خلك كريم الفعل والطيب والجاه
و اسلك طريق النعم بالطول والعرض !
ضعيّف الوقفه يمن بـ عطاياه
ولا ترى الطيّب يشوف الكرم : فرض
الغيم لا منّه عطى الارض من ماه
ماينتظر رد العطايا من الارض !
-
كانوا الحريم بقسمهم ، نزلوا البنات والحريم الاغراض والعبايات وراحوا البنات بسرعه يحجزون لهم أوسع غرفه واكبر غرفه
رسن : بنات الشاليه كله يجننن !!!!!
غرور : اييههه
اثاري من الدور الثاني تصوت للبنات : بنااتت تعالوا سرييععع لحققوااا
طالعوا البنات ببعض وقاموا بسرعه يركبون الدرج
اثاري بابتسامه طالعه فيهم وراحت متجهة لغرفه فتحت الباب وكانت غرفه نوم وسيعه وكبيره وفيها سرير كبير
اثاري جت بسرعه ونطت عليه وقالت : شرايكم ناخذه
رسن : تم لنا من الحيين
غرور : واااه الغرفه تجننننن
غيداء : انا بنام علي السرير مالي شغل
اثاري : انطمي السرير حيل كبير يكفينا كلنا
رسن : اللهه يابنات يونسس !!!!!
غرور ضحكت وقالت : الحين تجينا انهار وتخرب علينا
رسن : مع اني ما اتوقع تجي بس اتحداها تسوي شيء
غيداء وهي تطالع بنفسها بالمرايه كانت لابسه بلوزه نص سودا وجينز وسيع وحذيان صندل وفارده شعرها الطويل ورافعه غرتها بالنضاره وقالت : حبيت الاوتقت يابنات !!!
غرور طالعه فيها وقالت : غييداء كان شعرك طولان ولا انا اتوهم
رسن : اييهه انا بعد ملاحظه صاير طويل
غيداء ضحكت وطالعه باثاري الي تناضر فيها من فوق لتحت
اثاري : لاني هاوشتها لااتقصه أمه كل مازانت الجلسه قصته
غيداء شهقت وقالت : كذابه اصلا مره وحده بالشهر اقصه
اثاري طالعه فيها بصدمه وقالت : احلفي يلا احلقي !!!!!!!
غيداء : لا ماني حالفه
اثاري : ههاه شفتوا
غرور : ولله عاد يجنن عليك الشعر الطويل ياغيداء
غيداء : حياتشي الله يجننك
رسن وهي تطالع فيها : يوهه كم لك ماقصيتيه مو معقوله طول بسرعه
غرور : لاتلومينه كل مازانت الجلسه حنته
غيداء : يوه مبطي مبطي ست شهور مدري خمس
رسن : اححح !!!
اثاري بصدمه : امانه بعد ذيك المره ماقصيتيه !
غيداء : لاولله اصلا حسيت أن الشعر الطويل يصلح لي وقررت ما اقصه غير مع الأطراف
دخلت عليهم انهار وحصلتهم متسدحين علئ السرير وقالت : الحمدلله والشكر مركزين علئ اهدافكم انتوا
البنات انفجروا ضحك عليها كانوا متوقعين كلامها
انهار : المهم يابنات جابوا اكل تحت والكل ينتضركم انزلوا ، قاموا البنات ونزلوا تحت وبدوا يتغدون
-
عند الرجال بعد ما انتهوا من الغداء كان سياف لابس شورت السباحه الاسود وداخل فيه يسبح جاء بعده مشاري وجاسر وطبوا معاهم وكانوا يتسابقون ويطلعون من المسبح وينطون وكان الجو مررهّ حلو ولطيف جاء عبدالعزيز عندهم بعد ما بدل ملابسه جاء عندهم بسرعه واعطاهم النطه الدبلوماسيه وصار ينفص المسبح والتمويه تطايرت بكل مكان
جاسر بخنقه من المياه مايمداه يبعد عنه بسبه هجومه الي فجاه قال : يحماار !!!!
