من هنا تبدأ قصتنا اتمنى تعجبكم🖤
حرصت ان البارت يكون طويل عشان تدخلون بجو الرواية✍️
____________________________
كانوا الاخوة قاعدين يفطرون (محمد وسارة وعلي)
وسمعوا صوت الباب يطق
قام محمد وراح يفتحه -هلا جيت بوقتك قاعدين نفطر
دخل حسن- لا الحمدلله افطرت انا جاي بكلمك بموضوع
عقد محمد حواجبه بعدها استوعب- صار شيء جديد بموضوعي؟
هز حسن راسه بمعنى ايي
ابعد محمد عن الباب عشان حسن يدخل
دخل حسن وقعد وتجمعوا حوله
تنهد حسن- انتم عارفين انا شكثر حبيتكم كلكم من اول مره شفتكم قبل 4 سنوات صح؟
ابتسم محمد- اكيد نعرف بالنهاية انت اللي وفرت لنا مكان يضفنا وساعدتني اشتغل وساعدت ساره انها تخلص الجامعة وساعدت علي انه يستقر بمدرسة زينة
كملت ساره- زي ما تدري انه انا انرميت بالشارع بعمر صغير واضطريت اتعايش مع الوضع لين مره كنت احمي علي من احد العيال وجاء محمد وصار لنا الظهر والسند وقدر انه يحمينا ويدافع عنا ما توقعت اني بثق باحد غيرهم بس جيت انت وسويت لنا اشياء ماكنا نحلم فيها حتى
ابتسم حسن برضا- والله انه معزتكم من معزة عيالي واحبكم بالحيل
محمد بقلق- بس وش سبب فتحك لهالموضوع؟
حسن- حسيت اني ماقد عبرت لكم عن مشاعري رغم انه اول لقاء بيننا صار فيه سوء فهم بس مع ذلك انتم مازعلتوا مني وتعاملتوا معي باحترام خلاني استحي على روحي
فلاش باك (قبل 4 سنوات)
<<<<<<<<<<<<<<<<<<<<<<
كان حسن ماشي بسيارته
حس بعطش ووقف عند بقالة يشتري له مشروب
نزل اخذ له مشروب ورجع للسيارة ومشى
استوعب انه نسي بوكه رجع بسرعه للبقالة
دخل البقالة وسأل اللي يشتغل محاسب (اللي هو محمد)
حسن- انا نسيت بوكي هنا قبل شوي يوم احاسب
تلفت محمد وقعد يناظر الطاولة وتحت ماحصل شيء- مادري ماشفته
عصب حسن- تلعب علي انت؟ انا متاكد نسيته هنا
ابتسم محمد يهديه-ادوره لك الحين بس انت اهدا انا مالقيته هنا بس بدوره لك
جاء شخص قرب منهم يناظر محمد بحده- شالسالفه؟
عرف حسن انه راعي البقالة او اللي يعني يديرها- عاملكم سرق بوكي
توسعت عيون محمد بصدمه- والله ماشفتها اقسم بالله
راعي البقالة- انا قايل اللي يشغل ولد شوارع هذا اللي يحصله
غمض محمد عيونه بقوة ورص على اسنانه يكتم غضبه
حسن باستهزاء- اجل ولد شوارع اذا عرف السبب بطل العجب
على دخول ساره وعلي للبقالة عشان يزورون محمد
شافوا الوضع محتمي استغربوا
قربت ساره لمحمد- وش صاير؟
تنهد محمد- قاعد يتهمني اني سرقت محفظته
انصدمت- اييش
لفت على حسن- مستحيل محمد يسوي شيء زي كذا تاكد دور عندك
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
