كاسً مليته بلوفاء لاتكبه
خله يبلل بلوصل يابس الريق
_
' عند البنات ' ..
كانو يتمشون وتغني غيداء ..
ي عاذلين الهواء .. م يفيد الكلام
مسكين مسكين .. من قد بلي بلغرام
البنات شبكة معها ويغنون
فلحب جنه وفي البعد نار وهيام
مسكين مسكين من قدبلي بلغرام
غرور : بنات بنات خلونا نغني قالت ابي منك امانُ
غيداء بحماسس : ااايي عشششقي ، وبدأوا يغنون
كانو مروقات ع الآخر ومستمتعات بلقمرا
وراحو لاصطبل الخيول وكانت الجلسه قريبه من اصطبل الخيول لاكن كانت ورا شوي يعني م يمديهن يشوفون الجلسه
_
عند العيال كانو يركضون ووصلو مع بعض
مشاري : انا وصلت الاول
جاسر : لايشيخ انا اول
عبدالعزيز بابتسامه : م تحتسب كلنا جينا بنفس الوقت
سياف وهو ياخذ نفس ويضحك: صح كلنا ا
بنفس الوقت
ونيّاف سحب عليهم بنص الطريق وراح لعمانه وابوه
وقعدو العيال ياخذون نفس من كثره الركض
سامي : ي عيال !!!!!!! شوفو وش هناك
التفت عبدالعزيز : وشهو
خالد بضحكه : ولله شكلها جلسه
وراحو لها ركض ويضحكون
عبدالعزيز بابتسامه : الله جلسه ومشروبات بس من له هذول
خالد شاف اللابتوب وكانو فاتحاته ومشغلات شيله عشان يصورون وعرفه قال : ههههههه لابتوب غرور اختي شكلها جلسه البنات
عبدالعزيز : هههههههه صح صادق هذول السناكات الي جابت رسن ،
مشاري شاف البزر والتاكيز الي كانو مفتوحات وقال : والله شكل البنات اكلو ومعات يبون الباقي هههههه
عبدالعزيز : صح ههههههههه اقعدو وقعدو وشغلو الشيله وكانو مروقين ع الآخر والمشروبات قسموهم بينهم في الي باكواب والي بنفس علبه المشروب وفتحو التاكيز وقعدو يبزرون
وقعدو يصورون القمرا والجلسه ويسولفون ابد م هكلو هم وش بيصير لو درو البنات
_
عند البنات
كانت غيداء راكبه الخيل الجادل
ورسن راكبه الخيل الثاني
وكانو يدورون قدام الاصطبل ويسولفون
غرور : بنات تسمعون صوت هناك ، كانت تأشر ع مكان الجلسه
اثاري وقفت وقالت : ليكون العمال عند جلستنا !! ولا العمال بلوقت ذا يكونون يتعشون يمكن حرامي !
نزلو رسن وغيداء من الخيول حتا م رجعوهن الاصطبل
وراحو يركضون باتجاه الجلسه وكانن ميتات خوف يبن يشوفن وش سبب الازعاج ذا
غيداء : بنات امشو بشويش ، وفتحت جوالها ببتصل ع سامي إذا صار شي لاسمح الله تضغط ع طول ع اسمه وتتصل
البنات لما وصلو بدأو يمشون شوي شوي عشان م يطلعون صوت
ولما شافو مين الي بلجلسه انصدمو من المنضر الي قدامهم
كانو العيال جالسين بلجلسه
وسياف منسدح ع رجل سامي ويهوجس بلي قبل شوي الموقف
وخالد ماسك اللابتوب ومشغل اغنيه ع جوهم
ومشاري ماسك كيس الشبس وياكل
وعبدالعزيز معاه الريتاء يشرب
البنات من الصدمه كانو متخبيات ورا الشجره عن يطلعن ويناضرن ببعض مصدومات
عبدالعزيز رفع نضره وشاف البنات وشاف من بينهن رسن وعرف أنهن جايات للجلسه وشافهم وتصنمن بمكانهن
عبدالعزيز كان يناضر ولما عرف أنهن مصدومات قام ويضحك والعيال فكرو به ولفو يشوفون وش يشوف وليه يضحك
شافو البنات والواضح من شكلهم أنهن مصدومات
قامو العيال يضحكون
وقامو كلهم الا سياف المنسدح مكان يعرف وش يضحكهم
عبدالعزيز بضحكه : تعالو تعالو اقلطو البيت بيتكم وهج
سامي قعد يضحك : حبيبي وش يقلطون شايفنا اكلنا كل شي