عبدالعزيز طلع وهو يضحك وبعد شعره عن وجهه ومسح وجهه عن المويه وقال : شرايكم بالله ؟
قاطع عليهم لما جاء معهم نياف ونط بالمسبح وقبل يطيح سوا الحركه الولبيه العيال من شافوه جاي بعدوا عن القسم الغويط بسرعه لان نياف بيطيح فيه وفعلا طاح وتطاير المويه بكل مكان
ابو جاسر ضحك عليهم وقال : ياعيال شوي شوي
ابو نياف ببتسامه : خلهم هذي مكافئه لهم عن وقفتهم أمس
ابو سامي : عز الله أنهم وقفوا صح وبيضوا وجيهنا
ابو خالد ببسامه : ايولله انك صادق ياخوي
-
عند الحريم كانوا جالسين عند المسبح وحاطين كل وحده فعالياتها سوا مخلوط رذبل ، أو ايسكريم والغوار، أو الببسيات وانواع العصائر الطبيعيه و سله الفواكه وكان كلشي علئ افخم واحلئ شيء البنات كانوا كلهم جوا المسبح وانهار وهيفاء معاهم وكانوا يسبحون ويطشوا علئ بعض مويه ، وعبود كان مع أم نياف كان معطيته جوالها ويسولفون مع بعض ويطالعون بالبنات دخل المسبح الي كان صوت صراخ لعبهم عالي لاكن صوت السماعه بارجاء المكان يعني مراح يسمعون صوتهم الرجال كانت الساعه ثلاث تمام ، بعد لعب بالمسبح دام لساعه كامله البنات طلعوا من المسبح بعد ما انتهواء بنفس اللحضه كانوا العمام يبدخلون عشان يلحقون علئ الفعاليات والخخ... ركبوا للبنات فوق وكان قسم الحريم كامل فيه 4 حمامات ~اكرم القارئ~ ثنين بالدور العلوي وثنين بالدور الارضي ، كانوا هيفاء وانهار سابقينهم وداخلين الحمامات قبلهم ياخذون شور ولما جاء دور البنات طلعوا انهار وهيفاء وكان لهم غرفه خاصه فيها انهار وهيفاء وعبود والأمهات كانوا متفقين ينامون كلهم بالمجلس الارضي وتركوا الغرف فاضيه
-
عند العيال كان خالد يستشور شعره بعد ماتحمم وخلص ودخل عليه نياف الي توه طالع من الحمام ودخل ورا نياف مشاري ، عند الحمام الثاني كان سياف فيه والي جنبه كان فيه جاسر وفوق كان فيه عبدالعزيز...
خالد : نياف متا ترجع الشرقيه ؟
نياف : رابع ايام العيد أن شاء الله بعد بكرا
خالد : الله يعينك ويسهل عليك ، وراك ماتنقل هنا
نياف : انا خلص تعودت علي الدوام هناك ومعارفنا هناك واجد
دخل عليهم سامي الي توه مخلص شور وقال : كويس استشوار يعني ما اطلع حقي
نياف : طلع حقك مطول باقي انا ما استشورت
سامي راح وفتح شنطته : ياليل يافرحه ما تمت
خالد ضحك علئ تحلطمه سامي واعطئ نياف الاستشوار ، وقال وهو يعدل شعره : سامي بالله شرايك بي اخقق انا
سامي طالع فيه ولف وهو يمثل الاستفراغ قال : لوعت كبدي ياشيخ
خالد ضحك وقال : سامي لاتحلطمني ولله اني مزيون
سامي طالع فيه وقال : ياخي احب ثقتك
خالد ضحك وقال : ولله حتئ انا احبك
-
عند جلسه الي بالخارج كانوا الرجال جالسين بالجلسه الارضيه وقاعدين يتحلون ويتقهوون ، والحريم كانوا علئ جنب ويناضرون لسوالفهم ويسولفون ، كانوا قبل يجون الرجال تحلوا وتقهوا
ابو خالد : يا عبدالله انت عزمت احد اليله غير ابو وسام ؟
ابو نياف : لاولله ، ابي الطلعه هذي تكون طلعه عائليه الكل ياخذ راحته وماينشغل يكفي أمس ماقصروا
ام خالد : أهله بيجون معه ابو وسام ؟
ابو خالد : ولله ماندري عنه عزمناه هوا وأهله
ابو سامي : وين البنات ما اشوفهم ؟
ام نياف : جوا توهم خرجوا من المسبح
ابو نياف بابتسامه : عبودي وينه ؟ ماله صوت
ام نياف : قبل نص ساعه دخلته جوا نايم
ابو جاسر : مايصلح ينام بذا الوقت صحوه
ابو نياف : ماعليك نومه ثقيل إذا جاء وقت النوم وهو شبعان نوم ينام معنا
ابو سامي ضحك وقال : طالع علئ سامي وهو صغير ههههههههههه يازينه
ابو نياف ضحك وقال : طالع علئ أبوه نياف كذا وهو صغير
ابو جاسر بابتسامه : يازينهم الله يحفظهم علئ السمع والطاعة
ابو خالد : امين يارب
عند هيفاء وانهار جوا كانوا سابقين البنات ومتحممين قبلهم والحين هم بغرفتهم قاعدين ينشفون شعورهم بعد الاستحمام ووانهار تستشور شعرها
هيفاء و : تتوقعين اخواته يجون ؟
انهار : مادري احس مدري
-
عند العيال طلعوا كل العيال بعد ماتحمموا كلهم ، عبدالعزيز اول ماطلع من الحمام كان لابس سروال وفنيه بيض وفوقه الروب طاح علي السرير بتعب لانه له يومين مواصل نام أمس الضهر بس ساعه وحده بعدها صحوه عشان العشاء الي عندهم ، بعد ماتحمموا كلهم استشوروا شعورهم وطلعوا برا وكان آخر من طلع سامي الي يتكلم مع عبدالعزيز
