العيال والبنات عند الدبابات
نزلت غيداء من السياره وكانت تضحك مع سامي وراحت للبنات وسامي كمل وراح للعيال وسولف معهم ، عند البنات جت غيداء وكانت ماهي نفسها غيداء الي راحت تغير مودها 180 درجه من باكايه لوجه شاقته الابتسامه
اثاري : ي هلا بغيداء الي سحبت علينا وراحت
غيداء ضحكت وقالت : معليش كنت مع سويمي .
غرور : ياربي ي سويمي الي ذبحتينا فيه .
رسن ضحكت وقالت : الحين مو تقولين سويمي تقولين عزوزي .
غيداء ضحكت وقالت : خليته لك مابيه
-
كانت غيداء علاقتها مع رسن علاقه قويه جدا ماتدخلها ابدًا مع مشاكلها مع عبدالعزيز لأنها مالها دخل واصلاً ماكانت تدري عن فعايل اخوها عشان كذا غيداء حطت مشاكلها مع عبدالعزيز بجنب وعلاقتها مع رسن وباقي البنات علئ جنب
-
غيداء تذكرت لها شي وقالت وهي تضحك : اثاري تتذكرين لما سامي يقول إنه بيتزوج وانا اقعد أصيح ههههههه
اثاري تذكرت مواقفهم قبل وحطت أيدها علئ راسها بفشله وقالت : اااييهه ، ييعع تكفيين لااتذكريني بقببل
غيداء قعدت تضحك علي شكل اثاري
اثاري بفشله : خلي هاذي يمه وقتها انا ملعونه تتذكرين لما كنت اقولك إذا خطب بنكرفش خطبته ونفضحه عند خطيبته أنه يكلم بنات !!
غيداء تذكرت وقعدت علئ الارض وتضحك قالت : اههخخ بططني اقسم بالله انك ملعونه ولا قلنا إذا ما نجحت الخطه نقول لها أنه راعي مخىىدرات ههههههههههههههه
اثاري غطت وجهها بفشله وقالت : تكفيين غيداء اسسكتتي يممههه ييعع يفششلااه ههههههههههههه جينا نطيح اخوك بمصيبه
غيداء كانت واقفه عند دباب اثاري وقاعده علي الارض من قو الضحك وأثاري ميته ضحك ومخبيه وجهها من كثر الفشله .
غرور : لحضضه فهموني متا صار هذا ههههههههه !! ؟
غيداء وهي تمسح دموعها قالت : لما سامي دخل الدوره عشان تقبله العسكريه وقته كان يكذب علي أنه بيتزوج وانا اقعد أصيح عند اثاري ههههههههه
رسن ضحكت بصدمه وقالت : يمه متا كم اعماركم وفين حنا عنكم !!!
اثاري وهي ميته ضحك : اتوقع مابين ال 15 و 16 سنه .
غيداء : انتو كنتو بالشرقيه وغرور اتوقع انهم مسافرين وقتها الي قعدنا إيام انا واثاري الي نجتمع لحالنا ههههههههههه
رسن بصدمه قالت : ييمه وش عرفكم بالسوالف ذي
اثاري : كله من افلام غيداء ههههههههه
شهقت غيداء وقالت : الحين صارو افلامي !!!
اثاري وهي ميته ضحك : اهخخخ للحين ماتخطيت ييع ههههههههههه
-
كان عبدالعزيز مع العيال وكانو قريبين حيل من البنات لاكن العيال يسولفون وعبدالعزيز يسمع ضحك البنات وسالفهم لاكن ماعرف عن ايش يتكلمون بس أنه ميز صوت غيداء وضحكها من بينهم
طلع جواله من مخباته وفتحه عشان يوهم العيال أنه يضغط به ولا هو بالحقيقه عشاو يحاول يسمع كلام البنات قعد يدخل الرمز والرمز كان رافض حتا رفض يفتح ببصمه وجهه لاكن استوعب أنه ماهو جواله وأنه جوال غيداء نزله علئ طول ليكون احد من العيال يلاحض ولا سامي يلاحض ورجعه ورفع نضره للعيال وتنفس براحه من شاف ماحد انتبه له
-
غرور ناضرت للعيال ولفت للبنات وقالت : يفشله من قبل شوي نضحك نسينا العيال
غيداء قامت وقالت : اههخ بطني توجع منكثر الضحك ههههههه التفتت العيال لعبدالعزيز وشافت معاه جوالها عقدت حواجبها وقالت شيبي فيه لاكن بسرعه عبدالعزيز نزله ورجعه لمخباته طنشت لانه تعرف أنه مايعرف الرمز الخاص حقها وقالت للبنات شرايكم نروح شفت وحنا جايين اصطبل فيه خيول كبير وفيه ناس كثيره فيه
رسن : وينه فيه بالضبط ؟
غيداء اشرت وقالت : هناك قرريب حييل ، خلونا نروح بس بدون م احد ينتبه لنا من العيال مانبي يرفضون لانروح
غرور : قدددااام ،
غيداء استوعب وقالت : خيير وانا منوين لي دباب !!