خالد بضحكه : خطا عليك باقي البزر م اكلناه تعالو كلوه معنا
البنات فكرو ببعض
غيداء بصوت واطي قالت : الله ياخذهم هذول وش جبتهم ولله م اخليهم بنات بنعد لين ثلاثه بعدين نهجم عليهم
رسن باتفاق : ولله مو انا الي اسكت عن حقي ولا بعد شربة الريتا الله ياخذهم
اثاري : قدام كل وحده تهجم ع اخوانها
غرور بحزن وقهر : رسسن مو بس الريتا اكلو التاكيز حسبي الله
العيال استغربو من هدؤهن وقالو
عبدالعزيز بضحكه : ي عيال هدؤهن م يطمن
سامي : ولله صادق وبذات غيداء م تسكت لازم تاخذ حقها
خالد قال بضحكه : ابشرو بلفعاليه م بعد الهدؤء غير العاصفه
مشاري جا بيتكلم لاكن قطع عليهم جموم البنات
غيداء بصراخ : انا اوريك ي سويمي
رسن : عزوزووه يلكلبب ولله م اسكت لك
العيال لما شافو البنات تفرقو يركضون
سامي ومشاري تلحقهم غيداء
وخالد تلحقه غرور
وجاسر تلحقه اثاري
وكانو العيال عارفين ردت فلعهم هذي
سياف قام بنص هواجيسه وشاف العيال يركضون وانصدم أن البنات يلحقونهم ويضحكون
عبدالعزيز بصراخ : سييااااف هججح جااك الموت رسسن جتك
سياف قام بصدمه ولما شاف رسن متوجه له بصدمه وتركض هج ع طول باتجاه عبدالعزيز وقال بصراخ وضحك : لحضه فهموني وش السالفة
سامي بضحكه : كله من سياف هو علمنا أن فيه جلسه ولا حنا م درينا
غيداء قدرت تمسك سامي وبدت تتهاوش معه وتضرب كتفه : الا يلحقييير ليه تجون جلستنا خليتو كل المزرعه ورحتو لجلستنا !!!
غرور عند خالد لما وقف من التعب وجلس جت عنده ومسكت شعره وهو ميت ضحك : ي حقيير انا اوريك ترا شفتك ماسك اللابتوب حقي ع زود انكم ماكلين جلستنا
اثاري : وقفت بتعب اخخخ تعبت هين ي جويسر هين
عبدالعزيز كاان قريب من جاسر وفطس ضحك ع كلمه لما سمع كلمه جويسر
رسن بعد م صفقت مشاري وسياف هج توجهت لعبدالعزيز مع الخلف ومسكت شعره( كان شعر عبدالعزيز شوي طويل محلق كبوريا اتوقع هذا اسمها 🤣 ؟ كل العيال نفس شعر عبدالعزيز كان محلق الي ع الجوانب ومخلي له جذله ليت فوق حجاجه وكان يرجعه ورا شفتو حرحكه العيال لما يستشورون ويرجعوه ورا يارب فهمتو )
وقالت حشى ولله يبغالكم تربيه من اول وجديد
ورجعو العيال وقعدو واخواتهم معهم بعد الصراع الي قبل شوي
غيداء اول وحده قعدت شافت الريتا البنفسجيه مفتوحه ولاكنها مليانه قالت : من شرب هذي
عبدالعزيز بضحكه قال : انا فتحتها اعجبني طعم هذي يأشر ع الريتا وقررت اذوق هذي بس انتو هجمتو علينا ونا بحين م فتحتها تركتها عشان م اموت بين يدينكن
غيداء وهي تاخذها : احسن تدرون لو شربتوها ذبحتكم كلكم مره وحده .. الكل ضحك ع كلمتها
قالت رسن لعبدالعزيز : حشى ولله وتقول أننا الات بلع أجل انتم وشو
فطسو كل الي موجودين وقال عبدالعزيز : ولله الي اكلنا قليل انتم وش تسمون الي موجود بسياره
رسن : ولله يعزوزوه هذا حق الف سنه قدام
غرور وهي تتحارش مع خالد عشان البزر : يشيخ عطني ع الأقل خلو لنا البزر حشى ولله
غيداء وغرور كانو قاعدات بجنب بعض
وانصدمن برجل الي جاء باتجاهه وكيف إخوانهم ساكتين م قالو شي
غيداء بصدمه وهي تنغز اثاري : اثاري شوفي هذا هو الي صدمك
اثاري وهي تطالع بصدمه : ييمه الله ياخذه وش جابه ولا بكل ثقه يمشي باتجاهنا !!!!
