والله انها ضايقه فيني الوسيعه
انتظر ولا ادرك عن إنتظاري هل
سيصيب أو سيخيب يالله عسى
مايخيب الأمل وعساني اصيب
امالي مدري وين الخير والخيره
لكن الله ادرى عني وعنكم . .
-
غيداء مسحت الدموع الي بعيونها وقالت : عذوب امانه ابي اقولك شي وابي منك الجواب الصح مابي تكونين ضدي بعد ما الكل صار ضدي
عذوب وهي مصدومه : ابشري ياعيوني انتي قولي وش فيك ترا خوفتيني عليك !!
غيداء مسحت دموعها وقالت : عبدالعزيز !
عذوب : وشفيه ؟؟
غيداء انفجرت بكاء وقالت : عذوب ماقدر احس اني ضايعه بشيء مادري ايش هوا
عذوب انفجعت اول مره تسمع غيداء تبكي كذا وقالت : غيداء ياعيوني هدي لاتبكين كذا ترا ياثر علي صحتك مافي شيء يستاهل انك تبكين عليه كذا
غيداء سكتت وبدت تمسح دموعها الي عيو يوقفون
عذوب : محتاره من ايش بالضبط عشان افهم عليك وش دخل عبدالعزيز الحين ؟
غييداء : عذوب انا كنت بفسخ خطوبتي من عبدالعزيز
عذوب انصدمت لاكن ماحبت تبين لها وقالت : ايوه كملي ؟
غيداء انبسطت داخلينا من شافت أن عذوب ماقلبت ضدها وحست أنها التجئت لشخص الغلط وقالت : بس كان الكل ضدي حتئ عبدالعزيز كان ضدي يقول اني مستحيل اترك
عذوب بهدوء : عبدالعزيز قالك كذا ؟
غيداء حست انها جابت العيد وقالت : لا يقوله لسامي كل ماجيت ابلغي الخطوبه كان هوا أكثر شخص واقف ضدي صح الكل كان ضد فكره فسخ الخطوبه بس هو كان أكثر شخص ضد الفكره هذي
عذوب : طيب انتي ليش ماتبين عبدالعزيز فيه سبب ثاني ولا علئ السبب الاول انك تكرهينه من العدم ؟
غيداء سكتت للحضات بتفكير وتذكرت لما عبدالعزيز اعترف لها بحبه وكان متمسك قالت : انا ياعذوب لما وافقت عليه وافقت لجل امي وأبوي ولا انا ماكنت أبيه بس لما قررت قرار نهائئ اني انفصل عنه جاء هو بنفسه واعترف لي مراح يتركني مدامي بفسخ الخطوبه بس بالفتره الاخيره كان تعامله غير ، عذوب احس اني ضايعه بين سامي الي رافض فكره الانفصال ودائما يمدح لي فيه ولا باثاري الي كانت ضدي بعد ماهي كانت فاهمتني ولا بعبدالعزيز الي... سكتت من حست انها عجزت اوصف مشاعرها أكثر من كذا
عذوب لاحضت صمتها لثواني وقالت : غيداء اتركي عنك كل الأشخاص الي قلتيهم ذول مايهمون واتركي كره عبدالعزيز علئ جنب انتي ايش رايك بعبدالعزيز ؟ انتي حاسه أنه إنسان يفهمك وتكملين حياتك معه ؟
غيداء سكتت للحضات بتفكير بعبدالعزيز
عذوب ابتسمت وقالت : انا عن نفسي لاتحسبين اني ضدك بس علئ حسب معرفتي بعبدالعزيز سلمان دائما يمدحه عندنا وبحياتي ماعمري سمعت عن عبدالعزيز سلبيات
عذوب : غييداء انتي لما استخرتي قبل لاتوافقين علئ عبدالعزيز وش كان احساسك ؟
غيداء قعدت تتذكر لما استخارت بس طرأ في بالها علئ طول أنها وافقت علئ طول حتئ ما أعطت لنفسعا فرصه أنها تستخير
عذوب بابتسامه : صدقيني ياغيداء ضياعك هذا مجرد مشاعر متلخبطه
قاطعتها غيداء بهدوء وقالت : بس انا ما استخرت لما أعطيتهم الموافقه
عذوب : عشان كذا انتي تحسين بضياع وماتدرين توافقين عليه أو ترفضينه
غيداء سكتت بتكفير
عذوب ابتسمت وقالت : الحين قومي واستخيري ماعليك من أحد إذا حسيتي انك ارتحي له وافقي عليه خصيصا أنك قاعده تشوفين اهتمام بس انتي ماتبين تعترفين لنفسك لانك تحسين انك ضايعه
غيداء ابتسمت من حست براحه كبيره بعد ما اتصلت عليها وقالت : شكراً ، ازعجتك كثير معي ياعذوبي
عذوب لاحضت نبره صوتها رجعت نفس الطبيعيه وقالت وهي مبتسمه : العفو ياروحي بالعكس أنا موجوده متا مابغيتيني
غيداء : ياروحي الله يحفضك وربي ارتحت كثير بعد ما اتصلت فيك
عذوب بابتسامه: ياحبيبتي يلا مع السلامه ا
غييداء قفلت المكالمه وطالعه بالسجاده وجلال الصلاه وقامت متجهه لها بتستخير ..
