من قال انك بكفه والعالم بكفه؟ انت العالم وانت الكفتين🖤

61

نطق تركي بنبرة عميقه مليئه بالحب- تتزوجيني؟
وقفت ساره مكانها وهي ترمش اكثر من مره تحاول تستوعب
اما تركي ضل جالس على ركبته وهو ماد علبة الخاتم ويترقب ردها

صحت ساره من صدمتها وتوجهت ناحيته مسكته من يدينه (عشان تقومه)
ووقف تركي قبالها ولا زال الترقب مالي عيونه
ابتسمت ساره بخفه- شكلك ناسي ان حنا اصلاً متزوجين
قاطعها تركي بحماس- هالمره غير ابي نعيش التجربة بكل تفاصيلها بمشاعرنا هذي وابي كل شيء يكون بالشكل اللي يليق بك (كمل بنبرة صوت عميقه) وابي نسوي عرس واشوفك بالفستان الابيض بيوم عرسنا
لمعت عيون ساره بالدموع وهي تحس بفرحة عارمه- وانا بعد ابي كل هذا معك

لمعت عيونه بحب وابتسم ورجع نزل على ركبه وحده وهو يناظرها بلهفه- ساره تتزوجيني؟
نزلت دمعة من عيونها وجلست قباله على الارضوهي تحاول تمسك دموعها (ماتوقعت انهم راح يعيشون شيء مثل هاللحظة) هزت راسها ونطقت بهمس وعلى وجهها ابتسامة ناعمه- اكيد
حضنها بقووه وضحك من كل قلبه بفرح
بادلته ساره الحضن وهي تضحك نزلت دموع الفرح علم خدها

فكها تركي ومسح دموعها بابهاميه- مابي اشوفك تبكين عشان يصير هذا احلى يوم بحياتي
ابتسمت ساره- بحياتنا اثنينا
هز تركي راسه بتأييد

اخذ الخاتم من العلبه ولبسها اياه وباس يدها
قعدت ساره تتأمل الخاتم اللي بيدها (وهي مو مصدقه ان هذا صار)

قام تركي وقومها معه

وحاوط وجهها بيدينه- اوعدك راح اسوي كل شيء عشان اسعدك وراح اصيرلك كل شيء امك وابوك واخوك وصديقك (كمل بحب) وحبيبك وزوجك وراح اكون دايماً جنبك وماراح اتخلى عنك مهما صار (مسح على خدها بابهامه وكمل بنبرة عميقه وصادقه) ماكان لحياتي قيمه من قبلك بس انا الحين صرت اخاف على روحي عشانك عشان ما اخليك

زادت دموع ساره ودفنت وجهها بصدره وحاوطته بيدينها- من قبل لا تقول وانت صرت لي كل هذا وجودك خلاني احس اني فعلاً عندي عايلة (ابعدت عن حضنه ويدينها على خصره وناظرته بحب) فيك حنية ام وخوف اب وتفهم صديق وحب حبيب انت صرت بحياتي كل شيء داويت جروح كنت ناسيتها وعطيتني مشاعر ماقد توقعت اني ابيها او احتاجها الا لما شفتها منك (لمعت عيونها وهي تمسح على لحيته) انا الحين ما اقدر اعيش بدونك
مسح تركي دموعها بابهاميه وطبع بوسه على جبينها ونطق بحب- ولا انا اقدر اعيش بدونك
ابتسمت ساره برضا

مسح تركي على شعرها بحنيه وسند جبينه على جبينها وهمس- احبك
ردت ساره بنفس همسه- وانا بعد احبك

-
صباح جديد
بالشركة

دخل تركي على مكتب محمد ووجهه مفزوع
محمد بقلق- شفيك شصاير؟
جلس تركي واخذ نفس- لقيت شيء عن جابر ممكن يفيدنا
قام محمد بحماس وجلس قبال تركي- وشوو؟
تركي- فيه مكان يروح له لحاله بدون ولا احد وما يتوجه له مباشره لا يسوي تمويه اكثر من مره عشان يتأكد انه ماحد قاعد يلاحقه وبصعوبه قدرنا نوصل للمكان