من قال انك بكفه والعالم بكفه؟ انت العالم وانت الكفتين🖤

23

اتمنى يعجبكم حيل استمتعت في كتابته🤍

""""""""""""""""""""""""""""""
كانت ساره قاعده بغرفتها تستعد للنوم
اهتز جوالها برساله من تركي/ تعالي للحديقة
حست بقلق لانها ماشافته بعد ما تكلم مع ابوه
نزلت بخطوات سريعه وتوجهت له

اما تركي كان توه واصل للبيت
(كان رايح للشاليه وقعدوا هو وطارق مع بعض يسولفون وقال له عن كل شيء صار وشاركه طارق همومه وايده على تصرفه مع ابوه وحس تركي بالراحة)

قعد تركي على الكرسي وسند راسه بعد ما ارسل لساره اللي شافها متوجهه ناحيته بعيون قلقه
عدل تركي جلسته
جلست ساره بجنبه على طول وهي تناظره بقلق- وش صار مع ابوك؟
تنهد تركي براحه- احسن مما توقعت

وقال لها تركي عن كل شيء صار مع ابوه

تركي- وبس والله وبعدها راح اجلس مع امي ومحمد واشرح لهم الوضع
تنفست ساره براحه- الحمدلله
ابتسم تركي بفرحة ماقدر يخفيها- الحين كل هالقلق والاهتمام عشاني؟
تفاجئت وبعدها جمدت ملامح وجهها وشدت على الشال اللي هي حاطته على كتوفها وهي تشتت نظراتها عنه- طبعاً لا عشان محمد

تغيرت ملامح تركي وناظر قدامه وتذكر كلامها اخر مره (عن ان محمد هو اللي يملك قلبها) انزعج كثير لحظتها (انت ليش مزعوج؟ لايكون زي ما قالت ان عندك مشاعر ناحيتها! عشان كذا متضايق من حبها لمحمد!)

حست ساره انه (قاعد ينازع مع نفسه على شيء بس مافهمت وشو)
تركي بجدية- انتي فعلاً تحبين محمد؟
استغربت ساره من جديته وحافظت على جمود ملامحها- ايي
عقد تركي حواجبه وبعدها ناظرها بقهر- ليش طيب على وش؟
ناظرته ساره بشك- انت اللي ليش قاعد تسأل هالاسئله!
رفع تركي كتوفه- كذا فضول ابي اعرف وش اللي يشدك له او اللي مخليك معجبه به

اسكتت ساره ماحبت تكذب (لانها فهمت انها ما تحب محمد) بس انها قالت كذا عشان تستفز تركي لانه يعتبر محمد منافس له بكل شيء وعلى كل شخص (ماتدري انه فيه مشاعر زيادة مخليته يعتبره منافس له عندها بشكل خاص)

قامت ساره- اظن هذا مو شغلك هذي مشاعري وتخصني مو لازم اوقف واشرح لك وابرر لك
وعطته ظهرها ومشت بس وقفها كلامه
استجمع تركي شجاعته وقام- انتي كذابه
وقفت ساره مكانها مصدومه
ابتسم تركي باستفزاز وهو يناظرها- انا عارف انك تموتين على التراب اللي امشي عليه

توسعت عيون ساره بصدمه (مو بس من ثقته وجراءته بس لا بعد من اسلوبه المستفز ليه ما قالها بأسلوب البق؟ واللي ازعجها اكثر تأثير كلماته على دقات قلبها)
بعدها لفت له وحست لحظتها بالانزعاج من نفسها وبالاكثر من ابتسامته المستفزه المرسومه على وجهه
وماقدرت تمسك نفسها وهي تشوف ابتسامته المسفزه وتقدمت ناحيته ومسكته من راسه وضربته بالجدار باقوى ما عندها

طاح تركي على الارض وهو يناظر الدم اللي نزل من راسه  ويناظرها مصدووم
ابتسمت ساره بانتصار- عشان تتحكم بلسانك المره الثانية وماتقعد تخربط بالكلام
قام تركي من مكانه وهو ماسك على جرحه- انتي انجنيتي!
صرخت ساره عليه- اييي كله منك دايم تقعد تستفزني بالكلام وتزودها معي لين خليتني انجن
صرخ تركي عليها- وقاعده تلوميني بعد! يعني انتي عارفه اني بس استفزك ليش تكبرين الموضوع؟