كل ما جيت ابحكي عن غلاك ومداه
ضاع تعبير شوقي ما قدرت اجمعه
حفظتك سر مايظهر على العالم ولا ينقال
و زرعتك بين تنهيد الضلوع و بين غربالي
أن قلت أحبك زاد في قلبي الشوق
وأن قلت مشتاق لك يزداد حبك
-
غيداء تلاشت الضحكه وناضرت فيه بصدمه وقال : ليش سكتي كملي ضحك
غيداء : حلو اعترفت من نفسك ي ولد عبدالله
عبدالعزيز ضحك وقال : بس ما سالتيني جايبه راسي بايش ي بنت مشعل.
غيداء عرفت الي بيقوله وتجاهلته قالت : مايحتاج واضح كل شي .
عبدالعزيز وقف قدامها يمنع عنها المرور وقال : جايبه راسي بالانتقام منك واني اكسر غرورك وانوثتك ي بنت مشعل .
غيداء ضحكت وقالت بثبات : شفت رجولتك ذي ترا مكانها تحت رجولي ي ولد مشعل .
عبدالعزيز ضحك ورفع حجاجه وقال : تخسين .
غيداء ضحكت وقالت : نشوف مين الي يخسي فينا ي عبدالعزيز ، والحين عطني جوالي اخاف القئ مكالمات فايته من الشخص الي ببالي ، قالت كذا بس عناد فيه أما هي مماببالها احد .
عبدالعزيز ضحك وطلع الجوال وشاف المكالمات الفائته أغلبهم من سامي و امها لاكن عقد حواجبه من قرأ اسم ' عذوبي 💘 ' لها ثلاث مكالمات فائته
غيداء كانت تناضر تقلب وجه عبدالعزيز وقالت : عطني جوالي اقول .
عبدالعزيز لف الجوال لها وقال : منهو عذوبك ؟؟
غيداء انصدمت من الاسم ومن رده فعله لاكن ضحكت من شافت الاسم وعرفت انها عذوب ،
قالت بضحكه : ليش غيران ؟
عبدالعزيز بعصبيه : لاتردين علئ سؤالي بسؤال !
غيداء وقالت عشان تستفزه : يوه ليش معصب تبي اسوي لك عصفر ؟
عبدالعزيز انتبه علئ نفسه وضحك وقال : سويه لنفسك ،
غيداء : ليش عصبت صح انت مسمي نفسك كاسر غروري صح ، وانا مسجله عذوبي عاد افهمها مثل مافهمت كاسر غروري .
عبدالعزيز عقد حواجبه من ثقتها بالكلام وقال : شوفو مين يتكلم بالشرف وهي تتكلم كذا قدامي
غيداء : عذراً بصفتك مين عشان تتكلم بالهثقه ذي .
عبدالعزيز : خطيبك
غيداء : اها
عبدالعزيز : ايوه قولي مين عذوبك ؟
غيداء : صديقتي .
عبدالعزيز ضحك وقال : عذوبك الحين صارت صديقتك ههههههههههه ؟
غيداء ضحكت باستفزاز من سمعت كلامه وقالت : ليش مو مصدق ؟
عبدالعزيز : ولله ماندري عذوبي وقلب يعني ايش بالله ؟
غيداء انقهرا من عرفت مقصد تلمحاته : يعني ماقد عمرك سمعت باسم عذوب اخت سلمان بن راكان !! ي حضره العقيد ؟
عبدالعزيز عقد حواجبه وقال : وش عرفك فيها ؟
غيداء تجاهلته وراحت عنه .
عبدالعزيز كان يناضر جوالها ويناضرها سكت ودخل الجوال بجيبه وراح وراها للجلسه
هيفاء شافت غييداء جايه من السياره وقالت : غيداء وينك اختفيتي ؟
غيداء بتصريفه جلست وكان الكل جالسين ويسولفون قالت : جوالي طاح مني ودورته لين حصلته .
هيفاء : اها ، عاد الله يعينك إذا طاح بالتراب يضيع
غيداء بتصرفيه : ااي صح صادقه
جاسر : ي عيال شرايكم كل واحد يقول قصيده
عبدالعزيز ابتسم وقال : لالا بتغني بصوت واحد
سامي التفت له وقال : بتغني ي عاذلين الهواء ؟
عبدالعزيز ضحك وقال : ههههههههه بالضبط
مشاري ضحك وقال : ولله بديت ادمنها من بعد مايلجنا عبدالعزيز فيها.
عبدالعزيز ضحك وقال : اصلا كل شي مني حلو حتا انا ياحلوي
خالد : خف علينا ي شيخ .
عبدالعزيز ابتسم وبدا يصفق ويقول : ي عاذلين الهواء مايفيد الكلام ..
كل العيال شبكو معه يقولون : مسكين مسكين من قد بلي بالغرام .. فالحب جنه وفا بعد نار وهيام
مسكين مسكين من قد بلي بالغرام
عند البنات ..
غرور بضكحه : هههه !!!! بنات ذي اغنيتنا الي ذابحتنا فيها غيداء هههههههه ؟
رسن : ااييهه لحضه إدراك أن غيداء وعبدالعزيز يحبون نفس الاغنيه ههههههههه
هيفاء : الواضح أنهم بينسجمون بالمستقبل ههههه
غيداء كانت تناضر عبدالعزيز وتسمع سوالف البنات علئ الصامت .
