دارت ايامي وخانتني سنيني
والهواء يطغى على حاليه مره
قالت انسى اللي بينك وبيني
السماء به جارح صياد غرّه
لو يجيك الشوق حاول ماتجيني
لاتحن ، ولا تغار ، ولا تشّره
قلت والله لو شعوري في يديني
لأمسح الماضي بخيره قبل شره
قالت اسمع وسكتت قلت اسمعيني
الكرامه ماتقارن ! بالمسره
مير حطي عينك النجلا بعيني
واسمعي من قلب راع السر سره
مشكله قلبي وماينبش حنيني
اني القى لك بقفر البال جره
امنعي طيفك يتوب ولا يجيني
عقبها ماعاد امر البيت مره
-
مستوعبه احس اني بحلم
غرور : كلنا ولله ههههههههه
اثاري : اتركي الأفكار عنك واركبي السياره شوفي عماني وعماتي الكل ركب غيرنا
( كان الكل الي راكب بالسياره والي واقف عند السياره وهذي كانت اجواء الختامه عند كل سفره بر كان الجو يااحلوه )
هيفاء ضحكت وقالت : عطيني ولدي خلاص ذبحته بالبوسات
رسن ضحكت وباست عبودي بقوه وعضته وعطته هيفاء وهجت ، عبود انفجر بكاء بحضن هيفاء
هيفاء بقهر : اوريك يا رسن كنت عارفه انك ما تتركين حركاتك
رسن بضحك : واااه خدوده عدينه ما اتحملهم
غيداء ضحكت وقالت : عطيني إياه ي هيفاء بسكته عبال ما الكل يركب وانتي روحي صفقي رسن
هيفاء ضحكت وقالت : خوذيه ايولله انك جبتيها ، وراحت ورا رسن الي هجت منها
غيداء بضحك : هوس هوس يبابا ، تبي حلاوه ؟ اعطيك حلاوه ؟
عبود سكت بنص صياحه وضحك وعيونه مغورقه من الدموع قال : ديني حناوه ( اعطيني حلاوه )
غيداء ضحكت علئ ردت فعله وضربته بخفه قالت : ي خفيف اثقل
عبودي : ابي حناوه
غيداء ضحكت وقالت : يلا الحين اعطيك ، اتجهت لسياره عبدالعزيز وشافت أن الكل متجمعين عند الجمس حق الشيبان ويسولفون ويضحكون فتحت السياره علئ الباب الخلفي ونزلت عبود علئ الرمل وأخذت شنطتها الي حاطتها جوا السياره وطلعت منها شوكولاتتها المفضله الي هي الفلوتس ، اخذت حبه وتركت الباب مفتوح ولفت تطالع علئ عبود حصلته يغمس يدينه بالرمل ويضحك ضحك هستيري نزلت لمستواه وقعدت علئ رجولها وأخذت يدينه وهي تضحك علئ ضحكه قالت وهي تمسح يدينه عن التراب : ليييه مازيين التراب يبابا
عبودي كان يضحك وهو يناضر لغيداء وهي تمسح يده وحده مد يده الثانيه لتراب واخذه وطشه علئ غيداء ، غيداء شهقت وغمضت عيونها بصدمه
عبود انفجر ضحك علئ شكل غيداء
غيداء وهي تنفض التراب من عيونها وتضحك من تسمع صوت ضحك عبود ، طالعه بعبود الي جالس قدامها ميت ضحك عليها ، هجمت غيداء عليه بدون اي كلام عبود صرخ بضحك وفرشت يدينه بالأرض وبدت تبوسه وتدغدغه وتضحك من تسمع صوت ضحكه بعدت عنه وسألته ووقفته وبدت تمسح التراب عن ملابسه قالت : انا ايش اسمي ؟
عبود : لثن ( يقصد رسن ههه )
غيداء ضحكت وقالت : خطأ اسمي الثاني ايش هو وأعطيك الحلاوه رفعت يدها وفيها الفلوتس
عبود صرخ بفرحه وقال وهو يحاول ياخذه : حناوه ابيه ابيه
غيداء وهي تبعد يدها عنه قالت : نوو أنا شسمي ؟
عبود وهو يرفع كاتوفه قال : معلف
غيداء : انا اسمي غيود
عبود : قيوده
غيداء ضحكت وقالت : صح علييك ، خوذ الحلاوه
