سوالف الليل مايدري بها صبحي
كتبتها لين مابيحت ب أسراري !
عودت نفسي اذا اكتب ابد ما امحي
حرام انا امحي ويفرح دفتر اشعاري
قمة جمال المشاعر من حبر جرحي
وقمة جمال المشاعر من وله ناري
حذفت ناس بحياتي وياكثر طرحي
وانت بقيت بحياتي وهذه اخباري!
-
الضابط : الو ؟؟
عبدالعزيز تنحنح وقال : الله يبارك فيك ويسعدك م قصرت والله وهذا واجبي
الضابط : ويسعدك ي ابو عبدالله يلا مع السلامه واعتذر علئ الازعاج مره ثانيه
عبدالعزيز : لالا أبدًا مافيه اي إزعاج مشكور ولله
الضابط : العفو ، وطفاء .
غيداء : افتح الباب الحين مدام م عندك شي تقوله
عبدالعزيز بابتسامه : افا ماتبين تباركين لي ولا حتا تشكريني اني ساعدتك
غيداء : لا طبعاً المفروض انت تشكرني لأن بفضل الله ثم فضلي ترقيت ي عبد العزيز بن عبدالله .
عبدالعزيز : لايشيخه المفروض تشكريني مرتين مره انقذتك من الموت والثانيه انقذتك لايعتدون عليك ي بنت مشعل وكلهم فيهم كنتي تبكين وتقولين تكفئ ساعدني ولا نسيتي ؟
غيداء : تقعد تذلني فيهن يعني ؟؟
عبدالعزيز بابتسامه : انا م إذل احد ي بنت مشعل ، الطيب طيب ولا لي في دروب الردى ، وسلوم جَدي لك الله ماتعديتها
غيداء : وش تسمي كلامك أجل اني جيتك ابكي عشان تساعدني ؟؟ تذكر ي عبد العزيز اني م جيتك الا بالضروف الصعبه يوم سامي ولا ابوي ولا اي احد قدامي م بقا غيرك قدامي واستجدت فيك اخر شي... ، سكتت ونزلت راسها بقهر ماتبي تكمل كلامها
عبدالعزيز أستغرب من سسكوتها فجاه وقال : كملي ليه وقفتي ؟
غيداء : صديت عن بعض الامور الرديه عشان ذكر ابوي ماهو عشاني ، مابي اجرح رجولتك ي ولد عبدالله لاكن افتح الباب واتركني اروح
عبدالعزيز : تبطين عضم وانتي م كسرتي رجولتي ، لاتنسين اني انا الي ابي اكسر غرورك الي بين السحاب ي بنت مشعل .
غيداء ضحكت وقالت : ولله اني ماتردى ولا حب القصور ، واتجاهل كل من هو ضعيف ومبتلي
رافعتني عزة النفس لحد الغرور
والثقه بالنفس لـ اعلئ مكان معتلي
لادعولي والديني بتيسير الأمور ماعلي من باقي الناس لو تدعي علي
عبدالعزيز بابتسامه صفق لها وقال : اووهووه الغرور واصل للغلاف الجوي ما شاء الله متطور !
غيداء تنهدت وقالت : ترا طولتها افتح الباب
عبدالعزيز بابتسامه فتح الباب وقال : مابي اعكر مزاجك الحين خليني اليله اوريك الي جاي عشانه .
غيداء عقدت حواجبها وقالت : ايش توريني ؟
عبدالعزيز نزل وقال : وشفيك مستعجله بدري علئ الانهيار وأخذ جواله وقفل الباب
غيداء عقدت جواجبها وقالت : الله ياخذه هذا وش مهبهب من وراي الله يستر !!! وش انهار عليه واضح من كلامه واثق اني غير انهار نزلت وفتحت المضله وأخذت الاغراض وتوجهه للحريم شافت خيمه الرجال وتنفست براحه لما شافتهم يتغدون عشان كذا عبدالعزيز ماخذ راحته وجاء بدون م يخاف أن أحد يشوفه ، كملت ودخلت عند الحريم وهي سرحانه بكلام عبدالعزيز لاكن قاطع سرحانها اثاري
-
نرجع للواقع حالياً .
اثاري : ااءء م قلت شي المهم ، امشو ي بنات ذبحني البرد ونا واقفه .
