كل شي بهالدنيا مقدر و مكتوب
خذ من حياتك اللي تبي منها
لا يهمك نقد و عيب و عذروب
محدٍ مهتم ولا حتى سأل عنها..
-
عبدالعزيز : اف ي هادي ذا من نقلت لنجد وانا مو بالعه ، تصدق لما تسبه عندي احسب أنه عادي طلع رجال خبيث .
سامي : توك توك م شفت شيء منه هاذا حاط رأسه برأسي ودائم يحاول يرسلني لمهمات صعبه وتكون بعيده الكلب .
عبدالعزيز ضحك وقال : لاتخاف أن شاءالله الله قريب واترقئ واصير لواء واكسر خشمه .
سامي : صعبه قدامك رتبتين عشان توصل لرتبه لواء
عبدالعزيز : م عليك أن شاء الله نترقئ انا وياك باسرع وقت ونكسر خشمه وغروره الي دائم يتفاخر أنه لواء وأنه اعلئ منه والخ...
وصلو سامي وعبدالعزيز للمركز ونزلو .
غيداء صفقت بحماس وقالت : ي الله ابي اشوف فرحه سامي لما يعرف أنه ترقئ
اثاري بصدمه : ايششششش سامي ترقئ ؟؟؟
رسن : اي من قبل شوي يتصلون عليه عشان يبشرونه وسامي مطفي جواله عشان كذا اتصلو علئ عبدالعزيز وبشروه أنه تىقئ من مقدم لعقيد .
غرور : يووه ولله رحمت سامي ليه م خبرتوه أنه ترقئ من قبل شوي وهو خايف أن خويه هادي مسوي مشكله وملصقها عليه ههههههه .
غيداء : معليه خليها سبرايز له لما يدخل يقولون له .
-
عند سامي و عبدالعزيز
دخل سامي وعبدالعزيز عنده وانصدم سامي من التصفيق الي جاء نحوه وكيف أن أصدقاءه المقدمين والي أقل منه رتب طاقين له تحيه عبدالعزيز مبتسم ويناضر سامي ، سامي منصدم ويفكر بالتجمهر الي تجمهروا عليه وقعد يطالع بعبدالعزيز بصدمه ولقى عبدالعزيز مبتسم ويصفق معهم
سامي بصدمه قال : ايش الي صاير ي عبدالعزيز ؟؟؟
عبدالعزيز بابتسامه : مبروك الترقئ ي حضره العقيد سامي بن مشعل
سامي بصدمه قال : اسالك بالله !!!!!!!!!!!!!!!
عبدالعزيز ابتسم وجاء ضمه وقال : ايولله والعقبال المراكز العليا الي نكسر فيها خشم هادي .
سامي بعد عن عبدالعزيز بفرحه وبدا يسلم علي أصحابه ويرد التباريك وكان مره مبسوط وفرحان علئ الانجاز الي سواه بحياته .
جاء هادي وقال : علئ البركه ي سامي
سامي التفت له وقال : الله يبارك فيك
هادي وهو يمثل الصدمه : أفاء ي سامي بن مشعل من ترقيت م شفتك تطق لي التحيه ؟
سامي بابتسامه قال : تخسي اطق لك التحيه انا الحين بفتره خارج دوامي .
هادي بابتسامه خبث : تجهز مدامك ترقيت في مهمه بتاخذها الاسبوعين ذول .
سامي انقهر وسواء نفسه م سمعه وتجاهله .
عبدالعزيز بابتسامه قال : يلا تمشي ؟
سامي ضحك وقال : اسالك بالله انت كنت تعرف ؟
عبدالعزيز ضحك وقال : كل الي بالسياره يعرفون متشوف البنات ساكتين هههههههههه .
سامي قعد يضحك وقال : وش دراك ووش دراهم أصلاً !!
عبدالعزيز بابتسامه : اتصلو علئ وبشروني وقالو بلغ سامي يجي بالمركز .. وامي وأبوي والبنات سمعوني عرفو من الاتصال الي جاني انك ترقيت .
سامي تنهد براحه وحماس وقال : واخييييرًا يارب ترقيت يعني صرت انا وياك كلنا نفس الرتبه عقييد
عبدالعزيز بابتسامه قال : الحمدالله هذا كله بضل الله وتوفيقه .
