شعور مؤلم أن تحمل في قلبك عتاباً
لمن تٌحب وحين تلقاه تصمت كي لا تخسره .
كانت غرور ملاحضه نضراته وما أعطته اهتمام .
ركب خالد السياره وقال : ايوه وين تبينا نروح ؟
غرور ابتسمت : ابد خلنا نتمشئ وبعدها تنزلني علئ البنات
خالد : وينهن البنات ؟
غرور ضحكت وأشرت للي ورا وقالت : هينا .
خالد لف باستغراب وانصدم لما شاف المشروبات والحلا وقال : ابوووك يلغدره ! وطلع جواله بسرعه يشوف كم سحبت ، وغرور ميته ضحك علئ شكله
قالت : العذر والسموحه ي المحامي المزيون
خالد : بسكت عشانك قلتي محامي مزيون
غرور وهي ميته ضحك : ي خفيييفف ههههههههههه
غرور : مين الي قبل شوي معك ؟
خالد : صديقي وسام من ايام الجامعه والحين محامي معي
غرور : ااههههاااا لايكون مثلك محامي ومزيون
خالد ضحك لأن كلمه محامي ومزيون هو دائما يقولها وقال : معليش مافي غيري انا وبس المحامي المزيون
غرور : ابوووك ينرجسييه
خالد ضحك وغمز وقال : يحق لي لاني محامي ومزيون
غرور : خالد تدري اني مستانسه انك اخوي
خالد طاش وقال : ليه ؟
غرور : لان اذا صكيت زوجي بالكعب بلمستقبل اشوا انت فيه راح تدافع عني ببلاش وم ادخل السجن
خالد انجلط من كلامها وقال : انا بري منك ليوم الدين إذا صكيتيه .
غرور وهي ميته ضحك : البلشه لو صكيتك من يدافع عني ههههههههههه ، صح اخلي خويك وسام يدافع عني واذا رفض صكيته
خالد : الحياه عندك عباره عن صكات ما شاء الله.
غرور : عادي الحياه حلوه ، ومسكت جوالها تراسل بقروبهن
غرور : بنات ؟
اثاري : هلا
رسن : هلا
غيداء : هلا
غرور : جايبه معي قهوه وحلا شرايكم نطلع للمزرعه
غيداء : لا وعدت سامي م اجيها ، بعدين احس طفشت من المزرعه شرايكم نغير ؟
اثاري : يعني وين تبينا نروح ؟
غيداء : مدري فكرو معي !
رسن : تعالو عندي مدام البيت فاضي عزوز مهو فيه وانهار عند ريناد وامي عند عمتي وأبوي اصلا طالع بمحله .
_
اذا نسيتو
سياف رجع لشرقيه يدرس
ونياف وهيفاء وعبود رجعو الشرقيه عشان دوام نياف وأهل هيفاء .
_
رسن : بعدين بنات نسيت اعطيكم الهدايا الي جبت من الشرقيه تعالو هذا وقتهن .
غيداء : تتتمممم قدددام .
اثاري : ييلا الحين اجي رسن .
غرور : زين أجل الحين انزل علئ رسن .
رسن : حياكم بانتضاركم .
_
غرور لفت لخالد وابتسمت وقالت : خلودي
خالد التفت الها وعرف أنها مصلحه وقال : لا من الحين .
غرور : ي مزييييون تكفئ نزلني البقاله ابي سناكاات
لاتخاف انا ادفع .
خالد : ماشاء الله أجل معاك فلوس ليه خليتني ادفع عنك القهوه !!
غرور : الحمدلله من الطيار حول لي قبل شوي . ( تقصد ابوها عبدالرحمن أنه كابتن طيار )
خالد : بشرط انزلك بس تدفعين عني اذا شريت شي
غرور : ابشششر بعزك اصلا انا الشوقر مامي تبعك
خالد : لايشششييخهه !!! .
غرور : ههههههههههه لالا امزح معاك ي خدخودي
خالد : يلا وصلنا انزلي .
_
غيداء : يمه رسن عازمتنا تقول محد عندها بالبيت والبنات جاياتها وغرور جايبه من كوفي قهوه وحلا لنا .
ام جاسر : طيب ي حبيبتي بس لاتتاخرين .
غيداء وهي تضم أمها : يحياتي ابشري .
راحت غيداء ولبست عبايتها وطلعت وصارت بجيه اخوها سامي
سامي : علي وين ي غييود
غيداء ابتسمت : رايحه للبنات عند رسن .
سامي ابتسم وقال : أجل بوصلك علي طريقي .
غيداء وهي تحضن كتفه وتمشي باتجاه بيت عمها : بنمر البقاله عشان ناخذ سناكاات طيب ؟
سامي : ابشششري م طلبتي شيء كم عندي غيداء
غيداء ابتسمت وقالت : يحييياتي الله يخليك لي
_
عند اثاري .
اثاري طلعت من بيتهم باتجاه بيت عمها ابو رسن
وقعدت تطالع فيه وتذكرت مواقفها مع سياف ضحكت بخفه كيف أنها صدمته مرتين الأولي هو توجع والثانيه هي توجعت وصلت ودخلتها العامله وراحت لرسن .