اخذها عبوده بفرحه وقعد يناضر فيها ومدها لغيداء
غيداء ضحكت وقالت : خوذها مابيها
عبود : دحيه (افتحيه)
غيداء ضحكت وقالت وهي تأخذه تفتحه له : وانا الغبيه حسبتك تعطيني
عبود مكان يعرف ايش تقول بس يضحك من يسمع ضحكها ، فتحت غيداء له الشكولاتة وطلعت عود وأعطته عبود وبقت العود الثاني بالكيس وأعطته إياه باليد الثانيه
عبود قرب لها وباسها وقال : مله ثكلاً (مره شكراً)
ضحكت غيداء وقالت : عفواً ، قامت وأخذت لها حبه شوكولاته وقفلت شنطتها وبعدها باب السياره ومسكت ايد عبود وراحت متجهه لهيفاء شافت عبدالعزيز قدامها يكلم بجواله ومتجه لسيارته عبدالعزيز كمل ولا كانه يشوفها وقف وضحك من شاف عبود صرخ باسمه وراح متجه له يركض عبدالعزيز طفاء مكالمته ونزل نفسه بمستوا عبود وضمه عبود بقوه شاله عبدالعزيز ورماه فوق بالهواء يلعبه وعبود يضحك ومستانس
غيداء وقفت تطالع من عبود فلت يدها وراح يركض لعبدالعزيز بحماس
كان عبدالعزيز ناسي وجود غيداء ويلعب عبود عبود تمسك برقبه عبدالعزيز وكان يضحك طلع كيس التشوكلت ومده لعبدالعزيز
غيداء كملت طريقها وبدت تضغط بجوالها من جاها اشعار تفاعل برساله من التوتر علئ قصائدها
عبدالعزيز ضحك ومسكه وقال : ايش هذا ؟
عبود ببتسامه : حناوه
عبدالعزيز ضحك وقال : ولله حناوه أجل منوين لك
عبود بتفكير قال بكلام طفل : لثن لا لا حطأ الثانيه وث اثمها ؟
عبدالعزيز ضحك وقال : مدري انت تعرف وش اسمها
عبود قعد يفكر وقال : مادلي نثيت
عبدالعزيز ضحك ونزله وقال : كوله كله قبل يجي بابا
عبود بدأ يأكل ومد يده الثانيه لعبدالعزيز ، عبدالعزيز ضحك وأخذ الكيس عشان يطلع له باقي الشوكلت ناضر بالكيس وعرف علئ طول عبود مين يقصد لان الشوكلت ذا ذكره بغيداء وما يشتريه غيرها
عبدالعزيز طالع بعبود وقال : غيداء الي أعطتك الشوكلت ؟
عبود ناضر فيه وقال : اي ، حطأ انت ماتعلف اثمها قيودة
عبدالعزيز ضحك وقال : وانا وش اسمي ؟
عبود بحماس : اثمك ذيذ
عبدالعزيز ضحك وقال : لاااا خطأ اسمي عزوز
عبود : لا ذيذ
عبدالعزيز : خلص ما اعطيك حلاوه
عبود : حلاث حلاث اثمك عذوذ
عبدالعزيز ضحك وقال : ياخي انت وش مشكلتك مع حرف الزا ليه ما تنطقه زين
عبود : معلف
عبدالعزيز ضحك وأخذه واتجهه لنياف ، الكل ركب بسيارته ، وسياف مشاء معاه خالد
ابو نياف : يالله مشينا ؟
ابو سامي : الكل أخذ أغراضه متأكدين
الكل : ماعليك ، اي ،
ابو نياف مع الشباك يناضر لنياف الي ركب سيارته : نياف انت تجي معنا لنجد ؟
نياف : لاولله يايبه وكلت خويي اربع ايام إذا خلصت دوامي جيتكم الاسبوع الجاي عشان خطبه عزوز
أبو نياف ابتسم وقال : الله يوفقكم خير واستودعكم الله
نياف بابتسامه : امين وياكم ، يالله ودعناكم الله
الكل : في امان الله
حرك نياف وبعده الجمس يسوقه جاسر الي فيه الشيبان والخدم ورا ، ومشاري يسوق بالحريم ، وخالد بانهار وريناد وعبدالعزيز وسامي بالبنات ، وسياف لحاله
-
كان عبدالعزيز يسوق فيهم لف للمكتب حق المخيم
سامي : وراك جيت هنا !!
