تمرك وجيه وتكثر عليٌك الاشباه
وعلى كثرهم .. مابهم أحد مثلي .
_
نزلو سامي و عبدالعزيز و غيداء للبقاله وكل واحد راح له بقسم .
غيداء اول شي راحت وأخذت لها عربيه وراحت تاخذ السناكات الي هي تبي ولما جاء وقت المشروبات راحت وأخذت المشروب المفضل واخذت لكل وحده 2 من مشروبها وراحت عند المحاسب ولقت عبدالعزيز و سامي يتهاوشون سامي معه جواله و عبدالعزيز معاه صرافته يبون يدفعون الحساب ضحكت غيداء علئ اشكالهم
عبدالعزيز : ي رجال انا قلت لك من اول انا ادفع
سامي : عاد انا الي بحاسب روح كنت استهبل معك لما كنا بسياره
غيداء : لحضه لحضه شسالفه ؟
عبدالعزيز لف لغيداء وقال : يبي يدفع وانا قلت انا الي بحاسب !
سامي بضحكه : فات الاوان حاسبت وخلصت
غيداء بضحكه : مو مشكله المره الجايه عليك
عبدالعزيز : لا هذي طمعه
غيداء : شدخلني المره الجايه بتحاسب ولا بعد بجيب البنات معي ههههههههههه
عبدالعزيز ناضر ب سامي بصدمه وسامي قعد يضحك سامي : الحمدلله الي انا حاسبت
عبدالعزيز : مستحيل احاسب والبنات معك اعرف رسن اذا جت بتشري تقش البقاله كامله اشي عاد انتو ي البنات الباقيات بتطفروني
غيداء : تستاهل أجل لاتكرم مره ثانيه هههههه
عبدالعزيز : بعتزل ثاني مره ما اكرم لأحد ، مشكلتي طالع علئ ابوي ههههههههههه
سامي أخذ الاغراض من المحاسب وقال : يلا مشينا
عبدالعزيز : يلا ،
_
جت غيداء وكانو متجمعات الحريم عند ام جاسر
غيداء وكان معاها اغراض البقاله : السلام عليكم .
الكل : وعليكم السلام ورحمه الله
ام سامي قامت ببتسامه: الحمدلله ع سلامتك ي بنيتي .
غيداء وهي تضم أمها : الله يسلمك ي اميتي
ام نياف : الحمدلله علئ سلامتك يا غيود
غيداء ابتسمت وباست راسها : الله يسلمك ي عمه
ام خالد : الحمدلله علئ سلامتك غيودتنا واخر الاوجاع
انهار وريناد بصوت واحد : الحمدلله علي سلامتك ي وغده
غيداء وهي تضمهم : الله يسلمكم ي بناااتي
انهار : حشئ متا صرنا بناتك غيداء ضحكت علي كلمتها
غيداء وهي مبتسمه علئ حب واهتمام الكل لها : الله يسلمك ي عمه ويطول بعمرك
جت أم جاسر من جواء ومعاها صحون الحلا : ي هلا وي مرحبا بغيداء جت غيداء وتضم خالتها ام جاسر : ي هلا فيك ي خاله ، أم جاسر : الحمدلله علئ سلامتك ي روح خالتك
غيداء ابتسمت : ي حبيبتي ي خالتي الله يسلمك ويديمك لنا ي حبيبتي .
ام جاسر : امشي اقعدي معانا
غيداء : لا ي خاله وين البنات ابي افاجئهم
ام جاسر : ييووه فاتك يسون الحلا جواء وم خلو أحد م حشو فيه والي تصور بأغاني (تقصد يسون ترندات ههههه ) الله يهديهم .