عبدالعزيز بتعب وهو متصطح علي السرير : سامي يرحم لي امك بنام شوي اريح فيهن قبل العشاء
سامي : عبدالعزيز انا اعرفك إذا نمت ماتصحئ ، حاول تمسك نفسك لين اليله وننام كلنا بدري لان حتئ حنا مواصيلن
عبدالعزيز تغطئ بالبطانيه يعلن بدء نومه سامي بعد ماشاف الحركه هذي منه طلع وقفل الغرفه وراح لرجال الي تحت
ابو نياف طالع بسامي الي جاء اخر شيء وقال : سامي وين عبدالعزيز ؟
سامي : جوا قال انه بينام وبيريح شوي
ابو خالد : مو زين النوم الحين والصلاه قربت
سامي : ياعم عبدالعزيز مواصل من امس مانام للحين
ابو نياف : ماعليه اتركوه شوي اليوم دخلت عليه ويقول ماجاني نوم مواصل من امس
-
عند البنات كانوا توهم مخلصين شور كانت رسن معاها السماعه الصغيره ولابسه بجامه وكعب ومشغله مسيقئ عرض الأزياء ، وغرور كانت متربعه وفارده شعرها الي فيه شوي رطوبه كانت قبل شوي خارجه من الحمام وقاعده تضغط بجوالها ، وغيداء جالسه متربعه علئ الارض قاعده تزيل مناكيرها بمزيل المناكير وأثاري تستشور شعرها
غيداء وهي تمسح المناكير : يحماره طفيه ولا غيري الاغنيه يع !
غرور : ايه صجتني
غيداء : المشكله أغانيها يا فرنسيه يا اجنبيه
اثاري بضحكه : يازينهم جووي هههههه
غييداء : ياخي غيري حطي اصاله ولا شيرين اف !
رسن طالعه فيها وقالت : هذي بالذات مخصصه لغيداء (تبي تقهرها) ، اشتغلت الاغنيه وبدت رسن تمشي بكل ثقه بالكعب والبجامه وشعرها المبلول بتجاه غيداء وتسوي حركات
غيداء قامت بتنرفز من حركاتها وقالت : عطيني ولله أنك غير تتركينه لك ساعه مستلمه السماعه
رسن لفت عنها بضحك من عرفت انها تنرفزت وقالت : انقلعي عني أنتي واغانيك السخيفة
اثاري ناضرت بالمرايه وكان وراها غرور مشغوله وتضغط بجوالها قالت : نفسي اعرف غرور ايش مشغوله فيه
غيداء اخذت الجوال من رسن بالغصب وطالعه بغرور من سؤال اثاري
غرور ضغطت بجوالها ونزلته وقالت : اسال خالد أخت وسام هي تجي
رسن : يوه عاد نفسي اشوفها
غيداء طالعه فيها وقالت : هي نفسها الي سوت الحادث مع اخوانك ؟
رسن : ايه هذي هي
اثاري : احس لو انا بمكانها مستحيل تجي
غرور : ايوه هذا الي قلت بنفس الوقت قلت اكيد تجي لان ابوي لزم عليهم كلهم
غيداء : يوه اذكر سامي قال إنها تصيح لما وداهم بيتهم منهاره بكاء
رسن : مالومها ! شافت الموت بعيونها لو انا بمكانها ردت فعلي أكثر من كذا ، قاطع عليهم اذان الجولات يعلن بدء صلاه العصر ، رسن طالعه بغيداء وضحكت ضحكه الخبث وقعدت تلعب بحواجبها ، غيداء اول ما أذن طالعه برسن بحد أنه بسبتها إذن وهي لسئ ماشغلت الاغاني الي تبي...
-
بعيدًا عند مكان اول مره نزوره واول مره نجيه له
بيت ابو وسام .. كانت أم وسام وابو وسام جالسين يتقهوون قهوه العصريه ويتحلوا ويسولفون ، قام ابو وسام بعد ما تقهوا وخلص وكان علئ دخله وسام
وسام بابتسامه : سلام عليهم
ابو وسام : هلا بوسامي
ام وسام : هلا يالله حيه تعال القهوه
وسام وقف عند الباب يرمي حذيانه طالع علئ أبوه وقال : علئ وين النيه يبه ؟
ابو وسام : بروح ساعه اشيك علئ الشغل وارجع للبيت قبل المغرب
وسام : تبي امشي معك اساعدك ؟
ابو وسام : لاولله يوليدي انت الحين روح اقعد عند امك وريح الحين احصلك تعبان
وسام : لاولله يايبه عادي ماني بتعبان ولا شيء
ابو وسام بابتسامه : لاولله ياوليدي انا بروح اشيك علئ شغل العُمال وراجع بس
وسام : اها الله يعينك
ابو وسام : يالله مع السلامه
وسام : مع السلامه ، طلع ابو وسام من البيت ، دخل وسام بعد مانزل حذيانه وجلس عند أمه ، قدمت له أم وسام الحلئ
وسام طالع بالحلا وقال : يالبيييههه الحلا الي احب
ام وسام ضحكت وقالت : ههههههههههه ولله ابوك اول ماشاف الحلا قال خبوه لوسام يستأنس عليه
وسام ضخك وأخذ فنجال القهوه من أمه وقال : وينها حور ماشفتها ( أخته )
ام وسام : فوق تتجهز الحين ركبت
وسام : ماشاء الله يعني كلكم تروحون غريبه من حور !