عبدالعزيز : بس خمس دقائق بوقع اني خلاص سلمت المخيم وبطلع بس
سامي فتح الباب وقال : بنزل معك
عبدالعزيز ضحك وقال : انزل
نزلوا العيال للمكتب
غرور ضحكت وقالت : رسن تتذكرين البنت ؟
رسن : الله يقرفها قصدك الي صفقتها ؟
غرور قعدت تضحك وقالت : ومن غيرها ياحلوك لك ماضي هنا اذا رجعتوا
اثاري ضحكت وقالت : لاولله غيداء لها ماضي مع الخيل
غيداء ضحكت وقالت : تخلوا لو اني مت وش تسوون وقتها
رسن بغرور : ماتموتي وأخوي حولك
غيداء ناضرت فيها وقلبت عيونها وقالت وهي تكش عليها: مالت عليك وعليه سويمي مكفيني
رسن : ي وسسسخخاااءءء قالت اسم رجال غير عزيز خلاص ي خاينه ودي اطلقك منه
غيداء ضحكت وقالت : لاتكفين
رسن دفنها وقالت : انقلعي عني خلاص طالق بالثلاث
اثاري : له له مو بثلاث مره وحده
غرور : خلاص لاتبكين يا غيداء
رسن : مو بالثلاث يطلقك بالأربع
غيداء بتمثيل طاحت تصيح : لاتكفييين
غرور : عطوها فاااين
رسن وهي تطول صوتها وتصفق يدينها قالت : ماافي وانتهههااءءء خلاص قفلو علئ الموضوع
غرور : لا خلص ماتعودها سامحيها
غيداء قامت بنص صياحها وقرصت غرور قالت : اسكتي معليه مابي اتزوج اخوها ابي اتزوج ابو عيون زرق
غرور بخت من الضحك هي وأثاري
رسن : ماوصدقت علئ الله أنها تطلقت ههههههههههههههه ، فتح الباب وركبوا العيال وسكتوا البنات
عبدالعزيز قفل الباب : بالله بسم الله توكلنا على الله
سامي قفل الباب: وش تضحكون عليه ؟
غيداء : ولا شيء
سامي : وين ستارتكم ما اشوفها (قصده الحاجز الي يحطونه بينهم)
غيداء ضحكت لانهم ما جابوها وقالت : مستورين من الله ،
غرور : كم باقي لنا ونوصل ؟
عبدالعزيز قال بقهر وضحكه : تونا ما طلعنا من المخيم مطوليييين ما وصلنا
غرور : اي اقصد كم ساعه المسافه
سامي : مطولييييييين يبي لنا 6 ساعات علئ الساعه ١٢ ونص نوصل
غيداء : احح يبعدك ي نجد
قاطع كلامهم عبدالعزيز يوم شغل أغنيته الي يحبها وبداء يغني معاها بحماس ويصفق
يا عذلين الهوا ما يفيد الكلام
مسكين مسكين من قد بلي بالغرام
بالحب جنه وفا بعد نار وهيام
مسكين مسكين من قد بلي بالغرام
~بعد مرور ساعتين~
وقفوا الكل عند محطه وقرروا يعبون بانزين وينزلون بمطعم
وقفوا كلهم سياراتهم قدام مطعم فخم وكبير
نزلوا بالمطعم وكان عددهم مرا كثير الشيبان والحريم والبنات والعيال والخدم
نزلو انهار وريناد وقفوا ينتضرون باقي البنات
نزلوا البنات وراحوا لهم
رسن بحماس : واااههه يحمسسس اششتقت لاجواء السفر مع عماني
ريناد بحماس : ايييييووااا
غيداء ضحكت وقالت : اقول استمتعي ماندري لو انها اخر سفره معانا منغير شر وغمزت لها
انهار فهمت عليها وقالت : وانتي كمان استمتي ي حلوه ماندري لو انها اخر سفره وانتي عزابيه
ريناد : صح كلامها نسسييت أنها كمان عروس وغمزت لها
غيداء انفجرت تضحك وقالت : صد رد أجل انا اوريك ي انهاروه
اثاري : وااااه متحمسه للعشاء يارب يوفرون اندومي
غيداء : اسكتي ابوي لايسمعك يهبدك جايبك لمطعم غالي وراقي اخر شي تبين اندومي !