سامي : الحمدلله والشكر يارب .
عبدالعزيز : افف نسينا البنات بالسياره ههههههه !
سامي : اااي صح ههههههه أمش لهم الحين يقولون الوقت راح وانتو بالمركز .
راحو وطلعو برا أنصدم سامي ووقف يطالع بسيارته لما حس أن سيارته كأنها متغير مكانها وقال لعبدالعزيز : عبدالعزيز انا موقف السياره هينا ؟؟؟
عبدالعزيز عقد حواجبه وقال : مدري عنك م انتبهت لها ، عبدالعزيز يطالع بالسياره ويحاول يتذكر
سامي : ياشيخ انا م أوقفها هينا كيف جت هينا !!!
-
كانو البنات يطالعون لسامي وكيف أن وجهه متغير ويطالع بصدمه ويسأل عبدالعزيز والواضح أنه منلخم
كانو البنات ميتات ضحك علئ شكله
غيداء وهي ميته ضحك : تكفوون ممممتتت ي شكل سامي
اثاري وهي تمسح دموعها من الضحك وقالت : خلو سامي ناضرو لنضرات عبدالعزيز الي يطالع بالسياره ممممتتت
غرور : الله ياخذ عدوتس ي غيداء لخمتيهم ههههه
غيداء وهي ميته ضحك قالت : انا شدخلني من حماس رسن
رسن بصدمه : يقرررف شكلتس انا شدخلني هههههه
-
نرجع بالزمن قبل نص ساعه :
غيداء : اخخخ طفش الله لو انزل وأشوف ردت فعل سامي
غرور : الله لونه عادي ننزل تلقيني مترت المركز كله
اثاري : بنات شغلو المسجل خلونا ننطرب فيه .
رسن نطت وقالت : المفتاح موجود ؟؟؟
اثاري طالعت وقالت : اي موجود
غيداء نزلت وركبت بمكان السواق وقالت : بنات شرايكم اسوق فيكم ؟
رسن نزلت بحماس وركبت جنبها وقالت : قدددااام .
غرور كانت تصور اللحضه وأثاري جنبها مستانسه .
غيداء شغلت السياره وكانت ميته ضحك ورسن معاها مشغله اغنيه حركت السياره غيداء وراحت فيهم لين اخر الشارع حق الكراج غيداء بوهقه بنات الحين كيف ارجع فيه سياره وراي م اقدر ارجع !!!!
رسن : خذي اللفه وامشي بالسيد الثاني ولما يخلص الشارع لفي ارجعي لسيد ذا عشان تقدرين ترجعين لمكانا القديم .
غيداء ضحكت بوهقه : واذا قفطونا سامي وعبدالعزيز شنسوي !!
اثاري : ي بنت الحلال اخير من تلفين وترجعين لورا وتصدمين الي ورانا !
غرور وهي ميته ضحك : غيداء استعجلي ! الحين يجوون ، كانو البنات صابهم ضحك هستيري م يدرون وش جاهم ( شفتو الضحك بالمواقف الجديه اي هذا الي جاهم ههههههههههه) .
السياره الي وراهم زمرت لهم بعصبيه .
اثاري قامت ووقفت بين كرسي رسن وغيداء وقالت بخرشه وصراخ : غيييييداءءء حركي بسسرعه لايجون إخوانكن
غيداء مسكت بريك بسرعه انخرشت من الي زمر
غيداء صرخت بقوه من شافت ألي طاح بينها وبين رسن وقالت بصراخ : بسسممممممم الله
كانت اثاري لما صرخت علئ غيداء أنها توقف غيداء مسكت بريك علئ طول وطاحت اثاري بينهم بسرعه من قوه البريك وصرخت بقوه من قوه الطيحه
غيداء لما مسكت بريك قوي كانت غرور ماهي رابطه حزام الامان وصدمت كرسي رسن الي قدامها وصرخت ، رسن حطت يدينها علئ طول علئ طبلون السياره عشان م تصدم القزازه لاكن صرخت بصدمه من قلطت عندهم اثاري وكانت تصيح وغيداء صرخت من الشي الي جا عندهم
الرجل الي وراهم زمز لهم مرتين كانو سادين عنه الطريق
غيداء بعدت اثاري وقالت : انتي وش جابتس هنا اذلفي ورا ودفتها حركت السياره وقالت : الله ياخذك يشيخ خرشتن .
