"သခင်ကြီးထင်တဲ့အတိုင်းပါပဲ။ သူတို့ ဟိုတယ်ထဲကအတူတူထွက်လာကြတယ်။ ပြီးတော့ ကားတစ်စီးထဲ အတူစီးသွားတာပါ။"
"ဟက်! ငါထင်သားပဲ။ အဲ့ဒါဆို ငါ့ဒုတိယအစီစဥ်ကို ခုသာလုပ်လိုက်တော့"
"ဟုတ်ကဲ့ပါသခင်ကြီး"
"ဟွန်း.....သူရိန်မဟာ သူရိန်မဟာ...မင်းကကျွေးတဲ့လက်ကိုပြန်ကိုက်ချင်တာပဲ။ ဝဏ္ဏမင်းဆိုတဲ့ကောင်ကလည်း ငါ့အစီစဉ်အားလုံးပျက်အောင် ချက်ချင်းသွားပူးပေါင်းတယ်ပေါ့။ အဲ့လိုလွယ်လွယ်စိတ်ဆိုး လွယ်လွယ်ခွင့်လွှတ်ပြီး ကလေးကစားသလိုလုပ်နေတဲ့ကောင်တွေက ငါ့ကိုနိုင်မယ်ထင်နေတာပဲ။
စိတ်ကူးတောင်မယဉ်နဲ့။ မင်းတို့ရဲ့ အဖိုးတန်လေးတွေအကုန် ငါ့လက်ထဲရောက်လာတော့မှာ ဟားးးးးးးဟားးးးးးးး"
________________
"အကို ကျွန်တော့်မိဘအိမ်ရောက်ရင်အကိုပါ ဝင်လည်ပါလား"
"မလုပ်ပါနဲ့ ကျွန်တော် သခင်လေးကို ညနေမှ လာကြိုပါမယ်။"
"မဟုတ်တာ ရပါတယ်။ အမေတို့နဲ့ မိတ်ဆက်ပေးလို့ရတယ်လေ။ ဦးကလည်း အကို ကျွန်တော့်နားမှာရှိတော့ ပိုသဘောကျမှာပါ။ ကျွန်တော်ပြောပေးမယ်။ "
"ဟုတ်ကဲ့ပါ သခင်လေး။"
"ကျွန်တော့်ကို သုတလို့ပဲ ခေါ်ပါလားဟင်။ ဟို...သခင်လေး လို့ခေါ်တော့ ကျွန်တော်နေရခက်လို့ပါ။"
"ဒါပေမယ့်...."
"ကျွန်တော်တောင် code 1 လို့မခေါ်ပဲ အကိုလို့ပဲခေါ်တာလေ။ နာမည်ကြလည်းမေးလို့မှမရတာ။ "
"ဟုတ်ကဲ့ပါ သခင်...အာ...သုတ"
"အဲ့လို့မှပေါ့ဗျာ။ အကို ကျွန်တော် ဦးကိုလေ ကိုယ်ဝန်ကိစ္စ ကျွန်တော့်မိဘတွေကို မပြောခိုင်းထားဘူး။ suprise တိုက်ဖို့လေ။ ဘယ်လိုထင်လဲ ကောင်းတယ်မလား။ ခုအိမ်ရောက်တာနဲ့ ဘယ်ကစပြောရမှန်းတောင်မသိဘူး။
အမေ ကျွန်တော် ဗိုက်ကြီးနေပြီ။ အဲ့လိုပြောရမလား။ ဒါမှမဟုတ်..အမေ ကျွန်တော်ကိုယ်ဝန်ရှိနေပြီ။ အဲ့လိုပြောရမလား။ ဟမ်။ အကို အကြံပေးပါဦးဗျာ!"
"သခင်... sorry သုတ နှစ်ခုလုံးကတူတူပဲမဟုတ်ဘူးလား။ ကိုယ်ဝန်က လည်းဗိုက်ကြီးတာပဲလေ။ "