ام وسام : حور ماتبي تمشي معزومه عند بنات اخواتي مسوين جلسه وعازمين صديقاتهم
وسام : اها قولي كذا من اول أستغربت قلت حور بتجي معك غريبه
ام وسام ضحكت وقالت : لا تعرف اختك خجوله ومن عرفت انهم نفس العايله الي تصادمتوا انتوا وياهم رفضت
وسام سكت من تذكر الموضوع الي بباله طالع امه لثواني وقال بتردد وجديه : يمه ابي اقولك موضوع مهم
ام وسام طالعه فيه وحست بنضراته الجديه وقالت بخوف : سم وشو موضوعك ؟
وسام ابتسم من حس الخوف بعيونها قال : لاتخافين موضوع مايخوف ، بس ابي اتزوج
-
عند الرجال قاموا كلهم وراحوا لأحد المجالس الخارجيه عشان يصلون ، وكذالك الحريم دخلوا جوا والخدم بدأوا يرتبون المكان .. علئ الساعه 7 ونص المغرب كان الكل واصل الرجال جالسين بالخارج ومضبطين الجلسه بالخارج والنار والشاي والقهوه والخخ..
عند الحريم كانوا جالسين جوا ويتحدثون مع ام وسام وياخذون يعطون معاها بالكلام ، انهار وريناد وهيفاء كانوا جالسين علئ جنب ويسولفون مع بعض ، وبالكنبه الي قدامهم كانوا البنات جالسين والواضح من أشكالهم يحشون
رسن : الله غيداء خلص اسكتي !! ترا واضح الي تحشين بيها
غيداء حطت أيدها علئ فمها تحاول تسكت وعيونها مغورقه من الدموع منكثر الضحك
رسن : ولله سخيفه
اثاري : الحين هذي ام المحامي وسام ؟ رسن لحقي عليها مزيونه وغنيه وولدها محامي
رسن طالعت فيها وقالت : جتكم الثانيه !! خير
غرور وهي تضحك : انتي تدرسين قانون وهو محامي تصحلون لبعضكم ههههههههههه
رسن طالعت فيها من فوق لتحت وقالت : لايشيخه !! لاتنسين سياف دكتور وانتي تدرسين طب بعد تصلحون لبعض
اثاري وهي ميته ضحك : تم الحشر ههههههههههه
رسن : احسن ههههههههههه
غرور : يحبيتشي سياف ماهو نفس تخصصي انتي مثله بالضبط
رسن : ماعليه
غيداء وهي ميته ضحك : رسن قومي ارقصي قدامها الحين وهزي
رسن ضحكت وقالت : ولله راح تمسكني شيخه مع شوشتي وتعلمني كيف الهز علئ أصوله
غرور وهي ميته ضحك قالت : تخيلت عمتي شيخه بنص هز رسن تمسكها وتسحب فيها بصاله
اثاري : يلا ودنا نشغل هز انتي يارسن هزي قدام ام وسام وغرور تهز قدام عمتي شيخه وانا وغيداء نصفق لكم
غيداء ضحكت وقالت : وانتي بعد قومي يقلبي
رسن : صح ! غييداء خلص خالصين منها بقا حنا ي الثلاث
غيداء ضحكت وقالت : بالضبط عاد هالله هالله بالرقص
اثاري : انقلعي عني هههههههه ، اقول رسن صح ليه تبين وسام البعيد فيه خالد ولد عمي بعد محامي
غيداء : ايهههه صح وغرور تصير واسطه لك
رسن ضحكت وقالت : تم بس قولي له شرطها الوحيد تتزوج بعمر 45
غرور : تم الموضوع علئ بياخذك الزوجه الثانيه له مدامها علي كذا
رسن شهقت وقالت : خير !!!!
