မီးဖိုချောင်၏ဖွဲ့စည်းပုံစတုရန်းမီတာပတ်လည်က ခပ်ကျဥ်းကျဥ်းမျိုးမဟုတ်။
L ပုံသဏ္ဍာန် အနက်ရောင်စင်တစ်ခု၏ဘေးတွင် ရေခဲသေတ္တာရှိပြီး အပေါ်ဘက်တွင်ကား အဖြူရောင်နံရံကပ်ဗီဒို။ မီးဖိုချောင်သုံးလျှပ်စစ်ပစ္စည်းများ များလာခြင်းကြောင့်သာ မီးဖိုချောင်အနေအထားက အနည်းငယ်ကျပ်ညှပ်သလို ခံစားနေရခြင်းဖြစ်သည်။
ဝိန်းရိဖန်က စန်းရန်အနားသို့လျှောက်သွားလိုက်ပြီး အိုးထဲတွင် ပျော့နေပြီဖြစ်သောကြာဇံဖတ်များအား ငုံ့ကြည့်လိုက်၏။ တစ်ခဏလေးငြိမ်ကြည့်နေပြီးနောက်အင်္ကျီလက်ကိုခေါက်တင်ပြီး ရေပိုက်ခေါင်းကိုဖွင့်ကာ လက်ဆေးလိုက်သည်။ နောက်တွင် သူမ၏ဘေး၌ရှိနေသော ပစ္စည်းများအား လက်ညှိုးထိုးပြ၍ ;
"ဒါဆို ငါ ဒီဟာတွေကို ရေခဲသေတ္တာထဲ ပြန်ထည့်လိုက်ရမလား"
စန်းရန်က လှမ်းကြည့်လာရင်း
"ဟင်းရွက်တွေချန်ခဲ့"
ဝိန်းရိဖန် ;
"အင်း"
သူမက အသားလုံးဘူးအား ကောက်ယူလိုက်သည့်အချိန် စန်းရန်မှ ;
"အသားလုံး မစားဘူးလား"
ဝိန်းရိဖန် တုံ့ခနဲရပ်သွားရင်း ;
"နင်စားချင်တယ်ဆိုရင် ထည့်လို့ရတယ်လေ"
"ဖက်ထုပ်ရော...."
"နည်းနည်းစီ ထည့်လိုက်လို့ ရတယ်"
"အို့"
စန်းရန်က ဘေးနားရှိ ပဲငံပြာရည်ဘူးအား လှမ်းယူရင်း တစ်ဆက်တည်းဆိုသလို ;
"ကိုယ့်ကို ကြက်ဥနှစ်လုံးယူလာခဲ့ပေး"
"...."
ချက်ပြုတ်နေသည့်ဟင်းက ယခုလိုအခြေအနေမျိုးရောက်နေပြီဖြစ်ကာ စန်းရန် ဆက်လုပ်နေသည့်အရာများအပေါ် ဝိန်းရိဖန်နားမလည်နိုင်ပါတော့ချေ။ သူမအနေဖြင့် အစားအသောက်အား မဖြုန်းတီးလို ၊ ထို့ကြောင့် မတတ်နိုင်သည့်အဆုံးတွင် စကားဆိုလိုက်သည်။
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
![နှင်းဦးဝေဝေ [ ဘာသာပြန် ]](https://img.wattpad.com/cover/354800938-64-k911691.jpg)