-
بيت ابو نياف ، بالجلسات الخارجيه ..
كانوا جالسين سياف وابو نياف وام نياف وانهار ويسولفون الا ويطالعون بجهه البيت لما رسن صوتت لهم ..
رسن ومعاها صينيه حلا وميري وراها معاها شوك وصحون قالت وهي تمشي بسرعه : جبت الكم حلا يموووت اسمه حلا الرسن
انهار بستغراب : وشو الحلا هذا
سياف بتعزيز مستانس أن فيه حلا قال : ادعسسس
رسن وهي تنزل الصينيه علئ الارض وقفت ولفحت شعرها لورا قالت : انا اخترعته
انهار : عز الله بنودع مابي اكل
رسن : احسسسن مأهوب لازم
ابو نياف بستهبال يمثل أنه خايف قال : وشهن مكوناته مابي اكل انا شيخه تاكل عني
ام نياف لفت له بصدمه وضحك قالت : لايشيخ ! إذا انت اكلت اكل معاك
سياف بضحك : عززز يبون يودعون مع بعض
انهار : الحب أفعال
ام نياف : وين الحب ماشوفه بيخليني اموت قبله
ابو نياف : انا ابو عبدالعزيز ولد عبدالعزيز تبيني اثبت حبي لها باني اموت
رسن : وجع ترا حلاي بتاكلون اصابعكم وراه
سياف : ايه يبه هذا الحب يابلاها
انهار : اقول علئ طاري عبدالعزيز وينه ؟
سياف : صحيته هذا وقت جيته
رسن وهي تقطع الحلا قالت : تدرون مايستاهل الحلا غير عزيزه لان مايمدحني غيره
سياف طالع فيها بصدمه وقال : الا يالبزره وانا مو مالي عينك ؟؟
رسن : انت تمدح عشان تعبي بطنك اخر شيء ماتخلي سبه ماتقولها
سياف : عبدالعزيز يضبط العلاقه معك عشان تسوين حلا لخويانه مما عاد انه حب فيك
-
عند عبدالعزيز بعد ماسلم من الصلاه قام وقعد يطالع بجواله هي ردت ولالا حصلها ماردت خذا جواله ونزل تحت وهو يفكر بالحلم المريع الي حلمه مر من عند الصاله والمجلس ماحصل أحد شاف ميري قدامه وقال : ميري وين اهلي ؟
ميري : برا
عبدالعزيز : اوكي ، وراح طالع برا وحصلهم جالسين كلهم وياكلون حلا ويسولفون سلم عليهم وجلس عندهم
رسن : عبدالعزيز تبي حلا ؟
عبدالعزيز : لالا
سياف : توه صاحي تبين يفطر علئ حلا ؟
رسن : وانت وش أفطرت عليه ياحبيبي ؟
سياف : أفطرت بالدوام ياحبيبتي
ام نياف ما أعجبها وجه عبدالعزيز وقالت : عزوز فيك شيء ليش وجهك شاحب كذا
عبدالعزيز : مصدع صبوليا قهوه
رسن : تبي حلا ؟
سياف : ياليل النشبه مايبيها عطيني اياها
رسن بعدت الصحن عنه وقالت : ولله ماتاكلها كليت الصحن كله بعد ماكنت تسب حلاي
سياف بصدمه: لعنوبو حيك ماهوبنا الي سبيت ذي انهار وابويه
رسن : ادري بس انا عناد مابغا اعطيك
سياف : انقلعي انتي وحلاك
رسن : انقلع يالمصلع
ام نياف : رسسن
سياف وهو يمسك شعره كان طولان مكان نفس قبل لما كان محلق علئ الصفر قال : أنا مصلع !
رسن طالعه فيه وحست بنضراته أنه ينتضر الرد منها عشان يهجم قالت : ايه
سياف عرضت ابتسامته وصار وقت الهجوم ، وجم عليها
رسن صرخت من شافته جاي لجهتها وقامت بتروح لابوها مايمديها الا ويسحبها سياف ويطيحها علئ الارض ، رسن صرخت برعب من سرعته وقالت : ييبباااااااااااه
كان ابو نياف متعود علئ حركاتهم لذالك حاط رجل علئ رجل ويتابع المنضر العفوي بابتسامه
ام نياف : سياف اترك اختك
سياف ركب فوقها ومسك يدينها وثبتهم عند راسها بايده وأيده الثانيه قعد يعطيها كفوف علئ الخفيف وقال : انا صلعه ؟
رسن وهي لافه عنه ومغمصه عيونها قالت بصراخ : عبدالعزيز بعده عننني تكفئ !!
