و رجوت عيني أن تكف دموعها
يوم الوداع نشدتها ، لا تدمعي !
أغمضتها كي لا تفيضَ فأمطرت
أيقنتُ أني لست أملك مدمعي
ورأيتُ حلماً أنني ودعتّه
فبكيت من ألم الحنين وهو معي
مر علي بأن أودع زائراً
كيف اللذين حملتهم بين اضلعي؟
_
عبدالعزيز بضحكه : مدام اثاري تعشق الاندومي جب لها ولك وخلها تطبخ لك
سياف : يزوين وجهي ونا رايح الها
رسن قامت وهي تضحك وتمثل قدامهم قالت وهي تقلد صوت سياف وبحته : السلام عليكم اثاري ممكن تسوين لي اندومي سمعت من اختي رسن انك تحبينه مثلي ف قررت اني اطلبك تسوين لي
عبدالعزيز قام ووقف قدام رسن وقال وهو يمثل الحيا : ههههههه يلا مواقفه بس بشرط انك تجيب لي اندومي البقاله كلها
رسن : اجيب لتس تسبدي اذا تبين
عبدالعزيز : اووه طلعت ي ولد عبدالله رومنصي جدًا.
سياف وهو ميت ضحك قال : قلبتوها من اني اطلبها تطبخ لي اندومي لمشهد رومنسي !
رسن : تزوجها والمهر اندومي ترا توافق هههههه
عبدالعزيز: سياف تزوجني ترا اقبل فيك بس اهم شي المهر اندومي
سياف : يالله دخلك انا خليتك لشليويحه
عبدالعزيز : اقول مين شليويحه ذي ي رسن
رسن توهقت وقامت ع طول وقالت : العزبه تحتريكم باي
سياف : لاتنسسسين تراك بتسوين لي اندومي اليله بجيبه
رسن : ابشر من عيوني ي سولاتي
سياف : بننننتتتت !!!!!!!
رسن بضحكه : كم عندي سياف بس بشرط جيب اندومي لي وللبنات
سياف : غش كذا م اتفقنا !
رسن : ولله هذا شرطي عاد تبي اسوي لك جيب لنا
وراحت ،
خالد كان مبتسم ويتأملها ويتأمل ضحكتها شافها لين م دخلت قسم الحريم ودخل عند العيال وقال خالد : عيال شتسوون هينا
سياف سكت وطالع بخالد ممدالها رسن داخله قسم الحريم وحس أن خالد شاف أخته
وقال عبدالعزيز الي منسدح ع الأرض : نرقص شرايك انت
سياف : خالد متا جيت ، وليه جيت ؟
خالد حس أن سياف كشفه وقال بضحكه : ههههههههههه السؤال انتو وش تسوون هينا !
انا جيت ابغا أخذ حاجه من اختي قالت انها بتقابلني هينا انتم وش تسوون هينا !
سياف : اخواتي كانو هينا والحين راحو
دق جوال خالد وقال : هلا يلا يلا جاي
سياف : وين بتروح ؟
خالد الحين ابي اخذ شاحني واروح العزبه
عبدالعزيز قام حتنى ابي اروح العزبه
سياف قام يلا امشو
خالد : زين الحين أخذ الشاحن واجي اسبقوني وراح
سياف وعبدالعزيز كانو متوجهين للعزبه قال سياف : عبدالعزيز اول م دخلت رسن جا خالد تتوقع شافها !
عبدالعزيز : لا مستحيل ! وشفيك انت شكاك بعدين خالد مو من النوع الي يلتفت للبنات
سياف : ولله مدري اول م دخلت رسن قسم الحريم دخل خالد قسم الرجال
عبدالعزيز : صدفه ي رجال خلاص قفل ع الموضوع خالد جاء
سكت سياف وحس أنه اقتنع بكلام عبدالعزيز
جاء عندهم خالد وكملو سوالف لين م وصلو العزبه.
_
عند البنات جت عندهم رسن
غيداء باستغراب: رسن وينك ؟
رسن : عند اخواني
غيداء باستغراب : ليه فيه شي شيبون منك
رسن وهي ميته ضحك تشرح للبنات الي صار معاها وكيف أنها طلعت واخوانها يلحقونها
غيداء : يراسي سياف عاذرينه بس شليويح كيف له الحيله أنه يركض
رسن : ي الغبيه المنكسره ايده مو رجله زيك
غيداء تذكرت وقالت : اه اي صح ههههههههههه
رسن وهي ميته ضحك قالت : اخوي متحلطم ي غيداء بسبتك
غيداء باستغراب: ليه وش سويت له ؟
رسن بضحكه قالت : متحلطم يقول ألحين شليويحه كيف تقبل فيني وانا ايدي مكسوره هههههههه
غيداء قامت تضحك وقالت: الحين هذا همه هههههه
يطناي مشافها ولا غير ينتحر هههههههه
رسن وهي ميته ضحك: تخيلو سألني قال منهي شليويحه ذي وانا اهرب عنه خفت يعرفها ويكنسل زواجه منها ههههههههههه
البنات : هههههههههههههههههه
رسن : بنات متا اخر علمكم بشليويحه وام كشه ؟
غيداء وهي ميته ضحك: تتذكرين اخر مره لما صفقناها وانتي معنا هذي كانت اخر مره اشوف شليويحه من قرب
رسن وهي ميته ضحك : اهخ يعمار كانت اجمل حلبة مصارعه ذاك اليوم
_
عند الرجال ابو سامي قال : الحمدلله ع السلامه ي عبدالعزيز ولله ي عبدالعزيز كل يوم عن يوم حبك يزود وتكبر بعيني م ادري وش اقول لك وش اخلي انت ساعدت بنتي من الموت والغلط عليه انا لو صار لبنتي ولا لك ولا لأحد من الموجودين شي مستحيل اسامح نفسي الجمل هذا له كم اسبوع ماهو مضبوط وقد قالي محمد أن أننا نطلق عليه المسدس ونا رفضت .
عبدالعزيز : الله يسلمك ي عمي ، الله يسعدك ي عم ونا م سويت غير الواجب ، ي عم الي صار قضاء وقدر انت تضايق نفسك ليه وشفنا كلنا عندك جالسين وم فينا شي الحمدلله .
ابو نيّاف كان يناضر عبدالعزيز والإبتسامة شاقه وجهه بفخر من مساعده عبدالعزيز لغيداء وكيف رد ع عمه أنه كلشي مربوط بالقضاء والقدر