غرور : انقلعي من وده يصبر كل ذا الوقت عشان يتزوجك الله الله بالشكل ولله لونك انجيلينا جولي
رسن طالعه فيها من فوق لتحت وقالت : ياحبيبتي اول حاجه انجيلينا جولي تخسي توصل نص من جمالي ثاني حاجه الي يحبني بينتضرني ثالث حاجه
البنات طالعوا فيها بنضرات هزره وقالوا : ايوه ؟
رسن طالعه بوجيهم وضحكت وقالت : ثالث حاجه خير انا ابغي ااسس نفسي واخلص دراستي واتوضف وابني بيت احلامي واسافر واشبع من فلوسي بعدين بعمر 45 اتزوج وقتها لي بيت خاص ملك وسياره وشبعانه سفريات ويصير وقت اني اتزوج
غيداء : واو احلامك عاليه
رسن : أن شاءالله احققهم واسوي الي في بالي
((كان كل سواليف الزواج استهبال بين بعض لأحد يحسبه صدق ))
قاطعت عليهم ريناد لما سالت وقالت : بنات اذن ؟
طالعت غييداء بجوالها وقالت : يوه !! له عشرين دقيقه !
ريناد طالعت بالنهار وقالت : شفتي قلت لك إذن من زمان
طالعت غيداء بالبنات وقالت : امشوا نصلي يابنات
قاموا البنات متجهين للمجلس الي يصلون فيه وتاركين شالات الصلاه هناك
رسن : يمه انا صرت إذا ماصليتها بدري انساها صلاه العشاء ما اصليها غير متأخر
غرور : ايه حتئ انا مثلك احيانن انساها
اثاري : ترا يقولون عادي صلاه العشاء تاخرونها شوي عشانها هي الوحيده الي مابعدها صلاه
غيداء وهي تلبس جلالها طالعه فيها وقالت : علئ كيفتس ! حرام اصلا تاخير الصلاه !
اثاري : لا مو تاخرينها بالحيل لا تاخرينها شوي عادي
غيداء طالعه فيها وقالت : حرام اصلا إذا خرج وقت الصلاه عن وقته خلاص مايحسب لك صلاه
اثاري : انطمي عاد يقولون عادي مره بحثت عنها وقالوا صدق
غيداء ضحكت وقالت : اصلا كل الشيوخ الحين اغلب كلامهم صدق ما الصادق فيهم غير الشيخ الله يرحمه ابن باز ، سكتوا من دخلت عليهم أم وسام وبايدها عبايتها قالت وهي تطالع بالبنات : بنات وين القبله ؟
رسن أشرت لها وقالت : هنا صوب
ابتسمت ام وسام وقالت : ماشاء الله الحين كلكم اخوات خالد صديق ولدي ؟
اثاري طالعه فيها وقالت : لا
غرور : لا بس انا اخت خالد ذول بنات عمي
ام وسام طالعه فيها وعرضت ابتسامتها وقالت : ما شاء الله ، عاد عندي بنت تقريبا بعمركم
رسن استانست لما جابت طاريها وقالت : ليش ماجت معك
ام وسام : ولله لو بكيفي خليتها تجي عشان تتعرف عليكم لاكنها اليوم هي معزومه عند بنات خالاتها وعمانها
-
عند الرجال كانوا كل عيال عبدالعزيز موجودين وعيالهم وابو وسام ووسام ورائد كان الكل يسولفون وماخذتهم السواليف وكان سياف طاقها سوالف مع وسام خصيصا أنه كان بينهم تواصل من بعد الحادث وبعد قضيه رسن وكان رائد يسولف مع نياف طالع سامي فيهم صح كانت وناسه والسواليف رايحه لاكن كان مع عبدالعزيز يستأنس أكثر قام عشان يصيحه لانه من قبل صلاه العصر وهو نائم راح متجه لجوا وصادف جاسر بالطريق
جاسر طالع بسامي وقال : رايح تصحي عبدالعزيز ؟
سامي : ايوه
جاسر : لاتحاول الحين جيت منه عيا يصحئ خله يكمل نوم عشان يصحئ بكرا من الفجر بدري
سامي : مابي اخليه هذا راح يعصب علينا يقول ليش ماصحيتوني
جاسر ضحك وقال : هذا الشيء الي يقهرني بعبدالعزيز أننا لما نجي ونصحيه يقول كذب ماصحيتوني المهم قم صحه العشاء قريب بيوصل
سامي ضحك وقال : زين ، ودخل جوا عند الغرفه الي فيها عبدالعزيز وشغل اللمبات وطفئ المكيف
جاء سامي وشلع الغطئ عن وجه عبدالعزيز وقال : عبدالعزيز قوم الوقت راح !!