اثاري : اااححح راسي يوجعني صدمت ازرار مسجل السياره ، كله من بريك غيداء وحطت يدينها علئ راسها وقالت : ااح يراسي
رسن : اثاري اسكتي مهو وقت التحطمه غيداء إذا مريتي من قدام بوابه المركز حاولي تسرعين عشان م يشوفونا عبدالعزيز وسامي .
غيداء نفذت كلام رسن واسرعت ولما جت عند اخر الشارع لفت ورجعت لنفس الشارع الي كأن سامي صاف سيارته فيها غيداء هدت السرعه وقالت : بنات في سياره اخذت مكاننا !!!! شسوي !
رسن حطت يدينها علئ راسها : بس رحنا فيها !
غيداء ضربت كتف رسن وقالت : انتي بذات اسكتي لأسمع صوتك .
اثاري وهي تأشر قدام قالت : بنات شوفو السياره ذي إذا طلعت ي غيداء خوذي مكانها قبل أحد يأخذها .
غيداء أسرعت ولما طلعت السياره غيداء صفت السياره وطفتها .
غيداء ضحكت ولفت لاثاري ورا وقالت : ي كلبه انتي علامك قلطتي عندنا قدام !!!!!!
غرور ضربت كتف غيداء وقالت : انتي الكلبه ليه تمسكين بريك راسي صدم الكرسي رسن
غيداء قعدت تضحك قالت : ااخخخ ممتت ليكون صار فيتس جرح ولا شي ههههههههههه
رسن لفت لورا وهي ميته من الضحك قالت : اثاري ارمي النقاب خليني اشوف راسك
اثاري وهي تحك راسها : ااححححح ، خلو عني راسي شوفو مسجل سامي انا كسرته
غيداء لفت بتشوفه وقالت وقعدت تضحك : لا الحمدلله زين م انكسر
اثاري : ااخخ مدري وش أصيح منه هو من راسي الي صدم ازرار المسجل ولا يديني الي طحت عليهم احح
ولا من غيداء يوم دزتني ورا .
غيداء ماتت ضحك وقالت : خرشتيني فجاه شي اسود جاء بجنبي وصدم الي قدام عبالي حني طلع لنا
غرور تتذكرت منضر اثاري لما طاحت وقعدت تضحك وقالت : اخخ لو شفتو كيف كلها طاحت قدامكم هههههههههه
غيداء نزلت هي ورسن وركبو ورا وهم لسئ يضحكون .
غيداء : عاد لو سألونا إذا تحركت السياره انكرو مهما كانت الادله قويه
رسن : اااااااي لما نزلو نزلو بسرعه متوقع أنهم بيلاحضون مكان السياره
غرور : لعبتي الانكار
اثاري : مستحيل اكيد راح يلاحضون مير خلونا نصمل ونقول هذا المكان الي وقفتونا فيه .
غرور : جو جو
طلع عبدالعزيز وسامي وكانو يسولفون
-
نرجع للزمن حاليًا
سامي : ياشيخ انا م أوقفها هينا كيف جت هينا !!!
عبدالعزيز : انت متاكد مستحيل محد بيغير مكانها !
سامي : أمش خلنا نسألهم هو حنا الي صفيناها هينا مع اني متاكد معمري صفيتها هينا انا !
راحو متجهين لسياره وركبو فيها
غيداء : ليش تأخرتو ؟
سامي ناضر لغيداء وقال : في احد مغير مكان السياره ؟
البنات مسكو ضحكتهم وغيداء تقرص فيهم يعني اسكتو
غيداء قالت بتمثيل : كيف م فهمت ؟
سامي : كيف م فهمتي اسال فيه احد غير مكان السياره ؟؟
غيداء : لا اصلا المفتاح معاكم صح ؟ هذا نفسه المكان الي وقفتو فيه .