غيداء بضحكه : امييييين الله يسمع منك وراحت تركض لهم جواء
ام جاسر : غيييييداءءء شششوي شوي لاتنكسرين
غيداء وهي تضحك قالت: معلييك ي خاله كويسه انا
_
عند البنات
رسن : بنات شوي بعزل لعبدالعزيز من الحلا يحبه
غرور : الله يرزقني ع كثر م عزلتي له من هذا الحلا
غيداء بصوت عالي : هااي قاااايييز
اثاري. : غيييييداءءء !!!! متئ فكيتي الجبص
غيداء : قبل شوي جيت من المستشفى ، بنات مستحيل اصبر بنروح للجادل (الخيل) بعد شوي وجبت سناكاات معي
اثاري : اصبري مسوين حلا خلينا نطلع ونقعد شوي مع الحريم بعدها نروح
غرور : يييلا يييلا امشو تأخرنا ع عمتي
طلعو البنات وبدو يوزعون الحلا قامت غيداء تجيب اكياس البقاله الي نزلتهم باخر الجلسه عشان تسلم عليهن حطتهن لهن بلجلسه كانت جايبه حركات للحريم حاسبه حسابهم لما كانت بالبقاله وبعد نص ساعه قامو البنات بيروحون
ام جاسر : وين ي بنات اجلسو
اثاري : ولله ي يمه متفقات بنروح للمزرعه للخيول ونقعد هناك
ام سامي : غييدااءء ي بنتي انتبهي لاتركبين الخيول توها رجولك اخاف تتكسرين من جديد .
غيداء : معليك ي اميتي مراح اركبهن بس بنفرش قريب منهن ونصور .
ام سامي : استودعكم الله الذي لاتضيع ودائعه أبدا .
غيداء ابتسمت : يلا فأمان الله ، وراحو البنات كانو كل وحده معاها حاجه ماسكتها ومتجهات لاصطبل الخيول .
رسن وهي ماسكه الحلا : افف عزيز م يرد !
غيداء : راح مع سامي شوي أدق علئ سامي وراحت دقت وبعد ثواني رد سامي : هلا ي غيداء
غيداء : عبدالعزيز عندك رسن تدق عليه م يرد
سامي : اي معي ليه شتبي فيه ؟ جواله ناسيه بسياره
غيداء : وينكم بعيدين ولا قريبين ؟
سامي : ليه تسالين فيه شي ؟
رسن بصوت واطي وهي تأشر لغيداء قالت : قولي له سوت حلا وحطت لسامي وحسبت حساب اذا فيه احد معه
غيداء : رسن مسويه حلا وحسبت حساب عبدالعزيز وكثرت اذا فيه احد ياكل مع عبدالعزيز
سامي : عبدالعزيز يقولون رسن سوت حلا لك وحسبت حساب اذا فيه احد معه
عبدالعزيز ابتسم قال : يلا الحين نمركم بس ناخذ قهوه ع طريقنا ونجي ، قول هم فينهم
سامي : غيداء فينكم ؟
غيداء : عند اصطبل الخيول جالسات .
سامي فتح عيونه بصدمه : ماشاء الله ليكون ناويه تركبين الخيول !! ترا الدكتور منبهني قال لاتمشي بسرعه ولا تركبين الدرج وانتي جايه عند الخيول يويلك اذا لك نيه تركبينهن ترا بحش رجولك .
غيداء بكذبه : هههه يزوين وجهي ونا راكبتهن بعدين أمي نبهتني قبلك مستحيل اركبهن .
سامي : نشوف ي وغيده
غيداء : اقول انقلع ي ساميه
سامي : غيييييداءءء !!!!!!
غيداء علئ طول قفلت الجوال .
سامي ناضر بالجوال وقال : انا اوريها الوغده
عبدالعزيز باستغراب : ليه وش قالت لك
سامي : تقولي ساميه عناد لي عشاني اقول لها الوغده
عبدالعزيز بضحكه : ههههههههههه انا اقول رسن م طلعت من شجره ههههههههههه
سامي : ليه وش جاب طاري رسن ؟
عبدالعزيز : تناديني عزيزه ونياف نايفه وسياف سولاتي ههههههههههه اخخخ عاد سياف دايم يتهاوش معاها ويركض وراها عشانها تناديه كذا يتنرفز ع طول
سامي بضحكه : ههههههههههه عاد سياف حاله ثانيه
_
غيداء طفت الجوال بوجه سامي وقعدت تضحك
رسن : كففففو تربيتي
اثاري : يويلتس عاد الحين يجون
غيداء : يستاهل يناديني وغده انا مدري كيف عرف الاسم معقوله شليويحه معلمته الكلبه بس كيف تعلمه معمرها شافته
غرور : تلقينه سامع الاسم لما نحش فيها ولقطه .
غيداء : يمكن مافي غيرها
رسن : بنات طفشت من الجلسه خلونا نتمشا
قامت غيداء وقالت : صح صادقه ابي اركب الجادل منزمان عنها
غرور : ي مجنونه كيف تركبينه ورجلك توك فاكته !
