من قال انك بكفه والعالم بكفه؟ انت العالم وانت الكفتين🖤

36

الخاطف بخبث- تمام بس فيه شيء نسيت اقوله
نوره وتركي بقلق- وشو
الخاطف بنفس الخباثه- انتم ما تقدرون تنقذون الا واحد منهم
توسعت عيون نوره وتركي بصدمه
عصب تركي- شلون بس واحد!
الخاطف- هذي الاوامر اللي وصلتنا اذا جيتوا تسلمون الفلوس تقررون تبون البنت ولا الولد والثاني عاد بيودع الدنيا

وقطع المكالمه ونوره وتركي يناظرون بعض بصدمه
قام تركي معصب وضرب الطاولة باقوى ما عنده برجله- خسيييس حقيييير!!!
وبدا يدور بالمكتب وهو يفكر (مايقدر يخلي واحد منهم لازم ينقذهم اثنينهم مهما كان هذي البنت اللي يحبها وهذا اخوه) جلس على الكنبة وسند راسه على يدينه يفكر بحل

بعد مرور لحظات
هدت نوره شوي بعد صدمتها وبدت تستوعب ونطقت بتردد- انت عارف اذا اضطريت وما كان فيه حل راح اختار محمد
رفع تركي راسه لامه بصدمه وبعدها عصب وقام وقف قدامها- لو اخترتي بيكون هذا اخر كلام بيني وبينك
نزلت نوره راسها- ما اقدر ياتركي انا احب ساره وكل شيء بس هذا ولدي ضناي
عصب تركي اكثر- يممه قلت لك اذا سويتيها بيكون اخر كلام بيننا  (هدأ نبرة صوته وكمل وهو يناظر امه بضعف) انا احبها وما اقدر اعيش من غيرها عطيني فرصه راح القى حل بس اهم شيء لا تختارين

بعدها طلع معصب من البيت

-
توجه تركي للبحر عند مكانهم
قعد على الكرسي وناظر جنبه (قعد يتذاكر مواقفهم وكلامهم)
حس بالالم يعتصر قلبه ونزلت دمعه حاره على خده (ماراح اسمح لشيء يصير لك راح انقذك بأي طريقة)

سند راسه يناظر للبحر وهو يفكر بحل (امه صرحت له انها راح تختار محمد وبتضحي بساره بس انا لا يمكن اسمح بهالشيء عشان كذا لازم اعرف هم وين فيه)
وصلته رساله على جواله ولما شافها عدل جلسته وهو يناظر جواله بصدمه ويدينه ترتجف

جابر/ تحسب انك تقدر تلعب علي؟
من البداية عرفت خطتك بس عطيتك على جوك واتمنى انك الحين فهمت وش يصير للي يوقف بوجهي
راح تخسر اما حبيبتك او اخوك يعني بالحالتين خسران
هذا درس لك عشان تعرف من تلعب معه

قام تركي معصب ورمى جواله على الارض باقوى ما عنده (تكسر لاشلاء)
وتوجه ناحية البحر وصرخ باقوى ماعنده وجلس على ركبه وهو يبكي بعجز ويأس زي الطفل (يعني كل الوعود اللي عطيتها والامان راح عالفاضي ولا شيء قدرت اسويه اخر شيء بتموت بسببي بكل برود امي راح تختار محمد!) شد على ركبه بقوة وقلبه يعتصر من الالم (مجرد ما جت بباله فكرة انه يخسرها) شد على صدره بيده وهو يحس انه مو قادر يتنفس ولا يركز حس مخه وقف (حس انه خلاص خسر كل شيء) وضل قاعد مكانه بضعف وعجز ويأس

وبعد وقت
مسح دموعه وقام من مكانه (مو وقت اني انهار الحين)
مشى ناحية سيارته ورجع للبيت وراح لامه عشان يشغل المقطع (على امل يلقى دليل جديد يدله على مكانهم او اي شيء يساعده)