خالد : ي عيال شرايكم كل واحد من الموجودين يقول له بيت شعر ، حنا والعيال والي ماعنده يقول اغنيه شرايكم ؟
جاسر : يالله نبدا من عند نياف لين اخر شخص
نياف تنحنح وقال : خلوني اقضي باقي العمر سايح
مادام للعمر المطرف بواقي .. امشي تحت غر المزون هذا هواي ورغبتي واشتياقي .. كل الحياه احلام والعمر رايح طرقي بالدنيا وغيري طراق .
العيال صفقو له بتشيع خالد : صصح لسانك يشيخ .
نياف بابتسامه: صح بدنك
خالد : كاسٌا مليته بالوفاء لاتكبه !
خله يبلل بالوصول يابسا الريق
صبه بقلبي ثم مله وصبه
وكان ودك غرق القلب تغريق
دام الهواء راسي وراسك يهبه
خذ سجه ترا زمان دوافيك
ترا حلات العمر مع من تحبه
شخص تريده من جميع المخلايق
وسلامتكم ..
ابتسم سامي وصفق وقال : صح لسانك ي ولد العم
خالد ضحك وقال : لاداعي لتصفيق يامعجبيني لاداعي لاداعي .
مشاري : اقول اذلف جاء دوري احح : جعل السحاب الي معه برق ورعود
يمطر علئ دارن وليفي سكنها يسقي وطن منتوقتا العنق يسعود مالي وطن بالعارض الا وطنها
قلبي غدا واستيسره لين العود محدًا يفك القلب يسعود منها صافي وفي كفه قديحه وبارود واخل يده بين الضلوع وسكنها .
الكل أعجبته القصيده والكل صفق له بحماس
ضحك مشاري وطالع بجاسر الي جنبه
جاسر : قالو توادع وقلت ياصعب الوداع
وشلون بوادع من معه قلبي وديعه
قلبي معه والسر في فرقاه ضاع..
قلبي معه والسر من فرقاه صحيح
من يفقد زمام أمره يضيع ، وسلامتكم
صفق له الكل بحماس
سياف ابتسم وقال :
تعـال دام الجـو بـارد وجذاب
واقلط على صدرالمولع وضمه
إن كان تبغيهـا سعادة وترحاب
إنثـر غـلاي وخل شوقي يلمه
سامي صفق و ضحك وقال : ولله طلعتو كلكم شاعرين ماشاء الله هههههه
خالد : عطنا قصيده بعد انت دورك .
سامي ابتسم وقال :
لو اقول للبحر مثل الهواء ماهو بقدي
ماقدرت اقول قلبي تاب واعرض عن دروبه
ولو اتوب من الذنوب الي جنت الايام ضدي
ماقدرت اتوب عن درب يعن القلب صوبه
كيف اتوب ياجمل ذنوبي واوقف عن حدي
وانت ذنب لاغفره الله لي ولاني تايب.
عبدالعزيز كان ساكت ويتامل سامي ويصرق نضرات لغيداء كان يحس أن القصيده تمثل مشاعره الي كابتهم ومايبي يعترف لنفسه فيهم من خلص سامي عبدالعزيز بحماس : حيي عينه سويمي طلعت شاعر علي غفله
سامي يمثل النرجسيه : انا شاعر من يوم يومي
جاسر : اممححقق شاعر هههههههه دورك ي عز
عبدالعزيز ابتسم وناضر لسامي وقال :
الكفو كفو لو زمانه لعب فيه
والردي ردي لو زمانه صفاله
لا تخاوي اللي بالكلام يواسيك
خاو اللي ليا هزت ضروفك "مدلك يمناه"
سامي ابتسم من عرف أن عبدالعزيز يقصده
صفقو له الكل بحماس ومن ضمنهم سامي
مشاري : الحين دور البنات من تبي تقصد ؟
ريناد : انا مالي بالقصايد ماعرف فيهم شي
انهار : وانا كذالك انتو كملو بدالنا
هيفاء وهي مستحيه ماهي ماخذتها ميانه معاهم قالت : وانا كذالك ماعرف فيهم شي
جاء الدور علئ غيداء وقالت : انا عندي قصيده سلكو لي اذا ماهب عاجبتكم لاني الحين قررت اجمع الكلام واقوله .
سامي : ماعليك قولي
البنات بتشجيع : اي قولي حنا بنشجعك
غيداء اخذت نفس وحطت عينها بعين عبدالعزيز الي يناضرها بصمت نرلت ناضرها للخاتم الي ببايدها وبدت تلعب فيه وقالت :
انحاش عن ناسن تسوي الفضايح عشات
عاشت بسوء اخلاق وكذب ونفاقه
ناسً تسرد للمشاكل شرايح
تثور بين الاخوان الشقاقي
كل الحياه احلام والعمر رايح
طرقي بالهدنيا وغيري طراقئ
وسلامتكم ..
الكل صفق لها بتشجيع
سامي يصفق لها بحراره عاجبته قصيده اخته وقال ببتسامه : استمرري
جاسر بتصفيق وحماس : صح لسانك
كان مشاري يصفر بحماس .