غيداء : م عليك بحاول قد م اقدر م اني احط الثقل كله علئ الرجل الثانيه
_
جو عبدالعزيز و سامي ومعاهم قهوه شافو البنات مو موجودات بلجلسه قعدو يتحلون ويسولفون توقعو أنهن يتمشون ، مر محمد( العامل) من عندهم
سامي بصوت عالي : محححمممد تعال هينا شوي
محمد : نعم ؟
سامي : انت شوف بنات هينا وين راحو ؟
محمد : اي في شوف راحو هناك يأشر لجوا المزرعه
سامي : اها زين هو في يجي خيل يركب ؟
محمد : اي في يجي خيل ويركب ويروح هناك
عبدالعزيز شرق بضحكه لما عرف أن غيداء سوت الي برأسها
سامي يطالع بعبدالعزيز ولف يناضر محمد : كم شوف بنت ركب خيل !!!؟
محمد : 4 في شوف
سامي قام علا طول وراح للخيل يبي يركب ويلحقهم
عبدالعزيز: وبين بتروح ي رجال
سامي وهو يطلع الخيل : مبها مجلاس م ترتاح ذي غير وهي كاسره رجلها للمره الثانيه
عبدالعزيز قام ووقف وأخذ خيل وراح مع سامي
_
غيداء : تصدقون أن ذي الشاحنه لو دخلناها ودعت عمري
غرور : ااافففف متوقعتها كذا لما تسولفين عنها طلعت أشين من كلامك !
اثاري : الحمدلله الي مرت بسلام وأمان
رسن : بنات امشو اليل بدا يضلم والجو كمان برد
التفتو البنات من الصوت الي وراهم
سامي : غيييييداءءء !!!!!!
غيداء : بنات وصيتي انكم تبنون لي مسجد
اثاري : تستاهلين محد قالك تركبين الخيل هههه
سامي وقف جنب غيداء وعبدالعزيز بعيد شوي عنهم
سامي : ماشاء الله الكريم
غيداء ضحكت بربكه وقالت : ااءء سامي
سامي : لا الجني ليش تركبين الخيل انا نبهتك وامي نبهتك ليشش تركبينه تو رجلك قبل ساعتين شايله الجبص منها
غيداء : اااءء بلغلط
سامي ناضرها بصدمه والبنات فطسو ضحك عليها
سامي : ايش ايش م سمعت !!!
غيداء : ياخي خلاص مابها شي رجلي لاتخافون
سامي : وهذا البلا تقولين مابها شي وتركبين عليها ي غيداء ي حبيبتي م يصير ترا تخوفينا عليك
غيداء ابتسمت من اهتمام اخوها وقالت : خلاص اوعدك مراح اركبه لين م اقولك
سامي : اسبوع مراح تركبيه اتفقنا
غيداء فتحت عيونها بصدمه : ايش ايش م سمعت
سامي : ترا بزعل عليك
غيداء ابتسمت وقالت : ابشر من عيوني اوعدك م راح اركبه
رسن : بنات اليل بدا يضلم والجو كمان برد امشو نودي الخيول الاصطبل الخيول ونروح للقصور كلمت امي وتقول أنهن لسئ عند عمتي أم خالد
راحو البنات ونزلو الخيول وأخذهم محمد ودخلهم للاصطبل وراحو البنات بسياره مع عبدالعزيز وسامي
دخلو البنات للحريم وانصدمو من الموجود قدامهم
كانو فيه 3 حريم غريبات ، البنات اول م شافو الحريم هجو ، انهار وريناد استغلوا جيت البنات وراحو الهن وكانو انهار وريناد متوترات
غيداء: يمه يابنات من ذول ووش جابهم !
جن ريناد وانهار
غرور راحت لانهار : تعالي اوخيتي شيالفه ووش الي جابهم فيه شي وليه م قلتو لنا !!!
انهار : م درينا فجأه دخلو علينا والصدمه أنهم خطبو رنييدي
لفو البنات لها بصدمه وبصوت واحد : ووششوووو !!