انهار وهي تضحك عليها قالت : انتي حماره لو مسكتي لسانك احسن لك
سياف : انا مزيون ؟
رسن وهي تبغئ تفتك منه ولافه وجهها عنه قالت : ايه مزيون ولله
سياف بابتسامه وصوت واطي : طيب اثاري هي مزيونة ؟
رسن طالعه فيه بصدمه وقالت : عيد سؤالك ؟؟
سياف قعد يضحك قال : جاوبي علئ
رسن : ماتستحي انت
سياف : ليش استحي هذي بتصير مرتي
رسن : ماعليك تشبهني يلا اتركني
سياف بعد عنها وقال بصوت واطي مايسمعه غيرها : عز الله اني طلقتها مدامها تشبهك
رسن طالعه فيه وقالت : امها داعيه لها إذا تركتها
انهار : ليه تسولفون بصوت واطي ؟
رسن جلست وقالت : لا بس نحش بسلمان
انهار : ماشاء الله اقرب تصريفه
سياف وهو يلعب بصوته : عبدالعزييييييز
عبدالعزيز وهو يضغط بجواله رفع رأسه وقال : لبيه ؟
سياف : متا ناوي تتزوج ترا طولتها لك 7 شهور خاطب
عبدالعزيز : إذا اخوي الي فوقي تزوج وقتها انا اتزوج
سياف وهو يشرف الشاهي قال : انا ادري ان ودك عرسك يصير مع عرسي
عبدالعزيز : لا لا تطمين انا لحال وانت لحال
سياف وهو يغمز : ليش ؟وش المعنئ
عبدالعزيز وهو يرد له الغمزه : انت ليش تبي زواجك مع زواجي ؟
سياف : لاني احبك
عبدالعزيز ضحك وقال : الله لا يحبك
سياف : ههههههههههه
~علئ الساعه 10 مساء~ في بيت ابو جاسر ، كانت اثاري جالسه بالصالة ومعاها جوالها تكمل تجهيزات خطوبتها دخلت عليها ام جاسر وهي لابسه عبايتها وقالت : يلا انا بروح لخالتك تبين تجين ولا قلت لغيداء تجيك ؟
اثاري : لالا انا بجي زهقت من جلسه البيت
ام جاسر : زين ، يلا استودعتك الله ، وطلعت..
في بيت ابو سامي كانوا جالسين سامي وغيداء بالصاله وسامي يضغط بجواله ، كانت غيداء تطالع فيه واخذتها الهواجيس وهي تطالع بسامي ، سامي رفع عيونه من حس انها تطالع فيه وقال : وشفيك لك ساعه تتامليني ؟
غيداء استوعبت علئ نفسها ونزلت عيونها لاضافرها تلعب فيهم بعد تفكير وصراع بينها وبين نفسها قالت : سامي طف جوالك بقولك شيء
سامي طالع فيها وحس من نضراتها أنها جاده طفا الجوال وقال : لبيه ؟
غيداء : بخصوص موضوع فسخ الخطوبه
سامي أخذ نفس وقال : ياليل رجعنا لنفس الموضوع يعني ؟؟
غييداء : انا موافقه
سامي طالع فيها وقال : موافقه علئ ايش ؟؟
غيداء اخذت نفس وقالت : انا موافقه اتزوجه بس بتكون عند وعدك
سامي طالع فيها بصدمه وفرحه وقال : ليش وش غير رايك ؟؟
غيداء: مو انت تقولي تعرفوا علي بعضكم بفتره الملكه واذا ما ارتحتي له أنا بكون معاك
سامي بابتسامه : ايوه وانا قد كلامي ، وانا واثق اني ماراح اسلمك الا لرجال قول وفعل وانا اكثر شخص اعرفه
غيداء طالعه فيه وسكتت تتمنئ داخل قلبها أن كلامه يكون صدق ، قاطع عليهم مجيئ خاله أم جاسر داخله عليهم بالصاله
ام جاسر بابتسامه : السلام عليكم
غيداء وسامي بصوت واحد : وعليكم السلام بالله حياها
ام جاسر ضحكت وقالت : الله يحييكم وين جواهر تعزمني وتختفي
غيداء ضحكت وقالت : مجهزه الجلسه الي تاخذ العقل بالجهه الثانيه مع الحوش
سامي قام وقال بضحك : انا اشوفها مختفيه طلعت مجهزه الجلسه لأختها ، قامت غيداء ماهم وراحوا للجه الثانيه من الحوش وحصلوا الجلسه الارضيه الي تفتح النفس
سامي : ماشاء الله مجهزه الجلسه لأختك وماتعزمين
ام سامي طالعه فيهم لما جو وضحكت قالت : ارسلت لك اختك تقولك وتجون عندي
سامي طالع بغيداء ينتضر منها الرد ، غييداء وهي عاضه اضافرها وتطالع بسامي بنضرات الضحك قالت : كنت بقولك بس نسيت
سامي ضحك وقال وهو رايح : عاد ماني جالس معكم بروح
ام جاسر وهي تضحك : ايه لان شفت عبدالعزيز برا ينتضرك
سامي ضحك وقال : يعمني كشفتينا وانا بسوي نفسي أني زعلان
ام سامي وجاسر قعدوا يضحكون
سامي من بعيد : يلا مع السلامه ، وراح
