من قال انك بكفه والعالم بكفه؟ انت العالم وانت الكفتين🖤

8

الكل كانوا قاعدين على العشاء
حتى امل موجودة
كان محمد قاعد بين امل وساره وقباله تركي

قعد محمد يحط اكل لامل وهي نفس الشيء
وبينهم لمسات وهمسات وكل هذا تحت انظار تركي وساره
اللي قلوبهم قاعده تشتعل غيره

قامت ساره بهدوء- الحمدلله
نوره- شفيك ما اكلتي شيء!
ساره- شبعت بالعافية عليكم
غسلت يدينها وطلعت من البيت

اما تركي ضرب ملعقته بقوه بالصحن افزعت الكل
بعد ما شاف امل وهي تمد الشوكة لمحمد تذوقه
حس محمد انه تضايق (ممكن للحين عنده مشاعر لها بس هذا موضوع قديم ممكن انه بس منزعج انه شايفني مبسوط)

قام تركي عن الطاولة
وطلع للحديقة وهو معصب ويحس نار مولعه داخله اخذ جواله بيتصل على صاحبه يضبطون سهره عشان يشرب وينسى
بس لحظتها شاف ساره وهي تمشي برى البيت سكر جواله وطلع يتبعها

كملت ساره مشي لين وصلت البحر
كان يبعد حوالي 30 دقيقة مشي
حس تركي بالتعب وهو يمشي وراها (صفر لياقه)

شافها جلست على كرسي مقابل للبحر
شاف واحد يبيع اخذ منه مويه وشربها كلها دفعه وحده
وقعد يحاول يستجمع انفاسه وتوجه ناحيتها وقعد جنبها
لفت عليه بتشوف من اللي قعد جنبها وانصدمت
تسند تركي براحه- شفتك تطلعين من البيت وقلت بلحقك اشوف وين تروحين
عقدت حواجبها- لقافه يعني
رفع كتوفه- تقدرين تقولين

قعدوا ساكتين ويتأملون البحر والموج وهو يضرب
ناظرها تركي من غير ما تلاحظ وشاف نظرة الحزن بعيونها
تنهد وكسر الصمت- هم ليش ماحبونا؟
رفعت ساره اكتافها- الحب مب بيد احد
سند تركي راسه على ورى وناظر السماء- كنت راح ادللها ولا اخلي عليها قاصر واحبها بكل مافيني بس هي اختارت ترفضني

ابتسمت ساره بسخريه على وضعها- على الاقل هي تدري بمشاعرك وانت اخذت فرصتك انك تعترف وتنرفض اما انا معلقه هو يقول لي اختي وانا ميته عليه
تنهد تركي- ابي افهم وش شافت فيه
تنهدت ساره- الا انا اللي ابي افهم وش شايف فيها

ورجعوا لصمتهم وهم يتأملون البحر
شوي وانتبه تركي لسيارة ايسكريم قام يروح لها
حسبته ساره خلاص بيروح

راح للسيارة
تركي- ابي 1 ايسكريم مكس
بعدين لف للبحر وشافها قاعده غمض عيونه بقوه وبعدها اخذ الايسكريم اللي مدها له
تركي بتردد- ابي وحده ثانيه
اخذهن ودفع وراح لها

انتبهت ساره عليه يمد لها ايسكريم
ناظرته ساره باستغراب
تركي بتبرير- من ازعاج السيارة حسبني اقول ثنتين وانا طالب وحده قلت اعطيها لك
اخذتها ساره بتردد وهي تناظرها وبعدها تذوقتها توسعت عيونها بسعاده- مررره لذيذه

استغرب تركي وذاقها يقيم- احس عادي يعني نفس طعم الايسكريم المعتاد
ساره وهي للحين مستمتعه بالايسكريم- اول مره اذوقه
لف لها تركي بصدمه بعدين استوعب (شيء طبيعي اول مره تذوقه اذا كانوا يعانون عشان يحصلون اكل وسكن وين بيحصلون وقت ياكلون ايسكريم)