سامي : لا المفتاح بالسياره ، انتي متاكده محد غيرها
غيداء بأنكار : ااااااييييههه ابد مين بيغيرها مثلا
عبدالعزيز : شكلك لما كنت متوتر صفيتها هينا وم انتبهت لنفسك
غيداء عجزت تكتم ضحكتها وغطت راسها بحضن اثاري تضحك
اثاري انصدمت وتحاول تخلي غيداء تسكت لاكن عجزت وقعدت تضحك علي الصامت وصوت شهقاتها شوي باين
غرور كانت تضغط بجوالها لامن عجزت تكتم ضحكتها لما شافت البنات يضحكون طشت جوالها وقعدت تضحك وهي حاطه يدها علئ فمها
رسن ابتلشت فيهم لأن السياره هدوء وقت صلاه المغرب يعني م يشغلون شيلات وأخذت جوال اثاري وفتحت علئ اول مقطع قدامها وطولت الصوت تبي تخفي أصوات ضحكهن باي فيد قدامها
لاكن فتحت عيونها بصدمه لما سمعت صوت غرور
-
وهي تقول : طبعا ألحين العيال نزلو للمركز وغيداء قررت تسوق السياره فينا الله يستر تجيب فينا العيد
اثاري : من الحين اقولهم وصيتي الاندومي الي بدرجي م اسامح أحد ياخذه
-
رسن اخذت الجوال علئ طول وطفته
غيداء شهقت ورفعت ناضرها بصدمه من سمعت الفيد
وقعدت تناضر للعيال الي قاعدين يناضرونهم مع المرايه لفت لرسن بصدمه وقعدت تناضر فيها
رسن حطت يدها علئ راسها بصدمه كانت بتسغل اي فيد عشان يخفي صوت ضحكهن لاكن كشفت كذبتهم علئ طول قدام سامي وعبدالعزيز
قعدو البنات يناضرون رسن بصدمه
رسن قعدت تطالع فيهن بصدمه وقعدت تضحك
البنات انفجرو ضحك لان خلاص هم انكشفو
عبدالعزيز وسامي عقدو نضراتهم من سمعو صوت البنات يضحكون
سامي باستغراب : علامهم يضحكون ذول ؟
عبدالعزيز رفع كتوفه بمعنئ مدري وقال : مدري عنهم .
غيداء وهي تضرب رسن قالت : الله يقرفتس فضحتينا ليه سويتي كذا !
رسن وهي ميته ضحك : سمعتكم تضحكون وصوت ضحككم يفضح قلت خليني اشغل اي فيد عشان م يسمعون صوتكم العيال طلع الفيد الي صورت غرور ههههههههههه .
غرور : يراسي جت بتكحلها واعمتها هههههه
سامي بصوت عالي : وش تضحكون عليه ضحكونا معكم ؟
غيداء باستغراب قالت : انتم م سمعتونا ؟
سامي : لا عيدو مسمعت غير شهقتك
غيداء : اءءء ، بتنزلونا بمسجد عشان نصلي بعدها نروح السوق
سامي : ليه السوق الحين مو فاتح ؟
عبدالعزيز : لا مقفل ، خلنا نصلي بعدها نوديهم لسوق .
سامي : حلو ، راحو للمسجد وصلو وبعدها ركبو واتجهوا لسوق ، وصلو ونزلو البنات والعيال وراهم
راحو ودخلو لهم سوق كبير وبدو يتمشون فيه
دخلو لهم سوق فيه انواع الفرو حق الشتاء
قالت غرور : بنات شرايكم ناخذ لنا ؟
اثاري : ولله فكره تجنن .
راحت غيداء للموضفه وقالت : لو سمحتي ؟
الموضفه : سمي ي عسل .
غيداء ضحكت وقالت : سم الله عدوك بس توفرون خدمه التطريز علئ الفري ؟
الموضفه : اي ي حبيبتي
غيداء لفت للبنات وقالت : الله شرايكم نطرز اسمائنا فيها ؟
رسن : اااااااي
راحو البنات وأخذوا لهم فروه بالون الرصاصي المائل علئ الفاتح وحطوهم عند الموضفه
قالت الموضفه : تبون بطرازه ولا بدون ؟
رسن : بطرازه .
الموضفه : حلو عطوني اسمائكم وبكرا العصر بيكون جاهزين أن شاءالله .