غرور : ريناد انهار تمشون معانا للخيمه الثانيه ؟
ريناد : ولله اني عاجزه لأقوم
انهار : اااي خلينا هينا عند الدفئ ، كانو كلهم متجمعين حوالين الدفايه
غرور : ولله بس عاجزه ، المهم كيفك
جو بيروحون البنات وقالت أم خالد : بنات شغلو الدفايه هناك ، واذا م تعرفون نادونا حنا تشغلها لكم .
اثاري ابتسمت وقالت : طيب ي عمه لاتوصين .
طلعو البنات وكانو كل بنت معاها مضلتها غير اثاري معاها لاكن ماهي فاتحتها كانت غييدااء فاتحه مضلتها جت عندها اثاري وقالت بصوت منخفض : غيداء ؟؟
غيداء طالعه باثاري وقالت : لبيييه .
اثاري : غيداء مسويه شي انتي ؟؟
غيداء تذكرت كلام عبدالعزيز ولفت لاثاري تحسب أنها تعرف عن الي قال عبدالعزيز وقالت : وش سويت انا ؟؟
اثاري تأكدت شكوكها وقالت : هنا ادري عنك وش سويتي ؟؟
غيداء : اثاري تكلمي زي الناس وقولي وش سويت انا !!!
اثاري : يراسي انا قاعده اسالك انتي سويتي شي ولا لا وانتي تكلميني كذا علامك اكيد مسويه شي
وصلو البنات للخيمه ودخلو
غيداء قبل تدخل طقت كتف اثاري قالت : ههههههه يحقيره كنت احسب اني مسويه شي هبلتيني
اثاري : ولله احساسي انك مسويه شي لاني اعرفك إذا توترتي وقبل شوي لما دخلتي كان شكلك متوتر وماكنتي يمنا
غيداء وهي تحاول تبين لاثاري انه م صار شيء وقالت : هههههههههههه لحضه خليني اتذكر وش كنت افكر فيه قبل شوي
اثاري ارتاحت من كلامها وقالت : لاتتذكرين امزح الي يشوفها يقول هموم الدنياء عليها من سرحانها الي قبل شوي ههههههههههه
دخلو البنات وكانو يحاولون يشغلون الدفايه كانت دفايه غاز عشان كذا ماكانو يعرفون الها
غرور تنهدت وقالت : اففف الحين كيف بنشغلها برررد !!!
غيداء ضحكت وقالت : ازهليها عندي انا اشغلها
رسن مسكتها وقالت : لالا حلفت م تسوينها انتي
غيداء ضحكت وقالت : لييييه ؟؟ اتركيني ههههههه
رسن : يحبيبتي ماني متوذيه (طفشانه) من حياتي حلفت انك تقعدين .
اثاري : بنات شرايكم اكلم ابوي اخليه يرسل أحد من العيال يجون يشغلونها ؟
رسن : ماله داعي انا اتصل علئ عبدالعزيز اخليه يشغلها لانه هو شغل حقت الرجال
غرور : اااي اتصلي لأن الخييمه حيييل برد
اثاري : ايولله جمدت
غيداء كانت يتعارض لاكن سكتت من شافت أن الكل وافق .
اتصلت رسن علئ عبدالعزيز وقالت له
غيداء لفت للبنات قالت : بنات ابي اروح اجيب اغراض الكرك بسوي لنا .
اثاري : تبغين امشي معك اساعدك ؟
غيداء : لا ماله داعي انا اجيبهن بسرعه واجي وراحت ، كانت غيداء ماتبي تشوف عبدالعزيز بعد الموقف الي قبل شوي صار معهم .
اخذت اغراض الكرك من العزبه وأخذت الغاز الصغير والدبه حقته الصغيره وطلعت متجهه لخيمه البنات وصادفه سامي بطريقها واقف قريب من الخيمه
سامي ضحك ومشئ معاها وقال : ماشاء الله قاشه العزبه كلها وين رايحه
غيداء ضحكت وقالت وهي متجهه للخيمه : لخيمة البنات ابغئ اسوي لهم كرك لانه حييل برررد .
سامي : ي سلاااااام أجل احسبي حسابي معكم .
غيداء ضحكت وقالت : ابششر اصلا كنت بحسبك معي اول حالفه تشرب الكرك الي أسويه لام م يمدحه غيرك ههههههههههه
سامي وقف من صارو قدام الخيمه وقال : شسوي لازم امدحك عشان م تدخلين اكتئاب
غيداء والاغراض بيدها صكته برجولها وهرب سامي عشان م تكمل عليه وقالت بضحكه : ي حقيييير !!