ريناد فتحت عيونها بصدمه وقالت : اسسكتو فضحتونا
غرور راحت لريناد ضمتها : حيييياتي انتي بتكونين اجمل عروووسس
انهار وهي تطالع بريناد : اتفقق معاك ، بس الحين بتروح وتخليني
غيداء قالت بفرحه : اتركو عنكم الدراما الزايده الحين اول حفيده بتتزوج هي رنييدي ي الله م بغينا
قامو البنات يرقصون ومستانسين
قالت ريناد بحياء : بنات بدري علئ الفرحه لسئ م ردينا عليهم
ضمتها انهار وقالت : استخيري اذا انتي مرتاحه قولي موافقه واذا حسيتي انك مو مرتاحه ارفضيه يروحي
ريناد : أن شاءالله الله يكتب الي فيه الخير
غيداء: بنات الصلاه امشو نصلي اخرناها
البنات : يلا
_
عند الحريم
كانت أم رائد واختها وبنتها ليندا ومع ليندا طفلتها اسمها رندا ، وام خالد وام جاسر و أم نياف وام سامي موجودين .
ام رائد : ولله ي أم خالد النيه بنجيكم قبل شهر لاكن توفت الجده لطيفه ام عبدالله رحمه الله عليها نبي بنتكم ريناد لولدي رائد ،
والله ولدي رائد موضف بقوات الأمن العام عمره 27 ويبي بنت الحلال وحنا طامعين بنسبكم ونبي بنتكم ريناد.
ام خالد ابتسمت : ابد بنشاور البنت و ابو البنت واخوها وعمانها وبنرد لكم
ام رائد : ابد خذو رأحتكم ومتا م وافقتو ردو لنا
ابتسمت ام رائد وقامت : يلا كثر الله خيركم
ام خالد قامت : وين ي أم رائد اقعدي القهوه
ام رائد : الله يسعدك ي أم خالد مره ثانيه أن شاءالله
ابتسمت ام خالد : ابد حياكم الله بأي وقت
_
عند البنات بدور العلوي
غرور : يمه من ذول وليه جايين وامي م قالت لي !!!
ريناد وانهار مع ورا جو
ريناد : فضحتونا ليه هجيتو كأنكم شايفين جنون !
غيداء : بنات شسالفه ومين ذول
انهار : تقول انها جايه تخطب رنيدي
البنات صرخو بفرحه وجو يضمون ريناد
غرور : مبروووك خطوبتك ي اوخيتي بتكونين احلى عروس
اثاري : مبروووك الله يتمم لك علئ خير يروحي
رسن : مبروك ي رنيد واخيرا اول حفيده بتتزوج هي رنييدي
انهار طالعة بريناد وكانت ميته حيا وترجف ضمتها : واااي فديت المستحيين ي روحي
ريناد ابتسمت وقالت بدري على المباركه تو ابوي م درا وانا م استخرت والخ...
غيداء : واخييييييرا فيه زواج يونسس الله يتمم على خير ي رب
_
ثاني يوم العصر كانت أم خالد وابو خالد جالسين برا
ام خالد : ي عبدالرحمن فيه خبر م قلته لك.
ابو خالد : سمي طال عمرك وشهو؟
أم خالد ابتسمت : بنتي ريناد أمس جوها خطاب وخطبوها وقلت لهم بشاورها و ابوها وأخوها وعمانها ونرد لك
أبو خالد ابتسم : ماشاء الله تبارك الله الله يجيب الي فيه خير ومين الي خطبها ؟
ام خالد : تعرف رائد ولد ياسر ال *** ؟
أبو خالد : ايوه ومن م يعرفهم تبارك الله عليهم سمعتهم وكرمهم واصل الغلاف الجوي ما شاء الله
أم خالد: ولدهم رائد تقدم لريناد وقالت له السالفة من اول مجو لين مراحو ومواصفات رائد وأنهم اجلو الخطبه بسبه موت الجده
ابو خالد فرح لانه يعرف العائلة هذي وكيف أن لهم سمعه ونفس طبقتهم وقال : والله أهله اعرفهم ما شاء الله مافيهم الي سمعتهم ماهي زينه اشوف اسال عن الولد واسال ريناد إذا هي موافقه سالت اخواني وخالد واذا وافقو ردينا لهم .
ام خالد ببتسامه : الله يكتب الي فيه الخير
_
عند غرفه ريناد
غرور ببتسامه : استخرتي ولا لسئ
ريناد بضحكه : وشفيتس مستعجله لا لسئ م استخرت
غرور : يربيي الفررررررححه اللفففففف الله يكتب الي فيه الخير
ريناد : اميين ي عمري
غرور : ياخي انا متحمسه بنفس الوقت مابي تروحين وياخذك رائد
ريناد ببتسامه : خلي الثلاثي حقك يكفنك ( تقصد البنات )
غرور وهي تضمها : ياخي بس انتي غيييير
ريناد : معليك بدري علئ السوالف ذي إذا تمت الخطبه بعدين خلينا نسوي الدراما ذي
غرور وهي تضربها بخفه بضحكه : حقيره الحين اطلع لك مشاعري وتقولين اني دراما ، ياخي الشرهه مش عليك الشرهه الي يطلع لك مشاعر .