غيداء : غيداء ، رسن ، غرور ، اثاري .
الموضفه : زين ، ترا متوفر عندنا فرو رجاليه إذا تبون
غيداء : صدق ؟
الموضفه : اي شوفيهم بالقسم ذاك .
غيداء لفت للبنات وقالت : بنات شرايكم أخذ لسامي هديه له بمناسبه ترقيه ؟
غرور : ولله فكره حلوه ، شرايكم ناخذ لإخواننا كلنا ؟.
اثاري : اااااي يييلا .
راحو البنات وأخذوا لهم
غيداء اخذت فروه رجاليه رصاصي غامق
رسن : شرايك أخذ لعبدالعزيز نفس سامي ؟
غيداء : اممم مدري ، خوذي له يمكن يفرحون لأنهم كلهم نفس الجو .
رسن بتفكير ماتبي تاخذ لعبدالعزيز بس وتخلي باقي اخوانها ف خذت فروتين لنياف وسياف .
غرور اخذت فروتين لخالد ومشاري .
وأثاري اخذت فروه لجاسر .
حطوهم عند المحاسبه
وشافت غرور أن رسن معاها ثلاث فرو رجاليه وقالت: رسن منهن له ذول
رسن : لاخواني كلهم
اثاري : ليه بلا اخوانك كلهم يجون بالمخيم ؟
رسن : لا بس سويت لعبدالعزيز ونياف ابوي يقول انه يجي يخيم معنا وسياف شكلي بشحنها له
غيداء ضحكت وقالت : الاخت البطله الي تعدل بين كل اخوانها ههههههه
رسن : من يووومي انا تسذذا
الموضفه انصدمت من كثر الفرو الي حطوهم علئ طاوله المحاسبه وقالت : كل ذول بتاخذونهن ؟
غيداء ضحكت وقالت : عادي ترا كلها 7 فروات ابد م قشينا للقبيله كلها
رسن ضحكت وقالت : ابببببد بالضبط
ضحكت الموضفه وقالت : زين تبونهن بتطريز أو بدون ؟
غرور : لالا كلهن تطريز .
الموضفه: عطوني اسماء الي تبوني اطرز فيهم مع لون الفرو .
اثاري : شوفي الحين اكتبي اسماء وبعدين الاوان
الموضفه وهي معاها القلم : زين قولي الاسماء
اثاري بدت تنقلها : جاسر ، مشاري ، خالد ، نياف ، سامي ، عبدالعزيز ، سياف .
الموضفه : حلو الحين بقولك كل اسم وانتي قولي لي وش لونهم
اثاري : زين .
بدت تاخذ المعلومات وبعد م خلصت قالت الموضفه : تمام خلصت الفرو كلهم بيكونن جاهزين بعد صلاه العصر أن شاءالله.
غيداء : حلو بس عندكم توصيل ؟
الموضفه : اااي يعيوني فيه توصيل
غيداء ضحكت وقالت : يشيخه حبيتس انتي وكلامتس العسل
ضحكت الموضفه وقالت : ولله حتنئ حبيتكم مع اني م اعرفكم احلئ زباين جو عندي ولله .
غيداء ضحكت وقالت : يبعد عمري ، يلا الحين بعطيك رقمي وموقعي عشان المرسول إذا جاء بيتصل علئ .
الموضفه بدت تاخذ الرقم والموقع وقالت : تم باقي الحساب .
بدو البنات يحاسبون ولما خلصو .
قالت الموضفه : حياكم الله بأي وقت .
طلعو البنات وحصلو العيال قاعدين برا ينتضرون
سامي ناضر لهم وقال : قاعدين سنه كامله واخر شيء ماشريتو شيء ؟
غيداء ضحكت وقالت : الا شرينا بس بيوصلون بكرا العصر .
سامي : وش الي شريتو ؟
غيداء : مالك شغل سبرايز
سامي ضحك وقال : انتي بذات ينخاف من سبرايزك
غيداء بتمثيل فتحت عيونها بصدمه وناضرت للبنات وقالت: بنات سمعتوه !!