غيداء كانت واقفه متكتفه تطالع بسامي لين ماطلع وجلست عندهم تسمع سواليفهم ، غيداء : خاله وين اثاري ماجت ؟
ام جاسر : ولله رحت عنها وهي غاطسه بجوالها تجهز لخطبتها
ام سامي بابتسامه : ياعمري هي الله يتمم فرحتها علئ خير
غيداء بصدمه : يعني مابتجي ؟؟
ام جاسر : الا بتجي
-
عند سامي بعد ماطلع حصل عبدالعزيز برا ينتضره وبالجهه الثانيه قدام بيت عمه أبو نياف سياف ينزل من سيارته أغراضه ومن ضمنهم البشت المكوي
سامي بابتسامه وقف قبل لايركب السياره مع عبدالعزيز وقال بصوت عالي : ادعسس يالبششت حركات
سياف طالع فيه وابتسم قال : ها كيف لون البشت ؟؟
سامي بابتسامه : ولله تححفه فخامه علي الاخر
سياف ضحك وقال : وين رايحين يالسرابيت ؟
سامي : ولله رايحين نفرفر
سياف : الله يوفقكم ، وراح
سامي فتح باب السياره وركب مع عبدالعزيز السياره وقال بابتسامه : السلام عليكم كيف الحال طيب إنشاءالله بخير
عبدالعزيز : ماشاء الله ساعه طاق عند الباب
سامي ضحك وقال : يرجال عادي طقيت ساعتين عند بابكم
عبدالعزيز: تخسي
سامي ضحك وقال : ايوه وش العلوم ؟ متا ناوي تتزوج
عبدالعزيز : يبعد الزواج
سامي : اخبرك تقول تبي تملك ليش ماملكت الحين
عبدالعزيز : صح تقول اختك بتكمل دراستها
سامي : لا عادي هي موافقه بس فتره ملكه تتعرفون علئ بعض
عبدالعزيز بصدمه طالع فيه وقال : شلون ؟؟ اختك موافقه
سامي : اي موافقه علئ الملكه بس الزواج تقول ماتبي الحين
عبدالعزيز كان مصدوم قال عشان يتأكد : اختك قالته ولا انت تخطط من عندك كالعاده
سامي شاف قهوه عبدالعزيز واخذها يشرب منها قال : لا ماعليك تعرف كلشي ولا اختي ما اسوي شيء يخصها من وراها
عبدالعزيز كان مصدوم وانرسمت الابتسامه العريضه علئ وجهه ماهو مصدق كيف غيداء وافقت من حالها وهي كانت حالفه ورافضه رفض تام .. ، شغل اغاني وانطرب بعد ماكان نفسيته زفت بعد الحلم الي حلمه
-
بعد مرور ساعتين عند غيداء وأثاري كانوا طالعين لورا بالمزرعة ينتضرون قدوم البنات ، كانوا يسولفون وبنص سواليفهم قررت غيداء تقول لاثاري
غيداء : ترا قررت اني اخلي الخطوبه تستمرى
اثاري : وشي خطوبتي ؟
غيداء ضربت كتف اثاري وقالت : وانا شدخلني بخطوبتك اقصد خطوبتي
اثاري مسكت يدها بالم وضحكت لامن شهقت من قالت غيداء الكلام قالت بصدمه: اح ليش
غيداء طالعه فيها وقالت : كيف ليش مو انتي تقولين اقبلي فيه ؟ وقومتي قيامتك ؟
اثاري ضحكت قالت : اقصد وش غير رايك فجاه
غيداء : هو انتوا اعطيتوني مجال كلكم ضدي
اثاري : ولله توقعتك تصملين علئ رايك حلفتي
غيداء استوعبت علئ نفسها انها حلفت ومو اي حلف أقسمت بالله انها مراح تتزوجه
غرور من بعيد : بناااتتتت خيير تعالوا هنا يابعدكم
اثاري ضحكت وقالت : انتوا تعالوا المكان هنا زين
رسن وهي جايه اخر وحده قالت : لا عندك ولا عندها تعالوا فالنص عند المراجيح ، بعد ماتحمعوا وجلسوا علئ الارض قالت غرور : بنات وانا جايه كاني شفت كلب ؟
غيداء : اي شفته اليوم لما رحت للاصطبل كان مع محمد
اثاري : شكلهم جايبينهم عشان يحرسون الحلال
رسن بحماس : وينه ابغا اجيك
غيداء : صغير ولله راح يلحقك مثل مالحقني
غرور : لا اتوقع انهم حاطين فيه كذا سلسال
رسن : ياشيخه سوا فيه سلسال ولا مو سلسال ابغا افكه له احس يونس إذا لحقنا
غيداء: اييه يونس
غرور : أنا الساع ماني معكم
اثاري : اييه مجنونات ذول
غيداء : ليه بالعكس وناسه
غرور : فجاه تصيرون ضوء لمع وصط المديينه
رسن انفجرت ضحك وقالت : باتتتمااان نركض بعباياتنا
غرور: اقولكم تصيرون نفس سبيدر مان لما يلحق المجرمين هو وعبايته ويشغلون ضوء لمع وسط المدينه ههههههه
غيداء : هههههههههههههههههههه
في بيت ابو نياف ، كانوا جالسيات انهار وريناد ويسولفون ...
