المول عند عبدالعزيز ورسن :
رسن كانت توها طالعه من المول وشاريه الاكسسوارات وشرت لها وللبنات تيشرت وبلوزه كلهن نفس الشكل فخمات عبدالعزيز توه مقفل من سامي رسن وهي تمسك كتف عبدالعزيز وتتمشا قالت بفضول : من كلمك
عبدالعزيز : شدخلتس فيتس فضول الله يهديتس
رسن بضحكه : ههههه ادري حبيب القلب سويمي صح ، لايكون خربت علينا السبرايز وقلت اننا بننقل لديره !!
عبدالعزيز بخبث وهو وده يحارش رسن : اووه انتم مخلينها مفاجاه ! يوه عاد علمت سامي وسامي علم غيداء ونا اسمع
رسن وقفت بصدمه : عزيييزز !!!!! وهي تضرب كتفه بقهر : احلف قلتو لغيداء
عبدالعزيز : لاولله بس قلت لسامي وعمي مشعل بكرا عنده عشاء بس لـ ال عبدالعزيز وسامي وده يقول لهم أنه بيجيهم ضيف بس م يقول مين بضبط طبعا حنا الضيوف ههههههه م احد يدري غير سامي أننا بنجي وأننا نقلنا ، باركي لي نقلت لنجد بس باقي شوية اوراق يسويهن سامي وانقل رسمي هناك
رسن بابتسامه : الله يكتب الي فيه خير لك
عبدالعزيز : امين ، وش شريتي ؟
رسن وهي ترد الكلمه لعبدالعزيز وتطالعه بنص عين : فيك فضول الله يهديك .
عبدالعزيز قعد يضحك عليها لأنها ردت الكلمه له
وكملو يتمشون بلمول ووقف عبدالعزيز بصدمه وضحكه لما شاف خويه سلمان ومعاه بنت الضاهر أنها أخته
سلمان وقف ويسلم ع عبدالعزيز سلمان: كويس اني شفتك ابشرك اني سويت كل الي اقدر عليه ونقلتك هناك بس باقي أنهم يقبلونك والاكيد أنهم بيقبلونك لانك بفتره قصيره قدرت انك تاخذ رتب عاليه بسبب انك تاخذ دورات صعبه
عبدالعزيز بابتسامه : ي رجال وش اقول وش اخلي لو أشرك من هينا لين بكرا م اوفيك حقك وانت اصلا فضلك سابق ي ابو راكان
سلمان بابتسامه: شدعوه م بيننا هذا واجبي وانت بعد م انسا فضلك جمايلك كثيره ي ولد عبدالله
قعدو يسولفون ويضحكون
-
عند رسن لما شافت البنت الي مع سلمان عرفتها
اووه عذووب ضحكت بخفه وقالت : هلا هلا ي محاسين الصدق الي جابتك ي رسسون
رسن بضحكه : لك وحشه منزمان عنك
عذوب وهي تضمها : ميي تووو ي قلبي ، الا م قلتي لي شعندتس بلمول ووشهن الاكياس الي معاك شكل فيه مناسبه
رسن : هدايا لبنات عمي بننقل بنترك الشرقيه ونروح لنجد العذيه وبكرا بنروح عشان كذا قررت اجيب شي ومنها اتمشا بلمول
عذوب بصدمه وحزن : تستهبليين يعني م نتقابل مره ثانيه !!!
رسن : ولله م ندري عن الدنيا وضحكت تبغا تغير المود وقالت : معليك تعالي مع سلمان لنجد إذا جاء انا اعرف سلمان مستحيل يبطئ عن عبدالعزيز
عذوب : الله لو صدق بس أن شاءالله إذا قرر سلمان يروح لنجد اتعلقه مبخليه يروح لحاله هههههه
رسن بتشجيع : ايولله يويلتس لو بس اشوف سامي جاي وجاء بدونتس لاسوي شي م يعجبتس
عذوب : ههههههه لالا معليتس ، الا م قلتي لي عبدالعزيز هو نقل بعد لنجد
رسن : يقول اي كلشي جاهز بس يحتري الموافقه تجي من نجد إذا هم قبلوه أو لا
عذوب: ولله حلو بس راح اشتاق لك ولخاله شيخه وعمي عبدلله وانهار راح توحشووني
رسن وهي تضمها : ولله كلنا بنشتاق لكم ي روحي
قاطع سوالفهن عبدالعزيز لما ينادي رسن
عبدالعزيز : رسن رسن يلا مشينا
رسن ودعت عذوب وراحت مع عبدالعزيز
__
توضيح عذوب عمرها 23 صديقه رسن درست معها الجامعه والثانوي وبصدفه طلعو إخوانهم أصحاب ونفس المهنه
فا عبدالعزيز وسلمان عرفو اهاليهم ع بعض وصاروا يطلعون مع بعض ويتجمعون وعذوب تقول لام نيّاف ي خاله ك احترام وابو نيّاف ي عمي بصفته كبر ابوها وتحترمه وعيال ابو نياف كذالك .
