ارخصت لك ناس تطوفك وتسواك
ما كنت اصدق يوم كلٍ يسبك
ㅤ
والحين لا واللي معّظم حلاياك
احلف ورب البيت ربي وربك
ㅤ
على "امل" بنساك لابد بنساك
لاشك .. ما تنفعك كلمة احبك
ㅤ
سجل على وجه المقادير عفناك
والجرح منك ما يداويه طبك
ㅤ
ما عاد يوسع خاطري غير فرقاك
و ماهو يضيّق خاطري غير قربك
-
عبدالعزيز طالع فيه من عند المرايا ورفع حواجبه
دخلت ام نياف بابتسامه ومعاها ابو نياف يرقص ببشته وببتسامه شاقه وجهه وكان بايدها العود عشان تبخر عبدالعزيز فيها ، وانهار وراهم ماسكه جوالها تصورهم
ابتسم عبدالعزيز وطالع أبوه وبأمه الي جايه لصوبه فتح عبدالعزيز غترته وبدت ام نياف تبخره
نياف قام بابتسامه وشغل الشيله الي كان يرقصون فيها قبل دقائق بدأ ابو نياف يرقص ومعاه السيف وجنبه سياف وجنب سياف نياف صف عبدالعزيز بالنص معاهم ومسك يد امه وبدا يرقص معاها بابتسامه
كانت انهار واقفه ورهم وتصورهم بابتسامه وفرحه
ام نياف بابتسامه: ما شاء الله والعقبال فرحتك الكبيره يانور عيوني
عبدالعزيز ابتسم وباس راسها وقال : وانتي حاضره ي حلوه اللبن
ابو نياف : ما شاء الله الله يتمم لك علئ خير والعقبال ما نزوج سياف عن قريب يأرب
عبدالعزيز ابتسم وباس راسه وقال : وانت حاضر
سياف ابتسم ومايدري ليه طرت علئ باله موقف أمس مع اثاري وقال : أن شاء الله
نياف طالع بسياف وقال : واخيرا بديت تقتنع بفكره الزواج
سياف ضحك وقال : انا قلت لكم من زمان اتخرج بعدين اتزوج
ابو نياف ابتسم وقال : علئ طاري التخرج متا حفل تخرجك ي سياف ؟
سياف : قريب ما باقيله غير كم يوم
ام نياف : الله يوفقكم كلكم ياروح امكم وان شاء الله اشوفكم بالمراكز العياء
سياف ابتسم وقرب وباس امه
بدت ام نياف تبخر عيالها كلهم وابو نياف معهم عشان يروحو لبيت عمهم ابو مشعل
نياف ضحك من شاف عبودي جاي يركض له بخطوات متكسره ووراه هيفاء لابسه عبايتها وجاهزه
كانت واقفه عند الباب مادخلت
ابو نياف ابتسم وقال : يلا مشينا
ام نياف : يالله بس البس عبايتي واجي
انهار كانت عبايتها بايدها لبست عبايتها والكل طلع من غرفه عبدالعزيز مابقئ غير سياف و عبدالعزيز
سياف ابتسم وطالع ب عبدالعزيز وقال : ما رديت علي قبل شوي
عبدالعزيز عقد حواجبه وقال : ارد علي ايش ؟
سياف : تحبها ؟
عبدالعزيز طالع فيه وقال : تستهبل انت ؟؟
سياف ضحك وقال : امزح معاك يرجال لاتشدها ، وطلع من الغرفه يضحك
عبدالعزيز قعد يطالع بنفسه بالمرايه وقال : ليتني اتزوجها حب ياخوك ولا اتزوجها عناد مثل الي قاعد اسوي
تعطر وطلع من الغرفه بسرعه وراح لهم حصلهم يسولفون عند الباب وينتضرونه
طلعوا ابو نياف الي لابس بشت ومعاه السيف واام نياف ونياف ومع نياف عبود الي لابس ثوب وفروه صغنونات علئ قده ، وسياف وعبدالعزيز وورا انهار وهيفاء
وصلوا الرجال ودخلوا لقسم الرجال والحريم دخلوا لقسم الحريم
دخلت أم نياف وراحت لام سامي ، وانهار و هيفاء ركبوا فوق لغرفه رسن
فتحت الباب هيفاء ودخلت هي وانهار وانبهروا من جمال غيداء الفاتن