اثاري : اركبي معي .
غيداء : انتي لو تموتين ماراح اركب معك ، للحين مانشيت اخر مره ركبت معك
اثاري : احسن لاتركبين هههههههه
لفت غيداء للبنات
رسن بسرعه قالت : أنا مالي شغل ولله ماتركبين معي
غرور بسرعه : ولله حتنئ ماراح تركبين معي
غيداء انقهرت وراحت ودفت اثاري قالت بعدي ولله انا اسوق الدباب
اثاري : لاولله..
ممدالها تكمل كلامها غير وغيداء قايله لها : اقسم بالله لو ماخليتيني اسوق راح اعلم جاسر أنها انتي الي خربتي دباب صديقه
اثاري سكتت وبعدت ورا وقالت : حقيره وانا أحسبك ناسيته
غيداء ركبت بانتصار وقالت : لا انا ما انسئ شي
وحركو البنات باتجاه الخيول ، وصلو البنات وكانت غرور تصور فلوق من وصلو للاصطبل وكانت تسوي زوم وتستهبل حطت الكميره علئ بنت والواضح أنها من بنات السائحين كانت ترش بعلف الخيول والتمويه وكانت طول الفلوق مركزه علئ خيل واحد من بين الخيول كلهم طنشت وكملت تمشي وتصور
غيداء راحت للعامل وقالت : لو سمحت ؟
العامل : نعم مدام
غيداء : الخيول هذول بفلوس ولا شلون ؟
العامل : لسائحين بفلوس أما للي مستاجرين هينا بالمخيم لا ببلاش .
غيداء ضحكت وقالت : بنات لنا ببلاش
رسن : طيب حنا من اهل المخيم عادي نركب فيهم ؟
العامل : نو مدام ممنوع لازم بطاقه الائتمان موجوده مع الي استأجر المخيم .
غرور ضحكت وقالت : غيداء اقنعيه
غيداء ضحكت وقالت : شوف ي صديق احنا من اهل المخيم شوف حنا جايين بدبابات اتركنا نركب بالخيول .
العامل : نو مدام ممنوع هذا في أضرار علي انا
رسن تافافت وقالت : افف ألحين غير اتصل علئ عبدالعزيز عشان معاه البطاقه
اثاري : ااي اتصلي
رسن راحت بعيد واتصلت علئ عبدالعزيز وقالت له أنهم عند الخيول ، عبدالعزيز أنصدم وهاوشها ليش تروح هناك وهي ما استاذنت ولا اخذت محرم معاها
رسن توزمت وقالت : الا حنا مستاذنين من ابوي بسرعه تعال نبي نلعب فيهم قبل الغداء
عبدالعزيز طفاء وقال للعيال والعيال راحو مع عبدالعزيز للخيول
غيداء كانت صامله تحاول تقنع العامل والعامل توزم فيها وكان صامل
غيداء : طيب ي صديق بس خمس دقائق وننزل منهم !
العامل : ممنوع ي مدام هذا أضرار علي انا ممنوع اركبكم بدون بطاقه
غيداء انقهرت وقالت : الله اكبر ي الأضرار الي بتجيك عاد كلها خمس دقائق وننزل منها .
العامل جاء بيتكم لاكن سكت وطالع ورا غيداء
غيداء استغربت سكوته جت يتلف لأكن غمضت عيونها بصدمه وقهر من سمعت صوته
عبدالعزيز طلع البطاقه للعامل ومدها له وقال : ركبهم اتركهم يلعبون .
العامل : اوكيه ، تفضلو معي اعطيكم خيول .