اثاري جت بتمثيل وحضتنها وقالت : أجل انت بذات مطرود من السبرايز
سامي ضحك وقال بتمثيل : لااااااا تكفووون
جاه عبدالعزيز من ورا وسحبه وضمه وقال : لاتزعلون سويمي !!
اثاري : يعني انت ترضئ أن ولد عمك يجرح أخته !
سامي طلع رأسه وقال : ولله غيداء نكبه دائم مفاجأتها مصائب .
كلهم انفجرو ضحك الا غيداء حاولت تمسك ضحكتها وقالت : اففااااااء ي سويمي هذا واحنا مسوين لك ولشليويح هداياء خلاص زعلت ، وراحت
سامي يضحك قام ولحقها وضمها مع كتفها وقال : م عاش من يزعل وغدتي .
غيداء لفت له وقالت : لا بعد خلاص انت جرحتني
سامي قرب منها وباس راسها وقال : خلاص رضيتي ؟
غيداء ضحكت ومسكته مع الجنب وقالت : م عاش من يزعل علئ سويمي .
سامي ضحك وقال : لبئ عييييينها بنتي الحلوه
كان سامي ماسك غيداء مع الجنب وغيداء كمان ماسكته مع الجنب ويمشون
ووراهم عبدالعزيز ورسن وأثاري وغرور
رسن : الله حبيييت منضرهم ليتك ي عزيزه تكون مثل سامي .
عبدالعزيز ضحك وقال : افاااا ماني مالي عينك !
رسن : للاسف ، أحسك تحب انهار أكثر مني .
عبدالعزيز ضحك ومسكها مع الجنب وقال : صح كلكم اخواتي وكل وحده لها محبه بقلبي كبيره لاكن انتي ي رسسينه احبك اكثر من انهار حتئ انهار ملاحضه وقد قالت لي اني احبك اكثر منها .
رسن رفعت راسها باتجاه عبدالعزيز وقالت : صدق ولله ! ، ولا تقول كذا عشان تسكتني
عبدالعزيز : ههههههههه لاولله هذا الصدق
-
غيداء طالعة لسامي ولفت ورا وقالت: البنات نسيتهم
اثاري : ماشاء الله وتوك تذكرينا .
غرور : ماشاء الله خوانات ليتني جبت خدخودي معي
غيداء ضحكت وقالت : هههههههههه تذكرت أم كشه
اثاري : مممتتت وش صار ي غيداء سويتي لوحه العرسان شليويح وشليويحه وخدخود وام كشه ؟
غيداء طالعه بعبدالعزيز وقالت بنضرات خز : صح ذكرتيني ، متا تبي الزواج ي ولد العم ؟
عبدالعزيز بابتسامه خبث قال : اي زواج ؟
رسن : زواجك انت وشليويحه هههههههههههه .
عبدالعزيز بابتسامه قال : قريب إن شاء الله بس مو من شليويحه .
سامي طالع بعبدالعزيز بصدمه وقال : اخسس تبي تتزوج وانت م قلت لي !!!
عبدالعزيز وهو يعطي نضرات خبث لغيداء لاكن بدون م احد يحس قال : ولله سويمي اتوقع انت اكثر واحد بتفرح لان...
غيداء فتحت عيونها بصدمه وقاطعه كلامه : بنات نسينا نشتري فعليات المخيم
غرور : ايش بضبط ناخذ مافي فعليات برأسي حالياً
عبدالعزيز : ماله داعي الفعاليات لأن يتكون بالمخيم دبابات واحصنه .
رسن : نعرف بس نبي فعليات ثانيه .
غيداء ابتسمت وقالت : بنات شرايكم أخذ الكيرم ذي
اثاري : ااااااي ااااي
غرور : ونأخذ بلوت بعد
رسن : البلوت اهم شيء
غيداء : في فكره ببالي بس اتوقع راح ترفضونها .
غرور : وشهي ؟
غيداء ضحكت وقالت : نبي ناخذ رشاشات ثلج ونسوي مقلب بالعيال
رسن درعمت وقالت : قداااام .
غرور : الله عشقي المقالب
اثاري : حبيبتي عشقنا .