سياف وحماس : استمري صح لسانك
غرور بحماس : اللهههه
رسن بحماس : تجنن
ريناد بتصفيق : حلوه استمري
كانو هيفاء وانهار يصفقون لها بابتسامه
غيداء ضحكت علئ حماسهم ورفعت نضرها لعبدالعزيز ولقته يخزها ثبتت نضراتها عليه لاحضت عليه طرف ابتسامه حقد نزلت نضرها من نغزتها اثاري , قالت اثاري : غيداء تراك واضحه بنضراتك !!!
غيداء سكتت وناضرت فيه ونزلت عيونها
عبدالعزيز كان يسمعها والواضح من كلامها أنها تقصده بالقصيده كان يناضرها بهدوء ونزل نضره وضغط بجواله .
غيداء نزلت نضرها لاثاري الي تقول قصيدتها..
وكملو سهرتهم المليانه حماس وسوالف لين الساعه 2 باليل ، وانتهت لليله الجميله علئ.خير ..
-
صباح ثالث ايام المخيم ..
كان الجو ضباب ومطر وكانو متجمعين الكل علئ الفطور وسوالف وضحك عن الماضي وكانو متجمعين حول النار ، سكتو من حسو المطر زاد قعدو يناضرون علئ الي برا كانو جالسين ببيت شعر والواجه الي قدام كلها مفتوحه ..
قام ابو نياف وضحك : اللهم زد وبارك برد ي رجال
قام ابو جاسر بفرحه : ماشاء الله تبارك الله
قامو الكل وتجمعو عند الباب يناضرون البرد بفرحه الي ملاء المكان
هيفاء : ماشاء الله اللهم زد وبارك
كانو البنات رافعين جولاتهم ويصورون والعيال كمان
طلع خالد وكان لابس فروه وحاط علئ راسه القبع ويلعب بالمطر ولحقه جاسر وبعده مشاري وبعده سياف وعبدالعزيز وسامي وكانو يلعبون مثل الأطفال تحت المطر ويجمعون ثلج الي يعطي ابوه والي يعطي امه
طلعت رسن وفتحت مضلتها تحت المطر والثلج وبدت تصور العيال طلعو البنات وكل وحده بمضلتها الي تصور والي تلعب وكان الجو خررااافي بمعنئ الكلمه
غيداء مكان معاها جوال لذالك راحت علئ جنب و رفعت ايديها وبدت تدعي : يارب انك ترحم جدتي واموات المسلمين اجمعين ، يارب انك تشفي مرضانا ومرضئ المسلمين اجمعين يارب اني استودعتك حياتي واهلي واحفض لي امي وأبوي وأخوي وطول أعمارهم بالصحه والعافيه ، يارب انك تدوم لمتنا علئ الخير ، سكتت من تذكرت حياتها مع عبدالعزيز وقعت يدينها بغصه وقالت : يارب انك تبعده عن حياتي يارب انك تشغله بنفسه ، يارب إذا كانت خطوبتي منه خير لي فجمله باحسن ماعندك وإذا كان شر لي فابعدني عنه وتجعل الخطوبه ذي ماتستمر يارب مسحت علئ وجهها من فوق النقاب وشافت الكل فرحانين ومبسوطين وضحكت من شافت ابوها وعماتها طلعو وكانو حاطين الفري فوق روسهم ويلعبون
راحت للبنات وقعدت تاخذ لها صور معاهم تمنت أن جوالها معاها راح تصور اللحضات السعيده هذي ، ناضرت لعبدالعزيز جوالها له الحين يوم ونص معاه بس طول الوقت الي راح مكانت فاقدته كانت طول الوقت مع البنات ماطفشت ولو للحضه ،
ابو نياف : ي عيال ادخلوا جواء انتو والبنات ماهو زين تطولون برا والجو براد
دخلو الكل تدريجيا من بعد كلام ابو نيّاف ، غيداء مسكت اثاري وقالت : اثاري جوالي لسا مع الكلب عبدالعزيز كيف أخذه ؟
اثاري بحيره : ولله مدري عنك .
غيداء بقهر : لاتقولين مدري عنك ، انا جيتك ابغا حل !!!!
اثاري : روحي واطلبيه إياه ، وجع ليش ماعطاك إياه زمان ؟
غيداء: لاني ناسيته وماطلبته إياه .
رسن من ورا : طلبتي ايش ؟ ليش تتكلمون علئ الخفيف صاير شي ؟
غيداء بوهقه : لا .
رسن : أجل ؟
اثاري بتضييع : رسن فين غرور ؟
رسن تتلفت تدور غرور قالت : مدري .
غيداء قامت وقالت : امشو ندورها ومنها نتمشا .
اثاري : اوكيييه يلا
رسن قامت : غريبه عاد اخر علمي فيها لما كنا نصور بالمطر .. وراحو كانو كل وحده لابسه فروتها وماسكه مضلتها عشان المطر كان يرش علئ الخفييييف .
طلعت غرور من الخيمه وشافت البنات ، قالت : علئ فين ؟
رسن : ندورك فين انتي ؟
غرور : ولله امتلييت مويه وبدلت ملابسي فتحت الفروه وقالت : شرايكووو بالاوتفت ؟
اثاري : يجننن
غيداء تذكرت وقالت : بنات انتو جبتو البلوفر والبنطلون الي من رسن ؟
رسن : انا ايه جبته
غرور : حتنا
غرور : ونا جبته
غيداء : حتنا جبته ليش ما نلبسهم الحين ، اليوم وبكرا اخر ايام البر النا .