كانو موجهين ضهورم للخيمه حقت البنات
سامي ضحك وجاء عندها ومسكها مع كتفها وقال : لاولله امزح عليك أن اجمل كرك ذقته من يدينك
غيداء قالت : اذلف ترقعها بعد م اعميتها
ضحك سامي وقال : ي وغده احترمي ابوك
طلع عبد العزيز وشاف سامي وغيداء قدامه
(كان سامي لابس فروه وفيها قبع ومكتوب فيها سامي بن مشعل وماسك غيداء مع كتفها وكان أكبر منها تقريبا سامي وعبدالعزيز نفس الطول والحجم وغيداء بجنبه وكانت مره قصيره ونحيفه عكس اخوها ساني ولابسه الفروع والقبع حق الفروه ومكتوب فيها غيداء بنت مشعل
وهو لابس الفروه حقته الي نفس سامي بالضبط ومكتوب فيها عبدالعزيز بن عبدالله )
غيداء لفت عنه وقالت بضحكه : الابو ما يزعل وغدته صح
سامي ضحك وقال : صح عليك وحقك علي ي بنتي الحلوه
غيداء ضحكت وقالت : ماشاء الله هذا الي فالحً فيه تعاند وترضيني علئ طول
سامي : ماهو كثر عنادتس ي الوغده
غيداء ضحكت وقالت : انت الوغد ولفت بتروح شافت عبدالعزيز قدامها وواقف يناضرها تجاهلته وكملت مشت من عنده .
سامي بضحكه : هههههههه بنات اخر زمن يقولون لابأهم وغد ما تجي !!!
غيداء وقفت عند باب الخيمه و ضحكت من ضحكته وقالت : خلاص لاتصيح علينا اسفه ي بابا الحلو .
سامي : اقول لاتنسين تحسبين حسابي معكم ابي ادرعم عليكم واجس معكم
غيداء : ههههههههههه اذلف احطه لك سفري عشان م تجي ودخلت الخيمه .
-
جا عبدالعزيز عند سامي وقال : شسالفه
سامي ضحك وقال : ولا شيء تعاندني واعاندها
عبدالعزيز تذكر وقال بابتسامه : م بشرتك !!!
سامي عقد حواجبه وقال : بايش تبشرني عسا خير
عبدالعزيز بابتسامه تعال أعلمك انت وأبوي وعماني والعيال مع بعض ، أستغرب سامي ومشا مع عبدالعزيز ودخل عبدالعزيز خيمه الرجال وقال بصوت عالي : ابشركم جبت لكم بشاره حلوه
ابو نياف : الله يجعلها خير
ابو جاسر : وشهي البشاره
عبدالعزيز بابتسامه قال : ابشركم اني ترقيت من رتبه عقيد لرتبه عميد
سامي لف له بصدمه وقال : اسالك بالله !!!!!!
ابو نياف ابتسم بفخر وقام يسلم عليه وقال : ماشاء الله تبارك الله ي وليدي
عبدالعزيز بابتسامه : م تخيب ي الغالي
ابو سامي بابتسامه قال : ماشاء الله تبارك الله فالك المراتب العليا ان شاءالله
عبدالعزيز بابتسامه قال : الله يبارك فيك أن شاءالله الله يسمع منك
ابو خالد بابتسامه : ماشاء الله تبارك الله الف الف مبروك ي وليدي
عبدالعزيز بابتسامه : الله يبارك فيك ي عم .
ابو جاسر : بالمبارك ي عبدالعزيز وفالك المراتب العليا أن شاءالله الله .