اثاري طالعه فيها وقالت : لاتسوين طالعه منها لو اجي القاك كمان تبين اندومي
غيداء كتمت ضحكتها وقالت : لا يحبيبتي ماني اثاري
غرور حست انها تضحك وقالت : غيداء طالعي فيني
غيداء طالعة فيها باستغراب
غرور تبي تختبرها وقالت وهي تضحك : اغيييه
غيداء ناضرت فيها بستغراب ومن استوعبت كلمتها عجزت تمسك نفسها وقعدت تضحك
رسن صفقت يدها وجت عند غيداء تسكتها
البنات تجمعوا عليها ، ورسن حاطه يدها علئ فم غيداء وتقول : غيداء ماهو وقت ضحكك اسكتي فضحتينا بين الناس
انهار بضحك : قومي لعبدالعزيز يجيك ذالحين ويشوفك
غيداء كانت ميته ضحك ومن جتها رسن زاد الضحك عندها وفقدت الصيطره علئ نفسها وقعدت علي الارض وكانو البنات متجمعين حوالها عند مدخل المطعم وكانو الشيبان والحريم سابقينهم جوا بس فيه العيال متجمعين عند سياره سياف يناضرون علئ مكينتها كان فيها شوي عطل
اثاري وهي تشد غيداء : غيداء قومي خلاص ضحك
ريناد راحت ومعاها انهار جوا وقالت : مالنا شغل فيكم
غرور بعدت وقالت : هذي بنت الديره ماعرفها بعدو عني لاتفضحوني عند الناس
رسن قامت عنها وقالت : تذكرت رياكشن هذا ولد عمنا جاي من الديره ههههههه
غيداء وهي تمسك بطنها : اههخ بطني مقدر اضحك زياده
غرور : قومي ي غيداء فضحتينا هههه
غيداء قالت وهي كاتمه الضحكه: ابي اروح الحمام
غرور : ياراسي مالي شغل فيكم ابدخل
اثاري : ولله حتنئ بدخل اشوف الامنيو روحي لحالك ولا مع رسن ، وراحوا
غيداء قامت وقالت : رسن تكفين امشي معي للحمام
رسن بتافاف : ياليل يلا بسرعه وترا إذا طولتي سحبت عليك
غيداء ضحكت وقالت : لا ماعليك ، راحوا البنات بجهه الحمامات
دخلت غيداء ، ورسن وقفت عند المرايا تعدل نقابها علي بال ما تخلص غيداء ، طلعت غيداء وراحت للمغسله تغسل
رسن ناضرت فيها وقالت : ماشاء الله سنه
غيداء بتافاف : اخخ نقابي مو زين بعدله ، ونزلته
رسن : ياخي بروح عشان اطلب لي اكل ماني منتضرتك حدي جوعانه وراحت بسرعه
غيداء بصدمه: رسن لا تكفين اقعدي رسسسن !! سكتت من اختفت رسن عن وجهها تافافت وبدت تعدل نقابها لدقائق وطلعت قعدت تناضر قدامها بصدمه وتشوف الطوايل الي فيها عمانها فاضيه دب الخوف بعروق ها لثواني وطلعت برا تناضر السيارات وحصلتهم تنفست براحه يعني هم ما تركوها نزلت نضرها تدور جوالها عشان تتصل عليهم واضح انهم مغيرين مكانهم فعدت تناضر وتدور وتذكرت أنها مع رسن لما دخلوا الحمام حطت أيدها علئ راسها بغباء ودخلت جوا المطعم عشان تسال الكاشير وين راحوا لأن المطعم حييل كبير ثلاث ادوار ووسيع
راحت بتسال الا وتلمح مشاري من بعيد شوي ويختفي عن وجهها رايح للاصنصير غيداء راحت له بسرعه قبل يتقفل الاصنصير قالت بصوت عالي وهي تشوف باب الاصنصير يقفل : مشاااري مشااارريي
كان مشاري يناضر جواله تقفل الباب وطلع المصعد لدور الثالث تافافت غيداء بقهر وشافت وين وصل المصعد وراحت للاصنصير الي جنبه وضغطته وقعدت ثواني تنتضره ، وصل وفتح الباب وطلع سياف جت بتدخل غيداء الا وتشوف سياف قالت بفرحه : سياف ؟
سياف ناضر فيها بستغراب من وجودها لحالها وقال : سمي ؟
غيداء وقفت مكانها وتقفل الاصنصير وراح وقالت : وين راحوا ابوي و عماني قبل دخلت الحمام لدقائق ويوم طلعت ما حصلتهم
سياف وهو يخلل أصابعه برأسه قال : اها شوفيهم بالدور الثاني قسم العوائل يمين
انفتح الاصنصير الثاني وطلع عبدالعزيز الا ويشوف قدامه سياف وبنت موجهه وراها ما عرف مين هي
غيداء : اوكي شكراً
سياف ابتسم وقال : العفو ولو ، وراح