غيداء : بسم الله الله يستر لايعرفنا يارب حنا وداعتك يارب
عبدالعزيز التفت لسياف وقال : وين اختفت انت
سياف : ولله جاتني مكالمه وبعدت شوي عن الازعاج والحرب وبضحكه قال : لا اشوا انتم باقي حيين م متتو
عبدالعزيز بضحكه : ولله بغيت أودع من رسن حضك انت الي هربت
رسن بعجز : سيافوه انتضر لين م اجمع قوتي الحين قوتي راحت وانا الحق الكلب ذا قصدها عبدالعزيز
عبدالعزيز بضحكه : اهخخخخ ليت خليتك تكفخين سياف بدالي بس انا فزعه قلت لسياف يهج منك وبلاخير انا اكلتها
غيداء وأثاري بصدمه يسمعون كلام رسن وعبدالعزيز
يعني الرجل ذا مو من ضيوف عمهم طلع ولد عمهم عبدالله !!!
غيداء وهي تقرص اثاري قالت بصوت واطي عشان البنات م يسمعون: الله ياخذتس طلع ولد عمي عبدالله كيف م عرفناه !!!! وانتي مجاز لك تصورين غير بجيتهم ولا بعد اول مره يجي بعد سنين الحين وش يقول عنك وعنني !!! اتوقع شافني وانا متنقبه الحين يعرفني يويلنا يارب ضربه راسه تأثر فيه وتخليه ينسا الموقف
اثاري بخوف : يحماره ونا شدراني أنه ولد عمي اصلا م يجنا غير نادر بسبه دراسته يمه متغير مرره
غيداء قالت : طبيعي لان شفناه اخر مره قبل كم سنه اكيد بيتغير يمه وانا اقول اول م شفته ملامحه مو غريبه علي كنت حاسه اني اعرفه !!
اثاري قالت : وحدي الدعاء يارب يارب م يعرفنا ي رررررربب
غيداء بخوف : امين ويارب م يعرف شكلي عشان م يفضحنا ان حنا بقسم الرجال الحين بيقول وش جاب البنات لقسم الرجال ولما يعرف أننا بنات عمه اكيد غير ينصدم ويفكر فينا افكار الله يستر الله يستر
غرور قالت : بنات وش تسولفون عنه ليه صوتكم قصير ؟
غيداء بتضييع السالفة قامت قالت : الخيول خليناهم بدون م ندخلهم الاصطبل الحين بيكونن هاربات
اثاري قامت معها وقالت : اي صح بنروح نشوفهم
عبدالعزيز بابتسامه قال : اووه منزمان عن الخيول ابغا اركب لي خيل عيال من بيسابق
سامي قال بحماس : اناا معك
رسن قامت وقالت : اجل كلنا بنروح بس قبل كلشي رتبو الحوسه الي هربت حنا مالنا شغل
مشاري بضحكه : سياف قوم ورتب لان انت الي علمتنا الجلسه وحنا مكنا دارين لها أساس
سياف رفع حواجبه : لايشيخخ اصلا م اكلت ولا شي من جيت انسدحت بسبه السباق تعبت منه
سامي قال بضحكه : وش كنت تهوجس من قعدنا م انت معنا أو بلاصح من رحت تتوضا م انت ع بعضك
اثاري وهي تنغر غيداء بخوف وقالت : غييدااءء تسمعين وش يقول سامي !!!! يييمه يويلييي
غيداء بربكه : الله ياخذ العدو شكل الطيحه م أثرت برأسه شكله يهوجس بينا الله يستر وش يفكر به
سياف بربكه وهو يضحك يخفي توتره قال : هههههه لا بس جاني اتصال من الدوام لما رحت قالو اني اجي عندهم طالبيني بحاجه بعد يومين وقبل شوي اتصلو وقالو خلاص لاتجي مدري شعندهم
سامي : وانت جد بتروح لو م اتصلو ؟