ريناد : يمه يا انهار بتوحشيني الحين بتصيرين من اهل الشرقيه مره ثانيه وما اشوفك غير قليل
أنهار : ريناد تكفين اسكتي لاتذكريني احس انا الي بصيح
ريناد ضحكت وقالت : ايوه خلي البكاء لبعدين الحين وش الي ناقصك عشان المره الجايه بنطلع المول وناخذه
أنهار طالع باغراضها تشوف ايش الناقص..
-
في مكان بعيد شوي منزمان ماجيناه ، بأحد قرئ نجد العذبه وتحديدا في بيت تركي صديق عبدالعزيز الي بالانتداب..
كان ابو تركي مسافر ، وكان تركي مع أخته بالحوش كان حاط العاب كثيره لها ويلعبها ، جات ام تركي وهي لابسه عبايتها قالت : يلا ياتركي جهزت
طالع فيها تركي بابتسامه قال : يالله ، وراح اخذ أخته وطلعوا راكبين السياره متجهين لبيت جده لما وصلوا ونزلت ام تركي وقالت : تعالي ياغنو
غنئ كانت جالسه ورا ومعاها جوال تركي لفت عن أمها وراحت تتمسك بتركي ماتبي تخليه
ام تركي : شفت ياتركي قلت لك لاتصحيها عشان ماتسوي كذا
تركي ضحك من شاف دموع غنئ وقال : خليها معي يايمه
ام تركي : الله يهديكم ، دير بالك زين علئ اختك
تركي خذاها وحطها بالكرسي الي جنبها وقال : ماعليك لاتوصين
ام تركي : استودعكم الله ، متا مانامت جيبها طيب
تركي: ابشري سلميلي علئ جدتي
ام تركي ابتسمت وقالت : طيب ، ودخلت ، حرك تركي وراح يخلص كم شغله عند المكتب الي يبعد عنهم نص ساعه بالسياره بعد ماخلص خذا غنئ لسوبر ماركت وقعد يمشي معاها لين مخذت كل الي تبي ..
سامي : عبدالعزيز لف للمحلات ابوي وصاني اعطي العمال اوراق ونسيت
عبدالعزيز : اح وتوك تتكلم الحين وقت تقفيل المحلات !
سامي وهو حاط أيده علئ وجهه : تكفئ اسرع لايغسل شراعي ابوي
عبدالعزيز ضحك علئ وضعيه سامي واسرع لين وصلوا المحلات ، ووصلوا بالوقت المناسب كاان العامل يففل ابواب المحلات ، نزل سامي بسرعه يركض ونادا باسم الموضف ، كان عبدالعزيز بالسياره مانزل منها ينتضر مجيئ سامي ، لما كان يعاين بالمحل فجاءه طرأ عليه ذاك.الموقف لما قروب من الشباب هجموا علئ غيداء لما كانت بالبقاله الي تكون قدام المحلات بالسيد الثاني لاكن يمين شوي ، لف يطالع للبقاله والإبتسامة شاقه وجهه كل مايتذكر ذاك الموقف وكيف اتصلت عليه وهي منهاره من البكاء ، قاطع حبل أفكاره سامي لما ركب ويقول : الحمدلله عدت سليمه لحقنا عليه عند اخر لحضه
عبدالعزيز شغل سيارته ومكان منتبه السوالف سامي ، سامي طالع فيه وحصله يتبوسم قال : انت وش فيك طول اليوم تتبوسم فيك شيء ليكون فيك حراره
عبدالعزيز ضحك وقال : الواحد الي يقابل وجهك معقوله مايبتسم ؟
سامي ضحك وقال استهبال : لهدرجه انا مزيون ؟
عبدالعزيز : ابد يابخت زوجتك من الحين
سامي قعد يضحك كمل عبدالعزيز وطالع قدامه الا ويشوف وجه ماهو غريب عليه بيركب السياره وكان معاه طفل ، طالع فيه عشان يعرفه زين الا وتعرض ابتسامته من عرف أنه تركي وقف السياره بسرعه صد عنه الطريق قبل يطلع ، تركي طالع بالسياره الي صدت عنه الطريق بستغراب السياره جديده عليه اول مره يشوفها ، سامي بستغراب : ليش وقفت ؟
عبدالعزيز فتح الشباك بابتسامه وقال : ممكن سنابك ياحلوا ؟
تركي طالع فيه بصدمه وضحك قال : عبدالعزيز !!!
