من قال انك بكفه والعالم بكفه؟ انت العالم وانت الكفتين🖤

45

عشان ما اطول عليكم نزلته الحين
استمتعوا🫶🏼

"""""""""""""""""""""""""
صباح جديد
قام تركي من النوم وشاف ساره بحضنه (مافيه طريقة ممكن يقوم فيها احلى من هالطريقة)

رن المنبه وصحت ساره وهي تفرك عيونها وتتمغط بحضنه- صباح الخير
ابتسم تركي بذوبان (من حركاتها)- صباح النور

قعدت ساره تتأمله (وهي للحين بحضنه) شعره مبعثر ونظرة عيونه ناعسه وملامح وجهه مسترخية
ضحك تركي- شفيك تناظريني كذا؟
شتت ساره نظراتها بخجل- اتأمل شكلك مايصير؟
ابتسم تركي- الا يصير ونص انا كلي لك

ابتسمت ساره برضا (وهي تمرر يدها على خده) ونطقت بجديه- اول مره انام بهالراحة وانا حاسه بامان (ناظرته بصدق) انت الوحيد اللي قادر يخليني ما احس بغربة بهالبيت وانه فعلاً بيتي واني مو مجرد زيادة عدد
تفاجئ تركي من كلامها والمه قلبه شدها لصدره وحضنها بقوه وهو يمسح عليها بخوف (انه يصيبها شيء)- راح اسوي كل شيء عشانك
ابتسمت ساره براحه وهي تحس بالامان بهاللحظة

وبعدها قاموا يتجهزون للدوام

-
كانوا كلهم جالسين على الفطور ماعدا ساره

نزلت ساره- صباح الخير
ردوا كلهم- صباح النور

كانت بتجلس بمكانها المعتاد بس شافت الكرسي الفاضي جنب تركي وتوجهت ناحيته وجلست (بشكل طبيعي جداً) وتحت انظار الجميع

تفاجئ تركي (لما شافها جلست جنبه) وابتسم بفرحه- تبين اصب لك شاي؟
هزت ساره راسها بالموافقه
وفعلاً صب لها تركي
وبدت ساره تاكل وكل شوي يمد لها تركي شيء اما توست او مربى او جبنه
وكانت ساره مستمتعه بتدليله لها

لاحظ الكل لطافة الاجواء بينهم وفرحوا لهم

-
بالشركة
كان تركي قاعد بمكتبه متوتر لانه عنده اجتماع مهم ومصيري مع المستثمرين
دخلت عنده ساره وشافت حالته وضحكت- شفيك وش كل هالتوتر!
تركي بتوتر- مادري قاعد احس بالمسؤوليه وحددي خايف
قربت منه ساره وحضنت وجهه بيدينها- انت من زمان تستعد لهالمشروع لا تخاف انت قده وبعدين انا معك لو احتجتني بتلقاني على طول جنبك

حس تركي خف توتره شوي وحاوطت يدينه خصرها- ياسعدي فيك
ضحكت ساره بخفه وقربت منه باست خده وكانت بتتكلم بس قطع عليهم صوت طق الباب
وابتعدت عن تركي (اللي كان واقف متخدر من تأثير بوستها المفاجئه)

دخل محمد- يلا يامهندسين جاء وقت الاجتماع
ناظرت ساره تركي بتشجيع- يلا
هز تركي راسه بتاكيد وطلعوا مع بعض
ومسكت ساره يده
تفاجئ تركي (اليوم ناويه عليه قبل شوي باسته والحين تمسك يده) شد على يدها وهو يحس بالراحة تتسلل له
واول ماوصلوا عند غرفة الاجتماعات تركت يده