انا شخصياً متحمسه مع الاحداث🔥
اتمنى يعجبكم البارت🤍
"""""""""""""""""""""""""""""""
الى ان فجأة حس بيد على كتفه ولف مفزوع
وكانت ساره واقفه
ناظرها تركي بصدمه مب مستوعب- انتي ليش هنا!
ساره بقلق- انت اللي ليش هنا شفت ابوك وهو طالع وانت اختفيت وقعدت ادورك وش قاعدين تسوون؟ ووش اللي قاعد تخطط له!!
ناظرها تركي بضياع وهو مو قادر يهضم كل الاشياء اللي سمعها والاشياء اللي صارت هالكم يوم
وحس بغثيان وكبده بدت تقلب قام بسرعه وابعد شوي عنها وقعد يرجع
قعدت ساره تناظره مصدومه
لما خلص قعد يكح
قربت منه ساره مدت له مناديل
اخذها يمسح فمه وهو يتوجه للسيارة يطلع له علبة موية يغسل فيها ويتمضض وشرب باقي العلبة وهو للحين يحس بتعب وخدر
ركب السيارة وسند راسه بتعب
كانت سارة تراقب تحركاته بهدوء (كان واضح عليه انه مرهق بس ليش وش اللي صاير؟ معقوله بسبب شيء بينه وبين ابوه يمكن مشكلة او شيء!) وضلت الاسئلة تدور براسها الى ان قررت تركب جنبه بالسيارة
كان تركي مسند راسه ومغمض عيونه
وبعد لحظات طويلة من الصمت
كانت ساره تفكر (تدري انه الشيء اللي قاعد يصير مب شيء هين لان وضع تركي ابداً مب طبيعي فقررت تحاول ترغبه بالكلام عشان تفهم وش اللي قاعد يصير)
وكسرت الصمت بنبرة هاديه ومطمئنه- ممكن تشرح لي وش اللي قاعد يصير؟
ناظرها تركي بتعب (للحين هو تحت تأثير الصدمه وبرضو جسمه مرهق بعد الترجيع)
كملت سارة بنفس نبرتها- اوعدك ماراح اقول لاحد ابد بس شاركني
تنهد تركي بتعب- انتي شلون جيتي هنا؟
اخذت ساره نفس ونطقت بتردد- سمعت من تسجيل ابوك المكان والوقت ونويت الحقك عشان افهم وجلست انتظر عند سيارتك بس لما شفت ابوك طلع وانت طولت ماجيت قعدت ادورك
اسكت تركي وهو يناظر قدامه بضياع
حطت سارة يدها على كتفه وهي تناظره بحنيه- تكلم
ناظرها تركي وشاف الحنية بعيونها (لامست قلبه يحس خلاص مايقدر يتحمل يسكت اكثر تعبان ومضغوط صارله ايام حس خلاص وده يفضفض وده يخفف الحمل اللي عليه)
وسند راسه على طارة السيارة وغمض عيونه (يحاول يرتب الكلام براسه بس ضغط مشاعره بمجرد ما خطرت افعال ابوه على باله خلاه عاجز عن الكلام)
كانت ساره تناظره بترقب (تنتظره يتكلم)
وبعد صمت ماقدر تركي يتحكم بمشاعره اكثر وبدأ يبكي
انفزعت ساره من منظره وهو يبكي
وكل شوي يزيد صوت بكاه صار يبكي بقوة ويرتجف
بدت تمسح على ظهره بخفيف وهي تناظره بألم ونطقت بصوت يرتجف- تكلم عشان ترتاح
اخذ تركي نفس قووي بين دموعه يستجمع نفسه شوي وبعدها ناظرها وشاف كيف عيونها تترجاه يتكلم (حس بشعور مريح لاهتمامها حس من نظرتها بس خففت الحمل عنه)
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