نزل عبدالعزيز من السياره وتقدم له تركي وضمه بشوق وقعدوا يسلمون علئ بعض
تركي : اررحببب ياخي ذالوجه وياحي ذزول
عبدالعزيز : الله يحييك نذرن علئ اشتقت لك يولد
سامي نزل من السياره وهو لساته مو عارف مين هذا الولد ، تركي بعد عن عبدالعزيز وقعد يسلم علئ سامي مكان يعرفه بس توقع أنه هو لان عبدالعزيز دائم يتكلم عنه
عبدالعزيز بابتسامه بعد ماسلموا علئ بعض قال : اعرفكم علئ بعض سامي هذا تركي صديقي الي اقولك عنه بالانتداب ، تركي هذا ولد عمي سامي وأخوي الي ماجابته امي ...
-
غرور بصرااخ وررعب : رررسسسسسنننننننن اثااااررريي
صرخت اثاري برعب من توجه الكلب لها وترك رسن وقعدت تصارخ وتركض : بعددووه عننننييييي مااااالي شغللللل
غيداء كانت طايحه علئ الرصيف ميته ضحك كانت تضحك ضحك هستيري علئ أشكالهم
غرور بصراخ تصوت للعمال : مممححممدددد !!!
اثاري وهي لساتها تركض لفت لورا تحسبه تركها الا وتحصله شوي وينط عليها صرخت برعب واسرعت بكل ما اوتيها من قوه : الله ياخذك يارسسن بعدديه عنني !!
جاء محمد علئ صراخهم ونبيح الكلب فتح عيونه بصدمه من حصل الكلب مفتوح عنه الرباط وقاعد يلحق البنات علئ طول صفر له عشان يجيه ، الكلب من سمع تصفيره محمد عكس الاتجاه متجه لمحمد ، اثاري طاحت علئ الارض وهي ميته تعب من الركض ورجولها وايديها يتراعدون من قوه الخوف ، كان ضحك غيداء مالي المكان علئ الرغم من أنها هي ورسن الي فتحوه الا انه تركها وكمل يطارد اثاري وغرور
غرور وهي ماسكه قلبها وتتنفس بسرعه قالت بغضب : يااسخيفاات وش الحركات هذي !!!!!
رسن قامت وهي ميته ضحك وتمثل ركضت اثاري وصراخها ، وغيداء ماسكه بطنها ميته ضحك وتقول وهي تضحك علي اثاري : محممععععددد
رسن طاحت عند غييداء ميته ضحك كانوا غرور وأثاري خايفين من الكلب ورسن وغيداء ماهمهم ميتين ضحك
اثاري وهي طايحه علئ الارض من التعب وتتنفس بقوه قالت بحقد : اقسم بالله حركات بزران
غرور : ورب الكعبه من كل عقلهم فتحوه وهج علينا
غييداء: شكله ارتاح لكم ههههههههههه
رسن : يدور أمثاله هههههههههههههههههه
غيداء ضربت كتف رسن وهي منهاره من الضحك وقالت : رسن خلااصص مقدر اهههخخ يبططني ههههههههههه
-
سامي وهو ماسك غنئ قعد يبوسها قال : يولد تصلح نزوجها عبود
تركي ضحك وقال : منهو عبود
عبدالعزيز ضحك : ولد اخوي نياف
تركي بضحك : اها يحلييله ههههههههههه
عبدالعزيز : ايوه وين بتروح ذالحين ياتركي
تركي : ولله برجع البيت ارجع غنو تعالوا معي علئ فنجال قهوه
عبدالعزيز: ياملا العافيه أيولله خيرك سابق لاولله الوقت رايح بس مدام ماوراك شيء بكرا مر علينا وتعشئ عندنا
تركي : لاولله مابي اكلف عليكم ، وبكرا علئ دوام أن شاء الله
عبدالعزيز بابتسامه ضرب كتفه وثبت كتفه بايده وقال : مافي كلافه ولا شيء ياخوك بس مدامك كذا تصرفني اعزمك علئ خطوبه اخوي سياف بعد كم يوم ومانقبل أي عذر بعرفك علئ ابوي وعماني والعيال
تركي وهو مو قادر يرفضه قال ص٣ؤؤ: ئ معك ياعبدالعزيز
قاطعه عبدالعزيز وقال: علئ الحرام انك تحضر ياخوي وشو له الرسميات والإحراج
سامي بابتسامه : مالك اي مفر خلاص الرجال حلف
تركي ابتسم وقال : ابشر علئ خشمي أن شاء الله راح احضر والبي الدعوه
عبدالعزيز عرضت ابتسامته وطلع جواله قال : اي هذا الي نبيه من البدايه ، عطني رقم خالتي ام غنو
تركي عقد حواجبه وقال : ليش شتبي برقم امي ؟
عبدالعزيز: ابخلي امي تعزم خالتي وغنو ويتعرفون علئ بعض لان دائم تقول عرفني علئ أم صديقك تركي من كثر ما اسولف لها عنك
تركي ضحك وقال : مدام خالتي تبيه تبشر به هذا هو الرقم...