عبدالعزيز لف علي جنب وقال بصوته الثقيل : سامي يرحم لي امك اتركني بنام
سامي : يا عبدالعزيز الوقت راح وانت لسئ نايم والرجال كلهم تحت والعشاء بيجي قوم
عبدالعزيز أخذ المفرش ورجع نام قال : روح عني
سامي انقهر وطلع الجوال من مخباته وقال : قوم شوف الساعه الصلاوات كلهم فاتوك وانت لسئ نايم
عبدالعزيز فتح عينه علئ الخفيف وطالع بالجوال الي سامي حاطه عند وجهه وحصل الساعه تسع الا كم دقيقه فز وعدل جلسته وقال : ابن ابوي نسيت الصلاه
سامي رمي جواله علئ السرير وجلس علئ السرير الي جنبه وقال : قوم وتوض وصل
عبدالعزيز عدل جلسته وتمغط وقال بتثاوب : ياخي اجمل نومه عميقه بعد شور سريع
سامي : عاد اليله بتسهر لحالك لان انا والعيال من قبل شوي نتثاوب ننتضر انتهاء العزيمه عشان ننام
عبدالعزيز ضحك وقال : عادي برجع وارقد معكم لسئ ما شبعت نوم
سامي : اقول عبدالعزيز أمس قلت لي بقولك شيء اليله وماقلت لي اول مارجعت البيت وحطيت راسي علئ المخده تذكرتك ابي اتصل اسالك لاكن النوم غلاب
عبدالعزيز عقد حواجبه بعدين تذكر قال : اهه ابي اشاورك شرايك املك الشهر هذا والزواج بخليه بعدين ؟
سامي سكت للحضات بتردد من حال غيداء الي الحين جامعه ومراجعتها بالمستشفئ وقال : ولله اني مادري زواج ألحين احس لا
عبدالعزيز : اقولك بس ملكه زواج بخليه بعدين بعد سنه او اكثر حالياً ما افكر بالزواج بس ابي ملكه
سامي : ولله مادري عنك هذا قرار راجع لك
عبدالعزيز : زين انا قلت بشاورك انت قبل اقول لابوي ، قال بغمزه : الا انت متا تبي تتزوج ؟
سامي طالع فيه وغمز له وقال : مو حنا متفقين تزوجني بنتك ؟
عبدالعزيز ضحك وقال : اخس تبي تتزوج بنت اختك !
سامي ضحك وحط أيده علئ وجهه وقال : يراسي انا للحين ماني مصدق اني اصير خال عيالك ، علئ زود اني متحمل ازعاجك هنا تجيب وراعين وتزعجوني بالبيت
عبدالعزيز ضحك وقال : ماعليك بس بجيب ورع واحد ملعون جدف مثل خاله سامي لما كان ورع
سامي ضحك وقال : انا وانا صغير هادي الحمدلله
عبدالعزيز ضحك وقال : ابد واضح
سامي ضحك وقام وقال : بسرعه قوم وتوض وصل العشاء قريب بيجي
عبدالعزيز قام وقال : ابوي ماسئل عني ؟
سامي الا اليوم الضهر وقلنا نايم وقال اتركوه
عبدالعزيز فتح عيونه وقال : غريبه !!! ماهاوش !
سامي وقف عند الباب وطالعه وقال : يحسب انك تنام ساعه ساعتين مو تشطحها لبعد العشاء
عبدالعزيز ضحك وقال : ولله انيه اريح ساعه بس ، دخل عبدالعزيز الحمام بيتوضئ وسامي طلع برا عند الرجال
-
عند البنات كانوا جالسين عند الحريم ويتقهوون
اثاري قامت وقالت : سخنت مويه قبل شوي ونسيتها
رسن : ليه سخنتيها
غرور : تبي تسوي اندومي واضح
غيداء : الله سويلي معك
رسن : لا العشاء بيجي ! لاتخافين ماهو ذبيحه طالبين بوفيه
اثاري : احس ماني مشتهيه العشاء باكل اندومي احسن
غيداء : كيفك بسرعه خلصي نبي نطلع برا عشان نلعب بالرشاشات
اثاري : زين ، وراحت.
غييداء قامت وقالت : جوالي وينه مالي علمً فيه !
غرور : شفته بالطاوله الي عند الباب شوفي هو موجود
غييداء بستغراب : وش جابه هناك !