سياف : لا طبعا لان الحين وقت اجازتي وقلت لهم اصلا اني مو بشرقيه مسافر
اثاري قالت : ليته صدق اتصلو عليه وخلوه يذلف غديه ينساء الموقف
غيداء بضحكه : اقول اسكتي كله عذر احمدي ربك الي م فضحنا وقامت أخذت اللابتوب
عبدالعزيز : يلا ي عيال خلونا نرتب المكان ونروح للخيول
العيال : يلا ، وبدو العيال يرتبون الحوسه
وأثاري وغرور يرجعون الاكواب لسله
وعبدالعزيز كف المفرش ونادا رسن وأخذته رسسن
وتوجهو الخيول العيال قدام والبنات وراهم
غيداء معاها اللابتوب وجنبها اثاري وجنب اثاري رسن معاها المفرش وجنب رسن غرور معاها السله
راح عبدالعزيز أخذ الجادل و سامي راح اخذ خيل الي رسن راكبته
قال سامي بضحكه : عبدالعزيز الخيل الي معك انتبه عليه لان لو صار به شي بعض ناس راح يموتون
غيداء قالت للبنات : رسن لو يصير شي للجادل بصفقك انتي
رسن : وانا شدخلني !!!
غيداء : لانه اخوك ! واذا رجعتو للبيت امسكيه وشفتي كل التصفيق الي صفقتك رجعيه لاخوك دبله مرتين
رسن بضحكه ضربت صدرها : معليك اصفقه دبل تصفيقك عشر مرات خليها عندي بس انا لاتمسكيني
وراح جاسر أخذ له خيل وركبه وخالد ومشاري نفس الشي وسياف يفكر بيهم ويضحك ويصورهم
عبدالعزيز بصوت عالي قال : سياف ليه م تركب لك خيل
سياف نزل جواله وقال : م ادري احس مالي نفس العب ، وبعد شوي دق ابو نيّاف وقال لهم أن العشاء وصل تعالو
سياف نزل جواله وقال للعيال والعيال نزلو من الخيول ورجعوهم الاصطبل
سياف لف للبنات وشاف أن فيه وحده من البنات تفكر به صد نضره ع طول وتذكر الموقف حاول يفسر نضراتها وعجز
اما عند اثاري كانت تناضر بسياف بخوف وتتخيل سيناريو وش يصير واول م التفت الها سياف ارتعش جسمها كانت ملامحه حاده وجميله وشكله هيبه قالت اثاري بنفسها : بس ي اثاري رحتي بيها هو وشكله الي يخرش
غيداء سمعتها وضحكت وقالت : اثاري وين وصلتي
سمعها سياف ورفع نضره يشوف
غيداء لاحضت نضراته وانخرشت وسكتت وأثاري كانت اصلا فيها الي كافيها ولما شافته رفع نضره همست لغيداء : ييممههه غيداء ولله رحنا بيها تشوفينه يناضر شكله لحاله هيبه وملامحه حااده ويخرش
غيداء وهي منخرشه تحاول تهدي الوضع قالت بهمس : بنت اسكتي اصلا شكله م درا عنا بس لاحضك وانتي تناضرين له اكيد يستغرب ويفكر فيك
_
سياف عقد حواجبه من راحن من قدامهيشوفهم يسولفون بصوت واطي حس أن فيه بس طنش الوضع وجو عنده العيال
سياف : يلا مشينا
العيال : يلا
البنات كانو يمشون بجهه وهم يمشون بجهه عشان كل واحد منهم ياخذون راحتهم
عند الرجال وصلو العيال وكان مع وصله العشاء قعدو يتعشون وكملو سواليف
_
ووصلو البنات وراحو عند الحريم وقعدو
ام خالد تعالو ي بناتي تعشو
قامت ريناد وانهار و رسن وغرور وفكرو بغيداء وأثاري
غيداء قالت : احس مالي نفس قومي ي اثاري