غيداء لفت وسفة عبدالعزيز ولا كأنها تشوفه وراحت اتجهت للعيال كانو جايين علئ سياره عبدالعزيز نزل سامي من شاف غيداء جت له وقال : يالله حيها ماشاء الله رايحات بدون ماتستاذنون ولا معاكم محرم لكم .
غيداء ضحكت وقالت بكذبه : الاء استاذنا من ابوي
سامي : يسبحان الله الحين ابوي بيخليكم تروحون لحالكم .
غيداء : وش فيها تراهم قريبات من المخيم أقل من ٤ دقائق وحنا واصلين مانحتاج محرم وانا عندهم .
سامي بتهديد : غيداء الحين بسكت لانه مصار شي لاتعيدينها مره ثانيه ترا بزعل عليك .
غيداء ضحكت وقالت : ابشر ي بابا ، تكفئ شفت بقاله قبل شوي أمش لها بأخذ سناكات .
سامي : ما شاء الله وبعد تعرفين أن فيه بقاله
غيداء ضحكت وقالت : تكفئ تكفئ .
سامي : مع اني شايل عليم لاكن ماقدر اردك إذا قلتي لي تكفئ .
ضحكت غيداء ومشت معاه للبقاله ، وصلو ودخلت غيداء وأخذت لها سناكات وسامي وراها معاه شبس يأكل منها علئ م تخلص ،
غيداء اخذت لها السناكات الي تبي ولما خلصت راحت هي وسامي وحاسب عنها سامي ، طلعو من البقاله وبدو يتمشون .
سامي : غيداء وشفيتس ما ركبتي الخيل كنتي عند العامل تترجينه يركبك بعدين لما جا عبدالعزيز رحتي ليه وشعندتس كنسلتي ليكون مستحيه هههههههههه .
غيداء : لا البنات يبون يلعبون فيهن وقالو لي اقنعه بس العامل كان صامل مايبي يركبنا وانا صامله الا ويركبنا ، ماكنت أعرف أن رسن اتصلت وخبرتكم .
سامي ضحك : اههاا وانا عبالي استحيتي من وجود عبدالعزيز هههههههههه .
غيداء : وع هذاك لو الشور بأيدي قمت عليه وصفقته ، الله سامي إذا وحصل تزوجنا ابي اشترط شرط .
سامي : ايوه الله يستر وشهو شرطك ؟
غيداء ضحكت وقالت : شوف ما اتزوجه الا اذا قمت عليه وصفقته هذا شرطي الوحيد .
سامي ضحك وقال : مدامها من البدايه تصفيق كنسل ي مدير مابي ازوجتس .
غيداء ضحكت وقالت : اححسسسن شيء لاتزوجوني ههههههههههه .
غيداء ضحكت وقالت : سامي ماتبي تتزوج ؟
سامي ضحك وقال : تصدقين أني مافكرت حتا التفكير اني اتزوج ههههههههههه
غيداء ضحكت وقالت : لييييه ؟
سامي ضحك وقال : مدري احس توي صغير .
غيداء ضحكت وقالت : ياطناييه ورع امي وأبوي بيصك الثلاثين وهو يقول توي صغير .
سامي ضحك وقال : ي وغددده انا ماني ورع قدامك تقولين لي كذا .
ضحكت غيداء وقالت : خلاص لاتصيح ي أبويه انا اسف اسف .
ضحك سامي وقال : تمشين نركب الخيل ؟
غيداء ناضرت قدامها وما لقت عبد العزيز وقالت : قداام ، نتسابق ؟
سامي ضحك وقال : يلا ، راحو سامي وغيداء وكان اصطبل الخيول فاضي مكانو البنات والعيال فيه ، نزل سامي اغراض البقاله بالسياره و
ركب سامي خيل وغيداء ركبت لها خيل ، وقال لهم العامل أن هناك بعيد بتكون ساحه للخيول .
سامي : تسابقين لها والي يوصل الاول هو الفائز.
غيداء ضحكت وقالت : قدام بس ترا أشوف الفوز ولا اشوفك يا سويمي .
سامي ضحك وقال : تحلمين كثير ي وغده
غيداء ضحكت وقالت : يلا نعد لين ثلاث 1, 2, 3 ييييلاا ، وانطلقو غيداء وسامي بتجاه ساحه الخيول غيداء حست أن الخيل ماهو مضبوط لاكن طنشت وكملت سباق .