غرور : اااي يلا شرايكم ؟
رسن : يلا
اثاري : شرايكم نروح للكرفانه خاطري اتحمم ومنها نبدل ملابسنا
رسن : ااايييه حتنا ابي اتحمم .
غيداء : ولله كنت ناويه اتحمم اليوم مالي شغل الحمام لي أنا حاجزته
غرور : اتوقع فيه ثلاث موجودات بالكرفانه
غيداء : احسن شي ، خلونا نجيب شنطه الميكب والاستشوار والفير خاطري اكشخ ونتصور
رسن : ااايييههه ومنها نتصل علئ عذوب ونخبرها انك انخطبتي
غرور : صصح ماقلتو لهاا ؟
اثاري : لا ماقلنا شي اصلا لسئ م انتشر خبر الخطوبه
غرور : عاد ي غيداء تسوين حفل خطوبه كبير ولا عادي
غيداء : اكيد امي وأبوي يسوونه كبيير لأني البنت الوحيده لهم
جهزو البنات الاغراض وراحو متجهين للكرفانه .. دخلوا وكان الجوو حييل برد شغلو دفايه الكهرب ورسن جابت من الغرفه الثانيه دفايه وشغلتها وقفلو الشبابيك عشان يدفئ الجو ..
غيداء : يلا من تتحمم اول ؟
غرور : انا
اثاري : ونا بعد الحمام ذاك
رسن : وانا الثالث ذاك
غيداء : أجل تحممو بسرعه عشان اتحمم بعدكم
دخلو البنات للحمامات وبقت غيداء نزلت عبايتها وجلست عند الدفايه لحالها وقدامها جولات البنات ومن ضمنهم جوال رسن اخذته وكانت تعرف الرمز حقها وكانو الكل يعرف رمز الثانيه ودايم البنات ياخذون جوالات بعض لأنهن وإثقات ببعض ومافي شي يخبنه عن بعض فتحته ودخلت علي المكالمات وقعدت تدور علئ رقم عبدالعزيز حصلته وقعدت تناضر فيه لثواني بعدها جمعت قواها وضغطت علئ الاتصال قامت علئ طول الغرفه الثانيه عشان محد يسمعها ، عند عبد العزيز اتصلت علييه رسن ورد : هلا ؟
غيداء جت بتطفيه بوجه لاكن قوت نفسها وقالت : الوو عبدالعزيز ؟
عبدالعزيز بعد الجوال عنه بصدمه وقعد يناضر للاسم اسم رسن بس الي يكلمه صوت غيداء ، قام من عند العيال بسرعه ورد باستغراب قال : غيداء ؟
غيداء : اي غيداء ابي جوالي الي معاك .
عبدالعزيز بعد عن جلسه الرجال وبداء يكلمها : تعالي خوذيه ماني برادك
غيداء كانت عند الشباك شافته من بعيد جاي وارتاحت يعني هو طلع من عند العيال وقالت : اترك الجوال بمكانك وانا اخذه .
عبدالعزيز وقف وبدا يتلفت وقال : ليه تعرفين وين مكاني الحين ؟
غيداء : اهم شي مايكون جوالي معك انت اتركه وانا بعدين اعرف وين هوا .
عبدالعزيز ابتسم بخبث وقال : بس انا لازم اسلم الامانه لصاحبها ما ارتاح إذا تركتها وانا ماسلمتها صاحبها .
عبدالعزيز انقهرت من لمحت ابتسامه الشر وقالت : علئ اساس انك تخاف ربك الي تتكلم عن الامانه ؟؟
عبدالعزيز ضحك وقال : الحمدلله
غيداء : شليويح ابي جوالي لاتقعد تماطل بالكلام
عبدالعزيز ضحك وقال : انا قريب للكرفانه تبين جوالك تعالي عندي تلقيني بالكرفانه انتضرك .
غيداء فتحت عيونها بصدمه وقالت : لاااا انتتببههه !!!!!!
عبدالعزيز وقف بصدمه وقال : وش ؟؟؟
غيداء قفلت المكالمه بوجهه
عبدالعزيز ناضر للجوال وحس أن فيه شي بالكرفانه وراح لها يبي يشوف
غيداء قفلت المكالمه بوجهه كانت عاجزه تشرح له أن للبنات جوا ويتحممون راحت بسرعه ولبست عبايتها ونقابات وفتحت الباب بتطلع الا وتشوف عبدالعزيز كان يركب الدرج عشان يدخل الكرفانه ، عبد العزيز أنصدم لما شافها طلعت من الكرفانه ، غيداء قفلت الباب وتعدته ونزلت علئ التراب ناضرت بعبدالعزيز وقالت : البنات جوا يتحممون
عبدالعزيز كان واقف بمكانه وقال : اها ، ونزل عندها
غيداء : يلا عطني الامانه يلي تتكلم عنها .
عبدالعزيز ضحك وقال : بس قبل كل شي ، طلعتي شاعره ي خطيبتي العزيزه علئ خطيبك .
غيداء عقدت نضراتها وقالت بصدمه : انت شاعر ؟؟
عبدالعزيز ابتسم وقال : اكتب مكاتيب شعر عن حالي وانشر بحسابي بالتوتر بس ماحد يدري عن حسابي الا قليل .