لفت غيداء بتروح للاصنصير بسرعه الي فتح وراها الا وتوقف من شافت عبدالعزيز يناضر فيها ورافع حواجبه وراح سفهها متجه للخارج
سكتت غيداء بستغراب من نضراته الي ما عرفت معناها ودخلت الاصنصير وضغطت علي الدور رقم 2
-
عبدالعزيز طلع برا لانه بياخذ جاكيته من السياره وصادف سياف جاي من السياره مروق ويغني
عبدالعزيز ضحك وقال : وراه مروق سولاتي ؟
سياف ضحك وقال : كيف ما يروق وعزيزه قدامه
عبدالعزيز ضحك وقال : لاتلوم الي يلومك
سياف وقف عند الباب يناضر عبدالعزيز : هههههه الا وين رايح ؟
عبدالعزيز فتح سيارته وأخذ الجاكيت وقفلها وقال :بأخذ جاكيتي جمدت من البرررد
سياف : ماهو برد جوا البرد بس برا
عبدالعزيز ضحك ودخل وقال : برا وجوا كلهم واحد ما تفرق
سياف ضحك وهم وجههم للاصنصير وقال : تدري من قابلت قبل شوي عند الاصنصير ؟
عبدالعزيز سوا نفسه مو عارف لانه ما شافه سياف لما نزل وقال : لا مين ؟
سياف ضحك وقال : خطييبتك
عبدالعزيز بتمثيل وهم يدخلون الاصنصير: امماا وش منزلها تحت لحالها ؟
سياف : ما ادري تقول دخلت لدوره المياه ولما خرجت ما حصلتهم وجت تسالني وينهم
عبدالعزيز : اها غريبه ما تعرف تتصل تسال
سياف : ما ادري ماشفت معاها شنطه ولا جوال
عبدالعزيز : مدري عاد
طلعوا من الاصنصير وراحوا لرجال قعدوا والكل تعشئ وصلو وبعد ساعه خلصوا اكل وصار وقت يكملون مسراهم ، وقف كل واحد عند سيارته
سياف جا عندهم وقال وهو يناضرهم بصدمه : اووه انتوا كيف متجمعين بسياره وحده ما تضايقتوا هههه
سامي ضحك وقال : المشتهي لو ماله مكان غير فوق السياره ركب فيها ههههههههههه
سياف ضحك وقال : عاد هذول متشابكات ببعض مستحيل يتخلون عن بعض
عبدالعزيز ضحك وقال : صادق ههههه
رسن : معاك مكان ي سياف ابي امشي معك عشان انام
سياف : اي الي ورا كله فااضي تبين تمشين امشي
غرور : خير ولله غير امشي معك ي رسن
اثاري : احسن فكه توسعون علينا شوي انا وبنت خالتوو
سياف : يلا بسرعه الي تبا تمشي تمشي وترا معاي خالد
غرور : زين ، نزلوا البنات وراحوا مع سياف لسيارته
غيداء كانت ورا السواق : وااه يالوساع اثاري صارت عند الشباك الثاني وقالت : يمه طلعنا صدق متزاحمبن ههههه ماحسيت
غيداء ضحكت بخفه وقالت : كلنا هههه
سكتوا من حركوا مسراهم وكان الجو هدوء واغاني علئ الخفيف متجهين لنجد العذيه
بعد مرور أربع ساعات وصلوا نجد علئ س 1 الا نص بخير وسلام ونزل كل واحد ببيت اهله
وانتهيت ليلتنا الجميله علئ خير ♥
بعد مرور ثلاث ايام كلها حماس وتجهيز لخطوبه غيداء & عبدالعزيز ، انتشر الخبر عند اهل القريه وكان باقي علئ موعد الخطوبه يومين وكان الكل فرحان وينتضر يوم الخطوبه بكل حماس وفرح باستثناء عبدالعزيز و غيداء الي كانت تجهز معاهم وهي قلبها يتقطع لما تشوف أمها كيف فرحانه وتجهز وتسوي بطاقه المعازيم بكل حماس وكيف تشوف فرحه ابوها الي كل ما جت عنده يقصد فيها ويقول ياهلا بعروستنا ، وتشوف حماس سامي الي كان شوي ويحترق منكثر حماسه كانت تتصنع الابتسامه غصبا عنها كانت لما تشوف تجهيزاتها وفرحتهم لها تنبسط بشكل بس لما تتذكر أنها لولد عمها عبدالعزيز الي ماخذها تهديد بس ،
كان عبدالعزيز شبه متندم علئ حركته الي سواها بدون اي حسب حساب لشيء كان وقتها تقدم لها بلحضه غضب وتسرع لاكن الحين ماله وجهه يكنسل الخطبه بعد ما شاف الفرحه بوجيه الكل بدون اي استثناء لاكن مكان يقدر يسوي غير التكميله بذي اللعبه ويشوف نهايتها ايش بتصير ...