هيفاء : واي واي واي واي طاالعه قمرر ماشاء الله تبارك الله
انهار ضحكت وقالت : يياحلوها مرت اخوي الجديده خلاص بسحب علئ هيفاء
هيفاء شهقت وقالت : امما ماتصير ي أنهار تخونين العشره
غيداء ضحكت وقالت وهي تمسك هيفاء : ماعليك ي هيفاء منها انا وياك نسحب عليها ونصير صديقات
انهار شهقت وقالت : تخليني ونا تاركاها عشانك ي خوانه !! هههههههههههه
غيداء ضحكت وقالت وهي تبعد عن هيفاء : خلص انا موب خويت احد
مجد : هههه انهار صلحي علاقتك مع هيفاء ترا مالكم غير بعض
انهار ضحكت وقالت وهي تضم هيفاء مع الكتف : سوشت اخويا قرره عيني
هيفاء وهي تضحك : ماشاء الله متا صرت قرة عينك بعدي عني ما اعرفك
عذوب ضحكت وقالت : ماش خربت علاقتكم بسبه غيداء
غيداء ضحكت وقالت : انا شدخلني
غرور : الحين انا افكر متا زواج غيداء ابي ارقص
شهد بخت من الضخك وقالت : يعني الخطوبه ماكفتك
غيداء : أن شاء الله ارقص بعرسك قبل عرسي بخير مو بشر انتي ورسن
غرور بسرعه : سبعك مو كذا
رسن خشت عرض وقالت : وانا شكوو كل ما جابوا طاري الزواج غير يدخلون رسن فيه
اثاري : هههههههه اعرسي ي رسن احس عرسك وناسه
انفجرو البنات ضحك
رسن : سبحان الله يعني عرسي يكون وناسه مهو مثل باقي العروس
هيفاء ضحكت وقالت : ايولله احس زواج رسن غير غير
رسن بغرور تتكلم وهي رافعه خشمها قالت : صادقه غير لاني بتزوج عن حب بعد ما الفارس المغوار ينقذني من الموت
غرور : هههههه مثل كلام غيداء اخر شي هذاها تزوجت ولد عمنا
غيداء ضحكت وقالت : الكثير من الطنانا طنانا طنانانانانا
انهار ضحكت : هههههههههههه عاد اخوي مزيون محضوضه
غيداء نزلت عيونها لاضافرها الطويله الي بالون العنابي وقالت بهمس : لاولله أنه اشين ما خلق ربي
شهد وهي ترفع وجه غيداء قالت : وي وي وي وي استحت عروستنا من طاريه
غيداء ابتسمت من شافت صراخ البنات نحوها يحسبونها خجلانه ولا هي بالحقيقه تشبه
قامت هيفاء وقالت : بنات الساعه 7الا ربع امشوا تحت
قامو هيفاء وأنهار قالت إنهار وهي متجهه للباب : غريبه رنيدي ما جت لسا
هيفاء : تحصلينها تحت موجوده
اثاري قامت وقالت : يلا امشي ي غيداء
غرور : يونس ابي اشوف وجه شليويحه تتوقعون حضرت الخطوبه
عذوب بحماس : اللههه واخيرا اشوف شليويحه ذي تصدقون أني متحمسه لشوفتها أكثر من الخطبه نفسها
شهد : نفسسسي هههههههه
رسن : الحين تحصلونها جايه لان امي عزمت امها وهي ماتصدق علئ الله بكل عزيمه خاصه لآل عبدالعزيز ألقاها محضره عندنا
نزلوا البنات تحت وحصلوا كل التجهيزات جاهزه والاستقبال والمراه الي مكتوب فيها عبدالعزيز وغيداء والشموع والورد الي حولين المرايا والاستقبال
كان مع نزلهم صادفو مجيئ الضيوف سلموا عليهم والدي جي بدت تطربهم بصوتها العذب
قامو البنات وبدو يرقصون كلهم وكانت شليويحه وام كشه من بين الحضور قاعده تخز غيداء
غيداء كانت تناضر البنات وفرحتهم وتناضر أمها كيف تستقبل الضيوف بكل فرحه ورحبه
ابتسمت بانكسار وفتحت جوالها علئ التوتر بتغرد فيه لانه هو ملجئها الوحيد الي تقدر توصف حالها بابيات شعر