غيداء انصدمت لانها بعد هي تكتب وتنشر ، لاكن بس البنات يعرفون عن حسابها وقالت : من متا تكتب وتنشر ؟
عبدالعزيز قال : يوه من عام ألفين وحطبه
غيداء : وش انواع الشعر الي تكتبه ؟
عبدالعزيز ضحك وقال : ليش تسالين ؟
غيداء : لاني كمان انا اكتب ههههههههههه ، سكتت فجاه من حست انها جابت العيد عنده
عبدالعزيز ضحك وقال : بالله طلعتي مانتي بهينه
غيداء بتضييع لسالفه : اقول عطني جوالي بسرعه
عبدالعزيز كان حاط جوالاته بجهه وجوال غيداء بجهه ، دخل أيده لمخباته وطلع جوالاته وقال وهو يمثل الصدمه : جوالك مو موجود !!!!
غيداء فتحت عيونها وقالت : شليويح !!!
عبدالعزيز مد لها جوالاته وقال : شوفي بس جوالاتي موجودات
غيداء اول ما مد لها جوالاته خطفتهم قبل حتا يكمل كلامه.
ضحكت غيداء بانتصار وقالت : وحده بوحده ي خطيبي العزيز
ابتسم عبد العزيز وقال : ما منا غش حركتك ذي
غيداء بعدت عنه وقالت : لا مافي غش بالموضوع انت بديت اول ، ناضرت بجوالاته وقالت : كم رمزك ي خطيبي العزيز ، أحسه رقم ميلادك مدام الرمز متكون من اربع ارقام .
عبدالعزيز ضحك وطلع جوالها وقال : المسلم لايلدغ من الحجر مرتين ياا وغيده للحين مانسيت الـ 35 الف.
غيداء ضحكت وطالعت فيه بهدوء تحاول تتذكر الرمز الي أعطاها عبدالعزيز لصرافته
عبدالعزيز ضحك وقال : وشفيك سرحتي لهدرجه غالبك جمالي ؟
غيداء ضحكت بفرحه وقالت : عرففتت ، مسكت واحد من الجوالات ودخلت الرمز لاكن رفض حطت نفس الرقم لاكن اخر رقم غيرته لأنها تحس انها اغلطت لما دخلت الرقم فتح معاها نطت وصرخت بفرحه لفت الجوال لعبدالعزيز وقالت : فتحته ي خطيبي العزيز ههههه
عبدالعزيز دق الخوف بعروقه لان كل شي يخصه بجوالاته الثنين ذولي وكلهم نفس الرمز ضحك بخفه يخفي التوتر الي جواته وقال : مدامك عرفتي الرمز السري حقي عطيني الرمز حقك .
غيداء هزت راسها بالنفي وقالت : معصصي
عبدالعزيز : لييه ؟ في شي تخبينه عني ؟
غيداء : نو بس جوالي مليان من صوري وصور البنات
عبدالعزيز ضحك وقال : هذا مو عذر ، بعدين الي يسمعك يقول أنا ميت علئ شوفت وجهك ووجيه البنات
غيداء : واضح اصلا ،
عبدالعزيز : عطيني جوالاتي واعطيك جوالك
غيداء : وش يضمن لي ؟
عبدالعزيز ضحك وقال : هذا وحنئ لسئ بفتره الخطوبه مانضمن بعض ، اشي لاتزوجنا ..
غيداء : ااي علئ طاري الزواج ، نسيت اقولك اني وافقت علئ الخطبه بشرط سامي ما قالك ؟
عبدالعزيز ضحك وقال : الا قالي بس كيف توك صغيره وانتي كم يوم وتدخلين الـ 24 سنه .
غيداء : يوه شكلك تعرف الكثير عني
عبدالعزيز : اكيد لازم ادرسك عشان أعرف احدد درجه العناد معاك
غيداء : اهااا انت ماقلت لي كم عمرك ؟
عبدالعزيز : داخل الـ 28
غيداء : حشئ شايب قاضي
عبدالعزيز ضحك وقال : خفي علينا ، اقول نعد لين ثلاث ونسلم بعض جوالاتنا
غيداء : اوكي مع اني مو ضامنتك ، عدو لين ثلاث وعبدالعزيز مد لغيداء جوالها وغيداء مدت لعبدالعزيز جواله بس قبل عبدالعزيز ياخذ جوالاته غيداء اخذت جوالها وهربت علئ طول للخلف كان عبدالعزيز وراه الكرفانه يعني ما يمديها تمر من عنده تخاف يمسكها علئ طول ، عبد العزيز وقف بمكانه بصدمه كان يناضرها هينا استوعب أن جوالاته خطفتهم شخص وغيداء مو اي شخص غييداء تعرف رمز جواله وبتوديه بالف داهيه لان كل معلوماته الشخصية بجوالاته الي معاها !! ، ركض وراها علئ طول عشان ياخذ جوالاته ، غيداء راحت ورا الكرفانه وتخبت تحتها كان فيه مكان صغيير دخلت جواته وتخبت ، شافت عبدالعزيز مر من قدامها يركض ولا شافها ضحكت بخفه علئ غبائه لانه لو دوبه التفت شافها علئ طول .. دخلت الجوالات بمخابيها وكان فيه جوال ماكان له مكان ف قررت انها تخليه بايدها قعدت مايقارب الدقيقتين تبي تضمن أنه راح خلاص طلعت وتلفتت يمين يسار ماشافته موجود تنفست براحه وبدت تنفض التراب من عبايتها وقفت بصدمه من سمعت صوته وراها ، لفت وشافته يمشي باتجاها علئ خطوه خطوه جت بتهرب قال عبدالعزيز : لو بتروحين راح تحصلين ابوك وعمي يتمشون برا وانا راح امشي وراك وراح يشكون فينا .. غيداء فقدت الامل وماتبي تعطي الجوالات عبدالعزيز تلفتت يمين يسار وشافت المخيم الي جنبهم راحت باتجاهه بدون اي تفكير اهم شي عندها عبدالعزيز مايمسكها
عبدالعزيز حط أيدينه علئ راسه وقال: لحول ولا قوه الا بالله هذي بتجيب المصيبه فوق راسي من حركاتها الطفوليه !! سكت من استوعب أنها متجهه للمخيم الي جنبهم والي مستاجرينه شله شباب !! راح وراها يركض لاحد من العيال الي هناك يلمحها ويسوي فيها شي لأسمع الله وقال بصوت شبه عالي : غييداء وقففي !!!!