عبدالعزيز بابتسامه قال : الله يبارك فيكم جميع ، م قلت لكم عن سبه ترقيي
سامي عقد حواجبه وقال : لا م قلت وش صاير ؟
عبدالعزيز بابتسامه قال : تتذكرون لما مجموعه شباب اعترضوا لبنت عمي مشعل ؟ كانت العصابه هذي مطلوبه للعداله من سنين بتهمه ترويج ومبيع المخىىدرات وأشياء أخرى كثيييره ولما أطلقت عليهم قدرو يمسكون العصابه بالكامل وكانو العصابه ناوين لهم نيه شينه عشان يدمرون ***
ابو سامي : اعوذ بالله الله يكفينا شرهم الحمدلله الي ربي سلم بنتي من يدينهم ولله ي عبد العزيز كل م اتذكر كيف انك أنقذت بنتي من الموت اني ادعيلك أن لله يفتحها بوجهك منوين ما كانت ولا عمره مر يوم م دعيت لك
عبدالعزيز بابتسامه قال : الله يسعدك ي عم والي سويته كان واجب علئ
ابو نياف بابتسامه : الحمدلله الي ربي فكنا من شرهم حسبي الله عليهم ونعم الوكيل
سامي بابتسامه طق ضهر عبد العزيز وقال : ولله م ادري وش اقول لك ي عبدالعزيز انت أنقذت روحي مرتين تعرف ايش يعني روحي !! لو صار شيء لأختي ولله مستحيل اعيش حياتي بدونها لأنها هي اهم شي بحياتي من بعد امي وأبوي حتا أحيانا احس ان غلاتها زاد عن امي وأبوي..
عبدالعزيز بابتسامه من كلامه سكته بنص كلامه وقال : اشش لاتتكلم م بيننا الكلام هذا يكفي اني اشوفك مرتاح ومبسوط عشان هذا السبب الرئيسي الي خلاني اساعد اختك لأني أحبك واعزك واختك م يهون علي اني اتركها واخليها بنص استنجادها فيك
سامي ابتسم وقال : ولله لو اتكلم من هينا لين اخر يوم بحياتي اقدر أوصف لك الكلام الي بقلبي ي عز
عبدالعزيز ابتسم وقال : مابي كلام منك ابيك تخاويني ولا تردني
سامي ضحك وقال : ابشر بعزك وين تبي تروح ؟
عبدالعزيز قام وقال : ولله مدري ابي اروح وافحط
سامي قام معه وقال : اببد معك بس انتضر لين الكرك يجهز مابي يفوتني ههههههههههه
عبدالعزيز بابتسامه: خلهم يحسبون حسابي معك
سامي : اوكي ، شرايك ناخذ العيال معنا
عبدالعزيز بابتسامه قال : مابي اتركهم اصلا انا وانت وجاسر وخالد ومشاري ابي نروح ونتسابق بالدبابات مزول المطر وقف .
سامي رفع جواله من جاه اشعار من غيداء وكانت كاتبه فيه : سامي الكرك جاهز تعال خذه انت وشليويح
سامي : ههههههههههههههه ليه حسبتي حسابه ؟
غيداء : م حسبت حسابه بس الكلبه رسن حطته قالت إنه لاخوها الزبده تعال خوذه .
سامي ضحك وقال : جاي يلا طلعيه .
غيداء : تمام .
لبست غيداء نقابها وفروتها وحطت البسكويت بمخباتها وأخذت كوبين الحليب وطلعت برا وحصلته جاي عندها ومعه عبدالعزيز ، عبدالعزيز وقف شوي بعيد عنهم عشان ياخذون راحتهم
غيداء أعطت الاكواب سامي وكان الجو بارد ومغيم وكان بخار الحليب كثيير من شده البرد .
سامي ببتسامه : ي لبيييه يسلم ايديك ريحته تشهي !
غيداء ضحكت وقالت : عوافي ، وطلعت البسكويت من مخباتها وأعطته سامي وقالت : روقو عليه
سامي : ياخي انا لو ماعندي وغده مثلك راح اموت ياحلوي فيتس وربي
غيداء : اكيد ي حلوك فيني انا غيداء بنت مشعل الكل يتمنا أنه بس يكلمني
سامي : من قدك الغرور مدامك بنت مشعل ووغدتي
غيداء ضحكت وقالت : لاتطوش بزياده عاد ، يلا بدخل برررد الجو ، وراحت
سامي : اذلفي ( انقلعي )
غيداء لفت عليه وقالت : ايش ايش ايش !!!!
سامي ضحك وراح يركض
دخلت غيداء عند البنات وكملو سوالفهم بعد ساعه جتهم ريناد وانهار وقعدو معاهم
راحو العيال ولعبو بالدبابات وكان الجو مره حلو ومطر علي الخفيف .
س5 العصر كانو الكل متجمعين جوا خيمه الرجال كانت كبييره حييل ويسولفون فجاه الا ويسمعون صوت تزمر .