كانت الساعه 3 العصر
كانت غيداء جالسه بلصاله وحاطه رجل علئ رجل وكانت تلعب بخصلات شعرها وتناضر علئ أمها الي جالسه قدامها وتكتب الناس الي تبي تعزمهم علئ الخطوبه الي باقي لها يومين
ام سامي بفرحه : خلص خلصتهم كلهم حطيت كل الي بعزمهم شرايك الدعوه جاهزه الاحسن ارسلهم بالجوال ولا بكرت ؟
غيداء اخذت الدفتر وقالت : وريني ، الاحسن ما ادري ولله قعدت تطالع بالورقه وقالت : يمه الله يهديك عزمتي نجد العذيه كلها مو كذا يمه هههه
ام سامي بابتسامه : ولله لو الود ودي عزمت نجد العذيه كلها ي بنتي من فرحتي فيك
غيداء ناضرت فيها لطيف ابتسامه وقالت وهي تتخفي الغصه : الله يحفضك لنا ي اميتي ويطول بعمرك ياروحي
ام سامي قامت وقالت بحنيه : غيداء ي بنيتي من بدينا تجهيزات وانا ما شفت ابتسامتك أحسك مو فرحانه امانه ي بنتي انا اعرفك تكرهين عبدالعزيز من العدم إذا ما تبينه عادي قولي نلغي الخطوبه
غيداء عدلت جلستها وقالت : لاولله ي اميتي عادي بس ي يمه انا ما اعرف عبدالعزيز زين وما بيننا تواصل عشان اتحمس للخطوبه واصير مثل اي بنت بوقت خطوبتها تكون فرحانه انا فرحانه لاكن مشاعري متللخبطه وعجزت اوازن شعوري
ام سامي ارتاحت نفسياً من سمعت كلام غيداء وقالت بابتسامه : عادي ي بنيتي الشعور ذا كلنا مرينا فيه ، أهم شيء انك مو مجبوره علي عبدالعزيز
غيداء ابتسمت وقالت : لا ي يمه انتي بس لاتنسيني من دعواتك الجميله
ام سامي رفعت يدينها وقالت : الله يكتب الي فيه الخير لكم واجلعني امسك بنتك لدُن بين يديني عن قريب يااارربب يارب
غيداء ضحكت تخفي الضيقه الي جواها وقالت : اميينن ويطول بعمرك
(كانت غيداء من وهي بزره تقول أنا إذا تزوجت بجيب بنت واسميها لدُن كانت زاعجه الكل باسم لدُن وكانت تقول ياويل أحد يجيب بنت ويسميها لدُن لأنها بتموت علئ الاسم هذا وكان منكثر حبها لهذا الاسم كانت تبي تغير اسمها من غيداء ل لدُن لاكن أمها وأبوها كانو رافضين رفض تام ويقولون تزوجي وسمي بهذا الاسم)
قامت غيداء وقالت : يلا تبين شي بروح للجادل شوي وارجع
ام سامي : الله معاك بس لاتتاخرين
غيداء وهي طالعه لغرفتها : اوككيييه
اخذت عبايتها وسماعاتها البلوتوث وجوابها ولبست حذيانها وطلعت بتجاه المزرعه ماكانت قائله للبنات لأنها تبي شوي عزله تبي شوي راحه تبي تروح للجادل عشان تخفف عنها الضيقه
كانت متوجهة للاصطبل علئ رجوالها ولابسه سماعاتها ومشغله اغنيه هاديه وصلت الخيول بعد عده دقائق
-
عند بيت ابو نياف
كانو متجمعين كلهم جلسه العصريه بالمجلس وكانت الدفايه شغاله وترامس القهوه والشاي والحلا والكل قاعد يسولف بحب وحماس
رسن : هخخ متا يجي بكرااا متحمسه لجيه عذوب واهلها
عبدالعزيز ضحك وقال : ترا تشفحينهم وما يجون
انهار : ذبحتني فيهم كلشوي تجي وتقول انهار مو مصدقه أنهم بيجون وااه متحمسه
رسن ضحكت علي تقليدها وقالت : حرام مو كذا اسولف
ابو نياف : عبدالعزيز إذا جو انتبه يستأجرون فندق ترا عيب علينا بيتنا بيت كبير وسيع عيب علينا نترك الضيف يستأجر وحنا فيه
عبدالعزيز ابتسم وقال : ماعليك ي يبه هذا الشي حاسب حسابه مبطي
ابو نياف ابتسم : والنعم
سياف طفا جواله وناضر لهم وقال : لي
عبدالعزيز : شفتوا يوم اقول لكم مناشبني بكل شي
سياف ضحك وقال : انا قلت لك شقتي بجنب شقتك حتا لو تطلع برا البيت بطلع معك
عبدالعزيز وهو منسدح علئ رجل امه : حشئ شايفني مغناطيس
سياف : لاو صمغ ها ها ها ها
عبدالعزيز : ههههههههه
سياف ناضر لرسن الي قامت وقال : هذي وش تسوي
رسن اخذت الاضافر والزقات والمنكير تبي توديهم غرفتها وقالت : شرايك باضافري ، مدت له اضافرها
سياف : مخالب تعالي سوي لراسي مساج فيهم