اثاري : ولله انا الي مالي نفس وبتصريفه قالت : احس ابي ارجع
رسن وهي ترفع حجاجها : احس وراكم شي اعترفوا
اثاري وهي تخفي الارتباك الي جواتها قالت : يعني ايش ورانا بالله ههههههههههه
غيداء بضحكه : هههههههههههه تقول مشتهيه اندومي بس تخاف أن امهاتنا يشوفنها
اثاري من كلام غيداء اشتهت اندومي وهي اصلا ناسيته : ااخخ اشتهيته
رسن : ههههههه قولي كذا من اول , طب قومن كولن قدام امهاتنا
غيداء : احس مقدر بستفرغ
اثاري : حتئ انا مالي نفس اكل
وراحن غرور ورسن يتعشون
غيداء لفت ع اثاري : شعندتس م رحتي
اثاري : احس انسدت نفسي مبي شي
غيداء بضحكه : مثلك احس م تخطيت للحين الموقف
اثاري وهي تغطي عيونها بيدينها : اااخ اسكتي انا الي م اتخطئ
غيداء وهي تاخذ جوال اثاري بالله مشتهيه اضحك وفتحت المقطع وقعدت تضحك حتئ صوت الضربه طالعه بلفيد وواضح انها قويه
اثاري بتفكير : غيداء طاح الجوال مني وهو يصور تتوقعين أن سياف مسكه
غيداء : اممم م اتوقع بنفس الوقت احس اي
اثاري وهي تقلب بصور الي جنب الفيدقالت : يمه لونه شاف المقطع ولا بعد صوري بعد المقطع الله يستر
غيداء : اثاري خلاص طفي الجوال الي صار صار وانتبهي تعلمين رسن ترا بتمسكها عليك ههههه
اثاري : ههههه عاد رسن حاله ثانيه
_
عند الرجال بعد م خلصو اكل قال أبو سامي : ي عبدالله تعال نام عندي بيتكم مغبر ويبغاله تنضيف وآلخ وترا بيتي كبييير
عند ابو نيّاف بتفكير : ايولله ولله فكرت فيها ومنها انام عند امي الله يحفظها لنا
ابو سامي ببتسامه : حياكم الله والبيت بيتك ي اخوي ، وترا بكرا الفطور عندي بمناسبه جيت اخوي ابو نيّاف وحياكم الله جميع وتراه فطور عائلي ودي نقعد كلنا بجلسة وحده ونأخذ علوم بعض منزمان عن الجلسات الي كذا
ابو جاسر : الله يشرف مقدارك ي اخوي وانا بعد بسوي مناسبه كبييره بفرحه أن اخوي ابو نيّاف واخيرا نقل عندنا بنجد العذيه وثلث قبل ابو نيّاف يتكلم
ابو نيّاف : الله يشرف مقداركم والله هذي عوايظكن من كبيركم لصغيركم والله ماله داعي ي اخواني تكلفون ع أنفسكم
ابو جاسر : لا كلافه ولا شي ي اخوي وانت تستاهل
ابو نيّاف : ونعم ولله , بس ي خالد آخرها شوي لين نضبط.بيتي ونستقر فيه
ابو جاسر بابتسامه: ابشر ي اخوي
ابو نيّاف: تبشر بالجنه ي رب
طلع ابو سامي وكلم ام سامي يخبرها أن أن ابو نيّاف وأهله بيسكنون عندهم لين م يخلصون شغل البيت
ام سامي بابتسامه قالت : ولله ي مشعل كنت عارفه انهم بيجون عندنا وقبل كم ساعه خبرت الخادمه تجهز غرف الضيوف الهم والحين كلشي جاهز وحياهم الله
ابو سامي بابتسامه: مشكوره ي ام سامي
ام سامي : العفو هذا واجبي
.
.
.
________________________
اعذروني اذا فيه اخطاء املائيه
________________________
الحمدلله دائما وابدًا .