غرور : شرايكم ناخذ لنا بجايم نفس الي جابت لنا رسن ؟
اثاري : ااااي علئ طاري ، ترا الي جابت رسن م لبسناهم غير مره شرايكم ناخذهم معنا للمخيم ونصير طقم فناجيل ؟
رسن : ولله توي بقوله ، ياخي المفروض نحللهم هههههههه
كملو البنات وأخذوا من المحلات الي يبون وطلعو .
رسن : غيداء قولي لسامي يودينا سوق العطور حق ابوي تكفيييين
غيداء : زين بس ترا مالي نفس انزل .
رسن : اوكي ، يلا قولي
غيداء : اءء سامي عادي تودينا لمحل العطورات حق عمي ؟
سامي ضحك وقال : هههههه عاد انا متوجه له عشان ابوي وصاني أروح لمحل الذهب ( محل الذهب والعطور كانو بجنب بعض )
غيداء ضحكت وقالت : ليتني م تكلمت ي رسن
رسن : هههههه احسن ، بنات من تبي تنزل معي امس نزلو عطورات جديده براندات عالميه
اثاري : صدق !!! تتوقعين العطر الي ببالي موجود ؟
رسن : ولله مدري لاكن احتمال كبير اي لان جابو كميه كبيره اسمع ابوي يكلمهم أمس
غرور : ابي انزل لأن العطور الي أحبه خلص ويارب يكون متوفر عندهم
وقف سامي بعيد عن المحل لان كان مره زحمه وقال : يلا نص ساعه معاكم خلصو بسرعه عبال م اخلص الشغل
نزلو البنات وعبدالعزيز وسامي ، وراحو
غيداء قعدت تضغط بجوالها لاكن شافت قدامها سوبر ماركت صغيره نزلت وراحت لها قعدت تحوس بالاغراض لاكن انصدمت من شافت عبدالعزيز داخل البقاله
غيداء : لحول هذا شيبي بكل مكان ناشب لي
عبدالعزيز لاحض غيداء وسواء نفسه م عرفها
اخذت غيداء الاغراض وطلعت برا البقاله الا تشوف قدامها شله عيال والواضح أنهم ماهم ماهم ناصحين واقفين قدام السياره خافت انها تروح لسياره ويشوفونها لحالها ف قررت انها تكمل وتروح للمحل عند البنات ، غيرت اتجاها وراحت باتجاه المحل الا ويوقف قدامها واحد ووراه ثلاث رجال قال : علئ وين ي حلوه ؟
غيداء وقف قلبها من الخوف ومن اشكالهم المريعه كملت بتتجاهلهم لاكن جا واحد من وراها وقال : فين بتروحين منا
غيداء قعدت تطالع فيهم بصدمه وللمحل بعيد عنهم ف قررت انها ترجع لعبدالعزيز الي بالبقاله راحت منهم تركض وكانت ميته خوف وقاعده تصيح والعيال وراها يركضون ويصارخون عليها وتخبت ورا وحده من السيارات وقعدت تدق علئ سامي م رد فمالها الا خيار اخير راحت ودورت رقم عبدالعزيز بين جهات اتصالها وكانت قاعده تبكي منهاره ولقت رقم ضغطت عليه وماكانت متاكده إذا هو عبدالعزيز أو واحد ثاني
-
عبدالعزيز كان طالع من المحل أستغرب وين اختفت بكل السرعه هذي راح لسياره وماحصلها فيها وتوقع أنها راحت للبنات لاكن وقف بشك لان فيه شله عيال متجمعين عند السياره والواضح أنهم ماهم صاحين كيف اختفو مع اختفاءت غيداء ، راح عبدالعزيز وكمل لمحل العطورات كان بيدورها هناك عشان يتأكد انها بخير وان العيال الي قبل شوي م قربو لها
وقف من اتصل جواله وكان مسجلها ' زوجه عبدالعزيز المستقبليه ' عناد لغيداء عقد حواجبه بصدمه والأكيد أنها م دقت عليه لشيء مهم
رد عبدالعزيز وقال : الو ؟
غيداء بانهيار قالت : عبدالعزيز وينك ، وكانت منهاره بكاء
عبدالعزيز فتح عيونه بصدمه وقال : ليه وشفيك ؟؟
غيداء : تكفئ تعال في شله شباب قاعده تلحقني واتصلت علي سامي م يرد علي تكفئ تعال قبل يحصلون مكاني
عبدالعزيز رجع باتجاه البقاله وقال : لحضه ويينك انتي الحين ؟؟؟
غيداء وهي تحاول تكتم شهقاتها قالت : عند كراج السيارات قدام محل **** تعال قبل يحصلون مكاني تكفي وانهارت بكاء
عبدالعزيز خاف من صوت بكاها وقال : جاي جاي بس لاتقفلين المكالمه .