غيداء لفت له وصرخت برعب من شافته قريب لها دخلت المخيم وراحت ورا ثاني خيمه قدامها وتخبت وراها وقفت تحاول تلقط أنفاسها سكتت بصدمه من سمعت صوت رجال طويله والواضح من صوتهم أنهم متوجهين نحوها طلعت راسها علئ الخفيف تبي تشوف وانصدمت لما شافت رجال بعضلات وفي الي كبار رجعت بصدمه واستوعبت أنها دخلت علي شله شباب تخبت علئ طول عشان ماحد يشوفها منهم ، رجعت علئ شوي شوي تبي تطلع من المخيم ولا علئ الأقل تشوف عبدالعزيز عشان تحس بالأمان شوي .. تعدو الرجال وتنفست براحه لاكن انصدمت لما شافت رجل قدامها قاعد يناضرها بصدمه هينا ارتعش جسمها من الرعب وراحت ركض تبي تروح لاي مكان اهم شي الرجال ما يمسكها ، الرجل من شافها راح وراها يركض يبي يتأكد من الي شافه هي صدق حرمه ولا جني
غيداء علئ طول تخبت ورا السياره وقعدت تناضر برعب وصدمه ماكانت تدري ان المخيم الي جنبهم مستأجر كانت تحسبه فاضي انبهلت من شافت الرجال يدور بين الخيام وكان يدور بسرعه جنونيه عليها تخبت علئ طول عشان ما يشوفها ، صرخت برعب من حست علئ شي يمسك كتفها ، عبدالعزيز بسرعه قال : اشششش هذا انا عبدالعزيز !!
غيداء طالعه فيه وعيونها كلهن دموع لاول مره تحس بالأمان معاه ، عبدالعزيز ناضر من تحت السياره وشاف شخص يمشي باتجاهم بخطوات خفيف فتح عيونه بصدمه وعلئ طول قام ومسك ايد غيداء وسحبها وأشر لها انها تمشي معه بدون صوت وغيداء سكتت وكانت ميته خوف عبدالعزيز كان يمشي بخطواة خفيفه ولما الرجل وصل لمكان غيداء كان عبدالعزيز وغيداء جايين مع الجهه الثانيه عبدالعزيز كان ميت خوف مو علئ نفسه كان خايف أحد يمسك غيداء وهو مو داري عنها خصيصاً أنهم مسلحين .
الرجل كان يمشي بهدوء ولما وصل للمكان رفع سلاحه وناضر كان مافيه احد وقف وقال : شكلي اتوهم ، رفع نضره وناضر للمكان كان فاضي حرفياً تعوذ من الشيطان ورجع متجه للخيام ، عبدالعزيز من شافه راجع للخيام سحب غيداء ورجعو علئ شوي شوي للجه الثانيه من السياره عشان الرجل مايشوفهم .
عبدالعزيز كان يناضر لرجال لين ما اختفاء عن انضاره وناضر لغيداء وقال : انتي مجنونه !!! كيف تدخلين مخيم ناس انتي ماتعرفينهم !!! شكلك ماترتاحين غير إذا وديتينا بالف داهيه .
غيداء بصوت مهزوز كاتمه البكاء: مادريت انو بيصير كذا ولله مادريت
عبدالعزيز سكت من حس بنبرت صوتها كلها خوف وندم ، رفع جاكيته وطلع سلاحه وفعله قدامها
غيداء فتحت. عيونها بصدمه من السلاح الي طلعه كانت تتوقعه بينهي حياتها ، ليش لا عبدالعزيز تتوقع منه كل شي .
عبدالعزيز لاحض نضرات الخوف بعيونها وقال : وشفيك
غيداء برعب قالت : انت ليش معاك سلاح ؟؟
عبدالعزيز : عشان اذبحك بمكانك وارتاح من مصايبك
غيداء سكتت برعب لانه بيسويها ماعنده مشكله ، عبدالعزيز ضحك وقال : انا عميد والاكيد أني لازم اخذ معاي سلاح باي وقت لان لي أعداء كثيرين وباي لحضه انا معرض للخطر حتا سامي اخوك اربع وعشرين ساعه السلاح ماينزل منه .
غيداء سكتت براحه من قال حتا سامي اخوك ، عبدالعزيز رفع نضره يشوف أذا فيه احد قدام عشان يمشي ، شاف أن مافيه أحد ولف لها قال : اركضي بكل قوتك لاتوقفين غير إذا دخلنا مخيمنا ولا تلتفتين وراك .