قامت غرور وأخذت جوالها وكانت موقفه الاغنيه وشالكه علي السماعه شغلتها وطلعت من الغرفه ترقص
ريناد وهي ميته ضحك علئ حركتها : تعالي ي مغروره ، غرور بصوت عالي وهي نازله مع الدرج: خلي انهارك تنفعك .
خالد جاء بيركب الدرج وشاف غرور مشغله اغنيه وبيدها سماعه وتنزل من الدرج وهي مروقه علي الاخر خالد: اووف اووف شعندها مغرورتنا مروقه
غرور ببتسامه وهي تمسك يد خالد وخالد شبك معاها علئ طول ويرقص : منقددي اخت عروووس صحح
خالد وقف بصدمه وقال : ايششششش !!!!!
غرور : اااااوووف م دريييت رنييدي أمس جوها خطاب
خالد وقف بصدمه وشاف أمه جايه لهم وقال : يمه ايش تقول ومين هم الخطاب الي جو اختي ! وليش انا مو داري !!
ام خالد بابتسامه : يووه الحين علمت ابوك وجايه اقولك عاد
غرور وهي وراهم وترقص ، خالد : غرور طفي السماعه شوي ولف لامه ، غرور طفتها .
ام خالد : امس جونا أم رائد ولد ياسر ال *** تعرفهم ؟
خالد فتح عيونه بصدمه وقال: ياسر ال*** م غيرهم !!!!!!
ام خالد : اي هم ، وجايين يخطبون ريناد لولدهم رائد .
خالد ضحك بفرحه لانه يعرفهم ويعرف ولدهم رائد من بعيد رجال بمعنئ الكلمه وطيبه من طيب ابوه واصلا يكفي أنه ولد ياسر ال*** .
خالد ضم امه بفرحه مبروك ي يمه والله يتمم لهم علئ خير ي رب ، وينها رنيدي ؟
ام خالد فرحت لما شافت فرحه خالد وكيف أنه متحمس وقالت : فوق بغرفتها
خالد لف لغرور وقال ، شغلي السماعه نبي ننطرب شوي وشغلتها غرور وهي الابتسامه شاقه وجهها
غرور قالت لخالد : الأول الي يوصل هو الفائز
خالد : تم ، وانطلقو كلهم يركضون باتجاه غرفه ريناد
فتحو الباب عليها بسرعه ودخلو بنفس اللحضه .
ريناد فزت وصرخت مين الي دخل عليها وصوت السماعه عالللي : بسسسمم الله .
خالد راح لأخته وضمها وقال : اووووووه في بيتنا عرووس
ريناد نزلت راسها بحياء ، غرور وهي ميته ضحك علئ شكل ريناد وقالت : وووواااه فديييت المستحيين ، لاتخافين حنا اخوانك مش رائد
ريناد فتحت عيونها بصدمه وتناضر خالد الي طاح علي الارض ميت ضحك وقال : صح عليك حنا مو رائد تستحين منا
ريناد اخذت علبه الفاين الي جنبها ورمتها عليهم وقالت: اطلعو برااا
خالد : اووه رائد اثر عليك من الحين وجحدتينا بدري عليك الحب ي اوخيتي ،
غرور وهي تضم خالد بتمثيل : جحدتنا ونا اختك وحبت خالد
ريناد بصدمه من كلامهم وقالت بصوت عالي : يممممههههه !!!!!
خالد وغرور اول م سمعوها تنادي أمهم فتحو الباب وهجو لأنهم يعرفون أن ام خالد تحب ريناد بشكل وم ترضئ أحد يزعلها خصوصاً إذا عرفت أنهم يتكلمون عن رائد قدامها .
ام خالد جت علي صراخ ريناد واول م جت تبي تفتح الباب حق غرفه ريناد انفتح الباب وطلعو منه غرور وخالد يركضون ويضحكون قالت أم خالد : وشفيكم ليه ريناد تناديني !
غرور : يمه بنتك دلوعه قلنا لها تمشين نتمشا قالت لا شفتي جحدتنا حتا قبل يجي رائد !