رسن ضحكت وقالت : عبود جابه لي يقول افتحيه وانا اخذته منه وحطيته بالطاوله واعطيته جوالي نسيت اقولك
غيداء جلست وقالت : خليني أخذه اذا طلعنا يوه علمي به لما جينا هههههه
غرور بصدمه : اووح كيف صبرتي
غيداء ضحكت وقالت : معي جوال اثاري طول الوقت اصور به عادي بعدين ارسلهم لي ايدروب
بعد كم دقيقه جت اثاري وكان معاها كيس فيه الرشاشات الثلجيه وقاموا البنات واخذوهم وطلعوا برا كانوا يسولفون وكانت آخر وحده غيداء وقفت في نص الطريق من طرأ في بالها خطه جهنميه نزلت الكعب منها علي الصامت ورفعت راسها شافت البنات مندمجين بالسوالف قدامها ويمشون انطلقت باتجاهم بدون اي مقدمات وصارت ترش عليهم عشوائي حتئ قبل يرشون عليها رسن صرخت غرور اول ماجاها البخاخ طالعوا اثاري ورسن بصدمه وحصلوا غيداء ترش علي طول هجوا عنهم وصارت غيداء تلحق غرور لأنها اقرب وحده من جهتها وصوت ضحكهم بارجاء المكان ورسن تلحق اثاري ويرشون علئ بعض تعثرت غيداء علي العشب وطاح منها جوالها الي تصور فيه والرشاش استغلت الفرصه غرور وجت عندها وبدت تمليها من البخاخ
عند اثاري ورسن كانوا يرشون علئ بعض ويهجون عن بعض وهم ميتين ضحك
غيداء لفت علئ جنب وهي تضحك تحاول الرغوه ماتجي علئ نفسها بس ماكانت تعرف انها بذي الطريقه تكتم نفسها اخذت الرشاش من قدامها بسرعه ولفت تبي ترش غرور الا وتحس بدوران الارض وقفت بمكانها تناضر وكانت غرور تضحك وترش علئ غييداء ، غمضت عيونها غيداء بسرعه وضمت رجولها تحاول تبعد عن الرشاش لانه منه حست بخنقه حتئ ماقدرت تتكلم ، كانت غرور ترش عليها عشوائي وتضحك أنها أخذت حقها الا وشوي تستوعب أن غيداء ماصارت تقاوم مثل قبل شوي وقفت وقعدت تطالع بغيداء لثانيتين تتأكد إذا صار بيها شي أو لا ، كانت غيداء منزله راسها للأرض وشعرها جاي علئ وجهها تبي تتكلم عشان تخلي غرور تبعد عنها لاكن عجزت ، غرور عقدت حواجبها ونزلت علي الارض وقالت وهي تضحك : غيداء انتي في موت ولا باقي حيه ؟
غيداء اول ماسكتها غرور لفت وجهها للجهه الثانيه وقالت بصوتها المخنوق : غرور بعدي اختنقت !!
غرور مفهمت وش تقول من صوتها المقطع الخفيف مسكت غيداء وبعدت عنها شعرها الا وتنصدم لما شافت لونه احمررر انهبلت وقومتها بسرعه وقالت : غيداء وشفيك !؟؟؟؟؟؟؟
غيداء رفعت راسها لسماء وهي تقح و تحاول تتنفس بصعوبه وقلبها كان نبضه سريع
غرور : غيداء بنتت ؟؟؟ فيك شي ! ، لفت علئ البنات بخوف من شكل غيداء المرعب وقالت بصراخ : بنات تعالوا غييداء انخنقتت !! ، طالعوا رسن وأثاري من بين ضحكهم علي غرور الي تصارخ بجهتهم وحصلوا غيداء علي الارض ورافعه راسها تتنفس بسرعه
رسن بتصويت : وشفيك يا غرور ؟
غرور : تعالوا شوفوا غيداء شكلها اختنقت !!
اثاري فتحت عيونها بصدمه وراحت بسرعه تجري بصوبها هي ورسن ، قعدت اثاري جنب غيداء وقالت : غيداء وشفيك ؟؟
غيداء كانت تقح بسرعه بنفس الوقت كانت تحاول تشم هوا ، رسن طالعه بغرور وقالت : جيبي لها مويه بسرعه ياغرور !!
غرور قامت بخوف وراحت جوا
رسن بخوف من شافت أن عيون غيداء صاروا حمر منكثر القح وقالت : كلمي سامي خليه يوديها المستشفئ
اثاري تطالع بخوف وصراخ : وين جوالها ؟؟؟؟؟
رسن شافت الجوال مرمي علي الأرض اخذته بسرعه وفتحته وأعطته اثاري ، اخذته اثاري بسرعه وقعدت تتصل علي رقم سامي بخوف ، لأنها أول مره تشوف غييداء كذا وكانت خايفه أنه يأثر علئ مرضها ويزيده
-
عند عبدالعزيز بعد ماسلم قام وراح لجوال سامي كان يحسبه جواله أخذه وطالع بالاسم بستغراب لف الجوال عشان يتأكد هذا جواله أو لا وحصله جوال سامي طالع بالاسم مره ثانيه وعرف أنها غيداء ابتسم لثواني وطش الجوال علي السرير وراح عشان يلبس غترته ويضبط شكله بالمرايه بعد ثواني طويله طفت المكالمه ورجعت تتصل مره ثانيه راح عبدالعزيز وقعد يتعطر من العطر وبعد ماخلصت وحس ان المكالمه طولت وهي تتصل راح لها ومسك الجوال بابتسامه وتردد هو يرد أو لا كان قلبه يقوله رد وإحساسه يقوله لا ترد طالع فيه لثواني بتردد لاكن من حس أن المكالمه بتطفي فتح المكالمه وراح بتجاه الباب يتأكد أن سامي ماجاء..
/ بنات وجهها احمر الحين تمووت علينا !!!
/بععدي عنهاا خليهااا تتتفسس !!!!