بعد مرور ساعه ونص علئ الساعه 1:36 ص كان الكل في بيته والبنات راجعين من المزرعه والأمهات متفرقين ، نزل عبدالعزيز سامي في بيتهم وقعد يتأمل البيت من بعيد بابتسامه وآمل أن يكون كلام سامي صح غيداء موافقه علئ الزواج ، حرك السياره ونزل في بيتهم والروقان ضارب علئ الآخر والإبتسامة شاقه وجهه ويدندن وكان البيت كله نايم وهدوء دخل غرفته وهو بكامل روقانه قعدچ يجهز اغراض قهوته المفضله ، جلس علئ السرير وفتح جواله وقعد يطالع باتصالاته الي اتصل عليها أمس مثل هذا الوقت ويطالع ضهورها طالع بالقهوه الي قدامه لساته مابدا فيها ويطالع بجواله ، ابتسم من تذكر الشاهي الي امس طلبها وهي ماسوته ضغط علئ رقمها يتصل عليها ..
-
سامي وهو واقف وماسك الباب حق غرفه غيداء يطالع فيها ويعاندها قفل الباب من رمت غيداء علبه الفاين بوجهه وقالت بصراخ : برررااا يلااه
سامي رجع فتح الباب بضحك وقال : طيب اسمعي !
غييداء : ياوسخ مابغا اسمعك وربي غير اقول لامي عنك
سامي وهو مكمل : طيب انتي وريني صورتها عادي تعتبر نضره شرعيه اكيد شكلها نفس صوتها
غيداء كتمت ضحكتها وقالت بصراخ وهي تمثل العصبيه : يممه شوفي ولدك المتحرش
سامي اخذ المخده الي علئ الارض وطشها تجاها قال : بسم الله ماني ميت عليها انا متاكد ان صديقتك نفس وجهك يسد النفس
غيداء : انقلع يلاه نام بدري لجل تستقبل الضيوف بكرا
سامي أعطاها النضره وقفل الباب وراح لغرفته ، غييداء قعدت تضحك كانت داخله علئ قروب الجامعه وتسمع فويسات البنات ولعل سامي سمع صوت وحده الدلع ضارب عندها مليون وخق عليها ضحكت وطفت جوالها وسحبت اللابتوب لجل تتابع افلامها مدام هذا الأسبوع عندها اوف ، قاطع عليها اتصال جوالها خذت وشافت ان المتصل عبدالعزيز قعدت تطالع فيه للحضات تتذكر اخر موقف معاها قبل تطفي الجوال أمس قعدت تطالع فيه للحضات ثم ردت كذا لاشعوريا فتحت عيونها بصدمه وحطت أيدها علئ ثغرها بتوهقه كانت بتعطيه مشغول بس حصل العكس
عبدالعزيز بابتسامه : السلام عليكم
غيداء وهي شوي وتصيح تنحنحت وقالت : هلا
عبدالعزيز : ايوه وش الاخبار مافيه شاهي تعويض عن أمس ؟ عاد امس خوفتيني عليك حيل مادري وين انقرضتي
غيداء قعدت تطالع بالجوال كذا مشوشه مستغربه من جراءته
عبدالعزيز لاحض سكوتها وضحك قعد يقول بينه وبين نفسه لعلي تحمست بالكلام وتنحنح
غيداء وهي مستغربه : وش تضحك عليه
عبدالعزيز بابتسامه : عسئ صدق موضوع انك موافقه علئ الزواج ؟
غييداء بصدمه كيف وصله الخبر بسرعة وقالت : مين خبرك ؟
عبدالعزيز بابتسامه : سامي
غيداء : اي مبدئياً
عبدالعزيز عرضت ابتسامته وقال : استعدي بكرا بتكون ملكتنا
غييداء بصدمه : ايشش !!!!!
عبدالعزيز بابتسامه : بكرا أن شاء الله بتكون ملكتي فيك ماقدر استحمل يكفي اني انتضرت خمس شهور كلها انتضر منك هذي الكلمه
غيداء بصدمه وهي تسمع كلامه : كيف تبيها بكرا وبعد اربع ايام خطوبه كبيره !!
