من قال انك بكفه والعالم بكفه؟ انت العالم وانت الكفتين🖤

28

تحمست بالكتابة هالمره وصار البارت طويل
اتمنى يعجبكم🤍🤍

"""""""""""""""""""""
يوم جديد
على الفطور

كانوا كلهم جالسين
نوره وهي تناظر ساره بقلق- مب لازم تروحين اليوم للدوام اقعدي ارتاحي
ساره- افضل اشغل نفسي بدال ما اقعد افكر كذا
ناظرها تركي بقلق واهتمام وبعدها لف لنوره- خليها يمه على راحتها
محمد- ايي صدق وبعدين تشغل نفسها ازين لها
هزت نوره راسها بتفهم

-
في الشركة
ساره قاعده بالكفتيريا تسوي لها كوب شاي
جاء واحد من الموظفين ناحيتها- استاذة سارة
لفت عليه ساره- نعم
مد لها ملف- هذا شغلي ممكن تشيكين عليه

اخذت ساره الملف وقعدت تشيك عليه
وبعدها بدت تعطيه التوجيهات والتعليمات وهي تتكلم بحماس وتشرح له التفاصيل (كان شعور ممتع بالنسبة لها انها الخبره واللي تعلم حست بفخر بنفسها)

وكان هذا تحت انظار تركي اللي ما اعجبه الوضع

قامت ساره بعد ما شرحت للموظف كل شيء متوجهه لمكتبها
اول ما دخلت ساره المكتب دخل تركي وراها على طول وسكر الباب
ناظرته باستغراب
تركي- وش كنتي تتكلمين مع الموظف الجديد؟
جلست ساره على كرسيها بهدوء- كان يسألني عن شغل مسويه وعطيته رايي

عقد تركي حواجبه- وما حصل غيرك يعني؟
رفعت ساره حاجبها- وليش شفيني انا!
توتر تركي- ماقصدي شيء بس الكفتيريا كانت مليانه بعد اشخاص اقدم منك واخبر منك ليش انتي اللي سألك؟
تنهدت ساره- مادري بس انا كنت قاعده وجاء سألني عادي وكنت فاهمه الشغله وساعدته ما اظن فيها مشكله!

تركي بقلق- احس من نظراته وحركاته نواياه مب مضبوطه ناحيتك
شربت ساره من كوبها وناظرته- ماحسيت ابد بأي شيء من هالقبيل بعدين حتى لو انه كذا مب مشكلتي
تركي والقلق باين على وجهه- ولوو افضل انه ماتكونين قريبه من الموظفين كذا
تنرفزت ساره- شفيك انت انا ما قربت من احد كل الموضوع شغل ليش قاعد تتصرف كذا كننا قاعدين طاقينها سوالف وضحك!

اسكت تركي لحظتها وهو يشتت نظراته عنها (هو عارف انه غار وفعلاً غار عليها وخاف بنفس الوقت انه احد غيره يكتشف الكنز اللي هو اكتشفه بس ماله حق يقول اي شيء)
ناظرته ساره بحيره (لان سكوته وتعابير وجهه تدل انه منزعج بس ليش؟)
تحولت نظراتها لجديه وهي تترقب رده
غمض عيونه بقوه ورجع شعره بتوتر وهمس (صوته بالكاد يسمع)- خلاص مافيه شيء

شافت ساره التوتر على وجهه وحسته تضايق (وماحبت هالجو) فاخذت نفس عميق وشتت نظراتها عنه وهي تتكلم بهدوء- كل اللي تكلمنا عنه هو الشغل وحتى لو عنده نوايا على قولتك انا اعرف كيف اوقفه عند حده
تنفس تركي براحه (انها فهمته)- تمام انا برجع لمكتبي اكمل شغلي
هزت راسها بالموافقه وبعدها طلع تركي

واول ما طلع سندت ساره راسها بتعب (المفروض يبذل مجهود اكبر بدال ما يسوي كذا كانه يقول شوفيني ويعشمني وبعدين يروح) غمضت عيونها بقوه لمجرد فكرة انه (يروح)
غطت وجهها بيدينها (كلها يومين اللي وراك اهتمامه مداك ذبتي فيه يالخفيفه) وهزت راسها بقوه تطرد الافكار هذي من راسها وتركز بشغلها