/لالا خلص مافيها شيء أن شاءالله
عقد حواجبه عبدالعزيز من الصراخ والكلام الغير مفهوم
-
غرور بخوف : شربيها مويه
غرور وهي تطالع فيها قالت بصراخ : وش نشربها مويه مهبوله انتي !!
غيداء مسكت شعرها تبعده عن وجهها قالت بصوت مخنوق : بنات مافيني شيء لاتتصلون
طالعه غرور بالجوال المرمي وحصلت المكالمه فاتحه اخذت الجوال وقالت : بنات رد
طالعه غييداء فيهم بغضب وقالت بصوت طويل مبحوح : ليش تتصلون !!! قلت لكم مافيني شيء !
الجوال اخذته اثاري وطالعه بغيداء من صراخها وقالت : الوه
غيداء انقهرت وسحبت الجوال منها وقالت : لاتكلمينه خلاص مافيني شيء !!
اثاري انقهرت بحركتها وقالت بصوت شبه عالي : كيف مافيككك شييي وانتي وجهك احمر كذاا
غيداء اخذت نفس و لفت عنها وقالت بهدوء: اثاري خلص كافيني شيء وخلص ، اخذت الجوال وكانت المكالمه فاتحه حطته سبكر وقالت : الو ؟ ، الوو ؟؟ طالعه باثاري الي قامت من قدامها رايحه لجوا
غرور : طفي السبكر يمكن علقه
طفت غيداء السبكر وقالت : الو سامي تسمعني الحين؟؟
-
عند عبدالعزيز الي رأسه كله استفهامات وخوف في شيء صاير عندهم بغيداء بس وشو مايدري جاء بيتكلم لاكن سكت من سمع صوت يقول طفي السبكر يعني هي فاتحه السبكر سكت ، وصل يسمع صوت غيداء المبوح الي ينادي باسم سامي ، ابتسم بنص تصويتها وتخيلها تكلمه وتنادي باسمه لاكن قاطع تفكيره لما سمع صوت تقفيل المكالمه طالع بالجوال لثواني وهو مابين هواجيسه ومابين وش صاير عندهم وش سبه الصراخ الي قبل شوي ..
-
عند غيداء طفت الجوال وطالعه بالبنات الي يتكلمون...
غرور : شكلها زعلت اثاري
رسن وهي تطالع علئ البيت قالت : ايهه
غيداء تندمت ليش تصرخ عليها لاكنها بذيك اللحضه ماتدري وش جاها علي شان تخليها تعصب وتصارخ علئ اثاري ، كانت تعرف أن تصرف اثاري خايفه عليها لأكتها بذيك اللحضه دخل الشيطان بينهم
غييداء : امانه غرور روحي لها مانتبهت لنفسي لما صرخت عليها
غرور طالعه فيها وقالت : اوكيه ، وراحت
رسن طالعه فيها وقالت : وانتي ماتبين تدخلين ؟؟
غييداء قامت وقالت : الا بس بروح للمرايا اول ، ودخلوا جوا
-
عند عبدالعزيز أخذ جوال سامي جواله وطالع ببنفسه نضره اخيره وراح ينزل تحت ، قابل تحت سياف بالطريق ، سياف طالع فيه وقال : ماشاء الله صح النوم
عبدالعزيز ابتسم وقال : من فيه برا ؟
سياف وهو ماسك جواله ويتكلم مع وليد قال : لحضه ياوليد ، وحطه كتم طالع بعبدالعزيز وقال : عبدالعزيز الحين يجي العشاء وأبوي أرسلني اجيب علاجاته من امي , تحصلها واقفه تنتضر عند الباب الي بين القسمين ، وراح بسرعه قبل ينتضر رد من عبدالعزيز .
طالع عبدالعزيز فيه وقال : ماشاء الله ما انتضر حتا موافقتي ههه ، وراح متجه للباب دخل قسم الحريم ووقف ينتضر امه تجي ، قعد يضغط بجواله ينتضر امه تجي
-
بعد ماضبطت نفسها عند المرايه ، كانت لابسه فستان عنابي ماسك علئ جسمها وعاري الأكمام نص صدرها بين وفيه فتحه مع ورا لاكن شعرها الطويل مخبي الفتحه جت بتدخل عند الحريم الا وتستوعب انها مو لابسه كعبها ووقفت تتذكر وين نزلته ، الا وتتذكر لما نزلته قبل كم دقيقه لما لحقت البنات بالخارج راحت متجهه للباب وطلعت للخارج متجه لحذيانها المرميين علئ العشب .
كان عبدالعزيز منزل رأسه يضغط بجواله حس أن فيه شيء قدامه تحرك رفع رأسه...
.
.
.
.
________________________
اعذروني اذا فيه اخطاء املائيه
________________________
اعذروني علئ التأخير كنت بنزله من كم يوم لاكني ضغطت الحذف بدال النشر وطار البنات ورجعت كتبته لكم من اول وجديد واحداث غير 🥹🩷
-استغفر الله العظيم و اتوب اليه-