سامي خفف السرعه من حس أن الخيل بدأ يفقد توازنه وصرخ باسم غيداء : غيييدااااء هدددي السسسرررعهه .
غيداء من صرخ سامي باسمها تأكدت أن الخيل فيه بلا ، حاولت تخفف السرعه لأنها مسرعه حييل بالخيل والخيل كان رافض يوقف دب الخوف بعروق غيداء ماتدري شتسوي .
سامي كان يناضر الخيل وقلبه شوي ويوقف من الخوف علئ غيداء .
غيداء حاولت بقدر الإمكان توقفه ولأنها خياله وتعرف للخيول قدرت تخفف نص السرعه لاكن ويين كان الخيل واضح الي فيه شي
سامي علئ طول اتصل علئ اول رقم شافه قدامه الي هو رقم جاسر
كان الجوال مع سياف ورد سياف عليه قال : ارحب ياسويمي .
سامي عرف صوته وقال : سياف انتم بساحت الخيول ؟؟؟
سياف : اي عساء ماشر وشفيه صوتك كذا ؟
سامي بخوف وهو يركض باتجاه ساحت الخيول علي رجوله قال : غيداء ركبت الخيل والواضح أن الخيل فيه بلا وما قدرت توقفه تكفئ حاول توقفه ولا سو اي شي اهم شي غيداء لايصير فيها شي وانا الحين جاايكم
سياف رفع نضره وشاف غيداء جايه لحالها بالخيل والواضح أنها تحاول توقف الخيل لاكن عجزت عنه .
سياف حرك الخيل باتجاها علئ طول
سامي رجع للاصطبل وعلم العمال وركب له خيل ثاني وراح بسرعه باتجاه الساحه .
سياف وصل عند غيداء وصرخ قال لها : شدي الرباط
غيداء ببكاء : شديته عيا يوقف
سياف ابتلش وراح قدام الخيل وحاول يشوشه عشان يخفف السرعه لاكن ويين الخيل شكله ماهو ناصح ، سياف بصراخ غيداء تقدرين تنطين وتركبين معاي !!
غيداء بصراخ : مقدر مقدر ، كانت غيداء حيل خايفه
سياف قرب الخيل حقه لخيل غيداء ومد أيده عشان تمسكه وتنط .
مشاري : ي عيال شوفو سياف منهي الحرمه الي معه ؟؟
التفتو العيال له وشافوه من بعيد لاكن ما عرفو مين البنت الي معه .
جاسر : الله يستر واضح ان الخيل ماهو ناصح ، شكل سياف بيساعدها
خالد : ي عيال تمشون نساعده ؟؟.
كان عبد الله يناضر له يبي يعرف مين الي معه ، لاكن فتح عيونه بصدمه من قربت وعرف أنها غيداء
كانو البنات قريبين من العيال .
اثاري بصدمه : بنات هذي غييداء الي علئ الخيل !!!
غرور ناضرت فيها تبي تشوف
رسن بصدمه : اااي غييداء !!!!
عبدالعزيز لف لهم بصدمه يعني الي مع سياف غيداء.
حرك الخيل حقه لاشعوريا وانطلق باتجاها والعيال وراه .
سياف بصراخ : غيداء نطي !!!
غيداء بصراخ ممزوج مع بكاء : مقدر ياخي مقدر !!!!
سياف ناضر قدامه وشاف أنه سياج الساحه فتح عيونه بصدمه وناضر للخيل واضح أنه ماهو شايفه
سياف اسرع ووصار قدام الخيل عشان يغير اتجاهه
وفعلا للخيل علئ طول غير اتجاهه لاكن من شاف خيول متجاهات له غير اتجاهه لبوابه
سامي كان جاي باتجاهها والعيال كانو وراها جاسر وعبدالعزيز وخالد ،
سامي اسرع باتجاها ووصل لين عندها
غيداء بصراخ : سامي وقفه عيا يوقف !!!!
سامي : غيداء بصف بجنبك وأعطيك يدي نطي بسرعه اووكيه !
غيداء ببكاء : سامي ولله خايفه ماقدر. !!
________________________
اعذروني اذا فيه اخطاء املائيه
________________________
.
.
.
.
عطوني رايكم بـ البارت ؟
الحمدلله دائما وابدًا ..