عبدالعزيز : عادي وش فيها ؟ بتكون كتب كتاب عائلي انا عن نفسي مابي ملكه كبيره ولا احتفال المهم انك تكوني ملكي
غيداء قعدت مصدومه والتزمت الصمت
عبدالعزيز لاحض سكوتها الطويل وقال : ليش انتي تبين ملكه كبيره ؟
غيداء وهي فعلا ماتبي لانه مايهمها ابد قالت : لا بس ليش بكرا بسرعه بكرا ابد مو مناسب بيجوننا ضيوف من جده
عبدالعزيز : مين الضيوف ؟ أجل بنأجلها لبعد بكرا غيرها لا بتكون ملكه عائليه بس اذا تبين تعزمين احد عادي
غيداء كانت مصدومه مااتدري بايش تصرفه كانت مصدومه كيف إنه يبي للملكه بأقرب وقت ممكن
عبدالعزيز اعتبر سكوتها علامه الرضاء ابتسم وقال : الشاهي جهز ؟
غيداء : شاهي ؟
عبدالعزيز كتم ضحكته وقال : اي ؟ ماسويتيه للحين ؟
غيداء : وليش أسويه ؟
عبدالعزيز : يعني انتي مو قد الكلام ؟
غيداء بعصبيه من كلامه : لا طبعا دقائق ويجهز وطفت المكالمه بوجهه كانت مصدومه كيف بتكون محرم له وتصير اللعبه الي دامت بينهم 7 شهور حقيقه ! كانت لساتها ماهي مستوعبه قامت واتجهت للمطبخ وهي جالسه بدوامه من الأفكار...
-
عبدالعزيز بعد ماطفت المكالمه كانت اكسسوارتها بايده يتأملها طش الجوال جنبه ورمئ ضهره علئ السرير بابتسامه مشاعر متخبطه ماهو مصدق أنها اخير بتصير حلاله ! قعد يتأمل الاكسسواره بابتسامه وحُب كبيير ممزوج بفراشات... ، بعد مرور مايقارب ال 10 دقائق خلصت غيداء من الشاهي نزلت لجل تطلع الساعي لعبدالعزيز ، طلعت من بيتهم وكانت لابسه بلوزه سوداء ماسكه عليها وحفر لين فوق السر وجيز فاتح ماسك عليها من الخصر ومن تحت وسيع وفارده شعرها الي واصل لين أكتافها ، كانت حاطه الشاي بكوب كبير الي يجي فيه جابه بنيه غامقه حاميه للحراره ومتجهه للباب الي ورا ، فتحت الباب وقعدت تعاين تخاف عبدالعزيز يطلع بوجهها من تحت الارض لاكن ماحصلته ، قعدت تمشي بسرعه حافيه علئ الرصيف مافيها غير شرابات ونزلت الكوب فالنص يعني مو قدام بيتهم ولا قدام بيت عمها كأن بنص الممشاء ، نزلته ورجعت بسرعه البرق راجعه لبيتهم دخلت من عند الباب وقفلته بشويش عشان مايطلع صوت ويقوموا أهلها ، طلعت الجوال وهي ماشيه بحوشهم متجهه لبيتهم وقفت ودقت عليه ..
عبدالعزيز كان بعالم زمردا يفكر بمستقبله معاها والإبتسامة شاقه وجهه طالع بالجوال وحصل غيداء تتصل عليه فز بسرعه وأخذ الجوال ورد عليها
غيداء : الشاي وصلته لك بنص الممشئ
عبدالعزيز قام بابتسامه وقال : يالبئ يسسلم ايديتس
غيداء : اسرع لايصير من حض الكلب الجديد ، وقفلت المكالمه .. ودخلت لداخل لجل تكمل فلمها
عبدالعزيز قام وراح لنفس المكان الي هي وصفته له ، بنص طريقه وقف وقعد يطالع بوجهه معينه من المزرعه لما جاته لحضه ادراك كلب ايش ليكون تقصدني ! (😭😭😭😭معليش خارج الروايه تخيلت شكله لما وقف وجاته لحضه الإدراك ذي انهرتت ههههههه)
دخل عبدالعزيز البيت وهو يتلذذ بكل شربه شاي كان مرره لذيذ فعلا يستاهل المدح الي دائم يسمع عنه ..
وانتهت ليلتنا الجميله علئ ابطالنا علئ خير ، فاليوم الثاني علئ الساعه 4 العصر في بيت ام سامي كان التجهيزات في كل مكان الحلا والقهوه وريحه البخور والقهوه في أرجاء البيت كانت أم سامي والخدم يرتيون ويجهزون وغيداء بعد ما انتهت ركبت فوق عشان تتضبط وجت ام جاسر وأثاري وكان كل شيء جاهز ركبت اثاري فوق لغيداء وام جاسر وسامي كانوا جالسين بالصاله وسامي نزل وكان كاشح وكان الجو حرفيا كأنها أجواء عيد ينتضرون قدوم الجده والجد وسلطان كان هذا موعد وصولهم من جده...
.
.
.
.
سبحان الله عدد ما ذكره الذاكرون
وعدد ماغفل عن ذكره الغافلون
________________________
اعذروني اذا فيه اخطاء املائيه
________________________
اعطوني رايكم بالبارت ؟ متحمسين للخطوبه والملكه؟ انبسطوا واخيرا ابطالنا الحلوييين بيتزوجون بعد شهور طويله من العناد والكره والخخ.. من هذي الاشياء ، اعطوني افكار جديده أضيفها للبارت الجاي 🌷 .