غيداء ناضرت فيه ولقته يتكلم بكل جديه وقالت : وانت ؟
عبدالعزيز : انا بقعد اشوفك لين ماتوصلين بعدين الحقك عشان اضمن مايصير ليك شي .
غيداء سكتت وطالعه بعيونه وحست أنه خايف عليها بس يكابر مايبي يعترف قالت : واذا صار لي شي شتسوي ؟
عبدالعزيز سكت من استوعب كلامه وناضر لها وقال : بتروحين ولا وش ؟؟؟
غيداء : مستحيل اعرفك مانتب خايفن علئ تبي السلامه مني عشان كذا تبيني اروح لحالي
عبدالعزيز حط أيده علئ راسه ولف يخفي ضحكته هو صدق خايفن عليها بس من حركاته ماصارت تضمن منه أي شي .
غيداء سكتت من لف كانت تحسبه عصب .
عبدالعزيز لف لها وقال : بتروحين ولالا !!
غيداء هزت بالنفي وقالت : رجلي علئ رجلك
عبدالعزيز عجز يمسك الضحكه وضحك وقال : بركض بس يكون بعلمك انا اسرع منك
غيداء عقد نضراتها من ضحكته وقالت : انا اسرع ، بس ليش تضحك ضحكني معك ؟
عبدالعزيز كانت الابتسامه شاقه وجهه عض شفته وتلطم بالمنديل تجاهل سؤالها
غيداء كانت تناضر فيه باستغراب وهو يتكلم
كان عبدالعزيز يتلطم ومسك اخر ثوبه ورفعه فوق وثبته وقال : رجلك علئ رجلي ؟ يلا نشوف مين الاسرع فينا
غيداء ناضرت فيه وقالت بتحدي : انا طبعًا اسرع .
يلا بنعد لين ثلاث انتبهي تطلعين صوت لما تركضين
غيداء ناضرت فيه وقالت : 1, 2, 3 ييييلاا وانطلقت بسرعه مع عبدالعزيز ، كانت هي وعبدالعزيز نفس السرعه مافي احد اسرع من الثاني .
عبدالعزيز كان ناسي وجود الرجال الي بالمخيم وكان كل تفكيره غيداء ، كان متعمد يكون نفس سرعتها عشان يكون معاها .. بعد ثواني طلعو من المخيم بسرعه بدون ما احد ينتبه لهم ووصلو لين ورا الكرفانه وقفو بتعب وكل واحد يحاول يلقط أنفاسه منكثر الركض
عبدالعزيز كانت الابتسامه شاقه وجهه لاكن مخبيها بالغتره لما لفها علئ وجهه قعد يتأمل غيداء وهي تحاول تلقط أنفاسها من كثر الركض قعدت بتعب وكان عبدالعزيز واقف لاكن بعيد عنها شوي ،
غيداء رفعت نضراتها لعبدالعزيز وقالت : وين الي اسرع مني انا ماشوفه ؟
عبدالعزيز وهو يناضر بالمخيم ناضر لغيداء وقال : وش تحسين فيه لما هربتي هناك ؟
غيداء قامت بسسرعه من تذكرت أن الجوالات معاها كانت ماتبي ياخذهم منها لانها حاطه فكره انتقام ببالها غييداء بدت تنفض التراب من عبايتها عشان ماترد عليه
عبدالعزيز : تدرين أنهم مسلحين ؟
غيداء رفعت نضراتها له بصدمه وقالت تخفي الخوف الي جواتها : طيب ؟ حتا انت مسلح
عبدالعزيز : طيب لو انا مو معاك كيف بتطلعين نفسك من المشكله لو مسكوك لاسمح الله وماحد درا عنك وقتها وش بتسوين ؟
غيداء : أنا غيداء إذا ما تعرفني انا اقدر ادافع عن نفسي وأخذ حقي بنفسي يعني لاتسوي انك خايف علئ خل تمثيلك بجيبك ي شليويح
عبدالعزيز ابتسم علئ ثقتها وقال : بس انا معادني شليويح ي الوغده انا خطيبك عبدالعزيز
غيداء ناضرت فيه باستحقار وقالت : وانا معادني الوغده يشليويح انا سكتت..
عبدالعزيز ضحك ونزل المنديل وقال بابتسامه كبيره : انتي ايش ؟
غيداء : انا غيداء بنت مشعل
عبدالعزيز قال عشان يقهرها شوي : لا انتي غيداء خطيبت عبدالعزيز ، ولا الوغده خطيبت شليويح ايهم احسن بنضرك ؟
غيداء أعطته نضره من فوق لتحت وتجاهلته رايحه للكرفانه .
عبدالعزيز ضحك وناضر فيها لين ما اختفت عن وجهه بعدين راح واتجه للمخيم من جهه ثانيه عشان ماحد يشك فيهم .