ضحك عبدالعزيز وقال : صوت سياره نياف
جاسر قام بفرحه وقال :اسالك بالله !!! طلعو برا وضحك جاسر وقال بابتسامه : انشهد أنه هو
نزل نياف من السياره بباسامه وقال : سلام علاهم
ابو نياف : وعليكم السلام ي هلا ومرحبا
راح نياف يسلم علئ الرجال
نزلت هيفاء من السياره ومعاها ولدها عبود وتووجهت للحريم وسلمت عليهم
ابو نياف : نياف جيب عبودي اشتقت له حبيبي
نياف بابتسامه : ولله حتا هو مشتاق لك بس ينادي عليك جدو جدو ابلشن
عبود بفرحه يضرب أمه ويقول بصوت طفل : جدو جدو ، ابتسمت هيفاء علئ حماس ولدها شافت نياف جاي متجه لها وأعطته اياها وراحت جلست عند الحريم .
ابو خالد ابتسم وقال : ماشاء الله ي نياف انت ماخذ ايجازه ولا بعد كم يوم بترجع الشرقيه
نياف بابتسامه : ولله ي عم ماهي اجازه خليت خويي يداوم عني كم يوم عشان اجي عندكم
عبدالعزيز تذكر كلام نياف (بالبارت الثاني) : ماشاء الله عليك ي نياف وقبل كم تقول لي يحلو الي يصير مديرك عشان تلعن خيري انا وسلمان
نياف ضحك وقال : وللحين ابي اصير مديرك انت وسامي الله يستر بس منكم أحسكم سرابيت م تنفعون تتوضفون بتجيبون العيد
ضحك ابو جاسر وقال : لا لا ماشاء الله عليهم سامي ترقئ قبل كم يوم وعبدالعزيز ترقئ اليوم
نيّاف فتح عيونه بصدمه وقال : اسالك بالله ترقيت !
عبدالعزيز : الحمدلله الي تشوفه قدامك ولا شي الحين ماخذ رتبه عميد ي نيافوه وسامي عقيد
نياف بابتسامه قال : ولله ماشاء الله عليكم والعقبال م اشوف عبودي بأعلئ المراتب.
مشاري : يوووووه الله يعينه وراه مشوار طوييييل
-
عند الحريم
هيفاء ضحكت وقالت : يوه ي عمه انتو كلكم لكم وحشه استانسست لما قالي نياف أننا بنروح معكم مخيم .
أم نياف : ولله كلنا اشتقنا لكم بذات حفيدي عبود.
انهار : ووع ورعهم شتبين فيه ي يمه دبه ما شاء الله عليه
أم جاسر ضحكت وقالت : ههههههه بسم الله عليه
أم خالد : وزيين الحلويين هيفاء جوديه زين عن البرد لأن احتمال اليله بيكون بررد .
هيفاء : لاتخافين ي عمه ملبسته زيين عن البرد خايفه عليه يمرض عاد هو إذا مرض بلشه (تقول لها عمه احترام لها وعشان نياف بعد يقول لها عمه وهي اصلا تقول لكل الحريم ي عمه ك احترام )
ضحكت غرور وقالت : ودلبوووسي شوي وينفجر ماشاء الله عليه .
غيداء : ياخي انا اموت علئ البزارين المليانين
هيفاء : يووه ي طنايه الحين نحفان مرره ماهو مثل اول الفوه ذبحه عشان كذا نحف .
أم نياف : ولله انك صادقه أحسه نحفان ماهو مثل اول يعمري هو .
رسن : يمه م اتفقنا كذا انا عمرتس واخر العنقود خير تقولين للورع ذا عمري
هيفاء ضحكت وضربت رسن وقالت : وجع الا وليدي لاتغلطين عليه
اثاري : وكبدي صار عندها وليد وتدافع عنه
ضحكت هيفاء وقالت : الحمدلله هههههههه ، سكتت من سمعت بكاء عبود كان يبكي ومرمي قدام عبدالعزيز وجاسر .
عبدالعزيز وجاسر كانو ماسكين الضحكه ومسوين أنهم مالهم دخل فيه .
نياف مسكه وقال : علامه صاح ؟
جاسر مسك جواله وبدا يطقطق فيه كأنه مشغول وهو بالحقيقه ماسك ضحكته وميبغا ينفجر قدامهم
وعبدالعزيز مسك أيده وبدا يفسفس باضافره يعنني مشغول ومالي دخل .
_
رسن : ولله عبدالعزيز مسوي به شي وقولو رسن م قالت .
اثاري : واضح من اشكالهم حتا جاسر بعد
هيفاء : شكلهم عاضينه الي يصيح كذا .
_