اثاري بصوت شبه عالي : رسسسيين وينج .
رسن بغرفتها : تعالي هينا .
دخلت اثاري وابتسمت قالت : هاي ، وينهن البنات معقوله م جو !
رسن : الحين يجون ، شرايك نقعد بالغرفتي ولا فوق بالصطح ؟
اثاري : احس جلسات الصطح دائما تفوز خلينا نفرش فوق
رسن : زين أجل بسوي جلسه كشخه عشان نصور
اثاري : ي الله يلا معاك .
رسن بصوت عالي : مييييري (الخادمه)
جت ميري : نعم مدام ؟
رسن : خوذي ذول ' أعطتها المفرش والمخدات 'وحطيهم فوق وتعالي سررريع
ميري : تمام مدام .
لفت رسن لاثاري وقالت : انتي خوذي باقه الورد وهذول الخرابيط تقصد باقي الزينه ، وانا ابغئ اروح اجيب الابتوب من غرفه سياف
اثاري : يييلا زيين ، وراحت فوق
_
عند غرور اخذت سناكاات هي وخالد وراحت وحاسبت
غرور : خالد خوذ الصرافه وإذا جاء دورك بالمحاسبه حاسب الاغراض وجيبهن بالسياره انا بركب السياره الحين .
خالد : زين .
راحت غرور لسياره وانصدمت لما شافت وسام داخل نفس البقاله الي الحين طالعه منها
-كانت طالعه من الباب وهو داخل البقاله -
غرور تجاهلته وراحت لسياره
وسام لما شافها عرفها وتأكد لما شافها تركب نفس سياره خالد
دخل وسام وضحك لما شاف خالد عند المحاسب
خالد ناضر له وضحك وقال : وشذي الصدفه ياخي ههههههههههه
وسام : ههههههههههه خالد !!
خالد بمزح قال : قول انك اشتقت لي عشان كذا جيت .
وسام ضحك : ابد شدراك شكلك تقرأ أفكاري .
الموضف : لو سمحت الحساب طلع ** .
راح خالد وأخذ له مويه وجاء عند المحاسب
طلع خالد صرافه غرور وجا يحاسب وطلع لازم يدخل الزمز السري .
دخل خالد يده بجيبه يبي يطلع جواله عشان يدق علي غرور ولا هو يحاسب من نفسه وتذكر أن جواله ناسيه بالسياره خالد قال للموضف : شوي بس اجيب ، وترك الصرافه علئ الطاوله وراح
وسام أخذ الصرافه بعبط وقرا الاسم مكتوب فيه : غرور عبدالرحمن ال**
أنصدم وسام كان متوقع أنها حقت خالد نزل البطاقه علئ طول ودخلت غرور لقت الصرافه علئ الطاوله قدام وسام ارتبكت متدري شتسوي خصيصاً أنه خوي خالد يعني يعرفها
خالد لما شافها جايه أخذ المويه وطلع برا
لقئ خالد يكلم بجواله والواضح أنها قضيه جديده وقف عنده وقفل خالد وقال وسام : شسالفه علامك محتاس
خالد : تتذكر قضيه التعنيف الأسري البنت يارا بتتنازل عن القضيه واضح أن الكلب ابوها مهددها بشي جديد
وسام : لاحول ولا قوة الا بالله متا ينقرضون هالاشكال الي يمد يده علئ بنت ماهو برجال
خالد تنهد وخلل يدينه بين شعره ورفع نضره يطالع المكان بضيقه كم له وهو يركض بالقضيه هذي له كم شهر واخر شي تتنازل القضيه .
وسام : والحين وش الحل شتسوي ؟
خالد بضيقه : ولله مدري ياخوك انا ماهمني لو تتنازل من القضيه لاكن مابي ابوها يرجع ويضربهاا هي واخواتها !!! والمشكله ماعندها سند بالحياه أمها متوفيه ومتعندهت اخوان لو شفت كيف تحاليل المستسفئ كيف كانت الضربات قويه وفيه كسور
وسام تنهد بضيقه لما تذكر حالتها وكيف عانت بحياتها من ابوها وقال : اسمع ارفض أنها تسحب القضيه هذا اكيد ابوها مهددها بشي قوي والبنت جابتك لأنها واثقه وتعرف انها باخر شي راح تكسب القضيه وسامعه عنك كثيير انك معمرك خسرت ولا قضيه عشان كذا اختارتك بين المحاميين كلهم حاول قد م تقدر انك تكسب القضيه الحين لو البنت سحبت القضيه راح ترجع وتتعنف من ابوها بشكل أكبر !
خالد : مستحيل راح اخليهن هذول بحسبه اخواتي ومراح ارتاح الاء إذا كسبت القضيه حتا لو أخليه يدخل السجن سنه وحده عادي راضي اهم شي يتعاقب علئ حركاته
طلعت غرور ومعاها اكياس البقاله استغربت من وقوفهم مع بعض والواضح أنهم يتكلمون عن الشغل تجاهلت وركبت السياره
_