عبدالعزيز ضحك وقال : وبعدها روحي وكلي فيهم بدون ما تغسلين
رسن بقرف : وع الله يقرفكم وييععع ، راحت لغرفتها فوق وتجاهلت تعليقاتهم
انهار كانت تضغط بجوالها وقالت : ييع مقرفين
سياف : يااي يدلوعه
عبدالعزيز : دلوعاااا انهاري ، قام وراح لغرفته فوق
انهار ضحكت وكملت تضغط بجوالها
-
عند بيت ابو خالد
كان ابو خالد توه جاي من رحله الطيران حقته (إذا ناسين ابو خالد كابتن طيار) وكانو كل العايله متجمعين ويسمعون سوالف ابو خالد
-
بيت ابو جاسر
كان البيت فاضي كلياً ام جاسر وأثاري طالعين المول مع ابو جاسر وجاسر مداوم
-
غيداء راحت للجادل وفتحت الباب عليها وطلعتها رمت الحبل الي علئ الجادل لأنها تبي تمشي بدون قيود ركبت الخيل واسرعت فيه بكل مما أوتي الخيل من قوه كانت كانت تبي شوي عزله شوي راحه عشان ترتاح فيهم وتطلع كل الي بقلبها وصلت لشجره الجهنميه ووقفت الخيل وراحت وجلست تحتها وقعدت تناضر كبر المزرعه وكان فيها أشجار وانواع الحلال وبيت المزرعه واصطبل خيول ومعدات وشاحنات الزراعه بأنواعها مصفوفه وكان علئ الطرف القصور الأربع طاحت عينها علئ شاحنات الزراعه وتذكرت فيهم موقفها مع عبدالعزيز لما أنقذها سرحت وتذكرت ماضيها مع عبدالعزيز وحركاته لها عقدت حواجبها من حست أن الدنيا تموهت قدامها غمضت عيونها بسرعه وابتسمت بانكسار من حست أن الدمعه نزلت من عيونها بدون اي مقدمات منها قعدت تبكي بدون صوت بصمت وتفكر بكل موقف صار لها مع عبدالعزيز وكان الله كاتبه عله علئ قلبها قعدت تلوم حضها و تتحسب عليه بكل قهر وحزن وتدعي أنه يبادر هو وينهي الي قاعد يصير قبل يكبر الموضوع ويوصل لزواج
فتحت جوالها علئ التوتر بتكتب فيه عن ضيقتها ا قلبي اللي لواه مْن الصواديف لاوي
جرّحته الليالي و الحظوظ الرديّه ..
حست غيداء أن في باقي كلام بقلبها تبي تطلعه اخذت نفسه وبدت تكتب ..
مدري علامي ضايق والقلب تعبان
ابعد عن همومي وهمي يجيني
كأني انا والجرح ياناس خلان
اعانق الفرحه وهي ما تبيبي
طاحت الدمعه علئ الشاشه بدون ما ترمش رفعت غيداء عيونها لسماء وغمضت وانهمروا دموعها بدون توقف اخذت نفس عميق ومسحت دموعها وطالعت بجوالها حصلت فيه قطرات من دموعها ضحكت بانكسار وضغطت نشر طفت جوالها وقامت وأخذت الخيل تمشي فيه علي رجولها تتأمل مناضر المزرعه وقفت عند أشجار الورد نزلت نفسها وقفطفت لها ورده حمرا وكانت حاطه مناكير عنابي ابتسمت علئ تشابه الاوان بينهم قعدت تتأمل الورد والجادل كانت خلفها قاطع تفكيرها اتصال من رسن ، اخذت نفس وردت كانت لابسه سماعات بلوتوث كملت تمشي والخيل بجنبها
رسن : ي عروسسه وينك فيه مختفيه ؟
غيداء : بالاندلس شتبين
رسن : هههههههههه الاندلس هذي وين تقع بالضبط ؟
غيداء ضحكت وقالت : تقع بالمررعه
عبدالعزيز كان طالع من غرفته ووقف عند الباب لما سمع صوتها
رسن شهقت وقالت : وراك بالمزرعه معاك احد من البنات ؟؟؟
غيداء : لا بس انا لحالي رحت للجادل ونص ساعه وانا راجعه البيت
رسن : وخزييااااهه خطبتها بعد بكرا وهي مقابله الخيل
غيداء : أزيدك من الشعر بيت قاعده اتمشاء مع الخيل
رسن صفقت يدينها بدراما وقالت : خلاص انتي طالق من اخوي
غيداء ضحكت وقالت : لاتكفيييين
رسن بمقاطعه : لالااا لاتكلمني خلاص انتهت السالفه
غيداء ضحكت وقالت : ايوه انتي وش مسويه يوه فاتك شكل الورد قبل شوي من جماله قطفت لي ورده
رسن : ولله جالسه عند المرايه وأحط محدد وقلوس اعجبتني شافايفي كاني مسويه فيييلرر
غيداء ضحكت وقالت : اقول انقلعي خربتي علئ أم الجو الهادئ
رسن سبقتها وقالت : انقلعي انتي وطفت الجوال بوجهها
غيداء اخذت نفس ناضرت للجادل وابتسمت بخفه وركبت الخيل وبدا الخيل يمشي علئ شوي شوي
