من قال انك بكفه والعالم بكفه؟ انت العالم وانت الكفتين🖤

13

عند تركي
بعد ساعات من تركه للبيت
كان جالس عالبحر (مكان ماجلسوا قبل هو وساره)

كانت ساره تتمشى وتفاجئت لما شافته وراحت جلست على نفس الكرسي اللي جالس عليه بس بعيد عنه
ناظرها تركي بعدين لف للبحر وتكلم بسخريه- جايه عشان تكملين علي
ساره وهي للان تناظر للبحر- مادريت عنك اصلاً انا كنت اتمشى وجيت بجلس
ردها سكته

ضلوا ساكتين ويناظرون للبحر
الى ان قطعت ساره الصمت- انت حاط دوبك دوب محمد ومستقعد له بكل شيء بالرايحه والجايه وادري مهما اقولك واشرح لك عن الاشياء اللي عانى منها ومر فيها ماراح تفهم بس اسمعني
لف تركي وجهه لها
كملت ساره- محمد اكثر واحد فينا عانى كان دايم يتنازل ويحني راسه عشاننا عشان يقدر يصرف علينا ويعيشنا مرتاحين تدري وش كثر كان رافض اني اشتغل وانا ادرس؟ وحتى لما اشتغلت كان دايماً يحاول يقنعني اركز على دراستي عشان كذا لما اعاني من مشكله او تعب او شيء كنت دايم اخفي عنه لانه لو درى كان بيمنعني من الشغل وكان طول الوقت يضحي بوقته وبنفسه عشاننا ويحمينا تحمل مسؤوليتنا من لما كنا صغار وللحين معتبرنا مسؤوليته

تركي- والمطلوب؟
ساره- بعد هذا كله هو اكثر انسان ابي اشوفه مرتاح وسعيد
تركي- وانا وش دوري بالموضوع؟
ساره- تعبت وانا اقولك واشرح لك مو الا تحبه بس حاول تعطيه فرصه يخليك تتعرف عليه وتحبه
تنهد تركي- الحين هو جاء لحياتي واخذ مني امي وابوي واخواني وتقولين انا اعطيه فرصه واحبه!
ساره- هو ما اخذ منك شيء بس هو اخوك وطبيعي يشاركك بحب امك وابوك واخوانك
ناظر تركي البحر بلا مبالاة- اتوقع حبهم كافي عليه مو لازم انا بعد احبه

ساره- انا مب فاهمه ليش لهدرجة مب قادر تتقبله؟
قام تركي- اقولك اخذ مني عايلتي بس اكيد انتي ماراح تفهمين
ساره- لاني ماعندي عايله؟
تركي- بالضبط
قامت ساره وهي مركزه نظراتها الحاده على تركي
اما تركي كان ينتظر في هاللحظة لكمه منها او حتى صفعه
بس صار اللي ما توقعه
مسكته ساره مع اكتافه ونزلته على قدام وضربته بركبتها مع بطنه

طاح تركي على الارض وهو ماسك بطنه
ساره بانتصار- تستاهل
قام تركي وهو ماسك بطنه- قسم بالله لو انك مب بنت كان عرفت وشلون اتعامل معك
ساره بلا مبالاة- قولتك يعني
تركي بحده- اكيييد كان اخليك تندمين على كل مره ضربتين فيها

ناظرت ساره حولها وبعدها ناظرته- دام كذا اجل عندي فكرة
استقام تركي بوقفته وناظرها باستغراب- وشي؟
ساره- نتسابق اذا انت فزت راح اعتذر لك واذا انا فزت ترجع للبيت وتنفذ خطة امك من غير اي اعتراض
ابتسم تركي- دام كذا اتفقنا
ساره- راح نتسابق الى نهاية الرصيف وبعدها نرجع الى الكرسي اللي يوصل اول ياخذ علبة المويه هذي (وطلعت علبة الموية من جيبها وحطتها على الارض)
هز تركي راسه بالموافقه