ام خالد : غرووور !!!
غرور ضحكت وقالت : المعذره ي أم خالد بروح مع خالد مع السلامه .
خالد فتح عيونه بصدمه وقال : وليه تروحين معي !
غرور : ياخي طفشت وبنفس الوقت ابي استانس واشغل اغاني علئ راحتي ومنها نمر ناخذ قهوه
خالد : تم بس علئ حسابك
غرور : ابد ازهلها اخوي الشيخ يدفع
خالد : ماشاء الله شايفتني البنك الراجحي !
غرور : شوي البس عباتي واجيك ، شغل السياره
خالد : تمونين ي بنت عبدالرحمن .
غرور راحت وأخذت عبايتها ومرت علي ريناد فتحت الباب وقالت : ريناد تمشين معنا نبي نتمشا انا وخدخودي
ريناد وهي تكلم انهار قالت : لاانهار ألحين تجيني
غرور بضحكه: ي بنت الناس قولي رائد بيجي وخلاص ههههههههههه .
ريناد : غرور ولله لو جيتك ادبتك وجع
غرور وهي ميته ضحك قفلت الباب وقالت : تمونين ي عشيقه رائد ، فاتك بتكونن اجمل طلعه بدونك .
ريناد تجاهلتها وكملت تسولف مع انهار .
_
عند خالد .
جت غرور وقالت : اخخخ مممتتتت هههههههه يربي من اليوم و رايح امسك رائد محتوى عند ريناد
خالد وهو يحرك السياره قال : ههههههههه م اتوقع وامي بصفها راح تادبك ههههههههههه .
غرور وهي تشبك جوالها علي السياره وتشغل اغاني طرب وترقص وخالد شبك معاها ويرقص وكان الجو جدٌا حماسس ويجنن
بعد دقائق طويله وقفو عند كافيه ونزلو خالد و غرور
خالد : غرور شرايك نتقهوا هينا ولا ناخذ قهوتنا ونروح نتمشا بسياره ؟
غرور : احس ناخذها ونتمشاء
خالد : زين اطلبي علئ ماجيب جوالي من السياره
غرور : يلا وش تبي قهوه وحلا ؟
خالد : حلا خوذي علئ كيفك قهوه الـ v60 .
غرور : يلا الحين اضبطك ، وراح خالد
غرور : لو سمحت ؟
الموضف : نعم اختي ؟
غرور : اااءء ابي خمس من القهوه هذي تأشر بايدها للوحه المشروبات وابي ثنين من الحلا هذا وثنين من الدونات وخلهم كلهم طلب سفري و واحد قهوه v60 وواحد سبانش لاتيه وابي الحلا ذا حطه مع القهوه والسبانش لاتيه طلب لحال
الموضف : ابشري عشر دقائق ويكون الطلب جاهز
غرور : زين الحين اجيب الصرافه من السياره وادفع
استغربت غرور من تأخر خالد ولما طلعت شافت خالد يتكلم مع واحد والواضح أنه خويه غرور تافافات بقهر الحين شلون تناديه لاكن تذكرت أن جواله معه واتصلت عليه
خالد رفع الجوال ورد : هلا غرور
غرور : خالد شوفني انا وراك تعال حاسب .
خالد التفت لغرور وقال : الحين اعطيك الصرافه انتي حاسبي وإذا خلصتي اتصلي علي .
خالد : شوي ي وسام ، وراح اعطي الصرافه غرور
كان وسام قاعد يناضر غرور واول م لف خالد له وسام لف نضره ومثل كأنه م ناضر لهم .
ورجع لـ صديقه وسام
_
طلعت غرور وهي ماسكه قهوتها وقهوه خالد والحلا والعامل وراها معاه الطلبات الباقيه السفريه
وحطت الاغراض ورا وركبت قدام وقعدت تطالع بخالد وخويه .
خالد : عاد ي وسام مرني تقهوا معي بعرفك علئ ابوي عماني وعيال عمي .
وسام : أن شاء الله
خالد التفت لسياره وشاف : يلا ي وسام استأذن بروح
وسام : الله معاك .
________________________
اعذروني اذا فيه اخطاء املائيه
________________________
.
.
.
.
مجهزه لكم احداث لزواج ريناد حرييييقه ولقئ بين شخصين لاتنسون تدعموني وتعطوني رائيكم .
اللهم صل على سيدنا محمد .