بعد عده دقائق وصلت لاصطبل الخيول ونزلت من الجادل ودخلتها للاصطبل الخاص لها وقفلت عليها ولفت متجهه للقصور وبايدها ورده كان عبدالعزيز يناضر لها من الدور الثاني من عند الشباك رفع جواله ودخل الاستديو يدور مقطعها مع أنه عارف انها حاذفته لاكن أنصدم لما حصله موجود طفاء جواله من عرف انها صادقه ما فتحت جواله نهائي عكس الي توقعه منها وقاله لها
دخلت غيداء البيت وحصلت أمها وأبوها جالسين بالصاله وسامي عندهم ويسولفون
سامي بابتسامه : ارحححبي ي الوغده
غيداء ضحكت وقالت : للبقئ ي سويمي
ابو سامي بابتسامه : وينك فيه من قبل شوي نسأل عنك
غيداء ضحكت وقالت : ولله كنت عند الجادل
ابو سامي : تعالي اجلسي عندي
ضحكت غيداء وجلست عنده
سامي : ياناس ماني مصدق أن ذي الوغده بتتزوج
غيداء ضحكت وقالت : ليه لهدرجه طايحه من عينك
سامي ضحك وقال : للاسف
ضحكت غيداء وقالت : خلص ي يبه مابي اتزوج كنسلوا
سامي قام وقالت : لاااا والفففف لااااا
ابو سامي ضحك وقال : وراك
غييداء : خلص انتهاء الموضوع انت ماتباني اتزوج وانا نفذت
سامي : لعنبو حيتس انا ما صدقت علئ الله انكم بتتزوجون والحين تقولين عني اني ما ابيك تتزوجين
غييداء شهقت وقالت : شفتتت ي يببهه يبي الفكه مني ولدك
ابو سامي بابتسامه قال : اييينعممم وانا ابوتس مدامه يبي الفكه منتس ابي ازوجه واخليك انتي تنفكين منه
سامي ضحك بشهقه
غيداء أشرت لابوها بمعنئ كفو وقالت : لبئ عينك يابوي هذا القرار الصح
ام سامي ضحكت وقالت : انا بزوجكم وافتك منكم ويعيش حياتي مع ابوكم من جديد
ابو سامي ضحك وقال : صح كلام امكم بنعيش حياتنا لو شويه من دونكم
سامي : غيداء عز الله أن شيبانا انهبلوا
غيداء : بسس زوجوهم يعقلون هذا هم انهبلوا
ابو سامي سحب العقال ، وبسرعه قامو يضحكون سامي وغيداء وهجوا لامهم
ام سامي فكت الحذيان وقالت : تعالو تعالو اوريكم مين الشيبان
غيداء صرخت بضحك واتجهت ورا سامي باتجاه الباب
غيداء ضحكت وقالت : خلصص مابها مجالس عندكم
سامي : انا زعلت خلاص بطلع برا البيت
غيداء وقفت بنص الدرج ولفت وطالعه بسامي الي عند الباب قالت : عساك ما ترضئ
سامي : انتتي بذات مزاعلك لاتكلمني
كانت الصاله فاتحه علئ الدرج وام سامي وابو سامي كانو يناضرون ويضحكون
غيداء للمره الثانيه بضحكه : عساك ما ترضئ
سامي يمثل الزعل : افاء الوغده تزعل ابوها
غيداء ضحكت وقالت : تخسي مالي غير ابو واحد
سامي قاطعها وقال : الي هو انا
ابو سامي يمثل الغضب : اخسسسس وانا وين رحت ؟؟
غيداء استغلتها فرصه وقالت : صادق وين راح ابوي الاول ؟؟؟
سامي ضحك وقال : محششوم يابو سامي لحضه استهبال
غيداء ضحكت وقالت : لالا هاذا ماهو عذر اطلع براا ياالله
سامي وهو يأشر علئ غيداء: شفتوا طردتني يايمه وياايبه
غيداء وهي متكيه علئ الدرج : اقول يلا روح
سامي ضحك وقال : بالله مع السلامه تبون شي ؟
غيداء : تكفا جيب فلوتس ولا كندر
سامي : لا يشيخه لك عين تطلبين بعد طردك لي
غيداء طشت له بوسه بالهواء وقالت : اسفين
سامي اتصل جواله ورد وقال : يالله مع السلامه
غيداء تأشر له بمعنئ لاتنسئ
سامي ضحك وقال : لاالالاالالا ، وطلع برا
غيداء ضحكت وركبت لغرفتها فوق
طلع سامي لعبدالعزيز وراحوا يفرفرون بالسوق يشترون لهم الاغراض الي ناقصتهم الخطوبه..
.
.
.
.
________________________
اعذروني اذا فيه اخطاء املائيه
________________________
ايش رايكم بالبارت ؟ متحمسين للبارتات الجايه الي يكون فيها جيت أهل سلمان وعذوب وخطوبه غيداء وعبدالعزيز عطوني افكار جديده من عندكم 😃😃🤍 .
اللهم صل على محمد وال محمد كما صليت على ابراهيم وعلى ال محمد انك حميدً مجيد 💕 .
