بالبيت
تحديداً بالصالة
كانت نوره قاعده تشرب قهوه وعندها ساره وحور قاعدين يبحثون بالايباد عن فساتين (لعرس محمد وامل)
تأففت حور- مو عاجبني ولا شيء
ساره و(هي تناظر بالايباد)- بالعكس احس كلهن حلوات
حور- انا اخت المعرس لازم اطلالتي تكون مميزة (لفت ناحية نوره) وانتي يمه حصلتي شيء؟
نوره- ايي دخلت امس اتفرج وحصلت واحد حلو طلبته
حور بانبهار- ما شاء الله (كشرت) وانا كل امس واليوم ادور وما حصلت
ناظرت نوره ساره- وانتي ساره حصلتي فستان؟
ساره بحيره- مادري احترت كل شيء حلو
لفت حور الايباد ناحية ساره- هذا احسه عليك بيطلع خياال
اخذت ساره الايباد تناظره
كان تركي واقف وراهم (وما انتبهوا له) - ايي والله حلو
لفوا ساره وحور ناحيته بفزع
حور- انت من متى هنا؟
جلس تركي جنب ساره- من شوي (فرد ذراعه على الكنب ورى ساره وناظرها) اطلبيه شكله مرره حلو
ابتسمت ساره وهي تتفحص الفستان باعجاب وناظرت حور- خلاص اجل باخذه
ابتسم تركي بحب وهو يفكر (اول مره قدام اهله يقرب منها وما تبتعد عنه وبرضو تتكلم معه طبيعي قدامهم نفس وهم لحالهم) حس براحه لا توصف
ابتسمت حور بخبث- طبعاً سمعت ساره وفستان بجملة وحده جيت نطيت
ناظر تركي حور بورطه (لانها فعلاً كشفته اول ماسمعهم ماقدر يفوت الفرصة يجي يبدي رايه)
كتمت ساره ضحكتها على وجهه (كأن كل شيء مكتوب على وجهه)
ضحكت نوره عليه وضحكوا كلهم معها
قرب تركي من ساره وهمس - خوذي لك جزمات مريحة
ردت بنفس همسه- لازم كعب عالي مع الفستان
لف تركي لحور- ما تعرفين كعب مريح؟
سندت حور خدها على يدها وهي تناظر تركي باستفزاز- ليش خايف على رجلين الهانم؟
ناظرها تركي بنفس نظرتها- طبعاً
شتت ساره نظراتها بخجل وهي تحس بتوتر (من انه قاعد يتكلم بكل اريحية قدام اهله وبدون تردد)
ناظرت نوره حور- فيه الماركة اللي مره طلبتي لي منها كعبهم مره مريح شوفي اذا فيه عندهم كعب يناسب فستان ساره
اخذت حور الايباد تطلع صورته توريه ساره- ايي تذكرته (ناظرت ساره) دام فستانك اسود يناسبه كعب فضي (طلعت صورته ولفت الايباد لساره)
ناظرت ساره صورة الكعب باعجاب - حلوو مره شكله
هزت حور راسها بتأييد وابتسمت بتلاعب وهي تناظر تركي- هاه استاذ تركي خلاص نجيبه؟
ناظر ساره وابتسم- دامه اعجب ساره اكيد
ردت له ساره الابتسامه
ناظرتهم نوره بسعادة (الجو بينهم صاير جداً عفوي ومريح وعلاقتهم تعمقت كثيير)
-
لبست ساره بدله رياضيه ونزلت عشان تهرول
قعدت تحمي شوي بالحديقه
دخل تركي للبيت (كان توه راجع من النادي)
شافته ساره وابتسمت
بادلها تركي الابتسامه وقرب منها- بتهرولين؟
هزت ساره راسها بتأكيد
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