غيداء ركضت ودخلت لين الكرفانه كانت تناضر علي جوالاته الي بايدينها دخلت بسرعه وراحت للمجلس الصغير الي بالكرفانه حطت جوالاته صامت وخبتهم تحت الكنب ونزلت عبايتها ومسكتها بايدها وفتحت جوالها وتوجهت للبنات تضغط فيه دخلت الصاله وكانت فاضيه نزلت عبايتها وقبل تجلس طلعت رسن من الحمام وضحكت قالت : نسيتك كانت المويه حااره
طلعت بعدها اثاري وغرور بنفس اللحضه
غيداء تنفست براحه يعني ماحد انتبه لها أنها كانت برا قالت بضحكه : ماشاء الله تبارك الله سنه
غرور ضحكت وقالت : ولله توقعتهم يطلعون قبلي عشان كذا طولت
اثاري : ييازينها كانت المويه حااره وتجنن احس إنعتاش .
غيداء اخذت الروب والمنشفه وملابسها ودخلت قالت : الله يستر لو خلصتو المويه الحاره بذبحكم
رسن : مااعليك الدنيا سهلات هههههههه
غيداء : بعد ماتحممت وخلصت
اثاري : اايييهه هههههههههه
غرور : هههههههههههه
دخلت غيداء وأخذت لها شاور وكانت تفكر بالموقف الي صار لاكن ابتسمت بخبث من تذكرت أن الجوالات معاها طلعت من الحمام وكانت تغني ومروقه علئ الاخر حصلت البنات مخلصين استشوار
وغرور تحط ميكب وتسمع سوالف البنات
وأثاري تسولف مع رسن
ورسن كانت ماسكه المرايه وتحدد شفايفها وتحط قلوس
كانو مشغلين اغنيه هااديه
جت غيداء عندهم وقالت : بنات من تستشور شعري ؟
رسن : لعبتي تعالي استشورك عاد انتي شعرك ناعم بس يبغاله تنشيف وشوي استشوار
غيداء استانست وقعدت عند رسن أعطتها ضهرها عشان تستشورها ، رسن شغلت الاستشوار وبدت تستشورها
غيداء بابتسامه : بنات تخيلو لو مثلا مسكت جوال عدوي وش اول أسويه
غرور : اسوي له مشكله
اثاري ضحكت وقالت : مسكتها للجوال مشكله اصلا
رسن طفت الاستشوار وقالت : ماسمعت عيدو
غرور : تقول لو مثلا مسكت جوال عدوي وش اول شي أسويه
رسن : اوديه بداهيه ميبغالها تفكير
غرور : لحضه مين عدوك ؟
غيداء ارتبكت وقالت : هههه اتخيل اني امسك جوال شليويحه وانتقم منها انتقام صح
غرور : خيالاتك واسعه الله يهديتس
اثاري : ااي ههههههههههه
رسن ضحكت وكملت تستشور
غرور خلصت مكياج ولفت للبنات قالت : شرايكو بالميكب ؟
اثاري : تجننيينن بعدين تعالي وشو ميكبه مو باين ههههههههههه
غرور : هههههه حرام عليك حطين قلوس وبلشر
اثاري وهي تفير شعرها قالت : ولله عاد جمالك الطبيعي مايحتاج
غرور قامت بتروح لاكن وقفت وقالت : ههههههه نسيت اقول لكم سمعت وحده بخطبة ريناد تمطخنا تخيلو ههههههههههه
غيداء ضحكت وقالت : منهي
اثاري : اييهه وربي مثلي سمعت حريم ماعرفهم يمدحونا ي حفيدات عبدالعزيز
غرور ناضرت فيها وقالت : ااايييههه تخيلو وش يقولون البنت الاولئ قالت كل وحده تقول الزين عندي قالت خويتها : يشيخه ذول حفيدات عبدالعزيز جدهم كان جدا وسيم والكل يمدح بجماله
رسن ضحكت وقالت : ياخي تصدقون يقولون عبدالعزيز اخوي يشبه جدي بعد الكل يشبهه عليه
اثاري : ااي الكل اصلا يقول يشبه جدي
غيداء : اخسي ي غرور جيبي السناكات حطيتهم بالمطبخ ونسيت اجيبهم
غرور وهي رايحه : اووكيه بس بطول ابغا اعدل شكلي عند المرايا
غيداء : أنتي بس جيبيهم
-
عند غرور راحت متجهه للمرايا الا وتتجمد بمكانها من حست انه صدمت لها شخص قبل ترفع نضراتها شمت ريحت عطره وكان عطر رجال ثقيل تجمده بمكانها من رفعت نضراتها له و استوعبت أنه ولد عمها جاسر كان طالع من المجلس وصدمها
جاسر كان جاي ياخذ جواله من الشاحن أنصرع من جمال البنت الي قدامه وكانت قممه بالجمال كانت لابسه بلوفر وبنطلون ازرق وفاكه شعرها شوش عليها لثواني ، غرور لفت بسرعه ودخلت اول غرفه قدامها عشان تتخبئ عنه وكانت تقول بصدمه : وش جابه ذا !!! كيف دخل !!! يارب ماعرفني الله يستر ياربي الحين يدخل علي البنات...
________________________
اعذروني اذا فيه اخطاء املائيه
________________________
.
.
.
.
ايشش رايكم بالبارت ؟ ووش برئيكم يقول جاسر عنها ؟ تتوقعون يعرفها علئ طول ولا تمر السالفه بباله مرور الكرام ؟ الددعم ي حللوواات عشان اتفاعل معااكووو 😎💪🏻🤍🤍🤍🤍.
اللهم صلي على محمد وعلئ ال محمد كما صليت على ابراهيم وعلى ال ابراهيم انك حميد مجيد.