غيداء صرخت من مسكها أحد من ورا وكان واحد من العيال ، غيداء كانت تحاول تتفلت منه وقاعده تضربه بكل م اوتيها من قوه وتستنجد وبصراخ قالت : اترككننيي ، عبببدالععزيييز .
عبدالعزيز وقف قلبه من الخوف من قوه صراخها طفاء جواله وراح لها يركض باتجاه المحل الي قالت له غيداء عنه .
غيداء حاولت تتفلت منه وضربته ضربه قويه وتركها غيداء تركته وتوجهت بتهرب عنه إلا وتصدم عبدالعزيز دفته بسرعه وكانت بتهرب تحسبه واحد من العيال الا ويمسكها عبدالعزيز وقال : غيداء وقفي هذا انا عبدالعزيز .
غيداء وقفت من سمعت صوته ولفت له وقالت بصراخ : انتبه ورااااك !! عبدالعزيز لف بسرعه وكان الشخص الي لحق غيداء كانت معاه اله حاده بيطعن عبدالعزيز فيها لاكن لما عبدالعزيز لف جت الاصابه علئ طرف أيده كانت اصابه صطحيه مما ادا الئ نزيف خفيف بايده اليمين عبدالعزيز حاول يدافع عن نفسه ويبعده عن غيداء ، طلع السلاح الي بجيبه واطلق علئ طول واصاب رجله كانو بقيه العيال متجهين لعبدالعزيز بيخلصون عليه وياخذون غيداء الي معاه ، غيداء علئ طول تخلت ورا عبدالعزيز وعبدالعزيز أطلق علئ الثاني واصاب رجله وطاح جنب خويه كانو فيه ثلاث متبقيين لما شافو أن مسلح هربو علئ طول وعبدالعزيز راح يركض وراهم وترك غيداء لحالها
الناس بدو يتجمعون علئ صوت إطلاق النار
سامي دق علي غيداء عشان يتطمن عليها وقال : الوه غيداء وينك ؟
غيداء ردت عليه وكانت ميته خوف وبكاء وقالت بصوت اهلكه البكاء : س سا امي تعال تكفئئ
سامي : غيداء فيك شئء ليكون خفتي من اطلاق النار ؟
غيداء ببكاء : سامي تعال عبدالعزيز هو الي أطلق النار تكفئ تعال ساعدني
سامي طلع يركض متجه لتجمع الناس وقال : غيداء فيك شي ؟؟ لاتخافين جايك جايك
عبدالعزيز تذكر غيداء ورجع لها لقئ تجمهر ناس وسيارات شرطه رجع لغيداء ولقاها قاعده تبكي والناس متجمعه عليها جا عندها بسرعه وقال : لاتخافين ماصار شي قومي قومي
غيداء كانت تطالع بصدمه بالناس الي قدامها وكانت منهاره بكاء عبدالعزيز وقف قدامها عشان م تشوفهم وقال قومي م صار شي قومي
غيداء قامت وقالت بصياح : ماتو صح ؟
سامي جاء من ورا وقال : غيداء وينها ؟؟؟
غيداء لفت باتجاه سامي وراحت له ركض وضمته وكانت منهاره
سامي : اششش م صار شي لاتبكين لاتبكين
غيداء بانهيار قالت : سامي شفتهم ماتو صح شوفوهم غرقانين بدمهم تكفئ قولي أنهم م ماتو بسبتي...
________________________
اعذروني اذا فيه اخطاء املائيه
________________________
.
.
.
.
اعذروني عشاني م نزلت أمس بارت .. الحين فتره اختبارات واحاول قد م اقدر اكتب لكم ادعولي بالتوفيق ي حبايبيّ 🥹🤍💕.
لاحول ولا قوة الا بالله العلي العظيم .
