من قال انك بكفه والعالم بكفه؟ انت العالم وانت الكفتين🖤

25

ولعت الاحداث🔥🔥🔥
اتمنى يعجبكم🤍🤍

"""""""""""""""""""""
تركي جالس على البحر (بمكانهم المعتاد)
كان جالس وهو متسند مرهق من كمية الضغط عليه اليوم (انه يتصرف كشخص قوي وصامد وقادر يتحمل كل هالضغط وهو من داخل محطم ومنكسر وبدا يشكك بصحة كل الاشياء اللي يعرفها)

لحظتها جت ساره ويوم شافته ابتسمت براحه (شافته مارجع للبيت وقلقت عليه وجت هنا تدوره)

جت جلست جنبه
ولف تركي ناظرها بتعب
ناظرته ساره بقلق- شكلك مرهق
تنهد تركي وعدل جلسته- مرره

قعدوا يناظرون البحر بصمت
بعدها لفت ساره لتركي وشافته غارق في افكاره
ناظرته ساره باهتمام- وش قاعد تفكر فيه؟
ناظرها تركي بخوف- خايف
ساره باستغراب- من ابوك!
هز تركي راسه بالنفي- من اني اصير اشبهه
ضلت ساره ساكته

ناظر تركي البحر وتنهد وكمل- انا شفت فيه انسان معدوم الانسانية حتى ما اقدر اسميه انسان مدري اسميه شخص مدري اسميه شيء بس اي شيء الا انه انسان وانا ولده ودمه يمشي بعروقي واحمل جيناته حتى بالشكل يشبهوني فيه (ناظرها والخوف يملئ عيونه) يعني ممكن اني اصير اشبهه

ناظرته ساره بثقه- مستحيييل
انصدم تركي من ثقتها
كملت ساره- انت عكسه تماماً
اسكت تركي ينتظرها تكمل (كان محتاج يسمع كلام يمحي هالافكار براسه)
كملت ساره وهي مركزه بعيونه (تحاول توصل الكلام لقلبه)- ابوك كان يظهر من برى انه شخص طيب وهو من داخل قاسي اما انت من برى تحاول تبين انك قاسي وعصبي ومغرور وشخص سيء بس انت داخلك شخص ثاني تماماً شفت مواقفك مع اهلك يمكن انت تخاف من اظهار عواطفك عشان كذا تغلق على نفسك بس يضل انك داخلك شخص زين وكثيير زين

ابتسم تركي براحة
قامت ساره- يلا نرجع البيت تأخر الوقت ولازم ننام بكره ورانا شغل
قام تركي- يلا
مشت سارع وتبعها تركي لحد ما وصلوا للبيت

وصلوا عند غرفة ساره وقف تركي ولف ناحيتها (ينتظرها تدخل)
دخلت ولفت عليه- تصبح على خير
ابتسم تركي- وانتي من اهله
وصعد تركي لغرفته

-
يوم جديد
العصر
كان تركي نازل من غرفته للغداء
بس شاف غرفة سارة مفتوحه ابتسم وقرب منها بيشوف اذا هي فيها واول ما ناظر داخل الغرفة سقطت ابتسامته وتجمد مكانه من الصدمه

كانت ساره واقفه وحاضنه محمد وتطبطب على ظهره
ضلت عيون تركي متوسعه بصدمه وغمض عيونه بسرعه وبقوه
وهو يحس بكتمه بصدره ومو قادر يتنفس
نزل تركي بسرعه وطلع من البيت كله للسيارة

وطلع من جيبه زقاره وولعها وهو يشفطها باقوى ماعنده وينفث ويشفط بسرعه وينفث وهو يحس بحرارتها بفمه ويتذكر شكل ساره وهي حاضنه محمد ويشفط بالزقارة اقوى ماعنده وهو يحس بحرة وقهر ورمى الزقاره من نافذة السيارة وهو يكح
(كان يعاني من موضوع ابوه وصدمته كان يعاني كثيير بس كان صامد لوجودها جنبه بس هي يمكن كانت متعاطفه معه او مشفقه عليه شوف فرق تعاملها معك ومع محمد لما فضفض لها حضنته وتطبطب عليه وانت حدك تسندك على كتفها) ضحك بسخرية (والله وصرت تغار عليها بعد) بس اكتسح الالم قلبه وفكرة قرب محمد منها مع مشاعرها ناحيته عذبته
وبعدها صرخ باقوى ماعنده وهو يضرب طارة السيارة بقهر (وصورتهم مب راضيه تروح من باله)